| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. ж̇амб̣укаад̣̇агасам̣яуд̇д̇ам̣
4. Jambukhādakasaṃyuttaṃ
1. ниб̣б̣аанабан̃хаасуд̇д̇аван̣н̣анаа
1. Nibbānapañhāsuttavaṇṇanā
314. ж̇амб̣укаад̣̇агасам̣яуд̇д̇з ж̇амб̣укаад̣̇аго бариб̣б̣ааж̇агод̇и звам̣наамо т̇зрасса бхааг̇инзяяо чаннабариб̣б̣ааж̇аго. яо ко аавусо рааг̇агкаяод̇и ниб̣б̣аанам̣ ааг̇амма рааг̇о кийяад̇и, д̇асмаа ниб̣б̣аанам̣ рааг̇агкаяод̇и вужжад̇и. д̣̇осамохагкаязсуби зсзва наяо.
314. Jambukhādakasaṃyutte jambukhādako paribbājakoti evaṃnāmo therassa bhāgineyyo channaparibbājako. Yo kho āvuso rāgakkhayoti nibbānaṃ āgamma rāgo khīyati, tasmā nibbānaṃ rāgakkhayoti vuccati. Dosamohakkhayesupi eseva nayo.
яо бана иминаава суд̇д̇зна гилзсагкаяамад̇д̇ам̣ ниб̣б̣аананд̇и вад̣̇зяяа, со вад̇д̇аб̣б̣о ‘‘гасса гилзсаанам̣ каяо, гим̣ ад̇д̇ано, уд̣̇ааху барзса’’нд̇и? ад̣̇д̇хаа ‘‘ад̇д̇ано’’д̇и вагкад̇и. д̇ад̇о бужчид̇аб̣б̣о ‘‘г̇од̇рабхун̃аан̣асса гим̣ аарамман̣а’’нд̇и? ж̇аанамаано ‘‘ниб̣б̣аана’’нд̇и вагкад̇и. гим̣ бана г̇од̇рабхун̃аан̣агкан̣з гилзсаа кийн̣аа кийяанд̇и кийяиссанд̇ийд̇и? ‘‘кийн̣аа’’д̇и ваа ‘‘кийяанд̇ий’’д̇и ваа на вад̇д̇аб̣б̣аа, ‘‘кийяиссанд̇ий’’д̇и бана вад̇д̇аб̣б̣аад̇и. гим̣ бана д̇зсу акийн̣зсуязва гилзсзсу г̇од̇рабхун̃аан̣ам̣ гилзсагкаяам̣ аарамман̣ам̣ гарод̇ийд̇и? ад̣̇д̇хаа звам̣ вуд̇д̇з нируд̇д̇аро бхависсад̇и.
Yo pana imināva suttena kilesakkhayamattaṃ nibbānanti vadeyya, so vattabbo ‘‘kassa kilesānaṃ khayo, kiṃ attano, udāhu paresa’’nti? Addhā ‘‘attano’’ti vakkhati. Tato pucchitabbo ‘‘gotrabhuñāṇassa kiṃ ārammaṇa’’nti? Jānamāno ‘‘nibbāna’’nti vakkhati. Kiṃ pana gotrabhuñāṇakkhaṇe kilesā khīṇā khīyanti khīyissantīti? ‘‘Khīṇā’’ti vā ‘‘khīyantī’’ti vā na vattabbā, ‘‘khīyissantī’’ti pana vattabbāti. Kiṃ pana tesu akhīṇesuyeva kilesesu gotrabhuñāṇaṃ kilesakkhayaṃ ārammaṇaṃ karotīti? Addhā evaṃ vutte niruttaro bhavissati.
маг̇г̇ан̃аан̣знааби жзд̇ам̣ яож̇зд̇аб̣б̣ам̣. маг̇г̇агкан̣зби хи гилзсаа ‘‘кийн̣аа’’д̇и ваа ‘‘кийяиссанд̇ий’’д̇и ваа на вад̇д̇аб̣б̣аа, ‘‘кийяанд̇ий’’д̇и бана вад̇д̇аб̣б̣аа, на жа акийн̣зсуязва гилзсзсу гилзсагкаяо аарамман̣ам̣ ход̇и, д̇асмаа самбадижчид̇аб̣б̣амзд̇ам̣. яам̣ ааг̇амма рааг̇аад̣̇аяо кийяанд̇и, д̇ам̣ ниб̣б̣аанам̣. д̇ам̣ банзд̇ам̣ ‘‘руубино д̇хаммаа аруубино д̇хаммаа’’д̇иаад̣̇ийсу (д̇ха. са. д̣̇угамаад̇игаа 11) д̣̇угзсу аруубино д̇хаммаад̇и сан̇г̇ахид̇ад̇д̇аа на гилзсагкаяамад̇д̇амзваад̇и.
Maggañāṇenāpi cetaṃ yojetabbaṃ. Maggakkhaṇepi hi kilesā ‘‘khīṇā’’ti vā ‘‘khīyissantī’’ti vā na vattabbā, ‘‘khīyantī’’ti pana vattabbā, na ca akhīṇesuyeva kilesesu kilesakkhayo ārammaṇaṃ hoti, tasmā sampaṭicchitabbametaṃ. Yaṃ āgamma rāgādayo khīyanti, taṃ nibbānaṃ. Taṃ panetaṃ ‘‘rūpino dhammā arūpino dhammā’’tiādīsu (dha. sa. dukamātikā 11) dukesu arūpino dhammāti saṅgahitattā na kilesakkhayamattamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ниб̣б̣аанабан̃хаасуд̇д̇ам̣ • 1. Nibbānapañhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ниб̣б̣аанабан̃хасуд̇д̇аван̣н̣анаа • 1. Nibbānapañhasuttavaṇṇanā
