| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. ниб̣б̣уд̇асуд̇д̇ам̣
5. Nibbutasuttaṃ
56. ат̇а ко ж̇аан̣уссон̣и б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ж̇аан̣уссон̣и б̣раахман̣о бхаг̇аванд̇ам̣ зд̇ад̣̇авожа – ‘‘‘санд̣̇идтигам̣ ниб̣б̣аанам̣ санд̣̇идтигам̣ ниб̣б̣аана’нд̇и, бхо г̇од̇ама, вужжад̇и. гид̇д̇аавад̇аа ну ко, бхо г̇од̇ама, санд̣̇идтигам̣ ниб̣б̣аанам̣ ход̇и агаалигам̣ зхибассигам̣ обанзяяигам̣ бажжад̇д̇ам̣ взд̣̇ид̇аб̣б̣ам̣ вин̃н̃уухий’’д̇и?
56. Atha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho jāṇussoṇi brāhmaṇo bhagavantaṃ etadavoca – ‘‘‘sandiṭṭhikaṃ nibbānaṃ sandiṭṭhikaṃ nibbāna’nti, bho gotama, vuccati. Kittāvatā nu kho, bho gotama, sandiṭṭhikaṃ nibbānaṃ hoti akālikaṃ ehipassikaṃ opaneyyikaṃ paccattaṃ veditabbaṃ viññūhī’’ti?
‘‘рад̇д̇о ко, б̣раахман̣а, рааг̇зна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и. рааг̇з бахийнз нзвад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и, на жзд̇асигамби д̣̇угкам̣ д̣̇оманассам̣ бадисам̣взд̣̇зд̇и. звамби ко, б̣раахман̣а, санд̣̇идтигам̣ ниб̣б̣аанам̣ ход̇и.
‘‘Ratto kho, brāhmaṇa, rāgena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṃ domanassaṃ paṭisaṃvedeti. Rāge pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikampi dukkhaṃ domanassaṃ paṭisaṃvedeti. Evampi kho, brāhmaṇa, sandiṭṭhikaṃ nibbānaṃ hoti.
‘‘д̣̇удто ко, б̣раахман̣а…бз… муул̣хо ко, б̣раахман̣а, мохзна абхибхууд̇о барияаад̣̇иннажид̇д̇о ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и. мохз бахийнз нзвад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и, на жзд̇асигам̣ д̣̇угкам̣ д̣̇оманассам̣ бадисам̣взд̣̇зд̇и. звамби ко, б̣раахман̣а, санд̣̇идтигам̣ ниб̣б̣аанам̣ ход̇и.
‘‘Duṭṭho kho, brāhmaṇa…pe… mūḷho kho, brāhmaṇa, mohena abhibhūto pariyādinnacitto attabyābādhāyapi ceteti, parabyābādhāyapi ceteti, ubhayabyābādhāyapi ceteti, cetasikampi dukkhaṃ domanassaṃ paṭisaṃvedeti. Mohe pahīne nevattabyābādhāyapi ceteti, na parabyābādhāyapi ceteti, na ubhayabyābādhāyapi ceteti, na cetasikaṃ dukkhaṃ domanassaṃ paṭisaṃvedeti. Evampi kho, brāhmaṇa, sandiṭṭhikaṃ nibbānaṃ hoti.
‘‘яад̇о ко аяам̣, б̣раахман̣а 1, анавасзсам̣ рааг̇агкаяам̣ бадисам̣взд̣̇зд̇и, анавасзсам̣ д̣̇осагкаяам̣ бадисам̣взд̣̇зд̇и, анавасзсам̣ мохагкаяам̣ бадисам̣взд̣̇зд̇и; звам̣ ко, б̣раахман̣а, санд̣̇идтигам̣ ниб̣б̣аанам̣ ход̇и агаалигам̣ зхибассигам̣ обанзяяигам̣ бажжад̇д̇ам̣ взд̣̇ид̇аб̣б̣ам̣ вин̃н̃уухий’’д̇и. ‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. бан̃жамам̣.
‘‘Yato kho ayaṃ, brāhmaṇa 2, anavasesaṃ rāgakkhayaṃ paṭisaṃvedeti, anavasesaṃ dosakkhayaṃ paṭisaṃvedeti, anavasesaṃ mohakkhayaṃ paṭisaṃvedeti; evaṃ kho, brāhmaṇa, sandiṭṭhikaṃ nibbānaṃ hoti akālikaṃ ehipassikaṃ opaneyyikaṃ paccattaṃ veditabbaṃ viññūhī’’ti. ‘‘Abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. ниб̣б̣уд̇асуд̇д̇аван̣н̣анаа • 5. Nibbutasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. ниб̣б̣уд̇асуд̇д̇аван̣н̣анаа • 5. Nibbutasuttavaṇṇanā
