| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. ж̇амб̣укаад̣̇агасам̣яуд̇д̇ам̣
4. Jambukhādakasaṃyuttaṃ
1. ниб̣б̣аанабан̃хасуд̇д̇аван̣н̣анаа
1. Nibbānapañhasuttavaṇṇanā
314. ниб̣б̣аанам̣ ааг̇аммаад̇и зд̇т̇а ааг̇аммаад̇и саб̣б̣асан̇каарзхи ниб̣б̣иннасса висан̇каараниннасса г̇од̇рабхунаа виваддид̇амаанасасса маг̇г̇зна сажчигаран̣знаад̇и ад̇т̇о. сажчигирияамаанан̃хи д̇ам̣ ад̇хиг̇анд̇ваа аарамман̣абажжаяабхууд̇ан̃жа бадижжа ад̇хибад̇ибажжаяабхууд̇з жа д̇асмим̣ барамассаасабхаавзна вимуд̇д̇асан̇каарасса барамаг̇ад̇ибхаавзна жа бад̇идтаанабхууд̇з бад̇идтааяа каяасан̇каад̇о маг̇г̇о рааг̇аад̣̇игз кзбзд̇ийд̇и д̇ам̣сажчигаран̣аабхаавз рааг̇аад̣̇ийнам̣ ануббад̇д̇инирод̇хаг̇аманаабхаавад̇о ‘‘ниб̣б̣аанам̣ ааг̇амма рааг̇о кийяад̇ий’’д̇и вуд̇д̇ам̣.
314.Nibbānaṃāgammāti ettha āgammāti sabbasaṅkhārehi nibbinnassa visaṅkhāraninnassa gotrabhunā vivaṭṭitamānasassa maggena sacchikaraṇenāti attho. Sacchikiriyamānañhi taṃ adhigantvā ārammaṇapaccayabhūtañca paṭicca adhipatipaccayabhūte ca tasmiṃ paramassāsabhāvena vimuttasaṅkhārassa paramagatibhāvena ca patiṭṭhānabhūte patiṭṭhāya khayasaṅkhāto maggo rāgādike khepetīti taṃsacchikaraṇābhāve rāgādīnaṃ anuppattinirodhagamanābhāvato ‘‘nibbānaṃ āgamma rāgo khīyatī’’ti vuttaṃ.
иминаава суд̇д̇знаад̇и иминаава ж̇амб̣укаад̣̇агасуд̇д̇зна. гилзсагкаяамад̇д̇ам̣ ниб̣б̣аананд̇и вад̣̇зяяа ‘‘рааг̇агкаяо’’д̇иаад̣̇инаа суд̇д̇з ааг̇ад̇ад̇д̇аа. ‘‘гилзсагкаяамад̇д̇а’’нд̇и ависзсзна вуд̇д̇ад̇д̇аа ааха ‘‘гассаа’’д̇иаад̣̇и. ад̣̇д̇хаа ад̇д̇анод̇и вагкад̇и ‘‘барасса гилзсагкаязна барасса ниб̣б̣аанасамбад̇д̇и на яуд̇д̇аа’’д̇и. ниб̣б̣аанаарамман̣агаран̣зна г̇од̇рабхугкан̣з гилзсагкаяаббад̇д̇ид̇аа жа аабаннаад̇и ааха – ‘‘гим̣ бана д̇зсу акийн̣зсуязваа’’д̇иаад̣̇и. нану аарамман̣агаран̣амад̇д̇зна гилзсагкаяо ануббад̇д̇од̇и на саггаа вад̇д̇ум̣. жид̇д̇ан̃хи ад̇ийд̇аанааг̇ад̇аад̣̇исаб̣б̣ам̣ ааламб̣анам̣ гарод̇и, на нибпаннамзваад̇и. г̇од̇рабхууби маг̇г̇зна яаа гилзсаанам̣ ануббад̇д̇ид̇хаммад̇аа гаад̇аб̣б̣аа, д̇ам̣ аараб̣бха бавад̇д̇иссад̇ийд̇и? на, аббад̇д̇аниб̣б̣аанасса ниб̣б̣аанаарамман̣ан̃аан̣аабхаавад̇о. на хи ан̃н̃з д̇хаммаа вияа ниб̣б̣аанам̣, д̇ам̣ бана ад̇иг̇амбхийрад̇д̇аа аббад̇д̇зна ааламб̣ид̇ум̣ на саггаа, д̇асмаа д̇зна г̇од̇рабхунаа бад̇д̇аб̣б̣зна д̇игаалигасабхааваад̇игганд̇аг̇амбхийрабхаавзна бхавид̇аб̣б̣ам̣, гилзсагкаяамад̇д̇ад̇ам̣ ваа ижчад̇о г̇од̇рабхуд̇о бурзд̇арам̣ нибпаннзна гилзсагкаязна бхавид̇аб̣б̣ам̣. аббад̇д̇агилзсагкаяаарамман̣агаран̣з хи сад̇и г̇од̇рабхуд̇о бурзд̇аражид̇д̇ааниби ааламб̣зяяунд̇и.
Imināva suttenāti imināva jambukhādakasuttena. Kilesakkhayamattaṃ nibbānanti vadeyya ‘‘rāgakkhayo’’tiādinā sutte āgatattā. ‘‘Kilesakkhayamatta’’nti avisesena vuttattā āha ‘‘kassā’’tiādi. Addhā attanoti vakkhati ‘‘parassa kilesakkhayena parassa nibbānasampatti na yuttā’’ti. Nibbānārammaṇakaraṇena gotrabhukkhaṇe kilesakkhayappattitā ca āpannāti āha – ‘‘kiṃ pana tesu akhīṇesuyevā’’tiādi. Nanu ārammaṇakaraṇamattena kilesakkhayo anuppattoti na sakkā vattuṃ. Cittañhi atītānāgatādisabbaṃ ālambanaṃ karoti, na nipphannamevāti. Gotrabhūpi maggena yā kilesānaṃ anuppattidhammatā kātabbā, taṃ ārabbha pavattissatīti? Na, appattanibbānassa nibbānārammaṇañāṇābhāvato. Na hi aññe dhammā viya nibbānaṃ, taṃ pana atigambhīrattā appattena ālambituṃ na sakkā, tasmā tena gotrabhunā pattabbena tikālikasabhāvātikkantagambhīrabhāvena bhavitabbaṃ, kilesakkhayamattataṃ vā icchato gotrabhuto puretaraṃ nipphannena kilesakkhayena bhavitabbaṃ. Appattakilesakkhayārammaṇakaraṇe hi sati gotrabhuto puretaracittānipi ālambeyyunti.
д̇асмаад̇иаад̣̇и вуд̇д̇ассзва ад̇т̇асса ниг̇аманам̣. д̇ам̣ банзд̇ам̣ ниб̣б̣аанам̣. руубино д̇хаммаа аруубино д̇хаммаад̇иаад̣̇ийсууд̇и аад̣̇исад̣̇д̣̇зна логуд̇д̇араанаасаваад̣̇ийнам̣ сан̇г̇ахо д̣̇адтаб̣б̣о. аруубад̇хаммаад̣̇ибхааваг̇г̇ахан̣зна жасса баринибпаннад̇аа д̣̇ийбид̇аа. д̇знааха ‘‘на гилзсагкаяамад̇д̇амзваа’’д̇и. гилзсагкаяамад̇д̇ад̇ааяа хи сад̇и ниб̣б̣аанасса б̣ахуд̇аа аабаж̇ж̇ад̇и ‘‘яад̇д̇агаа гилзсаа кийяанд̇и, д̇ад̇д̇агаани ниб̣б̣аанааний’’д̇и. абхаавассабхаавад̇о г̇амбхийраад̣̇ибхааво асан̇кад̇аад̣̇ибхааво жа на сияаа, вуд̇д̇о жа со ниб̣б̣аанасса, д̇асмаасса бажжзд̇аб̣б̣о баринибпаннабхааво. яасмаа жа саммуд̇исажжаарамман̣ам̣ сан̇кад̇ад̇хаммаарамман̣ам̣ ваа самужчзд̣̇авасзна гилзсз баж̇ахид̇ум̣ на саггод̇и, яад̇о махаг̇г̇ад̇ан̃аан̣ам̣ вибассанаан̃аан̣ам̣ ваа гилзсавигкамбханавасзна д̇ад̣̇ан̇г̇авасзна ваа баж̇ахад̇и, д̇асмаа арияамаг̇г̇ан̃аан̣асса саммуд̇исажжасан̇кад̇ад̇хаммаарамман̣зхи вибарийд̇асабхаавзна аарамман̣зна бхавид̇аб̣б̣ам̣. д̇ат̇аа хи д̇ам̣ самужчзд̣̇авасзна гилзсз баж̇ахийд̇и звам̣ баринибпаннаасан̇кад̇асабхаавам̣ ниб̣б̣аананд̇и нидтамзд̇т̇а г̇анд̇аб̣б̣анд̇и.
Tasmātiādi vuttasseva atthassa nigamanaṃ. Taṃ panetaṃ nibbānaṃ. Rūpino dhammā arūpino dhammātiādīsūti ādisaddena lokuttaraanāsavādīnaṃ saṅgaho daṭṭhabbo. Arūpadhammādibhāvaggahaṇena cassa parinipphannatā dīpitā. Tenāha ‘‘na kilesakkhayamattamevā’’ti. Kilesakkhayamattatāya hi sati nibbānassa bahutā āpajjati ‘‘yattakā kilesā khīyanti, tattakāni nibbānānī’’ti. Abhāvassabhāvato gambhīrādibhāvo asaṅkhatādibhāvo ca na siyā, vutto ca so nibbānassa, tasmāssa paccetabbo parinipphannabhāvo. Yasmā ca sammutisaccārammaṇaṃ saṅkhatadhammārammaṇaṃ vā samucchedavasena kilese pajahituṃ na sakkoti, yato mahaggatañāṇaṃ vipassanāñāṇaṃ vā kilesavikkhambhanavasena tadaṅgavasena vā pajahati, tasmā ariyamaggañāṇassa sammutisaccasaṅkhatadhammārammaṇehi viparītasabhāvena ārammaṇena bhavitabbaṃ. Tathā hi taṃ samucchedavasena kilese pajahīti evaṃ parinipphannāsaṅkhatasabhāvaṃ nibbānanti niṭṭhamettha gantabbanti.
ниб̣б̣аанабан̃хасуд̇д̇аван̣н̣анаа нидтид̇аа.
Nibbānapañhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ниб̣б̣аанабан̃хаасуд̇д̇ам̣ • 1. Nibbānapañhāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. ниб̣б̣аанабан̃хаасуд̇д̇аван̣н̣анаа • 1. Nibbānapañhāsuttavaṇṇanā
