| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. நிப்³பே³த⁴பா⁴கி³யஸுத்தங்
8. Nibbedhabhāgiyasuttaṃ
209. ‘‘நிப்³பே³த⁴பா⁴கி³யங் வோ, பி⁴க்க²வே, மக்³க³ங் தே³ஸெஸ்ஸாமி; தங் ஸுணாத². கதமோ ச, பி⁴க்க²வே, நிப்³பே³த⁴பா⁴கி³யோ மக்³கோ³? யதி³த³ங் – ஸத்த பொ³ஜ்ஜ²ங்கா³. கதமே ஸத்த? ஸதிஸம்பொ³ஜ்ஜ²ங்கோ³…பே॰… உபெக்கா²ஸம்பொ³ஜ்ஜ²ங்கோ³’’தி. ஏவங் வுத்தே ஆயஸ்மா உதா³யீ ப⁴க³வந்தங் ஏதத³வோச – ‘‘கத²ங் பா⁴விதா நு கோ², ப⁴ந்தே, ஸத்த பொ³ஜ்ஜ²ங்கா³ கத²ங் ப³ஹுலீகதா நிப்³பே³தா⁴ய ஸங்வத்தந்தீ’’தி?
209. ‘‘Nibbedhabhāgiyaṃ vo, bhikkhave, maggaṃ desessāmi; taṃ suṇātha. Katamo ca, bhikkhave, nibbedhabhāgiyo maggo? Yadidaṃ – satta bojjhaṅgā. Katame satta? Satisambojjhaṅgo…pe… upekkhāsambojjhaṅgo’’ti. Evaṃ vutte āyasmā udāyī bhagavantaṃ etadavoca – ‘‘kathaṃ bhāvitā nu kho, bhante, satta bojjhaṅgā kathaṃ bahulīkatā nibbedhāya saṃvattantī’’ti?
‘‘இத⁴, உதா³யி, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங் விபுலங் மஹக்³க³தங் அப்பமாணங் அப்³யாபஜ்ஜங். ஸோ ஸதிஸம்பொ³ஜ்ஜ²ங்க³ங் பா⁴விதேன சித்தேன அனிப்³பி³த்³த⁴புப்³ப³ங் அப்பதா³லிதபுப்³ப³ங் லோப⁴க்க²ந்த⁴ங் நிப்³பி³ஜ்ஜ²தி பதா³லேதி ; அனிப்³பி³த்³த⁴புப்³ப³ங் அப்பதா³லிதபுப்³ப³ங் தோ³ஸக்க²ந்த⁴ங் நிப்³பி³ஜ்ஜ²தி பதா³லேதி; அனிப்³பி³த்³த⁴புப்³ப³ங் அப்பதா³லிதபுப்³ப³ங் மோஹக்க²ந்த⁴ங் நிப்³பி³ஜ்ஜ²தி பதா³லேதி…பே॰… உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங் விபுலங் மஹக்³க³தங் அப்பமாணங் அப்³யாபஜ்ஜங். ஸோ உபெக்கா²ஸம்பொ³ஜ்ஜ²ங்க³ங் பா⁴விதேன சித்தேன அனிப்³பி³த்³த⁴புப்³ப³ங் அப்பதா³லிதபுப்³ப³ங் லோப⁴க்க²ந்த⁴ங் நிப்³பி³ஜ்ஜ²தி பதா³லேதி; அனிப்³பி³த்³த⁴புப்³ப³ங் அப்பதா³லிதபுப்³ப³ங் தோ³ஸக்க²ந்த⁴ங் நிப்³பி³ஜ்ஜ²தி பதா³லேதி; அனிப்³பி³த்³த⁴புப்³ப³ங் அப்பதா³லிதபுப்³ப³ங் மோஹக்க²ந்த⁴ங் நிப்³பி³ஜ்ஜ²தி பதா³லேதி. ஏவங் பா⁴விதா கோ², உதா³யி, ஸத்த பொ³ஜ்ஜ²ங்கா³ ஏவங் ப³ஹுலீகதா நிப்³பே³தா⁴ய ஸங்வத்தந்தீ’’தி. அட்ட²மங்.
‘‘Idha, udāyi, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ. So satisambojjhaṅgaṃ bhāvitena cittena anibbiddhapubbaṃ appadālitapubbaṃ lobhakkhandhaṃ nibbijjhati padāleti ; anibbiddhapubbaṃ appadālitapubbaṃ dosakkhandhaṃ nibbijjhati padāleti; anibbiddhapubbaṃ appadālitapubbaṃ mohakkhandhaṃ nibbijjhati padāleti…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ. So upekkhāsambojjhaṅgaṃ bhāvitena cittena anibbiddhapubbaṃ appadālitapubbaṃ lobhakkhandhaṃ nibbijjhati padāleti; anibbiddhapubbaṃ appadālitapubbaṃ dosakkhandhaṃ nibbijjhati padāleti; anibbiddhapubbaṃ appadālitapubbaṃ mohakkhandhaṃ nibbijjhati padāleti. Evaṃ bhāvitā kho, udāyi, satta bojjhaṅgā evaṃ bahulīkatā nibbedhāya saṃvattantī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. நிப்³பே³த⁴பா⁴கி³யஸுத்தவண்ணனா • 8. Nibbedhabhāgiyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. நிப்³பே³த⁴பா⁴கி³யஸுத்தவண்ணனா • 8. Nibbedhabhāgiyasuttavaṇṇanā
