| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৯. নিব্বানসুত্তং
9. Nibbānasuttaṃ
১৭৯. অথ খো আযস্মা আনন্দো যেনাযস্মা সারিপুত্তো তেনুপসঙ্কমি; উপসঙ্কমিত্ৰা আযস্মতা সারিপুত্তেন সদ্ধিং সম্মোদি। সম্মোদনীযং কথং সারণীযং ৰীতিসারেত্ৰা একমন্তং নিসীদি। একমন্তং নিসিন্নো খো আযস্মা আনন্দো আযস্মন্তং সারিপুত্তং এতদৰোচ – ‘‘কো নু খো, আৰুসো সারিপুত্ত, হেতু কো পচ্চযো, যেন মিধেকচ্চে সত্তা দিট্ঠেৰ ধম্মে ন পরিনিব্বাযন্তী’’তি?
179. Atha kho āyasmā ānando yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā ānando āyasmantaṃ sāriputtaṃ etadavoca – ‘‘ko nu kho, āvuso sāriputta, hetu ko paccayo, yena midhekacce sattā diṭṭheva dhamme na parinibbāyantī’’ti?
‘‘ইধাৰুসো আনন্দ, সত্তা ইমা হানভাগিযা সঞ্ঞাতি যথাভূতং নপ্পজানন্তি, ইমা ঠিতিভাগিযা সঞ্ঞাতি যথাভূতং নপ্পজানন্তি, ইমা ৰিসেসভাগিযা সঞ্ঞাতি যথাভূতং নপ্পজানন্তি, ইমা নিব্বেধভাগিযা সঞ্ঞাতি যথাভূতং নপ্পজানন্তি। অযং খো, আৰুসো আনন্দ, হেতু অযং পচ্চযো, যেন মিধেকচ্চে সত্তা দিট্ঠেৰ ধম্মে ন পরিনিব্বাযন্তী’’তি।
‘‘Idhāvuso ānanda, sattā imā hānabhāgiyā saññāti yathābhūtaṃ nappajānanti, imā ṭhitibhāgiyā saññāti yathābhūtaṃ nappajānanti, imā visesabhāgiyā saññāti yathābhūtaṃ nappajānanti, imā nibbedhabhāgiyā saññāti yathābhūtaṃ nappajānanti. Ayaṃ kho, āvuso ānanda, hetu ayaṃ paccayo, yena midhekacce sattā diṭṭheva dhamme na parinibbāyantī’’ti.
‘‘কো পনাৰুসো সারিপুত্ত, হেতু কো পচ্চযো, যেন মিধেকচ্চে সত্তা দিট্ঠেৰ ধম্মে পরিনিব্বাযন্তী’’তি? ‘‘ইধাৰুসো আনন্দ, সত্তা ইমা হানভাগিযা সঞ্ঞাতি যথাভূতং পজানন্তি, ইমা ঠিতিভাগিযা সঞ্ঞাতি যথাভূতং পজানন্তি, ইমা ৰিসেসভাগিযা সঞ্ঞাতি যথাভূতং পজানন্তি, ইমা নিব্বেধভাগিযা সঞ্ঞাতি যথাভূতং পজানন্তি। অযং খো, আৰুসো আনন্দ, হেতু অযং পচ্চযো, যেন মিধেকচ্চে সত্তা দিট্ঠেৰ ধম্মে পরিনিব্বাযন্তী’’তি। নৰমং।
‘‘Ko panāvuso sāriputta, hetu ko paccayo, yena midhekacce sattā diṭṭheva dhamme parinibbāyantī’’ti? ‘‘Idhāvuso ānanda, sattā imā hānabhāgiyā saññāti yathābhūtaṃ pajānanti, imā ṭhitibhāgiyā saññāti yathābhūtaṃ pajānanti, imā visesabhāgiyā saññāti yathābhūtaṃ pajānanti, imā nibbedhabhāgiyā saññāti yathābhūtaṃ pajānanti. Ayaṃ kho, āvuso ānanda, hetu ayaṃ paccayo, yena midhekacce sattā diṭṭheva dhamme parinibbāyantī’’ti. Navamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯. নিব্বানসুত্তৰণ্ণনা • 9. Nibbānasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৯. নিব্বানসুত্তৰণ্ণনা • 9. Nibbānasuttavaṇṇanā
