| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੧੦. ਨਿਬ੍ਬਾਨਸੁਖਜਾਨਨਪਞ੍ਹੋ
10. Nibbānasukhajānanapañho
੧੦. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਯੋ ਨ ਲਭਤਿ ਨਿਬ੍ਬਾਨਂ, ਜਾਨਾਤਿ ਸੋ ‘ਸੁਖਂ ਨਿਬ੍ਬਾਨ’’’ਨ੍ਤਿ? ‘‘ਆਮ, ਮਹਾਰਾਜ, ਯੋ ਨ ਲਭਤਿ ਨਿਬ੍ਬਾਨਂ, ਜਾਨਾਤਿ ਸੋ ‘ਸੁਖਂ ਨਿਬ੍ਬਾਨ’’’ਨ੍ਤਿ। ‘‘ਕਥਂ, ਭਨ੍ਤੇ ਨਾਗਸੇਨ, ਅਲਭਨ੍ਤੋ ਜਾਨਾਤਿ ‘ਸੁਖਂ ਨਿਬ੍ਬਾਨ’’’ਨ੍ਤਿ? ‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਯੇਸਂ ਨਚ੍ਛਿਨ੍ਨਾ ਹਤ੍ਥਪਾਦਾ , ਜਾਨੇਯ੍ਯੁਂ ਤੇ, ਮਹਾਰਾਜ, ‘ਦੁਕ੍ਖਂ ਹਤ੍ਥਪਾਦਚ੍ਛੇਦਨ’’’ਨ੍ਤਿ? ‘‘ਆਮ, ਭਨ੍ਤੇ, ਜਾਨੇਯ੍ਯੁ’’ਨ੍ਤਿ। ‘‘ਕਥਂ ਜਾਨੇਯ੍ਯੁ’’ਨ੍ਤਿ? ‘‘ਅਞ੍ਞੇਸਂ, ਭਨ੍ਤੇ, ਛਿਨ੍ਨਹਤ੍ਥਪਾਦਾਨਂ ਪਰਿਦੇવਿਤਸਦ੍ਦਂ ਸੁਤ੍વਾ ਜਾਨਨ੍ਤਿ ‘ਦੁਕ੍ਖਂ ਹਤ੍ਥਪਾਦਚ੍ਛੇਦਨ’’’ਨ੍ਤਿ । ‘‘ਏવਮੇવ ਖੋ, ਮਹਾਰਾਜ, ਯੇਸਂ ਦਿਟ੍ਠਂ ਨਿਬ੍ਬਾਨਂ, ਤੇਸਂ ਸਦ੍ਦਂ ਸੁਤ੍વਾ ਜਾਨਾਤਿ ‘ਸੁਖਂ ਨਿਬ੍ਬਾਨ’’’ਨ੍ਤਿ।
10. Rājā āha ‘‘bhante nāgasena, yo na labhati nibbānaṃ, jānāti so ‘sukhaṃ nibbāna’’’nti? ‘‘Āma, mahārāja, yo na labhati nibbānaṃ, jānāti so ‘sukhaṃ nibbāna’’’nti. ‘‘Kathaṃ, bhante nāgasena, alabhanto jānāti ‘sukhaṃ nibbāna’’’nti? ‘‘Taṃ kiṃ maññasi, mahārāja, yesaṃ nacchinnā hatthapādā , jāneyyuṃ te, mahārāja, ‘dukkhaṃ hatthapādacchedana’’’nti? ‘‘Āma, bhante, jāneyyu’’nti. ‘‘Kathaṃ jāneyyu’’nti? ‘‘Aññesaṃ, bhante, chinnahatthapādānaṃ paridevitasaddaṃ sutvā jānanti ‘dukkhaṃ hatthapādacchedana’’’nti . ‘‘Evameva kho, mahārāja, yesaṃ diṭṭhaṃ nibbānaṃ, tesaṃ saddaṃ sutvā jānāti ‘sukhaṃ nibbāna’’’nti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਨਿਬ੍ਬਾਨਸੁਖਜਾਨਨਪਞ੍ਹੋ ਦਸਮੋ।
Nibbānasukhajānanapañho dasamo.
ਨਿਬ੍ਬਾਨવਗ੍ਗੋ ਚਤੁਤ੍ਥੋ।
Nibbānavaggo catuttho.
ਇਮਸ੍ਮਿਂ વਗ੍ਗੇ ਦਸ ਪਞ੍ਹਾ।
Imasmiṃ vagge dasa pañhā.
