| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. нид̣̇аанасуд̇д̇ам̣
10. Nidānasuttaṃ
60. згам̣ самаяам̣ бхаг̇аваа гуруусу вихарад̇и гаммаасад̇хаммам̣ наама гуруунам̣ ниг̇амо. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘ажчарияам̣, бханд̇з, аб̣бхуд̇ам̣, бханд̇з! яаава г̇амбхийро жааяам̣, бханд̇з, бадижжасамуббаад̣̇о г̇амбхийраавабхаасо жа, ат̇а жа бана мз уд̇д̇аанагуд̇д̇аанаго вияа кааяад̇ий’’д̇и.
60. Ekaṃ samayaṃ bhagavā kurūsu viharati kammāsadhammaṃ nāma kurūnaṃ nigamo. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘acchariyaṃ, bhante, abbhutaṃ, bhante! Yāva gambhīro cāyaṃ, bhante, paṭiccasamuppādo gambhīrāvabhāso ca, atha ca pana me uttānakuttānako viya khāyatī’’ti.
‘‘маа хзвам̣, аананд̣̇а, маа хзвам̣, аананд̣̇а 1! г̇амбхийро жааяам̣, аананд̣̇а, бадижжасамуббаад̣̇о г̇амбхийраавабхаасо жа. зд̇асса, аананд̣̇а, д̇хаммасса анануб̣од̇хаа аббадивзд̇хаа звамаяам̣ баж̇аа д̇анд̇аагулагаж̇аад̇аа гулаг̇ан̣тигаж̇аад̇аа 2 мун̃ж̇абаб̣б̣аж̇абхууд̇аа 3 абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇и.
‘‘убаад̣̇ааниязсу, аананд̣̇а, д̇хаммзсу ассаад̣̇аанубассино вихарад̇о д̇ан̣хаа бавад̣дхад̇и. д̇ан̣хаабажжаяаа убаад̣̇аанам̣; убаад̣̇аанабажжаяаа бхаво; бхавабажжаяаа ж̇аад̇и; ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и. звамзд̇асса гзваласса д̣̇угкагканд̇хасса самуд̣̇аяо ход̇и.
‘‘Upādāniyesu, ānanda, dhammesu assādānupassino viharato taṇhā pavaḍḍhati. Taṇhāpaccayā upādānaṃ; upādānapaccayā bhavo; bhavapaccayā jāti; jātipaccayā jarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti.
‘‘сзяяат̇ааби, аананд̣̇а, махааругко. д̇асса яаани жзва муулаани ад̇хог̇амаани, яаани жа д̇ирияан̇г̇амаани, саб̣б̣аани д̇аани уд̣̇д̇хам̣ ож̇ам̣ абхихаранд̇и. зван̃хи со, аананд̣̇а, махааругко д̇ад̣̇аахааро д̇ад̣̇убаад̣̇аано жирам̣ д̣̇ийгхамад̣̇д̇хаанам̣ д̇идтзяяа. звамзва ко, аананд̣̇а, убаад̣̇ааниязсу д̇хаммзсу ассаад̣̇аанубассино вихарад̇о д̇ан̣хаа бавад̣дхад̇и. д̇ан̣хаабажжаяаа убаад̣̇аанам̣ ; убаад̣̇аанабажжаяаа бхаво…бз… звамзд̇асса гзваласса д̣̇угкагканд̇хасса самуд̣̇аяо ход̇и.
‘‘Seyyathāpi, ānanda, mahārukkho. Tassa yāni ceva mūlāni adhogamāni, yāni ca tiriyaṅgamāni, sabbāni tāni uddhaṃ ojaṃ abhiharanti. Evañhi so, ānanda, mahārukkho tadāhāro tadupādāno ciraṃ dīghamaddhānaṃ tiṭṭheyya. Evameva kho, ānanda, upādāniyesu dhammesu assādānupassino viharato taṇhā pavaḍḍhati. Taṇhāpaccayā upādānaṃ ; upādānapaccayā bhavo…pe… evametassa kevalassa dukkhakkhandhassa samudayo hoti.
‘‘убаад̣̇ааниязсу, аананд̣̇а, д̇хаммзсу аад̣̇ийнаваанубассино вихарад̇о д̇ан̣хаа нируж̇жхад̇и. д̇ан̣хаанирод̇хаа убаад̣̇аананирод̇хо; убаад̣̇аананирод̇хаа бхаванирод̇хо…бз… звамзд̇асса гзваласса д̣̇угкагканд̇хасса нирод̇хо ход̇и.
‘‘Upādāniyesu, ānanda, dhammesu ādīnavānupassino viharato taṇhā nirujjhati. Taṇhānirodhā upādānanirodho; upādānanirodhā bhavanirodho…pe… evametassa kevalassa dukkhakkhandhassa nirodho hoti.
‘‘сзяяат̇ааби , аананд̣̇а, махааругко. ат̇а бурисо ааг̇ажчзяяа гуд̣̇д̣̇аалабидагам̣ аад̣̇ааяа. со д̇ам̣ ругкам̣ муулз чинд̣̇зяяа, муулз чзд̇ваа баликан̣зяяа, баликан̣ид̇ваа муулаани уд̣̇д̇харзяяа анд̇амасо усийранаал̣имад̇д̇ааниби. со д̇ам̣ ругкам̣ кан̣д̣аакан̣д̣игам̣ чинд̣̇зяяа. кан̣д̣аакан̣д̣игам̣ чинд̣̇ид̇ваа паалзяяа; паалзд̇ваа сагалигам̣ сагалигам̣ гарзяяа, сагалигам̣ сагалигам̣ гарид̇ваа ваад̇аад̇абз висосзяяа, ваад̇аад̇абз висосзд̇ваа аг̇г̇инаа д̣ахзяяа, аг̇г̇инаа д̣ахзд̇ваа масим̣ гарзяяа, масим̣ гарид̇ваа махааваад̇з ваа опун̣зяяа, над̣̇ияаа ваа сийгхасод̇ааяа баваахзяяа. зван̃хи со, аананд̣̇а, махааругко ужчиннамууло асса д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо . звамзва ко, аананд̣̇а, убаад̣̇ааниязсу д̇хаммзсу аад̣̇ийнаваанубассино вихарад̇о д̇ан̣хаа нируж̇жхад̇и. д̇ан̣хаанирод̇хаа убаад̣̇аананирод̇хо; убаад̣̇аананирод̇хаа бхаванирод̇хо; бхаванирод̇хаа ж̇аад̇инирод̇хо; ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇ий’’д̇и. д̣̇асамам̣.
‘‘Seyyathāpi , ānanda, mahārukkho. Atha puriso āgaccheyya kuddālapiṭakaṃ ādāya. So taṃ rukkhaṃ mūle chindeyya, mūle chetvā palikhaṇeyya, palikhaṇitvā mūlāni uddhareyya antamaso usīranāḷimattānipi. So taṃ rukkhaṃ khaṇḍākhaṇḍikaṃ chindeyya. Khaṇḍākhaṇḍikaṃ chinditvā phāleyya; phāletvā sakalikaṃ sakalikaṃ kareyya, sakalikaṃ sakalikaṃ karitvā vātātape visoseyya, vātātape visosetvā agginā ḍaheyya, agginā ḍahetvā masiṃ kareyya, masiṃ karitvā mahāvāte vā ophuṇeyya, nadiyā vā sīghasotāya pavāheyya. Evañhi so, ānanda, mahārukkho ucchinnamūlo assa tālāvatthukato anabhāvaṅkato āyatiṃ anuppādadhammo . Evameva kho, ānanda, upādāniyesu dhammesu ādīnavānupassino viharato taṇhā nirujjhati. Taṇhānirodhā upādānanirodho; upādānanirodhā bhavanirodho; bhavanirodhā jātinirodho; jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hotī’’ti. Dasamaṃ.
д̣̇угкаваг̇г̇о чадто.
Dukkhavaggo chaṭṭho.
д̇ассуд̣̇д̣̇аанам̣ –
Tassuddānaṃ –
баривиймам̣санубаад̣̇аанам̣, д̣̇вз жа сам̣яож̇анаани жа;
Parivīmaṃsanupādānaṃ, dve ca saṃyojanāni ca;
махааругкзна д̣̇вз вуд̇д̇аа, д̇арун̣зна жа сад̇д̇амам̣;
Mahārukkhena dve vuttā, taruṇena ca sattamaṃ;
наамаруубан̃жа вин̃н̃аан̣ам̣, нид̣̇аанзна жа д̇з д̣̇асаад̇и.
Nāmarūpañca viññāṇaṃ, nidānena ca te dasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. нид̣̇аанасуд̇д̇аван̣н̣анаа • 10. Nidānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. нид̣̇аанасуд̇д̇аван̣н̣анаа • 10. Nidānasuttavaṇṇanā
