| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. ниб̣б̣зд̇хигасуд̇д̇аван̣н̣анаа
9. Nibbedhikasuttavaṇṇanā
63. навамз аниб̣б̣ид̣̇д̇хабуб̣б̣з аббад̣̇аалид̇абуб̣б̣з лобхагканд̇хаад̣̇аяо ниб̣б̣иж̇жхад̇и бад̣̇аалзд̇ийд̇и ниб̣б̣зд̇хигабарияааяо, ниб̣б̣иж̇жханагааран̣анд̇и ад̇т̇о. нид̣̇аанасамбхавод̇и гаамз нид̣̇зд̇и уббаад̣̇анасамад̇т̇ад̇ааяа нияяаад̣̇зд̇ийд̇и нид̣̇аанам̣. самбхавад̇и д̇ад̇од̇и самбхаво, нид̣̇аанамзва самбхаво нид̣̇аанасамбхаво. взмад̇д̇ад̇аад̇и наанаагаран̣ам̣.
63. Navame anibbiddhapubbe appadālitapubbe lobhakkhandhādayo nibbijjhati padāletīti nibbedhikapariyāyo, nibbijjhanakāraṇanti attho. Nidānasambhavoti kāme nideti uppādanasamatthatāya niyyādetīti nidānaṃ. Sambhavati tatoti sambhavo, nidānameva sambhavo nidānasambhavo. Vemattatāti nānākaraṇaṃ.
гаамаг̇ун̣аад̇и гаамаяид̇аб̣б̣адтзна гаамаа, б̣анд̇ханадтзна г̇ун̣аа ‘‘анд̇аг̇ун̣а’’нд̇иаад̣̇ийсу вияа. жагкувин̃н̃зяяаад̇и жагкувин̃н̃аан̣зна бассид̇аб̣б̣аа. идтаад̇и барияидтаа ваа хонд̇у маа ваа, идтаарамман̣абхууд̇аад̇и ад̇т̇о. ганд̇аад̇и гаманийяаа. манаабаад̇и манавад̣дханагаа. бияаруубаад̇и бияаж̇аад̇игаа. гаамуубасан̃хид̇аад̇и аарамман̣ам̣ гад̇ваа уббаж̇ж̇амаанзна гаамзна убасан̃хид̇аа. раж̇анийяаад̇и рааг̇уббад̇д̇игааран̣абхууд̇аа. нзд̇з гаамаад̇и на зд̇з гаманадтзна гаамаа наама хонд̇и. сан̇габбарааг̇од̇и сан̇габбавасзна уббаннарааг̇о. гаамод̇и аяам̣ гаамаббахаанааяа бадибаннзхи бахаад̇аб̣б̣о. гаманадтзна гаамаа наама. жид̇раанийд̇и жид̇равижид̇раарамман̣аани.
Kāmaguṇāti kāmayitabbaṭṭhena kāmā, bandhanaṭṭhena guṇā ‘‘antaguṇa’’ntiādīsu viya. Cakkhuviññeyyāti cakkhuviññāṇena passitabbā. Iṭṭhāti pariyiṭṭhā vā hontu mā vā, iṭṭhārammaṇabhūtāti attho. Kantāti kamanīyā. Manāpāti manavaḍḍhanakā. Piyarūpāti piyajātikā. Kāmūpasañhitāti ārammaṇaṃ katvā uppajjamānena kāmena upasañhitā. Rajanīyāti rāguppattikāraṇabhūtā. Nete kāmāti na ete kamanaṭṭhena kāmā nāma honti. Saṅkapparāgoti saṅkappavasena uppannarāgo. Kāmoti ayaṃ kāmappahānāya paṭipannehi pahātabbo. Kamanaṭṭhena kāmā nāma. Citrānīti citravicitrārammaṇāni.
пассод̇и сахаж̇аад̇апассо. гаамаяамаанод̇и гаамам̣ гаамаяамаано. д̇аж̇ж̇ам̣ д̇аж̇ж̇анд̇и д̇аж̇ж̇аад̇игам̣ д̇аж̇ж̇аад̇игам̣. бун̃н̃абхааг̇ияанд̇и д̣̇иб̣б̣з гаамз бад̇т̇зд̇ваа сужарид̇абаарибуурияаа д̣̇звалогз ниб̣б̣ад̇д̇асса ад̇д̇абхааво бун̃н̃абхааг̇ияо наама, д̣̇ужжарид̇абаарибуурияаа абааяз ниб̣б̣ад̇д̇асса ад̇д̇абхааво абун̃н̃абхааг̇ияо наама. аяам̣ вужжад̇и, бхигкавз, гаамаанам̣ вибаагод̇и аяам̣ д̣̇увид̇хоби гаамабад̇т̇анам̣ ниссааяа уббаннад̇д̇аа гаамаанам̣ вибаагод̇и вужжад̇и. со имам̣ ниб̣б̣зд̇хиганд̇и со бхигку имам̣ чад̇д̇им̣садтаанзсу ниб̣б̣иж̇жханагам̣ сздтажарияам̣ ж̇аанаад̇и. гааманирод̇ханд̇и гаамаанам̣ нирод̇ханз звам̣ лад̣̇д̇ханаамам̣. имасмин̃хи таанз б̣рахмажарияасан̇каад̇о маг̇г̇ова гааманирод̇ход̇и вуд̇д̇о.
Phassoti sahajātaphasso. Kāmayamānoti kāmaṃ kāmayamāno. Tajjaṃ tajjanti tajjātikaṃ tajjātikaṃ. Puññabhāgiyanti dibbe kāme patthetvā sucaritapāripūriyā devaloke nibbattassa attabhāvo puññabhāgiyo nāma, duccaritapāripūriyā apāye nibbattassa attabhāvo apuññabhāgiyo nāma. Ayaṃ vuccati, bhikkhave, kāmānaṃ vipākoti ayaṃ duvidhopi kāmapatthanaṃ nissāya uppannattā kāmānaṃ vipākoti vuccati. So imaṃ nibbedhikanti so bhikkhu imaṃ chattiṃsaṭṭhānesu nibbijjhanakaṃ seṭṭhacariyaṃ jānāti. Kāmanirodhanti kāmānaṃ nirodhane evaṃ laddhanāmaṃ. Imasmiñhi ṭhāne brahmacariyasaṅkhāto maggova kāmanirodhoti vutto.
саамисаад̇и гилзсаамисасамбаяуд̇д̇аа. иминаа наязна саб̣б̣атаанзсу ад̇т̇о взд̣̇ид̇аб̣б̣о. абижзд̇т̇а вохааравзбагганд̇и вохааравибаагам̣. гат̇аасан̇каад̇о хи вохааро сан̃н̃ааяа вибааго наама. яат̇аа яат̇аа нанд̇и зд̇т̇а нам̣-ид̇и нибаад̇амад̇д̇амзва. ид̇и яасмаа яат̇аа яат̇аа сан̃ж̇аанаад̇и, д̇ат̇аа д̇ат̇аа звам̣сан̃н̃ий ахосинд̇и гат̇зд̇и, д̇асмаа вохааравзбаггаад̇и ад̇т̇о.
Sāmisāti kilesāmisasampayuttā. Iminā nayena sabbaṭhānesu attho veditabbo. Apicettha vohāravepakkanti vohāravipākaṃ. Kathāsaṅkhāto hi vohāro saññāya vipāko nāma. Yathāyathā nanti ettha naṃ-iti nipātamattameva. Iti yasmā yathā yathā sañjānāti, tathā tathā evaṃsaññī ahosinti katheti, tasmā vohāravepakkāti attho.
авиж̇ж̇аад̇и адтасу таанзсу ан̃н̃аан̣абхууд̇аа б̣ахалаавиж̇ж̇аа. нираяам̣ г̇амзнд̇ийд̇и нираяаг̇аманийяаа, нираяз ниб̣б̣ад̇д̇ибажжаяаад̇и ад̇т̇о. сзсзсуби зсзва наяо. жзд̇анааханд̇и жзд̇анам̣ ахам̣. ид̇ха саб̣б̣асан̇г̇аахигаа сам̣вид̣̇аханажзд̇анаа г̇ахид̇аа. жзд̇аяид̇ваад̇и д̣̇ваараббавад̇д̇ажзд̇анаа. манасаад̇и жзд̇анаасамбаяуд̇д̇ажид̇д̇зна. нираяавзд̣̇анийяанд̇и нираяз вибаагад̣̇ааяагам̣. сзсзсуби зсзва наяо. ад̇химад̇д̇анд̇и б̣алавад̣̇угкам̣. д̣̇анд̇хавирааг̇ийд̇и г̇аругам̣ на киббам̣ сан̣игам̣ виг̇ажчанагад̣̇угкам̣. урад̇д̇аал̣им̣ ганд̣̇ад̇ийд̇и урам̣ д̇аал̣зд̇ваа род̣̇ад̇и. барияздтинд̇и бариязсанам̣. згабад̣̇ам̣ д̣̇вибад̣̇анд̇и згабад̣̇аманд̇ам̣ ваа д̣̇вибад̣̇аманд̇ам̣ ваа, го манд̇ам̣ ж̇аанаад̇ийд̇и ад̇т̇о. саммохавзбагганд̇и саммохавибаагам̣. д̣̇угкасса хи саммохо ниссанд̣̇авибааго наама. д̣̇уд̇ияабад̣̇зби зсзва наяо. бариязсанааби хи д̇асса ниссанд̣̇авибаагод̇и. имасмим̣ суд̇д̇з ваддавиваддам̣ гат̇ид̇ам̣.
Avijjāti aṭṭhasu ṭhānesu aññāṇabhūtā bahalaavijjā. Nirayaṃ gamentīti nirayagamanīyā, niraye nibbattipaccayāti attho. Sesesupi eseva nayo. Cetanāhanti cetanaṃ ahaṃ. Idha sabbasaṅgāhikā saṃvidahanacetanā gahitā. Cetayitvāti dvārappavattacetanā. Manasāti cetanāsampayuttacittena. Nirayavedanīyanti niraye vipākadāyakaṃ. Sesesupi eseva nayo. Adhimattanti balavadukkhaṃ. Dandhavirāgīti garukaṃ na khippaṃ saṇikaṃ vigacchanakadukkhaṃ. Urattāḷiṃ kandatīti uraṃ tāḷetvā rodati. Pariyeṭṭhinti pariyesanaṃ. Ekapadaṃ dvipadanti ekapadamantaṃ vā dvipadamantaṃ vā, ko mantaṃ jānātīti attho. Sammohavepakkanti sammohavipākaṃ. Dukkhassa hi sammoho nissandavipāko nāma. Dutiyapadepi eseva nayo. Pariyesanāpi hi tassa nissandavipākoti. Imasmiṃ sutte vaṭṭavivaṭṭaṃ kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. ниб̣б̣зд̇хигасуд̇д̇ам̣ • 9. Nibbedhikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. ниб̣б̣зд̇хигасуд̇д̇аван̣н̣анаа • 9. Nibbedhikasuttavaṇṇanā
