| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
абхид̇хаммабидагз
Abhidhammapiṭake
гат̇аавад̇т̇у-адтагат̇аа
Kathāvatthu-aṭṭhakathā
нисинно д̣̇звалогасмим̣, д̣̇звасан̇гхабурагкад̇о;
Nisinno devalokasmiṃ, devasaṅghapurakkhato;
сад̣̇звагасса логасса, сад̇т̇аа аббадибуг̇г̇ало.
Sadevakassa lokassa, satthā appaṭipuggalo.
саб̣б̣абан̃н̃ад̇д̇игусало, бан̃н̃ад̇д̇ибарид̣̇ийбанам̣;
Sabbapaññattikusalo, paññattiparidīpanaṃ;
вад̇ваа буг̇г̇алабан̃н̃ад̇д̇им̣, логз уд̇д̇амабуг̇г̇ало.
Vatvā puggalapaññattiṃ, loke uttamapuggalo.
яам̣ буг̇г̇алагат̇аад̣̇ийнам̣, гат̇аанам̣ вад̇т̇убхаавад̇о;
Yaṃ puggalakathādīnaṃ, kathānaṃ vatthubhāvato;
гат̇аавад̇т̇уббагаран̣ам̣, сан̇кзбзна ад̣̇зсаяий.
Kathāvatthuppakaraṇaṃ, saṅkhepena adesayī.
маад̇игаатабанзнзва , табид̇асса сураалаяз;
Mātikāṭhapaneneva , ṭhapitassa surālaye;
д̇асса мог̇г̇алибуд̇д̇зна, вибхад̇д̇асса махийд̇алз.
Tassa moggaliputtena, vibhattassa mahītale.
ид̣̇аани яасмаа самбад̇д̇о, ад̇т̇асам̣ван̣н̣анааггамо;
Idāni yasmā sampatto, atthasaṃvaṇṇanākkamo;
д̇асмаа нам̣ ван̣н̣аяиссаами, д̇ам̣ сун̣аат̇а самаахид̇аад̇и.
Tasmā naṃ vaṇṇayissāmi, taṃ suṇātha samāhitāti.
нид̣̇аанагат̇аа
Nidānakathā
яамагабаадихийраавасаанасмин̃хи бхаг̇аваа д̇ид̣̇асабурз баарижчад̇д̇агамуулз бан̣д̣угамб̣аласилааяам̣ вассам̣ убаг̇анд̇ваа маад̇арам̣ гааяасагким̣ гад̇ваа д̣̇звабарисааяа абхид̇хаммагат̇ам̣ гат̇знд̇о д̇хаммасан̇г̇ан̣ийвибхан̇г̇ад̇хаад̇угат̇аабуг̇г̇алабан̃н̃ад̇д̇иббагаран̣аани д̣̇зсаяид̇ваа гат̇аавад̇т̇уд̣̇зсанааяа ваарз самбад̇д̇з ‘‘анааг̇ад̇з мама сааваго махаабан̃н̃о мог̇г̇алибуд̇д̇ад̇иссад̇т̇зро наама уббаннам̣ саасанамалам̣ сод̇хзд̇ваа д̇ад̇ияасан̇г̇ийд̇им̣ гаронд̇о бхигкусан̇гхасса маж̇жхз нисинно сагаваад̣̇з бан̃жа суд̇д̇асад̇аани бараваад̣̇з бан̃жаад̇и суд̇д̇асахассам̣ самод̇хаанзд̇ваа имам̣ багаран̣ам̣ бхааж̇зссад̇ий’’д̇и д̇ассогаасам̣ гаронд̇о яаа жзсаа буг̇г̇алаваад̣̇з д̇аава жад̇уусу бан̃хзсу д̣̇виннам̣ бан̃жагаанам̣ васзна адтамукаа ваад̣̇аяуд̇д̇и, д̇ам̣ аад̣̇им̣ гад̇ваа саб̣б̣агат̇аамаг̇г̇зсу асамбун̣н̣абхаан̣аваарамад̇д̇ааяа д̇анд̇ияаа маад̇игам̣ табзси. ат̇аавасзсам̣ абхид̇хаммагат̇ам̣ вид̇т̇ааранаязнзва гат̇зд̇ваа вуд̇т̇авассо суван̣н̣араж̇ад̇асобаанамаж̇жхз ман̣имаязна собаанзна д̣̇звалогад̇о сан̇гассанаг̇арз оруяха сад̇д̇ахид̇ам̣ самбаад̣̇знд̇о яаавад̇ааяугам̣ тад̇ваа анубаад̣̇исзсааяа ниб̣б̣аанад̇хаад̇уяаа бариниб̣б̣ааяи.
Yamakapāṭihīrāvasānasmiñhi bhagavā tidasapure pāricchattakamūle paṇḍukambalasilāyaṃ vassaṃ upagantvā mātaraṃ kāyasakkhiṃ katvā devaparisāya abhidhammakathaṃ kathento dhammasaṅgaṇīvibhaṅgadhātukathāpuggalapaññattippakaraṇāni desayitvā kathāvatthudesanāya vāre sampatte ‘‘anāgate mama sāvako mahāpañño moggaliputtatissatthero nāma uppannaṃ sāsanamalaṃ sodhetvā tatiyasaṅgītiṃ karonto bhikkhusaṅghassa majjhe nisinno sakavāde pañca suttasatāni paravāde pañcāti suttasahassaṃ samodhānetvā imaṃ pakaraṇaṃ bhājessatī’’ti tassokāsaṃ karonto yā cesā puggalavāde tāva catūsu pañhesu dvinnaṃ pañcakānaṃ vasena aṭṭhamukhā vādayutti, taṃ ādiṃ katvā sabbakathāmaggesu asampuṇṇabhāṇavāramattāya tantiyā mātikaṃ ṭhapesi. Athāvasesaṃ abhidhammakathaṃ vitthāranayeneva kathetvā vutthavasso suvaṇṇarajatasopānamajjhe maṇimayena sopānena devalokato saṅkassanagare oruyha sattahitaṃ sampādento yāvatāyukaṃ ṭhatvā anupādisesāya nibbānadhātuyā parinibbāyi.
ат̇асса махаагассабаббамуко васийг̇ан̣о аж̇аад̇асад̇д̇урааж̇аанам̣ сахааяам̣ г̇ахзд̇ваа д̇хаммавинаяасарийрам̣ сан̇г̇ахам̣ ааробзси. д̇ад̇о вассасад̇асса ажжаязна важ̇ж̇ибуд̇д̇агаа бхигкуу д̣̇аса вад̇т̇ууни д̣̇ийбаяим̣су. д̇аани суд̇ваа гааган̣д̣агасса б̣раахман̣асса буд̇д̇о яасад̇т̇зро сусунааг̇абуд̇д̇ам̣ гаалаасогам̣ наама рааж̇аанам̣ сахааяам̣ г̇ахзд̇ваа д̣̇ваад̣̇асаннам̣ бхигкусад̇асахассаанам̣ анд̇арз сад̇д̇ат̇зрасад̇аани ужжинид̇ваа д̇аани д̣̇асавад̇т̇ууни мад̣̇д̣̇ид̇ваа д̇хаммавинаяасарийрам̣ сан̇г̇ахам̣ ааробзси.
Athassa mahākassapappamukho vasīgaṇo ajātasatturājānaṃ sahāyaṃ gahetvā dhammavinayasarīraṃ saṅgahaṃ āropesi. Tato vassasatassa accayena vajjiputtakā bhikkhū dasa vatthūni dīpayiṃsu. Tāni sutvā kākaṇḍakassa brāhmaṇassa putto yasatthero susunāgaputtaṃ kālāsokaṃ nāma rājānaṃ sahāyaṃ gahetvā dvādasannaṃ bhikkhusatasahassānaṃ antare sattatherasatāni uccinitvā tāni dasavatthūni madditvā dhammavinayasarīraṃ saṅgahaṃ āropesi.
д̇зхи бана д̇хаммасан̇г̇аахагад̇т̇зрзхи ниг̇г̇ахид̇аа д̣̇асасахассаа важ̇ж̇ибуд̇д̇агаа бхигкуу багкам̣ бариязсамаанаа ад̇д̇ано ануруубам̣ д̣̇уб̣б̣алабагкам̣ лабхид̇ваа висум̣ махаасан̇гхигаажарияагулам̣ наама агам̣су . д̇ад̇о бхиж̇ж̇ид̇ваа абараани д̣̇вз аажарияагулаани ж̇аад̇аани – г̇огулигаа жа згаб̣яохааригаа жа. г̇огулиганигааяад̇о бхиж̇ж̇ид̇ваа абараани д̣̇вз аажарияагулаани ж̇аад̇аани – бан̣н̣ад̇д̇иваад̣̇аа жа б̣аахулияаа жа. б̣ахуссуд̇игаад̇иби д̇зсам̣язва наамам̣. д̇зсам̣язва анд̇арз жзд̇ияаваад̣̇аа наама абарз аажарияаваад̣̇аа уббаннаа. звам̣ махаасан̇гхигаажарияагулад̇о д̣̇уд̇ияз вассасад̇з бан̃жаажарияагулаани уббаннаани. д̇аани махаасан̇гхигзхи сад̣̇д̇хим̣ ча хонд̇и.
Tehi pana dhammasaṅgāhakattherehi niggahitā dasasahassā vajjiputtakā bhikkhū pakkhaṃ pariyesamānā attano anurūpaṃ dubbalapakkhaṃ labhitvā visuṃ mahāsaṅghikācariyakulaṃ nāma akaṃsu . Tato bhijjitvā aparāni dve ācariyakulāni jātāni – gokulikā ca ekabyohārikā ca. Gokulikanikāyato bhijjitvā aparāni dve ācariyakulāni jātāni – paṇṇattivādā ca bāhuliyā ca. Bahussutikātipi tesaṃyeva nāmaṃ. Tesaṃyeva antare cetiyavādā nāma apare ācariyavādā uppannā. Evaṃ mahāsaṅghikācariyakulato dutiye vassasate pañcācariyakulāni uppannāni. Tāni mahāsaṅghikehi saddhiṃ cha honti.
д̇асмим̣язва д̣̇уд̇ияз вассасад̇з т̇зраваад̣̇ад̇о бхиж̇ж̇ид̇ваа д̣̇вз аажарияаваад̣̇аа уббаннаа – махисаасагаа жа важ̇ж̇ибуд̇д̇агаа жа. д̇ад̇т̇а важ̇ж̇ибуд̇д̇агаваад̣̇ад̇о бхиж̇ж̇ид̇ваа абарз жад̇д̇ааро аажарияаваад̣̇аа уббаннаа – д̇хаммуд̇д̇арияаа, бхад̣̇раяаанигаа, чаннааг̇ааригаа, самид̇ияаад̇и. буна д̇асмим̣язва д̣̇уд̇ияз вассасад̇з махисаасагаваад̣̇ад̇о бхиж̇ж̇ид̇ваа саб̣б̣ад̇т̇иваад̣̇аа д̇хаммаг̇уд̇д̇игаад̇и д̣̇вз аажарияаваад̣̇аа уббаннаа. буна саб̣б̣ад̇т̇иваад̣̇агулад̇о бхиж̇ж̇ид̇ваа гассабигаа наама ж̇аад̇аа. гассабигзсу бхиннзсу абарз сан̇ганд̇игаа наама ж̇аад̇аа. сан̇ганд̇игзсу бхиннзсу суд̇д̇аваад̣̇аа наама ж̇аад̇аад̇и т̇зраваад̣̇ад̇о бхиж̇ж̇ид̇ваа имз згаад̣̇аса аажарияаваад̣̇аа уббаннаа. д̇з т̇зраваад̣̇зхи сад̣̇д̇хим̣ д̣̇ваад̣̇аса хонд̇и. ид̇и имз жа д̣̇ваад̣̇аса, махаасан̇гхигаанан̃жа ча аажарияаваад̣̇аад̇и саб̣б̣зва адтаараса аажарияаваад̣̇аа д̣̇уд̇ияз вассасад̇з уббаннаа. адтаараса нигааяаад̇иби, адтаарасаажарияагулаанийд̇иби зд̇зсам̣язва наамам̣. зд̇зсу бана сад̇д̇араса ваад̣̇аа бхиннагаа, т̇зраваад̣̇о асамбхиннагод̇и взд̣̇ид̇аб̣б̣о. вуд̇д̇амби жзд̇ам̣ д̣̇ийбавам̣сз –
Tasmiṃyeva dutiye vassasate theravādato bhijjitvā dve ācariyavādā uppannā – mahisāsakā ca vajjiputtakā ca. Tattha vajjiputtakavādato bhijjitvā apare cattāro ācariyavādā uppannā – dhammuttariyā, bhadrayānikā, channāgārikā, samitiyāti. Puna tasmiṃyeva dutiye vassasate mahisāsakavādato bhijjitvā sabbatthivādā dhammaguttikāti dve ācariyavādā uppannā. Puna sabbatthivādakulato bhijjitvā kassapikā nāma jātā. Kassapikesu bhinnesu apare saṅkantikā nāma jātā. Saṅkantikesu bhinnesu suttavādā nāma jātāti theravādato bhijjitvā ime ekādasa ācariyavādā uppannā. Te theravādehi saddhiṃ dvādasa honti. Iti ime ca dvādasa, mahāsaṅghikānañca cha ācariyavādāti sabbeva aṭṭhārasa ācariyavādā dutiye vassasate uppannā. Aṭṭhārasa nikāyātipi, aṭṭhārasācariyakulānītipi etesaṃyeva nāmaṃ. Etesu pana sattarasa vādā bhinnakā, theravādo asambhinnakoti veditabbo. Vuttampi cetaṃ dīpavaṃse –
‘‘ниггад̣дхид̇аа баабабхигкуу, т̇зрзхи важ̇ж̇ибуд̇д̇агаа;
‘‘Nikkaḍḍhitā pāpabhikkhū, therehi vajjiputtakā;
ан̃н̃ам̣ багкам̣ лабхид̇ваана, ад̇хаммаваад̣̇ий б̣ахуу ж̇анаа.
Aññaṃ pakkhaṃ labhitvāna, adhammavādī bahū janā.
‘‘д̣̇асасахассаа самааг̇анд̇ваа, агам̣су д̇хаммасан̇г̇ахам̣;
‘‘Dasasahassā samāgantvā, akaṃsu dhammasaṅgahaṃ;
д̇асмааяам̣ д̇хаммасан̇г̇ийд̇и, махаасан̇г̇ийд̇и вужжад̇и.
Tasmāyaṃ dhammasaṅgīti, mahāsaṅgīti vuccati.
‘‘махаасан̇г̇ийд̇игаа бхигкуу, виломам̣ агам̣су саасанз;
‘‘Mahāsaṅgītikā bhikkhū, vilomaṃ akaṃsu sāsane;
бхинд̣̇ид̇ваа мууласан̇г̇ахам̣, ан̃н̃ам̣ агам̣су сан̇г̇ахам̣.
Bhinditvā mūlasaṅgahaṃ, aññaṃ akaṃsu saṅgahaṃ.
‘‘ан̃н̃ад̇ра сан̇г̇ахид̇аа суд̇д̇ам̣, ан̃н̃ад̇ра агарим̣су д̇з;
‘‘Aññatra saṅgahitā suttaṃ, aññatra akariṃsu te;
ад̇т̇ам̣ д̇хамман̃жа бхинд̣̇им̣су, винаяз нигааязсу жа бан̃жасу.
Atthaṃ dhammañca bhindiṃsu, vinaye nikāyesu ca pañcasu.
‘‘барияааяад̣̇зсид̇ан̃жааби, ат̇о ниббарияааяад̣̇зсид̇ам̣;
‘‘Pariyāyadesitañcāpi, atho nippariyāyadesitaṃ;
нийд̇ад̇т̇ан̃жзва нзяяад̇т̇ам̣, аж̇аанид̇ваана бхигкаво.
Nītatthañceva neyyatthaṃ, ajānitvāna bhikkhavo.
‘‘ан̃н̃ам̣ санд̇хааяа бхан̣ид̇ам̣, ан̃н̃ам̣ ад̇т̇ам̣ табаяим̣су д̇з;
‘‘Aññaṃ sandhāya bhaṇitaṃ, aññaṃ atthaṃ ṭhapayiṃsu te;
б̣яан̃ж̇анажчааяааяа д̇з бхигкуу, б̣ахум̣ ад̇т̇ам̣ винаасаяум̣.
Byañjanacchāyāya te bhikkhū, bahuṃ atthaṃ vināsayuṃ.
‘‘чад̣д̣зд̇ваана згад̣̇зсам̣, суд̇д̇ам̣ винаяаг̇амбхийрам̣;
‘‘Chaḍḍetvāna ekadesaṃ, suttaṃ vinayagambhīraṃ;
бад̇ируубам̣ суд̇д̇ам̣ винаяам̣, д̇ан̃жа ан̃н̃ам̣ гарим̣су д̇з.
Patirūpaṃ suttaṃ vinayaṃ, tañca aññaṃ kariṃsu te.
‘‘бариваарам̣ ад̇т̇уд̣̇д̇хаарам̣, абхид̇хаммам̣ чаббагаран̣ам̣;
‘‘Parivāraṃ atthuddhāraṃ, abhidhammaṃ chappakaraṇaṃ;
бадисамбхид̣̇ан̃жа нид̣̇д̣̇зсам̣, згад̣̇зсан̃жа ж̇аад̇агам̣.
Paṭisambhidañca niddesaṃ, ekadesañca jātakaṃ.
‘‘зд̇д̇агам̣ виссаж̇ж̇ид̇ваана, ан̃н̃аани агарим̣су д̇з;
‘‘Ettakaṃ vissajjitvāna, aññāni akariṃsu te;
наамам̣ лин̇г̇ам̣ баригкаарам̣, аагаббагаран̣аани жа.
Nāmaṃ liṅgaṃ parikkhāraṃ, ākappakaraṇāni ca.
‘‘багад̇ибхаавам̣ ж̇ахид̇ваа, д̇ан̃жа ан̃н̃ам̣ агам̣су д̇з;
‘‘Pakatibhāvaṃ jahitvā, tañca aññaṃ akaṃsu te;
буб̣б̣ан̇г̇амаа бхиннаваад̣̇аа, махаасан̇г̇ийд̇игаарагаа.
Pubbaṅgamā bhinnavādā, mahāsaṅgītikārakā.
‘‘д̇зсан̃жа анугаарзна, бхиннаваад̣̇аа б̣ахуу аху;
‘‘Tesañca anukārena, bhinnavādā bahū ahu;
д̇ад̇о абарагааламхи, д̇асмим̣ бхзд̣̇о аж̇ааяат̇а.
Tato aparakālamhi, tasmiṃ bhedo ajāyatha.
‘‘г̇огулигаа згаб̣яохаари, д̣̇вид̇хаа бхиж̇ж̇ид̇т̇а бхигкаво;
‘‘Gokulikā ekabyohāri, dvidhā bhijjittha bhikkhavo;
г̇огулигаанам̣ д̣̇вз бхзд̣̇аа, абарагааламхи ж̇ааяат̇а.
Gokulikānaṃ dve bhedā, aparakālamhi jāyatha.
‘‘б̣ахуссуд̇игаа жа бан̃н̃ад̇д̇и, д̣̇вид̇хаа бхиж̇ж̇ид̇т̇а бхигкаво;
‘‘Bahussutikā ca paññatti, dvidhā bhijjittha bhikkhavo;
жзд̇ияаа жа бунаваад̣̇ий, махаасан̇г̇ийд̇ибхзд̣̇агаа.
Cetiyā ca punavādī, mahāsaṅgītibhedakā.
‘‘бан̃жаваад̣̇аа имз саб̣б̣з, махаасан̇г̇ийд̇имуулагаа;
‘‘Pañcavādā ime sabbe, mahāsaṅgītimūlakā;
ад̇т̇ам̣ д̇хамман̃жа бхинд̣̇им̣су, згад̣̇зсан̃жа сан̇г̇ахам̣.
Atthaṃ dhammañca bhindiṃsu, ekadesañca saṅgahaṃ.
‘‘г̇ант̇ан̃жа згад̣̇зсан̃хи, чад̣д̣зд̇ваа ан̃н̃ам̣ агам̣су д̇з;
‘‘Ganthañca ekadesañhi, chaḍḍetvā aññaṃ akaṃsu te;
наамам̣ лин̇г̇ам̣ баригкаарам̣, аагаббагаран̣аани жа.
Nāmaṃ liṅgaṃ parikkhāraṃ, ākappakaraṇāni ca.
‘‘багад̇ибхаавам̣ ж̇ахид̇ваа, д̇ан̃жа ан̃н̃ам̣ агам̣су д̇з;
‘‘Pakatibhāvaṃ jahitvā, tañca aññaṃ akaṃsu te;
висуд̣̇д̇хад̇т̇зраваад̣̇амхи, буна бхзд̣̇о аж̇ааяат̇а.
Visuddhattheravādamhi, puna bhedo ajāyatha.
‘‘махисаасагаа важ̇ж̇ибуд̇д̇агаа, д̣̇вид̇хаа бхиж̇ж̇ид̇т̇а бхигкаво;
‘‘Mahisāsakā vajjiputtakā, dvidhā bhijjittha bhikkhavo;
важ̇ж̇ибуд̇д̇агаваад̣̇амхи, жад̇уд̇хаа бхзд̣̇о аж̇ааяат̇а.
Vajjiputtakavādamhi, catudhā bhedo ajāyatha.
‘‘д̇хаммуд̇д̇аригаа бхад̣̇д̣̇аяаанигаа, чаннааг̇ааригаа жа самид̇и;
‘‘Dhammuttarikā bhaddayānikā, channāgārikā ca samiti;
махисаасагаанам̣ д̣̇вз бхзд̣̇аа, абарагааламхи аж̇ааяат̇а.
Mahisāsakānaṃ dve bhedā, aparakālamhi ajāyatha.
‘‘саб̣б̣ад̇т̇иваад̣̇аа д̇хаммаг̇уд̇д̇аа, д̣̇вид̇хаа бхиж̇ж̇ид̇т̇а бхигкаво;
‘‘Sabbatthivādā dhammaguttā, dvidhā bhijjittha bhikkhavo;
саб̣б̣ад̇т̇иваад̣̇аанам̣ гассабигаа, сан̇ганд̇игассабигзна жа.
Sabbatthivādānaṃ kassapikā, saṅkantikassapikena ca.
‘‘сан̇ганд̇игаанам̣ суд̇д̇аваад̣̇ий, анубуб̣б̣зна бхиж̇ж̇ат̇а;
‘‘Saṅkantikānaṃ suttavādī, anupubbena bhijjatha;
имз згаад̣̇аса ваад̣̇аа, самбхиннаа т̇зраваад̣̇ад̇о.
Ime ekādasa vādā, sambhinnā theravādato.
‘‘ад̇т̇ам̣ д̇хамман̃жа бхинд̣̇им̣су, згад̣̇зсан̃жа сан̇г̇ахам̣;
‘‘Atthaṃ dhammañca bhindiṃsu, ekadesañca saṅgahaṃ;
г̇ант̇ан̃жа згад̣̇зсан̃хи, чад̣д̣зд̇ваа ан̃н̃ам̣ агам̣су д̇з.
Ganthañca ekadesañhi, chaḍḍetvā aññaṃ akaṃsu te.
‘‘наамам̣ лин̇г̇ам̣ баригкаарам̣, аагаббагаран̣аани жа;
‘‘Nāmaṃ liṅgaṃ parikkhāraṃ, ākappakaraṇāni ca;
багад̇ибхаавам̣ ж̇ахид̇ваа, д̇ан̃жа ан̃н̃ам̣ агам̣су д̇з.
Pakatibhāvaṃ jahitvā, tañca aññaṃ akaṃsu te.
‘‘сад̇д̇араса бхиннаваад̣̇аа, згаваад̣̇о абхиннаго;
‘‘Sattarasa bhinnavādā, ekavādo abhinnako;
саб̣б̣звадтаараса хонд̇и, бхиннаваад̣̇зна д̇з саха.
Sabbevaṭṭhārasa honti, bhinnavādena te saha.
‘‘ниг̇род̇хова махааругко, т̇зра ваад̣̇аанамуд̇д̇амо;
‘‘Nigrodhova mahārukkho, thera vādānamuttamo;
ануунам̣ анад̇хиган̃жа, гзвалам̣ ж̇инасаасанам̣.
Anūnaṃ anadhikañca, kevalaṃ jinasāsanaṃ.
‘‘санд̇агаа вияа ругкамхи, ниб̣б̣ад̇д̇аа ваад̣̇асзсагаа;
‘‘Santakā viya rukkhamhi, nibbattā vādasesakā;
батамз вассасад̇з над̇т̇и, д̣̇уд̇ияз вассасад̇анд̇арз;
Paṭhame vassasate natthi, dutiye vassasatantare;
бхиннаа сад̇д̇араса ваад̣̇аа, уббаннаа ж̇инасаасанз’’д̇и.
Bhinnā sattarasa vādā, uppannā jinasāsane’’ti.
абараабарам̣ бана хзмавад̇игаа, рааж̇аг̇иригаа, сид̣̇д̇хад̇т̇игаа, буб̣б̣асзлияаа, абарасзлияаа, вааж̇ирияаад̇и ан̃н̃зби ча аажарияаваад̣̇аа уббаннаа. д̇з ид̇ха анад̇хиббзд̇аа. буримагаанам̣ бана адтаарасаннам̣ аажарияаваад̣̇аанам̣ васзна бавад̇д̇амаанз саасанз бадилад̣̇д̇хасад̣̇д̇хо асого д̇хаммарааж̇аа д̣̇ивасз д̣̇ивасз б̣уд̣̇д̇хабууж̇ааяа сад̇асахассам̣, д̇хаммабууж̇ааяа сад̇асахассам̣, сан̇гхабууж̇ааяа сад̇асахассам̣, ад̇д̇ано аажарияасса ниг̇род̇хад̇т̇зрасса сад̇асахассам̣, жад̇уусу д̣̇ваарзсу бхзсаж̇ж̇ад̇т̇ааяа сад̇асахассанд̇и бан̃жасад̇асахассаани барижжаж̇анд̇о саасанз ул̣аарам̣ лаабхасаггаарам̣ бавад̇д̇зси.
Aparāparaṃ pana hemavatikā, rājagirikā, siddhatthikā, pubbaseliyā, aparaseliyā, vājiriyāti aññepi cha ācariyavādā uppannā. Te idha anadhippetā. Purimakānaṃ pana aṭṭhārasannaṃ ācariyavādānaṃ vasena pavattamāne sāsane paṭiladdhasaddho asoko dhammarājā divase divase buddhapūjāya satasahassaṃ, dhammapūjāya satasahassaṃ, saṅghapūjāya satasahassaṃ, attano ācariyassa nigrodhattherassa satasahassaṃ, catūsu dvāresu bhesajjatthāya satasahassanti pañcasatasahassāni pariccajanto sāsane uḷāraṃ lābhasakkāraṃ pavattesi.
д̇ид̇т̇ияаа хад̇алаабхасаггаараа анд̇амасо гхаасажчаад̣̇анамад̇д̇амби алабханд̇аа лаабхасаггаарам̣ бад̇т̇аяамаанаа бхигкуусу баб̣б̣аж̇ид̇ваа сагаани сагаани д̣̇идтиг̇ад̇аани – ‘‘аяам̣ д̇хаммо, аяам̣ винаяо, ид̣̇ам̣ сад̇т̇усаасана’’нд̇и д̣̇ийбзнд̇и. баб̣б̣аж̇ж̇ам̣ алабхамаанааби саяамзва гзсз чинд̣̇ид̇ваа гаасааяаани вад̇т̇аани ажчаад̣̇зд̇ваа вихаарзсу вижаранд̇аа убосат̇агаммаад̣̇игаран̣агаалз сан̇гхамаж̇жхам̣ бависанд̇и. д̇з бхигкусан̇гхзна д̇хаммзна винаязна сад̇т̇усаасанзна ниг̇г̇аяхамаанааби д̇хаммавинаяаануломааяа бадибад̇д̇ияаа асан̣таханд̇аа анзгаруубам̣ саасанасса аб̣б̣уд̣̇ан̃жа малан̃жа ган̣даган̃жа самудтаабзнд̇и. гзжи аг̇г̇им̣ барижаранд̇и, гзжи бан̃жаад̇абз д̇абанд̇и, гзжи аад̣̇ижжам̣ анубаривад̇д̇анд̇и, гзжи ‘‘д̇хамман̃жа винаяан̃жа вобхинд̣̇иссаамаа’’д̇и д̇ат̇аа д̇ат̇аа баг̇г̇ан̣хим̣су. д̇ад̣̇аа бхигкусан̇гхо на д̇зхи сад̣̇д̇хим̣ убосат̇ам̣ ваа бавааран̣ам̣ ваа агааси. асогаараамз сад̇д̇а вассаани убосат̇о убажчиж̇ж̇и.
Titthiyā hatalābhasakkārā antamaso ghāsacchādanamattampi alabhantā lābhasakkāraṃ patthayamānā bhikkhūsu pabbajitvā sakāni sakāni diṭṭhigatāni – ‘‘ayaṃ dhammo, ayaṃ vinayo, idaṃ satthusāsana’’nti dīpenti. Pabbajjaṃ alabhamānāpi sayameva kese chinditvā kāsāyāni vatthāni acchādetvā vihāresu vicarantā uposathakammādikaraṇakāle saṅghamajjhaṃ pavisanti. Te bhikkhusaṅghena dhammena vinayena satthusāsanena niggayhamānāpi dhammavinayānulomāya paṭipattiyā asaṇṭhahantā anekarūpaṃ sāsanassa abbudañca malañca kaṇṭakañca samuṭṭhāpenti. Keci aggiṃ paricaranti, keci pañcātape tapanti, keci ādiccaṃ anuparivattanti, keci ‘‘dhammañca vinayañca vobhindissāmā’’ti tathā tathā paggaṇhiṃsu. Tadā bhikkhusaṅgho na tehi saddhiṃ uposathaṃ vā pavāraṇaṃ vā akāsi. Asokārāme satta vassāni uposatho upacchijji.
рааж̇аа ‘‘аан̣ааяа гаарзссаамий’’д̇и вааяаманд̇оби гаарзд̇ум̣ наасагки, ан̃н̃ад̣̇ад̇т̇у д̣̇уг̇г̇ахид̇аг̇аахинаа б̣аалзна амажжзна анзгзсу бхигкуусу ж̇ийвид̇аа воробид̇зсу виббадисаарий ахоси. со д̇ан̃жа виббадисаарам̣ д̇ан̃жа саасанз уббаннам̣ аб̣б̣уд̣̇ам̣ вуубасамзд̇угаамо ‘‘го ну ко имасмим̣ ад̇т̇з бадиб̣ало’’д̇и сан̇гхам̣ бужчид̇ваа ‘‘мог̇г̇алибуд̇д̇ад̇иссад̇т̇зро, махаарааж̇аа’’д̇и суд̇ваа сан̇гхасса важанзна ахог̇ан̇г̇аабаб̣б̣ад̇ад̇о т̇зрам̣ баггосаабзд̇ваа ид̣̇д̇хибаадихаарияад̣̇ассанзна т̇зрасса аанубхаавз ниб̣б̣ижигижчо ад̇д̇ано гуггужжам̣ бужчид̇ваа виббадисаарам̣ вуубасамзси. т̇зроби д̇ам̣ рааж̇уяяаанзязва васанд̇о сад̇д̇а д̣̇ивасаани самаяам̣ уг̇г̇ан̣хаабзси. со уг̇г̇ахид̇асамаяо сад̇д̇амз д̣̇ивасз асогаараамз бхигкусан̇гхам̣ саннибаад̇аабзд̇ваа саан̣ибаагаарам̣ баригкибаабзд̇ваа саан̣ибаагааранд̇арз нисинно згалад̣̇д̇хигз згалад̣̇д̇хигз бхигкуу згад̇о згад̇о гаарзд̇ваа згамзгам̣ бхигкусамуухам̣ баггосаабзд̇ваа бужчи – ‘‘бханд̇з, гим̣ваад̣̇ий саммаасамб̣уд̣̇д̇хо’’д̇и? д̇ад̇о сассад̇аваад̣̇ино – ‘‘сассад̇аваад̣̇ий’’д̇и аахам̣су. згажжасассад̇игаа, анд̇аананд̇игаа, амараавигкзбигаа, ад̇хижжасамуббаннигаа, сан̃н̃ийваад̣̇аа, асан̃н̃ийваад̣̇аа, нзвасан̃н̃ийнаасан̃н̃ийваад̣̇аа, ужчзд̣̇аваад̣̇аа, д̣̇идтад̇хамманиб̣б̣аанаваад̣̇аа – ‘‘д̣̇идтад̇хамманиб̣б̣аанаваад̣̇ий’’д̇и аахам̣су. рааж̇аа батамамзва самаяасса уг̇г̇ахид̇ад̇д̇аа наяимз бхигкуу ан̃н̃ад̇ид̇т̇ияаа имзд̇и н̃ад̇ваа д̇зсам̣ сзд̇агаани вад̇т̇аани д̣̇ад̇ваа уббаб̣б̣ааж̇зси. д̇з саб̣б̣зби садтисахассаа ахзсум̣.
Rājā ‘‘āṇāya kāressāmī’’ti vāyamantopi kāretuṃ nāsakkhi, aññadatthu duggahitagāhinā bālena amaccena anekesu bhikkhūsu jīvitā voropitesu vippaṭisārī ahosi. So tañca vippaṭisāraṃ tañca sāsane uppannaṃ abbudaṃ vūpasametukāmo ‘‘ko nu kho imasmiṃ atthe paṭibalo’’ti saṅghaṃ pucchitvā ‘‘moggaliputtatissatthero, mahārājā’’ti sutvā saṅghassa vacanena ahogaṅgāpabbatato theraṃ pakkosāpetvā iddhipāṭihāriyadassanena therassa ānubhāve nibbicikiccho attano kukkuccaṃ pucchitvā vippaṭisāraṃ vūpasamesi. Theropi taṃ rājuyyāneyeva vasanto satta divasāni samayaṃ uggaṇhāpesi. So uggahitasamayo sattame divase asokārāme bhikkhusaṅghaṃ sannipātāpetvā sāṇipākāraṃ parikkhipāpetvā sāṇipākārantare nisinno ekaladdhike ekaladdhike bhikkhū ekato ekato kāretvā ekamekaṃ bhikkhusamūhaṃ pakkosāpetvā pucchi – ‘‘bhante, kiṃvādī sammāsambuddho’’ti? Tato sassatavādino – ‘‘sassatavādī’’ti āhaṃsu. Ekaccasassatikā, antānantikā, amarāvikkhepikā, adhiccasamuppannikā, saññīvādā, asaññīvādā, nevasaññīnāsaññīvādā, ucchedavādā, diṭṭhadhammanibbānavādā – ‘‘diṭṭhadhammanibbānavādī’’ti āhaṃsu. Rājā paṭhamameva samayassa uggahitattā nayime bhikkhū aññatitthiyā imeti ñatvā tesaṃ setakāni vatthāni datvā uppabbājesi. Te sabbepi saṭṭhisahassā ahesuṃ.
ат̇ан̃н̃з бхигкуу баггосаабзд̇ваа бужчи – ‘‘гим̣ваад̣̇ий, бханд̇з, саммаасамб̣уд̣̇д̇хо’’д̇и? ‘‘вибхаж̇ж̇аваад̣̇ий, махаарааж̇аа’’д̇и. звам̣ вуд̇д̇з рааж̇аа т̇зрам̣ бужчи – ‘‘вибхаж̇ж̇аваад̣̇ий, бханд̇з, саммаасамб̣уд̣̇д̇хо’’д̇и? ‘‘аама, махаарааж̇аа’’д̇и. д̇ад̇о рааж̇аа ‘суд̣̇д̇хам̣ д̣̇аани, бханд̇з, саасанам̣, гарод̇у бхигкусан̇гхо убосат̇а’нд̇и аарагкам̣ д̣̇ад̇ваа наг̇арам̣ баависи. самаг̇г̇о сан̇гхо саннибад̇ид̇ваа убосат̇ам̣ агааси. д̇асмим̣ саннибаад̇з садтибхигкусад̇асахассаани ахзсум̣. д̇асмим̣ самааг̇амз мог̇г̇алибуд̇д̇ад̇иссад̇т̇зро яаани жа д̇ад̣̇аа уббаннаани вад̇т̇ууни, яаани жа ааяад̇им̣ уббаж̇ж̇иссанд̇и, саб̣б̣зсамби д̇зсам̣ бадиб̣ааханад̇т̇ам̣ сад̇т̇аараа д̣̇иннанаяавасзнзва д̇ат̇ааг̇ад̇зна табид̇амаад̇игам̣ вибхаж̇анд̇о сагаваад̣̇з бан̃жа суд̇д̇асад̇аани бараваад̣̇з бан̃жаад̇и суд̇д̇асахассам̣ аахарид̇ваа имам̣ бараббаваад̣̇амат̇анам̣ ааяад̇илагкан̣ам̣ гат̇аавад̇т̇уббагаран̣ам̣ абхааси.
Athaññe bhikkhū pakkosāpetvā pucchi – ‘‘kiṃvādī, bhante, sammāsambuddho’’ti? ‘‘Vibhajjavādī, mahārājā’’ti. Evaṃ vutte rājā theraṃ pucchi – ‘‘vibhajjavādī, bhante, sammāsambuddho’’ti? ‘‘Āma, mahārājā’’ti. Tato rājā ‘suddhaṃ dāni, bhante, sāsanaṃ, karotu bhikkhusaṅgho uposatha’nti ārakkhaṃ datvā nagaraṃ pāvisi. Samaggo saṅgho sannipatitvā uposathaṃ akāsi. Tasmiṃ sannipāte saṭṭhibhikkhusatasahassāni ahesuṃ. Tasmiṃ samāgame moggaliputtatissatthero yāni ca tadā uppannāni vatthūni, yāni ca āyatiṃ uppajjissanti, sabbesampi tesaṃ paṭibāhanatthaṃ satthārā dinnanayavaseneva tathāgatena ṭhapitamātikaṃ vibhajanto sakavāde pañca suttasatāni paravāde pañcāti suttasahassaṃ āharitvā imaṃ parappavādamathanaṃ āyatilakkhaṇaṃ kathāvatthuppakaraṇaṃ abhāsi.
д̇ад̇о садтисад̇асахассасан̇кязсу бхигкуу ужжинид̇ваа д̇ибидагабарияад̇д̇ид̇хараанам̣ бабхиннабадисамбхид̣̇аанам̣ бхигкуунам̣ сахассамзгам̣ г̇ахзд̇ваа яат̇аа махаагассабад̇т̇зро жа яасад̇т̇зро жа д̇хамман̃жа винаяан̃жа сан̇г̇ааяим̣су; звамзва сан̇г̇ааяанд̇о саасанамалам̣ висод̇хзд̇ваа д̇ад̇ияасан̇г̇ийд̇им̣ агааси. д̇ад̇т̇а абхид̇хаммам̣ сан̇г̇ааяанд̇о имам̣ яат̇аабхаасид̇ам̣ багаран̣ам̣ сан̇г̇ахам̣ ааробзси. д̇зна вуд̇д̇ам̣ –
Tato saṭṭhisatasahassasaṅkhyesu bhikkhū uccinitvā tipiṭakapariyattidharānaṃ pabhinnapaṭisambhidānaṃ bhikkhūnaṃ sahassamekaṃ gahetvā yathā mahākassapatthero ca yasatthero ca dhammañca vinayañca saṅgāyiṃsu; evameva saṅgāyanto sāsanamalaṃ visodhetvā tatiyasaṅgītiṃ akāsi. Tattha abhidhammaṃ saṅgāyanto imaṃ yathābhāsitaṃ pakaraṇaṃ saṅgahaṃ āropesi. Tena vuttaṃ –
‘‘яам̣ буг̇г̇алагат̇аад̣̇ийнам̣, гат̇аанам̣ вад̇т̇убхаавад̇о;
‘‘Yaṃ puggalakathādīnaṃ, kathānaṃ vatthubhāvato;
гат̇аавад̇т̇уббагаран̣ам̣, сан̇кзбзна ад̣̇зсаяий.
Kathāvatthuppakaraṇaṃ, saṅkhepena adesayī.
‘‘маад̇игаатабанзнзва, табид̇асса сураалаяз;
‘‘Mātikāṭhapaneneva, ṭhapitassa surālaye;
д̇асса мог̇г̇алибуд̇д̇зна, вибхад̇д̇асса махийд̇алз.
Tassa moggaliputtena, vibhattassa mahītale.
‘‘ид̣̇аани яасмаа самбад̇д̇о, ад̇т̇асам̣ван̣н̣анааггамо;
‘‘Idāni yasmā sampatto, atthasaṃvaṇṇanākkamo;
д̇асмаа нам̣ ван̣н̣аяиссаами, д̇ам̣ сун̣аат̇а самаахид̇аа’’д̇и.
Tasmā naṃ vaṇṇayissāmi, taṃ suṇātha samāhitā’’ti.
нид̣̇аанагат̇аа нидтид̇аа.
Nidānakathā niṭṭhitā.
