| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. निब्बेधभागियसुत्तवण्णना
8. Nibbedhabhāgiyasuttavaṇṇanā
२०९. निब्बिज्झन्तीति निब्बेधा, निब्बिज्झनधम्मा धम्मविनयादयो, तप्परियापन्नताय निब्बेधभागे गतो निब्बेधभागियो, तं निब्बेधभागियं। तेनाह ‘‘निब्बिज्झनकोट्ठासिय’’न्ति। भावेत्वा ठितेन चित्तेन। विपस्सनामग्गम्पि गहेत्वा ‘‘मग्गबोज्झङ्गा मिस्सका’’ति वुत्ता। तेहीति बोज्झङ्गेहि भावितं चित्तं। ते वा बोज्झङ्गे भावेत्वा ठितं चित्तं नाम फलचित्तं, तस्मा निब्बत्तितलोकुत्तरमेव। तम्पीति फलचित्तम्पि मग्गानन्तरताय मग्गनिस्सितं कत्वा मिस्सकमेव कथेतुं वट्टति ‘‘बोधाय संवत्तन्ती’’ति वुत्तत्ता।
209. Nibbijjhantīti nibbedhā, nibbijjhanadhammā dhammavinayādayo, tappariyāpannatāya nibbedhabhāge gato nibbedhabhāgiyo, taṃ nibbedhabhāgiyaṃ. Tenāha ‘‘nibbijjhanakoṭṭhāsiya’’nti. Bhāvetvā ṭhitena cittena. Vipassanāmaggampi gahetvā ‘‘maggabojjhaṅgā missakā’’ti vuttā. Tehīti bojjhaṅgehi bhāvitaṃ cittaṃ. Te vā bojjhaṅge bhāvetvā ṭhitaṃ cittaṃ nāma phalacittaṃ, tasmā nibbattitalokuttarameva. Tampīti phalacittampi maggānantaratāya magganissitaṃ katvā missakameva kathetuṃ vaṭṭati ‘‘bodhāya saṃvattantī’’ti vuttattā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. निब्बेधभागियसुत्तं • 8. Nibbedhabhāgiyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. निब्बेधभागियसुत्तवण्णना • 8. Nibbedhabhāgiyasuttavaṇṇanā
