| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
абад̣̇аана-адтагат̇аа
Apadāna-aṭṭhakathā
(батамо бхааг̇о)
(Paṭhamo bhāgo)
г̇ант̇аарамбхагат̇аа
Ganthārambhakathā
ванд̣̇ид̇ваа сирасаа сздтам̣, б̣уд̣̇д̇хамаббадибуг̇г̇алам̣;
Vanditvā sirasā seṭṭhaṃ, buddhamappaṭipuggalaṃ;
н̃зяяасааг̇арамуд̇д̇ин̣н̣ам̣, д̇ин̣н̣ам̣ сам̣саарасааг̇арам̣.
Ñeyyasāgaramuttiṇṇaṃ, tiṇṇaṃ saṃsārasāgaraṃ.
д̇ат̇зва барамам̣ санд̇ам̣, г̇амбхийрам̣ д̣̇уд̣̇д̣̇асам̣ ан̣ум̣;
Tatheva paramaṃ santaṃ, gambhīraṃ duddasaṃ aṇuṃ;
бхаваабхавагарам̣ суд̣̇д̇хам̣, д̇хаммам̣ самб̣уд̣̇д̇хабууж̇ид̇ам̣.
Bhavābhavakaraṃ suddhaṃ, dhammaṃ sambuddhapūjitaṃ.
д̇ат̇зва анагхам̣ сан̇гхам̣, асан̇г̇ам̣ сан̇гхамуд̇д̇амам̣;
Tatheva anaghaṃ saṅghaṃ, asaṅgaṃ saṅghamuttamaṃ;
уд̇д̇амам̣ д̣̇агкин̣зяяаанам̣, санд̇инд̣̇рияаманаасавам̣.
Uttamaṃ dakkhiṇeyyānaṃ, santindriyamanāsavaṃ.
гад̇зна д̇асса зд̇асса, бан̣аамзна висзсад̇о;
Katena tassa etassa, paṇāmena visesato;
рад̇анад̇д̇аяз висзсзна, висзсассаад̣̇арзна мз.
Ratanattaye visesena, visesassādarena me.
т̇зрзхи д̇хийрад̇хийрзхи, ааг̇аман̃н̃уухи вин̃н̃убхи;
Therehi dhīradhīrehi, āgamaññūhi viññubhi;
‘‘абад̣̇аанадтагат̇аа бханд̇з, гаад̇аб̣б̣аа’’д̇и висзсад̇о.
‘‘Apadānaṭṭhakathā bhante, kātabbā’’ti visesato.
бунаббунаад̣̇арзнзва, яаажид̇охам̣ яасассибхи;
Punappunādareneva, yācitohaṃ yasassibhi;
д̇асмаахам̣ саабад̣̇аанасса, абад̣̇аанассасзсад̇о.
Tasmāhaṃ sāpadānassa, apadānassasesato.
висзсанаяад̣̇ийбасса, д̣̇ийбиссам̣ бидагад̇д̇аяз;
Visesanayadīpassa, dīpissaṃ piṭakattaye;
яат̇аа баал̣инаязнзва, ад̇т̇асам̣ван̣н̣анам̣ субхам̣.
Yathā pāḷinayeneva, atthasaṃvaṇṇanaṃ subhaṃ.
гзна гад̇т̇а гад̣̇аа жзд̇ам̣, бхаасид̇ам̣ д̇хаммамуд̇д̇амам̣;
Kena kattha kadā cetaṃ, bhāsitaṃ dhammamuttamaṃ;
гимад̇т̇ам̣ бхаасид̇ан̃жзд̇ам̣, зд̇ам̣ вад̇ваа вид̇хим̣ д̇ад̇о.
Kimatthaṃ bhāsitañcetaṃ, etaṃ vatvā vidhiṃ tato.
нид̣̇аанзсу госаллад̇т̇ам̣, сукуг̇г̇ахан̣ад̇хааран̣ам̣;
Nidānesu kosallatthaṃ, sukhuggahaṇadhāraṇaṃ;
д̇асмаа д̇ам̣ д̇ам̣ вид̇хим̣ вад̇ваа, буб̣б̣аабарависзсид̇ам̣.
Tasmā taṃ taṃ vidhiṃ vatvā, pubbāparavisesitaṃ.
бураа сийхал̣абхаасааяа, бораан̣адтагат̇ааяа жа;
Purā sīhaḷabhāsāya, porāṇaṭṭhakathāya ca;
табид̇ам̣ д̇ам̣ на саад̇хзд̇и, саад̇хуунам̣ ижчид̇ижчид̇ам̣.
Ṭhapitaṃ taṃ na sādheti, sādhūnaṃ icchiticchitaṃ.
д̇асмаа д̇амубаниссааяа, бораан̣адтагат̇аанаяам̣;
Tasmā tamupanissāya, porāṇaṭṭhakathānayaṃ;
виваж̇ж̇зд̇ваа вируд̣̇д̇хад̇т̇ам̣, висзсад̇т̇ам̣ багаасаяам̣;
Vivajjetvā viruddhatthaṃ, visesatthaṃ pakāsayaṃ;
висзсаван̣н̣анам̣ сздтам̣, гариссаамад̇т̇аван̣н̣ананд̇и.
Visesavaṇṇanaṃ seṭṭhaṃ, karissāmatthavaṇṇananti.
нид̣̇аанагат̇аа
Nidānakathā
‘‘гзна гад̇т̇а гад̣̇аа жзд̇ам̣, бхаасид̇ам̣ д̇хаммамуд̇д̇ама’’нд̇и жа, ‘‘гариссаамад̇т̇аван̣н̣ана’’нд̇и жа бадин̃н̃аад̇ад̇д̇аа саа банааяам̣ абад̣̇аанассад̇т̇аван̣н̣анаа д̣̇уурзнид̣̇аанам̣, авид̣̇уурзнид̣̇аанам̣, санд̇игзнид̣̇аананд̇и имаани д̇ийн̣и нид̣̇аанаани д̣̇ассзд̇ваа ван̣н̣ияамаанаа яз нам̣ сун̣анд̇и, д̇зхи самуд̣̇ааг̇амад̇о бадтааяа вин̃н̃аад̇ад̇д̇аа яасмаа судту вин̃н̃аад̇аа наама ход̇и, д̇асмаа нам̣ д̇аани нид̣̇аанаани д̣̇ассзд̇ваава ван̣н̣аяиссаама.
‘‘Kenakattha kadā cetaṃ, bhāsitaṃ dhammamuttama’’nti ca, ‘‘karissāmatthavaṇṇana’’nti ca paṭiññātattā sā panāyaṃ apadānassatthavaṇṇanā dūrenidānaṃ, avidūrenidānaṃ, santikenidānanti imāni tīṇi nidānāni dassetvā vaṇṇiyamānā ye naṃ suṇanti, tehi samudāgamato paṭṭhāya viññātattā yasmā suṭṭhu viññātā nāma hoti, tasmā naṃ tāni nidānāni dassetvāva vaṇṇayissāma.
д̇ад̇т̇а аад̣̇ид̇о д̇аава д̇зсам̣ нид̣̇аанаанам̣ барижчзд̣̇о взд̣̇ид̇аб̣б̣о. д̣̇ийбан̇гарабаад̣̇амууласмин̃хи гад̇аабхинийхаарасса махаасад̇д̇асса яаава взссанд̇арад̇д̇абхааваа жавид̇ваа д̇усид̇абурз ниб̣б̣ад̇д̇и, д̇аава бавад̇д̇о гат̇аамаг̇г̇о д̣̇уурзнид̣̇аанам̣ наама. д̇усид̇абхаванад̇о бана жавид̇ваа яаава б̣од̇химан̣д̣з саб̣б̣ан̃н̃уд̇аббад̇д̇и, д̇аава бавад̇д̇о гат̇аамаг̇г̇о авид̣̇уурзнид̣̇аанам̣ наама. санд̇игзнид̣̇аанам̣ бана д̇зсу д̇зсу таанзсу вихарад̇о д̇асмим̣ д̇асмим̣язва таанз лаб̣бхад̇ийд̇и.
Tattha ādito tāva tesaṃ nidānānaṃ paricchedo veditabbo. Dīpaṅkarapādamūlasmiñhi katābhinīhārassa mahāsattassa yāva vessantarattabhāvā cavitvā tusitapure nibbatti, tāva pavatto kathāmaggo dūrenidānaṃ nāma. Tusitabhavanato pana cavitvā yāva bodhimaṇḍe sabbaññutappatti, tāva pavatto kathāmaggo avidūrenidānaṃ nāma. Santikenidānaṃ pana tesu tesu ṭhānesu viharato tasmiṃ tasmiṃyeva ṭhāne labbhatīti.
1. д̣̇уурзнид̣̇аанагат̇аа
1. Dūrenidānakathā
д̇ад̇рид̣̇ам̣ д̣̇уурзнид̣̇аанам̣ наама – ид̇о гира габбасад̇асахассаад̇хигаанам̣ жад̇уннам̣ асан̇кязяяаанам̣ мад̇т̇агз амаравад̇ий наама наг̇арам̣ ахоси. д̇ад̇т̇а сумзд̇хо наама б̣раахман̣о бадивасад̇и, убхад̇о суж̇аад̇о маад̇ид̇о жа бид̇ид̇о жа, сам̣суд̣̇д̇хаг̇ахан̣иго яаава сад̇д̇амаа гулабариваддаа, агкид̇д̇о анубагудто ж̇аад̇иваад̣̇зна, абхируубо д̣̇ассанийяо баасаад̣̇иго барамааяа ван̣н̣абогкарад̇ааяа саманнааг̇ад̇о. со ан̃н̃ам̣ гаммам̣ агад̇ваа б̣раахман̣асиббамзва уг̇г̇ан̣хи. д̇асса д̣̇ахарагаалзязва маад̇аабид̇аро гааламагам̣су. ат̇асса раасивад̣дхаго амажжо ааяабод̇т̇агам̣ аахарид̇ваа суван̣н̣араж̇ад̇аман̣имуд̇д̇аад̣̇ибхарид̇з г̇аб̣бхз виварид̇ваа ‘‘зд̇д̇агам̣ д̇з, гумаара, маад̇у санд̇агам̣, зд̇д̇агам̣ бид̇у санд̇агам̣, зд̇д̇агам̣ аяяагабаяяагаана’’нд̇и яаава сад̇д̇амаа гулабариваддаа д̇ханам̣ аажигкид̇ваа ‘‘зд̇ам̣ бадибаж̇ж̇аахий’’д̇и ааха. сумзд̇хабан̣д̣ид̇о жинд̇зси – ‘‘имам̣ д̇ханам̣ сам̣харид̇ваа маяхам̣ бид̇убид̇аамахаад̣̇аяо баралогам̣ г̇ажчанд̇аа згагахаабан̣амби г̇ахзд̇ваа на г̇ад̇аа, маяаа бана г̇ахзд̇ваа г̇аманагааран̣ам̣ гаад̇ум̣ ваддад̇ий’’д̇и, со ран̃н̃о аарожзд̇ваа наг̇арз бхзрим̣ жараабзд̇ваа махааж̇анасса д̣̇аанам̣ д̣̇ад̇ваа д̇аабасабаб̣б̣аж̇ж̇ам̣ баб̣б̣аж̇и. имасса банад̇т̇асса аавибхаавад̇т̇ам̣ имасмим̣ таанз сумзд̇хагат̇аа гат̇зд̇аб̣б̣аа . саа банзсаа гин̃жааби б̣уд̣̇д̇хавам̣сз ниранд̇арам̣ ааг̇ад̇ааязва, г̇аат̇ааб̣анд̇хзна бана ааг̇ад̇ад̇д̇аа на судту баагадаа, д̇асмаа д̇ам̣ анд̇аранд̇араа г̇аат̇аасамб̣анд̇хад̣̇ийбагзхи важанзхи сад̣̇д̇хим̣ гат̇зссаама.
Tatridaṃ dūrenidānaṃ nāma – ito kira kappasatasahassādhikānaṃ catunnaṃ asaṅkhyeyyānaṃ matthake amaravatī nāma nagaraṃ ahosi. Tattha sumedho nāma brāhmaṇo paṭivasati, ubhato sujāto mātito ca pitito ca, saṃsuddhagahaṇiko yāva sattamā kulaparivaṭṭā, akkhitto anupakuṭṭho jātivādena, abhirūpo dassanīyo pāsādiko paramāya vaṇṇapokkharatāya samannāgato. So aññaṃ kammaṃ akatvā brāhmaṇasippameva uggaṇhi. Tassa daharakāleyeva mātāpitaro kālamakaṃsu. Athassa rāsivaḍḍhako amacco āyapotthakaṃ āharitvā suvaṇṇarajatamaṇimuttādibharite gabbhe vivaritvā ‘‘ettakaṃ te, kumāra, mātu santakaṃ, ettakaṃ pitu santakaṃ, ettakaṃ ayyakapayyakāna’’nti yāva sattamā kulaparivaṭṭā dhanaṃ ācikkhitvā ‘‘etaṃ paṭipajjāhī’’ti āha. Sumedhapaṇḍito cintesi – ‘‘imaṃ dhanaṃ saṃharitvā mayhaṃ pitupitāmahādayo paralokaṃ gacchantā ekakahāpaṇampi gahetvā na gatā, mayā pana gahetvā gamanakāraṇaṃ kātuṃ vaṭṭatī’’ti, so rañño ārocetvā nagare bheriṃ carāpetvā mahājanassa dānaṃ datvā tāpasapabbajjaṃ pabbaji. Imassa panatthassa āvibhāvatthaṃ imasmiṃ ṭhāne sumedhakathā kathetabbā . Sā panesā kiñcāpi buddhavaṃse nirantaraṃ āgatāyeva, gāthābandhena pana āgatattā na suṭṭhu pākaṭā, tasmā taṃ antarantarā gāthāsambandhadīpakehi vacanehi saddhiṃ kathessāma.
