| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. ниб̣б̣ид̣̇ааб̣ахуласуд̇д̇ам̣
11. Nibbidābahulasuttaṃ
146. саавад̇т̇инид̣̇аанам̣. ‘‘сад̣̇д̇хаабаб̣б̣аж̇ид̇асса, бхигкавз, гулабуд̇д̇асса аяамануд̇хаммо ход̇и – яам̣ руубз ниб̣б̣ид̣̇ааб̣ахуло 1 вихарзяяа. взд̣̇анааяа…бз… сан̃н̃ааяа… сан̇каарзсу… вин̃н̃аан̣з ниб̣б̣ид̣̇ааб̣ахуло вихарзяяа. яо руубз ниб̣б̣ид̣̇ааб̣ахуло вихаранд̇о, взд̣̇анааяа… сан̃н̃ааяа… сан̇каарзсу… вин̃н̃аан̣з ниб̣б̣ид̣̇ааб̣ахуло вихаранд̇о руубам̣ бариж̇аанаад̇и, взд̣̇анам̣… сан̃н̃ам̣… сан̇каарз… вин̃н̃аан̣ам̣ бариж̇аанаад̇и; со руубам̣ бариж̇аанам̣ взд̣̇анам̣ бариж̇аанам̣ сан̃н̃ам̣ бариж̇аанам̣ сан̇каарз бариж̇аанам̣ вин̃н̃аан̣ам̣ бариж̇аанам̣ баримужжад̇и руубамхаа, баримужжад̇и взд̣̇анааяа, баримужжад̇и сан̃н̃ааяа, баримужжад̇и сан̇каарзхи, баримужжад̇и вин̃н̃аан̣амхаа, баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи; ‘баримужжад̇и д̣̇угкасмаа’д̇и вад̣̇аамий’’д̇и. згаад̣̇асамам̣.
146. Sāvatthinidānaṃ. ‘‘Saddhāpabbajitassa, bhikkhave, kulaputtassa ayamanudhammo hoti – yaṃ rūpe nibbidābahulo 2 vihareyya. Vedanāya…pe… saññāya… saṅkhāresu… viññāṇe nibbidābahulo vihareyya. Yo rūpe nibbidābahulo viharanto, vedanāya… saññāya… saṅkhāresu… viññāṇe nibbidābahulo viharanto rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti; so rūpaṃ parijānaṃ vedanaṃ parijānaṃ saññaṃ parijānaṃ saṅkhāre parijānaṃ viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāya maraṇena sokehi paridevehi dukkhehi domanassehi upāyāsehi; ‘parimuccati dukkhasmā’ti vadāmī’’ti. Ekādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-13. гуггул̣асуд̇д̇аад̣̇иван̣н̣анаа • 1-13. Kukkuḷasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-14. гуггул̣асуд̇д̇аад̣̇иван̣н̣анаа • 1-14. Kukkuḷasuttādivaṇṇanā
