| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
нид̣̇аанагат̇ааван̣н̣анаа
Nidānakathāvaṇṇanā
барижчзд̣̇о сад̇д̇аббагаран̣абхааво. саннивзсо сад̇д̇аннам̣ багаран̣аанам̣ д̇ад̣̇аваяаваанан̃жа вавад̇т̇аанам̣. сааг̇арзхи д̇ат̇аа жинд̇аад̇и ‘‘имасса абхид̇хаммасса г̇амбхийрабхаававиж̇аананад̇т̇ам̣ жад̇д̇ааро сааг̇араа взд̣̇ид̇аб̣б̣аа’’д̇иаад̣̇инаа наязна ж̇аласааг̇араад̣̇ийхи саха наяасааг̇аравижааро. ‘‘сад̇абхааг̇зна сахассабхааг̇зна д̇хамманд̇араа д̇хамманд̇арам̣ сан̇гамид̇ваа сан̇гамид̇ваа д̣̇зсзсий’’д̇иаад̣̇инаа д̣̇зсанаабхзд̣̇зхи абхид̇хаммасса г̇амбхийрабхаавагат̇аа д̣̇зсанаахи г̇амбхийрад̇аа.
Paricchedo sattappakaraṇabhāvo. Sanniveso sattannaṃ pakaraṇānaṃ tadavayavānañca vavatthānaṃ. Sāgarehi tathā cintāti ‘‘imassa abhidhammassa gambhīrabhāvavijānanatthaṃ cattāro sāgarā veditabbā’’tiādinā nayena jalasāgarādīhi saha nayasāgaravicāro. ‘‘Satabhāgena sahassabhāgena dhammantarā dhammantaraṃ saṅkamitvā saṅkamitvā desesī’’tiādinā desanābhedehi abhidhammassa gambhīrabhāvakathā desanāhi gambhīratā.
‘‘звам̣ д̇змаасам̣ ниранд̇арам̣ д̣̇зсзнд̇ассаа’’д̇иаад̣̇инаа д̣̇зсанаагаалз бхаг̇авад̇о сарийрасса яаабид̇аагааравижааро д̣̇зсанаа…бз… г̇ахан̣ам̣. д̇ат̇аа т̇зрасса…бз…би жаад̇и ‘‘абхид̇хаммз ваажанаамаг̇г̇о наамаа’’д̇иаад̣̇инаа абхид̇хаммз ваажанаамаг̇г̇асса саарибуд̇д̇ад̇т̇зрасамб̣анд̇хид̇ад̇аа д̇асса жа д̇знзва уббаад̣̇ид̇ад̇аа. яо хи бхаг̇авад̇аа д̣̇звад̇аанам̣ д̣̇зсид̇аагааро, со абарижчиннавааранаяад̇анд̇ид̇ааяа ананд̇о абаримаан̣о на бхигкуунам̣ ваажанааяог̇г̇о, яо жа т̇зрасса д̣̇зсид̇аагааро, со ад̇исам̣кид̇д̇ад̇ааяа. наад̇исан̇кзбанаад̇ивид̇т̇аарабхууд̇о бана баатанаяо т̇зраббабхаавид̇о ваажанаамаг̇г̇од̇и.
‘‘Evaṃ temāsaṃ nirantaraṃ desentassā’’tiādinā desanākāle bhagavato sarīrassa yāpitākāravicāro desanā…pe… gahaṇaṃ. Tathā therassa…pe…pi cāti ‘‘abhidhamme vācanāmaggo nāmā’’tiādinā abhidhamme vācanāmaggassa sāriputtattherasambandhitatā tassa ca teneva uppāditatā. Yo hi bhagavatā devatānaṃ desitākāro, so aparicchinnavāranayatantitāya ananto aparimāṇo na bhikkhūnaṃ vācanāyoggo, yo ca therassa desitākāro, so atisaṃkhittatāya. Nātisaṅkhepanātivitthārabhūto pana pāṭhanayo therappabhāvito vācanāmaggoti.
важанад̇т̇авиж̇аананзнаад̇иаад̣̇инаа гусалаа д̇хаммаад̇иаад̣̇ибад̣̇аанан̃н̃зва ад̇т̇аван̣н̣анам̣ агад̇ваа абхид̇хамма-сад̣̇д̣̇авижаарасса самб̣анд̇хамааха. ‘‘яз д̇з маяаа д̇хаммаа абхин̃н̃аа д̣̇зсид̇аа. сзяяат̇ид̣̇ам̣ – жад̇д̇ааро сад̇ибадтаанаа…бз… сигкид̇ам̣ сигким̣су д̣̇вз бхигкуу абхид̇хаммз наанааваад̣̇аа’’д̇иаад̣̇исуд̇д̇авасзна гин̃жааби б̣од̇хибагкияад̇хаммаа ‘‘абхид̇хаммо’’д̇и вужжанд̇и, д̇хамма-сад̣̇д̣̇о жа самаад̇хиаад̣̇ийсу д̣̇идтаббаяог̇о, барияад̇д̇ид̇хаммо зва бана ид̇ха ад̇хиббзд̇од̇и д̣̇ассзнд̇о ‘‘суд̇д̇анд̇аад̇хигаа баал̣ийд̇и ад̇т̇о’’д̇и ааха. д̇ад̇т̇а д̇хаммаб̣яабхижаарабхаавзна висзсад̇о абхид̇хаммо вияа суд̇д̇анд̇оби ‘‘д̇хаммо’’д̇и вужжад̇и. ‘‘яо во, аананд̣̇а, маяаа д̇хаммо жа винаяо жа д̣̇зсид̇о бан̃н̃ад̇д̇о’’д̇иаад̣̇ийсу (д̣̇ий. ни. 1.216) ан̃н̃ад̇т̇а жа самбхавад̇о абхи-сад̣̇д̣̇зна нивад̇д̇зд̇аб̣б̣ад̇т̇ам̣ д̣̇ийбзд̇ум̣ ‘‘суд̇д̇анд̇аа’’д̇и вуд̇д̇ам̣. нану жа ад̇ирзгависзсадтаа бхиннасабхааваа яад̇о д̇з яат̇ааггамам̣ ад̇хигавижид̇д̇абарияааязхи б̣од̇хид̇аа, д̇асмаа ‘‘д̇хаммаад̇ирзгад̇хаммависзсадтзхий’’д̇и б̣ахуважанзна бхавид̇аб̣б̣ам̣, на згаважанзнаад̇и ануяог̇ам̣ манаси гад̇ваа ааха ‘‘д̣̇виннамби…бз… згаважананид̣̇д̣̇зсо гад̇о’’д̇и.
Vacanatthavijānanenātiādinā kusalā dhammātiādipadānaññeva atthavaṇṇanaṃ akatvā abhidhamma-saddavicārassa sambandhamāha. ‘‘Ye te mayā dhammā abhiññā desitā. Seyyathidaṃ – cattāro satipaṭṭhānā…pe… sikkhitaṃ sikkhiṃsu dve bhikkhū abhidhamme nānāvādā’’tiādisuttavasena kiñcāpi bodhipakkhiyadhammā ‘‘abhidhammo’’ti vuccanti, dhamma-saddo ca samādhiādīsu diṭṭhappayogo, pariyattidhammo eva pana idha adhippetoti dassento ‘‘suttantādhikā pāḷīti attho’’ti āha. Tattha dhammabyabhicārabhāvena visesato abhidhammo viya suttantopi ‘‘dhammo’’ti vuccati. ‘‘Yo vo, ānanda, mayā dhammo ca vinayo ca desito paññatto’’tiādīsu (dī. ni. 1.216) aññattha ca sambhavato abhi-saddena nivattetabbatthaṃ dīpetuṃ ‘‘suttantā’’ti vuttaṃ. Nanu ca atirekavisesaṭṭhā bhinnasabhāvā yato te yathākkamaṃ adhikavicittapariyāyehi bodhitā, tasmā ‘‘dhammātirekadhammavisesaṭṭhehī’’ti bahuvacanena bhavitabbaṃ, na ekavacanenāti anuyogaṃ manasi katvā āha ‘‘dvinnampi…pe… ekavacananiddeso kato’’ti.
баяог̇амзва наарахад̇и убасаг̇г̇а-сад̣̇д̣̇аанам̣ д̇хаад̇у-сад̣̇д̣̇ассзва бурад̇о баяож̇анийяад̇д̇аа. ат̇ааби баяуж̇ж̇зяяа ад̇имаалаад̣̇ийсу ад̇и-сад̣̇д̣̇аад̣̇аяо вияа. звамби яат̇аа ‘‘ад̇имаалаа’’д̇и зд̇т̇а самаасавасзна анаавибхууд̇ааяа гаманагирияааяа висзсаго ад̇и-сад̣̇д̣̇о, на маалааяа, звамид̇хааби абхи-сад̣̇д̣̇о на д̇хаммависзсаго яуд̇д̇од̇и ад̇хиббааяо. ан̃н̃ассаби хи убасаг̇г̇ассаад̇и ид̣̇ам̣ рул̣хийвасзна, ад̇т̇з убасаж̇ж̇ад̇ийд̇и ваа убасаг̇г̇асса анвад̇т̇асан̃н̃ад̇ам̣ г̇ахзд̇ваа вуд̇д̇ам̣. ад̇ичад̇д̇аад̣̇ийсу хи ад̇и-сад̣̇д̣̇о ид̇ха убасаг̇г̇од̇и ад̇хиббзд̇о. д̇ад̇т̇а яат̇аа галяаан̣о бууж̇ид̇о ваа бурисо ад̇ибурисод̇и бхавад̇и, звам̣ ад̇ирзгависзсадтаанамби галяаан̣абууж̇ид̇ад̇т̇абхаавасамбхавад̇о галяаан̣ам̣ ваа бууж̇ид̇ам̣ ваа чад̇д̇ам̣ ад̇ичад̇д̇анд̇и сад̣̇д̣̇анаяо взд̣̇ид̇аб̣б̣о. галяаан̣абууж̇ид̇абхааваа хи г̇ун̣ависзсаяог̇зна ижчид̇аб̣б̣аа. г̇ун̣ависзсо жзса яад̣̇ид̣̇ам̣ бамаан̣аад̇ирзго жа вижид̇д̇аруубад̇аа жа. зван̃жа бана гад̇ваа ‘‘агирияааяабий’’д̇и важанам̣ самад̇т̇ид̇ам̣ бхавад̇и. яат̇аа жа ад̇ичад̇д̇аад̣̇ийсу, звам̣ абхид̇хамма-сад̣̇д̣̇зби д̣̇адтаб̣б̣ам̣. анзгад̇т̇аа хи нибаад̇аад̇и. д̇аб̣бхаавад̣̇ийбагад̇д̇аад̇и ад̇ирзгависзсабхаавад̣̇ийбагад̇д̇аа.
Payogameva nārahati upasagga-saddānaṃ dhātu-saddasseva purato payojanīyattā. Athāpi payujjeyya atimālādīsu ati-saddādayo viya. Evampi yathā ‘‘atimālā’’ti ettha samāsavasena anāvibhūtāya kamanakiriyāya visesako ati-saddo, na mālāya, evamidhāpi abhi-saddo na dhammavisesako yuttoti adhippāyo. Aññassapi hi upasaggassāti idaṃ ruḷhīvasena, atthe upasajjatīti vā upasaggassa anvatthasaññataṃ gahetvā vuttaṃ. Atichattādīsu hi ati-saddo idha upasaggoti adhippeto. Tattha yathā kalyāṇo pūjito vā puriso atipurisoti bhavati, evaṃ atirekavisesaṭṭhānampi kalyāṇapūjitatthabhāvasambhavato kalyāṇaṃ vā pūjitaṃ vā chattaṃ atichattanti saddanayo veditabbo. Kalyāṇapūjitabhāvā hi guṇavisesayogena icchitabbā. Guṇaviseso cesa yadidaṃ pamāṇātireko ca vicittarūpatā ca. Evañca pana katvā ‘‘akiriyāyapī’’ti vacanaṃ samatthitaṃ bhavati. Yathā ca atichattādīsu, evaṃ abhidhamma-saddepi daṭṭhabbaṃ. Anekatthā hi nipātāti. Tabbhāvadīpakattāti atirekavisesabhāvadīpakattā.
згад̇о анааг̇ад̇ад̇д̇аад̇и ид̣̇ам̣ суд̇д̇анд̇з згад̇о ааг̇ад̇аанам̣ канд̇хааяад̇анаад̣̇ийнам̣ суд̇д̇анд̇абхааж̇анийяасса д̣̇идтад̇д̇аа ‘‘ча имаани, бхигкавз, инд̣̇рияааний’’д̇иаад̣̇инаа (сам̣. ни. 5.495-496) жагкаад̣̇ийнам̣ чаннам̣ ид̇т̇инд̣̇рияаад̣̇ийнам̣ д̇ин̣н̣ам̣ сукинд̣̇рияаад̣̇ийнам̣ бан̃жаннам̣ сад̣̇д̇хинд̣̇рияаад̣̇ийнам̣ бан̃жаннам̣ анан̃н̃аад̇ан̃н̃ассаамийд̇инд̣̇рияаад̣̇ийнан̃жа д̇ин̣н̣ам̣ васзна висум̣ висум̣ суд̇д̇анд̇абхаавзна ааг̇ад̇ад̇д̇аа згасуд̇д̇абхаавзна анааг̇ад̇аанам̣ б̣аавийсад̇ияаа инд̣̇рияаанам̣ суд̇д̇анд̇абхааж̇анийяасса ад̣̇идтад̇д̇аа жа вуд̇д̇ам̣, на суд̇д̇анд̇з згад̇о ааг̇аманасса суд̇д̇анд̇абхааж̇анийяасса гааран̣ад̇д̇аа. суд̇д̇анд̇з згад̇о саб̣б̣зна саб̣б̣ан̃жа анааг̇ад̇аа хи бхууманд̇арабарижчзд̣̇абадисамбхид̣̇аа суд̇д̇анд̇абхааж̇анийяавасзна вибхад̇д̇аа д̣̇иссанд̇и, згад̇о ааг̇ад̇аани жа сигкаабад̣̇аани д̇ат̇аа на вибхад̇д̇аани. взраман̣ийнам̣ вияа бана сабхаавагижжаад̣̇ивибхааг̇авинимуд̇д̇о б̣аавийсад̇ияаа инд̣̇рияаанам̣ самаано вибхаж̇анаббагааро над̇т̇и, яо суд̇д̇анд̇абхааж̇анийяам̣ сияаад̇и инд̣̇рияавибхан̇г̇з суд̇д̇анд̇абхааж̇анийяам̣ над̇т̇ийд̇и яуд̇д̇ам̣ сияаа.
Ekato anāgatattāti idaṃ suttante ekato āgatānaṃ khandhāyatanādīnaṃ suttantabhājanīyassa diṭṭhattā ‘‘cha imāni, bhikkhave, indriyānī’’tiādinā (saṃ. ni. 5.495-496) cakkhādīnaṃ channaṃ itthindriyādīnaṃ tiṇṇaṃ sukhindriyādīnaṃ pañcannaṃ saddhindriyādīnaṃ pañcannaṃ anaññātaññassāmītindriyādīnañca tiṇṇaṃ vasena visuṃ visuṃ suttantabhāvena āgatattā ekasuttabhāvena anāgatānaṃ bāvīsatiyā indriyānaṃ suttantabhājanīyassa adiṭṭhattā ca vuttaṃ, na suttante ekato āgamanassa suttantabhājanīyassa kāraṇattā. Suttante ekato sabbena sabbañca anāgatā hi bhūmantaraparicchedapaṭisambhidā suttantabhājanīyavasena vibhattā dissanti, ekato āgatāni ca sikkhāpadāni tathā na vibhattāni. Veramaṇīnaṃ viya pana sabhāvakiccādivibhāgavinimutto bāvīsatiyā indriyānaṃ samāno vibhajanappakāro natthi, yo suttantabhājanīyaṃ siyāti indriyavibhaṅge suttantabhājanīyaṃ natthīti yuttaṃ siyā.
яад̣̇иби бажжаяад̇хаммавинимуд̇д̇о бажжаяабхааво наама над̇т̇и, яат̇аа бана бавад̇д̇о бажжаяад̇хаммо бажжаяуббаннад̇хаммаанам̣ бажжаяо ход̇и, со д̇асса бавад̇д̇иаагаарависзсо хзд̇уаад̣̇ибхааво д̇ад̇о ан̃н̃о вияа бажжаяад̇хаммасса бажжаяабхаавод̇и вуд̇д̇о, со жа ‘‘авиж̇ж̇аабажжаяаа сан̇каараа самбхаванд̇ий’’д̇иаад̣̇ийсу бад̇хаанабхаавзна вуд̇д̇о. д̇ад̇т̇а жа г̇ун̣ийбхууд̇аа хзд̇ухзд̇упалабхууд̇аа авиж̇ж̇аасан̇каараад̣̇аяод̇и вуд̇д̇ам̣ ‘‘бажжаяабхааво уд̣̇д̣̇идто’’д̇и. уд̣̇д̣̇идтад̇хаммаананд̇иаад̣̇и уд̣̇д̣̇зсзна барижчиннаанам̣язва канд̇хаад̣̇ийнам̣ канд̇хавибхан̇г̇аад̣̇ийсу бан̃хабужчаганаяо д̣̇ассид̇о, на ид̇о ан̃н̃ат̇аад̇и гад̇ваа вуд̇д̇ам̣.
Yadipi paccayadhammavinimutto paccayabhāvo nāma natthi, yathā pana pavatto paccayadhammo paccayuppannadhammānaṃ paccayo hoti, so tassa pavattiākāraviseso hetuādibhāvo tato añño viya paccayadhammassa paccayabhāvoti vutto, so ca ‘‘avijjāpaccayā saṅkhārā sambhavantī’’tiādīsu padhānabhāvena vutto. Tattha ca guṇībhūtā hetuhetuphalabhūtā avijjāsaṅkhārādayoti vuttaṃ ‘‘paccayabhāvo uddiṭṭho’’ti. Uddiṭṭhadhammānantiādi uddesena paricchinnānaṃyeva khandhādīnaṃ khandhavibhaṅgādīsu pañhapucchakanayo dassito, na ito aññathāti katvā vuttaṃ.
суд̇д̇анд̇з сан̇г̇ийд̇исуд̇д̇анд̇аад̣̇игз. бан̃жа сигкаабад̣̇аани баан̣аад̇ибаад̇аа…бз… бамаад̣̇адтаанаа взраман̣ийд̇и звам̣ уд̣̇д̣̇идтаани. ан̃н̃о бана взраман̣ийнам̣ вибхаж̇ид̇аб̣б̣аббагааро над̇т̇ийд̇и ид̣̇ам̣ ад̇ийд̇аанижжаад̣̇ивибхааг̇о взраман̣ийнам̣ канд̇хааяад̇анаад̣̇ийсу анд̇ог̇ад̇хад̇д̇аа д̇аб̣б̣асзнзва виж̇аанид̇аб̣б̣о, д̇ад̇о бана ан̃н̃о абхид̇хамманаяавид̇хуро взраман̣ийнам̣ вибхаж̇ид̇аб̣б̣аббагааро над̇т̇ийд̇и ад̇хиббааязна вуд̇д̇ам̣. д̇ат̇аа жа бадисамбхид̣̇аамаг̇г̇з ‘‘жагкум̣ анижжам̣…бз… ж̇араамаран̣ам̣ анижжа’’нд̇и анубад̣̇ад̇хаммасаммасанагат̇ааяам̣ на взраман̣ияо уд̣̇д̇хадаа.
Suttante saṅgītisuttantādike. Pañca sikkhāpadāni pāṇātipātā…pe… pamādaṭṭhānā veramaṇīti evaṃ uddiṭṭhāni. Añño pana veramaṇīnaṃ vibhajitabbappakāro natthīti idaṃ atītāniccādivibhāgo veramaṇīnaṃ khandhāyatanādīsu antogadhattā tabbaseneva vijānitabbo, tato pana añño abhidhammanayavidhuro veramaṇīnaṃ vibhajitabbappakāro natthīti adhippāyena vuttaṃ. Tathā ca paṭisambhidāmagge ‘‘cakkhuṃ aniccaṃ…pe… jarāmaraṇaṃ anicca’’nti anupadadhammasammasanakathāyaṃ na veramaṇiyo uddhaṭā.
нану д̇хаммасан̇г̇ан̣ийд̇хаад̇угат̇аад̣̇ийнамби васзна абхид̇хаммабаал̣ияаа ад̇ирзгависзсабхааво д̣̇ассзд̇аб̣б̣од̇и? сажжамзд̇ам̣, со бана зганд̇аабхид̇хамманаяаниссид̇о авуд̇д̇оби сид̣̇д̇ход̇и гад̇ваа на д̣̇ассид̇о. зд̇зна ваа нид̣̇ассанзна соби саб̣б̣о нзд̇аб̣б̣о. абхид̇хамманаяасааман̃н̃зна ваа абхид̇хаммабхааж̇анийяабан̃хабужчагзхи со вуд̇д̇о зваад̇и на вуд̇д̇од̇и д̣̇адтаб̣б̣о.
Nanu dhammasaṅgaṇīdhātukathādīnampi vasena abhidhammapāḷiyā atirekavisesabhāvo dassetabboti? Saccametaṃ, so pana ekantaabhidhammanayanissito avuttopi siddhoti katvā na dassito. Etena vā nidassanena sopi sabbo netabbo. Abhidhammanayasāmaññena vā abhidhammabhājanīyapañhapucchakehi so vutto evāti na vuttoti daṭṭhabbo.
бан̃хаваараад̇и бужчанависсаж̇ж̇анавасзна бавад̇д̇аа баал̣инаяаа. зд̇т̇зваад̇и д̇хаммахад̣̇аяавибхан̇г̇з зва. абзгкаавасигад̇д̇аа аббамаханд̇абхаавасса яад̇о аббамад̇д̇игаа махаад̇хаад̇угат̇аад̇анд̇и д̇хаммахад̣̇аяавибхан̇г̇аважанавасзна авасзсаа, д̇ам̣ д̣̇ассанад̇т̇ам̣ ‘‘д̇хаммахад̣̇аяавибхан̇г̇з анааг̇анд̇ваа махаад̇хаммахад̣̇аяз ааг̇ад̇ад̇анд̇ид̇о’’д̇и вуд̇д̇ам̣. д̇хаммахад̣̇аяа…бз… ааг̇ад̇ад̇анд̇ид̇о руубаган̣д̣ад̇хаад̇увибхан̇г̇аад̣̇ийсу анааг̇анд̇ваа махаад̇хаад̇угат̇ааяам̣ ааг̇ад̇ад̇анд̇и аббамад̇д̇игааваад̇и самб̣анд̇хо . ат̇а д̇хаад̇угат̇ааяа вид̇т̇аарагат̇аа махаад̇хаад̇угат̇аа д̇хаммахад̣̇аяавибхан̇г̇з анааг̇анд̇ваа махаад̇хаммахад̣̇аяз ааг̇ад̇ад̇анд̇ид̇о д̇хаад̇угат̇ааяам̣ анааг̇анд̇ваа махаад̇хаад̇угат̇ааяа ааг̇ад̇ад̇анд̇и аббамад̇д̇игааваад̇и яож̇зд̇аб̣б̣ам̣.
Pañhavārāti pucchanavissajjanavasena pavattā pāḷinayā. Etthevāti dhammahadayavibhaṅge eva. Apekkhāvasikattā appamahantabhāvassa yato appamattikā mahādhātukathātanti dhammahadayavibhaṅgavacanavasena avasesā, taṃ dassanatthaṃ ‘‘dhammahadayavibhaṅge anāgantvā mahādhammahadaye āgatatantito’’ti vuttaṃ. Dhammahadaya…pe… āgatatantito rūpakaṇḍadhātuvibhaṅgādīsu anāgantvā mahādhātukathāyaṃ āgatatanti appamattikāvāti sambandho . Atha dhātukathāya vitthārakathā mahādhātukathā dhammahadayavibhaṅge anāgantvā mahādhammahadaye āgatatantito dhātukathāyaṃ anāgantvā mahādhātukathāya āgatatanti appamattikāvāti yojetabbaṃ.
убалаб̣бхад̇ийд̇и ануломабажжанийяабан̃жагасса, нубалаб̣бхад̇ийд̇и бажжанийяаануломабан̃жагасса убалагкан̣авасзна вуд̇д̇ам̣. сажжигадтам̣ ниссаяанд̇и ‘‘саб̣б̣ад̇т̇аа’’д̇иаад̣̇инаа д̣̇зсаад̣̇ианаамасанзна руубаад̣̇исад̇д̇абан̃н̃аасад̇хаммаббабхзд̣̇ам̣ сажжигадтамзва ниссаяабхууд̇ам̣. саб̣б̣ад̇т̇аад̇и зд̇т̇ааби ‘‘убалаб̣бхад̇и нубалаб̣бхад̇ийд̇и бадин̃н̃ааяа г̇ахид̇ааяа бадигкзбаг̇г̇ахан̣ад̇т̇а’’нд̇и аанзд̇ваа самб̣анд̇ханийяам̣, д̇ат̇аа саб̣б̣ад̣̇аа саб̣б̣зсууд̇и зд̇т̇ааби. яад̣̇и канд̇хааяад̇анаад̣̇аяо г̇ахид̇аа адтагат̇ааяам̣ ааг̇ад̇анаязна, ат̇а бана вуд̇д̇анд̇и самб̣анд̇хо. яо сажжигадтод̇и сажжигадтаниссаяам̣ убалагкзд̇и. зд̇зхийд̇и зд̇зхи важанзхи. сажжигадтад̣̇зсагаалаббад̣̇зсзхи гат̇ам̣ сажжигадтаад̣̇ийнам̣ бад̣̇зсо згад̣̇зсабхууд̇о саб̣б̣од̇и вужжад̇и? бад̣̇зсаанам̣ бут̇уд̇д̇аа. ‘‘саб̣б̣зсу бад̣̇зсзсуу’’д̇и бажжзгам̣ бхзд̣̇аамасанавасзна жааяам̣ бан̃хо бавад̇д̇од̇и на буримзхи авасзсо.
Upalabbhatīti anulomapaccanīyapañcakassa, nupalabbhatīti paccanīyānulomapañcakassa upalakkhaṇavasena vuttaṃ. Saccikaṭṭhaṃ nissayanti ‘‘sabbatthā’’tiādinā desādianāmasanena rūpādisattapaññāsadhammappabhedaṃ saccikaṭṭhameva nissayabhūtaṃ. Sabbatthāti etthāpi ‘‘upalabbhati nupalabbhatīti paṭiññāya gahitāya paṭikkhepaggahaṇattha’’nti ānetvā sambandhanīyaṃ, tathā sabbadā sabbesūti etthāpi. Yadi khandhāyatanādayo gahitā aṭṭhakathāyaṃ āgatanayena, atha pana vuttanti sambandho. Yo saccikaṭṭhoti saccikaṭṭhanissayaṃ upalakkheti. Etehīti etehi vacanehi. Saccikaṭṭhadesakālappadesehi kathaṃ saccikaṭṭhādīnaṃ padeso ekadesabhūto sabboti vuccati? Padesānaṃ puthuttā. ‘‘Sabbesu padesesū’’ti paccekaṃ bhedāmasanavasena cāyaṃ pañho pavattoti na purimehi avaseso.
убалаб̣бхад̇и…бз… мижчаад̇и зганд̇и убалаб̣бхад̇ийд̇и бадин̃н̃ааг̇г̇ахан̣абадигкзбаг̇г̇ахан̣аниг̇г̇ан̣ханаанам̣ ануломабадиломад̇о бадин̃н̃аатабананиг̇г̇ахабаабанааробанаанан̃жа васзна бавад̇д̇аа д̇анд̇и батамабан̃жагасса згам̣ ан̇г̇ам̣ зго аваяавод̇и ад̇т̇о. звам̣ сзсзсуби нзд̇аб̣б̣ам̣. ниг̇г̇ахасса суниг̇г̇ахабхаавам̣ ижчад̇о сагаваад̣̇ино ‘‘д̇вам̣ жз бана ман̃н̃аси вад̇д̇аб̣б̣з ко буг̇г̇ало нубалаб̣бхад̇ий’’д̇иаад̣̇инаа (гат̇аа. 3) бадин̃н̃аатабанзна, д̇зна ‘‘д̇ава д̇ад̇т̇а хзд̇ааяа бадин̃н̃ааяа хзвам̣ бадиж̇аананд̇о хзвам̣ ниг̇г̇ахзд̇аб̣б̣з ат̇а д̇ам̣ ниг̇г̇ан̣хаама суниг̇г̇ахид̇о жа ход̇ий’’д̇и вад̇ваа ‘‘хан̃жи буг̇г̇ало нубалаб̣бхад̇ий’’д̇иаад̣̇инаа (гат̇аа. 2) бараваад̣̇ино ад̇д̇ано бадигаммам̣ яат̇аа сагаваад̣̇ий на ниб̣б̣зтзд̇и, звам̣ гаран̣ам̣ бадигаммавзтанам̣. бараваад̣̇ино бадигаммасса д̣̇уббадигаммабхаавам̣ ижчад̇о сагаваад̣̇ино д̇ам̣нид̣̇ассанзна ‘‘зсо жз д̣̇унниг̇г̇ахид̇о хзва’’нд̇и бадигамманид̣̇ассанзна, ‘‘вад̇д̇аб̣б̣з ко буг̇г̇ало убалаб̣бхад̇и…бз… барамад̇т̇знаад̇и (гат̇аа. 1). но жа маяам̣ д̇аяаа д̇ад̇т̇а хзд̇ааяа бадин̃н̃ааяа хзвам̣ бадиж̇аананд̇о хзвам̣ ниг̇г̇ахзд̇аб̣б̣аа. ат̇а амхз ниг̇г̇ан̣хааси д̣̇унниг̇г̇ахид̇аа жа хомаа’’д̇и вад̇ваа ‘‘хан̃жи буг̇г̇ало убалаб̣бхад̇ий’’д̇иаад̣̇инаа (гат̇аа. 5) ниг̇г̇ахасса д̣̇унниг̇г̇ахид̇абхаавад̣̇ассанзна аниг̇г̇ахид̇абхаавагаран̣ам̣ ниг̇г̇аханиб̣б̣зтанам̣. ‘‘д̇зна хи яам̣ ниг̇г̇ан̣хааси хан̃жи буг̇г̇ало убалаб̣бхад̇ий’’д̇иаад̣̇им̣ вад̇ваа ‘‘д̇зна хи яз гад̇з ниг̇г̇ахз сз ниг̇г̇ахз д̣̇уггадз сугад̇з бадигаммз сугад̇аа бадибаад̣̇анаа’’д̇и сагаваад̣̇ино ниг̇г̇ахасса, аниг̇г̇ахабхаавааробанзна ад̇д̇ано бадигаммасса субадигаммабхаавагаран̣зна жа сагаваад̣̇ино ниг̇г̇ахасса чзд̣̇о винаасанам̣ буг̇г̇алаваад̣̇анисзд̇ханавасзна самудтид̇ад̇д̇аа. д̇хаммад̇ааяа ануломанавасзна удтахид̇ваа д̇аб̣б̣иломанавасзна бавад̇д̇о ануломабажжанийгабан̃жаго вуд̇д̇авибарияааязна д̣̇уд̇ияабан̃жаго взд̣̇ид̇аб̣б̣о.
Upalabbhati…pe… micchāti ekanti upalabbhatīti paṭiññāggahaṇapaṭikkhepaggahaṇaniggaṇhanānaṃ anulomapaṭilomato paṭiññāṭhapananiggahapāpanāropanānañca vasena pavattā tanti paṭhamapañcakassa ekaṃ aṅgaṃ eko avayavoti attho. Evaṃ sesesupi netabbaṃ. Niggahassa suniggahabhāvaṃ icchato sakavādino ‘‘tvaṃ ce pana maññasi vattabbe kho puggalo nupalabbhatī’’tiādinā (kathā. 3) paṭiññāṭhapanena, tena ‘‘tava tattha hetāya paṭiññāya hevaṃ paṭijānanto hevaṃ niggahetabbe atha taṃ niggaṇhāma suniggahito ca hotī’’ti vatvā ‘‘hañci puggalo nupalabbhatī’’tiādinā (kathā. 2) paravādino attano paṭikammaṃ yathā sakavādī na nibbeṭheti, evaṃ karaṇaṃ paṭikammaveṭhanaṃ. Paravādino paṭikammassa duppaṭikammabhāvaṃ icchato sakavādino taṃnidassanena ‘‘eso ce dunniggahito heva’’nti paṭikammanidassanena, ‘‘vattabbe kho puggalo upalabbhati…pe… paramatthenāti (kathā. 1). No ca mayaṃ tayā tattha hetāya paṭiññāya hevaṃ paṭijānanto hevaṃ niggahetabbā. Atha amhe niggaṇhāsi dunniggahitā ca homā’’ti vatvā ‘‘hañci puggalo upalabbhatī’’tiādinā (kathā. 5) niggahassa dunniggahitabhāvadassanena aniggahitabhāvakaraṇaṃ niggahanibbeṭhanaṃ. ‘‘Tena hi yaṃ niggaṇhāsi hañci puggalo upalabbhatī’’tiādiṃ vatvā ‘‘tena hi ye kate niggahe se niggahe dukkaṭe sukate paṭikamme sukatā paṭipādanā’’ti sakavādino niggahassa, aniggahabhāvāropanena attano paṭikammassa supaṭikammabhāvakaraṇena ca sakavādino niggahassa chedo vināsanaṃ puggalavādanisedhanavasena samuṭṭhitattā. Dhammatāya anulomanavasena uṭṭhahitvā tabbilomanavasena pavatto anulomapaccanīkapañcako vuttavipariyāyena dutiyapañcako veditabbo.
д̇ад̣̇аад̇хаарод̇и д̇з сажжигадтабарамад̇т̇аа руубаад̣̇аяо аад̇хаараа зд̇ассаад̇и д̇ад̣̇аад̇хааро. зд̇зна ‘‘руубасмим̣ ад̇д̇аа’’д̇и звам̣багааро буг̇г̇алаваад̣̇о д̣̇ассид̇о ход̇и. д̇зсам̣ ваа аад̇хаарабхууд̇од̇и зд̇зна ‘‘ад̇д̇ани рууба’’нд̇и звам̣багааро. ан̃н̃ад̇ра ваа д̇зхийд̇и д̇зхи руубаад̣̇ийхи винаа. аад̇хаараад̇хзяяаад̣̇ибхаавзна асам̣садто висум̣язва винаа. д̇зна сад̇д̇аад̣̇иг̇ун̣зхи авогин̣н̣о бурисод̇и звамаад̣̇иго. д̇ам̣саамибхууд̇ад̇ааяа ваа д̇ад̣̇ад̇хийнабхаавзна ‘‘ан̃н̃ад̇ра ваа д̇зхий’’д̇и вуд̇д̇анд̇и ‘‘руубаваа ад̇д̇аа’’д̇и звам̣багааро буг̇г̇алаваад̣̇о д̣̇ассид̇од̇и взд̣̇ид̇аб̣б̣о. анан̃н̃од̇и зд̇зна ‘‘руубам̣ ад̇д̇аа’’д̇и звам̣багааро. руббанаад̣̇исабхааво руубагканд̇хаад̣̇ийнам̣ висзсалагкан̣ам̣, саббажжаяаад̣̇исабхааво сааман̃н̃алагкан̣ам̣. руубаад̣̇ид̇о ан̃н̃о анан̃н̃о ваа ан̃н̃ад̇д̇з жа д̇ад̣̇аад̇хаараад̣̇ибхууд̇о убалаб̣бхамаано аабаж̇ж̇ад̇ийд̇и ануяун̃ж̇ад̇и сагаваад̣̇ий багааранд̇арасса асамбхавад̇о. буг̇г̇алаваад̣̇ий буг̇г̇аласса руубаад̣̇ийхи на ан̃н̃ад̇д̇ам̣ ижчад̇и руубаад̣̇и вияа бажжагкад̇о анумаанад̇о ваа г̇аахаяид̇ум̣ асаггун̣зяяад̇д̇аа д̇асса жа гаарагавзд̣̇агабхаавасса аяуж̇ж̇амаанагад̇д̇аа. нааби анан̃н̃ад̇д̇ам̣ руббанасаббажжаяаад̣̇исабхааваббасан̇г̇ад̇о буг̇г̇алассзва абхааваббасан̇г̇ад̇о жа. яат̇зва хи на винаа инд̇ханзна аг̇г̇и бан̃н̃аабияад̇и, на жа ан̃н̃ам̣ инд̇ханад̇о аг̇г̇им̣ саггаа бадиж̇аанид̇ум̣, нааби анан̃н̃ам̣. яад̣̇и хи ан̃н̃о сияаа, на ун̣хам̣ инд̇ханам̣ сияаа. ат̇а анан̃н̃о, нид̣̇д̣̇ахид̇аб̣б̣ам̣язва д̣̇аахагам̣ сияаа. звамзва на винаа руубаад̣̇ийхи буг̇г̇ало бан̃н̃аабияад̇и, на жа д̇зхи ан̃н̃о, нааби анан̃н̃о сассад̇ужчзд̣̇абхааваббасан̇г̇ад̇од̇и лад̣̇д̇хияам̣ тад̇ваа буг̇г̇алаваад̣̇ий ‘‘на хзваа’’д̇и бадигкибад̇и. д̇ад̇т̇а аг̇г̇инд̇ханобамаа д̇аава яад̣̇и логавохаарзна вуд̇д̇аа, абал̣ид̇д̇ам̣ гадтаад̣̇иинд̇ханам̣ нид̣̇д̣̇ахид̇аб̣б̣ан̃жа, бал̣ид̇д̇ам̣ бхаасурун̣хам̣ аг̇г̇и д̣̇аахаган̃жа, д̇ан̃жа ож̇адтамагаруубам̣ буримабажчимагаалигам̣ анижжам̣ сан̇кад̇ам̣ бадижжасамуббаннам̣, яад̣̇и звам̣ буг̇г̇ало руубаад̣̇ийхи ан̃н̃о анижжо жа аабанно. ат̇а барамад̇т̇ад̇о, д̇асмим̣язва гадтаад̣̇игз бал̣ид̇д̇з яам̣ усумам̣ со аг̇г̇и, д̇ам̣сахаж̇аад̇аани д̇ийн̣и бхууд̇аани инд̇ханам̣, звамби сид̣̇д̇хам̣ лагкан̣абхзд̣̇ад̇о аг̇г̇инд̇ханаанам̣ ан̃н̃ад̇д̇анд̇и аг̇г̇и вияа инд̇ханад̇о руубаад̣̇ийхи ан̃н̃о буг̇г̇ало анижжо жа аабаннод̇и б̣яаахад̇аад̇и взд̣̇ид̇аб̣б̣ам̣.
Tadādhāroti te saccikaṭṭhaparamatthā rūpādayo ādhārā etassāti tadādhāro. Etena ‘‘rūpasmiṃ attā’’ti evaṃpakāro puggalavādo dassito hoti. Tesaṃ vā ādhārabhūtoti etena ‘‘attani rūpa’’nti evaṃpakāro. Aññatra vā tehīti tehi rūpādīhi vinā. Ādhārādheyyādibhāvena asaṃsaṭṭho visuṃyeva vinā. Tena sattādiguṇehi avokiṇṇo purisoti evamādiko. Taṃsāmibhūtatāya vā tadadhīnabhāvena ‘‘aññatra vā tehī’’ti vuttanti ‘‘rūpavā attā’’ti evaṃpakāro puggalavādo dassitoti veditabbo. Anaññoti etena ‘‘rūpaṃ attā’’ti evaṃpakāro. Ruppanādisabhāvo rūpakkhandhādīnaṃ visesalakkhaṇaṃ, sappaccayādisabhāvo sāmaññalakkhaṇaṃ. Rūpādito añño anañño vā aññatte ca tadādhārādibhūto upalabbhamāno āpajjatīti anuyuñjati sakavādī pakārantarassa asambhavato. Puggalavādī puggalassa rūpādīhi na aññattaṃ icchati rūpādi viya paccakkhato anumānato vā gāhayituṃ asakkuṇeyyattā tassa ca kārakavedakabhāvassa ayujjamānakattā. Nāpi anaññattaṃ ruppanasappaccayādisabhāvappasaṅgato puggalasseva abhāvappasaṅgato ca. Yatheva hi na vinā indhanena aggi paññāpiyati, na ca aññaṃ indhanato aggiṃ sakkā paṭijānituṃ, nāpi anaññaṃ. Yadi hi añño siyā, na uṇhaṃ indhanaṃ siyā. Atha anañño, niddahitabbaṃyeva dāhakaṃ siyā. Evameva na vinā rūpādīhi puggalo paññāpiyati, na ca tehi añño, nāpi anañño sassatucchedabhāvappasaṅgatoti laddhiyaṃ ṭhatvā puggalavādī ‘‘na hevā’’ti paṭikkhipati. Tattha aggindhanopamā tāva yadi lokavohārena vuttā, apaḷittaṃ kaṭṭhādiindhanaṃ niddahitabbañca, paḷittaṃ bhāsuruṇhaṃ aggi dāhakañca, tañca ojaṭṭhamakarūpaṃ purimapacchimakālikaṃ aniccaṃ saṅkhataṃ paṭiccasamuppannaṃ, yadi evaṃ puggalo rūpādīhi añño anicco ca āpanno. Atha paramatthato, tasmiṃyeva kaṭṭhādike paḷitte yaṃ usumaṃ so aggi, taṃsahajātāni tīṇi bhūtāni indhanaṃ, evampi siddhaṃ lakkhaṇabhedato aggindhanānaṃ aññattanti aggi viya indhanato rūpādīhi añño puggalo anicco ca āpannoti byāhatāti veditabbaṃ.
буг̇г̇ало убалаб̣бхад̇ийд̇и бадиж̇аананд̇асса багааранд̇арасса асамбхавад̇о вуд̇д̇зсу багаарзсу згзна багаарзна убалаб̣бхамаано убалаб̣бхад̇ийд̇и ‘‘аабанна’’нд̇и вуд̇д̇ам̣ ‘‘бадин̃н̃ааяа згад̇д̇аабанна’’нд̇и. згад̇д̇аабаннад̇д̇аа зва аббадигкибид̇аб̣б̣ам̣, буг̇г̇алз бадисид̣̇д̇хз д̇ад̣̇абхинивзсоби аяаат̇аавад̇о буг̇г̇алаваад̣̇ино г̇ахид̇аагаарасун̃н̃ад̇аавибхааванзна сагадтаанад̇о жаавид̇о бадисзд̇хид̇о зва наама ход̇ийд̇и вуд̇д̇ам̣ ‘‘буг̇г̇алад̣̇идтим̣ бадисзд̇хзнд̇о’’д̇и. буг̇г̇алоязва ваа д̇ат̇аа бассид̇аб̣б̣ад̇д̇аа д̣̇идти. ‘‘саамий ниваасий гаараго взд̣̇аго нижжо д̇хуво’’д̇и абхинивзсависаяабхууд̇о хи баригаббамад̇д̇асид̣̇д̇хо буг̇г̇ало ид̇ха бадигкибийяад̇и, ‘‘на жад̇д̇ааромз, бхигкавз, буг̇г̇алаа’’д̇иаад̣̇инаа вуд̇д̇авохаарабуг̇г̇алод̇и анануяог̇о аагаасагусумасса рад̇д̇анийлаад̣̇ибхаававижааран̣аа вияаад̇и ад̇т̇о. буб̣б̣з ‘‘нубалаб̣бхад̇ий’’д̇и бадиж̇аанид̇ваа висзсажод̣̇анааяа анаабаж̇ж̇анад̇о буна ‘‘на хзваа’’д̇и бадигкзбо бадин̃н̃ааяа аабаж̇ж̇аналзсо. ван̃жхаабуд̇д̇агасса д̣̇ийгхарассад̇аануяог̇асса вияа саб̣б̣зна саб̣б̣ам̣ барамад̇т̇ад̇о анубалаб̣бхамаанасса буг̇г̇аласса руубаад̣̇ийхи ан̃н̃аанан̃н̃ад̇аануяог̇асса анануяог̇абхааво зва ид̇ха авибарийд̇ад̇т̇о.
Puggalo upalabbhatīti paṭijānantassa pakārantarassa asambhavato vuttesu pakāresu ekena pakārena upalabbhamāno upalabbhatīti ‘‘āpanna’’nti vuttaṃ ‘‘paṭiññāya ekattāpanna’’nti. Ekattāpannattā eva appaṭikkhipitabbaṃ, puggale paṭisiddhe tadabhinivesopi ayāthāvato puggalavādino gahitākārasuññatāvibhāvanena sakaṭṭhānato cāvito paṭisedhito eva nāma hotīti vuttaṃ ‘‘puggaladiṭṭhiṃ paṭisedhento’’ti. Puggaloyeva vā tathā passitabbattā diṭṭhi. ‘‘Sāmī nivāsī kārako vedako nicco dhuvo’’ti abhinivesavisayabhūto hi parikappamattasiddho puggalo idha paṭikkhipīyati, ‘‘na cattārome, bhikkhave, puggalā’’tiādinā vuttavohārapuggaloti ananuyogo ākāsakusumassa rattanīlādibhāvavicāraṇā viyāti attho. Pubbe ‘‘nupalabbhatī’’ti paṭijānitvā visesacodanāya anāpajjanato puna ‘‘na hevā’’ti paṭikkhepo paṭiññāya āpajjanaleso. Vañjhāputtakassa dīgharassatānuyogassa viya sabbena sabbaṃ paramatthato anupalabbhamānassa puggalassa rūpādīhi aññānaññatānuyogassa ananuyogabhāvo eva idha aviparītattho.
яам̣гааран̣аад̇и зд̇зна ‘‘яад̇онид̣̇аана’’нд̇и зд̇т̇а вибхад̇д̇иалобо д̣̇адтаб̣б̣од̇и д̣̇ассзд̇и. аж̇жхаажаранд̇ийд̇и абхибхаванд̇и. абхинанд̣̇анаад̣̇аяо д̇ан̣хаад̣̇ийхи яат̇аасан̇кяам̣ яож̇зд̇аб̣б̣аа, д̇ан̣хаад̣̇идтийхи ваа абхинанд̣̇анаж̇жхосаанаани, д̇ийхиби абхивад̣̇анам̣ ависзсзна ваа д̇ийхиби д̇аяо яож̇зд̇аб̣б̣аа. зд̇т̇а жз над̇т̇и абхинанд̣̇ид̇аб̣б̣анд̇иаад̣̇инаа абхинанд̣̇анаад̣̇ийнам̣ абхаавасуужанзна палуубажаарад̇о абхинанд̣̇анаад̣̇ийнам̣ самужчзд̣̇абадиббассад̣̇д̇хибхууд̇ам̣ маг̇г̇апалам̣ вужжад̇и, д̇ам̣ бажжаамасанан̃жа зсзваад̇и ид̣̇анд̇и гад̇ваа вуд̇д̇ам̣ ‘‘абхи…бз… палам̣ ваа’’д̇и.
Yaṃkāraṇāti etena ‘‘yatonidāna’’nti ettha vibhattialopo daṭṭhabboti dasseti. Ajjhācarantīti abhibhavanti. Abhinandanādayo taṇhādīhi yathāsaṅkhyaṃ yojetabbā, taṇhādiṭṭhīhi vā abhinandanajjhosānāni, tīhipi abhivadanaṃ avisesena vā tīhipi tayo yojetabbā. Ettha ce natthi abhinanditabbantiādinā abhinandanādīnaṃ abhāvasūcanena phalūpacārato abhinandanādīnaṃ samucchedapaṭippassaddhibhūtaṃ maggaphalaṃ vuccati, taṃ paccāmasanañca esevāti idanti katvā vuttaṃ ‘‘abhi…pe… phalaṃ vā’’ti.
‘‘н̃ааяад̇ийд̇и ж̇аана’’нд̇и уггам̣саг̇ад̇ивиж̇аананзна ниравасзсам̣ н̃зяяаж̇аад̇ам̣ бариг̇г̇аяхад̇ийд̇и д̇аб̣б̣исаяааяа ж̇аанаад̇игирияааяа саб̣б̣ан̃н̃уд̇ан̃н̃аан̣амзва гаран̣ам̣ бхавид̇умарахад̇ийд̇и ‘‘саб̣б̣ан̃н̃уд̇ан̃н̃аан̣зна ж̇аанид̇аб̣б̣ам̣ ж̇аанаад̇ий’’д̇и вуд̇д̇ам̣. ат̇а ваа багаран̣авасзна, ‘‘бхаг̇аваа’’д̇и сад̣̇д̣̇анд̇арасаннид̇хаанзна ваа аяам̣ ад̇т̇о вибхаавзд̇аб̣б̣о. бассам̣ бассад̇ийд̇и зд̇т̇ааби зсзва наяо. ж̇аананд̇ааби вибаллаасавасзна ж̇аананд̇и д̇ид̇т̇ияаа батамаж̇жхаанааруубаж̇жхаанзхи гаамаруубабарин̃н̃ааваад̣̇ино. ж̇аананд̇о ж̇аанаад̇иязва бхаг̇аваа анааг̇аамиарахад̇д̇амаг̇г̇зхи д̇ам̣барин̃н̃ааваад̣̇ид̇ааяа. аяан̃жа ад̇т̇о д̣̇угкагканд̇хасуд̇д̇авасзна (ма. ни. 1.163, 175 аад̣̇аяо) вибхаавзд̇аб̣б̣о. бан̃н̃аажагкунаа уббаннад̇д̇аа ваа жагкубхууд̇о. н̃аан̣абхууд̇од̇иаад̣̇ийсуби зсзва наяо. ат̇а ваа д̣̇иб̣б̣ажагкуаад̣̇игам̣ бан̃жавид̇хамби жагкум̣ бхууд̇о бад̇д̇од̇и жагкубхууд̇о. звам̣ н̃аан̣абхууд̇од̇иаад̣̇ийсуби д̣̇адтаб̣б̣ам̣. саамуггам̣сигааяа д̇хаммад̣̇зсанааяа саад̇исаяо бхаг̇авад̇о вад̇д̇уаад̣̇ибхаавод̇и вуд̇д̇ам̣ ‘‘жад̇усажжад̇хаммз вад̣̇ад̇ийд̇и вад̇д̇аа’’д̇иаад̣̇и. ‘‘бавад̇д̇аа’’д̇и зд̇т̇а ба-гаарасса багадтад̇т̇ад̇ам̣ д̣̇ассзд̇ум̣ ‘‘жирам̣…бз… бавад̇д̇аа’’д̇и ааха. нид̣̇д̇хаарзд̇ваа нзд̇аа ниннзд̇аа.
‘‘Ñāyatīti jāna’’nti ukkaṃsagativijānanena niravasesaṃ ñeyyajātaṃ pariggayhatīti tabbisayāya jānātikiriyāya sabbaññutaññāṇameva karaṇaṃ bhavitumarahatīti ‘‘sabbaññutaññāṇena jānitabbaṃ jānātī’’ti vuttaṃ. Atha vā pakaraṇavasena, ‘‘bhagavā’’ti saddantarasannidhānena vā ayaṃ attho vibhāvetabbo. Passaṃ passatīti etthāpi eseva nayo. Jānantāpi vipallāsavasena jānanti titthiyā paṭhamajjhānaarūpajjhānehi kāmarūpapariññāvādino. Jānanto jānātiyeva bhagavā anāgāmiarahattamaggehi taṃpariññāvāditāya. Ayañca attho dukkhakkhandhasuttavasena (ma. ni. 1.163, 175 ādayo) vibhāvetabbo. Paññācakkhunā uppannattā vā cakkhubhūto. Ñāṇabhūtotiādīsupi eseva nayo. Atha vā dibbacakkhuādikaṃ pañcavidhampi cakkhuṃ bhūto pattoti cakkhubhūto. Evaṃ ñāṇabhūtotiādīsupi daṭṭhabbaṃ. Sāmukkaṃsikāya dhammadesanāya sātisayo bhagavato vattuādibhāvoti vuttaṃ ‘‘catusaccadhamme vadatīti vattā’’tiādi. ‘‘Pavattā’’ti ettha pa-kārassa pakaṭṭhatthataṃ dassetuṃ ‘‘ciraṃ…pe… pavattā’’ti āha. Niddhāretvā netā ninnetā.
‘‘згуунанавуд̇и жид̇д̇ааний’’д̇и вуд̇д̇аа жид̇д̇асахажарияааяа яат̇аа ‘‘гунд̇аа бажаранд̇ий’’д̇и. д̇зсан̃жа баал̣ибад̣̇зсаанам̣ згзгам̣ бад̣̇ам̣ уд̣̇д̇харид̇вааби гин̃жааби гусалад̇д̇игабад̣̇ааниязва уд̣̇д̇харид̇ваа жид̇д̇уббаад̣̇аган̣д̣з жид̇д̇аани вибхад̇д̇аани, гусалад̇д̇игзна бана сабхаавад̇хаммасан̇г̇ахид̇аанам̣ сзсад̇д̇игад̣̇угабад̣̇аанам̣ асан̇г̇ахид̇аанам̣ абхаавад̇о гусалад̇д̇игабад̣̇уд̣̇д̇хаарзна наяад̣̇ассанабхууд̇зна ид̇арад̇д̇игад̣̇угабад̣̇ааниби уд̣̇д̇хадаанзваад̇и вуд̇д̇ам̣. зван̃жа гад̇ваа маад̇игааг̇г̇ахан̣ам̣ самад̇т̇ид̇ам̣ бхавад̇и.
‘‘Ekūnanavuti cittānī’’ti vuttā cittasahacariyāya yathā ‘‘kuntā pacarantī’’ti. Tesañca pāḷipadesānaṃ ekekaṃ padaṃ uddharitvāpi kiñcāpi kusalattikapadāniyeva uddharitvā cittuppādakaṇḍe cittāni vibhattāni, kusalattikena pana sabhāvadhammasaṅgahitānaṃ sesattikadukapadānaṃ asaṅgahitānaṃ abhāvato kusalattikapaduddhārena nayadassanabhūtena itarattikadukapadānipi uddhaṭānevāti vuttaṃ. Evañca katvā mātikāggahaṇaṃ samatthitaṃ bhavati.
со жа д̇хаммод̇и ‘‘д̇аяо гусалахзд̇уу’’д̇иаад̣̇ийсу (д̇ха. са. 1060) буримааяа буримааяа баал̣ияаа бажчимаа бажчимаа ад̇т̇анид̣̇д̣̇зсод̇и вуд̇д̇ам̣. ‘‘самаанзнд̇ий’’д̇исад̣̇д̣̇асса бадабадааяад̇и-сад̣̇д̣̇асса вияа сад̣̇д̣̇анаяо д̣̇адтаб̣б̣од̇и д̣̇ассзд̇ум̣ ‘‘самаанам̣ гаронд̇ий’’д̇и вуд̇д̇ам̣. самаанагаран̣ан̃жа уунабагкибанзна ад̇хигаабанаяанзна ваа ход̇и, ид̇ха уунабагкибанзнаад̇и д̣̇ассзд̇ум̣ ‘‘буурзнд̇ий’’д̇и вуд̇д̇ам̣. самаанзд̇аб̣б̣анд̇и зд̇т̇аабийд̇и ‘‘бадтаанам̣ самаанзд̇аб̣б̣а’’нд̇и зд̇т̇а.
So ca dhammoti ‘‘tayo kusalahetū’’tiādīsu (dha. sa. 1060) purimāya purimāya pāḷiyā pacchimā pacchimā atthaniddesoti vuttaṃ. ‘‘Samānentī’’tisaddassa paṭapaṭāyati-saddassa viya saddanayo daṭṭhabboti dassetuṃ ‘‘samānaṃ karontī’’ti vuttaṃ. Samānakaraṇañca ūnapakkhipanena adhikāpanayanena vā hoti, idha ūnapakkhipanenāti dassetuṃ ‘‘pūrentī’’ti vuttaṃ. Samānetabbanti etthāpīti ‘‘paṭṭhānaṃ samānetabba’’nti ettha.
б̣алавад̇аа н̃аан̣авзг̇зна абхид̇хаммабажжавзгкан̣авасаббавад̇д̇зна. б̣алавад̇о н̃аан̣авзг̇асса саб̣б̣агилзсагкзбанавасаббавад̇д̇асса. г̇амбхийрамзва г̇амбхийраг̇ад̇ам̣ д̣̇идтиг̇ад̇анд̇иаад̣̇ийсу вияа. ниравасзсзнаад̇и на ган̃жи авасзсзд̇ваа. бан̃жакийларахид̇знаад̇и бан̃жажзд̇окийларахид̇зна.
Balavatā ñāṇavegena abhidhammapaccavekkhaṇavasappavattena. Balavato ñāṇavegassa sabbakilesakkhepanavasappavattassa. Gambhīrameva gambhīragataṃ diṭṭhigatantiādīsu viya. Niravasesenāti na kañci avasesetvā. Pañcakhīlarahitenāti pañcacetokhīlarahitena.
згаад̇хигзсу адтасу гилзсасад̇зсууд̇и ‘‘ж̇аад̇имад̣̇о’’д̇иаад̣̇инаа згагавасзна ааг̇ад̇аа д̇зсад̇д̇ад̇и, ‘‘год̇хо жа убанаахо жаа’’д̇иаад̣̇инаа д̣̇угавасзна чад̇д̇им̣са, ‘‘д̇ийн̣и агусаламуулааний’’д̇иаад̣̇инаа д̇игавасзна бан̃жаад̇хигам̣ сад̇ам̣, ‘‘жад̇д̇ааро аасаваа’’д̇иаад̣̇инаа жад̇уггавасзна чаббан̃н̃ааса, ‘‘бан̃жорамбхааг̇ияаани сам̣яож̇анааний’’д̇иаад̣̇инаа бан̃жагавасзна бан̃жасад̇д̇ад̇и, ‘‘ча виваад̣̇амуулааний’’д̇иаад̣̇инаа чаггавасзна жад̇ураасийд̇и, ‘‘сад̇д̇а анусаяаа’’д̇иаад̣̇инаа сад̇д̇агавасзна згуунабан̃н̃ааса, ‘‘адта гилзсавад̇т̇ууний’’д̇иаад̣̇инаа адтагавасзна жад̇усадти, ‘‘нава аагхаад̇авад̇т̇ууний’’д̇иаад̣̇инаа навагавасзна згаасийд̇и, ‘‘д̣̇аса гилзсавад̇т̇ууний’’д̇иаад̣̇инаа д̣̇асагавасзна сад̇д̇ад̇и, ‘‘аж̇жхад̇д̇игассуббаад̣̇ааяа адтаараса д̇ан̣хаавижарид̇ааний’’д̇иаад̣̇инаа адтаарасагавасзна адтасад̇анд̇и звам̣ згаад̇хигзсу адтасу гилзсасад̇зсу. сзсаа д̇знавуд̇аад̇хигам̣ часад̇ам̣ гилзсаа. д̇з б̣рахмаж̇ааласуд̇д̇ааг̇ад̇аахи д̣̇ваасадтияаа д̣̇идтийхи саха бан̃жабан̃н̃аасаад̇хигам̣ сад̇д̇асад̇ам̣ хонд̇и.
Ekādhikesuaṭṭhasu kilesasatesūti ‘‘jātimado’’tiādinā ekakavasena āgatā tesattati, ‘‘kodho ca upanāho cā’’tiādinā dukavasena chattiṃsa, ‘‘tīṇi akusalamūlānī’’tiādinā tikavasena pañcādhikaṃ sataṃ, ‘‘cattāro āsavā’’tiādinā catukkavasena chappaññāsa, ‘‘pañcorambhāgiyāni saṃyojanānī’’tiādinā pañcakavasena pañcasattati, ‘‘cha vivādamūlānī’’tiādinā chakkavasena caturāsīti, ‘‘satta anusayā’’tiādinā sattakavasena ekūnapaññāsa, ‘‘aṭṭha kilesavatthūnī’’tiādinā aṭṭhakavasena catusaṭṭhi, ‘‘nava āghātavatthūnī’’tiādinā navakavasena ekāsīti, ‘‘dasa kilesavatthūnī’’tiādinā dasakavasena sattati, ‘‘ajjhattikassuppādāya aṭṭhārasa taṇhāvicaritānī’’tiādinā aṭṭhārasakavasena aṭṭhasatanti evaṃ ekādhikesu aṭṭhasu kilesasatesu. Sesā tenavutādhikaṃ chasataṃ kilesā. Te brahmajālasuttāgatāhi dvāsaṭṭhiyā diṭṭhīhi saha pañcapaññāsādhikaṃ sattasataṃ honti.
ат̇а ваа жуд̣̇д̣̇асзганд̇аагусалаа, бан̃жавийсад̇и гусалааб̣яаагад̇асаад̇хааран̣аа, жуд̣̇д̣̇аса гусалад̇д̇игасаад̇хааран̣аа, убажаяаад̣̇ид̣̇ваяам̣ згам̣ гад̇ваа сад̇д̇авийсад̇и руубаани жаад̇и имз асийд̇и д̇хаммаа, имзсу бхаавад̣̇ваяз згам̣ табзд̇ваа аж̇жхад̇д̇игаа згуунаасийд̇и, б̣аахираа згуунаасийд̇ийд̇и саб̣б̣зби адтабан̃н̃аасаад̇хигам̣ сад̇ам̣ хонд̇и. имзсу згзгасмим̣ д̣̇асаннам̣ д̣̇асаннам̣ гилзсаанам̣ уббаж̇ж̇анад̇о асийд̇иад̇хигам̣ д̣̇ияад̣дхагилзсасахассам̣ хонд̇и.
Atha vā cuddasekantākusalā, pañcavīsati kusalābyākatasādhāraṇā, cuddasa kusalattikasādhāraṇā, upacayādidvayaṃ ekaṃ katvā sattavīsati rūpāni cāti ime asīti dhammā, imesu bhāvadvaye ekaṃ ṭhapetvā ajjhattikā ekūnāsīti, bāhirā ekūnāsītīti sabbepi aṭṭhapaññāsādhikaṃ sataṃ honti. Imesu ekekasmiṃ dasannaṃ dasannaṃ kilesānaṃ uppajjanato asītiadhikaṃ diyaḍḍhakilesasahassaṃ honti.
ат̇а ваа д̇збан̃н̃ааса аруубад̇хаммаа, адтаараса руубаруубаани, аагаасад̇хаад̇у, лагкан̣аруубаани жаад̇и бан̃жасад̇д̇ад̇и д̇хаммаа аж̇жхад̇д̇аб̣ахид̣̇д̇хаабхзд̣̇ад̇о бан̃н̃аасасад̇ам̣ хонд̇и. д̇ад̇т̇а згзгасмим̣ д̣̇аса д̣̇аса гилзсаад̇иби д̣̇ияад̣дхагилзсасахассам̣. д̇ат̇аа зд̇т̇а взд̣̇анам̣ сукинд̣̇рияаад̣̇ивасзна бан̃жавид̇хам̣ гад̇ваа сад̇д̇абан̃н̃ааса аруубад̇хаммаа, адтаараса руубаруубаани жаад̇и бан̃жасад̇д̇ад̇и вибассануубаг̇ад̇хаммаа аж̇жхад̇д̇аб̣ахид̣̇д̇хаабхзд̣̇ад̇о бан̃н̃аасасад̇ам̣ хонд̇и. зд̇зсу згзгасмим̣ д̣̇аса д̣̇аса гилзсаад̇иби д̣̇ияад̣дхагилзсасахассам̣.
Atha vā tepaññāsa arūpadhammā, aṭṭhārasa rūparūpāni, ākāsadhātu, lakkhaṇarūpāni cāti pañcasattati dhammā ajjhattabahiddhābhedato paññāsasataṃ honti. Tattha ekekasmiṃ dasa dasa kilesātipi diyaḍḍhakilesasahassaṃ. Tathā ettha vedanaṃ sukhindriyādivasena pañcavidhaṃ katvā sattapaññāsa arūpadhammā, aṭṭhārasa rūparūpāni cāti pañcasattati vipassanūpagadhammā ajjhattabahiddhābhedato paññāsasataṃ honti. Etesu ekekasmiṃ dasa dasa kilesātipi diyaḍḍhakilesasahassaṃ.
абаро наяо – д̣̇ваад̣̇асаагусалажид̇д̇уббаад̣̇зсу батамз ча гилзсаа, д̣̇уд̇ияз сад̇д̇а, д̇ад̇ияз ча, жад̇уд̇т̇з сад̇д̇а, бан̃жамз ча, чадтз сад̇д̇а, сад̇д̇амз ча, адтамз сад̇д̇а, навамз бан̃жа, д̣̇асамз ча, згаад̣̇асамз бан̃жа, д̣̇ваад̣̇асамз жад̇д̇аарод̇и саб̣б̣з д̣̇ваасад̇д̇ад̇и, имз бан̃жад̣̇вааригаа бан̃жасу руубаад̣̇ийсу аарамман̣зсу згзгасмим̣ д̣̇ваасад̇д̇ад̇ийд̇и садтиад̇хигаани д̇ийн̣и сад̇аани, манод̣̇вааригаа бана часу аарамман̣зсу згзгасмим̣ д̣̇ваасад̇д̇ад̇и д̣̇ваасад̇д̇ад̇ийд̇и гад̇ваа д̣̇вад̇д̇им̣саад̇хигаани жад̇д̇аари сад̇аани, саб̣б̣ааниби д̣̇ваанавуд̇иад̇хигаани сад̇д̇асад̇аани, д̇аани аж̇жхад̇д̇аб̣ахид̣̇д̇хаависаяад̇ааяа жад̇ураасийд̇иад̇хигам̣ д̣̇ияад̣дхагилзсасахассам̣ хонд̇ийд̇и взд̣̇ид̇аб̣б̣ам̣.
Aparo nayo – dvādasaakusalacittuppādesu paṭhame cha kilesā, dutiye satta, tatiye cha, catutthe satta, pañcame cha, chaṭṭhe satta, sattame cha, aṭṭhame satta, navame pañca, dasame cha, ekādasame pañca, dvādasame cattāroti sabbe dvāsattati, ime pañcadvārikā pañcasu rūpādīsu ārammaṇesu ekekasmiṃ dvāsattatīti saṭṭhiadhikāni tīṇi satāni, manodvārikā pana chasu ārammaṇesu ekekasmiṃ dvāsattati dvāsattatīti katvā dvattiṃsādhikāni cattāri satāni, sabbānipi dvānavutiadhikāni sattasatāni, tāni ajjhattabahiddhāvisayatāya caturāsītiadhikaṃ diyaḍḍhakilesasahassaṃ hontīti veditabbaṃ.
ат̇а ваа руубаарамман̣аад̣̇ийни бан̃жа, авасзсаруубавзд̣̇анаасан̃н̃аасан̇кааравин̃н̃аан̣авасзна бан̃жа д̇хаммаарамман̣агаа сзсаа жаад̇и д̣̇аса, д̇з аж̇жхад̇д̇аб̣ахид̣̇д̇хаабхзд̣̇ад̇о вийсад̇и, бан̃н̃ад̇д̇и жаад̇и згавийсад̇ияаа аарамман̣зсу д̣̇ваасад̇д̇ад̇и д̣̇ваасад̇д̇ад̇и гилзсаад̇и д̣̇ваад̣̇асаад̇хигам̣ д̣̇ияад̣дхагилзсасахассам̣ хонд̇и.
Atha vā rūpārammaṇādīni pañca, avasesarūpavedanāsaññāsaṅkhāraviññāṇavasena pañca dhammārammaṇakā sesā cāti dasa, te ajjhattabahiddhābhedato vīsati, paññatti cāti ekavīsatiyā ārammaṇesu dvāsattati dvāsattati kilesāti dvādasādhikaṃ diyaḍḍhakilesasahassaṃ honti.
ат̇а ваа д̣̇ваад̣̇асасу агусалажид̇д̇уббаад̣̇зсу батамз вийсад̇и д̇хаммаа, д̣̇уд̇ияз д̣̇ваавийсад̇и, д̇ад̇ияз вийсад̇и, жад̇уд̇т̇з д̣̇ваавийсад̇и, бан̃жамз згуунавийсад̇и, чадтз згуунавийсад̇и, сад̇д̇амз згуунавийсад̇и, адтамз згавийсад̇и, навамз згуунавийсад̇и, д̣̇асамз згавийсад̇и, згаад̣̇асамз сол̣аса, д̣̇ваад̣̇асамз сол̣асаад̇и саб̣б̣з агусалад̇хаммаа чад̇д̇им̣саад̇хигаани д̣̇вз сад̇аани, имз часу аарамман̣зсу бажжзгам̣ чад̇д̇им̣ саад̇хигаани д̣̇вз сад̇аани, саб̣б̣з сол̣асаад̇хигаани жад̇д̇аари сад̇аани жа сахассам̣ хонд̇ийд̇и звамби д̣̇ияад̣дхагилзсасахассам̣ взд̣̇ид̇аб̣б̣ам̣.
Atha vā dvādasasu akusalacittuppādesu paṭhame vīsati dhammā, dutiye dvāvīsati, tatiye vīsati, catutthe dvāvīsati, pañcame ekūnavīsati, chaṭṭhe ekūnavīsati, sattame ekūnavīsati, aṭṭhame ekavīsati, navame ekūnavīsati, dasame ekavīsati, ekādasame soḷasa, dvādasame soḷasāti sabbe akusaladhammā chattiṃsādhikāni dve satāni, ime chasu ārammaṇesu paccekaṃ chattiṃ sādhikāni dve satāni, sabbe soḷasādhikāni cattāri satāni ca sahassaṃ hontīti evampi diyaḍḍhakilesasahassaṃ veditabbaṃ.
ид̇арзсанд̇и д̇ан̣хаавижарид̇аанам̣ ‘‘ад̇ийд̇аани чад̇д̇им̣саа’’д̇иаад̣̇инаа ад̇ийд̇аад̣̇ибхааваамасанад̇о. кзбанзд̇и арияамаг̇г̇зна самужчинд̣̇анз. ‘‘д̣̇ияад̣дхагилзсасахассам̣ кзбзд̇ваа’’д̇и хи вуд̇д̇ам̣. барамад̇т̇ад̇о ад̇ийд̇аад̣̇ийнам̣ маг̇г̇зна аббахаад̇аб̣б̣ад̇д̇аа ‘‘ад̇ийд̇аад̣̇ибхааваамасанаа аг̇г̇ахан̣ам̣ кзбанз’’д̇и вуд̇д̇ам̣. яам̣ бана бадтаанз ‘‘д̣̇ассанзна бахаад̇аб̣б̣о д̇хаммо д̣̇ассанзна бахаад̇аб̣б̣асса д̇хаммасса ананд̇арабажжаязна бажжаяо’’д̇иаад̣̇инаа д̇игз, д̇ат̇аа д̣̇ассанзна бахаад̇аб̣б̣аад̇ийд̇ад̇игад̇игз ‘‘ад̇ийд̇аа д̣̇ассанзна бахаад̇аб̣б̣аа’’д̇иаад̣̇инаа жа д̇ийсу гаалзсу д̣̇ассанаад̣̇ибахаад̇аб̣б̣аважанам̣ гад̇ам̣, д̇ам̣ ад̇ийд̇аад̣̇ийнам̣ сам̣гилидтад̇ааяа абааяаг̇аманийяад̇ааяа жа д̣̇ассанабахаад̇аб̣б̣зхи нирад̇исаяад̇д̇аа вуд̇д̇анд̇и д̣̇адтаб̣б̣ам̣.
Itaresanti taṇhāvicaritānaṃ ‘‘atītāni chattiṃsā’’tiādinā atītādibhāvāmasanato. Khepaneti ariyamaggena samucchindane. ‘‘Diyaḍḍhakilesasahassaṃ khepetvā’’ti hi vuttaṃ. Paramatthato atītādīnaṃ maggena appahātabbattā ‘‘atītādibhāvāmasanā aggahaṇaṃ khepane’’ti vuttaṃ. Yaṃ pana paṭṭhāne ‘‘dassanena pahātabbo dhammo dassanena pahātabbassa dhammassa anantarapaccayena paccayo’’tiādinā tike, tathā dassanena pahātabbātītatikatike ‘‘atītā dassanena pahātabbā’’tiādinā ca tīsu kālesu dassanādipahātabbavacanaṃ kataṃ, taṃ atītādīnaṃ saṃkiliṭṭhatāya apāyagamanīyatāya ca dassanapahātabbehi niratisayattā vuttanti daṭṭhabbaṃ.
на бхаасид̇ад̇т̇аважананд̇и ид̣̇ам̣ ‘‘хид̇абарияааяаважана’’нд̇и зд̇зна нивад̇д̇ид̇асса згад̣̇зсагат̇анам̣. яат̇аа хи аяам̣ ад̇т̇а-сад̣̇д̣̇о на бхаасид̇ад̇т̇аважанам̣, звам̣ висаяаббаяож̇анаад̣̇иважанамби на ход̇ийд̇и. яат̇аавуд̇д̇ассаад̇и хид̇абарияааяасса. ‘‘на хан̃н̃ад̣̇ад̇т̇ад̇т̇ибасам̣салаабхаа’’д̇и бад̣̇асса нид̣̇д̣̇зсз ‘‘ад̇д̇ад̇т̇о ваа барад̇т̇о ваа’’д̇иаад̣̇инаа (махаани. 69) гин̃жааби суд̇д̇анирабзгкам̣ ад̇д̇ад̇т̇аад̣̇аяо вуд̇д̇аа суд̇д̇ад̇т̇абхаавзна анид̣̇д̣̇идтад̇д̇аа, д̇зсу бана згоби ад̇т̇аббабхзд̣̇о суд̇д̇зна д̣̇ийбзд̇аб̣б̣ад̇ам̣ наад̇иггамад̇ийд̇и ааха ‘‘д̇з суд̇д̇ам̣ суужзд̇ий’’д̇и. имасмим̣ вигаббз ад̇т̇а-сад̣̇д̣̇о бхаасид̇ад̇т̇аважанамби ход̇и. буримагаа хи бан̃жа ад̇т̇аббабхзд̣̇аа хид̇абарияааяаа, д̇ад̇о барз ча бхаасид̇ад̇т̇аббабхзд̣̇аа, бажчимагаа бана убхаяасабхааваа. д̇ад̇т̇а д̣̇урад̇хиг̇амад̇ааяа вибхааванз алад̣̇д̇хаг̇аад̇хо г̇амбхийро, на вивадо г̇ул̣хо, муулуд̣̇агаад̣̇аяо вияа бам̣сунаа агкарасаннивзсаад̣̇инаа д̇ирохид̇о бадижчанно, нид̣̇д̇хаарзд̇ваа н̃аабзд̇аб̣б̣о нзяяо, яат̇ааруд̇авасзнзва взд̣̇ид̇аб̣б̣о нийд̇о. анаваж̇ж̇аниггилзсавод̣̇аанаа барияааяавасзна вуд̇д̇аа, гусалавибаагагирияад̇хаммавасзна ваа . барамад̇т̇о ниб̣б̣аанам̣, авибарийд̇асабхааво зва ваа. саад̇исаяам̣ багаасид̇аани д̇аббарабхаавзна багаасид̇ад̇д̇аа. ‘‘зд̇д̇агам̣ д̇асса бхаг̇авад̇о суд̇д̇ааг̇ад̇ам̣ суд̇д̇абарияаабанна’’нд̇и (баажи. 1242), ‘‘сагаваад̣̇з бан̃жасуд̇д̇асад̇ааний’’д̇и (д̇ха. са. адта. нид̣̇аанагат̇аа; гат̇аа. адта. нид̣̇аанагат̇аа) жа звамаад̣̇ийсу суд̇д̇а-сад̣̇д̣̇о убажарид̇од̇и ад̇хиббааязнааха ‘‘ид̣̇амзва ад̇т̇аанам̣ суужанад̇о суд̇д̇анд̇и вуд̇д̇а’’нд̇и. зганд̇ахид̇абадилаабхасам̣вад̇д̇анигаа суд̇д̇анд̇ад̣̇зсанаад̇и ид̣̇амби винзяяаанам̣ хид̇асамбаабанз суд̇д̇анд̇ад̣̇зсанааяа д̇аббарабхаавам̣язва санд̇хааяа вуд̇д̇ам̣. д̇аббарабхааво жа винзяяаж̇жхаасаяаануломад̇о д̣̇адтаб̣б̣о, д̇ат̇аа ад̇д̇ад̇т̇аад̣̇иббагаасанабад̇хаанад̇ааби. ид̇арзхийд̇и винаяаабхид̇хаммзхи.
Na bhāsitatthavacananti idaṃ ‘‘hitapariyāyavacana’’nti etena nivattitassa ekadesakathanaṃ. Yathā hi ayaṃ attha-saddo na bhāsitatthavacanaṃ, evaṃ visayappayojanādivacanampi na hotīti. Yathāvuttassāti hitapariyāyassa. ‘‘Na haññadatthatthipasaṃsalābhā’’ti padassa niddese ‘‘attattho vā parattho vā’’tiādinā (mahāni. 69) kiñcāpi suttanirapekkhaṃ attatthādayo vuttā suttatthabhāvena aniddiṭṭhattā, tesu pana ekopi atthappabhedo suttena dīpetabbataṃ nātikkamatīti āha ‘‘te suttaṃ sūcetī’’ti. Imasmiṃ vikappe attha-saddo bhāsitatthavacanampi hoti. Purimakā hi pañca atthappabhedā hitapariyāyā, tato pare cha bhāsitatthappabhedā, pacchimakā pana ubhayasabhāvā. Tattha duradhigamatāya vibhāvane aladdhagādho gambhīro, na vivaṭo guḷho, mūludakādayo viya paṃsunā akkharasannivesādinā tirohito paṭicchanno, niddhāretvā ñāpetabbo neyyo, yathārutavaseneva veditabbo nīto. Anavajjanikkilesavodānā pariyāyavasena vuttā, kusalavipākakiriyadhammavasena vā . Paramattho nibbānaṃ, aviparītasabhāvo eva vā. Sātisayaṃ pakāsitāni tapparabhāvena pakāsitattā. ‘‘Ettakaṃ tassa bhagavato suttāgataṃ suttapariyāpanna’’nti (pāci. 1242), ‘‘sakavāde pañcasuttasatānī’’ti (dha. sa. aṭṭha. nidānakathā; kathā. aṭṭha. nidānakathā) ca evamādīsu sutta-saddo upacaritoti adhippāyenāha ‘‘idameva atthānaṃ sūcanato suttanti vutta’’nti. Ekantahitapaṭilābhasaṃvattanikā suttantadesanāti idampi vineyyānaṃ hitasampāpane suttantadesanāya tapparabhāvaṃyeva sandhāya vuttaṃ. Tapparabhāvo ca vineyyajjhāsayānulomato daṭṭhabbo, tathā attatthādippakāsanapadhānatāpi. Itarehīti vinayābhidhammehi.
рад̇д̇иаад̣̇ийсууд̇и рад̇д̇ирааж̇авинаязсу висаяабхууд̇зсу. нану жа ‘‘абхирад̇д̇ий’’д̇и авуд̇д̇ад̇д̇аа рад̇д̇иг̇г̇ахан̣ам̣ на гад̇д̇аб̣б̣ам̣, ‘‘абхин̃н̃аад̇аа абхилагкид̇аа’’д̇и жа н̃аан̣алагкан̣агирияаависзсаго абхи-сад̣̇д̣̇од̇и? на, ‘‘абхин̃н̃аад̇аа абхилагкид̇аа’’д̇и абхи-сад̣̇д̣̇ависидтаанам̣ н̃аад̇алагкид̇асад̣̇д̣̇аанам̣ рад̇д̇исад̣̇д̣̇зна самаанаад̇хигаран̣ад̇ааяа рад̇д̇ивисаяад̇д̇аа. зд̇т̇а жа ваажагасад̣̇д̣̇асаннид̇хаанз нибаад̇аанам̣ д̇ад̣̇ад̇т̇аж̇од̇агамад̇д̇ад̇д̇аа лагкид̇асад̣̇д̣̇ад̇т̇аж̇од̇аго абхи-сад̣̇д̣̇о лагкан̣з вад̇д̇ад̇ийд̇и вуд̇д̇о. абхилагкид̇асад̣̇д̣̇абарияааяо жа абхин̃н̃аад̇асад̣̇д̣̇од̇и д̣̇адтаб̣б̣о, абхивинаяасад̣̇д̣̇асса бана абхибурисасса вияа самаасасид̣̇д̇хи д̣̇адтаб̣б̣аа. анзгад̇т̇аа хи нибаад̇аа, анзгад̇т̇абхзд̣̇о жа сад̣̇д̣̇аанам̣ баяог̇ависаяод̇и.
Rattiādīsūti rattirājavinayesu visayabhūtesu. Nanu ca ‘‘abhirattī’’ti avuttattā rattiggahaṇaṃ na kattabbaṃ, ‘‘abhiññātā abhilakkhitā’’ti ca ñāṇalakkhaṇakiriyāvisesako abhi-saddoti? Na, ‘‘abhiññātā abhilakkhitā’’ti abhi-saddavisiṭṭhānaṃ ñātalakkhitasaddānaṃ rattisaddena samānādhikaraṇatāya rattivisayattā. Ettha ca vācakasaddasannidhāne nipātānaṃ tadatthajotakamattattā lakkhitasaddatthajotako abhi-saddo lakkhaṇe vattatīti vutto. Abhilakkhitasaddapariyāyo ca abhiññātasaddoti daṭṭhabbo, abhivinayasaddassa pana abhipurisassa viya samāsasiddhi daṭṭhabbā. Anekatthā hi nipātā, anekatthabhedo ca saddānaṃ payogavisayoti.
гин̃жааби д̣̇зсанаад̣̇аяо д̣̇зсзд̇аб̣б̣аад̣̇инирабзгкаа на санд̇и, аан̣аад̣̇аяо бана висзсад̇о д̣̇зсагаад̣̇иад̇хийнаад̇и д̇ам̣д̇ам̣висзсаяог̇авасзна д̇зсам̣ бхзд̣̇о вуд̇д̇о. яат̇аа хи аан̣аавид̇хаанам̣ висзсад̇о аан̣аарахаад̇хийнам̣ д̇ад̇т̇а госаллаяог̇ад̇о, звам̣ вохаарабарамад̇т̇авид̇хаанаани жа вид̇хааяагаад̇хийнаанийд̇и аан̣аад̣̇ивид̇хино д̣̇зсагааяад̇д̇ад̇аа вуд̇д̇аа. абараад̇хаж̇жхаасаяаануруубам̣ вияа д̇хаммаануруубамби саасанам̣ висзсад̇о д̇ат̇аавинзд̇аб̣б̣абуг̇г̇алаабзгканд̇и вуд̇д̇ам̣ ‘‘саасид̇аб̣б̣а…бз… д̇аб̣б̣абхаавзнаа’’д̇и. сам̣вараасам̣варанаамаруубаанам̣ вияа винивзтзд̇аб̣б̣ааяа д̣̇идтияааби гат̇анам̣ сад̇и ваажаавад̇т̇усмим̣, наасад̇ийд̇и висзсад̇о д̇ад̣̇ад̇хийнанд̇и ааха ‘‘гат̇зд̇аб̣б̣асса…бз… гат̇аа’’д̇и. убаарамбхаад̣̇ийд̇и убаарамбханиссаран̣ад̇хаммагосарагкан̣аани. барияаабун̣анаад̣̇ийд̇и барияаабун̣анасуббадибад̇д̇ид̣̇уббадибад̇д̇ияо.
Kiñcāpi desanādayo desetabbādinirapekkhā na santi, āṇādayo pana visesato desakādiadhīnāti taṃtaṃvisesayogavasena tesaṃ bhedo vutto. Yathā hi āṇāvidhānaṃ visesato āṇārahādhīnaṃ tattha kosallayogato, evaṃ vohāraparamatthavidhānāni ca vidhāyakādhīnānīti āṇādividhino desakāyattatā vuttā. Aparādhajjhāsayānurūpaṃ viya dhammānurūpampi sāsanaṃ visesato tathāvinetabbapuggalāpekkhanti vuttaṃ ‘‘sāsitabba…pe… tabbabhāvenā’’ti. Saṃvarāsaṃvaranāmarūpānaṃ viya viniveṭhetabbāya diṭṭhiyāpi kathanaṃ sati vācāvatthusmiṃ, nāsatīti visesato tadadhīnanti āha ‘‘kathetabbassa…pe… kathā’’ti. Upārambhādīti upārambhanissaraṇadhammakosarakkhaṇāni. Pariyāpuṇanādīti pariyāpuṇanasuppaṭipattiduppaṭipattiyo.
д̇анд̇исамуд̣̇ааяо аваяавад̇анд̇ияаа аад̇хааро яат̇аа ‘‘ругкз саакаа’’д̇и. на жод̣̇зд̇аб̣б̣амзд̇ам̣ самукзна, висаяависаяимукзна ваа винаяаад̣̇ийнам̣язва г̇амбхийрабхаавасса вуд̇д̇ад̇д̇аад̇и ад̇хиббааяо. д̇хаммо хи винаяаад̣̇аяо, д̇зсан̃жа висаяо ад̇т̇о, д̇хаммад̇т̇ависаяаа жа д̣̇зсанаабадивзд̇хаад̇и. ‘‘бадивзд̇хассаа’’д̇иаад̣̇инаа д̇хаммад̇т̇аанам̣ д̣̇уббадивид̣̇д̇хад̇д̇аа д̣̇зсанааяа уббаад̣̇зд̇ум̣ асаггун̣зяяад̇д̇аа бадивзд̇хасса уббаад̣̇зд̇ун̃жа бадивиж̇жхид̇ун̃жа асаггун̣зяяад̇д̇аа д̣̇угког̇аахад̇ам̣ д̣̇ассзд̇и.
Tantisamudāyo avayavatantiyā ādhāro yathā ‘‘rukkhe sākhā’’ti. Na codetabbametaṃ samukhena, visayavisayimukhena vā vinayādīnaṃyeva gambhīrabhāvassa vuttattāti adhippāyo. Dhammo hi vinayādayo, tesañca visayo attho, dhammatthavisayā ca desanāpaṭivedhāti. ‘‘Paṭivedhassā’’tiādinā dhammatthānaṃ duppaṭividdhattā desanāya uppādetuṃ asakkuṇeyyattā paṭivedhassa uppādetuñca paṭivijjhituñca asakkuṇeyyattā dukkhogāhataṃ dasseti.
д̇хаммаануруубам̣ яат̇аад̇хамманд̇и жа ад̇т̇о яуж̇ж̇ад̇и. д̣̇зсанааби хи бадивзд̇хо вияа авибарийд̇ам̣ сависаяавибхааванад̇о д̇хаммаануруубам̣ бавад̇д̇ад̇и яад̇о ‘‘авибарийд̇аабхилаабо’’д̇и вужжад̇и. д̇хамманируд̇д̇им̣ д̣̇ассзд̇ийд̇и зд̇зна д̣̇зсанаасад̣̇д̣̇асабхааваад̇и д̣̇ийбзд̇и. д̇ат̇аа хи нируд̇д̇ибадисамбхид̣̇ааяа барид̇д̇аарамман̣аад̣̇ибхааво баал̣ияам̣ вуд̇д̇о, адтагат̇ааяан̃жа ‘‘д̇ам̣д̇ам̣сабхааванируд̇д̇исад̣̇д̣̇ам̣ аарамман̣ам̣ гад̇ваа’’д̇иаад̣̇инаа сад̣̇д̣̇аарамман̣ад̇аа. имасса ад̇т̇асса аяам̣ сад̣̇д̣̇о ваажагод̇и важанаважанийяам̣ вавад̇т̇абзд̇ваа д̇ам̣д̇ам̣важанийяавибхааванавасзна бавад̇д̇ид̇о хи сад̣̇д̣̇о д̣̇зсанаад̇и. нану жа ‘‘д̇хаммо д̇анд̇ий’’д̇и имасмим̣ багкз д̇хаммассаби сад̣̇д̣̇асабхаавад̇д̇аа д̇хаммад̣̇зсанаанам̣ висзсо на сияаад̇и? на, д̇зсам̣ д̇зсам̣ ад̇т̇аанам̣ б̣од̇хагабхаавзна н̃аад̇о уг̇г̇ахид̇аад̣̇ивасзна жа буб̣б̣з бавад̇д̇ид̇о сад̣̇д̣̇аббаб̣анд̇хо д̇хаммо, бажчаа барзсам̣ аваб̣од̇ханад̇т̇ам̣ бавад̇д̇ид̇о д̇ад̣̇ад̇т̇аббагаасанаго сад̣̇д̣̇о д̣̇зсанаад̇и. ат̇а ваа яат̇аавуд̇д̇асад̣̇д̣̇асамудтаабаго жид̇д̇уббаад̣̇о д̣̇зсанаа мусааваад̣̇аад̣̇аяо вияа. важанасса бавад̇д̇ананд̇и жа яат̇аавуд̇д̇ажид̇д̇уббаад̣̇амааха. со хи важанам̣ бавад̇д̇зд̇и, д̇ам̣ ваа зд̇зна бавад̇д̇ийяад̇ийд̇и бавад̇д̇анам̣. д̣̇зсийяад̇и ад̇т̇о зд̇знаад̇и д̣̇зсанаа. багаарзхи н̃аабийяад̇и зд̇зна, багаарад̇о н̃аабзд̇ийд̇и ваа бан̃н̃ад̇д̇ийд̇и вужжад̇ийд̇и. д̇знзвааха ‘‘ад̇хиббааяо’’д̇иаад̣̇и. абхисамзд̇и, абхисамийяад̇и ваа зд̇знаад̇и абхисамаяод̇и звамби абхисамаяад̇т̇о самбхавад̇и. абхисамзд̇аб̣б̣ад̇о бана абхисамаяод̇и д̣̇уд̇ияавигаббз бадивзд̇хоязваад̇и.
Dhammānurūpaṃ yathādhammanti ca attho yujjati. Desanāpi hi paṭivedho viya aviparītaṃ savisayavibhāvanato dhammānurūpaṃ pavattati yato ‘‘aviparītābhilāpo’’ti vuccati. Dhammaniruttiṃ dassetīti etena desanāsaddasabhāvāti dīpeti. Tathā hi niruttipaṭisambhidāya parittārammaṇādibhāvo pāḷiyaṃ vutto, aṭṭhakathāyañca ‘‘taṃtaṃsabhāvaniruttisaddaṃ ārammaṇaṃ katvā’’tiādinā saddārammaṇatā. Imassa atthassa ayaṃ saddo vācakoti vacanavacanīyaṃ vavatthapetvā taṃtaṃvacanīyavibhāvanavasena pavattito hi saddo desanāti. Nanu ca ‘‘dhammo tantī’’ti imasmiṃ pakkhe dhammassapi saddasabhāvattā dhammadesanānaṃ viseso na siyāti? Na, tesaṃ tesaṃ atthānaṃ bodhakabhāvena ñāto uggahitādivasena ca pubbe pavattito saddappabandho dhammo, pacchā paresaṃ avabodhanatthaṃ pavattito tadatthappakāsanako saddo desanāti. Atha vā yathāvuttasaddasamuṭṭhāpako cittuppādo desanā musāvādādayo viya. Vacanassa pavattananti ca yathāvuttacittuppādamāha. So hi vacanaṃ pavatteti, taṃ vā etena pavattīyatīti pavattanaṃ. Desīyati attho etenāti desanā. Pakārehi ñāpīyati etena, pakārato ñāpetīti vā paññattīti vuccatīti. Tenevāha ‘‘adhippāyo’’tiādi. Abhisameti, abhisamīyati vā etenāti abhisamayoti evampi abhisamayattho sambhavati. Abhisametabbato pana abhisamayoti dutiyavikappe paṭivedhoyevāti.
вуд̇д̇анаязна взд̣̇ид̇аб̣б̣аад̇и авиж̇ж̇аасан̇каараад̣̇ийнам̣ д̇хаммад̇т̇аанам̣ д̣̇уббадивиж̇жхад̇ааяа д̣̇угког̇аахад̇аа, д̇зсам̣ бан̃н̃аабанасса д̣̇уггарабхаавад̇о д̇ам̣д̣̇зсанааяа бадивзд̇ханасан̇каад̇асса бадивзд̇хасса уббаад̣̇анависаяигаран̣аанам̣ асаггун̣зяяад̇ааяа д̣̇угког̇аахад̇аа взд̣̇ид̇аб̣б̣аа.
Vuttanayena veditabbāti avijjāsaṅkhārādīnaṃ dhammatthānaṃ duppaṭivijjhatāya dukkhogāhatā, tesaṃ paññāpanassa dukkarabhāvato taṃdesanāya paṭivedhanasaṅkhātassa paṭivedhassa uppādanavisayikaraṇānaṃ asakkuṇeyyatāya dukkhogāhatā veditabbā.
гааран̣з палавохаарзна д̇з д̇хаммаа д̣̇угкааяа сам̣вад̇д̇анд̇ийд̇и вуд̇д̇анд̇и ааха ‘‘убаарамбха…бз… хзд̇убхаавзнаа’’д̇и. ан̃н̃ам̣ ад̇т̇анд̇и убаарамбхам̣ ниссаран̣ан̃жа. нидтаабзд̇ваад̇и гат̇анавасзна барияосаабзд̇ваа. д̇асса ‘‘аарад̣̇д̇ха’’нд̇и зд̇зна самб̣анд̇хо. уд̣̇д̣̇аанасан̇г̇ахаад̣̇ибхзд̣̇о сан̇г̇ийд̇од̇и баато яуд̇д̇о, ‘‘сан̇г̇ийд̇ияаа’’д̇и бана ликанд̇и. буримам̣ ваа сан̇г̇ийд̇ияаад̇и бхаавзна бхаавалагкан̣з бхуммам̣, бажчимам̣ ад̇хигаран̣з. бидагаад̣̇ийд̇и бидаганигааяан̇г̇ад̇хаммагканд̇хаани.
Kāraṇe phalavohārena te dhammā dukkhāya saṃvattantīti vuttanti āha ‘‘upārambha…pe… hetubhāvenā’’ti. Aññaṃ atthanti upārambhaṃ nissaraṇañca. Niṭṭhāpetvāti kathanavasena pariyosāpetvā. Tassa ‘‘āraddha’’nti etena sambandho. Uddānasaṅgahādibhedo saṅgītoti pāṭho yutto, ‘‘saṅgītiyā’’ti pana likhanti. Purimaṃ vā saṅgītiyāti bhāvena bhāvalakkhaṇe bhummaṃ, pacchimaṃ adhikaraṇe. Piṭakādīti piṭakanikāyaṅgadhammakkhandhāni.
д̇ад̇т̇а ан̇г̇зсу суд̇д̇ан̇г̇амзва на самбхавад̇и ‘‘саг̇аат̇агам̣ суд̇д̇ам̣ г̇зяяам̣, ниг̇г̇аат̇агам̣ суд̇д̇ам̣ взяяаагаран̣а’’нд̇и (д̣̇ий. ни. адта. 1.батамамахаасан̇г̇ийд̇игат̇аа; баараа. адта. 1.батамамахаасан̇г̇ийд̇игат̇аа; д̇ха. са. адта. нид̣̇аанагат̇аа) вуд̇д̇ад̇д̇аа, ман̇г̇аласуд̇д̇аад̣̇ийнан̃жа суд̇д̇ан̇г̇асан̇г̇ахо на сияаа г̇аат̇аабхаавад̇о д̇хаммабад̣̇аад̣̇ийнам̣ вияа, г̇зяяан̇г̇асан̇г̇ахо ваа сияаа саг̇аат̇агад̇д̇аа саг̇аат̇ааваг̇г̇асса вияа, д̇ат̇аа убхад̇овибхан̇г̇аад̣̇ийсу саг̇аат̇агабад̣̇зсаананд̇и? вужжад̇з –
Tattha aṅgesu suttaṅgameva na sambhavati ‘‘sagāthakaṃ suttaṃ geyyaṃ, niggāthakaṃ suttaṃ veyyākaraṇa’’nti (dī. ni. aṭṭha. 1.paṭhamamahāsaṅgītikathā; pārā. aṭṭha. 1.paṭhamamahāsaṅgītikathā; dha. sa. aṭṭha. nidānakathā) vuttattā, maṅgalasuttādīnañca suttaṅgasaṅgaho na siyā gāthābhāvato dhammapadādīnaṃ viya, geyyaṅgasaṅgaho vā siyā sagāthakattā sagāthāvaggassa viya, tathā ubhatovibhaṅgādīsu sagāthakapadesānanti? Vuccate –
суд̇д̇анд̇и сааман̃н̃авид̇хи, висзсавид̇хаяо барз;
Suttanti sāmaññavidhi, visesavidhayo pare;
санимид̇д̇аа нирул̣хад̇д̇аа, сахад̇аан̃н̃зна наан̃н̃ад̇о. (нзд̇д̇и. адта. сан̇г̇ахаваараван̣н̣анаа);
Sanimittā niruḷhattā, sahatāññena nāññato. (netti. aṭṭha. saṅgahavāravaṇṇanā);
саб̣б̣ассаби хи б̣уд̣̇д̇хаважанасса суд̇д̇анд̇и аяам̣ сааман̃н̃авид̇хи. д̇знзвааха ааяасмаа махаагажжааяано нзд̇д̇ияам̣ ‘‘нававид̇хасуд̇д̇анд̇абарияздтий’’д̇и (нзд̇д̇и. сан̇г̇ахаваара). ‘‘зд̇д̇агам̣ д̇асса бхаг̇авад̇о суд̇д̇ааг̇ад̇ам̣ суд̇д̇абарияаабаннам̣ (баажи. 1242) сагаваад̣̇з бан̃жа суд̇д̇асад̇ааний’’д̇и (д̇ха. са. адта. нид̣̇аанагат̇аа; гат̇аа. адта. нид̣̇аанагат̇аа) звамаад̣̇и жа зд̇асса ад̇т̇асса саад̇хагам̣, д̇ад̣̇згад̣̇зсзсу бана г̇зяяаад̣̇аяо висзсавид̇хаяо д̇зна д̇зна нимид̇д̇зна бад̇идтид̇ад̇д̇аа. д̇ат̇аа хи г̇зяяасса саг̇аат̇агад̇д̇ам̣ д̇аб̣бхааванимид̇д̇ам̣. логзби хи сасилогам̣ саг̇аат̇агам̣ ваа жун̣н̣ияаг̇ант̇ам̣ ‘‘г̇зяяа’’нд̇и вад̣̇анд̇и. г̇аат̇аавирахз бана сад̇и бужчам̣ гад̇ваа виссаж̇ж̇анабхааво взяяаагаран̣асса. бужчаависсаж̇ж̇анан̃хи б̣яаагаран̣анд̇и вужжад̇и. б̣яаагаран̣амзва взяяаагаран̣анд̇и.
Sabbassapi hi buddhavacanassa suttanti ayaṃ sāmaññavidhi. Tenevāha āyasmā mahākaccāyano nettiyaṃ ‘‘navavidhasuttantapariyeṭṭhī’’ti (netti. saṅgahavāra). ‘‘Ettakaṃ tassa bhagavato suttāgataṃ suttapariyāpannaṃ (pāci. 1242) sakavāde pañca suttasatānī’’ti (dha. sa. aṭṭha. nidānakathā; kathā. aṭṭha. nidānakathā) evamādi ca etassa atthassa sādhakaṃ, tadekadesesu pana geyyādayo visesavidhayo tena tena nimittena patiṭṭhitattā. Tathā hi geyyassa sagāthakattaṃ tabbhāvanimittaṃ. Lokepi hi sasilokaṃ sagāthakaṃ vā cuṇṇiyaganthaṃ ‘‘geyya’’nti vadanti. Gāthāvirahe pana sati pucchaṃ katvā vissajjanabhāvo veyyākaraṇassa. Pucchāvissajjanañhi byākaraṇanti vuccati. Byākaraṇameva veyyākaraṇanti.
звам̣ санд̇з саг̇аат̇агаанамби бан̃хависсаж̇ж̇анавасзна бавад̇д̇аанам̣ взяяаагаран̣абхааво аабаж̇ж̇ад̇ийд̇и? наабаж̇ж̇ад̇и взяяаагаран̣аад̣̇исан̃н̃аанам̣ аногаасабхаавад̇о ‘‘г̇аат̇аавирахз бана сад̇ий’’д̇и висзсид̇ад̇д̇аа жа. д̇ат̇аа хи д̇хаммабад̣̇аад̣̇ийсу гзвалам̣ г̇аат̇ааб̣анд̇хзсу саг̇аат̇агад̇д̇зби соманассан̃аан̣амаяигаг̇аат̇аабадисам̣яуд̇д̇зсу ‘‘вуд̇д̇ан̃хзд̇а’’нд̇иаад̣̇иважанасамб̣анд̇хзсу аб̣бхуд̇ад̇хаммабадисам̣яуд̇д̇зсу жа суд̇д̇ависзсзсу яат̇ааггамам̣ г̇аат̇аауд̣̇аанаид̇ивуд̇д̇агааб̣бхуд̇ад̇хаммасан̃н̃аа бад̇идтид̇аа, д̇ат̇аа сад̇иби г̇аат̇ааб̣анд̇хабхаавз бхаг̇авад̇о ад̇ийд̇аасу ж̇аад̇ийсу жарияаанубхааваббагаасагзсу ж̇аад̇агасан̃н̃аа. сад̇иби бан̃хависсаж̇ж̇анабхаавз саг̇аат̇агад̇д̇з жа гзсужи суд̇д̇анд̇зсу взд̣̇асса лабхаабанад̇о взд̣̇алласан̃н̃аа бад̇идтид̇аад̇и звам̣ д̇зна д̇зна саг̇аат̇агад̇д̇аад̣̇инаа нимид̇д̇зна д̇зсу д̇зсу суд̇д̇ависзсзсу г̇зяяаад̣̇исан̃н̃аа бад̇идтид̇аад̇и висзсавид̇хаяо суд̇д̇ан̇г̇ад̇о барз г̇зяяан̇г̇аад̣̇аяо. яам̣ банзд̇т̇а г̇зяяан̇г̇аад̣̇инимид̇д̇арахид̇ам̣, д̇ам̣ суд̇д̇ан̇г̇ам̣ висзсасан̃н̃аабарихаарзна сааман̃н̃асан̃н̃ааяа бавад̇д̇анад̇од̇и.
Evaṃ sante sagāthakānampi pañhavissajjanavasena pavattānaṃ veyyākaraṇabhāvo āpajjatīti? Nāpajjati veyyākaraṇādisaññānaṃ anokāsabhāvato ‘‘gāthāvirahe pana satī’’ti visesitattā ca. Tathā hi dhammapadādīsu kevalaṃ gāthābandhesu sagāthakattepi somanassañāṇamayikagāthāpaṭisaṃyuttesu ‘‘vuttañheta’’ntiādivacanasambandhesu abbhutadhammapaṭisaṃyuttesu ca suttavisesesu yathākkamaṃ gāthāudānaitivuttakaabbhutadhammasaññā patiṭṭhitā, tathā satipi gāthābandhabhāve bhagavato atītāsu jātīsu cariyānubhāvappakāsakesu jātakasaññā. Satipi pañhavissajjanabhāve sagāthakatte ca kesuci suttantesu vedassa labhāpanato vedallasaññā patiṭṭhitāti evaṃ tena tena sagāthakattādinā nimittena tesu tesu suttavisesesu geyyādisaññā patiṭṭhitāti visesavidhayo suttaṅgato pare geyyaṅgādayo. Yaṃ panettha geyyaṅgādinimittarahitaṃ, taṃ suttaṅgaṃ visesasaññāparihārena sāmaññasaññāya pavattanatoti.
нану жа саг̇аат̇агам̣ суд̇д̇ам̣ г̇зяяам̣, ниг̇г̇аат̇агам̣ суд̇д̇ам̣ взяяаагаран̣анд̇и суд̇д̇ан̇г̇ам̣ на самбхавад̇ийд̇и жод̣̇анаа д̇ад̣̇авад̇т̇аад̇и? на, сод̇хид̇ад̇д̇аа. сод̇хид̇ан̃хи буб̣б̣з г̇аат̇аавирахз сад̇и бужчаависсаж̇ж̇анабхааво взяяаагаран̣абхаавасса нимид̇д̇анд̇и. яан̃жа вуд̇д̇ам̣ ‘‘г̇аат̇аабхаавад̇о ман̇г̇аласуд̇д̇аад̣̇ийнам̣ суд̇д̇ан̇г̇асан̇г̇ахо на сияаа’’д̇и, д̇ам̣ на, нирул̣хад̇д̇аа. нирул̣хо хи ман̇г̇аласуд̇д̇аад̣̇ийсу суд̇д̇абхааво. на хи д̇аани д̇хаммабад̣̇аб̣уд̣̇д̇хавам̣саад̣̇аяо вияа г̇аат̇аабхаавзна бан̃н̃аад̇аани, гинд̇у суд̇д̇абхаавзнзва. д̇знзва хи адтагат̇ааяам̣ суд̇д̇анаамаганд̇и наамаг̇г̇ахан̣ам̣ гад̇ам̣. яам̣ бана вуд̇д̇ам̣ ‘‘саг̇аат̇агад̇д̇аа г̇зяяан̇г̇асан̇г̇ахо ваа сияаа’’д̇и, д̇ад̣̇аби над̇т̇и. яасмаа сахад̇аан̃н̃зна. саха г̇аат̇аахийд̇и саг̇аат̇агам̣, сахабхааво жа наама ад̇д̇ад̇о ан̃н̃зна ход̇и, на жа ман̇г̇аласуд̇д̇аад̣̇ийсу г̇аат̇аавинимуд̇д̇о гожи суд̇д̇аббад̣̇зсо ад̇т̇и, яо ‘‘саха г̇аат̇аахий’’д̇и вужжзяяа, на жа самуд̣̇ааяо наама гожи ад̇т̇и. яад̣̇аби вуд̇д̇ам̣ ‘‘убхад̇овибхан̇г̇аад̣̇ийсу саг̇аат̇агаббад̣̇зсаанам̣ г̇зяяан̇г̇асан̇г̇ахо сияаа’’д̇и, д̇ад̣̇аби на, ан̃н̃ад̇о. ан̃н̃аа зва хи д̇аа г̇аат̇аа ж̇аад̇агаад̣̇ибарияаабаннад̇д̇аа. ад̇о на д̇аахи убхад̇овибхан̇г̇аад̣̇ийнам̣ г̇зяяан̇г̇абхаавод̇и звам̣ суд̇д̇аад̣̇ийнам̣ ан̇г̇аанам̣ ан̃н̃аман̃н̃асан̇гараабхааво взд̣̇ид̇аб̣б̣о.
Nanu ca sagāthakaṃ suttaṃ geyyaṃ, niggāthakaṃ suttaṃ veyyākaraṇanti suttaṅgaṃ na sambhavatīti codanā tadavatthāti? Na, sodhitattā. Sodhitañhi pubbe gāthāvirahe sati pucchāvissajjanabhāvo veyyākaraṇabhāvassa nimittanti. Yañca vuttaṃ ‘‘gāthābhāvato maṅgalasuttādīnaṃ suttaṅgasaṅgaho na siyā’’ti, taṃ na, niruḷhattā. Niruḷho hi maṅgalasuttādīsu suttabhāvo. Na hi tāni dhammapadabuddhavaṃsādayo viya gāthābhāvena paññātāni, kintu suttabhāveneva. Teneva hi aṭṭhakathāyaṃ suttanāmakanti nāmaggahaṇaṃ kataṃ. Yaṃ pana vuttaṃ ‘‘sagāthakattā geyyaṅgasaṅgaho vā siyā’’ti, tadapi natthi. Yasmā sahatāññena. Saha gāthāhīti sagāthakaṃ, sahabhāvo ca nāma attato aññena hoti, na ca maṅgalasuttādīsu gāthāvinimutto koci suttappadeso atthi, yo ‘‘saha gāthāhī’’ti vucceyya, na ca samudāyo nāma koci atthi. Yadapi vuttaṃ ‘‘ubhatovibhaṅgādīsu sagāthakappadesānaṃ geyyaṅgasaṅgaho siyā’’ti, tadapi na, aññato. Aññā eva hi tā gāthā jātakādipariyāpannattā. Ato na tāhi ubhatovibhaṅgādīnaṃ geyyaṅgabhāvoti evaṃ suttādīnaṃ aṅgānaṃ aññamaññasaṅkarābhāvo veditabbo.
ж̇инасаасанам̣ абхид̇хаммо. бадивид̣̇д̇хадтаанам̣ бадивзд̇хабхууми бадивзд̇хаавад̇т̇аа, бадивзд̇хахзд̇у ваа. ‘‘со звам̣ баж̇аанаами саммаад̣̇идтибажжаяааби взд̣̇аяид̇а’’нд̇и (сам̣. ни. 5.11-12) вуд̇д̇ам̣. баал̣ияам̣ бана ‘‘со звам̣ баж̇аанаами мижчаад̣̇идтибажжаяааби взд̣̇аяид̇ам̣. саммаад̣̇идтибажжаяааби взд̣̇аяид̇а’’нд̇и ааг̇ад̇ам̣ (сам̣. ни. 5.11-12). бажжаяаад̣̇ийхийд̇и бажжаяасабхаававуубасамад̇ад̣̇убааяаад̣̇ийхи. бараваад̣̇ижод̣̇анам̣ бад̇ваад̇и адтагат̇ааяам̣ ааг̇ад̇ам̣ бараваад̣̇ижод̣̇анам̣ бад̇ваа. ад̇хиг̇а…бз… руубзнаад̇и ад̇хиг̇анд̇аб̣б̣о жа со д̣̇зсзд̇аб̣б̣о жаад̇и ад̇хиг̇анд̇аб̣б̣ад̣̇зсзд̇аб̣б̣о, со зва д̇хаммо, д̇ад̣̇ануруубзна. зд̇т̇а жа яат̇аад̇хаммасаасанад̇д̇аа яат̇аад̇хиг̇ад̇ад̇хаммад̣̇зсанаабхаавад̇о абхид̇хаммасса абхисамб̣од̇хи ад̇хиг̇аманид̣̇аанам̣. д̣̇зсагаалаад̣̇иязва д̣̇зсанаанид̣̇аанам̣. яам̣ бана адтагат̇ааяам̣ ‘‘д̣̇зсанаанид̣̇аанам̣ яаава д̇хаммажаггаббавад̇д̇анаа’’д̇и вуд̇д̇ам̣, д̇ам̣ абхид̇хаммад̣̇зсанаависзсзна д̇хаммажаггаббавад̇д̇ананд̇и гад̇ваа вуд̇д̇ам̣. д̇хаммажаггаббавад̇д̇анасуд̇д̇з ваа д̣̇зсид̇зхи арияасажжзхи сагалаабхид̇хаммабад̣̇ад̇т̇асан̇г̇ахад̇о, барамад̇т̇ад̇о абхид̇хаммабхууд̇аанам̣ ваа саммаад̣̇идтиаад̣̇ийнам̣ д̇ад̇т̇а д̣̇зсид̇ад̇д̇аа вуд̇д̇ам̣. д̇ад̇д̇агаанам̣язва д̣̇зсанаарул̣хад̇ааяа ад̣дхачаггзсу ж̇аад̇агасад̇зсу барибаажанам̣ вуд̇д̇анд̇и д̣̇адтаб̣б̣ам̣. на хи зд̇д̇агаасу зва ж̇аад̇ийсу бун̃н̃аад̣̇исамбхаарасамбхаран̣ам̣ , гим̣ бана гааран̣ам̣ зд̇д̇агаа зва ж̇аад̇ияо д̣̇зсид̇аад̇и? д̇ад̣̇ан̃н̃зсам̣ адтуббад̇д̇ияаа абхаавад̇о.
Jinasāsanaṃ abhidhammo. Paṭividdhaṭṭhānaṃ paṭivedhabhūmi paṭivedhāvatthā, paṭivedhahetu vā. ‘‘So evaṃ pajānāmi sammādiṭṭhipaccayāpi vedayita’’nti (saṃ. ni. 5.11-12) vuttaṃ. Pāḷiyaṃ pana ‘‘so evaṃ pajānāmi micchādiṭṭhipaccayāpi vedayitaṃ. Sammādiṭṭhipaccayāpi vedayita’’nti āgataṃ (saṃ. ni. 5.11-12). Paccayādīhīti paccayasabhāvavūpasamatadupāyādīhi. Paravādicodanaṃ patvāti aṭṭhakathāyaṃ āgataṃ paravādicodanaṃ patvā. Adhiga…pe… rūpenāti adhigantabbo ca so desetabbo cāti adhigantabbadesetabbo, so eva dhammo, tadanurūpena. Ettha ca yathādhammasāsanattā yathādhigatadhammadesanābhāvato abhidhammassa abhisambodhi adhigamanidānaṃ. Desakālādiyeva desanānidānaṃ. Yaṃ pana aṭṭhakathāyaṃ ‘‘desanānidānaṃ yāva dhammacakkappavattanā’’ti vuttaṃ, taṃ abhidhammadesanāvisesena dhammacakkappavattananti katvā vuttaṃ. Dhammacakkappavattanasutte vā desitehi ariyasaccehi sakalābhidhammapadatthasaṅgahato, paramatthato abhidhammabhūtānaṃ vā sammādiṭṭhiādīnaṃ tattha desitattā vuttaṃ. Tattakānaṃyeva desanāruḷhatāya aḍḍhachakkesu jātakasatesu paripācanaṃ vuttanti daṭṭhabbaṃ. Na hi ettakāsu eva jātīsu puññādisambhārasambharaṇaṃ , kiṃ pana kāraṇaṃ ettakā eva jātiyo desitāti? Tadaññesaṃ aṭṭhuppattiyā abhāvato.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / нид̣̇аанагат̇ааван̣н̣анаа • Nidānakathāvaṇṇanā
