| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. ниб̣б̣зд̇хигасуд̇д̇аван̣н̣анаа
9. Nibbedhikasuttavaṇṇanā
63. навамз барихааяад̇и ад̇д̇ано палам̣ бариг̇г̇ахзд̇ваа вад̇д̇ад̇и, д̇асса ваа гааран̣абхаавам̣ убаг̇ажчад̇ийд̇и барияааяод̇и ид̇ха гааран̣ам̣ вуд̇д̇анд̇и ааха ‘‘ниб̣б̣иж̇жханагааран̣а’’нд̇и.
63. Navame parihāyati attano phalaṃ pariggahetvā vattati, tassa vā kāraṇabhāvaṃ upagacchatīti pariyāyoti idha kāraṇaṃ vuttanti āha ‘‘nibbijjhanakāraṇa’’nti.
‘‘ануж̇аанаами , бхигкавз, ахад̇аанам̣ вад̇т̇аанам̣ д̣̇иг̇ун̣ам̣ сан̇гхаади’’нд̇и зд̇т̇а хи бадаладто г̇ун̣адто. ‘‘ажжзнд̇и гаалаа д̇араяанд̇и рад̇д̇ияо, ваяог̇ун̣аа анубуб̣б̣ам̣ ж̇аханд̇ий’’д̇и (сам̣. ни. 1.4) зд̇т̇а раасадто г̇ун̣адто. ‘‘сад̇аг̇ун̣аа д̣̇агкин̣аа баадиган̇кид̇аб̣б̣аа’’д̇и (ма. ни. 3.379) зд̇т̇а аанисам̣садто. ‘‘анд̇ам̣ анд̇аг̇ун̣ам̣ (д̣̇ий. ни. 2.377; ма. ни. 1.110; ку. баа. 3.д̣̇вад̇д̇им̣саагааро), гаяираа маалааг̇ун̣з б̣ахуу’’д̇и (д̇ха. ба. 53) зд̇т̇а б̣анд̇ханадто г̇ун̣адто. ид̇хааби зсова ад̇хиббзд̇од̇и ааха ‘‘б̣анд̇ханадтзна г̇ун̣аа’’д̇и. гаамарааг̇асса сам̣яож̇анасса бажжаяабхаавзна вад̇т̇угаамзсуби б̣анд̇ханадто раасадто ваа г̇ун̣адто д̣̇адтаб̣б̣о. жагкувин̃н̃зяяаад̇и ваа жагкувин̃н̃аан̣ад̇ам̣д̣̇вааригавин̃н̃аан̣зхи ж̇аанид̇аб̣б̣аа. сод̇авин̃н̃зяяаад̇иаад̣̇ийсуби зсзва наяо. идтаарамман̣абхууд̇аад̇и сабхаавзнзва идтаарамман̣аж̇аад̇игаа, идтаарамман̣абхаавам̣ ваа бад̇д̇аа. гаманийяаад̇и гаамзд̇аб̣б̣аа. манавад̣дханагаад̇и манохараа. зд̇зна баригаббанад̇оби идтаарамман̣абхаавам̣ сан̇г̇ан̣хаад̇и. бияаж̇аад̇игаад̇и бияааяид̇аб̣б̣асабхааваа. гаамуубасан̃хид̇аад̇и гаамарааг̇зна убзжжа самб̣анд̇ханийяаа самб̣анд̇хаа гаад̇аб̣б̣аа. д̇знааха ‘‘аарамман̣ам̣ гад̇ваа’’д̇иаад̣̇и. сан̇габбарааг̇од̇и ваа субхаад̣̇ивасзна сан̇габбид̇авуд̇т̇амхи уббаннарааг̇о. звамзд̇т̇а вад̇т̇угаамам̣ бадигкибид̇ваа гилзсагаамо вуд̇д̇о д̇ассзва васзна д̇зсамби гаамабхаавасид̣̇д̇хид̇о, гилзсагаамассаби идтавзд̣̇анаа д̣̇идтаад̣̇исамбаяог̇абхзд̣̇зна бавад̇д̇иаагаарабхзд̣̇зна жа ад̇т̇и вижид̇д̇агаад̇и д̇ад̇о висзсзд̇ум̣ ‘‘жид̇равижид̇раарамман̣ааний’’д̇и ааха, наанаббагаараани руубаад̣̇иаарамман̣аанийд̇и ад̇т̇о.
‘‘Anujānāmi , bhikkhave, ahatānaṃ vatthānaṃ diguṇaṃ saṅghāṭi’’nti ettha hi paṭalaṭṭho guṇaṭṭho. ‘‘Accenti kālā tarayanti rattiyo, vayoguṇā anupubbaṃ jahantī’’ti (saṃ. ni. 1.4) ettha rāsaṭṭho guṇaṭṭho. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsaṭṭho. ‘‘Antaṃ antaguṇaṃ (dī. ni. 2.377; ma. ni. 1.110; khu. pā. 3.dvattiṃsākāro), kayirā mālāguṇe bahū’’ti (dha. pa. 53) ettha bandhanaṭṭho guṇaṭṭho. Idhāpi esova adhippetoti āha ‘‘bandhanaṭṭhena guṇā’’ti. Kāmarāgassa saṃyojanassa paccayabhāvena vatthukāmesupi bandhanaṭṭho rāsaṭṭho vā guṇaṭṭho daṭṭhabbo. Cakkhuviññeyyāti vā cakkhuviññāṇataṃdvārikaviññāṇehi jānitabbā. Sotaviññeyyātiādīsupi eseva nayo. Iṭṭhārammaṇabhūtāti sabhāveneva iṭṭhārammaṇajātikā, iṭṭhārammaṇabhāvaṃ vā pattā. Kamanīyāti kāmetabbā. Manavaḍḍhanakāti manoharā. Etena parikappanatopi iṭṭhārammaṇabhāvaṃ saṅgaṇhāti. Piyajātikāti piyāyitabbasabhāvā. Kāmūpasañhitāti kāmarāgena upecca sambandhanīyā sambandhā kātabbā. Tenāha ‘‘ārammaṇaṃ katvā’’tiādi. Saṅkapparāgoti vā subhādivasena saṅkappitavutthamhi uppannarāgo. Evamettha vatthukāmaṃ paṭikkhipitvā kilesakāmo vutto tasseva vasena tesampi kāmabhāvasiddhito, kilesakāmassapi iṭṭhavedanā diṭṭhādisampayogabhedena pavattiākārabhedena ca atthi vicittakāti tato visesetuṃ ‘‘citravicitrārammaṇānī’’ti āha, nānappakārāni rūpādiārammaṇānīti attho.
ат̇зд̇т̇а д̇хийраа винаяанд̇и чанд̣̇анд̇и ат̇а зд̇зсу аарамман̣зсу д̇хид̇исамбаннаа бан̣д̣ид̇аа чанд̣̇арааг̇ам̣ винаяанд̇и.
Athettha dhīrā vinayanti chandanti atha etesu ārammaṇesu dhitisampannā paṇḍitā chandarāgaṃ vinayanti.
д̇аж̇ж̇аад̇иганд̇и д̇ам̣сабхаавам̣, ад̇т̇ад̇о бана д̇асса гаамасса ануруубанд̇и вуд̇д̇ам̣ ход̇и. бун̃н̃асса бхааг̇о бун̃н̃абхааг̇о, бун̃н̃агодтаасо. д̇зна ниб̣б̣ад̇д̇о, д̇ад̇т̇а ваа бхавод̇и бун̃н̃абхааг̇ияо. абун̃н̃абхааг̇ияод̇и зд̇т̇ааби зсзва наяо. вибаагоязва взбагганд̇и ааха ‘‘вохааравибаага’’нд̇и.
Tajjātikanti taṃsabhāvaṃ, atthato pana tassa kāmassa anurūpanti vuttaṃ hoti. Puññassa bhāgo puññabhāgo, puññakoṭṭhāso. Tena nibbatto, tattha vā bhavoti puññabhāgiyo. Apuññabhāgiyoti etthāpi eseva nayo. Vipākoyeva vepakkanti āha ‘‘vohāravipāka’’nti.
саб̣б̣асан̇г̇аахигаад̇и гусалаагусаласаад̇хааран̣аа. сам̣вид̣̇аханажзд̇анаад̇и самбаяуд̇д̇ад̇хаммзсу сам̣вид̣̇аханалагкан̣аа жзд̇анаа. урад̇д̇аал̣инд̇и урам̣ д̇аал̣зд̇ваа . згабад̣̇анд̇и згабад̣̇ажид̇ам̣ манд̇ам̣. д̇знааха ‘‘згабад̣̇аманд̇ам̣ ваа’’д̇иаад̣̇и.
Sabbasaṅgāhikāti kusalākusalasādhāraṇā. Saṃvidahanacetanāti sampayuttadhammesu saṃvidahanalakkhaṇā cetanā. Urattāḷinti uraṃ tāḷetvā . Ekapadanti ekapadacitaṃ mantaṃ. Tenāha ‘‘ekapadamantaṃ vā’’tiādi.
ниб̣б̣зд̇хигасуд̇д̇аван̣н̣анаа нидтид̇аа.
Nibbedhikasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. ниб̣б̣зд̇хигасуд̇д̇ам̣ • 9. Nibbedhikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. ниб̣б̣зд̇хигасуд̇д̇аван̣н̣анаа • 9. Nibbedhikasuttavaṇṇanā
