| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੩. ਨਿਬ੍ਬਾਨਸੁਖਸੁਤ੍ਤਂ
3. Nibbānasukhasuttaṃ
੩੪. ਏਕਂ ਸਮਯਂ ਆਯਸ੍ਮਾ ਸਾਰਿਪੁਤ੍ਤੋ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਤਤ੍ਰ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਿਕ੍ਖੂ ਆਮਨ੍ਤੇਸਿ – ‘‘ਸੁਖਮਿਦਂ, ਆવੁਸੋ, ਨਿਬ੍ਬਾਨਂ। ਸੁਖਮਿਦਂ , ਆવੁਸੋ, ਨਿਬ੍ਬਾਨ’’ਨ੍ਤਿ। ਏવਂ વੁਤ੍ਤੇ ਆਯਸ੍ਮਾ ਉਦਾਯੀ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਏਤਦવੋਚ – ‘‘ਕਿਂ ਪਨੇਤ੍ਥ, ਆવੁਸੋ ਸਾਰਿਪੁਤ੍ਤ, ਸੁਖਂ ਯਦੇਤ੍ਥ ਨਤ੍ਥਿ વੇਦਯਿਤ’’ਨ੍ਤਿ? ‘‘ਏਤਦੇવ ਖ੍વੇਤ੍ਥ, ਆવੁਸੋ, ਸੁਖਂ ਯਦੇਤ੍ਥ ਨਤ੍ਥਿ વੇਦਯਿਤਂ। ਪਞ੍ਚਿਮੇ, ਆવੁਸੋ, ਕਾਮਗੁਣਾ। ਕਤਮੇ ਪਞ੍ਚ? ਚਕ੍ਖੁવਿਞ੍ਞੇਯ੍ਯਾ ਰੂਪਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ, ਸੋਤવਿਞ੍ਞੇਯ੍ਯਾ ਸਦ੍ਦਾ…ਪੇ॰… ਘਾਨવਿਞ੍ਞੇਯ੍ਯਾ ਗਨ੍ਧਾ… ਜਿવ੍ਹਾવਿਞ੍ਞੇਯ੍ਯਾ ਰਸਾ… ਕਾਯવਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ – ਇਮੇ ਖੋ, ਆવੁਸੋ, ਪਞ੍ਚ ਕਾਮਗੁਣਾ। ਯਂ ਖੋ, ਆવੁਸੋ, ਇਮੇ ਪਞ੍ਚ ਕਾਮਗੁਣੇ ਪਟਿਚ੍ਚ ਉਪ੍ਪਜ੍ਜਤਿ ਸੁਖਂ ਸੋਮਨਸ੍ਸਂ, ਇਦਂ વੁਚ੍ਚਤਾવੁਸੋ, ਕਾਮਸੁਖਂ।
34. Ekaṃ samayaṃ āyasmā sāriputto rājagahe viharati veḷuvane kalandakanivāpe. Tatra kho āyasmā sāriputto bhikkhū āmantesi – ‘‘sukhamidaṃ, āvuso, nibbānaṃ. Sukhamidaṃ , āvuso, nibbāna’’nti. Evaṃ vutte āyasmā udāyī āyasmantaṃ sāriputtaṃ etadavoca – ‘‘kiṃ panettha, āvuso sāriputta, sukhaṃ yadettha natthi vedayita’’nti? ‘‘Etadeva khvettha, āvuso, sukhaṃ yadettha natthi vedayitaṃ. Pañcime, āvuso, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, āvuso, pañca kāmaguṇā. Yaṃ kho, āvuso, ime pañca kāmaguṇe paṭicca uppajjati sukhaṃ somanassaṃ, idaṃ vuccatāvuso, kāmasukhaṃ.
‘‘ਇਧਾવੁਸੋ, ਭਿਕ੍ਖੁ વਿવਿਚ੍ਚੇવ ਕਾਮੇਹਿ…ਪੇ॰… ਪਠਮਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਤਸ੍ਸ ਚੇ, ਆવੁਸੋ, ਭਿਕ੍ਖੁਨੋ ਇਮਿਨਾ વਿਹਾਰੇਨ વਿਹਰਤੋ ਕਾਮਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ, ਸ੍વਸ੍ਸ ਹੋਤਿ ਆਬਾਧੋ। ਸੇਯ੍ਯਥਾਪਿ, ਆવੁਸੋ, ਸੁਖਿਨੋ ਦੁਕ੍ਖਂ ਉਪ੍ਪਜ੍ਜੇਯ੍ਯ ਯਾવਦੇવ ਆਬਾਧਾਯ; ਏવਮੇવਸ੍ਸ ਤੇ ਕਾਮਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ। ਸ੍વਸ੍ਸ ਹੋਤਿ ਆਬਾਧੋ। ਯੋ ਖੋ ਪਨਾવੁਸੋ, ਆਬਾਧੋ ਦੁਕ੍ਖਮੇਤਂ વੁਤ੍ਤਂ ਭਗવਤਾ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨਂ।
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati. Tassa ce, āvuso, bhikkhuno iminā vihārena viharato kāmasahagatā saññāmanasikārā samudācaranti, svassa hoti ābādho. Seyyathāpi, āvuso, sukhino dukkhaṃ uppajjeyya yāvadeva ābādhāya; evamevassa te kāmasahagatā saññāmanasikārā samudācaranti. Svassa hoti ābādho. Yo kho panāvuso, ābādho dukkhametaṃ vuttaṃ bhagavatā. Imināpi kho etaṃ, āvuso, pariyāyena veditabbaṃ yathā sukhaṃ nibbānaṃ.
‘‘ਪੁਨ ਚਪਰਂ, ਆવੁਸੋ, ਭਿਕ੍ਖੁ વਿਤਕ੍ਕવਿਚਾਰਾਨਂ વੂਪਸਮਾ…ਪੇ॰… ਦੁਤਿਯਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਤਸ੍ਸ ਚੇ, ਆવੁਸੋ, ਭਿਕ੍ਖੁਨੋ ਇਮਿਨਾ વਿਹਾਰੇਨ વਿਹਰਤੋ વਿਤਕ੍ਕਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ, ਸ੍વਸ੍ਸ ਹੋਤਿ ਆਬਾਧੋ। ਸੇਯ੍ਯਥਾਪਿ, ਆવੁਸੋ, ਸੁਖਿਨੋ ਦੁਕ੍ਖਂ ਉਪ੍ਪਜ੍ਜੇਯ੍ਯ ਯਾવਦੇવ ਆਬਾਧਾਯ; ਏવਮੇવਸ੍ਸ ਤੇ વਿਤਕ੍ਕਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ । ਸ੍વਸ੍ਸ ਹੋਤਿ ਆਬਾਧੋ। ਯੋ ਖੋ ਪਨਾવੁਸੋ, ਆਬਾਧੋ ਦੁਕ੍ਖਮੇਤਂ વੁਤ੍ਤਂ ਭਗવਤਾ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨਂ।
‘‘Puna caparaṃ, āvuso, bhikkhu vitakkavicārānaṃ vūpasamā…pe… dutiyaṃ jhānaṃ upasampajja viharati. Tassa ce, āvuso, bhikkhuno iminā vihārena viharato vitakkasahagatā saññāmanasikārā samudācaranti, svassa hoti ābādho. Seyyathāpi, āvuso, sukhino dukkhaṃ uppajjeyya yāvadeva ābādhāya; evamevassa te vitakkasahagatā saññāmanasikārā samudācaranti . Svassa hoti ābādho. Yo kho panāvuso, ābādho dukkhametaṃ vuttaṃ bhagavatā. Imināpi kho etaṃ, āvuso, pariyāyena veditabbaṃ yathā sukhaṃ nibbānaṃ.
‘‘ਪੁਨ ਚਪਰਂ, ਆવੁਸੋ, ਭਿਕ੍ਖੁ ਪੀਤਿਯਾ ਚ વਿਰਾਗਾ…ਪੇ॰… ਤਤਿਯਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਤਸ੍ਸ ਚੇ, ਆવੁਸੋ, ਭਿਕ੍ਖੁਨੋ ਇਮਿਨਾ વਿਹਾਰੇਨ વਿਹਰਤੋ ਪੀਤਿਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ, ਸ੍વਸ੍ਸ ਹੋਤਿ ਆਬਾਧੋ। ਸੇਯ੍ਯਥਾਪਿ , ਆવੁਸੋ, ਸੁਖਿਨੋ ਦੁਕ੍ਖਂ ਉਪ੍ਪਜ੍ਜੇਯ੍ਯ ਯਾવਦੇવ ਆਬਾਧਾਯ; ਏવਮੇવਸ੍ਸ ਤੇ ਪੀਤਿਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ। ਸ੍વਸ੍ਸ ਹੋਤਿ ਆਬਾਧੋ। ਯੋ ਖੋ ਪਨਾવੁਸੋ, ਆਬਾਧੋ ਦੁਕ੍ਖਮੇਤਂ વੁਤ੍ਤਂ ਭਗવਤਾ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨਂ।
‘‘Puna caparaṃ, āvuso, bhikkhu pītiyā ca virāgā…pe… tatiyaṃ jhānaṃ upasampajja viharati. Tassa ce, āvuso, bhikkhuno iminā vihārena viharato pītisahagatā saññāmanasikārā samudācaranti, svassa hoti ābādho. Seyyathāpi , āvuso, sukhino dukkhaṃ uppajjeyya yāvadeva ābādhāya; evamevassa te pītisahagatā saññāmanasikārā samudācaranti. Svassa hoti ābādho. Yo kho panāvuso, ābādho dukkhametaṃ vuttaṃ bhagavatā. Imināpi kho etaṃ, āvuso, pariyāyena veditabbaṃ yathā sukhaṃ nibbānaṃ.
‘‘ਪੁਨ ਚਪਰਂ, ਆવੁਸੋ, ਭਿਕ੍ਖੁ ਸੁਖਸ੍ਸ ਚ ਪਹਾਨਾ…ਪੇ॰… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਤਸ੍ਸ ਚੇ, ਆવੁਸੋ, ਭਿਕ੍ਖੁਨੋ ਇਮਿਨਾ વਿਹਾਰੇਨ વਿਹਰਤੋ ਉਪੇਕ੍ਖਾਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ, ਸ੍વਸ੍ਸ ਹੋਤਿ ਆਬਾਧੋ। ਸੇਯ੍ਯਥਾਪਿ, ਆવੁਸੋ, ਸੁਖਿਨੋ ਦੁਕ੍ਖਂ ਉਪ੍ਪਜ੍ਜੇਯ੍ਯ ਯਾવਦੇવ ਆਬਾਧਾਯ; ਏવਮੇવਸ੍ਸ ਤੇ ਉਪੇਕ੍ਖਾਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ। ਸ੍વਸ੍ਸ ਹੋਤਿ ਆਬਾਧੋ। ਯੋ ਖੋ ਪਨਾવੁਸੋ, ਆਬਾਧੋ ਦੁਕ੍ਖਮੇਤਂ વੁਤ੍ਤਂ ਭਗવਤਾ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨਂ।
‘‘Puna caparaṃ, āvuso, bhikkhu sukhassa ca pahānā…pe… catutthaṃ jhānaṃ upasampajja viharati. Tassa ce, āvuso, bhikkhuno iminā vihārena viharato upekkhāsahagatā saññāmanasikārā samudācaranti, svassa hoti ābādho. Seyyathāpi, āvuso, sukhino dukkhaṃ uppajjeyya yāvadeva ābādhāya; evamevassa te upekkhāsahagatā saññāmanasikārā samudācaranti. Svassa hoti ābādho. Yo kho panāvuso, ābādho dukkhametaṃ vuttaṃ bhagavatā. Imināpi kho etaṃ, āvuso, pariyāyena veditabbaṃ yathā sukhaṃ nibbānaṃ.
‘‘ਪੁਨ ਚਪਰਂ, ਆવੁਸੋ, ਭਿਕ੍ਖੁ ਸਬ੍ਬਸੋ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ਅਮਨਸਿਕਾਰਾ ਅਨਨ੍ਤੋ ਆਕਾਸੋਤਿ ਆਕਾਸਾਨਞ੍ਚਾਯਤਨਂ ਉਪਸਮ੍ਪਜ੍ਜ વਿਹਰਤਿ। ਤਸ੍ਸ ਚੇ, ਆવੁਸੋ, ਭਿਕ੍ਖੁਨੋ ਇਮਿਨਾ વਿਹਾਰੇਨ વਿਹਰਤੋ ਰੂਪਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ, ਸ੍વਸ੍ਸ ਹੋਤਿ ਆਬਾਧੋ। ਸੇਯ੍ਯਥਾਪਿ, ਆવੁਸੋ, ਸੁਖਿਨੋ ਦੁਕ੍ਖਂ ਉਪ੍ਪਜ੍ਜੇਯ੍ਯ ਯਾવਦੇવ ਆਬਾਧਾਯ; ਏવਮੇવਸ੍ਸ ਤੇ ਰੂਪਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ । ਸ੍વਸ੍ਸ ਹੋਤਿ ਆਬਾਧੋ। ਯੋ ਖੋ ਪਨਾવੁਸੋ, ਆਬਾਧੋ ਦੁਕ੍ਖਮੇਤਂ વੁਤ੍ਤਂ ਭਗવਤਾ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨਂ।
‘‘Puna caparaṃ, āvuso, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ananto ākāsoti ākāsānañcāyatanaṃ upasampajja viharati. Tassa ce, āvuso, bhikkhuno iminā vihārena viharato rūpasahagatā saññāmanasikārā samudācaranti, svassa hoti ābādho. Seyyathāpi, āvuso, sukhino dukkhaṃ uppajjeyya yāvadeva ābādhāya; evamevassa te rūpasahagatā saññāmanasikārā samudācaranti . Svassa hoti ābādho. Yo kho panāvuso, ābādho dukkhametaṃ vuttaṃ bhagavatā. Imināpi kho etaṃ, āvuso, pariyāyena veditabbaṃ yathā sukhaṃ nibbānaṃ.
‘‘ਪੁਨ ਚਪਰਂ, ਆવੁਸੋ, ਭਿਕ੍ਖੁ ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ਅਨਨ੍ਤਂ વਿਞ੍ਞਾਣਨ੍ਤਿ વਿਞ੍ਞਾਣਞ੍ਚਾਯਤਨਂ ਉਪਸਮ੍ਪਜ੍ਜ વਿਹਰਤਿ। ਤਸ੍ਸ ਚੇ , ਆવੁਸੋ, ਭਿਕ੍ਖੁਨੋ ਇਮਿਨਾ વਿਹਾਰੇਨ વਿਹਰਤੋ ਆਕਾਸਾਨਞ੍ਚਾਯਤਨਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ, ਸ੍વਸ੍ਸ ਹੋਤਿ ਆਬਾਧੋ। ਸੇਯ੍ਯਥਾਪਿ, ਆવੁਸੋ, ਸੁਖਿਨੋ ਦੁਕ੍ਖਂ ਉਪ੍ਪਜ੍ਜੇਯ੍ਯ ਯਾવਦੇવ ਆਬਾਧਾਯ; ਏવਮੇવਸ੍ਸ ਤੇ ਆਕਾਸਾਨਞ੍ਚਾਯਤਨਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ। ਸ੍વਸ੍ਸ ਹੋਤਿ ਆਬਾਧੋ। ਯੋ ਖੋ ਪਨਾવੁਸੋ, ਆਬਾਧੋ ਦੁਕ੍ਖਮੇਤਂ વੁਤ੍ਤਂ ਭਗવਤਾ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨਂ।
‘‘Puna caparaṃ, āvuso, bhikkhu sabbaso ākāsānañcāyatanaṃ samatikkamma anantaṃ viññāṇanti viññāṇañcāyatanaṃ upasampajja viharati. Tassa ce , āvuso, bhikkhuno iminā vihārena viharato ākāsānañcāyatanasahagatā saññāmanasikārā samudācaranti, svassa hoti ābādho. Seyyathāpi, āvuso, sukhino dukkhaṃ uppajjeyya yāvadeva ābādhāya; evamevassa te ākāsānañcāyatanasahagatā saññāmanasikārā samudācaranti. Svassa hoti ābādho. Yo kho panāvuso, ābādho dukkhametaṃ vuttaṃ bhagavatā. Imināpi kho etaṃ, āvuso, pariyāyena veditabbaṃ yathā sukhaṃ nibbānaṃ.
‘‘ਪੁਨ ਚਪਰਂ, ਆવੁਸੋ, ਭਿਕ੍ਖੁ ਸਬ੍ਬਸੋ વਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ, ਨਤ੍ਥਿ ਕਿਞ੍ਚੀਤਿ ਆਕਿਞ੍ਚਞ੍ਞਾਯਤਨਂ ਉਪਸਮ੍ਪਜ੍ਜ વਿਹਰਤਿ। ਤਸ੍ਸ ਚੇ, ਆવੁਸੋ, ਭਿਕ੍ਖੁਨੋ ਇਮਿਨਾ વਿਹਾਰੇਨ વਿਹਰਤੋ વਿਞ੍ਞਾਣਞ੍ਚਾਯਤਨਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ, ਸ੍વਸ੍ਸ ਹੋਤਿ ਆਬਾਧੋ। ਸੇਯ੍ਯਥਾਪਿ, ਆવੁਸੋ, ਸੁਖਿਨੋ ਦੁਕ੍ਖਂ ਉਪ੍ਪਜ੍ਜੇਯ੍ਯ ਯਾવਦੇવ ਆਬਾਧਾਯ; ਏવਮੇવਸ੍ਸ ਤੇ વਿਞ੍ਞਾਣਞ੍ਚਾਯਤਨਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ। ਸ੍વਸ੍ਸ ਹੋਤਿ ਆਬਾਧੋ। ਯੋ ਖੋ ਪਨਾવੁਸੋ, ਆਬਾਧੋ ਦੁਕ੍ਖਮੇਤਂ વੁਤ੍ਤਂ ਭਗવਤਾ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨਂ।
‘‘Puna caparaṃ, āvuso, bhikkhu sabbaso viññāṇañcāyatanaṃ samatikkamma, natthi kiñcīti ākiñcaññāyatanaṃ upasampajja viharati. Tassa ce, āvuso, bhikkhuno iminā vihārena viharato viññāṇañcāyatanasahagatā saññāmanasikārā samudācaranti, svassa hoti ābādho. Seyyathāpi, āvuso, sukhino dukkhaṃ uppajjeyya yāvadeva ābādhāya; evamevassa te viññāṇañcāyatanasahagatā saññāmanasikārā samudācaranti. Svassa hoti ābādho. Yo kho panāvuso, ābādho dukkhametaṃ vuttaṃ bhagavatā. Imināpi kho etaṃ, āvuso, pariyāyena veditabbaṃ yathā sukhaṃ nibbānaṃ.
‘‘ਪੁਨ ਚਪਰਂ, ਆવੁਸੋ, ਭਿਕ੍ਖੁ ਸਬ੍ਬਸੋ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇવਸਞ੍ਞਾਨਾਸਞ੍ਞਾਯਤਨਂ ਉਪਸਮ੍ਪਜ੍ਜ વਿਹਰਤਿ। ਤਸ੍ਸ ਚੇ, ਆવੁਸੋ, ਭਿਕ੍ਖੁਨੋ ਇਮਿਨਾ વਿਹਾਰੇਨ વਿਹਰਤੋ ਆਕਿਞ੍ਚਞ੍ਞਾਯਤਨਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ, ਸ੍વਸ੍ਸ ਹੋਤਿ ਆਬਾਧੋ। ਸੇਯ੍ਯਥਾਪਿ, ਆવੁਸੋ, ਸੁਖਿਨੋ ਦੁਕ੍ਖਂ ਉਪ੍ਪਜ੍ਜੇਯ੍ਯ ਯਾવਦੇવ ਆਬਾਧਾਯ; ਏવਮੇવਸ੍ਸ ਤੇ ਆਕਿਞ੍ਚਞ੍ਞਾਯਤਨਸਹਗਤਾ ਸਞ੍ਞਾਮਨਸਿਕਾਰਾ ਸਮੁਦਾਚਰਨ੍ਤਿ। ਸ੍વਸ੍ਸ ਹੋਤਿ ਆਬਾਧੋ। ਯੋ ਖੋ ਪਨਾવੁਸੋ, ਆਬਾਧੋ ਦੁਕ੍ਖਮੇਤਂ વੁਤ੍ਤਂ ਭਗવਤਾ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨਂ।
‘‘Puna caparaṃ, āvuso, bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Tassa ce, āvuso, bhikkhuno iminā vihārena viharato ākiñcaññāyatanasahagatā saññāmanasikārā samudācaranti, svassa hoti ābādho. Seyyathāpi, āvuso, sukhino dukkhaṃ uppajjeyya yāvadeva ābādhāya; evamevassa te ākiñcaññāyatanasahagatā saññāmanasikārā samudācaranti. Svassa hoti ābādho. Yo kho panāvuso, ābādho dukkhametaṃ vuttaṃ bhagavatā. Imināpi kho etaṃ, āvuso, pariyāyena veditabbaṃ yathā sukhaṃ nibbānaṃ.
‘‘ਪੁਨ ਚਪਰਂ, ਆવੁਸੋ, ਭਿਕ੍ਖੁ ਸਬ੍ਬਸੋ ਨੇવਸਞ੍ਞਾਨਾਸਞ੍ਞਾਯਤਨਂ ਸਮਤਿਕ੍ਕਮ੍ਮ ਸਞ੍ਞਾવੇਦਯਿਤਨਿਰੋਧਂ ਉਪਸਮ੍ਪਜ੍ਜ વਿਹਰਤਿ, ਪਞ੍ਞਾਯ ਚਸ੍ਸ ਦਿਸ੍વਾ ਆਸવਾ ਪਰਿਕ੍ਖੀਣਾ ਹੋਨ੍ਤਿ। ਇਮਿਨਾਪਿ ਖੋ ਏਤਂ, ਆવੁਸੋ, ਪਰਿਯਾਯੇਨ વੇਦਿਤਬ੍ਬਂ ਯਥਾ ਸੁਖਂ ਨਿਬ੍ਬਾਨ’’ਨ੍ਤਿ। ਤਤਿਯਂ।
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Imināpi kho etaṃ, āvuso, pariyāyena veditabbaṃ yathā sukhaṃ nibbāna’’nti. Tatiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੩. ਨਿਬ੍ਬਾਨਸੁਖਸੁਤ੍ਤવਣ੍ਣਨਾ • 3. Nibbānasukhasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨-੩. ਅਨੁਪੁਬ੍ਬવਿਹਾਰਸਮਾਪਤ੍ਤਿਸੁਤ੍ਤਾਦਿવਣ੍ਣਨਾ • 2-3. Anupubbavihārasamāpattisuttādivaṇṇanā
