| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. ниб̣б̣аанасуд̇д̇ам̣
9. Nibbānasuttaṃ
179. ат̇а ко ааяасмаа аананд̣̇о язнааяасмаа саарибуд̇д̇о д̇знубасан̇гами; убасан̇гамид̇ваа ааяасмад̇аа саарибуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о ааяасманд̇ам̣ саарибуд̇д̇ам̣ зд̇ад̣̇авожа – ‘‘го ну ко, аавусо саарибуд̇д̇а, хзд̇у го бажжаяо, язна мид̇хзгажжз сад̇д̇аа д̣̇идтзва д̇хаммз на бариниб̣б̣ааяанд̇ий’’д̇и?
179. Atha kho āyasmā ānando yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā ānando āyasmantaṃ sāriputtaṃ etadavoca – ‘‘ko nu kho, āvuso sāriputta, hetu ko paccayo, yena midhekacce sattā diṭṭheva dhamme na parinibbāyantī’’ti?
‘‘ид̇хаавусо аананд̣̇а, сад̇д̇аа имаа хаанабхааг̇ияаа сан̃н̃аад̇и яат̇аабхууд̇ам̣ наббаж̇аананд̇и, имаа тид̇ибхааг̇ияаа сан̃н̃аад̇и яат̇аабхууд̇ам̣ наббаж̇аананд̇и, имаа висзсабхааг̇ияаа сан̃н̃аад̇и яат̇аабхууд̇ам̣ наббаж̇аананд̇и, имаа ниб̣б̣зд̇хабхааг̇ияаа сан̃н̃аад̇и яат̇аабхууд̇ам̣ наббаж̇аананд̇и. аяам̣ ко, аавусо аананд̣̇а, хзд̇у аяам̣ бажжаяо, язна мид̇хзгажжз сад̇д̇аа д̣̇идтзва д̇хаммз на бариниб̣б̣ааяанд̇ий’’д̇и.
‘‘Idhāvuso ānanda, sattā imā hānabhāgiyā saññāti yathābhūtaṃ nappajānanti, imā ṭhitibhāgiyā saññāti yathābhūtaṃ nappajānanti, imā visesabhāgiyā saññāti yathābhūtaṃ nappajānanti, imā nibbedhabhāgiyā saññāti yathābhūtaṃ nappajānanti. Ayaṃ kho, āvuso ānanda, hetu ayaṃ paccayo, yena midhekacce sattā diṭṭheva dhamme na parinibbāyantī’’ti.
‘‘го банаавусо саарибуд̇д̇а, хзд̇у го бажжаяо, язна мид̇хзгажжз сад̇д̇аа д̣̇идтзва д̇хаммз бариниб̣б̣ааяанд̇ий’’д̇и? ‘‘ид̇хаавусо аананд̣̇а, сад̇д̇аа имаа хаанабхааг̇ияаа сан̃н̃аад̇и яат̇аабхууд̇ам̣ баж̇аананд̇и, имаа тид̇ибхааг̇ияаа сан̃н̃аад̇и яат̇аабхууд̇ам̣ баж̇аананд̇и, имаа висзсабхааг̇ияаа сан̃н̃аад̇и яат̇аабхууд̇ам̣ баж̇аананд̇и, имаа ниб̣б̣зд̇хабхааг̇ияаа сан̃н̃аад̇и яат̇аабхууд̇ам̣ баж̇аананд̇и. аяам̣ ко, аавусо аананд̣̇а, хзд̇у аяам̣ бажжаяо, язна мид̇хзгажжз сад̇д̇аа д̣̇идтзва д̇хаммз бариниб̣б̣ааяанд̇ий’’д̇и. навамам̣.
‘‘Ko panāvuso sāriputta, hetu ko paccayo, yena midhekacce sattā diṭṭheva dhamme parinibbāyantī’’ti? ‘‘Idhāvuso ānanda, sattā imā hānabhāgiyā saññāti yathābhūtaṃ pajānanti, imā ṭhitibhāgiyā saññāti yathābhūtaṃ pajānanti, imā visesabhāgiyā saññāti yathābhūtaṃ pajānanti, imā nibbedhabhāgiyā saññāti yathābhūtaṃ pajānanti. Ayaṃ kho, āvuso ānanda, hetu ayaṃ paccayo, yena midhekacce sattā diṭṭheva dhamme parinibbāyantī’’ti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. ниб̣б̣аанасуд̇д̇аван̣н̣анаа • 9. Nibbānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. ниб̣б̣аанасуд̇д̇аван̣н̣анаа • 9. Nibbānasuttavaṇṇanā
