Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

9. ниб̣б̣зд̇хигасуд̇д̇ам̣

9. Nibbedhikasuttaṃ

63. ‘‘ниб̣б̣зд̇хигабарияааяам̣ во, бхигкавз, д̇хаммабарияааяам̣ д̣̇зсзссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

63. ‘‘Nibbedhikapariyāyaṃ vo, bhikkhave, dhammapariyāyaṃ desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –

‘‘гад̇амо жа со, бхигкавз, ниб̣б̣зд̇хигабарияааяо д̇хаммабарияааяо? гаамаа, бхигкавз, взд̣̇ид̇аб̣б̣аа, гаамаанам̣ нид̣̇аанасамбхаво взд̣̇ид̇аб̣б̣о, гаамаанам̣ взмад̇д̇ад̇аа взд̣̇ид̇аб̣б̣аа, гаамаанам̣ вибааго взд̣̇ид̇аб̣б̣о, гааманирод̇хо ¹ взд̣̇ид̇аб̣б̣о, гааманирод̇хаг̇ааминий ² бадибад̣̇аа взд̣̇ид̇аб̣б̣аа.

‘‘Katamo ca so, bhikkhave, nibbedhikapariyāyo dhammapariyāyo? Kāmā, bhikkhave, veditabbā, kāmānaṃ nidānasambhavo veditabbo, kāmānaṃ vemattatā veditabbā, kāmānaṃ vipāko veditabbo, kāmanirodho ³ veditabbo, kāmanirodhagāminī ⁴ paṭipadā veditabbā.

‘‘взд̣̇анаа, бхигкавз, взд̣̇ид̇аб̣б̣аа, взд̣̇анаанам̣ нид̣̇аанасамбхаво взд̣̇ид̇аб̣б̣о, взд̣̇анаанам̣ взмад̇д̇ад̇аа взд̣̇ид̇аб̣б̣аа, взд̣̇анаанам̣ вибааго взд̣̇ид̇аб̣б̣о, взд̣̇анаанирод̇хо взд̣̇ид̇аб̣б̣о, взд̣̇анаанирод̇хаг̇ааминий бадибад̣̇аа взд̣̇ид̇аб̣б̣аа.

‘‘Vedanā, bhikkhave, veditabbā, vedanānaṃ nidānasambhavo veditabbo, vedanānaṃ vemattatā veditabbā, vedanānaṃ vipāko veditabbo, vedanānirodho veditabbo, vedanānirodhagāminī paṭipadā veditabbā.

‘‘сан̃н̃аа, бхигкавз, взд̣̇ид̇аб̣б̣аа, сан̃н̃аанам̣ нид̣̇аанасамбхаво взд̣̇ид̇аб̣б̣о, сан̃н̃аанам̣ взмад̇д̇ад̇аа взд̣̇ид̇аб̣б̣аа , сан̃н̃аанам̣ вибааго взд̣̇ид̇аб̣б̣о, сан̃н̃аанирод̇хо взд̣̇ид̇аб̣б̣о, сан̃н̃аанирод̇хаг̇ааминий бадибад̣̇аа взд̣̇ид̇аб̣б̣аа.

‘‘Saññā, bhikkhave, veditabbā, saññānaṃ nidānasambhavo veditabbo, saññānaṃ vemattatā veditabbā , saññānaṃ vipāko veditabbo, saññānirodho veditabbo, saññānirodhagāminī paṭipadā veditabbā.

‘‘аасаваа, бхигкавз, взд̣̇ид̇аб̣б̣аа, аасаваанам̣ нид̣̇аанасамбхаво взд̣̇ид̇аб̣б̣о, аасаваанам̣ взмад̇д̇ад̇аа взд̣̇ид̇аб̣б̣аа, аасаваанам̣ вибааго взд̣̇ид̇аб̣б̣о, аасаванирод̇хо взд̣̇ид̇аб̣б̣о, аасаванирод̇хаг̇ааминий бадибад̣̇аа взд̣̇ид̇аб̣б̣аа.

‘‘Āsavā, bhikkhave, veditabbā, āsavānaṃ nidānasambhavo veditabbo, āsavānaṃ vemattatā veditabbā, āsavānaṃ vipāko veditabbo, āsavanirodho veditabbo, āsavanirodhagāminī paṭipadā veditabbā.

‘‘гаммам̣ , бхигкавз, взд̣̇ид̇аб̣б̣ам̣, гаммаанам̣ нид̣̇аанасамбхаво взд̣̇ид̇аб̣б̣о, гаммаанам̣ взмад̇д̇ад̇аа взд̣̇ид̇аб̣б̣аа, гаммаанам̣ вибааго взд̣̇ид̇аб̣б̣о, гамманирод̇хо взд̣̇ид̇аб̣б̣о, гамманирод̇хаг̇ааминий бадибад̣̇аа взд̣̇ид̇аб̣б̣аа.

‘‘Kammaṃ , bhikkhave, veditabbaṃ, kammānaṃ nidānasambhavo veditabbo, kammānaṃ vemattatā veditabbā, kammānaṃ vipāko veditabbo, kammanirodho veditabbo, kammanirodhagāminī paṭipadā veditabbā.

‘‘‘гаамаа, бхигкавз, взд̣̇ид̇аб̣б̣аа, гаамаанам̣ нид̣̇аанасамбхаво взд̣̇ид̇аб̣б̣о, гаамаанам̣ взмад̇д̇ад̇аа взд̣̇ид̇аб̣б̣аа, гаамаанам̣ вибааго взд̣̇ид̇аб̣б̣о, гааманирод̇хо взд̣̇ид̇аб̣б̣о, гааманирод̇хаг̇ааминий бадибад̣̇аа взд̣̇ид̇аб̣б̣аа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣ ⁵? бан̃жимз, бхигкавз, гаамаг̇ун̣аа – жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа… гхаанавин̃н̃зяяаа г̇анд̇хаа… ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. аби жа ко, бхигкавз, нзд̇з гаамаа гаамаг̇ун̣аа наамзд̇з ⁶ арияасса винаяз вужжанд̇и –

‘‘‘Kāmā, bhikkhave, veditabbā, kāmānaṃ nidānasambhavo veditabbo, kāmānaṃ vemattatā veditabbā, kāmānaṃ vipāko veditabbo, kāmanirodho veditabbo, kāmanirodhagāminī paṭipadā veditabbā’ti, iti kho panetaṃ vuttaṃ. Kiñcetaṃ paṭicca vuttaṃ ⁷? Pañcime, bhikkhave, kāmaguṇā – cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā… ghānaviññeyyā gandhā… jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Api ca kho, bhikkhave, nete kāmā kāmaguṇā nāmete ⁸ ariyassa vinaye vuccanti –

⁹ ‘‘сан̇габбарааг̇о бурисасса гаамо,

¹⁰ ‘‘Saṅkapparāgo purisassa kāmo,

нзд̇з ¹¹ гаамаа яаани жид̇раани логз;

Nete ¹² kāmā yāni citrāni loke;

сан̇габбарааг̇о бурисасса гаамо,

Saṅkapparāgo purisassa kāmo,

д̇идтанд̇и жид̇раани д̇ат̇зва логз;

Tiṭṭhanti citrāni tatheva loke;

ат̇зд̇т̇а д̇хийраа винаяанд̇и чанд̣̇а’’нд̇и.

Athettha dhīrā vinayanti chanda’’nti.

‘‘гад̇амо жа, бхигкавз, гаамаанам̣ нид̣̇аанасамбхаво? пассо, бхигкавз, гаамаанам̣ нид̣̇аанасамбхаво.

‘‘Katamo ca, bhikkhave, kāmānaṃ nidānasambhavo? Phasso, bhikkhave, kāmānaṃ nidānasambhavo.

‘‘гад̇амаа жа, бхигкавз, гаамаанам̣ взмад̇д̇ад̇аа? ан̃н̃о, бхигкавз, гаамо руубзсу, ан̃н̃о гаамо сад̣̇д̣̇зсу, ан̃н̃о гаамо г̇анд̇хзсу, ан̃н̃о гаамо расзсу, ан̃н̃о гаамо подтаб̣б̣зсу. аяам̣ вужжад̇и, бхигкавз, гаамаанам̣ взмад̇д̇ад̇аа.

‘‘Katamā ca, bhikkhave, kāmānaṃ vemattatā? Añño, bhikkhave, kāmo rūpesu, añño kāmo saddesu, añño kāmo gandhesu, añño kāmo rasesu, añño kāmo phoṭṭhabbesu. Ayaṃ vuccati, bhikkhave, kāmānaṃ vemattatā.

‘‘гад̇амо жа, бхигкавз, гаамаанам̣ вибааго? яам̣ ко, бхигкавз, гаамаяамаано д̇аж̇ж̇ам̣ д̇аж̇ж̇ам̣ ад̇д̇абхаавам̣ абхиниб̣б̣ад̇д̇зд̇и бун̃н̃абхааг̇ияам̣ ваа абун̃н̃абхааг̇ияам̣ ваа, аяам̣ вужжад̇и, бхигкавз, гаамаанам̣ вибааго.

‘‘Katamo ca, bhikkhave, kāmānaṃ vipāko? Yaṃ kho, bhikkhave, kāmayamāno tajjaṃ tajjaṃ attabhāvaṃ abhinibbatteti puññabhāgiyaṃ vā apuññabhāgiyaṃ vā, ayaṃ vuccati, bhikkhave, kāmānaṃ vipāko.

‘‘гад̇амо жа, бхигкавз, гааманирод̇хо? пассанирод̇хо ¹³, бхигкавз, гааманирод̇хо. аяамзва арияо адтан̇г̇иго маг̇г̇о гааманирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о , саммааааж̇ийво, саммаавааяаамо, саммаасад̇и, саммаасамаад̇хи.

‘‘Katamo ca, bhikkhave, kāmanirodho? Phassanirodho ¹⁴, bhikkhave, kāmanirodho. Ayameva ariyo aṭṭhaṅgiko maggo kāmanirodhagāminī paṭipadā, seyyathidaṃ – sammādiṭṭhi, sammāsaṅkappo, sammāvācā, sammākammanto , sammāājīvo, sammāvāyāmo, sammāsati, sammāsamādhi.

‘‘яад̇о ко ¹⁵, бхигкавз, арияасааваго звам̣ гаамз баж̇аанаад̇и, звам̣ гаамаанам̣ нид̣̇аанасамбхавам̣ баж̇аанаад̇и, звам̣ гаамаанам̣ взмад̇д̇ад̇ам̣ баж̇аанаад̇и, звам̣ гаамаанам̣ вибаагам̣ баж̇аанаад̇и, звам̣ гааманирод̇хам̣ баж̇аанаад̇и, звам̣ гааманирод̇хаг̇ааминим̣ бадибад̣̇ам̣ баж̇аанаад̇и, со имам̣ ниб̣б̣зд̇хигам̣ б̣рахмажарияам̣ баж̇аанаад̇и гааманирод̇хам̣. гаамаа, бхигкавз, взд̣̇ид̇аб̣б̣аа…бз… гааманирод̇хаг̇ааминий ¹⁶ бадибад̣̇аа взд̣̇ид̇аб̣б̣аад̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.

‘‘Yato kho ¹⁷, bhikkhave, ariyasāvako evaṃ kāme pajānāti, evaṃ kāmānaṃ nidānasambhavaṃ pajānāti, evaṃ kāmānaṃ vemattataṃ pajānāti, evaṃ kāmānaṃ vipākaṃ pajānāti, evaṃ kāmanirodhaṃ pajānāti, evaṃ kāmanirodhagāminiṃ paṭipadaṃ pajānāti, so imaṃ nibbedhikaṃ brahmacariyaṃ pajānāti kāmanirodhaṃ. Kāmā, bhikkhave, veditabbā…pe… kāmanirodhagāminī ¹⁸ paṭipadā veditabbāti, iti yaṃ taṃ vuttaṃ idametaṃ paṭicca vuttaṃ.

‘‘взд̣̇анаа, бхигкавз, взд̣̇ид̇аб̣б̣аа…бз… взд̣̇анаанирод̇хаг̇ааминий бадибад̣̇аа взд̣̇ид̇аб̣б̣аад̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇иссо имаа, бхигкавз, взд̣̇анаа – сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа.

‘‘Vedanā, bhikkhave, veditabbā…pe… vedanānirodhagāminī paṭipadā veditabbāti, iti kho panetaṃ vuttaṃ. Kiñcetaṃ paṭicca vuttaṃ? Tisso imā, bhikkhave, vedanā – sukhā vedanā, dukkhā vedanā, adukkhamasukhā vedanā.

‘‘гад̇амо жа, бхигкавз, взд̣̇анаанам̣ нид̣̇аанасамбхаво? пассо, бхигкавз, взд̣̇анаанам̣ нид̣̇аанасамбхаво.

‘‘Katamo ca, bhikkhave, vedanānaṃ nidānasambhavo? Phasso, bhikkhave, vedanānaṃ nidānasambhavo.

‘‘гад̇амаа жа, бхигкавз, взд̣̇анаанам̣ взмад̇д̇ад̇аа? ад̇т̇и, бхигкавз, саамисаа сукаа взд̣̇анаа, ад̇т̇и нираамисаа сукаа взд̣̇анаа, ад̇т̇и саамисаа д̣̇угкаа взд̣̇анаа, ад̇т̇и нираамисаа д̣̇угкаа взд̣̇анаа, ад̇т̇и саамисаа ад̣̇угкамасукаа взд̣̇анаа, ад̇т̇и нираамисаа ад̣̇угкамасукаа взд̣̇анаа. аяам̣ вужжад̇и, бхигкавз, взд̣̇анаанам̣ взмад̇д̇ад̇аа.

‘‘Katamā ca, bhikkhave, vedanānaṃ vemattatā? Atthi, bhikkhave, sāmisā sukhā vedanā, atthi nirāmisā sukhā vedanā, atthi sāmisā dukkhā vedanā, atthi nirāmisā dukkhā vedanā, atthi sāmisā adukkhamasukhā vedanā, atthi nirāmisā adukkhamasukhā vedanā. Ayaṃ vuccati, bhikkhave, vedanānaṃ vemattatā.

‘‘гад̇амо жа, бхигкавз, взд̣̇анаанам̣ вибааго ? яам̣ ко, бхигкавз, взд̣̇ияамаано ¹⁹ д̇аж̇ж̇ам̣ д̇аж̇ж̇ам̣ ад̇д̇абхаавам̣ абхиниб̣б̣ад̇д̇зд̇и бун̃н̃абхааг̇ияам̣ ваа абун̃н̃абхааг̇ияам̣ ваа, аяам̣ вужжад̇и, бхигкавз, взд̣̇анаанам̣ вибааго.

‘‘Katamo ca, bhikkhave, vedanānaṃ vipāko ? Yaṃ kho, bhikkhave, vediyamāno ²⁰ tajjaṃ tajjaṃ attabhāvaṃ abhinibbatteti puññabhāgiyaṃ vā apuññabhāgiyaṃ vā, ayaṃ vuccati, bhikkhave, vedanānaṃ vipāko.

‘‘гад̇амо жа, бхигкавз, взд̣̇анаанирод̇хо? пассанирод̇хо ²¹, бхигкавз, взд̣̇анаанирод̇хо. аяамзва арияо адтан̇г̇иго маг̇г̇о взд̣̇анаанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.

‘‘Katamo ca, bhikkhave, vedanānirodho? Phassanirodho ²², bhikkhave, vedanānirodho. Ayameva ariyo aṭṭhaṅgiko maggo vedanānirodhagāminī paṭipadā, seyyathidaṃ – sammādiṭṭhi…pe… sammāsamādhi.

‘‘яад̇о ко, бхигкавз, арияасааваго звам̣ взд̣̇анам̣ баж̇аанаад̇и, звам̣ взд̣̇анаанам̣ нид̣̇аанасамбхавам̣ баж̇аанаад̇и, звам̣ взд̣̇анаанам̣ взмад̇д̇ад̇ам̣ баж̇аанаад̇и, звам̣ взд̣̇анаанам̣ вибаагам̣ баж̇аанаад̇и, звам̣ взд̣̇анаанирод̇хам̣ баж̇аанаад̇и, звам̣ взд̣̇анаанирод̇хаг̇ааминим̣ бадибад̣̇ам̣ баж̇аанаад̇и. со имам̣ ниб̣б̣зд̇хигам̣ б̣рахмажарияам̣ баж̇аанаад̇и взд̣̇анаанирод̇хам̣. взд̣̇анаа, бхигкавз, взд̣̇ид̇аб̣б̣аа…бз… взд̣̇анаанирод̇хаг̇ааминий бадибад̣̇аа взд̣̇ид̇аб̣б̣аад̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.

‘‘Yato kho, bhikkhave, ariyasāvako evaṃ vedanaṃ pajānāti, evaṃ vedanānaṃ nidānasambhavaṃ pajānāti, evaṃ vedanānaṃ vemattataṃ pajānāti, evaṃ vedanānaṃ vipākaṃ pajānāti, evaṃ vedanānirodhaṃ pajānāti, evaṃ vedanānirodhagāminiṃ paṭipadaṃ pajānāti. So imaṃ nibbedhikaṃ brahmacariyaṃ pajānāti vedanānirodhaṃ. Vedanā, bhikkhave, veditabbā…pe… vedanānirodhagāminī paṭipadā veditabbāti, iti yaṃ taṃ vuttaṃ idametaṃ paṭicca vuttaṃ.

‘‘сан̃н̃аа, бхигкавз, взд̣̇ид̇аб̣б̣аа…бз… сан̃н̃аанирод̇хаг̇ааминий бадибад̣̇аа взд̣̇ид̇аб̣б̣аад̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? чаяимаа, бхигкавз, сан̃н̃аа – руубасан̃н̃аа, сад̣̇д̣̇асан̃н̃аа, г̇анд̇хасан̃н̃аа, расасан̃н̃аа, подтаб̣б̣асан̃н̃аа, д̇хаммасан̃н̃аа.

‘‘Saññā, bhikkhave, veditabbā…pe… saññānirodhagāminī paṭipadā veditabbāti, iti kho panetaṃ vuttaṃ. Kiñcetaṃ paṭicca vuttaṃ? Chayimā, bhikkhave, saññā – rūpasaññā, saddasaññā, gandhasaññā, rasasaññā, phoṭṭhabbasaññā, dhammasaññā.

‘‘гад̇амо жа, бхигкавз, сан̃н̃аанам̣ нид̣̇аанасамбхаво? пассо, бхигкавз, сан̃н̃аанам̣ нид̣̇аанасамбхаво.

‘‘Katamo ca, bhikkhave, saññānaṃ nidānasambhavo? Phasso, bhikkhave, saññānaṃ nidānasambhavo.

‘‘гад̇амаа жа, бхигкавз, сан̃н̃аанам̣ взмад̇д̇ад̇аа? ан̃н̃аа, бхигкавз, сан̃н̃аа руубзсу, ан̃н̃аа сан̃н̃аа сад̣̇д̣̇зсу ²³, ан̃н̃аа сан̃н̃аа г̇анд̇хзсу, ан̃н̃аа сан̃н̃аа расзсу, ан̃н̃аа сан̃н̃аа подтаб̣б̣зсу, ан̃н̃аа сан̃н̃аа д̇хаммзсу . аяам̣ вужжад̇и, бхигкавз, сан̃н̃аанам̣ взмад̇д̇ад̇аа.

‘‘Katamā ca, bhikkhave, saññānaṃ vemattatā? Aññā, bhikkhave, saññā rūpesu, aññā saññā saddesu ²⁴, aññā saññā gandhesu, aññā saññā rasesu, aññā saññā phoṭṭhabbesu, aññā saññā dhammesu . Ayaṃ vuccati, bhikkhave, saññānaṃ vemattatā.

‘‘гад̇амо жа, бхигкавз, сан̃н̃аанам̣ вибааго? вохааравзбаггам̣ ²⁵, бхигкавз, сан̃н̃ам̣ ²⁶ вад̣̇аами. яат̇аа яат̇аа нам̣ сан̃ж̇аанаад̇и д̇ат̇аа д̇ат̇аа вохарад̇и, звам̣ сан̃н̃ий ахосинд̇и ²⁷. аяам̣ вужжад̇и, бхигкавз, сан̃н̃аанам̣ вибааго.

‘‘Katamo ca, bhikkhave, saññānaṃ vipāko? Vohāravepakkaṃ ²⁸, bhikkhave, saññaṃ ²⁹ vadāmi. Yathā yathā naṃ sañjānāti tathā tathā voharati, evaṃ saññī ahosinti ³⁰. Ayaṃ vuccati, bhikkhave, saññānaṃ vipāko.

‘‘гад̇амо жа, бхигкавз, сан̃н̃аанирод̇хо? пассанирод̇хо, ³¹ бхигкавз, сан̃н̃аанирод̇хо. аяамзва арияо адтан̇г̇иго маг̇г̇о сан̃н̃аанирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.

‘‘Katamo ca, bhikkhave, saññānirodho? Phassanirodho, ³² bhikkhave, saññānirodho. Ayameva ariyo aṭṭhaṅgiko maggo saññānirodhagāminī paṭipadā, seyyathidaṃ – sammādiṭṭhi…pe… sammāsamādhi.

‘‘яад̇о ко, бхигкавз, арияасааваго звам̣ сан̃н̃ам̣ баж̇аанаад̇и, звам̣ сан̃н̃аанам̣ нид̣̇аанасамбхавам̣ баж̇аанаад̇и, звам̣ сан̃н̃аанам̣ взмад̇д̇ад̇ам̣ баж̇аанаад̇и, звам̣ сан̃н̃аанам̣ вибаагам̣ баж̇аанаад̇и, звам̣ сан̃н̃аанирод̇хам̣ баж̇аанаад̇и, звам̣ сан̃н̃аанирод̇хаг̇ааминим̣ бадибад̣̇ам̣ баж̇аанаад̇и, со имам̣ ниб̣б̣зд̇хигам̣ б̣рахмажарияам̣ баж̇аанаад̇и сан̃н̃аанирод̇хам̣. сан̃н̃аа, бхигкавз, взд̣̇ид̇аб̣б̣аа…бз… сан̃н̃аанирод̇хаг̇ааминий бадибад̣̇аа взд̣̇ид̇аб̣б̣аад̇и. ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.

‘‘Yato kho, bhikkhave, ariyasāvako evaṃ saññaṃ pajānāti, evaṃ saññānaṃ nidānasambhavaṃ pajānāti, evaṃ saññānaṃ vemattataṃ pajānāti, evaṃ saññānaṃ vipākaṃ pajānāti, evaṃ saññānirodhaṃ pajānāti, evaṃ saññānirodhagāminiṃ paṭipadaṃ pajānāti, so imaṃ nibbedhikaṃ brahmacariyaṃ pajānāti saññānirodhaṃ. Saññā, bhikkhave, veditabbā…pe… saññānirodhagāminī paṭipadā veditabbāti. Iti yaṃ taṃ vuttaṃ idametaṃ paṭicca vuttaṃ.

‘‘аасаваа, бхигкавз, взд̣̇ид̇аб̣б̣аа…бз… аасаванирод̇хаг̇ааминий ³³ бадибад̣̇аа взд̣̇ид̇аб̣б̣аад̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? д̇аяомз, бхигкавз, аасаваа – гаамаасаво, бхаваасаво, авиж̇ж̇аасаво.

‘‘Āsavā, bhikkhave, veditabbā…pe… āsavanirodhagāminī ³⁴ paṭipadā veditabbāti, iti kho panetaṃ vuttaṃ. Kiñcetaṃ paṭicca vuttaṃ? Tayome, bhikkhave, āsavā – kāmāsavo, bhavāsavo, avijjāsavo.

‘‘гад̇амо жа, бхигкавз, аасаваанам̣ нид̣̇аанасамбхаво? авиж̇ж̇аа, бхигкавз, аасаваанам̣ нид̣̇аанасамбхаво.

‘‘Katamo ca, bhikkhave, āsavānaṃ nidānasambhavo? Avijjā, bhikkhave, āsavānaṃ nidānasambhavo.

‘‘гад̇амаа жа, бхигкавз, аасаваанам̣ взмад̇д̇ад̇аа? ад̇т̇и, бхигкавз, аасаваа нираяаг̇аманийяаа ³⁵, ад̇т̇и аасаваа д̇иражчаанаяониг̇аманийяаа, ад̇т̇и аасаваа бзд̇д̇ивисаяаг̇аманийяаа, ад̇т̇и аасаваа мануссалогаг̇аманийяаа, ад̇т̇и аасаваа д̣̇звалогаг̇аманийяаа. аяам̣ вужжад̇и, бхигкавз, аасаваанам̣ взмад̇д̇ад̇аа.

‘‘Katamā ca, bhikkhave, āsavānaṃ vemattatā? Atthi, bhikkhave, āsavā nirayagamanīyā ³⁶, atthi āsavā tiracchānayonigamanīyā, atthi āsavā pettivisayagamanīyā, atthi āsavā manussalokagamanīyā, atthi āsavā devalokagamanīyā. Ayaṃ vuccati, bhikkhave, āsavānaṃ vemattatā.

‘‘гад̇амо жа, бхигкавз, аасаваанам̣ вибааго? яам̣ ко, бхигкавз, авиж̇ж̇ааг̇ад̇о д̇аж̇ж̇ам̣ д̇аж̇ж̇ам̣ ад̇д̇абхаавам̣ абхиниб̣б̣ад̇д̇зд̇и бун̃н̃абхааг̇ияам̣ ваа абун̃н̃абхааг̇ияам̣ ваа, аяам̣ вужжад̇и, бхигкавз, аасаваанам̣ вибааго.

‘‘Katamo ca, bhikkhave, āsavānaṃ vipāko? Yaṃ kho, bhikkhave, avijjāgato tajjaṃ tajjaṃ attabhāvaṃ abhinibbatteti puññabhāgiyaṃ vā apuññabhāgiyaṃ vā, ayaṃ vuccati, bhikkhave, āsavānaṃ vipāko.

‘‘гад̇амо жа, бхигкавз, аасаванирод̇хо? авиж̇ж̇аанирод̇хо, бхигкавз, аасаванирод̇хо. аяамзва арияо адтан̇г̇иго маг̇г̇о аасаванирод̇хаг̇ааминий ³⁷ бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.

‘‘Katamo ca, bhikkhave, āsavanirodho? Avijjānirodho, bhikkhave, āsavanirodho. Ayameva ariyo aṭṭhaṅgiko maggo āsavanirodhagāminī ³⁸ paṭipadā, seyyathidaṃ – sammādiṭṭhi…pe… sammāsamādhi.

‘‘яад̇о ко, бхигкавз, арияасааваго звам̣ аасавз баж̇аанаад̇и, звам̣ аасаваанам̣ нид̣̇аанасамбхавам̣ баж̇аанаад̇и, звам̣ аасаваанам̣ взмад̇д̇ад̇ам̣ баж̇аанаад̇и, звам̣ аасаваанам̣ вибаагам̣ баж̇аанаад̇и, звам̣ аасаваанам̣ нирод̇хам̣ баж̇аанаад̇и, звам̣ аасаваанам̣ нирод̇хаг̇ааминим̣ бадибад̣̇ам̣ баж̇аанаад̇и, со имам̣ ниб̣б̣зд̇хигам̣ б̣рахмажарияам̣ баж̇аанаад̇и аасаванирод̇хам̣. аасаваа , бхигкавз, взд̣̇ид̇аб̣б̣аа…бз… аасаванирод̇хаг̇ааминий ³⁹ бадибад̣̇аа взд̣̇ид̇аб̣б̣аад̇и. ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.

‘‘Yato kho, bhikkhave, ariyasāvako evaṃ āsave pajānāti, evaṃ āsavānaṃ nidānasambhavaṃ pajānāti, evaṃ āsavānaṃ vemattataṃ pajānāti, evaṃ āsavānaṃ vipākaṃ pajānāti, evaṃ āsavānaṃ nirodhaṃ pajānāti, evaṃ āsavānaṃ nirodhagāminiṃ paṭipadaṃ pajānāti, so imaṃ nibbedhikaṃ brahmacariyaṃ pajānāti āsavanirodhaṃ. Āsavā , bhikkhave, veditabbā…pe… āsavanirodhagāminī ⁴⁰ paṭipadā veditabbāti. Iti yaṃ taṃ vuttaṃ idametaṃ paṭicca vuttaṃ.

‘‘гаммам̣, бхигкавз, взд̣̇ид̇аб̣б̣ам̣…бз… гамманирод̇хаг̇ааминий ⁴¹ бадибад̣̇аа взд̣̇ид̇аб̣б̣аад̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ⁴² жзд̇анаахам̣, бхигкавз, гаммам̣ вад̣̇аами. жзд̇аяид̇ваа гаммам̣ гарод̇и – гааязна ваажааяа манасаа.

‘‘Kammaṃ, bhikkhave, veditabbaṃ…pe… kammanirodhagāminī ⁴³ paṭipadā veditabbāti, iti kho panetaṃ vuttaṃ. Kiñcetaṃ paṭicca vuttaṃ? ⁴⁴ Cetanāhaṃ, bhikkhave, kammaṃ vadāmi. Cetayitvā kammaṃ karoti – kāyena vācāya manasā.

‘‘гад̇амо жа, бхигкавз, гаммаанам̣ нид̣̇аанасамбхаво? пассо, бхигкавз, гаммаанам̣ нид̣̇аанасамбхаво.

‘‘Katamo ca, bhikkhave, kammānaṃ nidānasambhavo? Phasso, bhikkhave, kammānaṃ nidānasambhavo.

‘‘гад̇амаа жа, бхигкавз, гаммаанам̣ взмад̇д̇ад̇аа? ад̇т̇и, бхигкавз, гаммам̣ нираяавзд̣̇анийяам̣, ад̇т̇и гаммам̣ д̇иражчаанаяонивзд̣̇анийяам̣, ад̇т̇и гаммам̣ бзд̇д̇ивисаяавзд̣̇анийяам̣, ад̇т̇и гаммам̣ мануссалогавзд̣̇анийяам̣, ад̇т̇и гаммам̣ д̣̇звалогавзд̣̇анийяам̣ . аяам̣ вужжад̇и, бхигкавз, гаммаанам̣ взмад̇д̇ад̇аа.

‘‘Katamā ca, bhikkhave, kammānaṃ vemattatā? Atthi, bhikkhave, kammaṃ nirayavedanīyaṃ, atthi kammaṃ tiracchānayonivedanīyaṃ, atthi kammaṃ pettivisayavedanīyaṃ, atthi kammaṃ manussalokavedanīyaṃ, atthi kammaṃ devalokavedanīyaṃ . Ayaṃ vuccati, bhikkhave, kammānaṃ vemattatā.

‘‘гад̇амо жа, бхигкавз, гаммаанам̣ вибааго? д̇ивид̇хаахам̣ ⁴⁵, бхигкавз, гаммаанам̣ вибаагам̣ вад̣̇аами – д̣̇идтзва ⁴⁶ д̇хаммз, убабаж̇ж̇з ваа ⁴⁷, абарз ваа барияааяз. аяам̣ вужжад̇и, бхигкавз, гаммаанам̣ вибааго.

‘‘Katamo ca, bhikkhave, kammānaṃ vipāko? Tividhāhaṃ ⁴⁸, bhikkhave, kammānaṃ vipākaṃ vadāmi – diṭṭheva ⁴⁹ dhamme, upapajje vā ⁵⁰, apare vā pariyāye. Ayaṃ vuccati, bhikkhave, kammānaṃ vipāko.

‘‘гад̇амо жа, бхигкавз, гамманирод̇хо? пассанирод̇хо, ⁵¹ бхигкавз, гамманирод̇хо. аяамзва арияо адтан̇г̇иго маг̇г̇о гамманирод̇хаг̇ааминий ⁵² бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.

‘‘Katamo ca, bhikkhave, kammanirodho? Phassanirodho, ⁵³ bhikkhave, kammanirodho. Ayameva ariyo aṭṭhaṅgiko maggo kammanirodhagāminī ⁵⁴ paṭipadā, seyyathidaṃ – sammādiṭṭhi…pe… sammāsamādhi.

‘‘яад̇о ко, бхигкавз, арияасааваго звам̣ гаммам̣ баж̇аанаад̇и, звам̣ гаммаанам̣ нид̣̇аанасамбхавам̣ баж̇аанаад̇и, звам̣ гаммаанам̣ взмад̇д̇ад̇ам̣ баж̇аанаад̇и, звам̣ гаммаанам̣ вибаагам̣ баж̇аанаад̇и, звам̣ гамманирод̇хам̣ баж̇аанаад̇и, звам̣ гамманирод̇хаг̇ааминим̣ бадибад̣̇ам̣ баж̇аанаад̇и, со имам̣ ниб̣б̣зд̇хигам̣ б̣рахмажарияам̣ баж̇аанаад̇и гамманирод̇хам̣. гаммам̣, бхигкавз, взд̣̇ид̇аб̣б̣ам̣…бз… гамманирод̇хаг̇ааминий бадибад̣̇аа взд̣̇ид̇аб̣б̣аад̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.

‘‘Yato kho, bhikkhave, ariyasāvako evaṃ kammaṃ pajānāti, evaṃ kammānaṃ nidānasambhavaṃ pajānāti, evaṃ kammānaṃ vemattataṃ pajānāti, evaṃ kammānaṃ vipākaṃ pajānāti, evaṃ kammanirodhaṃ pajānāti, evaṃ kammanirodhagāminiṃ paṭipadaṃ pajānāti, so imaṃ nibbedhikaṃ brahmacariyaṃ pajānāti kammanirodhaṃ. Kammaṃ, bhikkhave, veditabbaṃ…pe… kammanirodhagāminī paṭipadā veditabbāti, iti yaṃ taṃ vuttaṃ idametaṃ paṭicca vuttaṃ.

‘‘д̣̇угкам̣, бхигкавз, взд̣̇ид̇аб̣б̣ам̣, д̣̇угкасса нид̣̇аанасамбхаво взд̣̇ид̇аб̣б̣о, д̣̇угкасса взмад̇д̇ад̇аа взд̣̇ид̇аб̣б̣аа, д̣̇угкасса вибааго взд̣̇ид̇аб̣б̣о, д̣̇угканирод̇хо взд̣̇ид̇аб̣б̣о, д̣̇угканирод̇хаг̇ааминий бадибад̣̇аа взд̣̇ид̇аб̣б̣аад̇и. ид̇и ко банзд̇ам̣ вуд̇д̇ам̣ , гин̃жзд̇ам̣ бадижжа вуд̇д̇ам̣? ж̇аад̇иби д̣̇угкаа, ж̇арааби д̣̇угкаа, б̣яаад̇хиби д̣̇угко ⁵⁵, маран̣амби д̣̇угкам̣, согабарид̣̇звад̣̇угкад̣̇оманассубааяаасааби д̣̇угкаа, яамбижчам̣ на лабхад̇и д̇амби д̣̇угкам̣, сам̣кид̇д̇зна бан̃жубаад̣̇аанагканд̇хаа ⁵⁶ д̣̇угкаа.

‘‘Dukkhaṃ, bhikkhave, veditabbaṃ, dukkhassa nidānasambhavo veditabbo, dukkhassa vemattatā veditabbā, dukkhassa vipāko veditabbo, dukkhanirodho veditabbo, dukkhanirodhagāminī paṭipadā veditabbāti. Iti kho panetaṃ vuttaṃ , kiñcetaṃ paṭicca vuttaṃ? Jātipi dukkhā, jarāpi dukkhā, byādhipi dukkho ⁵⁷, maraṇampi dukkhaṃ, sokaparidevadukkhadomanassupāyāsāpi dukkhā, yampicchaṃ na labhati tampi dukkhaṃ, saṃkhittena pañcupādānakkhandhā ⁵⁸ dukkhā.

‘‘гад̇амо жа, бхигкавз, д̣̇угкасса нид̣̇аанасамбхаво? д̇ан̣хаа, бхигкавз, д̣̇угкасса нид̣̇аанасамбхаво .

‘‘Katamo ca, bhikkhave, dukkhassa nidānasambhavo? Taṇhā, bhikkhave, dukkhassa nidānasambhavo .

‘‘гад̇амаа жа, бхигкавз, д̣̇угкасса взмад̇д̇ад̇аа? ад̇т̇и, бхигкавз, д̣̇угкам̣ ад̇химад̇д̇ам̣, ад̇т̇и барид̇д̇ам̣, ад̇т̇и д̣̇анд̇хавирааг̇и, ад̇т̇и киббавирааг̇и. аяам̣ вужжад̇и, бхигкавз, д̣̇угкасса взмад̇д̇ад̇аа.

‘‘Katamā ca, bhikkhave, dukkhassa vemattatā? Atthi, bhikkhave, dukkhaṃ adhimattaṃ, atthi parittaṃ, atthi dandhavirāgi, atthi khippavirāgi. Ayaṃ vuccati, bhikkhave, dukkhassa vemattatā.

‘‘гад̇амо жа, бхигкавз, д̣̇угкасса вибааго? ид̇ха, бхигкавз, згажжо язна д̣̇угкзна абхибхууд̇о барияаад̣̇иннажид̇д̇о ⁵⁹ сожад̇и гиламад̇и барид̣̇звад̇и, урад̇д̇аал̣им̣ ганд̣̇ад̇и, саммохам̣ аабаж̇ж̇ад̇и , язна ваа бана д̣̇угкзна абхибхууд̇о барияаад̣̇иннажид̇д̇о б̣ахид̣̇д̇хаа барияздтим̣ аабаж̇ж̇ад̇и – ‘го ⁶⁰ згабад̣̇ам̣ д̣̇вибад̣̇ам̣ ж̇аанаад̇и ⁶¹ имасса д̣̇угкасса нирод̇хааяаа’д̇и? саммохавзбаггам̣ ваахам̣, бхигкавз, д̣̇угкам̣ вад̣̇аами барияздтивзбаггам̣ ваа. аяам̣ вужжад̇и, бхигкавз, д̣̇угкасса вибааго.

‘‘Katamo ca, bhikkhave, dukkhassa vipāko? Idha, bhikkhave, ekacco yena dukkhena abhibhūto pariyādinnacitto ⁶² socati kilamati paridevati, urattāḷiṃ kandati, sammohaṃ āpajjati , yena vā pana dukkhena abhibhūto pariyādinnacitto bahiddhā pariyeṭṭhiṃ āpajjati – ‘ko ⁶³ ekapadaṃ dvipadaṃ jānāti ⁶⁴ imassa dukkhassa nirodhāyā’ti? Sammohavepakkaṃ vāhaṃ, bhikkhave, dukkhaṃ vadāmi pariyeṭṭhivepakkaṃ vā. Ayaṃ vuccati, bhikkhave, dukkhassa vipāko.

‘‘гад̇амо жа, бхигкавз, д̣̇угканирод̇хо? д̇ан̣хаанирод̇хо, ⁶⁵ бхигкавз, д̣̇угканирод̇хо. аяамзва арияо адтан̇г̇иго маг̇г̇о д̣̇угкасса нирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.

‘‘Katamo ca, bhikkhave, dukkhanirodho? Taṇhānirodho, ⁶⁶ bhikkhave, dukkhanirodho. Ayameva ariyo aṭṭhaṅgiko maggo dukkhassa nirodhagāminī paṭipadā, seyyathidaṃ – sammādiṭṭhi…pe… sammāsamādhi.

‘‘яад̇о ко, бхигкавз, арияасааваго звам̣ д̣̇угкам̣ баж̇аанаад̇и, звам̣ д̣̇угкасса нид̣̇аанасамбхавам̣ баж̇аанаад̇и, звам̣ д̣̇угкасса взмад̇д̇ад̇ам̣ баж̇аанаад̇и, звам̣ д̣̇угкасса вибаагам̣ баж̇аанаад̇и, звам̣ д̣̇угканирод̇хам̣ баж̇аанаад̇и, звам̣ д̣̇угканирод̇хаг̇ааминим̣ бадибад̣̇ам̣ баж̇аанаад̇и, со имам̣ ниб̣б̣зд̇хигам̣ б̣рахмажарияам̣ баж̇аанаад̇и д̣̇угканирод̇хам̣. д̣̇угкам̣, бхигкавз, взд̣̇ид̇аб̣б̣ам̣, д̣̇угкасса нид̣̇аанасамбхаво взд̣̇ид̇аб̣б̣о, д̣̇угкасса взмад̇д̇ад̇аа взд̣̇ид̇аб̣б̣аа, д̣̇угкасса вибааго взд̣̇ид̇аб̣б̣о, д̣̇угканирод̇хо взд̣̇ид̇аб̣б̣о, д̣̇угканирод̇хаг̇ааминий бадибад̣̇аа взд̣̇ид̇аб̣б̣аад̇и. ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.

‘‘Yato kho, bhikkhave, ariyasāvako evaṃ dukkhaṃ pajānāti, evaṃ dukkhassa nidānasambhavaṃ pajānāti, evaṃ dukkhassa vemattataṃ pajānāti, evaṃ dukkhassa vipākaṃ pajānāti, evaṃ dukkhanirodhaṃ pajānāti, evaṃ dukkhanirodhagāminiṃ paṭipadaṃ pajānāti, so imaṃ nibbedhikaṃ brahmacariyaṃ pajānāti dukkhanirodhaṃ. Dukkhaṃ, bhikkhave, veditabbaṃ, dukkhassa nidānasambhavo veditabbo, dukkhassa vemattatā veditabbā, dukkhassa vipāko veditabbo, dukkhanirodho veditabbo, dukkhanirodhagāminī paṭipadā veditabbāti. Iti yaṃ taṃ vuttaṃ idametaṃ paṭicca vuttaṃ.

‘‘аяам̣ ко со, бхигкавз, ниб̣б̣зд̇хигабарияааяо д̇хаммабарияааяо’’д̇и. навамам̣.

‘‘Ayaṃ kho so, bhikkhave, nibbedhikapariyāyo dhammapariyāyo’’ti. Navamaṃ.

Next: 10. сийханаад̣̇асуд̇д̇ам̣ • 10. Sīhanādasuttaṃ

Footnotes:

1. гаамаанам̣ нирод̇хо (га.) звам̣ взд̣̇анаанирод̇хо-ижжаад̣̇ийсуби

2. гаамаанам̣ нирод̇хаг̇ааминий (га.) звам̣ взд̣̇анаанирод̇хаг̇ааминий-ижжаад̣̇ийсуби

3. kāmānaṃ nirodho (ka.) evaṃ vedanānirodho-iccādīsupi

4. kāmānaṃ nirodhagāminī (ka.) evaṃ vedanānirodhagāminī-iccādīsupi

5. ма. ни. 1.166; сам̣. ни. 4.268

6. д̇з гаамаг̇ун̣аа наама нзд̇з гаамаа (га.)

7. ma. ni. 1.166; saṃ. ni. 4.268

8. te kāmaguṇā nāma nete kāmā (ka.)

9. гат̇аа. 514

10. kathā. 514

11. на д̇з (сяаа.)

12. na te (syā.)

13. пассанирод̇хаа (сяаа.)

14. phassanirodhā (syā.)

15. яад̇о жа ко (б̣ахуусу)

16. саб̣б̣ад̇т̇аби звамзва д̣̇иссад̇и

17. yato ca kho (bahūsu)

18. sabbatthapi evameva dissati

19. взд̣̇аяамаано (сяаа. гам̣.) а. ни. 4.233

20. vedayamāno (syā. kaṃ.) a. ni. 4.233

21. пассанирод̇хаа (сяаа. гам̣. га.)

22. phassanirodhā (syā. kaṃ. ka.)

23. ан̃н̃аа бхигкавз руубзсу сан̃н̃аа ан̃н̃аа сад̣̇д̣̇зсу сан̃н̃аа (га.) звам̣ сзсзсуби

24. aññā bhikkhave rūpesu saññā aññā saddesu saññā (ka.) evaṃ sesesupi

25. вохааравзбаггаахам̣ (сяаа. бий.), вохаарабаггаахам̣ (сий.)

26. сан̃н̃аа (сяаа. бий.)

27. ахосийд̇и (га.)

28. vohāravepakkāhaṃ (syā. pī.), vohārapakkāhaṃ (sī.)

29. saññā (syā. pī.)

30. ahosīti (ka.)

31. пассанирод̇хаа (сяаа. га.)

32. phassanirodhā (syā. ka.)

33. саб̣б̣ад̇т̇аби звамзва д̣̇иссад̇и

34. sabbatthapi evameva dissati

35. нираяаг̇ааминияаа (сий. га.)

36. nirayagāminiyā (sī. ka.)

37. саб̣б̣ад̇т̇аби звамзва д̣̇иссад̇и

38. sabbatthapi evameva dissati

39. саб̣б̣ад̇т̇аби звамзва д̣̇иссад̇и

40. sabbatthapi evameva dissati

41. саб̣б̣ад̇т̇аби звамзва д̣̇иссад̇и

42. гат̇аа. 539

43. sabbatthapi evameva dissati

44. kathā. 539

45. имаахам̣ (га.)

46. д̣̇идтз ваа (сий.)

47. убабаж̇ж̇ам̣ ваа (га. сий., а. ни. 10.217), убабаж̇ж̇а ваа (?), ма. ни. 3.303 баал̣ияаа д̇ад̣̇ад̇т̇аван̣н̣анааяа жа сам̣сад̣̇д̣̇зд̇аб̣б̣ам̣

48. imāhaṃ (ka.)

49. diṭṭhe vā (sī.)

50. upapajjaṃ vā (ka. sī., a. ni. 10.217), upapajja vā (?), ma. ni. 3.303 pāḷiyā tadatthavaṇṇanāya ca saṃsaddetabbaṃ

51. пассанирод̇хаа (га. сий. сяаа. га.)

52. саб̣б̣ад̇т̇аби звамзва д̣̇иссад̇и

53. phassanirodhā (ka. sī. syā. ka.)

54. sabbatthapi evameva dissati

55. б̣яаад̇хиби д̣̇угкаа (сяаа. бий. га.)

56. бан̃жубаад̣̇аанагканд̇хааби (га.)

57. byādhipi dukkhā (syā. pī. ka.)

58. pañcupādānakkhandhāpi (ka.)

59. барияаад̣̇ин̣н̣ажид̇д̇о (га.)

60. со на (га.)

61. баж̇аанаад̇и (га.)

62. pariyādiṇṇacitto (ka.)

63. so na (ka.)

64. pajānāti (ka.)

65. д̇ан̣хаанирод̇хаа (га. сий. сяаа. га.)

66. taṇhānirodhā (ka. sī. syā. ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. ниб̣б̣зд̇хигасуд̇д̇аван̣н̣анаа • 9. Nibbedhikasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. ниб̣б̣зд̇хигасуд̇д̇аван̣н̣анаа • 9. Nibbedhikasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact