| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. นิเพฺพธภาคิยสุตฺตวณฺณนา
8. Nibbedhabhāgiyasuttavaṇṇanā
๒๐๙. นิพฺพิชฺฌนฺตีติ นิเพฺพธา, นิพฺพิชฺฌนธมฺมา ธมฺมวินยาทโย, ตปฺปริยาปนฺนตาย นิเพฺพธภาเค คโต นิเพฺพธภาคิโย, ตํ นิเพฺพธภาคิยํฯ เตนาห ‘‘นิพฺพิชฺฌนโกฎฺฐาสิย’’นฺติฯ ภาเวตฺวา ฐิเตน จิเตฺตนฯ วิปสฺสนามคฺคมฺปิ คเหตฺวา ‘‘มคฺคโพชฺฌงฺคา มิสฺสกา’’ติ วุตฺตาฯ เตหีติ โพชฺฌเงฺคหิ ภาวิตํ จิตฺตํฯ เต วา โพชฺฌเงฺค ภาเวตฺวา ฐิตํ จิตฺตํ นาม ผลจิตฺตํ, ตสฺมา นิพฺพตฺติตโลกุตฺตรเมวฯ ตมฺปีติ ผลจิตฺตมฺปิ มคฺคานนฺตรตาย มคฺคนิสฺสิตํ กตฺวา มิสฺสกเมว กเถตุํ วฎฺฎติ ‘‘โพธาย สํวตฺตนฺตี’’ติ วุตฺตตฺตาฯ
209. Nibbijjhantīti nibbedhā, nibbijjhanadhammā dhammavinayādayo, tappariyāpannatāya nibbedhabhāge gato nibbedhabhāgiyo, taṃ nibbedhabhāgiyaṃ. Tenāha ‘‘nibbijjhanakoṭṭhāsiya’’nti. Bhāvetvā ṭhitena cittena. Vipassanāmaggampi gahetvā ‘‘maggabojjhaṅgā missakā’’ti vuttā. Tehīti bojjhaṅgehi bhāvitaṃ cittaṃ. Te vā bojjhaṅge bhāvetvā ṭhitaṃ cittaṃ nāma phalacittaṃ, tasmā nibbattitalokuttarameva. Tampīti phalacittampi maggānantaratāya magganissitaṃ katvā missakameva kathetuṃ vaṭṭati ‘‘bodhāya saṃvattantī’’ti vuttattā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. นิเพฺพธภาคิยสุตฺตํ • 8. Nibbedhabhāgiyasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. นิเพฺพธภาคิยสุตฺตวณฺณนา • 8. Nibbedhabhāgiyasuttavaṇṇanā
