| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
12. ниб̣б̣аанасаннихид̇абан̃хо
12. Nibbānasannihitapañho
12. ‘‘бханд̇з нааг̇асзна, ад̇т̇и со бад̣̇зсо бурад̇т̇имааяа ваа д̣̇исааяа д̣̇агкин̣ааяа ваа д̣̇исааяа бажчимааяа ваа д̣̇исааяа уд̇д̇арааяа ваа д̣̇исааяа уд̣̇д̇хам̣ ваа ад̇хо ваа д̇ирияам̣ ваа, яад̇т̇а ниб̣б̣аанам̣ саннихид̇а’’нд̇и? ‘‘над̇т̇и, махаарааж̇а, со бад̣̇зсо бурад̇т̇имааяа ваа д̣̇исааяа д̣̇агкин̣ааяа ваа д̣̇исааяа бажчимааяа ваа д̣̇исааяа уд̇д̇арааяа ваа д̣̇исааяа уд̣̇д̇хам̣ ваа ад̇хо ваа д̇ирияам̣ ваа, яад̇т̇а ниб̣б̣аанам̣ саннихид̇а’’нд̇и.
12. ‘‘Bhante nāgasena, atthi so padeso puratthimāya vā disāya dakkhiṇāya vā disāya pacchimāya vā disāya uttarāya vā disāya uddhaṃ vā adho vā tiriyaṃ vā, yattha nibbānaṃ sannihita’’nti? ‘‘Natthi, mahārāja, so padeso puratthimāya vā disāya dakkhiṇāya vā disāya pacchimāya vā disāya uttarāya vā disāya uddhaṃ vā adho vā tiriyaṃ vā, yattha nibbānaṃ sannihita’’nti.
‘‘яад̣̇и, бханд̇з нааг̇асзна, над̇т̇и ниб̣б̣аанасса саннихид̇огаасо, д̇зна хи над̇т̇и ниб̣б̣аанам̣? язсан̃жа д̇ам̣ ниб̣б̣аанам̣ сажчигад̇ам̣, д̇зсамби сажчигирияаа мижчаа, гааран̣ам̣ д̇ад̇т̇а вагкаами, яат̇аа, бханд̇з нааг̇асзна, махияаа д̇хан̃н̃удтаанам̣ кзд̇д̇ам̣ ад̇т̇и, г̇анд̇худтаанам̣ бубпам̣ ад̇т̇и, бубпудтаанам̣ г̇умб̣о ад̇т̇и, палудтаанам̣ ругко ад̇т̇и, рад̇анудтаанам̣ аагаро ад̇т̇и, д̇ад̇т̇а яо гожи яам̣ яам̣ ижчад̇и, со д̇ад̇т̇а г̇анд̇ваа д̇ам̣ д̇ам̣ харад̇и, звамзва ко, бханд̇з нааг̇асзна, яад̣̇и ниб̣б̣аанам̣ ад̇т̇и, д̇асса ниб̣б̣аанасса удтааногаасоби ижчид̇аб̣б̣о, яасмаа жа ко, бханд̇з нааг̇асзна, ниб̣б̣аанасса удтааногаасо над̇т̇и, д̇асмаа над̇т̇и ниб̣б̣аананд̇и б̣рууми, язсан̃жа ниб̣б̣аанам̣ сажчигад̇ам̣, д̇зсамби сажчигирияаа мижчаа’’д̇и.
‘‘Yadi, bhante nāgasena, natthi nibbānassa sannihitokāso, tena hi natthi nibbānaṃ? Yesañca taṃ nibbānaṃ sacchikataṃ, tesampi sacchikiriyā micchā, kāraṇaṃ tattha vakkhāmi, yathā, bhante nāgasena, mahiyā dhaññuṭṭhānaṃ khettaṃ atthi, gandhuṭṭhānaṃ pupphaṃ atthi, pupphuṭṭhānaṃ gumbo atthi, phaluṭṭhānaṃ rukkho atthi, ratanuṭṭhānaṃ ākaro atthi, tattha yo koci yaṃ yaṃ icchati, so tattha gantvā taṃ taṃ harati, evameva kho, bhante nāgasena, yadi nibbānaṃ atthi, tassa nibbānassa uṭṭhānokāsopi icchitabbo, yasmā ca kho, bhante nāgasena, nibbānassa uṭṭhānokāso natthi, tasmā natthi nibbānanti brūmi, yesañca nibbānaṃ sacchikataṃ, tesampi sacchikiriyā micchā’’ti.
‘‘над̇т̇и , махаарааж̇а, ниб̣б̣аанасса саннихид̇огаасо, ад̇т̇и жзд̇ам̣ ниб̣б̣аанам̣, саммаабадибанно яонисо манасигаарзна ниб̣б̣аанам̣ сажчигарод̇и. яат̇аа бана, махаарааж̇а, ад̇т̇и аг̇г̇и наама, над̇т̇и д̇асса саннихид̇огаасо, д̣̇вз гадтаани сан̇гхаддзнд̇о аг̇г̇им̣ ад̇хиг̇ажчад̇и. звамзва ко, махаарааж̇а, ад̇т̇и ниб̣б̣аанам̣, над̇т̇и д̇асса саннихид̇огаасо, саммаабадибанно яонисо манасигаарзна ниб̣б̣аанам̣ сажчигарод̇и.
‘‘Natthi , mahārāja, nibbānassa sannihitokāso, atthi cetaṃ nibbānaṃ, sammāpaṭipanno yoniso manasikārena nibbānaṃ sacchikaroti. Yathā pana, mahārāja, atthi aggi nāma, natthi tassa sannihitokāso, dve kaṭṭhāni saṅghaṭṭento aggiṃ adhigacchati. Evameva kho, mahārāja, atthi nibbānaṃ, natthi tassa sannihitokāso, sammāpaṭipanno yoniso manasikārena nibbānaṃ sacchikaroti.
‘‘яат̇аа ваа бана, махаарааж̇а, ад̇т̇и сад̇д̇а рад̇анаани наама. сзяяат̇ид̣̇ам̣, жаггарад̇анам̣ хад̇т̇ирад̇анам̣ ассарад̇анам̣ ман̣ирад̇анам̣ ид̇т̇ирад̇анам̣ г̇ахабад̇ирад̇анам̣ барин̣ааяагарад̇анам̣. на жа д̇зсам̣ рад̇анаанам̣ саннихид̇огаасо ад̇т̇и, кад̇д̇ияасса бана саммаабадибаннасса бадибад̇д̇иб̣алзна д̇аани рад̇анаани убаг̇ажчанд̇и. звамзва ко, махаарааж̇а, ад̇т̇и ниб̣б̣аанам̣, над̇т̇и д̇асса саннихид̇огаасо, саммаабадибанно яонисо манасигаарзна ниб̣б̣аанам̣ сажчигарод̇ий’’д̇и.
‘‘Yathā vā pana, mahārāja, atthi satta ratanāni nāma. Seyyathidaṃ, cakkaratanaṃ hatthiratanaṃ assaratanaṃ maṇiratanaṃ itthiratanaṃ gahapatiratanaṃ pariṇāyakaratanaṃ. Na ca tesaṃ ratanānaṃ sannihitokāso atthi, khattiyassa pana sammāpaṭipannassa paṭipattibalena tāni ratanāni upagacchanti. Evameva kho, mahārāja, atthi nibbānaṃ, natthi tassa sannihitokāso, sammāpaṭipanno yoniso manasikārena nibbānaṃ sacchikarotī’’ti.
‘‘бханд̇з нааг̇асзна, ниб̣б̣аанасса саннихид̇огаасо маа ход̇у, ад̇т̇и бана д̇ам̣ таанам̣, яад̇т̇а тид̇о саммаабадибанно ниб̣б̣аанам̣ сажчигарод̇ий’’д̇и? ‘‘аама, махаарааж̇а , ад̇т̇и д̇ам̣ таанам̣, яад̇т̇а тид̇о саммаабадибанно ниб̣б̣аанам̣ сажчигарод̇ий’’д̇и.
‘‘Bhante nāgasena, nibbānassa sannihitokāso mā hotu, atthi pana taṃ ṭhānaṃ, yattha ṭhito sammāpaṭipanno nibbānaṃ sacchikarotī’’ti? ‘‘Āma, mahārāja , atthi taṃ ṭhānaṃ, yattha ṭhito sammāpaṭipanno nibbānaṃ sacchikarotī’’ti.
‘‘гад̇амам̣ бана, бханд̇з, д̇ам̣ таанам̣, яад̇т̇а тид̇о саммаабадибанно ниб̣б̣аанам̣ сажчигарод̇ий’’д̇и? ‘‘сийлам̣, махаарааж̇а, таанам̣, сийлз бад̇идтид̇о яонисо манасигаронд̇о саггаяаванзби жийнавилаад̇зби аласанд̣̇зби ниг̇умб̣зби 1 гаасигосалзби гасмийрзби г̇анд̇хаарзби наг̇амуд̣̇д̇ханиби б̣рахмалогзби яад̇т̇а гад̇т̇ажиби тид̇о саммаабадибанно ниб̣б̣аанам̣ сажчигарод̇и. яат̇аа, махаарааж̇а, яо гожи жагкумаа бурисо сагаяаванзби жийнавилаад̇зби аласанд̣̇зби ниг̇умб̣зби гаасигосалзби гасмийрзби г̇анд̇хаарзби наг̇амуд̣̇д̇ханиби б̣рахмалогзби яад̇т̇а гад̇т̇ажиби тид̇о аагаасам̣ бассад̇и, звамзва ко, махаарааж̇а, сийлз бад̇идтид̇о яонисо манасигаронд̇о сагаяаванзби…бз… яад̇т̇а гад̇т̇ажиби тид̇о саммаабадибанно ниб̣б̣аанам̣ сажчигарод̇и.
‘‘Katamaṃ pana, bhante, taṃ ṭhānaṃ, yattha ṭhito sammāpaṭipanno nibbānaṃ sacchikarotī’’ti? ‘‘Sīlaṃ, mahārāja, ṭhānaṃ, sīle patiṭṭhito yoniso manasikaronto sakkayavanepi cīnavilātepi alasandepi nigumbepi 2 kāsikosalepi kasmīrepi gandhārepi nagamuddhanipi brahmalokepi yattha katthacipi ṭhito sammāpaṭipanno nibbānaṃ sacchikaroti. Yathā, mahārāja, yo koci cakkhumā puriso sakayavanepi cīnavilātepi alasandepi nigumbepi kāsikosalepi kasmīrepi gandhārepi nagamuddhanipi brahmalokepi yattha katthacipi ṭhito ākāsaṃ passati, evameva kho, mahārāja, sīle patiṭṭhito yoniso manasikaronto sakayavanepi…pe… yattha katthacipi ṭhito sammāpaṭipanno nibbānaṃ sacchikaroti.
‘‘яат̇аа ваа бана, махаарааж̇а, сагаяаванзби…бз… яад̇т̇а гад̇т̇ажиби тид̇асса буб̣б̣ад̣̇исаа ад̇т̇и, звамзва ко, махаарааж̇а, сийлз бад̇идтид̇асса яонисо манасигаронд̇асса саггаяаванзби…бз… яад̇т̇а гад̇т̇ажиби тид̇асса саммаабадибаннасса ад̇т̇и ниб̣б̣аанасажчигирияаа’’д̇и. ‘‘саад̇ху, бханд̇з нааг̇асзна, д̣̇зсид̇ам̣ д̇аяаа ниб̣б̣аанам̣, д̣̇зсид̇аа ниб̣б̣аанасажчигирияаа, баригкад̇аа сийлаг̇ун̣аа, д̣̇ассид̇аа саммаабадибад̇д̇и, уссаабид̇о д̇хаммад̣̇д̇хаж̇о, сан̣табид̇аа д̇хамманзд̇д̇и, аван̃жхо суббаяуд̇д̇аанам̣ саммаабаяог̇о, звамзд̇ам̣ г̇ан̣иварабавара д̇ат̇аа самбадижчаамий’’д̇и.
‘‘Yathā vā pana, mahārāja, sakayavanepi…pe… yattha katthacipi ṭhitassa pubbadisā atthi, evameva kho, mahārāja, sīle patiṭṭhitassa yoniso manasikarontassa sakkayavanepi…pe… yattha katthacipi ṭhitassa sammāpaṭipannassa atthi nibbānasacchikiriyā’’ti. ‘‘Sādhu, bhante nāgasena, desitaṃ tayā nibbānaṃ, desitā nibbānasacchikiriyā, parikkhatā sīlaguṇā, dassitā sammāpaṭipatti, ussāpito dhammaddhajo, saṇṭhapitā dhammanetti, avañjho suppayuttānaṃ sammāpayogo, evametaṃ gaṇivarapavara tathā sampaṭicchāmī’’ti.
ниб̣б̣аанасаннихид̇абан̃хо д̣̇ваад̣̇асамо.
Nibbānasannihitapañho dvādasamo.
взссанд̇араваг̇г̇о д̇ад̇ияо.
Vessantaravaggo tatiyo.
имасмим̣ ваг̇г̇з д̣̇ваад̣̇аса бан̃хаа.
Imasmiṃ vagge dvādasa pañhā.
Footnotes:
