| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. ниб̣б̣зд̇хабхааг̇ияасуд̇д̇ам̣
8. Nibbedhabhāgiyasuttaṃ
209. ‘‘ниб̣б̣зд̇хабхааг̇ияам̣ во, бхигкавз, маг̇г̇ам̣ д̣̇зсзссаами; д̇ам̣ сун̣аат̇а. гад̇амо жа, бхигкавз, ниб̣б̣зд̇хабхааг̇ияо маг̇г̇о? яад̣̇ид̣̇ам̣ – сад̇д̇а б̣ож̇жхан̇г̇аа. гад̇амз сад̇д̇а? сад̇исамб̣ож̇жхан̇г̇о…бз… убзгкаасамб̣ож̇жхан̇г̇о’’д̇и. звам̣ вуд̇д̇з ааяасмаа уд̣̇ааяий бхаг̇аванд̇ам̣ зд̇ад̣̇авожа – ‘‘гат̇ам̣ бхаавид̇аа ну ко, бханд̇з, сад̇д̇а б̣ож̇жхан̇г̇аа гат̇ам̣ б̣ахулийгад̇аа ниб̣б̣зд̇хааяа сам̣вад̇д̇анд̇ий’’д̇и?
209. ‘‘Nibbedhabhāgiyaṃ vo, bhikkhave, maggaṃ desessāmi; taṃ suṇātha. Katamo ca, bhikkhave, nibbedhabhāgiyo maggo? Yadidaṃ – satta bojjhaṅgā. Katame satta? Satisambojjhaṅgo…pe… upekkhāsambojjhaṅgo’’ti. Evaṃ vutte āyasmā udāyī bhagavantaṃ etadavoca – ‘‘kathaṃ bhāvitā nu kho, bhante, satta bojjhaṅgā kathaṃ bahulīkatā nibbedhāya saṃvattantī’’ti?
‘‘ид̇ха, уд̣̇ааяи, бхигку сад̇исамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣ вибулам̣ махаг̇г̇ад̇ам̣ аббамаан̣ам̣ аб̣яаабаж̇ж̇ам̣. со сад̇исамб̣ож̇жхан̇г̇ам̣ бхаавид̇зна жид̇д̇зна аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇и ; аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ д̣̇осагканд̇хам̣ ниб̣б̣иж̇жхад̇и бад̣̇аалзд̇и; аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ мохагканд̇хам̣ ниб̣б̣иж̇жхад̇и бад̣̇аалзд̇и…бз… убзгкаасамб̣ож̇жхан̇г̇ам̣ бхаавзд̇и вивзганиссид̇ам̣ вирааг̇аниссид̇ам̣ нирод̇ханиссид̇ам̣ воссаг̇г̇абарин̣аамим̣ вибулам̣ махаг̇г̇ад̇ам̣ аббамаан̣ам̣ аб̣яаабаж̇ж̇ам̣. со убзгкаасамб̣ож̇жхан̇г̇ам̣ бхаавид̇зна жид̇д̇зна аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ лобхагканд̇хам̣ ниб̣б̣иж̇жхад̇и бад̣̇аалзд̇и; аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ д̣̇осагканд̇хам̣ ниб̣б̣иж̇жхад̇и бад̣̇аалзд̇и; аниб̣б̣ид̣̇д̇хабуб̣б̣ам̣ аббад̣̇аалид̇абуб̣б̣ам̣ мохагканд̇хам̣ ниб̣б̣иж̇жхад̇и бад̣̇аалзд̇и. звам̣ бхаавид̇аа ко, уд̣̇ааяи, сад̇д̇а б̣ож̇жхан̇г̇аа звам̣ б̣ахулийгад̇аа ниб̣б̣зд̇хааяа сам̣вад̇д̇анд̇ий’’д̇и. адтамам̣.
‘‘Idha, udāyi, bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ. So satisambojjhaṅgaṃ bhāvitena cittena anibbiddhapubbaṃ appadālitapubbaṃ lobhakkhandhaṃ nibbijjhati padāleti ; anibbiddhapubbaṃ appadālitapubbaṃ dosakkhandhaṃ nibbijjhati padāleti; anibbiddhapubbaṃ appadālitapubbaṃ mohakkhandhaṃ nibbijjhati padāleti…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ vipulaṃ mahaggataṃ appamāṇaṃ abyāpajjaṃ. So upekkhāsambojjhaṅgaṃ bhāvitena cittena anibbiddhapubbaṃ appadālitapubbaṃ lobhakkhandhaṃ nibbijjhati padāleti; anibbiddhapubbaṃ appadālitapubbaṃ dosakkhandhaṃ nibbijjhati padāleti; anibbiddhapubbaṃ appadālitapubbaṃ mohakkhandhaṃ nibbijjhati padāleti. Evaṃ bhāvitā kho, udāyi, satta bojjhaṅgā evaṃ bahulīkatā nibbedhāya saṃvattantī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. ниб̣б̣зд̇хабхааг̇ияасуд̇д̇аван̣н̣анаа • 8. Nibbedhabhāgiyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. ниб̣б̣зд̇хабхааг̇ияасуд̇д̇аван̣н̣анаа • 8. Nibbedhabhāgiyasuttavaṇṇanā
