| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
нид̣̇аанагат̇ааван̣н̣анаа
Nidānakathāvaṇṇanā
анубаад̣̇исзсааяа ниб̣б̣аанад̇хаад̇уяаа бариниб̣б̣ааяийд̇и бариниб̣б̣аанамзва бариниб̣б̣аанасса бариниб̣б̣аананд̇арад̇о висзсанад̇т̇ам̣ гаран̣абхаавзна вуд̇д̇ам̣. яааяа ваа ниб̣б̣аанад̇хаад̇уяаа ад̇хиг̇ад̇ааяа бажчимажид̇д̇ам̣ аббадисанд̇хигам̣ ж̇аад̇ам̣, саа д̇асса аббадисанд̇хивуубасамасса гаран̣абхаавзна вуд̇д̇аад̇и. д̣̇уб̣б̣алабагканд̇и на гаал̣аасогам̣ вияа б̣алаванд̇ам̣, ат̇а ко згаман̣д̣алиганд̇и вад̣̇анд̇и. д̇хаммаваад̣̇ийад̇хаммаваад̣̇ийвисзсаж̇ананасамад̇т̇ааяа бана бан̃н̃ааяа абхаавад̇о д̣̇уб̣б̣алад̇аа вуд̇д̇аа. д̇зсам̣язваад̇и б̣аахулияаанамзва , б̣ахуссуд̇игаад̇иби наамам̣. бхиннагаад̇и мууласан̇г̇ийд̇ид̇о мууланигааяад̇о ваа бхиннаа, лад̣̇д̇хияаа суд̇д̇анд̇зхи лин̇г̇аагаббзхи жа висад̣̇исабхаавам̣ г̇ад̇аад̇и ад̇т̇о.
Anupādisesāya nibbānadhātuyā parinibbāyīti parinibbānameva parinibbānassa parinibbānantarato visesanatthaṃ karaṇabhāvena vuttaṃ. Yāya vā nibbānadhātuyā adhigatāya pacchimacittaṃ appaṭisandhikaṃ jātaṃ, sā tassa appaṭisandhivūpasamassa karaṇabhāvena vuttāti. Dubbalapakkhanti na kāḷāsokaṃ viya balavantaṃ, atha kho ekamaṇḍalikanti vadanti. Dhammavādīadhammavādīvisesajananasamatthāya pana paññāya abhāvato dubbalatā vuttā. Tesaṃyevāti bāhuliyānameva , bahussutikātipi nāmaṃ. Bhinnakāti mūlasaṅgītito mūlanikāyato vā bhinnā, laddhiyā suttantehi liṅgākappehi ca visadisabhāvaṃ gatāti attho.
мууласан̇г̇аханд̇и бан̃жасад̇игасан̇г̇ийд̇им̣. ан̃н̃ад̇ра сан̇г̇ахид̇аад̇иаад̣̇ийсу д̣̇ийгхаад̣̇ийсу ан̃н̃ад̇ра сан̇г̇ахид̇ад̇о суд̇д̇анд̇араасид̇о д̇ам̣ д̇ам̣ суд̇д̇ам̣ ниггад̣дхид̇ваа ан̃н̃ад̇ра агарим̣сууд̇и вуд̇д̇ам̣ ход̇и. сан̇г̇ахид̇ад̇о ваа ан̃н̃ад̇ра асан̇г̇ахид̇ам̣ суд̇д̇ам̣ ан̃н̃ад̇ра гад̇т̇ажи агарим̣су, ан̃н̃ам̣ ваа агарим̣сууд̇и ад̇т̇о. ад̇т̇ам̣ д̇хамман̃жаад̇и баал̣ияаа ад̇т̇ам̣ баал̣ин̃жа. винаяз нигааязсу жа бан̃жасууд̇и винаяз жа авасзсабан̃жанигааязсу жа.
Mūlasaṅgahanti pañcasatikasaṅgītiṃ. Aññatra saṅgahitātiādīsu dīghādīsu aññatra saṅgahitato suttantarāsito taṃ taṃ suttaṃ nikkaḍḍhitvā aññatra akariṃsūti vuttaṃ hoti. Saṅgahitato vā aññatra asaṅgahitaṃ suttaṃ aññatra katthaci akariṃsu, aññaṃ vā akariṃsūti attho. Atthaṃ dhammañcāti pāḷiyā atthaṃ pāḷiñca. Vinaye nikāyesu ca pañcasūti vinaye ca avasesapañcanikāyesu ca.
‘‘д̣̇взбаананд̣̇а , взд̣̇анаа вуд̇д̇аа маяаа барияааязнаа’’д̇иаад̣̇и (ма. ни. 2.89) барияааяад̣̇зсид̇ам̣. убзгкаавзд̣̇анаа хи санд̇асмим̣ бан̣ийд̇з сукз вуд̇д̇аа бхаг̇авад̇аад̇и аяан̃хзд̇т̇а барияааяо. ‘‘д̇иссо имаа, бхигкавз, взд̣̇анаа сукаа д̣̇угкаа убзгкаа взд̣̇анаа’’д̇иаад̣̇и (сам̣. ни. 4.249-251) ниббарияааяад̣̇зсид̇ам̣. взд̣̇анаасабхааво хи д̇ивид̇ход̇и аяамзд̇т̇а ниббарияааяад̇аа. ‘‘сукааби взд̣̇анаа анижжаа сан̇кад̇аа’’д̇иаад̣̇и (д̣̇ий. ни. 2.123) нийд̇ад̇т̇ам̣. ‘‘яам̣ гин̃жи взд̣̇аяид̇ам̣, саб̣б̣ам̣ д̇ам̣ д̣̇угка’’нд̇иаад̣̇и (сам̣. ни. 2.32) нзяяад̇т̇ам̣. ‘‘д̇ийхи, бхигкавз, таанзхи ж̇амб̣уд̣̇ийбагаа мануссаа уд̇д̇арагуругз жа мануссз ад̇хиг̇г̇ан̣ханд̇и д̣̇звз жа д̇аавад̇им̣сз’’д̇иаад̣̇игам̣ (а. ни. 9.21) ан̃н̃ам̣ санд̇хааяа бхан̣ид̇ам̣ г̇ахзд̇ваа ан̃н̃ам̣ ад̇т̇ам̣ табаяим̣су. ‘‘над̇т̇и д̣̇звзсу б̣рахмажарияаваасо’’д̇иаад̣̇игам̣ (гат̇аа. 270) суд̇д̇ан̃жа ан̃н̃ам̣ санд̇хааяа бхан̣ид̇ам̣ ад̇т̇ан̃жа ан̃н̃ам̣ табаяим̣сууд̇и звамзд̇т̇а ад̇т̇о д̣̇адтаб̣б̣о. ‘‘ад̇т̇згажжо буг̇г̇ало ад̇д̇ахид̇ааяа бадибанно’’д̇иаад̣̇и (бу. ба. маад̇игаа 4.24) б̣яан̃ж̇анажчааяааяа сан̣хасукумам̣ сун̃н̃ад̇аад̣̇иад̇т̇ам̣ б̣ахум̣ винаасаяум̣.
‘‘Dvepānanda , vedanā vuttā mayā pariyāyenā’’tiādi (ma. ni. 2.89) pariyāyadesitaṃ. Upekkhāvedanā hi santasmiṃ paṇīte sukhe vuttā bhagavatāti ayañhettha pariyāyo. ‘‘Tisso imā, bhikkhave, vedanā sukhā dukkhā upekkhā vedanā’’tiādi (saṃ. ni. 4.249-251) nippariyāyadesitaṃ. Vedanāsabhāvo hi tividhoti ayamettha nippariyāyatā. ‘‘Sukhāpi vedanā aniccā saṅkhatā’’tiādi (dī. ni. 2.123) nītatthaṃ. ‘‘Yaṃ kiñci vedayitaṃ, sabbaṃ taṃ dukkha’’ntiādi (saṃ. ni. 2.32) neyyatthaṃ. ‘‘Tīhi, bhikkhave, ṭhānehi jambudīpakā manussā uttarakuruke ca manusse adhiggaṇhanti deve ca tāvatiṃse’’tiādikaṃ (a. ni. 9.21) aññaṃ sandhāya bhaṇitaṃ gahetvā aññaṃ atthaṃ ṭhapayiṃsu. ‘‘Natthi devesu brahmacariyavāso’’tiādikaṃ (kathā. 270) suttañca aññaṃ sandhāya bhaṇitaṃ atthañca aññaṃ ṭhapayiṃsūti evamettha attho daṭṭhabbo. ‘‘Atthekacco puggalo attahitāya paṭipanno’’tiādi (pu. pa. mātikā 4.24) byañjanacchāyāya saṇhasukhumaṃ suññatādiatthaṃ bahuṃ vināsayuṃ.
винаяаг̇амбхийранд̇и винаяз г̇амбхийран̃жа згад̣̇зсам̣ чад̣д̣зд̇ваад̇и ад̇т̇о. гилзсавинаязна ваа г̇амбхийрам̣ згад̣̇зсам̣ суд̇д̇ам̣ чад̣д̣зд̇ваад̇и ад̇т̇о. бад̇ируубанд̇и ад̇д̇ано ад̇хиббааяаануруубам̣ суд̇д̇ам̣, суд̇д̇абад̇ируубагам̣ ваа асуд̇д̇ам̣. згажжз адтагат̇ааган̣д̣амзва виссаж̇ж̇им̣су, згажжз сагалам̣ абхид̇хаммабидаганд̇и ааха ‘‘ад̇т̇уд̣̇д̇хаарам̣ абхид̇хаммам̣ чаббагаран̣а’’нд̇и. гат̇аавад̇т̇усса савиваад̣̇ад̇д̇зби авиваад̣̇аани чаббагаран̣аани батид̇аб̣б̣аани сияум̣, д̇аани наббавад̇д̇анд̇ийд̇и хи д̣̇ассанад̇т̇ам̣ ‘‘чаббагаран̣а’’нд̇и вуд̇д̇анд̇и. д̇ад̇ияасан̇г̇ийд̇ид̇о ваа буб̣б̣з бавад̇д̇амаанаанам̣ васзна ‘‘чаббагаран̣а’’нд̇и вуд̇д̇ам̣ . ан̃н̃аанийд̇и ан̃н̃аани абхид̇хаммабагаран̣аад̣̇ийни. нааманд̇и яам̣ б̣уд̣̇д̇хаад̣̇ибадисам̣яуд̇д̇ам̣ на ход̇и ман̃ж̇усирийд̇иаад̣̇игам̣, д̇ам̣ нигааяанаамам̣. лин̇г̇анд̇и ниваасанабаарубанаад̣̇ивисзсагад̇ам̣ сан̣таанависзсам̣. сиггаад̣̇игам̣ баригкаарам̣. аагаббо таанаад̣̇ийсу ан̇г̇адтабанависзсо д̣̇адтаб̣б̣о. гаран̣анд̇и жийварасиб̣б̣анаад̣̇игижжависзсо.
Vinayagambhīranti vinaye gambhīrañca ekadesaṃ chaḍḍetvāti attho. Kilesavinayena vā gambhīraṃ ekadesaṃ suttaṃ chaḍḍetvāti attho. Patirūpanti attano adhippāyānurūpaṃ suttaṃ, suttapatirūpakaṃ vā asuttaṃ. Ekacce aṭṭhakathākaṇḍameva vissajjiṃsu, ekacce sakalaṃ abhidhammapiṭakanti āha ‘‘atthuddhāraṃ abhidhammaṃ chappakaraṇa’’nti. Kathāvatthussa savivādattepi avivādāni chappakaraṇāni paṭhitabbāni siyuṃ, tāni nappavattantīti hi dassanatthaṃ ‘‘chappakaraṇa’’nti vuttanti. Tatiyasaṅgītito vā pubbe pavattamānānaṃ vasena ‘‘chappakaraṇa’’nti vuttaṃ . Aññānīti aññāni abhidhammapakaraṇādīni. Nāmanti yaṃ buddhādipaṭisaṃyuttaṃ na hoti mañjusirītiādikaṃ, taṃ nikāyanāmaṃ. Liṅganti nivāsanapārupanādivisesakataṃ saṇṭhānavisesaṃ. Sikkādikaṃ parikkhāraṃ. Ākappo ṭhānādīsu aṅgaṭṭhapanaviseso daṭṭhabbo. Karaṇanti cīvarasibbanādikiccaviseso.
сан̇ганд̇игассабигзна нигааязна ваад̣̇зна ваа бхиннаа сан̇ганд̇игаад̇и ад̇т̇о. сан̇ганд̇игаанам̣ бхзд̣̇аа суд̇д̇аваад̣̇ий анубуб̣б̣зна бхиж̇ж̇ат̇а бхиж̇ж̇им̣сууд̇и ад̇т̇о. бхиннаваад̣̇знаад̇и бхиннаа ваад̣̇аа зд̇асминд̇и бхиннаваад̣̇о, д̇зна абхиннзна т̇зраваад̣̇зна саха адтаараса хонд̇ийд̇и вуд̇д̇ам̣ ход̇и. бхиннаваад̣̇знаад̇и ваа бхиннааяа лад̣̇д̇хияаа адтаараса хонд̇и, д̇з саб̣б̣зби сахаад̇и ад̇т̇о. т̇зраваад̣̇аанамуд̇д̇амод̇и зд̇т̇а т̇зра-ид̇и авибхад̇д̇иго нид̣̇д̣̇зсо. т̇зраанам̣ аяанд̇и т̇зро. го со? ваад̣̇о. т̇зро ваад̣̇аанамуд̇д̇амод̇и аяамзд̇т̇а ад̇т̇о.
Saṅkantikassapikena nikāyena vādena vā bhinnā saṅkantikāti attho. Saṅkantikānaṃ bhedā suttavādī anupubbena bhijjatha bhijjiṃsūti attho. Bhinnavādenāti bhinnā vādā etasminti bhinnavādo, tena abhinnena theravādena saha aṭṭhārasa hontīti vuttaṃ hoti. Bhinnavādenāti vā bhinnāya laddhiyā aṭṭhārasa honti, te sabbepi sahāti attho. Theravādānamuttamoti ettha thera-iti avibhattiko niddeso. Therānaṃ ayanti thero. Ko so? Vādo. Thero vādānamuttamoti ayamettha attho.
уббаннз ваад̣̇з санд̇хааяа ‘‘бараббаваад̣̇амат̇ана’’нд̇и ааха. ааяад̇им̣ уббаж̇ж̇анагаваад̣̇аанам̣ бадисзд̇ханалагкан̣абхаавад̇о ‘‘ааяад̇илагкан̣а’’нд̇и вуд̇д̇ам̣.
Uppanne vāde sandhāya ‘‘parappavādamathana’’nti āha. Āyatiṃ uppajjanakavādānaṃ paṭisedhanalakkhaṇabhāvato ‘‘āyatilakkhaṇa’’nti vuttaṃ.
нид̣̇аанагат̇ааван̣н̣анаа нидтид̇аа.
Nidānakathāvaṇṇanā niṭṭhitā.
