| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
нид̣̇аанагат̇ааван̣н̣анаа
Nidānakathāvaṇṇanā
адтасаалиним̣ д̇аава ван̣н̣знд̇зхи аажариязхи д̇ассаа саннивзсо вибхаавзд̇аб̣б̣о. д̇асмаа ид̣̇ам̣ вужжад̇и –
Aṭṭhasāliniṃ tāva vaṇṇentehi ācariyehi tassā sanniveso vibhāvetabbo. Tasmā idaṃ vuccati –
‘‘важанад̇т̇о барижчзд̣̇о, саннивзсо жа баал̣ияаа;
‘‘Vacanattho paricchedo, sanniveso ca pāḷiyā;
сааг̇арзхи д̇ат̇аа жинд̇аа, д̣̇зсанаахи г̇амбхийрад̇аа.
Sāgarehi tathā cintā, desanāhi gambhīratā.
‘‘д̣̇зсанааяа сарийрасса, бавад̇д̇иг̇г̇ахан̣ам̣ д̇ат̇аа;
‘‘Desanāya sarīrassa, pavattiggahaṇaṃ tathā;
т̇зрасса ваажанаамаг̇г̇а-д̇аббабхаавид̇ад̇ааби жа.
Therassa vācanāmagga-tappabhāvitatāpi ca.
‘‘бадивзд̇хаа д̇ат̇аа б̣уд̣̇д̇ха-важанаад̣̇ийхи аад̣̇ид̇о;
‘‘Paṭivedhā tathā buddha-vacanādīhi ādito;
аабхид̇хаммигабхаавасса, саад̇ханам̣ саб̣б̣ад̣̇ассино.
Ābhidhammikabhāvassa, sādhanaṃ sabbadassino.
‘‘винаязнаат̇а г̇осин̇г̇а-суд̇д̇зна жа махзсинаа;
‘‘Vinayenātha gosiṅga-suttena ca mahesinā;
бхаасид̇ад̇д̇асса сам̣сид̣̇д̇хи, нид̣̇аанзна жа д̣̇ийбид̇аа.
Bhāsitattassa saṃsiddhi, nidānena ca dīpitā.
‘‘багаасзд̇ваа имам̣ саб̣б̣ам̣, бадин̃н̃аад̇агат̇аа гад̇аа;
‘‘Pakāsetvā imaṃ sabbaṃ, paṭiññātakathā katā;
адтасаалинияаа зд̇ам̣, саннивзсам̣ вибхааваяз’’д̇и.
Aṭṭhasāliniyā etaṃ, sannivesaṃ vibhāvaye’’ti.
важанад̇т̇авиж̇аананзна вид̣̇ид̇аабхид̇хаммасааман̃н̃ад̇т̇асса абхид̇хаммагат̇аа вужжамаанаа собхзяяаад̇и абхид̇хаммабариж̇аананамзва аад̣̇имхи яуд̇д̇аруубанд̇и д̇ад̣̇ад̇т̇ам̣ бужчад̇и ‘‘д̇ад̇т̇а гзнадтзна абхид̇хаммо’’д̇и. д̇ад̇т̇а д̇ад̇т̇аад̇и ‘‘абхид̇хаммасса ад̇т̇ам̣ багаасаяиссаамий’’д̇и яад̣̇ид̣̇ам̣ вуд̇д̇ам̣, д̇асмим̣. ‘‘яасса ад̇т̇ам̣ багаасаяиссаамий’’д̇и бадин̃н̃аад̇ам̣, со абхид̇хаммо гзнадтзна абхид̇хаммод̇и ад̇т̇о. д̇ад̇т̇аад̇и ваа ‘‘абхид̇хаммагат̇а’’нд̇и зд̇асмим̣ важанз яо абхид̇хаммо вуд̇д̇о, со гзнадтзна абхид̇хаммод̇и ад̇т̇о. д̇хаммаад̇ирзгад̇хаммависзсадтзнаад̇и зд̇т̇а д̇хаммо ад̇ирзго д̇хаммаад̇ирзго, суд̇д̇анд̇аад̇хигаа баал̣ийд̇и ад̇т̇о. д̇хаммо висзсо д̇хаммависзсо д̇хаммаад̇исаяо, вижид̇д̇аа баал̣ийд̇и ад̇т̇о, д̇хаммаад̇ирзгад̇хаммависзсаа зва ад̇т̇о д̇хаммаад̇ирзгад̇хаммависзсадто. д̣̇виннамби ад̇т̇аанам̣ абхид̇хаммасад̣̇д̣̇асса ад̇т̇абхаавзна сааман̃н̃ад̇о згаважананид̣̇д̣̇зсо гад̇о. д̇асмаад̇и яасмаа ‘‘абхиггаманд̇и, абхигганд̇аван̣н̣аа’’д̇иаад̣̇ийсу вияа ад̇ирзгависзсадтад̣̇ийбаго абхисад̣̇д̣̇о, д̇асмаа аяамби д̇хаммо д̇хаммаад̇ирзгад̇хаммависзсадтзна ‘‘абхид̇хаммо’’д̇и вужжад̇ийд̇и самб̣анд̇хо.
Vacanatthavijānanena viditābhidhammasāmaññatthassa abhidhammakathā vuccamānā sobheyyāti abhidhammaparijānanameva ādimhi yuttarūpanti tadatthaṃ pucchati ‘‘tattha kenaṭṭhena abhidhammo’’ti. Tattha tatthāti ‘‘abhidhammassa atthaṃ pakāsayissāmī’’ti yadidaṃ vuttaṃ, tasmiṃ. ‘‘Yassa atthaṃ pakāsayissāmī’’ti paṭiññātaṃ, so abhidhammo kenaṭṭhena abhidhammoti attho. Tatthāti vā ‘‘abhidhammakatha’’nti etasmiṃ vacane yo abhidhammo vutto, so kenaṭṭhena abhidhammoti attho. Dhammātirekadhammavisesaṭṭhenāti ettha dhammo atireko dhammātireko, suttantādhikā pāḷīti attho. Dhammo viseso dhammaviseso dhammātisayo, vicittā pāḷīti attho, dhammātirekadhammavisesā eva attho dhammātirekadhammavisesaṭṭho. Dvinnampi atthānaṃ abhidhammasaddassa atthabhāvena sāmaññato ekavacananiddeso kato. Tasmāti yasmā ‘‘abhikkamanti, abhikkantavaṇṇā’’tiādīsu viya atirekavisesaṭṭhadīpako abhisaddo, tasmā ayampi dhammo dhammātirekadhammavisesaṭṭhena ‘‘abhidhammo’’ti vuccatīti sambandho.
д̇ад̇т̇а сияаа – ‘‘абхиггаманд̇и, абхигганд̇аван̣н̣аа’’д̇и зд̇т̇а д̇хаад̇усад̣̇д̣̇асса бурад̇о баяуж̇ж̇амаано абхисад̣̇д̣̇о гирияааяа ад̇ирзгависзсабхаавад̣̇ийбаго ход̇ийд̇и яуд̇д̇ам̣ убасаг̇г̇абхаавад̇о, д̇хаммасад̣̇д̣̇о бана на д̇хаад̇усад̣̇д̣̇од̇и зд̇асмаа бурад̇о абхисад̣̇д̣̇о баяог̇амзва наарахад̇и. ат̇ааби баяуж̇ж̇зяяа, гирияаависзсагаа убасаг̇г̇аа, на жа д̇хаммо гирияаад̇и д̇хаммасса ад̇ирзгависзсабхаавад̣̇ийбанам̣ на яуд̇д̇анд̇и? но на яуд̇д̇ам̣. ан̃н̃ассаби хи убасаг̇г̇асса ад̇хаад̇усад̣̇д̣̇аа бурад̇о баяуж̇ж̇амаанасса агирияааяаби ад̇ирзгависзсабхаавад̣̇ийбагасса д̣̇ассанад̇од̇и зд̇амад̇т̇ам̣ вибхаавзд̇ум̣ ад̇ичад̇д̇аад̣̇иуд̣̇аахаран̣ам̣ д̣̇ассзнд̇о ааха ‘‘яат̇аа’’д̇иаад̣̇и. звамзваад̇и яат̇аа чад̇д̇аад̇ирзгачад̇д̇ависзсаад̣̇иад̇т̇зна ад̇ичад̇д̇аад̣̇аяо хонд̇и ад̇исад̣̇д̣̇асса убасаг̇г̇асса ад̇хаад̇усад̣̇д̣̇ассаби бурад̇о баяуж̇ж̇амаанасса агирияааяа жа д̇аб̣бхаавад̣̇ийбагад̇д̇аа, звамаяамби д̇хаммо д̇хаммаад̇ирзгад̇хаммависзсадтзна ‘‘абхид̇хаммо’’д̇и вужжад̇и абхи-сад̣̇д̣̇асса убасаг̇г̇асса ад̇хаад̇усад̣̇д̣̇ассаби бурад̇о баяуж̇ж̇амаанасса агирияааяа жа д̇аб̣бхаавад̣̇ийбагад̇д̇аад̇и ад̇хиббааяо.
Tattha siyā – ‘‘abhikkamanti, abhikkantavaṇṇā’’ti ettha dhātusaddassa purato payujjamāno abhisaddo kiriyāya atirekavisesabhāvadīpako hotīti yuttaṃ upasaggabhāvato, dhammasaddo pana na dhātusaddoti etasmā purato abhisaddo payogameva nārahati. Athāpi payujjeyya, kiriyāvisesakā upasaggā, na ca dhammo kiriyāti dhammassa atirekavisesabhāvadīpanaṃ na yuttanti? No na yuttaṃ. Aññassapi hi upasaggassa adhātusaddā purato payujjamānassa akiriyāyapi atirekavisesabhāvadīpakassa dassanatoti etamatthaṃ vibhāvetuṃ atichattādiudāharaṇaṃ dassento āha ‘‘yathā’’tiādi. Evamevāti yathā chattātirekachattavisesādiatthena atichattādayo honti atisaddassa upasaggassa adhātusaddassapi purato payujjamānassa akiriyāya ca tabbhāvadīpakattā, evamayampi dhammo dhammātirekadhammavisesaṭṭhena ‘‘abhidhammo’’ti vuccati abhi-saddassa upasaggassa adhātusaddassapi purato payujjamānassa akiriyāya ca tabbhāvadīpakattāti adhippāyo.
згад̣̇зсзнзва вибхад̇д̇аад̇и ‘‘гад̇амз жа, бхигкавз, бан̃жагканд̇хаа? руубагканд̇хо…бз… вин̃н̃аан̣агканд̇хо. гад̇амо жа, бхигкавз, руубагканд̇хо? яам̣ гин̃жи руубам̣ ад̇ийд̇аа…бз… санд̇игз ваа, аяам̣ вужжад̇и руубагканд̇хо’’д̇извамаад̣̇инаа (сам̣. ни. 3.48; вибха. 2) уд̣̇д̣̇зсанид̣̇д̣̇зсамад̇д̇знзва вибхад̇д̇аа, ‘‘д̇ад̇т̇а гад̇амам̣ руубам̣ ад̇ийд̇а’’нд̇извамаад̣̇инаа (вибха. 3) бадинид̣̇д̣̇зсасса абхид̇хаммабхааж̇анийяасса бан̃хабужчагасса жа абхааваа на ниббад̣̇зсзна. абхид̇хаммам̣ бад̇ваа бана…бз… ниббад̣̇зсад̇ова вибхад̇д̇аа, д̇асмаа аяамби д̇хаммо д̇хаммаад̇ирзгад̇хаммависзсадтзна ‘‘абхид̇хаммо’’д̇и вужжад̇и ниббад̣̇зсаанам̣ д̇ин̣н̣амби наяаанам̣ ад̇ирзгабаал̣ибхаавад̇о висзсабаал̣ибхаавад̇о жаад̇и ад̇хиббааяо. суд̇д̇анд̇з б̣аавийсад̇ияаа инд̣̇рияаанам̣ згад̇о анааг̇ад̇ад̇д̇аа инд̣̇рияавибхан̇г̇з суд̇д̇анд̇абхааж̇анийяам̣ над̇т̇и. ‘‘авиж̇ж̇аабажжаяаа сан̇каараа самбхаванд̇ий’’д̇иаад̣̇инаа бадижжасамуббаад̣̇з д̇асса д̇асса бажжаяад̇хаммасса бажжаяуббаннад̇хаммаанам̣ бажжаяабхааво уд̣̇д̣̇идто, уд̣̇д̣̇идтад̇хаммаанан̃жа гусалаад̣̇ибхааво бужчид̇ваа виссаж̇ж̇зд̇аб̣б̣о, на жзд̇т̇а ‘‘авиж̇ж̇аасан̇каараа’’д̇и звам̣ вуд̇д̇о уд̣̇д̣̇зсо ад̇т̇ийд̇и бан̃хабужчагам̣ над̇т̇и. суд̇д̇анд̇з бан̃жа сигкаабад̣̇аани уд̣̇д̣̇идтаани баан̣аад̇ибаад̇аа взраман̣ийд̇иаад̣̇ийни. саа бана взраман̣ий яад̣̇и сабхаавагижжаад̣̇ивасзна вибхаж̇ийязяяа, ‘‘аарад̇и вирад̇ий’’д̇иаад̣̇инаа абхид̇хаммабхааж̇анийяамзва ход̇и. ат̇ааби жид̇д̇уббаад̣̇авасзна вибхаж̇ийязяяа, д̇ат̇ааби абхид̇хаммабхааж̇анийяамзва ход̇и. ан̃н̃о бана взраман̣ийнам̣ вибхаж̇ид̇аб̣б̣аббагааро над̇т̇и, язна багаарзна суд̇д̇анд̇абхааж̇анийяам̣ вад̇д̇аб̣б̣ам̣ сияаа. д̇асмаа сигкаабад̣̇авибхан̇г̇з суд̇д̇анд̇абхааж̇анийяам̣ над̇т̇и.
Ekadeseneva vibhattāti ‘‘katame ca, bhikkhave, pañcakkhandhā? Rūpakkhandho…pe… viññāṇakkhandho. Katamo ca, bhikkhave, rūpakkhandho? Yaṃ kiñci rūpaṃ atītā…pe… santike vā, ayaṃ vuccati rūpakkhandho’’tievamādinā (saṃ. ni. 3.48; vibha. 2) uddesaniddesamatteneva vibhattā, ‘‘tattha katamaṃ rūpaṃ atīta’’ntievamādinā (vibha. 3) paṭiniddesassa abhidhammabhājanīyassa pañhapucchakassa ca abhāvā na nippadesena. Abhidhammaṃ patvā pana…pe… nippadesatova vibhattā, tasmā ayampi dhammo dhammātirekadhammavisesaṭṭhena ‘‘abhidhammo’’ti vuccati nippadesānaṃ tiṇṇampi nayānaṃ atirekapāḷibhāvato visesapāḷibhāvato cāti adhippāyo. Suttante bāvīsatiyā indriyānaṃ ekato anāgatattā indriyavibhaṅge suttantabhājanīyaṃ natthi. ‘‘Avijjāpaccayā saṅkhārā sambhavantī’’tiādinā paṭiccasamuppāde tassa tassa paccayadhammassa paccayuppannadhammānaṃ paccayabhāvo uddiṭṭho, uddiṭṭhadhammānañca kusalādibhāvo pucchitvā vissajjetabbo, na cettha ‘‘avijjāsaṅkhārā’’ti evaṃ vutto uddeso atthīti pañhapucchakaṃ natthi. Suttante pañca sikkhāpadāni uddiṭṭhāni pāṇātipātā veramaṇītiādīni. Sā pana veramaṇī yadi sabhāvakiccādivasena vibhajīyeyya, ‘‘ārati viratī’’tiādinā abhidhammabhājanīyameva hoti. Athāpi cittuppādavasena vibhajīyeyya, tathāpi abhidhammabhājanīyameva hoti. Añño pana veramaṇīnaṃ vibhajitabbappakāro natthi, yena pakārena suttantabhājanīyaṃ vattabbaṃ siyā. Tasmā sikkhāpadavibhaṅge suttantabhājanīyaṃ natthi.
важанад̇т̇ад̇о абхид̇хаммз н̃аад̇з барижчзд̣̇ад̇о н̃аабзд̇ум̣ ааха ‘‘багаран̣абарижчзд̣̇ад̇о’’д̇иаад̣̇и. гад̇ибаяаава бан̃хаваараа авасзсаад̇и д̇хаммахад̣̇аяавибхан̇г̇з анааг̇ад̇аа худ̇ваа махаад̇хаммахад̣̇аяз ааг̇ад̇аа д̇хаммахад̣̇аяавибхан̇г̇аважанавасзна авасзсаа гад̇ибаяаава бан̃хаваараад̇и ад̇т̇о. зд̇т̇зва сан̇г̇ахид̇аад̇и ‘‘абуб̣б̣ам̣ над̇т̇ий’’д̇и вуд̇д̇ам̣. аббамад̇д̇игаава д̇анд̇и авасзсаад̇и д̇хаммахад̣̇аяавибхан̇г̇з анааг̇анд̇ваа махаад̇хаммахад̣̇аяз ааг̇ад̇ад̇анд̇ид̇о яад̣̇и бат̇авийаад̣̇ийнам̣ вид̇т̇аарагат̇аа махаад̇хаад̇угат̇аа руубаган̣д̣ад̇хаад̇увибхан̇г̇аад̣̇ийсу, ат̇а д̇хаад̇угат̇ааяа вид̇т̇аарагат̇аа д̇хаад̇угат̇ааяа анааг̇анд̇ваа махаад̇хаад̇угат̇ааяа ааг̇ад̇ад̇анд̇и аббамад̇д̇игааваад̇и ад̇хиббааяо.
Vacanatthato abhidhamme ñāte paricchedato ñāpetuṃ āha ‘‘pakaraṇaparicchedato’’tiādi. Katipayāva pañhavārā avasesāti dhammahadayavibhaṅge anāgatā hutvā mahādhammahadaye āgatā dhammahadayavibhaṅgavacanavasena avasesā katipayāva pañhavārāti attho. Ettheva saṅgahitāti ‘‘apubbaṃ natthī’’ti vuttaṃ. Appamattikāva tanti avasesāti dhammahadayavibhaṅge anāgantvā mahādhammahadaye āgatatantito yadi pathavīādīnaṃ vitthārakathā mahādhātukathā rūpakaṇḍadhātuvibhaṅgādīsu, atha dhātukathāya vitthārakathā dhātukathāya anāgantvā mahādhātukathāya āgatatanti appamattikāvāti adhippāyo.
яам̣ бана вуд̇д̇ам̣ ‘‘саавагабхаасид̇ад̇д̇аа чад̣д̣зт̇а на’’нд̇и, д̇ам̣ б̣уд̣̇д̇хабхаасид̇абхаавад̣̇ассанзна бадисзд̇хзд̇ум̣ ‘‘саммаасамб̣уд̣̇д̇хо хий’’д̇иаад̣̇имааха. жад̇уусу бан̃хзсууд̇и ‘‘убалаб̣бхад̇и нубалаб̣бхад̇ий’’д̇и бадин̃н̃ааяа г̇ахид̇ааяа бадигкзбаг̇ахан̣ад̇т̇ам̣ ‘‘яо сажжигадто’’д̇и вуд̇д̇ам̣ сажжигадтам̣ ниссаяам̣ гад̇ваа убаад̣̇ааяа бавад̇д̇аа д̣̇взби бан̃жагаа зго бан̃хо, ‘‘саб̣б̣ад̇т̇аа’’д̇и сарийрам̣ саб̣б̣ам̣ ваа д̣̇зсам̣ убаад̣̇ааяа бавад̇д̇аа зго, ‘‘саб̣б̣ад̣̇аа’’д̇и гааламубаад̣̇ааяа зго, ‘‘саб̣б̣зсуу’’д̇и яад̣̇и канд̇хааяад̇анаад̣̇аяо г̇ахид̇аа, д̇з убаад̣̇ааяа бавад̇д̇аа, ат̇а бана ‘‘яо сажжигадто саб̣б̣ад̇т̇а саб̣б̣ад̣̇аа’’д̇и зд̇зхи на гожи сажжигадто д̣̇зсо гаало ваа аг̇г̇ахид̇о ад̇т̇и, д̇з бана сааман̃н̃авасзна г̇ахзд̇ваа ануяог̇о гад̇о, на бхзд̣̇авасзнаад̇и бхзд̣̇авасзна г̇ахзд̇ваа ануяун̃ж̇ид̇ум̣ ‘‘саб̣б̣зсуу’’д̇и вуд̇д̇аа сажжигадтад̣̇зсагаалаббад̣̇зсз убаад̣̇ааяа жа бавад̇д̇аа згод̇и зд̇зсу жад̇уусу. д̣̇виннам̣ бан̃жагаананд̇и зд̇т̇а ‘‘буг̇г̇ало убалаб̣бхад̇и…бз… мижчаа’’д̇и згам̣, ‘‘буг̇г̇ало нубалаб̣бхад̇и…бз… мижчаа’’д̇и (гат̇аа. 18) згам̣, ‘‘д̇вам̣ жз бана ман̃н̃аси…бз… ид̣̇ам̣ д̇з мижчаа’’д̇и (гат̇аа. 3) згам̣, ‘‘зсз жз д̣̇унниг̇г̇ахид̇з…бз… ид̣̇ам̣ д̇з мижчаа’’д̇и згам̣, ‘‘на хзвам̣ ниг̇г̇ахзд̇аб̣б̣з, д̇зна хи яам̣ ниг̇г̇ан̣хааси…бз… сугад̇аа бадибаад̣̇анаа’’д̇и (гат̇аа. 10) зганд̇и звам̣ ниг̇г̇ахагаран̣ам̣, бадигаммагаран̣ам̣, ниг̇г̇ахасса суниг̇г̇ахабхаавам̣ ижчад̇о бадин̃н̃аатабанзна бадигаммавзтанам̣, бадигаммасса д̣̇уббадигаммабхаавам̣ ижчад̇о д̇ам̣нид̣̇ассанзна ниг̇г̇ахасса д̣̇унниг̇г̇ахабхаавад̣̇ассанзна ниг̇г̇аханиб̣б̣зтанам̣, аниг̇г̇ахабхаавааробанаад̣̇инаа чзд̣̇од̇и аяам̣ зго бан̃жаго, яо адтагат̇ааяам̣ ануломабан̃жагабадигаммажад̇угганиг̇г̇ахажад̇уггаубанаяанажад̇угганиг̇аманажад̇угга наамзхи сагаваад̣̇ибуб̣б̣абагкз ануломабажжанийгабан̃жагод̇и вуд̇д̇о, бараваад̣̇ибуб̣б̣абагкз жа звамзва бажжанийяаануломабан̃жагод̇и вуд̇д̇о. звам̣ д̣̇вз бан̃жагаа взд̣̇ид̇аб̣б̣аа. звам̣ сзсабан̃хзсубийд̇и адта бан̃жагаа адтамукаа ваад̣̇аяуд̇д̇ийд̇и вуд̇д̇аа. яуд̇д̇ийд̇и убааяо, ваад̣̇асса яуд̇д̇и ваад̣̇аяуд̇д̇и, ваад̣̇аббавад̇д̇анасса убааяод̇и ад̇т̇о.
Yaṃ pana vuttaṃ ‘‘sāvakabhāsitattā chaḍḍetha na’’nti, taṃ buddhabhāsitabhāvadassanena paṭisedhetuṃ ‘‘sammāsambuddho hī’’tiādimāha. Catūsu pañhesūti ‘‘upalabbhati nupalabbhatī’’ti paṭiññāya gahitāya paṭikkhepagahaṇatthaṃ ‘‘yo saccikaṭṭho’’ti vuttaṃ saccikaṭṭhaṃ nissayaṃ katvā upādāya pavattā dvepi pañcakā eko pañho, ‘‘sabbatthā’’ti sarīraṃ sabbaṃ vā desaṃ upādāya pavattā eko, ‘‘sabbadā’’ti kālamupādāya eko, ‘‘sabbesū’’ti yadi khandhāyatanādayo gahitā, te upādāya pavattā, atha pana ‘‘yo saccikaṭṭho sabbattha sabbadā’’ti etehi na koci saccikaṭṭho deso kālo vā aggahito atthi, te pana sāmaññavasena gahetvā anuyogo kato, na bhedavasenāti bhedavasena gahetvā anuyuñjituṃ ‘‘sabbesū’’ti vuttā saccikaṭṭhadesakālappadese upādāya ca pavattā ekoti etesu catūsu. Dvinnaṃ pañcakānanti ettha ‘‘puggalo upalabbhati…pe… micchā’’ti ekaṃ, ‘‘puggalo nupalabbhati…pe… micchā’’ti (kathā. 18) ekaṃ, ‘‘tvaṃ ce pana maññasi…pe… idaṃ te micchā’’ti (kathā. 3) ekaṃ, ‘‘ese ce dunniggahite…pe… idaṃ te micchā’’ti ekaṃ, ‘‘na hevaṃ niggahetabbe, tena hi yaṃ niggaṇhāsi…pe… sukatā paṭipādanā’’ti (kathā. 10) ekanti evaṃ niggahakaraṇaṃ, paṭikammakaraṇaṃ, niggahassa suniggahabhāvaṃ icchato paṭiññāṭhapanena paṭikammaveṭhanaṃ, paṭikammassa duppaṭikammabhāvaṃ icchato taṃnidassanena niggahassa dunniggahabhāvadassanena niggahanibbeṭhanaṃ, aniggahabhāvāropanādinā chedoti ayaṃ eko pañcako, yo aṭṭhakathāyaṃ anulomapañcakapaṭikammacatukkaniggahacatukkaupanayanacatukkanigamanacatukka nāmehi sakavādipubbapakkhe anulomapaccanīkapañcakoti vutto, paravādipubbapakkhe ca evameva paccanīyānulomapañcakoti vutto. Evaṃ dve pañcakā veditabbā. Evaṃ sesapañhesupīti aṭṭha pañcakā aṭṭhamukhā vādayuttīti vuttā. Yuttīti upāyo, vādassa yutti vādayutti, vādappavattanassa upāyoti attho.
ануломабажжанийгабан̃жагз аад̣̇иниг̇г̇ахам̣ д̣̇ассзд̇ваа бажжанийяаануломабан̃жагз жа аад̣̇иниг̇г̇ахамзва д̣̇ассзд̇ваа маад̇игам̣ д̣̇ийбзд̇ум̣ ‘‘саа банзсаа’’д̇иаад̣̇имааха. буг̇г̇алод̇и ад̇д̇аа сад̇д̇о ж̇ийво. убалаб̣бхад̇ийд̇и бан̃н̃ааяа убаг̇анд̇ваа лаб̣бхад̇и. сажжигадтабарамадтзнаад̇и мааяаамарийжиаад̣̇аяо вияа наабхууд̇аагаарзна, ануссаваад̣̇ийхи г̇ахзд̇аб̣б̣аа вияа на ануд̇д̇амад̇т̇абхаавзна, ат̇а ко бхууд̇зна уд̇д̇амад̇т̇абхаавзна убалаб̣бхад̇ийд̇и бужчад̇и. ид̇аро д̇аад̣̇исам̣ ижчанд̇о бадиж̇аанаад̇и. буна яо сажжигадтабарамадтзна убалаб̣бхад̇и, со сажжигадтабарамадтад̇о ан̃н̃о д̇ад̣̇аад̇хааро, ан̃н̃ад̇ра ваа д̇зхи, д̇зсам̣ ваа аад̇хаарабхууд̇о, анан̃н̃о ваа д̇ад̇о руббанаад̣̇исабхаавад̇о саббажжаяаад̣̇исабхаавад̇о ваа убалаб̣бхамаано аабаж̇ж̇ад̇ийд̇и ануяун̃ж̇ад̇и ‘‘яо сажжигадто…бз… барамадтзнаа’’д̇и. ид̇аро буг̇г̇аласса руубаад̣̇ийхи ан̃н̃ад̇д̇ам̣ анан̃н̃ад̇д̇ан̃жа анижчанд̇о ‘‘на хзва’’нд̇и бадигкибад̇и. буна сагаваад̣̇ий бадин̃н̃ааяа згад̇д̇аабаннам̣ аббадигкибид̇аб̣б̣ам̣ бадигкибад̇ийд̇и гад̇ваа ниг̇г̇ахам̣ ааробзнд̇о ааха ‘‘ааж̇аанаахи ниг̇г̇аха’’нд̇и. ‘‘буг̇г̇ало нубалаб̣бхад̇ий’’д̇и будто сагаваад̣̇ий буг̇г̇алад̣̇идтим̣ бадисзд̇хзнд̇о ‘‘ааманд̇аа’’д̇и бадиж̇аанаад̇и. буна ид̇аро яо сажжигадтзна нубалаб̣бхад̇и буг̇г̇ало, со сажжигадтабарамадтад̇о ан̃н̃о ваа анан̃н̃о ваа нубалаб̣бхад̇ийд̇и аабаж̇ж̇ад̇и ан̃н̃асса багаарасса абхааваад̇и ануяун̃ж̇ад̇и ‘‘яо сажжигадто…бз… барамадтзнаа’’д̇и. яасмаа бана буг̇г̇ало саб̣б̣зна саб̣б̣ам̣ нубалаб̣бхад̇и, д̇асмаа д̇асса ан̃н̃ад̇д̇аанан̃н̃ад̇д̇аануяог̇о анануяог̇о буг̇г̇алалад̣̇д̇хим̣ бадисзд̇хзнд̇асса анаабаж̇ж̇анад̇од̇и ‘‘на хзва’’нд̇и бадигкибад̇и. ид̇аро бадин̃н̃ааяа аабаж̇ж̇аналзсамзва бассанд̇о авибарийд̇ам̣ ад̇т̇ам̣ асамб̣уж̇жханд̇оязва ниг̇г̇ахам̣ ааробзд̇и ‘‘ааж̇аанаахи ниг̇г̇аха’’нд̇и.
Anulomapaccanīkapañcake ādiniggahaṃ dassetvā paccanīyānulomapañcake ca ādiniggahameva dassetvā mātikaṃ dīpetuṃ ‘‘sā panesā’’tiādimāha. Puggaloti attā satto jīvo. Upalabbhatīti paññāya upagantvā labbhati. Saccikaṭṭhaparamaṭṭhenāti māyāmarīciādayo viya nābhūtākārena, anussavādīhi gahetabbā viya na anuttamatthabhāvena, atha kho bhūtena uttamatthabhāvena upalabbhatīti pucchati. Itaro tādisaṃ icchanto paṭijānāti. Puna yo saccikaṭṭhaparamaṭṭhena upalabbhati, so saccikaṭṭhaparamaṭṭhato añño tadādhāro, aññatra vā tehi, tesaṃ vā ādhārabhūto, anañño vā tato ruppanādisabhāvato sappaccayādisabhāvato vā upalabbhamāno āpajjatīti anuyuñjati ‘‘yo saccikaṭṭho…pe… paramaṭṭhenā’’ti. Itaro puggalassa rūpādīhi aññattaṃ anaññattañca anicchanto ‘‘na heva’’nti paṭikkhipati. Puna sakavādī paṭiññāya ekattāpannaṃ appaṭikkhipitabbaṃ paṭikkhipatīti katvā niggahaṃ āropento āha ‘‘ājānāhi niggaha’’nti. ‘‘Puggalo nupalabbhatī’’ti puṭṭho sakavādī puggaladiṭṭhiṃ paṭisedhento ‘‘āmantā’’ti paṭijānāti. Puna itaro yo saccikaṭṭhena nupalabbhati puggalo, so saccikaṭṭhaparamaṭṭhato añño vā anañño vā nupalabbhatīti āpajjati aññassa pakārassa abhāvāti anuyuñjati ‘‘yo saccikaṭṭho…pe… paramaṭṭhenā’’ti. Yasmā pana puggalo sabbena sabbaṃ nupalabbhati, tasmā tassa aññattānaññattānuyogo ananuyogo puggalaladdhiṃ paṭisedhentassa anāpajjanatoti ‘‘na heva’’nti paṭikkhipati. Itaro paṭiññāya āpajjanalesameva passanto aviparītaṃ atthaṃ asambujjhantoyeva niggahaṃ āropeti ‘‘ājānāhi niggaha’’nti.
ид̇ийд̇и яам̣ д̣̇исваа маад̇игаа табид̇аа, звам̣ д̣̇зсид̇ад̇д̇аад̇и ад̇хиббааяо. яат̇аа гинд̇и язна багаарзна б̣уд̣̇д̇хабхаасид̇ам̣ наама ж̇аад̇ам̣, д̇ам̣ нид̣̇ассанам̣ гинд̇и ад̇т̇о. яад̇онид̣̇аананд̇и яам̣гааран̣аа чааж̇жхад̇д̇игаб̣аахирааяад̇анаад̣̇инид̣̇аананд̇и ад̇т̇о. бабан̃жасан̃н̃аасан̇каад̇и д̇ан̣хаамаанад̣̇идтибабан̃жасамбаяуд̇д̇аа сан̃н̃аагодтаасаа. самуд̣̇аажаранд̇ийд̇и аж̇жхаажаранд̇и. зд̇т̇а жзд̇и зд̇зсу ааяад̇анаад̣̇ийсу д̇ан̣хаамаанад̣̇идтийхи абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ан̃жа над̇т̇и жз . нану над̇т̇иязва, гасмаа ‘‘над̇т̇и жз’’д̇и вуд̇д̇анд̇и? сажжам̣ над̇т̇и, аббахийнаабхинанд̣̇анаабхивад̣̇анаж̇жхосаанаанам̣ бана бут̇уж̇ж̇анаанам̣ абхинанд̣̇ид̇аб̣б̣аад̣̇иббагаараани ааяад̇анаад̣̇ийни хонд̇ийд̇и д̇зсам̣ на саггаа ‘‘над̇т̇ий’’д̇и вад̇д̇ум̣, бахийнаабхинанд̣̇анаад̣̇ийнам̣ бана саб̣б̣ат̇аа над̇т̇ийд̇и ‘‘над̇т̇и жз’’д̇и вуд̇д̇ам̣. зсзванд̇од̇и абхинанд̣̇анаад̣̇ийнам̣ над̇т̇ибхаавагаро маг̇г̇о д̇аббадиббассад̣̇д̇хибхууд̇ам̣ палам̣ ваа рааг̇аанусаяаад̣̇ийнам̣ анд̇о авасаанам̣, аббавад̇д̇ийд̇и ад̇т̇о.
Itīti yaṃ disvā mātikā ṭhapitā, evaṃ desitattāti adhippāyo. Yathā kinti yena pakārena buddhabhāsitaṃ nāma jātaṃ, taṃ nidassanaṃ kinti attho. Yatonidānanti yaṃkāraṇā chaajjhattikabāhirāyatanādinidānanti attho. Papañcasaññāsaṅkhāti taṇhāmānadiṭṭhipapañcasampayuttā saññākoṭṭhāsā. Samudācarantīti ajjhācaranti. Ettha ceti etesu āyatanādīsu taṇhāmānadiṭṭhīhi abhinanditabbaṃ abhivaditabbaṃ ajjhositabbañca natthi ce . Nanu natthiyeva, kasmā ‘‘natthi ce’’ti vuttanti? Saccaṃ natthi, appahīnābhinandanābhivadanajjhosānānaṃ pana puthujjanānaṃ abhinanditabbādippakārāni āyatanādīni hontīti tesaṃ na sakkā ‘‘natthī’’ti vattuṃ, pahīnābhinandanādīnaṃ pana sabbathā natthīti ‘‘natthi ce’’ti vuttaṃ. Esevantoti abhinandanādīnaṃ natthibhāvakaro maggo tappaṭippassaddhibhūtaṃ phalaṃ vā rāgānusayādīnaṃ anto avasānaṃ, appavattīti attho.
ж̇аанам̣ ж̇аанаад̇ийд̇и саб̣б̣ан̃н̃уд̇ан̃н̃аан̣зна ж̇аанид̇аб̣б̣ам̣ ж̇аанаад̇и. на хи бад̣̇зсан̃аан̣аваа ж̇аанид̇аб̣б̣ам̣ саб̣б̣ам̣ ж̇аанаад̇ийд̇и. бассам̣ бассад̇ийд̇и д̣̇иб̣б̣ажагкубан̃н̃аажагкуд̇хаммажагкуб̣уд̣̇д̇хажагкусаманд̇ажагкусан̇каад̇зхи бан̃жахи жагкуухи бассид̇аб̣б̣ам̣ бассад̇и. ат̇а ваа ж̇аанам̣ ж̇аанаад̇ийд̇и яат̇аа ан̃н̃з савибаллаасаа гаамаруубабарин̃н̃ааваад̣̇ино ж̇аананд̇ааби вибаллаасавасзна ж̇аананд̇и, на звам̣ бхаг̇аваа , бхаг̇аваа бана бахийнавибаллаасад̇д̇аа ж̇аананд̇о ж̇аанаад̇иязва, д̣̇идтид̣̇ассанасса жа абхааваа бассанд̇о бассад̇иязваад̇и ад̇т̇о. жагкубхууд̇од̇и бан̃н̃аажагкумаяад̇д̇аа сад̇д̇зсу жа д̇ад̣̇уббаад̣̇анад̇о логасса жагкубхууд̇о. н̃аан̣абхууд̇од̇и зд̇асса жа звамзва ад̇т̇о д̣̇адтаб̣б̣о. д̇хаммаа б̣од̇хибагкияаа. б̣рахмаа маг̇г̇о, д̇зхи уббаннад̇д̇аа логасса жа д̇ад̣̇уббаад̣̇анад̇о д̇аб̣бхууд̇о. вад̇д̇аад̇и жад̇усажжад̇хаммз вад̣̇ад̇ийд̇и вад̇д̇аа. бавад̇д̇аад̇и жирам̣ сажжаббадивзд̇хам̣ бавад̇д̇знд̇о вад̣̇ад̇ийд̇и бавад̇д̇аа. ад̇т̇асса ниннзд̇аад̇и ад̇т̇ам̣ уд̣̇д̇харид̇ваа д̣̇ассзд̇аа, барамад̇т̇ам̣ ваа ниб̣б̣аанам̣ баабаяид̇аа. амад̇асса д̣̇аад̇аад̇и амад̇асажчигирияам̣ сад̇д̇зсу уббаад̣̇знд̇о амад̇ам̣ д̣̇ад̣̇аад̇ийд̇и амад̇асса д̣̇аад̇аа. б̣од̇хибагкияад̇хаммаанам̣ д̇ад̣̇ааяад̇д̇абхаавад̇о д̇хаммассаамий. суван̣н̣аалин̇г̇анд̇и суван̣н̣амаяам̣ аалин̇г̇ам̣ куд̣̇д̣̇агамуд̣̇ин̇г̇ам̣. субубпид̇асад̇абад̇д̇абад̣̇умамива сассиригам̣ сасобхам̣ субубпид̇асад̇абад̇д̇асассиригам̣.
Jānaṃ jānātīti sabbaññutaññāṇena jānitabbaṃ jānāti. Na hi padesañāṇavā jānitabbaṃ sabbaṃ jānātīti. Passaṃ passatīti dibbacakkhupaññācakkhudhammacakkhubuddhacakkhusamantacakkhusaṅkhātehi pañcahi cakkhūhi passitabbaṃ passati. Atha vā jānaṃ jānātīti yathā aññe savipallāsā kāmarūpapariññāvādino jānantāpi vipallāsavasena jānanti, na evaṃ bhagavā , bhagavā pana pahīnavipallāsattā jānanto jānātiyeva, diṭṭhidassanassa ca abhāvā passanto passatiyevāti attho. Cakkhubhūtoti paññācakkhumayattā sattesu ca taduppādanato lokassa cakkhubhūto. Ñāṇabhūtoti etassa ca evameva attho daṭṭhabbo. Dhammā bodhipakkhiyā. Brahmā maggo, tehi uppannattā lokassa ca taduppādanato tabbhūto. Vattāti catusaccadhamme vadatīti vattā. Pavattāti ciraṃ saccappaṭivedhaṃ pavattento vadatīti pavattā. Atthassa ninnetāti atthaṃ uddharitvā dassetā, paramatthaṃ vā nibbānaṃ pāpayitā. Amatassa dātāti amatasacchikiriyaṃ sattesu uppādento amataṃ dadātīti amatassa dātā. Bodhipakkhiyadhammānaṃ tadāyattabhāvato dhammassāmī. Suvaṇṇāliṅganti suvaṇṇamayaṃ āliṅgaṃ khuddakamudiṅgaṃ. Supupphitasatapattapadumamiva sassirikaṃ sasobhaṃ supupphitasatapattasassirikaṃ.
анумод̣̇ид̇агаалад̇о бадтааяа…бз… б̣уд̣̇д̇хабхаасид̇ам̣ наама ж̇аад̇анд̇и зд̇зна анумод̣̇анаа б̣уд̣̇д̇хабхаасид̇абхаавасса гааран̣анд̇и аяамад̇т̇о вуд̇д̇о вияа д̣̇иссад̇и, зван̃жа сад̇и гат̇аавад̇т̇усса б̣уд̣̇д̇хабхаасид̇абхааво на сияаа ананумод̣̇ид̇ад̇д̇аа, д̇асмаа звамзд̇т̇а ад̇т̇о д̣̇адтаб̣б̣о – ‘‘махаагажжааяано звам̣ вибхаж̇иссад̇ий’’д̇и д̣̇исваа бхаг̇аваа маад̇игам̣ нигкибид̇ваа вихаарам̣ бавидто, д̇ат̇зва жа т̇зро бхаг̇авад̇аа д̣̇иннанаязна табид̇амаад̇игааяа вибхаж̇ийд̇и б̣уд̣̇д̇хабхаасид̇ам̣ наама ж̇аад̇ам̣, д̇ам̣ бана анумод̣̇анааяа баагадам̣ ж̇аад̇анд̇и зд̇амад̇т̇ам̣ санд̇хааяа ‘‘звам̣ сад̇т̇аараа…бз… наама ж̇аад̇а’’нд̇и вуд̇д̇анд̇и.
Anumoditakālato paṭṭhāya…pe… buddhabhāsitaṃ nāma jātanti etena anumodanā buddhabhāsitabhāvassa kāraṇanti ayamattho vutto viya dissati, evañca sati kathāvatthussa buddhabhāsitabhāvo na siyā ananumoditattā, tasmā evamettha attho daṭṭhabbo – ‘‘mahākaccāyano evaṃ vibhajissatī’’ti disvā bhagavā mātikaṃ nikkhipitvā vihāraṃ paviṭṭho, tatheva ca thero bhagavatā dinnanayena ṭhapitamātikāya vibhajīti buddhabhāsitaṃ nāma jātaṃ, taṃ pana anumodanāya pākaṭaṃ jātanti etamatthaṃ sandhāya ‘‘evaṃ satthārā…pe… nāma jāta’’nti vuttanti.
ид̣̇аани баал̣ияаа саннивзсам̣ д̣̇ассзд̇ум̣ ‘‘д̇ад̇т̇а д̇хаммасан̇г̇ан̣ийбагаран̣з’’д̇иаад̣̇имааха. гаамааважарагусалад̇о адтаад̇и гаамааважарагусалз жад̇д̇ааро канд̇хз г̇ахзд̇ваа д̇ад̇о адта жид̇д̇аани уд̣̇д̇харад̇и. батамаа вибхад̇д̇ийд̇иби вад̣̇анд̇и. згуунанавуд̇и жид̇д̇аанийд̇и яад̇т̇а зд̇аани жид̇д̇аани вибхад̇д̇аани, д̇з баал̣иббад̣̇зсаа ‘‘згуунанавуд̇и жид̇д̇ааний’’д̇и вуд̇д̇аа. д̇зсан̃жа самуд̣̇ааяо жид̇д̇авибхад̇д̇и, д̇асмаа убабаннамзд̇ам̣ ‘‘згуунанавуд̇и жид̇д̇аани жид̇д̇авибхад̇д̇ий’’д̇и. маад̇иган̃жа уд̣̇д̣̇исид̇ваа д̇ад̇т̇а згзгам̣ бад̣̇ам̣ уд̣̇д̇харид̇ваа яасмаа жид̇д̇аани вибхад̇д̇аани, д̇асмаа маад̇игааби жид̇д̇авибхад̇д̇ианд̇ог̇ад̇хааязваад̇и жид̇д̇уббаад̣̇аган̣д̣ам̣ маад̇игаабад̣̇абхааж̇анийяавасзна д̣̇увид̇ханд̇и ид̣̇амби важанам̣ яуж̇ж̇ад̇и.
Idāni pāḷiyā sannivesaṃ dassetuṃ ‘‘tattha dhammasaṅgaṇīpakaraṇe’’tiādimāha. Kāmāvacarakusalato aṭṭhāti kāmāvacarakusale cattāro khandhe gahetvā tato aṭṭha cittāni uddharati. Paṭhamā vibhattītipi vadanti. Ekūnanavuti cittānīti yattha etāni cittāni vibhattāni, te pāḷippadesā ‘‘ekūnanavuti cittānī’’ti vuttā. Tesañca samudāyo cittavibhatti, tasmā upapannametaṃ ‘‘ekūnanavuti cittāni cittavibhattī’’ti. Mātikañca uddisitvā tattha ekekaṃ padaṃ uddharitvā yasmā cittāni vibhattāni, tasmā mātikāpi cittavibhattiantogadhāyevāti cittuppādakaṇḍaṃ mātikāpadabhājanīyavasena duvidhanti idampi vacanaṃ yujjati.
муулад̇од̇и ‘‘д̇ийн̣и гусаламуулааний’’д̇иаад̣̇инаа (д̇ха. са. 985) гусалаад̣̇ийнам̣ муулавасзна сан̇кибид̇ваа важанам̣. ‘‘взд̣̇анаагканд̇хо’’д̇иаад̣̇инаа канд̇хад̇о. ‘‘гааяагамма’’нд̇иаад̣̇инаа д̣̇ваарад̇о. ‘‘сукабхуумияам̣ гаамааважарз’’д̇иаад̣̇инаа (д̇ха. са. 988) бхуумид̇о. ад̇т̇од̇и хзд̇упалам̣. д̇хаммод̇и хзд̇у . ‘‘д̇ийн̣и гусаламуулаани д̇ийн̣и агусаламуулааний’’д̇иаад̣̇инаа (д̇ха. са. 985-986) хзд̇увасзна сан̇г̇ахо д̇хаммад̇о нигкзбо. ‘‘д̇ам̣самбаяуд̇д̇о, д̇ам̣самудтаанаа д̇ад̣̇згадтаа жа гилзсаа’’д̇иаад̣̇инаа (д̇ха. са. 985-986) хзд̇упалавасзна сан̇г̇ахо ад̇т̇ад̇о нигкзбо. ат̇а ваа д̇хаммод̇и бхаасид̇о. ад̇т̇од̇и бхаасид̇ад̇т̇о. ‘‘д̇аяо гусалахзд̇уу’’д̇и (д̇ха. са. 1059) д̇хаммо. ‘‘д̇ад̇т̇а гад̇амз д̇аяо гусалахзд̇уу алобхо’’д̇иаад̣̇и (д̇ха. са. 1060) ад̇т̇о, со жа д̇хаммо. ‘‘д̇ад̇т̇а гад̇амо алобхо’’д̇иаад̣̇и (д̇ха. са. 1061) ад̇т̇од̇и звам̣ ад̇т̇ад̇хаммавасзна нигкзбо взд̣̇ид̇аб̣б̣о. наамад̇од̇и ‘‘д̇ийн̣и гусаламуулааний’’д̇и вуд̇д̇ад̇хаммаанам̣ алобход̇иаад̣̇инаамавасзна. лин̇г̇ад̇од̇и уд̣̇д̣̇идтасса згассзва д̇хаммасса ‘‘алобхо алуб̣бханаа алуб̣бхид̇ад̇д̇а’’нд̇и (д̇ха. са. 1061) бурисаад̣̇илин̇г̇авасзна нигкзбо.
Mūlatoti ‘‘tīṇi kusalamūlānī’’tiādinā (dha. sa. 985) kusalādīnaṃ mūlavasena saṅkhipitvā vacanaṃ. ‘‘Vedanākkhandho’’tiādinā khandhato. ‘‘Kāyakamma’’ntiādinā dvārato. ‘‘Sukhabhūmiyaṃ kāmāvacare’’tiādinā (dha. sa. 988) bhūmito. Atthoti hetuphalaṃ. Dhammoti hetu . ‘‘Tīṇi kusalamūlāni tīṇi akusalamūlānī’’tiādinā (dha. sa. 985-986) hetuvasena saṅgaho dhammato nikkhepo. ‘‘Taṃsampayutto, taṃsamuṭṭhānā tadekaṭṭhā ca kilesā’’tiādinā (dha. sa. 985-986) hetuphalavasena saṅgaho atthato nikkhepo. Atha vā dhammoti bhāsito. Atthoti bhāsitattho. ‘‘Tayo kusalahetū’’ti (dha. sa. 1059) dhammo. ‘‘Tattha katame tayo kusalahetū alobho’’tiādi (dha. sa. 1060) attho, so ca dhammo. ‘‘Tattha katamo alobho’’tiādi (dha. sa. 1061) atthoti evaṃ atthadhammavasena nikkhepo veditabbo. Nāmatoti ‘‘tīṇi kusalamūlānī’’ti vuttadhammānaṃ alobhotiādināmavasena. Liṅgatoti uddiṭṭhassa ekasseva dhammassa ‘‘alobho alubbhanā alubbhitatta’’nti (dha. sa. 1061) purisādiliṅgavasena nikkhepo.
г̇ан̣анажааранд̇и г̇ан̣анаббавад̇д̇им̣. самаанзнд̇ийд̇и самаанам̣ гаронд̇и буурзнд̇и, д̇ат̇аа самаанзд̇аб̣б̣анд̇и зд̇т̇ааби. ‘‘виж̇ж̇аабхааг̇ино авиж̇ж̇аабхааг̇ино’’д̇и (д̇ха. са. д̣̇угамаад̇игаа 101) звамаад̣̇ийсу зд̇т̇а вин̃н̃аад̇зсу аабхид̇хаммигад̇т̇зраа суд̇д̇анд̇ам̣ сун̣анд̇аа жинд̇знд̇аа жа суд̇д̇анд̇зсу ‘‘виж̇ж̇аабхааг̇ино’’д̇иаад̣̇ийсу ааг̇ад̇зсу ад̇т̇асса вин̃н̃аад̇ад̇д̇аа на гиламанд̇ийд̇и зд̇амад̇т̇ам̣ санд̇хааяа вуд̇д̇ам̣ ‘‘аабхид̇хаммигад̇т̇зраанам̣…бз… агиламад̇т̇ам̣ табид̇аа’’д̇и.
Gaṇanacāranti gaṇanappavattiṃ. Samānentīti samānaṃ karonti pūrenti, tathā samānetabbanti etthāpi. ‘‘Vijjābhāgino avijjābhāgino’’ti (dha. sa. dukamātikā 101) evamādīsu ettha viññātesu ābhidhammikattherā suttantaṃ suṇantā cintentā ca suttantesu ‘‘vijjābhāgino’’tiādīsu āgatesu atthassa viññātattā na kilamantīti etamatthaṃ sandhāya vuttaṃ ‘‘ābhidhammikattherānaṃ…pe… akilamatthaṃ ṭhapitā’’ti.
анамад̇аг̇г̇од̇и ан̃н̃аад̇аг̇г̇о. канд̇ханд̇аранд̇и канд̇ханаанад̇д̇ам̣, канд̇хамзва ваа. г̇ахзд̇ум̣ асаггун̣зяяад̇д̇аа сан̣хам̣, сукумааяа бан̃н̃ааяа г̇ахзд̇аб̣б̣ад̇о сукуман̃жа д̇хаммам̣ сан̣хасукумад̇хаммам̣. б̣алавад̇аа н̃аан̣авзг̇зна бавад̇д̇ад̇д̇аа б̣алавад̇о н̃аан̣авзг̇асса нимид̇д̇абхаавад̇о жа б̣алавам̣. г̇амбхийрамзва г̇амбхийраг̇ад̇ам̣, г̇амбхийраани ваа г̇ад̇аани г̇аманаани зд̇асса санд̇ийд̇и г̇амбхийраг̇ад̇ам̣. яат̇аанубуб̣б̣анд̇и яат̇аанубуб̣б̣зна. никилзнаад̇и ниравасзсзна д̣̇зсид̇ам̣, бан̃жакиларахид̇зна ваа бхаг̇авад̇аа д̣̇зсид̇ам̣. руубаг̇ад̇ам̣ваад̇и хад̇т̇аг̇ад̇ам̣ руубам̣ вияа жагкунаа. ‘‘бадивзд̇хан̃аан̣зна саманд̇абадтаанам̣ яо бассад̇и, со ад̇т̇зва, но над̇т̇ий’’д̇и ад̇д̇аанам̣ санд̇хааяа т̇зро вад̣̇ад̇ийд̇и.
Anamataggoti aññātaggo. Khandhantaranti khandhanānattaṃ, khandhameva vā. Gahetuṃ asakkuṇeyyattā saṇhaṃ, sukhumāya paññāya gahetabbato sukhumañca dhammaṃ saṇhasukhumadhammaṃ. Balavatā ñāṇavegena pavattattā balavato ñāṇavegassa nimittabhāvato ca balavaṃ. Gambhīrameva gambhīragataṃ, gambhīrāni vā gatāni gamanāni etassa santīti gambhīragataṃ. Yathānupubbanti yathānupubbena. Nikhilenāti niravasesena desitaṃ, pañcakhilarahitena vā bhagavatā desitaṃ. Rūpagataṃvāti hatthagataṃ rūpaṃ viya cakkhunā. ‘‘Paṭivedhañāṇena samantapaṭṭhānaṃ yo passati, so attheva, no natthī’’ti attānaṃ sandhāya thero vadatīti.
куд̣̇д̣̇агавад̇т̇увибхан̇г̇з ааг̇ад̇зсу згаад̇хигзсу адтасу гилзсасад̇зсу адтасад̇ад̇ан̣хаавижарид̇аани абанзд̇ваа сзсаа д̣̇ваасадти д̣̇идтияо жа уббаннаануббаннабхаавзна д̣̇иг̇ун̣ид̇аани д̣̇ияад̣дхагилзсасахассаани д̣̇асаад̇хигаани хонд̇и, аббагам̣ бана уунамад̇хигам̣ ваа на г̇ан̣ануубаг̇ам̣ ход̇ийд̇и ‘‘д̣̇ияад̣дхагилзсасахасса’’нд̇и вуд̇д̇ам̣. ид̇арзсам̣ ад̇ийд̇аад̣̇ибхааваамасанаа аг̇г̇ахан̣ам̣ кзбанз д̣̇адтаб̣б̣ам̣.
Khuddakavatthuvibhaṅge āgatesu ekādhikesu aṭṭhasu kilesasatesu aṭṭhasatataṇhāvicaritāni apanetvā sesā dvāsaṭṭhi diṭṭhiyo ca uppannānuppannabhāvena diguṇitāni diyaḍḍhakilesasahassāni dasādhikāni honti, appakaṃ pana ūnamadhikaṃ vā na gaṇanūpagaṃ hotīti ‘‘diyaḍḍhakilesasahassa’’nti vuttaṃ. Itaresaṃ atītādibhāvāmasanā aggahaṇaṃ khepane daṭṭhabbaṃ.
мзжагабадаад̇и нийланибхаа бадаа. жид̇д̇асамудтаанаа ван̣н̣ад̇хаад̇ууд̇и жид̇д̇абажжаяауд̇усамудтаанаа ван̣н̣ад̇хаад̇ууд̇и ад̇т̇о г̇ахзд̇аб̣б̣о. гасмаа? на хи жид̇д̇асамудтаанам̣ руубам̣ б̣ахи ниг̇ажчад̇ийд̇и, жид̇д̇асамудтаанаруубабарамбарааяа ааг̇ад̇ад̇д̇аа бана звам̣ вуд̇д̇ам̣. ат̇а ваа жид̇д̇асамудтаанаа ван̣н̣ад̇хаад̇ууд̇и зд̇т̇а бажжаяауд̇усад̣̇д̣̇аанам̣ лобам̣ гад̇ваа соязва буб̣б̣з вуд̇д̇о ад̇т̇о суван̣н̣ад̇аа суссарад̇аа вияа. зд̇т̇а хи ‘‘суссарад̇аа’’д̇и убаад̣̇иннагаад̇хигаарз ааг̇ад̇ам̣, на жа сад̣̇д̣̇о убаад̣̇иннаго ад̇т̇и, д̇асмаа убаад̣̇иннагаруубаодтад̇аалуаад̣̇иниссаяад̇д̇аа звам̣ вуд̇д̇анд̇и, звамзд̇т̇ааби жид̇д̇абажжаяауд̇усамудтаанам̣ санд̇хааяа ‘‘жид̇д̇асамудтаанаа ван̣н̣ад̇хаад̇уу’’д̇и вад̣̇ад̇и.
Mecakapaṭāti nīlanibhā paṭā. Cittasamuṭṭhānā vaṇṇadhātūti cittapaccayautusamuṭṭhānā vaṇṇadhātūti attho gahetabbo. Kasmā? Na hi cittasamuṭṭhānaṃ rūpaṃ bahi nigacchatīti, cittasamuṭṭhānarūpaparamparāya āgatattā pana evaṃ vuttaṃ. Atha vā cittasamuṭṭhānā vaṇṇadhātūti ettha paccayautusaddānaṃ lopaṃ katvā soyeva pubbe vutto attho suvaṇṇatā sussaratā viya. Ettha hi ‘‘sussaratā’’ti upādinnakādhikāre āgataṃ, na ca saddo upādinnako atthi, tasmā upādinnakarūpaoṭṭhatāluādinissayattā evaṃ vuttanti, evametthāpi cittapaccayautusamuṭṭhānaṃ sandhāya ‘‘cittasamuṭṭhānā vaṇṇadhātū’’ti vadati.
гааяасагкинд̇и бажжагкам̣. д̣̇анд̇ааваран̣анд̇и одтад̣̇ваяам̣. мукаад̣̇аананд̇и мукавиварам̣. силидтанд̇и сам̣г̇ад̇ам̣ сусан̣тид̇ам̣. сарз нимид̇д̇ам̣ г̇ахзд̇ваад̇и ‘‘д̇хаммо зсо вужжад̇ий’’д̇и д̇хаммассаравасзна нимид̇д̇ам̣ г̇ахзд̇ваа, на гилзсаануб̣яан̃ж̇анавасзна. згаббахаарзнаад̇и зд̇т̇а бахаарод̇и д̣̇ивасасса д̇ад̇ияо бхааг̇о вужжад̇и. звам̣ санд̇зд̇и буб̣б̣з вуд̇д̇амаг̇г̇ахзд̇ваа ваажанаамаг̇г̇асса т̇зраббабхавад̇д̇аважанамзва г̇ахзд̇ваа д̇зна буримаважанан̃жа бадигкибанд̇о жод̣̇зд̇и.
Kāyasakkhinti paccakkhaṃ. Dantāvaraṇanti oṭṭhadvayaṃ. Mukhādānanti mukhavivaraṃ. Siliṭṭhanti saṃgataṃ susaṇṭhitaṃ. Sare nimittaṃ gahetvāti ‘‘dhammo eso vuccatī’’ti dhammassaravasena nimittaṃ gahetvā, na kilesānubyañjanavasena. Ekappahārenāti ettha pahāroti divasassa tatiyo bhāgo vuccati. Evaṃ santeti pubbe vuttamaggahetvā vācanāmaggassa therappabhavattavacanameva gahetvā tena purimavacanañca paṭikkhipanto codeti.
д̇знзд̇амзд̇ассаад̇и винаяасса. ад̇д̇ад̇т̇абарад̇т̇аад̣̇ибхзд̣̇зд̇и яо д̇ам̣ суд̇д̇ам̣ саж̇жхааяад̇и сун̣аад̇и ваажзд̇и жинд̇зд̇и д̣̇зсзд̇и, суд̇д̇зна сан̇г̇ахид̇о сийлаад̣̇иад̇т̇о д̇ассаби ход̇и, д̇зна барасса саад̇хзд̇аб̣б̣ад̇о барассаби ход̇ийд̇и д̇ад̣̇убхаяам̣ д̇ам̣ суд̇д̇ам̣ суужзд̇и д̣̇ийбзд̇и. д̇ат̇аа д̣̇идтад̇хаммигасамбарааяигад̇т̇з логияалогуд̇д̇арад̇т̇зд̇и звамаад̣̇ибхзд̣̇з ад̇т̇з аад̣̇исад̣̇д̣̇зна сан̇г̇ан̣хаад̇и. ад̇т̇асад̣̇д̣̇о жааяам̣ хид̇абарияааяаважанам̣, на бхаасид̇ад̇т̇аважанам̣. яад̣̇и сияаа, суд̇д̇ам̣ ад̇д̇аноби бхаасид̇ад̇т̇ам̣ суужзд̇и барасуд̇д̇ассабийд̇и аяамад̇т̇о сияаа, суд̇д̇зна жа яо ад̇т̇о багаасид̇о, со д̇ассзва ход̇ийд̇и на д̇зна барад̇т̇о суужид̇о ход̇и, д̇зна жа суужзд̇аб̣б̣асса барад̇т̇асса нивад̇д̇зд̇аб̣б̣асса абхааваа ад̇д̇аг̇г̇ахан̣ам̣ на гад̇д̇аб̣б̣ам̣, ад̇д̇ад̇т̇абарад̇т̇авинимуд̇д̇асса бхаасид̇ад̇т̇асса абхааваа аад̣̇иг̇г̇ахан̣ан̃жа на гад̇д̇аб̣б̣ам̣, д̇асмаа яат̇аавуд̇д̇асса ад̇т̇асса суд̇д̇з асамбхавад̇о суд̇д̇аад̇хаарасса буг̇г̇аласса васзна ад̇д̇ад̇т̇абарад̇т̇аа вуд̇д̇аа.
Tenetametassāti vinayassa. Attatthaparatthādibhedeti yo taṃ suttaṃ sajjhāyati suṇāti vāceti cinteti deseti, suttena saṅgahito sīlādiattho tassapi hoti, tena parassa sādhetabbato parassapi hotīti tadubhayaṃ taṃ suttaṃ sūceti dīpeti. Tathā diṭṭhadhammikasamparāyikatthe lokiyalokuttarattheti evamādibhede atthe ādisaddena saṅgaṇhāti. Atthasaddo cāyaṃ hitapariyāyavacanaṃ, na bhāsitatthavacanaṃ. Yadi siyā, suttaṃ attanopi bhāsitatthaṃ sūceti parasuttassapīti ayamattho siyā, suttena ca yo attho pakāsito, so tasseva hotīti na tena parattho sūcito hoti, tena ca sūcetabbassa paratthassa nivattetabbassa abhāvā attaggahaṇaṃ na kattabbaṃ, attatthaparatthavinimuttassa bhāsitatthassa abhāvā ādiggahaṇañca na kattabbaṃ, tasmā yathāvuttassa atthassa sutte asambhavato suttādhārassa puggalassa vasena attatthaparatthā vuttā.
ат̇а ваа суд̇д̇ам̣ анабзгкид̇ваа яз ад̇д̇ад̇т̇аад̣̇аяоби ад̇т̇аббабхзд̣̇аа вуд̇д̇аа нид̣̇д̣̇зсз (махаани. 69; жуул̣ани. могхарааж̇амаан̣авабужчаанид̣̇д̣̇зса 85) ‘‘ад̇д̇ад̇т̇о барад̇т̇о убхаяад̇т̇о д̣̇идтад̇хаммиго ад̇т̇о самбарааяиго ад̇т̇о уд̇д̇аано ад̇т̇о г̇амбхийро ад̇т̇о г̇ул̣хо ад̇т̇о бадижчанно ад̇т̇о нзяяо ад̇т̇о нийд̇о ад̇т̇о анаваж̇ж̇о ад̇т̇о ниггилзсо ад̇т̇о вод̣̇аано ад̇т̇о барамад̇т̇о ад̇т̇о’’д̇и, д̇з суд̇д̇ам̣ суужзд̇ийд̇и ад̇т̇о. ат̇а ваа ‘‘ад̇д̇анаа жа аббижчо ход̇ий’’д̇и ад̇д̇ад̇т̇ам̣, ‘‘аббижчагат̇ан̃жа барзсам̣ гад̇д̇аа ход̇ий’’д̇и барад̇т̇ам̣ суужзд̇ийд̇и. звам̣ ‘‘ад̇д̇анаа жа баан̣аад̇ибаад̇аа бадивирад̇о ход̇ий’’д̇иаад̣̇исуд̇д̇аани (а. ни. 4.99) яож̇зд̇аб̣б̣аани. винаяаабхид̇хаммзхи жа висзсзд̇ваа суд̇д̇асад̣̇д̣̇асса ад̇т̇о вад̇д̇аб̣б̣о, д̇асмаа взнзяяаж̇жхаасаяавасаббавад̇д̇ааяа д̣̇зсанааяа ад̇д̇ахид̇абарахид̇аад̣̇ийни саад̇исаяам̣ багаасид̇аани хонд̇и, на аан̣аад̇хаммасабхаававасаббавад̇д̇ааяаад̇и ид̣̇амзва ‘‘ад̇т̇аанам̣ суужанад̇о суд̇д̇а’’нд̇и вуд̇д̇ам̣.
Atha vā suttaṃ anapekkhitvā ye attatthādayopi atthappabhedā vuttā niddese (mahāni. 69; cūḷani. mogharājamāṇavapucchāniddesa 85) ‘‘attattho parattho ubhayattho diṭṭhadhammiko attho samparāyiko attho uttāno attho gambhīro attho guḷho attho paṭicchanno attho neyyo attho nīto attho anavajjo attho nikkileso attho vodāno attho paramattho attho’’ti, te suttaṃ sūcetīti attho. Atha vā ‘‘attanā ca appiccho hotī’’ti attatthaṃ, ‘‘appicchakathañca paresaṃ kattā hotī’’ti paratthaṃ sūcetīti. Evaṃ ‘‘attanā ca pāṇātipātā paṭivirato hotī’’tiādisuttāni (a. ni. 4.99) yojetabbāni. Vinayābhidhammehi ca visesetvā suttasaddassa attho vattabbo, tasmā veneyyajjhāsayavasappavattāya desanāya attahitaparahitādīni sātisayaṃ pakāsitāni honti, na āṇādhammasabhāvavasappavattāyāti idameva ‘‘atthānaṃ sūcanato sutta’’nti vuttaṃ.
суд̇д̇з жа аан̣аад̇хаммасабхааваа взнзяяаж̇жхаасаяам̣ анувад̇д̇анд̇и, на винаяаабхид̇хаммзсу вияа взнзяяаж̇жхаасаяо аан̣аад̇хаммасабхаавз анувад̇д̇ад̇и, д̇асмаа взнзяяаанам̣ зганд̇ахид̇абадилаабхасам̣вад̇д̇анигаа суд̇д̇анд̇ад̣̇зсанаа ход̇ийд̇и ‘‘сувуд̇д̇аа жзд̇т̇а ад̇т̇аа’’д̇иаад̣̇и вуд̇д̇ам̣. басавад̇ийд̇и палад̇и . ‘‘суд̇д̇аан̣аа’’д̇и зд̇асса ад̇т̇ам̣ багаасзд̇ум̣ ‘‘судту жа нз д̇ааяад̇ий’’д̇и вуд̇д̇ам̣. ад̇д̇ад̇т̇абарад̇т̇аад̣̇ивид̇хаанзсу жа суд̇д̇асса бамаан̣абхааво д̇зсан̃жа сан̇г̇аахагад̇д̇ам̣ яож̇зд̇аб̣б̣ам̣, д̇ад̣̇ад̇т̇аббагаасанз бад̇хаанад̇д̇аа суд̇д̇асса ид̇арзхи висзсанан̃жа. зд̇анд̇и ‘‘ад̇т̇аанам̣ суужанад̇о’’д̇иаад̣̇игам̣ ад̇т̇аважанам̣. зд̇ассаад̇и суд̇д̇асса.
Sutte ca āṇādhammasabhāvā veneyyajjhāsayaṃ anuvattanti, na vinayābhidhammesu viya veneyyajjhāsayo āṇādhammasabhāve anuvattati, tasmā veneyyānaṃ ekantahitapaṭilābhasaṃvattanikā suttantadesanā hotīti ‘‘suvuttā cettha atthā’’tiādi vuttaṃ. Pasavatīti phalati . ‘‘Suttāṇā’’ti etassa atthaṃ pakāsetuṃ ‘‘suṭṭhu ca ne tāyatī’’ti vuttaṃ. Attatthaparatthādividhānesu ca suttassa pamāṇabhāvo tesañca saṅgāhakattaṃ yojetabbaṃ, tadatthappakāsane padhānattā suttassa itarehi visesanañca. Etanti ‘‘atthānaṃ sūcanato’’tiādikaṃ atthavacanaṃ. Etassāti suttassa.
абхиггаманд̇ийд̇и зд̇т̇а абхи-сад̣̇д̣̇о гаманасса вуд̣̇д̇хибхаавам̣ ад̇ирзгад̇д̇ам̣ д̣̇ийбзд̇и. абхигганд̇знаад̇и жа зд̇т̇а ганд̇ияаа ад̇хигад̇д̇ам̣ висзсабхааванд̇и яуд̇д̇ам̣ гирияаависзсагад̇д̇аа убасаг̇г̇асса. абхин̃н̃аад̇аа, абхирааж̇аа, абхивинаязд̇и зд̇т̇а лагкан̣абууж̇ид̇абарижчиннзсу рад̇д̇иаад̣̇ийсу абхи-сад̣̇д̣̇о вад̇д̇ад̇ийд̇и гат̇амзд̇ам̣ яуж̇ж̇зяяаад̇и? лагкан̣агаран̣ан̃аан̣абууж̇анабарижчзд̣̇агирияаад̣̇ийбанад̇о д̇аахи жа гирияаахи рад̇д̇ирааж̇авинаяаанам̣ яуд̇д̇ад̇д̇аа. бхааванаапаран̣авуд̣̇д̇хийхи вуд̣̇д̇химанд̇о. аарамман̣аад̣̇ийхийд̇и аарамман̣асамбаяуд̇д̇агаммад̣̇ваарабадибад̣̇аад̣̇ийхи. ависидтанд̇и ан̃н̃аман̃н̃ависидтзсу винаяасуд̇д̇анд̇аабхид̇хаммзсу ависидтам̣ самаанам̣ бидагасад̣̇д̣̇анд̇и ад̇т̇о. яат̇аавуд̇д̇знзваад̇и ‘‘звам̣ д̣̇увид̇хад̇т̇знаа’’д̇иаад̣̇инаа наязна.
Abhikkamantīti ettha abhi-saddo kamanassa vuddhibhāvaṃ atirekattaṃ dīpeti. Abhikkantenāti ca ettha kantiyā adhikattaṃ visesabhāvanti yuttaṃ kiriyāvisesakattā upasaggassa. Abhiññātā, abhirājā, abhivinayeti ettha lakkhaṇapūjitaparicchinnesu rattiādīsu abhi-saddo vattatīti kathametaṃ yujjeyyāti? Lakkhaṇakaraṇañāṇapūjanaparicchedakiriyādīpanato tāhi ca kiriyāhi rattirājavinayānaṃ yuttattā. Bhāvanāpharaṇavuddhīhi vuddhimanto. Ārammaṇādīhīti ārammaṇasampayuttakammadvārapaṭipadādīhi. Avisiṭṭhanti aññamaññavisiṭṭhesu vinayasuttantābhidhammesu avisiṭṭhaṃ samānaṃ piṭakasaddanti attho. Yathāvuttenevāti ‘‘evaṃ duvidhatthenā’’tiādinā nayena.
гат̇зд̇аб̣б̣аанам̣ ад̇т̇аанам̣ д̣̇зсагааяад̇д̇зна аан̣аад̣̇ивид̇хинаа ад̇исаж̇ж̇анам̣ баб̣од̇ханам̣ д̣̇зсанаа. саасид̇аб̣б̣абуг̇г̇алаг̇ад̇зна яат̇аабараад̇хаад̣̇инаа саасид̇аб̣б̣абхаавзна анусаасанам̣ винаяанам̣ саасанам̣. гат̇зд̇аб̣б̣асса сам̣вараасам̣вараад̣̇ино ад̇т̇асса гат̇анам̣ важанабадиб̣ад̣̇д̇хагаран̣ам̣ гат̇аа. бхзд̣̇а-сад̣̇д̣̇о висум̣ висум̣ яож̇зд̇аб̣б̣о ‘‘д̣̇зсанаабхзд̣̇ам̣ саасанабхзд̣̇ам̣ гат̇аабхзд̣̇ан̃жа яат̇аарахам̣ барид̣̇ийбаяз’’д̇и. бхзд̣̇анд̇и наанад̇д̇ам̣, наанаагаран̣анд̇и ад̇т̇о. сигкаа жа бахаанаани жа г̇амбхийрабхааво жа сигкаабахаанаг̇амбхийрабхаавам̣, д̇ан̃жа барид̣̇ийбаяз. яанд̇и барияад̇д̇иаад̣̇им̣. яат̇аад̇и убаарамбхаад̣̇ихзд̇у барияаабун̣анаад̣̇иббагаарзхи.
Kathetabbānaṃ atthānaṃ desakāyattena āṇādividhinā atisajjanaṃ pabodhanaṃ desanā. Sāsitabbapuggalagatena yathāparādhādinā sāsitabbabhāvena anusāsanaṃ vinayanaṃ sāsanaṃ. Kathetabbassa saṃvarāsaṃvarādino atthassa kathanaṃ vacanapaṭibaddhakaraṇaṃ kathā. Bheda-saddo visuṃ visuṃ yojetabbo ‘‘desanābhedaṃ sāsanabhedaṃ kathābhedañca yathārahaṃ paridīpaye’’ti. Bhedanti nānattaṃ, nānākaraṇanti attho. Sikkhā ca pahānāni ca gambhīrabhāvo ca sikkhāpahānagambhīrabhāvaṃ, tañca paridīpaye. Yanti pariyattiādiṃ. Yathāti upārambhādihetu pariyāpuṇanādippakārehi.
д̇ийсуби жзд̇зсу зд̇з д̇хаммад̇т̇ад̣̇зсанаабадивзд̇хаад̇и зд̇т̇а д̇анд̇иад̇т̇о д̇анд̇ид̣̇зсанаа д̇анд̇иад̇т̇абадивзд̇хо жа д̇анд̇ивисаяаа хонд̇ийд̇и винаяабидагаад̣̇ийнам̣ ад̇т̇ад̣̇зсанаабадивзд̇хаад̇хаарабхааво яуд̇д̇о, бидагаани бана д̇анд̇ияоязваад̇и д̇хаммаад̇хаарабхааво гат̇ам̣ яуж̇ж̇зяяаад̇и? д̇анд̇исамуд̣̇ааяасса аваяавад̇анд̇ияаа аад̇хаарабхаавад̇о, д̇хаммаад̣̇ийнан̃жа д̣̇угког̇аахабхаавад̇о д̇зхи винаяаад̣̇аяо г̇амбхийраад̇и винаяаад̣̇ийнан̃жа жад̇уб̣б̣ид̇хо г̇амбхийрабхааво вуд̇д̇о, д̇асмаа ‘‘д̇хаммаад̣̇аяо зва д̣̇угког̇аахад̇д̇аа г̇амбхийраа, на винаяаад̣̇аяо’’д̇и на жод̣̇зд̇аб̣б̣амзд̇ам̣. д̇ад̇т̇а бадивзд̇хасса д̣̇уггарабхаавад̇о д̇хаммад̇т̇аанам̣, д̣̇зсанаан̃аан̣асса д̣̇уггарабхаавад̇о д̣̇зсанааяа жа д̣̇угког̇аахабхааво взд̣̇ид̇аб̣б̣о. бадивзд̇хасса бана уббаад̣̇зд̇ум̣ асаггун̣зяяад̇д̇аа д̇аб̣б̣исаяан̃аан̣уббад̇д̇ияаа жа д̣̇уггарабхаавад̇о д̣̇угког̇аахад̇аа взд̣̇ид̇аб̣б̣аа.
Tīsupi cetesu ete dhammatthadesanāpaṭivedhāti ettha tantiattho tantidesanā tantiatthapaṭivedho ca tantivisayā hontīti vinayapiṭakādīnaṃ atthadesanāpaṭivedhādhārabhāvo yutto, piṭakāni pana tantiyoyevāti dhammādhārabhāvo kathaṃ yujjeyyāti? Tantisamudāyassa avayavatantiyā ādhārabhāvato, dhammādīnañca dukkhogāhabhāvato tehi vinayādayo gambhīrāti vinayādīnañca catubbidho gambhīrabhāvo vutto, tasmā ‘‘dhammādayo eva dukkhogāhattā gambhīrā, na vinayādayo’’ti na codetabbametaṃ. Tattha paṭivedhassa dukkarabhāvato dhammatthānaṃ, desanāñāṇassa dukkarabhāvato desanāya ca dukkhogāhabhāvo veditabbo. Paṭivedhassa pana uppādetuṃ asakkuṇeyyattā tabbisayañāṇuppattiyā ca dukkarabhāvato dukkhogāhatā veditabbā.
хзд̇умхи н̃аан̣ам̣ д̇хаммабадисамбхид̣̇аад̇и зд̇зна важанад̇т̇зна д̇хаммасса хзд̇убхааво гат̇ам̣ н̃аад̇аб̣б̣од̇и? ‘‘д̇хаммабадисамбхид̣̇аа’’д̇и зд̇асса самаасабад̣̇асса аваяавабад̣̇ад̇т̇ам̣ д̣̇ассзнд̇зна ‘‘хзд̇умхи н̃аан̣а’’нд̇и вуд̇д̇ад̇д̇аа. ‘‘д̇хаммз бадисамбхид̣̇аа’’д̇и зд̇т̇а хи ‘‘д̇хаммз’’д̇и зд̇асса ад̇т̇ам̣ д̣̇ассзнд̇зна ‘‘хзд̇умхий’’д̇и вуд̇д̇ам̣, ‘‘бадисамбхид̣̇аа’’д̇и зд̇асса жа ад̇т̇ам̣ д̣̇ассзнд̇зна ‘‘н̃аан̣а’’нд̇и, д̇асмаа хзд̇уд̇хаммасад̣̇д̣̇аа згад̇т̇аа н̃аан̣абадисамбхид̣̇аасад̣̇д̣̇аа жаад̇и имамад̇т̇ам̣ д̣̇ассзнд̇зна саад̇хид̇о д̇хаммасса хзд̇убхааво. ад̇т̇асса хзд̇упалабхааво жа звамзва д̣̇адтаб̣б̣о. яат̇аад̇хамманд̇и зд̇т̇а д̇хамма-сад̣̇д̣̇о хзд̇ум̣ хзд̇упалан̃жа саб̣б̣ам̣ г̇ан̣хаад̇и. сабхаававаажаго хзса, на барияад̇д̇ихзд̇убхаававаажаго, д̇асмаа яат̇аад̇хамманд̇и яо яо авиж̇ж̇аасан̇каараад̣̇ид̇хаммо, д̇асмим̣ д̇асминд̇и ад̇т̇о. д̇хаммаабхилаабод̇и ад̇т̇аб̣яан̃ж̇анаго авибарийд̇аабхилаабо. зд̇зна ‘‘д̇ад̇ра д̇хамманируд̇д̇аабхилаабз н̃аан̣ам̣ нируд̇д̇ибадисамбхид̣̇аа’’д̇и (вибха. 718-720) зд̇т̇а вуд̇д̇ад̇хамманируд̇д̇им̣ д̣̇ассзд̇и. ануломаад̣̇ивасзна ваа гат̇ананд̇и зд̇зна д̇ассаа д̇хамманируд̇д̇ияаа абхилаабам̣ гат̇анам̣ д̇асса важанасса бавад̇д̇анам̣ д̣̇ассзд̇и. ад̇хиббааяод̇и зд̇зна ‘‘д̣̇зсанаад̇и бан̃н̃ад̇д̇ий’’д̇и зд̇ам̣ важанам̣ д̇хамманируд̇д̇аабхилаабам̣ санд̇хааяа вуд̇д̇ам̣, на д̇аб̣б̣инимуд̇д̇ам̣ бан̃н̃ад̇д̇им̣ санд̇хааяаад̇и д̣̇ассзд̇и.
Hetumhi ñāṇaṃ dhammapaṭisambhidāti etena vacanatthena dhammassa hetubhāvo kathaṃ ñātabboti? ‘‘Dhammapaṭisambhidā’’ti etassa samāsapadassa avayavapadatthaṃ dassentena ‘‘hetumhi ñāṇa’’nti vuttattā. ‘‘Dhamme paṭisambhidā’’ti ettha hi ‘‘dhamme’’ti etassa atthaṃ dassentena ‘‘hetumhī’’ti vuttaṃ, ‘‘paṭisambhidā’’ti etassa ca atthaṃ dassentena ‘‘ñāṇa’’nti, tasmā hetudhammasaddā ekatthā ñāṇapaṭisambhidāsaddā cāti imamatthaṃ dassentena sādhito dhammassa hetubhāvo. Atthassa hetuphalabhāvo ca evameva daṭṭhabbo. Yathādhammanti ettha dhamma-saddo hetuṃ hetuphalañca sabbaṃ gaṇhāti. Sabhāvavācako hesa, na pariyattihetubhāvavācako, tasmā yathādhammanti yo yo avijjāsaṅkhārādidhammo, tasmiṃ tasminti attho. Dhammābhilāpoti atthabyañjanako aviparītābhilāpo. Etena ‘‘tatra dhammaniruttābhilāpe ñāṇaṃ niruttipaṭisambhidā’’ti (vibha. 718-720) ettha vuttadhammaniruttiṃ dasseti. Anulomādivasena vā kathananti etena tassā dhammaniruttiyā abhilāpaṃ kathanaṃ tassa vacanassa pavattanaṃ dasseti. Adhippāyoti etena ‘‘desanāti paññattī’’ti etaṃ vacanaṃ dhammaniruttābhilāpaṃ sandhāya vuttaṃ, na tabbinimuttaṃ paññattiṃ sandhāyāti dasseti.
со жа логияалогуд̇д̇арод̇и звам̣ вуд̇д̇ам̣ абхисамаяам̣ язна багаарзна абхисамзд̇и, яан̃жа абхисамзд̇и, яо жа д̇асса сабхааво, д̇зхи баагадам̣ гаад̇ум̣ ‘‘висаяад̇о асаммохад̇о жа ад̇т̇аад̣̇иануруубам̣ д̇хаммаад̣̇ийсу аваб̣од̇хо’’д̇и ааха. д̇ад̇т̇а хи висаяад̇о ад̇т̇аад̣̇иануруубам̣ д̇хаммаад̣̇ийсу аваб̣од̇хо авиж̇ж̇аад̣̇ид̇хаммасан̇каараад̣̇иад̇т̇ад̇ад̣̇убхаяабан̃н̃аабанаарамман̣о логияо абхисамаяо. асаммохад̇о ад̇т̇аад̣̇иануруубам̣ д̇хаммаад̣̇ийсу аваб̣од̇хо ниб̣б̣аанаарамман̣о маг̇г̇асамбаяуд̇д̇о яат̇аавуд̇д̇ад̇хаммад̇т̇абан̃н̃ад̇д̇ийсу саммохавид̣̇д̇хам̣сано логуд̇д̇аро абхисамаяод̇и. абхисамаяад̇о ан̃н̃амби бадивзд̇хад̇т̇ам̣ д̣̇ассзд̇ум̣ ‘‘д̇зсам̣ д̇зсам̣ ваа’’д̇иаад̣̇имааха. ‘‘бадивзд̇ханам̣ бадивзд̇хо’’д̇и иминаа хи важанад̇т̇зна абхисамаяо, бадивиж̇жхийяад̇ийд̇и бадивзд̇ход̇и иминаа д̇ам̣д̇ам̣руубаад̣̇ид̇хаммаанам̣ авибарийд̇асабхааво жа бадивзд̇ход̇и яуж̇ж̇ад̇и.
So ca lokiyalokuttaroti evaṃ vuttaṃ abhisamayaṃ yena pakārena abhisameti, yañca abhisameti, yo ca tassa sabhāvo, tehi pākaṭaṃ kātuṃ ‘‘visayato asammohato ca atthādianurūpaṃdhammādīsu avabodho’’ti āha. Tattha hi visayato atthādianurūpaṃ dhammādīsu avabodho avijjādidhammasaṅkhārādiatthatadubhayapaññāpanārammaṇo lokiyo abhisamayo. Asammohato atthādianurūpaṃ dhammādīsu avabodho nibbānārammaṇo maggasampayutto yathāvuttadhammatthapaññattīsu sammohaviddhaṃsano lokuttaro abhisamayoti. Abhisamayato aññampi paṭivedhatthaṃ dassetuṃ ‘‘tesaṃ tesaṃ vā’’tiādimāha. ‘‘Paṭivedhanaṃ paṭivedho’’ti iminā hi vacanatthena abhisamayo, paṭivijjhīyatīti paṭivedhoti iminā taṃtaṃrūpādidhammānaṃ aviparītasabhāvo ca paṭivedhoti yujjati.
яат̇аавуд̇д̇зхи д̇хаммаад̣̇ийхи бидагаанам̣ г̇амбхийрабхаавам̣ д̣̇ассзд̇ум̣ ‘‘ид̣̇аани яасмаа зд̇зсу бидагзсуу’’д̇иаад̣̇имааха. яо жзд̇т̇аад̇и зд̇зсу д̇ам̣д̇ам̣бидагаг̇ад̇зсу д̇хаммаад̣̇ийсу яо бадивзд̇хо зд̇зсу жа бидагзсу д̇зсам̣ д̇зсам̣ д̇хаммаанам̣ яо авибарийд̇асабхаавод̇и яож̇зд̇аб̣б̣о. д̣̇угког̇аахад̇аа жа вуд̇д̇анаязнзва взд̣̇ид̇аб̣б̣аа. аяам̣ банзд̇т̇а висзсо ‘‘авибарийд̇асабхаавасан̇каад̇о бадивзд̇хо д̣̇уб̣б̣ин̃н̃зяяад̇ааяа зва д̣̇угког̇аахо’’д̇и.
Yathāvuttehi dhammādīhi piṭakānaṃ gambhīrabhāvaṃ dassetuṃ ‘‘idāni yasmā etesu piṭakesū’’tiādimāha. Yo cetthāti etesu taṃtaṃpiṭakagatesu dhammādīsu yo paṭivedho etesu ca piṭakesu tesaṃ tesaṃ dhammānaṃ yo aviparītasabhāvoti yojetabbo. Dukkhogāhatā ca vuttanayeneva veditabbā. Ayaṃ panettha viseso ‘‘aviparītasabhāvasaṅkhāto paṭivedho dubbiññeyyatāya eva dukkhogāho’’ti.
яанд̇и барияад̇д̇ид̣̇уг̇г̇ахан̣ам̣ санд̇хааяа вуд̇д̇ам̣. ад̇т̇анд̇и бхаасид̇ад̇т̇ам̣ баяож̇анад̇т̇ан̃жа. на убабаригканд̇ийд̇и на вижаарзнд̇и. на ниж̇жхаанам̣ каманд̇ийд̇и ниж̇жхаанабан̃н̃ам̣ на каманд̇и, ниж̇жхааяид̇ваа бан̃н̃ааяа д̣̇исваа рожзд̇ваа на г̇ахзд̇аб̣б̣аа хонд̇ийд̇и ад̇хиббааяо. ид̇ийд̇и звам̣ зд̇ааяа барияад̇д̇ияаа ваад̣̇аббамогкаанисам̣саа ад̇д̇ано убари барзхи ааробид̇аваад̣̇асса ниг̇г̇ахасса бамогкаббаяож̇анаа худ̇ваа д̇хаммам̣ барияаабун̣анд̇и. ваад̣̇аббамогкод̇и ваа нинд̣̇аабамогко. яасса жад̇т̇ааяаад̇и яасса жа сийлаад̣̇ибарибууран̣асса анубаад̣̇аавимогкасса ваа ад̇т̇ааяа. д̇хаммам̣ барияаабун̣анд̇ийд̇и н̃ааязна барияаабун̣анд̇ийд̇и ад̇хиббааяо. ассаад̇и асса д̇хаммасса. наанубхонд̇ийд̇и на винд̣̇анд̇и. д̇зсам̣ д̇з д̇хаммаа д̣̇уг̇г̇ахид̇ад̇д̇аа убаарамбхамаанад̣̇аббамагкабалаасаад̣̇ихзд̇убхаавзна д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇анд̇и. бхан̣д̣ааг̇аарз нияуд̇д̇о бхан̣д̣ааг̇аариго, бхан̣д̣ааг̇аариго вияаад̇и бхан̣д̣ааг̇аариго, д̇хаммарад̇анаанубаалаго. ан̃н̃ам̣ ад̇т̇ам̣ анабзгкид̇ваа бхан̣д̣ааг̇ааригассзва сад̇о барияад̇д̇и бхан̣д̣ааг̇ааригабарияад̇д̇и.
Yanti pariyattiduggahaṇaṃ sandhāya vuttaṃ. Atthanti bhāsitatthaṃ payojanatthañca. Na upaparikkhantīti na vicārenti. Na nijjhānaṃ khamantīti nijjhānapaññaṃ na khamanti, nijjhāyitvā paññāya disvā rocetvā na gahetabbā hontīti adhippāyo. Itīti evaṃ etāya pariyattiyā vādappamokkhānisaṃsā attano upari parehi āropitavādassa niggahassa pamokkhappayojanā hutvā dhammaṃ pariyāpuṇanti. Vādappamokkhoti vā nindāpamokkho. Yassa catthāyāti yassa ca sīlādiparipūraṇassa anupādāvimokkhassa vā atthāya. Dhammaṃ pariyāpuṇantīti ñāyena pariyāpuṇantīti adhippāyo. Assāti assa dhammassa. Nānubhontīti na vindanti. Tesaṃ te dhammā duggahitattā upārambhamānadappamakkhapalāsādihetubhāvena dīgharattaṃ ahitāya dukkhāya saṃvattanti. Bhaṇḍāgāre niyutto bhaṇḍāgāriko, bhaṇḍāgāriko viyāti bhaṇḍāgāriko, dhammaratanānupālako. Aññaṃ atthaṃ anapekkhitvā bhaṇḍāgārikasseva sato pariyatti bhaṇḍāgārikapariyatti.
д̇аасам̣язваад̇и авад̇хааран̣ам̣ баабун̣ид̇аб̣б̣аанам̣ чал̣абхин̃н̃аажад̇убадисамбхид̣̇аанам̣ винаяз бабхзд̣̇аважанаабхаавам̣ санд̇хааяа вуд̇д̇ам̣. взран̃ж̇аган̣д̣з хи д̇иссо виж̇ж̇аава вибхад̇д̇аад̇и. д̣̇уд̇ияз д̇аасам̣язваад̇и авад̇хааран̣ам̣ жад̇ассо бадисамбхид̣̇аа абзгкид̇ваа гад̇ам̣, на д̇иссо виж̇ж̇аа. д̇аа хи часу абхин̃н̃аасу анд̇ог̇ад̇хаад̇и суд̇д̇з вибхад̇д̇ааязваад̇и. н̃ад̇ваа сан̇г̇аяхамаананд̇и яож̇анаа. д̇зсанд̇и д̇зсам̣ бидагаанам̣. саб̣б̣амбийд̇и саб̣б̣амби б̣уд̣̇д̇хаважанам̣.
Tāsaṃyevāti avadhāraṇaṃ pāpuṇitabbānaṃ chaḷabhiññācatupaṭisambhidānaṃ vinaye pabhedavacanābhāvaṃ sandhāya vuttaṃ. Verañjakaṇḍe hi tisso vijjāva vibhattāti. Dutiye tāsaṃyevāti avadhāraṇaṃ catasso paṭisambhidā apekkhitvā kataṃ, na tisso vijjā. Tā hi chasu abhiññāsu antogadhāti sutte vibhattāyevāti. Ñatvā saṅgayhamānanti yojanā. Tesanti tesaṃ piṭakānaṃ. Sabbampīti sabbampi buddhavacanaṃ.
ад̇т̇аануломанаамад̇о ануломиго. ануломигад̇д̇ам̣язва вибхаавзд̇ум̣ ‘‘гасмаа банаа’’д̇иаад̣̇и вуд̇д̇ам̣. зганигааяамбийд̇и згасамуухамби. бон̣игаа жа жигкаллигаа жа кад̇д̇ияаа, д̇зсам̣ ниваасо бон̣иганигааяо жигкаллиганигааяо жа. звам̣ д̇хаммагканд̇хад̇о жад̇ураасийд̇и д̇хаммагканд̇хасахассаанийд̇и б̣уд̣̇д̇хаважанабидагаад̣̇ийни нидтаабзд̇ваа анзгажчарияабаад̇убхаавабадиман̣д̣ид̇ааяа сан̇г̇ийд̇ияаа батамаб̣уд̣̇д̇хаважанаад̣̇иго саб̣б̣о вуд̇д̇аббабхзд̣̇о ан̃н̃оби уд̣̇д̣̇аанасан̇г̇ахаад̣̇ибхзд̣̇о сан̇г̇ийд̇ияаа н̃ааяад̇ийд̇и зд̇асса д̣̇ассанад̇т̇ам̣ ‘‘звамзд̇ам̣ саб̣б̣амбий’’д̇иаад̣̇и аарад̣̇д̇хам̣. аяам̣ абхид̇хаммо бидагад̇о абхид̇хаммабидаганд̇иаад̣̇инаа бидагаад̣̇ибхаавад̣̇ассанзнзва маж̇жхимаб̣уд̣̇д̇хаважанабхааво д̇ат̇ааг̇ад̇асса жа аад̣̇ид̇о аабхид̇хаммигабхааво д̣̇ассид̇од̇и взд̣̇ид̇аб̣б̣о.
Atthānulomanāmato anulomiko. Anulomikattaṃyeva vibhāvetuṃ ‘‘kasmā panā’’tiādi vuttaṃ. Ekanikāyampīti ekasamūhampi. Poṇikā ca cikkhallikā ca khattiyā, tesaṃ nivāso poṇikanikāyo cikkhallikanikāyo ca. Evaṃ dhammakkhandhato caturāsīti dhammakkhandhasahassānīti buddhavacanapiṭakādīni niṭṭhāpetvā anekacchariyapātubhāvapaṭimaṇḍitāya saṅgītiyā paṭhamabuddhavacanādiko sabbo vuttappabhedo aññopi uddānasaṅgahādibhedo saṅgītiyā ñāyatīti etassa dassanatthaṃ ‘‘evametaṃ sabbampī’’tiādi āraddhaṃ. Ayaṃ abhidhammo piṭakato abhidhammapiṭakantiādinā piṭakādibhāvadassaneneva majjhimabuddhavacanabhāvo tathāgatassa ca ādito ābhidhammikabhāvo dassitoti veditabbo.
зд̇т̇а сияаа ‘‘яад̣̇и д̇ат̇ааг̇ад̇абхаасид̇абхааво абхид̇хаммасса сид̣̇д̇хо сияаа, маж̇жхимаб̣уд̣̇д̇хаважанабхааво жа сид̣̇д̇хо бхавзяяа, со зва жа на сид̣̇д̇хо’’д̇и д̇асса винаяаад̣̇ийхи б̣уд̣̇д̇хабхаасид̇абхаавам̣ саад̇хзд̇ум̣ вад̇т̇ум̣ д̣̇ассзнд̇о ‘‘д̇ам̣ д̇хаараяанд̇зсу бхигкуусуу’’д̇иаад̣̇имааха. саб̣б̣асаамаяигабарисааяаад̇и саб̣б̣анигааяигабарисааяа бан̃жаби нигааяз барияаабун̣анд̇ияаа. на уг̇г̇ахид̇анд̇и сагаласса винаяабидагасса ануг̇г̇ахид̇ад̇д̇аа ааха. винаяамад̇д̇ам̣ уг̇г̇ахид̇анд̇и вибхан̇г̇ад̣̇ваяасса уг̇г̇ахид̇ад̇д̇аа ааха. винаяам̣ авиван̣н̣зд̇угаамад̇ааяа ‘‘абхид̇хаммам̣ барияаабун̣ассуу’’д̇и бхан̣анд̇асса анаабад̇д̇им̣, абхид̇хаммз аногаасагад̇ам̣ бхигкум̣ бан̃хам̣ бужчанд̇ияаа баажид̇д̇ияан̃жа вад̣̇анд̇зна бхаг̇авад̇аа абхид̇хаммасса б̣уд̣̇д̇хабхаасид̇абхааво д̣̇ийбид̇о б̣уд̣̇д̇хабхаасид̇зхи суд̇д̇аад̣̇ийхисаха важанад̇о, б̣аахирагабхаасид̇зсу жа ийд̣̇исасса важанасса абхааваа.
Ettha siyā ‘‘yadi tathāgatabhāsitabhāvo abhidhammassa siddho siyā, majjhimabuddhavacanabhāvo ca siddho bhaveyya, so eva ca na siddho’’ti tassa vinayādīhi buddhabhāsitabhāvaṃ sādhetuṃ vatthuṃ dassento ‘‘taṃ dhārayantesu bhikkhūsū’’tiādimāha. Sabbasāmayikaparisāyāti sabbanikāyikaparisāya pañcapi nikāye pariyāpuṇantiyā. Na uggahitanti sakalassa vinayapiṭakassa anuggahitattā āha. Vinayamattaṃ uggahitanti vibhaṅgadvayassa uggahitattā āha. Vinayaṃ avivaṇṇetukāmatāya ‘‘abhidhammaṃ pariyāpuṇassū’’ti bhaṇantassa anāpattiṃ, abhidhamme anokāsakataṃ bhikkhuṃ pañhaṃ pucchantiyā pācittiyañca vadantena bhagavatā abhidhammassa buddhabhāsitabhāvo dīpito buddhabhāsitehi suttādīhisaha vacanato, bāhirakabhāsitesu ca īdisassa vacanassa abhāvā.
ид̇оби б̣алавад̇арам̣ аабхид̇хаммигасса саад̇хугаарад̣̇аанзна вижигижчаавижчзд̣̇асса гад̇ад̇д̇аа. гаммад̇о ан̃н̃ам̣ гаммам̣ гамманд̇арам̣, д̇ам̣ гаамааважараад̣̇им̣ руубааважараад̣̇ибхаавзна, ган̣хавибаагаад̣̇им̣ суггавибаагаад̣̇ибхаавзна гат̇знд̇о аалол̣зд̇и.
Itopi balavataraṃ ābhidhammikassa sādhukāradānena vicikicchāvicchedassa katattā. Kammato aññaṃ kammaṃ kammantaraṃ, taṃ kāmāvacarādiṃ rūpāvacarādibhāvena, kaṇhavipākādiṃ sukkavipākādibhāvena kathento āloḷeti.
ж̇инажаггзд̇и ж̇инасаасанз. висам̣ваад̣̇зд̇ийд̇и виббаламбхзд̇и. бхзд̣̇агаравад̇т̇уусу згасминд̇и ‘‘бхаасид̇ам̣ лабид̇ам̣ д̇ат̇ааг̇ад̇зна абхаасид̇ам̣ алабид̇ам̣ д̇ат̇ааг̇ад̇знаад̇и д̣̇ийбзд̇ий’’д̇и згасмим̣ санд̣̇иссад̇и. уд̇д̇ариби звам̣ вад̇д̇аб̣б̣о…бз… на ан̃н̃зсам̣ висаяо…бз… нид̣̇аанагижжам̣ наама над̇т̇ийд̇и абаагадаанам̣ гаалад̣̇зсад̣̇зсагабарисаанам̣ баагадабхаавагаран̣ад̇т̇ам̣ д̇ад̣̇убад̣̇зсасахид̇зна нид̣̇аанзна бхавид̇аб̣б̣ам̣, ан̃н̃зсам̣ ависаяад̇д̇аа д̣̇зсаго баагадо, огганд̇игаалаад̣̇ийнам̣ баагадад̇д̇аа гаало жа, д̣̇звалогз д̣̇зсид̇абхаавасса баагадад̇д̇аа д̣̇зсабарисаа жа баагадаад̇и гим̣ нид̣̇аанагижжам̣ сияаад̇и.
Jinacakketi jinasāsane. Visaṃvādetīti vippalambheti. Bhedakaravatthūsu ekasminti ‘‘bhāsitaṃ lapitaṃ tathāgatena abhāsitaṃ alapitaṃ tathāgatenāti dīpetī’’ti ekasmiṃ sandissati. Uttaripi evaṃ vattabbo…pe… na aññesaṃ visayo…pe… nidānakiccaṃ nāma natthīti apākaṭānaṃ kāladesadesakaparisānaṃ pākaṭabhāvakaraṇatthaṃ tadupadesasahitena nidānena bhavitabbaṃ, aññesaṃ avisayattā desako pākaṭo, okkantikālādīnaṃ pākaṭattā kālo ca, devaloke desitabhāvassa pākaṭattā desaparisā ca pākaṭāti kiṃ nidānakiccaṃ siyāti.
яад̇т̇а канд̇хаад̣̇аяо ниббад̣̇зсзна вибхад̇д̇аа, со абхид̇хаммо наама, д̇асмаа д̇асса нид̣̇аанзна канд̇хаад̣̇ийнам̣ ниббад̣̇зсад̇оби бадивид̣̇д̇хадтаанзна бхавид̇аб̣б̣анд̇и ад̇хиббааязна т̇зро ‘‘махааб̣од̇хинид̣̇аано абхид̇хаммо’’д̇и д̣̇ассзд̇и. ‘‘со звам̣ баж̇аанаами саммаад̣̇идтибажжаяааби взд̣̇аяид̇а’’нд̇иаад̣̇инаа (сам̣. ни. 5.12) наязна бажжаяаад̣̇ийхи взд̣̇анам̣ убабаригканд̇о канд̇хаад̣̇ибад̣̇зсаанам̣ взд̣̇анаагканд̇хаад̣̇ийнам̣ васзна вихааси. д̇хаммзд̇и гусалаад̣̇иаран̣анд̇з.
Yattha khandhādayo nippadesena vibhattā, so abhidhammo nāma, tasmā tassa nidānena khandhādīnaṃ nippadesatopi paṭividdhaṭṭhānena bhavitabbanti adhippāyena thero ‘‘mahābodhinidāno abhidhammo’’ti dasseti. ‘‘So evaṃ pajānāmi sammādiṭṭhipaccayāpi vedayita’’ntiādinā (saṃ. ni. 5.12) nayena paccayādīhi vedanaṃ upaparikkhanto khandhādipadesānaṃ vedanākkhandhādīnaṃ vasena vihāsi. Dhammeti kusalādiaraṇante.
д̇хаммам̣ баривад̇д̇знд̇од̇и саадтагат̇ам̣ баал̣им̣ баривад̇д̇знд̇о зд̇ам̣ бараваад̣̇ийжод̣̇анам̣ бад̇ваа ‘‘аяам̣ бараваад̣̇ий’’д̇иаад̣̇имааха. амхаад̣̇исзсу нид̣̇аанам̣ ж̇аананд̇зсу бадисаран̣зсу виж̇ж̇амаанзсу аббадисаран̣о аран̃н̃з ганд̣̇анд̇о вияа нид̣̇аанасаб̣бхаавз сагкибхууд̇зсуби амхзсу виж̇ж̇амаанзсу асагкигам̣ ад̣д̣ам̣ гаронд̇о вияа ход̇и, нид̣̇аанасса ад̇т̇ибхаавамби на ж̇аанаад̇и, нану зд̇ам̣ нид̣̇аананд̇и гат̇знд̇о звамааха. згамзваад̇и д̣̇зсанаанид̣̇аанамзва аж̇жхаасаяаануруубзна д̣̇зсид̇ад̇д̇аа. д̣̇вз нид̣̇аанаанийд̇и ад̇хиг̇анд̇аб̣б̣ад̣̇зсзд̇аб̣б̣ад̇хаммаануруубзна д̣̇зсид̇ад̇д̇аа. абхид̇хаммаад̇хиг̇амасса муулам̣ ад̇хиг̇амам̣ нид̣̇зд̇ийд̇и ад̇хиг̇аманид̣̇аанам̣. б̣од̇хиабхинийхаарасад̣̇д̇хааяаад̇и яааяа сад̣̇д̇хааяа д̣̇ийбан̇гарад̣̇асаб̣аласса санд̇игз б̣од̇хияаа жид̇д̇ам̣ абхинийхари бан̣ид̇хаанам̣ агааси.
Dhammaṃ parivattentoti sāṭṭhakathaṃ pāḷiṃ parivattento etaṃ paravādīcodanaṃ patvā ‘‘ayaṃ paravādī’’tiādimāha. Amhādisesu nidānaṃ jānantesu paṭisaraṇesu vijjamānesu appaṭisaraṇo araññe kandanto viya nidānasabbhāve sakkhibhūtesupi amhesu vijjamānesu asakkhikaṃ aḍḍaṃ karonto viya hoti, nidānassa atthibhāvampi na jānāti, nanu etaṃ nidānanti kathento evamāha. Ekamevāti desanānidānameva ajjhāsayānurūpena desitattā. Dve nidānānīti adhigantabbadesetabbadhammānurūpena desitattā. Abhidhammādhigamassa mūlaṃ adhigamaṃ nidetīti adhigamanidānaṃ. Bodhiabhinīhārasaddhāyāti yāya saddhāya dīpaṅkaradasabalassa santike bodhiyā cittaṃ abhinīhari paṇidhānaṃ akāsi.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / нид̣̇аанагат̇ааван̣н̣анаа • Nidānakathāvaṇṇanā
