| Library / Tipiṭaka / ติปิฎก • Tipiṭaka / มิลินฺทปญฺหปาฬิ • Milindapañhapāḷi |
๑๐. นิพฺพานสุขชานนปโญฺห
10. Nibbānasukhajānanapañho
๑๐. ราชา อาห ‘‘ภเนฺต นาคเสน, โย น ลภติ นิพฺพานํ, ชานาติ โส ‘สุขํ นิพฺพาน’’’นฺติ? ‘‘อาม, มหาราช, โย น ลภติ นิพฺพานํ, ชานาติ โส ‘สุขํ นิพฺพาน’’’นฺติฯ ‘‘กถํ, ภเนฺต นาคเสน, อลภโนฺต ชานาติ ‘สุขํ นิพฺพาน’’’นฺติ? ‘‘ตํ กิํ มญฺญสิ, มหาราช, เยสํ นจฺฉินฺนา หตฺถปาทา , ชาเนยฺยุํ เต, มหาราช, ‘ทุกฺขํ หตฺถปาทเจฺฉทน’’’นฺติ? ‘‘อาม, ภเนฺต, ชาเนยฺยุ’’นฺติฯ ‘‘กถํ ชาเนยฺยุ’’นฺติ? ‘‘อเญฺญสํ, ภเนฺต, ฉินฺนหตฺถปาทานํ ปริเทวิตสทฺทํ สุตฺวา ชานนฺติ ‘ทุกฺขํ หตฺถปาทเจฺฉทน’’’นฺติ ฯ ‘‘เอวเมว โข, มหาราช, เยสํ ทิฎฺฐํ นิพฺพานํ, เตสํ สทฺทํ สุตฺวา ชานาติ ‘สุขํ นิพฺพาน’’’นฺติฯ
10. Rājā āha ‘‘bhante nāgasena, yo na labhati nibbānaṃ, jānāti so ‘sukhaṃ nibbāna’’’nti? ‘‘Āma, mahārāja, yo na labhati nibbānaṃ, jānāti so ‘sukhaṃ nibbāna’’’nti. ‘‘Kathaṃ, bhante nāgasena, alabhanto jānāti ‘sukhaṃ nibbāna’’’nti? ‘‘Taṃ kiṃ maññasi, mahārāja, yesaṃ nacchinnā hatthapādā , jāneyyuṃ te, mahārāja, ‘dukkhaṃ hatthapādacchedana’’’nti? ‘‘Āma, bhante, jāneyyu’’nti. ‘‘Kathaṃ jāneyyu’’nti? ‘‘Aññesaṃ, bhante, chinnahatthapādānaṃ paridevitasaddaṃ sutvā jānanti ‘dukkhaṃ hatthapādacchedana’’’nti . ‘‘Evameva kho, mahārāja, yesaṃ diṭṭhaṃ nibbānaṃ, tesaṃ saddaṃ sutvā jānāti ‘sukhaṃ nibbāna’’’nti.
‘‘กโลฺลสิ, ภเนฺต นาคเสนา’’ติฯ
‘‘Kallosi, bhante nāgasenā’’ti.
นิพฺพานสุขชานนปโญฺห ทสโมฯ
Nibbānasukhajānanapañho dasamo.
นิพฺพานวโคฺค จตุโตฺถฯ
Nibbānavaggo catuttho.
อิมสฺมิํ วเคฺค ทส ปญฺหาฯ
Imasmiṃ vagge dasa pañhā.
