| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
10. нид̣̇аанасуд̇д̇аван̣н̣анаа
10. Nidānasuttavaṇṇanā
60. д̣̇асамз гуруусу вихарад̇ийд̇и гурууд̇и звам̣ б̣ахуважанавасзна лад̣̇д̇хавохаарз ж̇анабад̣̇з вихарад̇и. гаммаасад̇хаммам̣ наама гуруунам̣ ниг̇амод̇и звам̣наамаго гуруунам̣ ниг̇амо, д̇ам̣ г̇ожараг̇аамам̣ гад̇ваад̇и ад̇т̇о. ааяасмаад̇и бияаважанамзд̇ам̣ г̇аруважанамзд̇ам̣. аананд̣̇од̇и д̇асса т̇зрасса наамам̣. згаманд̇ам̣ нисийд̣̇ийд̇и ча нисаж̇ж̇ад̣̇осз виваж̇ж̇знд̇о д̣̇агкин̣аж̇аан̣уман̣д̣аласса абхимукадтаанз чаб̣б̣ан̣н̣аанам̣ б̣уд̣̇д̇харасмийнам̣ анд̇о бависид̇ваа басанналаакаарасам̣ виг̇ааханд̇о вияа суван̣н̣абадам̣ баарубанд̇о вияа рад̇д̇агамб̣алавид̇аанамаж̇жхам̣ бависанд̇о вияа д̇хаммабхан̣д̣ааг̇аариго ааяасмаа аананд̣̇о нисийд̣̇и. д̇зна вуд̇д̇ам̣ ‘‘згаманд̇ам̣ нисийд̣̇ий’’д̇и.
60. Dasame kurūsu viharatīti kurūti evaṃ bahuvacanavasena laddhavohāre janapade viharati. Kammāsadhammaṃ nāma kurūnaṃ nigamoti evaṃnāmako kurūnaṃ nigamo, taṃ gocaragāmaṃ katvāti attho. Āyasmāti piyavacanametaṃ garuvacanametaṃ. Ānandoti tassa therassa nāmaṃ. Ekamantaṃ nisīdīti cha nisajjadose vivajjento dakkhiṇajāṇumaṇḍalassa abhimukhaṭṭhāne chabbaṇṇānaṃ buddharasmīnaṃ anto pavisitvā pasannalākhārasaṃ vigāhanto viya suvaṇṇapaṭaṃ pārupanto viya rattakambalavitānamajjhaṃ pavisanto viya dhammabhaṇḍāgāriko āyasmā ānando nisīdi. Tena vuttaṃ ‘‘ekamantaṃ nisīdī’’ti.
гааяа бана взлааяа гзна гааран̣зна аяамааяасмаа бхаг̇аванд̇ам̣ убасан̇гаманд̇од̇и? сааяанхавзлааяа бажжаяаагаарабан̃хам̣ бужчанагааран̣зна. д̇ам̣ д̣̇ивасам̣ гира аяамааяасмаа гуласан̇г̇ахад̇т̇ааяа гхарад̣̇ваарз гхарад̣̇ваарз сахассабхан̣д̣игам̣ нигкибанд̇о вияа гаммаасад̇хаммам̣ бин̣д̣ааяа жарид̇ваа бин̣д̣абаад̇абадигганд̇о сад̇т̇у вад̇д̇ам̣ д̣̇ассзд̇ваа сад̇т̇ари г̇анд̇хагудим̣ бавидтз сад̇т̇аарам̣ ванд̣̇ид̇ваа ад̇д̇ано д̣̇иваадтаанам̣ г̇анд̇ваа анд̇зваасигзсу вад̇д̇ам̣ д̣̇ассзд̇ваа бадигганд̇зсу д̣̇иваадтаанам̣ бадисаммаж̇ж̇ид̇ваа жаммагкан̣д̣ам̣ бан̃н̃абзд̇ваа уд̣̇агад̇умб̣ад̇о уд̣̇агзна хад̇т̇абаад̣̇з сийд̇алам̣ гад̇ваа баллан̇гам̣ аабхуж̇ид̇ваа нисинно сод̇аабад̇д̇ипаласамаабад̇д̇им̣ самаабаж̇ж̇ид̇ваа. ат̇а барижчиннагаалавасзна самаабад̇д̇ид̇о вудтааяа бажжаяаагаарз н̃аан̣ам̣ од̇аарзси. со ‘‘авиж̇ж̇аабажжаяаа сан̇каараа’’д̇иаад̣̇ид̇о бадтааяа анд̇ам̣, анд̇ад̇о бадтааяа аад̣̇им̣, убхаяанд̇ад̇о бадтааяа маж̇жхам̣, маж̇жхад̇о бадтааяа убхо анд̇з баабзнд̇о д̇игкад̇д̇ум̣ д̣̇ваад̣̇асабад̣̇ам̣ бажжаяаагаарам̣ саммаси. д̇ассзвам̣ саммасанд̇асса бажжаяаагааро вибхууд̇о худ̇ваа уд̇д̇аанагуд̇д̇аанаго вияа убадтааси. д̇ад̇о жинд̇зси – ‘‘аяам̣ бажжаяаагааро саб̣б̣аб̣уд̣̇д̇хзхи г̇амбхийро жзва г̇амбхийраавабхаасо жаад̇и гат̇ид̇о, маяхам̣ ко бана бад̣̇зсан̃аан̣з тид̇асса саавагасса сад̇о уд̇д̇аано вияа вибхууд̇о баагадо худ̇ваа убадтаад̇и, маяхам̣язва ну ко зса уд̇д̇аанаго вияа убадтаад̇и, уд̣̇ааху ан̃н̃зсамбийд̇и ад̇д̇ано убадтаанагааран̣ам̣ сад̇т̇у аарожзссаамий’’д̇и нисиннадтаанад̇о удтааяа жаммагкан̣д̣ам̣ бабподзд̇ваа аад̣̇ааяа сааяанхасамаяз бхаг̇аванд̇ам̣ убасан̇гами. д̇зна вуд̇д̇ам̣ – ‘‘сааяанхавзлааяам̣ бажжаяаагаарабан̃хам̣ бужчанагааран̣зна убасан̇гаманд̇о’’д̇и.
Kāya pana velāya kena kāraṇena ayamāyasmā bhagavantaṃ upasaṅkamantoti? Sāyanhavelāya paccayākārapañhaṃ pucchanakāraṇena. Taṃ divasaṃ kira ayamāyasmā kulasaṅgahatthāya gharadvāre gharadvāre sahassabhaṇḍikaṃ nikkhipanto viya kammāsadhammaṃ piṇḍāya caritvā piṇḍapātapaṭikkanto satthu vattaṃ dassetvā satthari gandhakuṭiṃ paviṭṭhe satthāraṃ vanditvā attano divāṭṭhānaṃ gantvā antevāsikesu vattaṃ dassetvā paṭikkantesu divāṭṭhānaṃ paṭisammajjitvā cammakkhaṇḍaṃ paññapetvā udakatumbato udakena hatthapāde sītalaṃ katvā pallaṅkaṃ ābhujitvā nisinno sotāpattiphalasamāpattiṃ samāpajjitvā. Atha paricchinnakālavasena samāpattito vuṭṭhāya paccayākāre ñāṇaṃ otāresi. So ‘‘avijjāpaccayā saṅkhārā’’tiādito paṭṭhāya antaṃ, antato paṭṭhāya ādiṃ, ubhayantato paṭṭhāya majjhaṃ, majjhato paṭṭhāya ubho ante pāpento tikkhattuṃ dvādasapadaṃ paccayākāraṃ sammasi. Tassevaṃ sammasantassa paccayākāro vibhūto hutvā uttānakuttānako viya upaṭṭhāsi. Tato cintesi – ‘‘ayaṃ paccayākāro sabbabuddhehi gambhīro ceva gambhīrāvabhāso cāti kathito, mayhaṃ kho pana padesañāṇe ṭhitassa sāvakassa sato uttāno viya vibhūto pākaṭo hutvā upaṭṭhāti, mayhaṃyeva nu kho esa uttānako viya upaṭṭhāti, udāhu aññesampīti attano upaṭṭhānakāraṇaṃ satthu ārocessāmī’’ti nisinnaṭṭhānato uṭṭhāya cammakkhaṇḍaṃ papphoṭetvā ādāya sāyanhasamaye bhagavantaṃ upasaṅkami. Tena vuttaṃ – ‘‘sāyanhavelāyaṃ paccayākārapañhaṃ pucchanakāraṇena upasaṅkamanto’’ti.
яаава г̇амбхийрод̇и зд̇т̇а яаавасад̣̇д̣̇о бамаан̣аад̇иггамз. ад̇иггамма бамаан̣ам̣ г̇амбхийро, ад̇иг̇амбхийрод̇и ад̇т̇о. г̇амбхийраавабхаасод̇и г̇амбхийрова худ̇ваа авабхаасад̇и, д̣̇иссад̇ийд̇и ад̇т̇о. зган̃хи уд̇д̇аанамзва г̇амбхийраавабхаасам̣ ход̇и бууд̇ибан̣н̣арасавасзна гаал̣аван̣н̣ам̣ бураан̣ауд̣̇агам̣ вияа. д̇ан̃хи ж̇аан̣уббамаан̣амби сад̇аборисам̣ вияа д̣̇иссад̇и. згам̣ г̇амбхийрам̣ уд̇д̇аанаавабхаасам̣ ход̇и ман̣ибхаасам̣ виббасаннауд̣̇агам̣ вияа. д̇ан̃хи сад̇аборисамби ж̇аан̣уббамаан̣ам̣ вияа кааяад̇и. згам̣ уд̇д̇аанам̣ уд̇д̇аанаавабхаасам̣ ход̇и баад̇иаад̣̇ийсу уд̣̇агам̣ вияа. згам̣ г̇амбхийрам̣ г̇амбхийраавабхаасам̣ ход̇и синзрубаад̣̇агамахаасамуд̣̇д̣̇з уд̣̇агам̣ вияа. звам̣ уд̣̇агамзва жад̇д̇аари наамаани лабхад̇и. бадижжасамуббаад̣̇з банзд̇ам̣ над̇т̇и. аяан̃хи г̇амбхийро жа г̇амбхийраавабхаасо жаад̇и згамзва наамам̣ лабхад̇и . зваруубо самааноби ат̇а жа бана мз уд̇д̇аанагуд̇д̇аанаго вияа кааяад̇и, д̇ад̣̇ид̣̇ам̣ ажчарияам̣, бханд̇з, аб̣бхуд̇ам̣, бханд̇зд̇и звам̣ ад̇д̇ано вимхаяам̣ багаасзнд̇о бан̃хам̣ бужчид̇ваа д̇ун̣хийбхууд̇о нисийд̣̇и.
Yāva gambhīroti ettha yāvasaddo pamāṇātikkame. Atikkamma pamāṇaṃ gambhīro, atigambhīroti attho. Gambhīrāvabhāsoti gambhīrova hutvā avabhāsati, dissatīti attho. Ekañhi uttānameva gambhīrāvabhāsaṃ hoti pūtipaṇṇarasavasena kāḷavaṇṇaṃ purāṇaudakaṃ viya. Tañhi jāṇuppamāṇampi sataporisaṃ viya dissati. Ekaṃ gambhīraṃ uttānāvabhāsaṃ hoti maṇibhāsaṃ vippasannaudakaṃ viya. Tañhi sataporisampi jāṇuppamāṇaṃ viya khāyati. Ekaṃ uttānaṃ uttānāvabhāsaṃ hoti pātiādīsu udakaṃ viya. Ekaṃ gambhīraṃ gambhīrāvabhāsaṃ hoti sinerupādakamahāsamudde udakaṃ viya. Evaṃ udakameva cattāri nāmāni labhati. Paṭiccasamuppāde panetaṃ natthi. Ayañhi gambhīro ca gambhīrāvabhāso cāti ekameva nāmaṃ labhati . Evarūpo samānopi atha ca pana me uttānakuttānako viya khāyati, tadidaṃ acchariyaṃ, bhante, abbhutaṃ, bhanteti evaṃ attano vimhayaṃ pakāsento pañhaṃ pucchitvā tuṇhībhūto nisīdi.
бхаг̇аваа д̇асса важанам̣ суд̇ваа ‘‘аананд̣̇о бхаваг̇г̇аг̇ахан̣ааяа хад̇т̇ам̣ басаарзнд̇о вияа синзрум̣ бхинд̣̇ид̇ваа мин̃ж̇ам̣ нийхарид̇ум̣ вааяамамаано вияа винаа наавааяа махаасамуд̣̇д̣̇ам̣ д̇арид̇угаамо вияа бат̇авим̣ баривад̇д̇зд̇ваа бат̇авож̇ам̣ г̇ахзд̇ум̣ вааяамамаано вияа б̣уд̣̇д̇хависаяам̣ бан̃хам̣ ад̇д̇ано уд̇д̇аануд̇д̇аананд̇и вад̣̇ад̇и, ханд̣̇асса г̇амбхийрабхаавам̣ аажигкаамий’’д̇и жинд̇зд̇ваа маа хзванд̇иаад̣̇имааха.
Bhagavā tassa vacanaṃ sutvā ‘‘ānando bhavaggagahaṇāya hatthaṃ pasārento viya sineruṃ bhinditvā miñjaṃ nīharituṃ vāyamamāno viya vinā nāvāya mahāsamuddaṃ taritukāmo viya pathaviṃ parivattetvā pathavojaṃ gahetuṃ vāyamamāno viya buddhavisayaṃ pañhaṃ attano uttānuttānanti vadati, handassa gambhīrabhāvaṃ ācikkhāmī’’ti cintetvā mā hevantiādimāha.
д̇ад̇т̇а маа хзванд̇и ха-гааро нибаад̇амад̇д̇ам̣, звам̣ маа бхан̣ийд̇и ад̇т̇о. ‘‘маа хзва’’нд̇и жа ид̣̇ам̣ важанам̣ бхаг̇аваа ааяасманд̇ам̣ аананд̣̇ам̣ уссаад̣̇знд̇оби бхан̣ад̇и абасаад̣̇знд̇оби. д̇ад̇т̇а уссаад̣̇знд̇обийд̇и, аананд̣̇а, д̇вам̣ махаабан̃н̃о висад̣̇ан̃аан̣о, д̇зна д̇з г̇амбхийроби бадижжасамуббаад̣̇о уд̇д̇аанаго вияа кааяад̇и, ан̃н̃зсам̣ банзса уд̇д̇аанагод̇и на саллагкзд̇аб̣б̣о, г̇амбхийроязва жа со г̇амбхийраавабхаасо жа.
Tattha mā hevanti ha-kāro nipātamattaṃ, evaṃ mā bhaṇīti attho. ‘‘Mā heva’’nti ca idaṃ vacanaṃ bhagavā āyasmantaṃ ānandaṃ ussādentopi bhaṇati apasādentopi. Tattha ussādentopīti, ānanda, tvaṃ mahāpañño visadañāṇo, tena te gambhīropi paṭiccasamuppādo uttānako viya khāyati, aññesaṃ panesa uttānakoti na sallakkhetabbo, gambhīroyeva ca so gambhīrāvabhāso ca.
д̇ад̇т̇а жад̇ассо убамаа вад̣̇анд̇и – ча маасз субхож̇анарасабудтасса гира гад̇аяог̇асса махаамалласса самаж̇ж̇асамаяз гад̇амаллабаасаан̣абарижаяасса яуд̣̇д̇хабхуумим̣ г̇ажчанд̇асса анд̇араа маллабаасаан̣ам̣ д̣̇ассзсум̣. со ‘‘гим̣ зд̇а’’нд̇и ааха. маллабаасаан̣од̇и. аахарат̇а нанд̇и. ‘‘угкибид̇ум̣ на саггомаа’’д̇и вуд̇д̇з саяам̣ г̇анд̇ваа ‘‘гухим̣ имасса бхаарияадтаана’’нд̇и вад̇ваа д̣̇вийхи хад̇т̇зхи д̣̇вз баасаан̣з угкибид̇ваа гийл̣ааг̇ул̣з вияа кибид̇ваа аг̇амааси. д̇ад̇т̇а малласса маллабаасаан̣о лахугод̇и на ан̃н̃зсамби лахугод̇и вад̇д̇аб̣б̣о. ча маасз субхож̇анарасабудто малло вияа хи габбасад̇асахассам̣ абхинийхаарасамбанно ааяасмаа аананд̣̇о. яат̇аа малласса махааб̣алад̇ааяа маллабаасаан̣о лахуго, звам̣ т̇зрасса махаабан̃н̃ад̇ааяа бадижжасамуббаад̣̇о уд̇д̇аанод̇и вад̇д̇аб̣б̣о, со ан̃н̃зсам̣ уд̇д̇аанод̇и на вад̇д̇аб̣б̣о.
Tattha catasso upamā vadanti – cha māse subhojanarasapuṭṭhassa kira katayogassa mahāmallassa samajjasamaye katamallapāsāṇaparicayassa yuddhabhūmiṃ gacchantassa antarā mallapāsāṇaṃ dassesuṃ. So ‘‘kiṃ eta’’nti āha. Mallapāsāṇoti. Āharatha nanti. ‘‘Ukkhipituṃ na sakkomā’’ti vutte sayaṃ gantvā ‘‘kuhiṃ imassa bhāriyaṭṭhāna’’nti vatvā dvīhi hatthehi dve pāsāṇe ukkhipitvā kīḷāguḷe viya khipitvā agamāsi. Tattha mallassa mallapāsāṇo lahukoti na aññesampi lahukoti vattabbo. Cha māse subhojanarasapuṭṭho mallo viya hi kappasatasahassaṃ abhinīhārasampanno āyasmā ānando. Yathā mallassa mahābalatāya mallapāsāṇo lahuko, evaṃ therassa mahāpaññatāya paṭiccasamuppādo uttānoti vattabbo, so aññesaṃ uttānoti na vattabbo.
махаасамуд̣̇д̣̇з жа д̇ими наама махаамажчо д̣̇вияож̇анасад̇иго, д̇имин̇г̇ало д̇ияож̇анасад̇иго, д̇имирабин̇г̇ало бан̃жаяож̇анасад̇иго, аананд̣̇о д̇иминанд̣̇о аж̇жхаарохо махаад̇имийд̇и имз жад̇д̇ааро яож̇анасахассигаа. д̇ад̇т̇а д̇имирабин̇г̇алзнзва д̣̇ийбзнд̇и. д̇асса гира д̣̇агкин̣аган̣н̣ам̣ жаалзнд̇асса бан̃жаяож̇анасад̇з бад̣̇зсз уд̣̇агам̣ жалад̇и, д̇ат̇аа ваамаган̣н̣ам̣, д̇ат̇аа нан̇г̇удтам̣, д̇ат̇аа сийсам̣. д̣̇вз бана ган̣н̣з жаалзд̇ваа нан̇г̇удтзна бахарид̇ваа сийсам̣ абараабарам̣ гад̇ваа гийл̣ид̇ум̣ аарад̣̇д̇хасса сад̇д̇адтаяож̇анасад̇з таанз бхааж̇анз багкибид̇ваа уд̣̇д̇ханз ааробид̇ам̣ вияа уд̣̇агам̣ баггут̇ад̇и. яож̇анасад̇амад̇д̇з бад̣̇зсз уд̣̇агам̣ бидтим̣ чаад̣̇зд̇ум̣ на саггод̇и. со звам̣ вад̣̇зяяа – ‘‘аяам̣ махаасамуд̣̇д̣̇о г̇амбхийрод̇и вад̣̇анд̇и, гуд̇асса г̇амбхийрад̇аа, маяам̣ бидтимад̇д̇ажчаад̣̇анамби уд̣̇агам̣ на лабхаамаа’’д̇и. д̇ад̇т̇а гааяуубабаннасса д̇имирабин̇г̇аласса махаасамуд̣̇д̣̇о уд̇д̇аанод̇и ан̃н̃зсан̃жа куд̣̇д̣̇агамажчаанам̣ уд̇д̇аанод̇и на вад̇д̇аб̣б̣о, звамзва н̃аан̣уубабаннасса т̇зрасса бадижжасамуббаад̣̇о уд̇д̇аанод̇и ан̃н̃зсамби уд̇д̇аанод̇и на вад̇д̇аб̣б̣о. субан̣н̣арааж̇аа жа д̣̇ияад̣дхаяож̇анасад̇иго ход̇и. д̇асса д̣̇агкин̣абагко бан̃н̃аасаяож̇аниго ход̇и, д̇ат̇аа ваамабагко, бин̃чавадди жа садтияож̇анигаа, г̇ийваа д̇им̣саяож̇анигаа, мукам̣ наваяож̇анам̣, баад̣̇аа д̣̇ваад̣̇асаяож̇анигаа, д̇асмим̣ субан̣н̣аваад̇ам̣ д̣̇ассзд̇ум̣ аарад̣̇д̇хз сад̇д̇адтаяож̇анасад̇ам̣ таанам̣ наббаход̇и. со звам̣ вад̣̇зяяа – ‘‘аяам̣ аагаасо ананд̇од̇и вад̣̇анд̇и, гуд̇асса ананд̇ад̇аа, маяам̣ багкаваад̇аббад̇т̇аран̣огаасамби на лабхаамаа’’д̇и. д̇ад̇т̇а гааяуубабаннасса субан̣н̣аран̃н̃о аагаасо барид̇д̇од̇и ан̃н̃зсан̃жа куд̣̇д̣̇агабагкийнам̣ барид̇д̇од̇и на вад̇д̇аб̣б̣о, звамзва н̃аан̣уубабаннасса т̇зрасса бадижжасамуббаад̣̇о уд̇д̇аанод̇и ан̃н̃зсамби уд̇д̇аанод̇и на вад̇д̇аб̣б̣о.
Mahāsamudde ca timi nāma mahāmaccho dviyojanasatiko, timiṅgalo tiyojanasatiko, timirapiṅgalo pañcayojanasatiko, ānando timinando ajjhāroho mahātimīti ime cattāro yojanasahassikā. Tattha timirapiṅgaleneva dīpenti. Tassa kira dakkhiṇakaṇṇaṃ cālentassa pañcayojanasate padese udakaṃ calati, tathā vāmakaṇṇaṃ, tathā naṅguṭṭhaṃ, tathā sīsaṃ. Dve pana kaṇṇe cāletvā naṅguṭṭhena paharitvā sīsaṃ aparāparaṃ katvā kīḷituṃ āraddhassa sattaṭṭhayojanasate ṭhāne bhājane pakkhipitvā uddhane āropitaṃ viya udakaṃ pakkuthati. Yojanasatamatte padese udakaṃ piṭṭhiṃ chādetuṃ na sakkoti. So evaṃ vadeyya – ‘‘ayaṃ mahāsamuddo gambhīroti vadanti, kutassa gambhīratā, mayaṃ piṭṭhimattacchādanampi udakaṃ na labhāmā’’ti. Tattha kāyūpapannassa timirapiṅgalassa mahāsamuddo uttānoti aññesañca khuddakamacchānaṃ uttānoti na vattabbo, evameva ñāṇūpapannassa therassa paṭiccasamuppādo uttānoti aññesampi uttānoti na vattabbo. Supaṇṇarājā ca diyaḍḍhayojanasatiko hoti. Tassa dakkhiṇapakkho paññāsayojaniko hoti, tathā vāmapakkho, piñchavaṭṭi ca saṭṭhiyojanikā, gīvā tiṃsayojanikā, mukhaṃ navayojanaṃ, pādā dvādasayojanikā, tasmiṃ supaṇṇavātaṃ dassetuṃ āraddhe sattaṭṭhayojanasataṃ ṭhānaṃ nappahoti. So evaṃ vadeyya – ‘‘ayaṃ ākāso anantoti vadanti, kutassa anantatā, mayaṃ pakkhavātappattharaṇokāsampi na labhāmā’’ti. Tattha kāyūpapannassa supaṇṇarañño ākāso parittoti aññesañca khuddakapakkhīnaṃ parittoti na vattabbo, evameva ñāṇūpapannassa therassa paṭiccasamuppādo uttānoti aññesampi uttānoti na vattabbo.
рааху асуринд̣̇о бана баад̣̇анд̇ад̇о яаава гзсанд̇аа яож̇анаанам̣ жад̇д̇аари сахассаани адта жа сад̇аани хонд̇и. д̇асса д̣̇виннам̣ б̣аахаанам̣ анд̇арз д̣̇ваад̣̇асаяож̇анасад̇игам̣, б̣ахалад̇д̇зна чаяож̇анасад̇игам̣, хад̇т̇абаад̣̇ад̇алаани д̇ияож̇анасад̇игаани, д̇ат̇аа мукам̣, зган̇г̇улибаб̣б̣ам̣ бан̃н̃аасаяож̇анам̣, д̇ат̇аа бхамуганд̇арам̣, налаадам̣ д̇ияож̇анасад̇игам̣, сийсам̣ наваяож̇анасад̇игам̣. д̇асса махаасамуд̣̇д̣̇ам̣ од̇ин̣н̣асса г̇амбхийрам̣ уд̣̇агам̣ ж̇аан̣уббамаан̣ам̣ ход̇и. со звам̣ вад̣̇зяяа – ‘‘аяам̣ махаасамуд̣̇д̣̇о г̇амбхийрод̇и вад̣̇анд̇и. гуд̇асса г̇амбхийрад̇аа? маяам̣ ж̇аан̣уббадижчаад̣̇анамад̇д̇амби уд̣̇агам̣ на лабхаамаа’’д̇и. д̇ад̇т̇а гааяуубабаннасса раахуно махаасамуд̣̇д̣̇о уд̇д̇аанод̇и ан̃н̃зсан̃жа уд̇д̇аанод̇и на вад̇д̇аб̣б̣о. звамзва н̃аан̣уубабаннасса т̇зрасса бадижжасамуббаад̣̇о уд̇д̇аанод̇и ан̃н̃зсамби уд̇д̇аанод̇и на вад̇д̇аб̣б̣о. зд̇амад̇т̇ам̣ санд̇хааяа бхаг̇аваа маа хзвам̣, аананд̣̇а, маа хзвам̣, аананд̣̇аад̇и ааха.
Rāhu asurindo pana pādantato yāva kesantā yojanānaṃ cattāri sahassāni aṭṭha ca satāni honti. Tassa dvinnaṃ bāhānaṃ antare dvādasayojanasatikaṃ, bahalattena chayojanasatikaṃ, hatthapādatalāni tiyojanasatikāni, tathā mukhaṃ, ekaṅgulipabbaṃ paññāsayojanaṃ, tathā bhamukantaraṃ, nalāṭaṃ tiyojanasatikaṃ, sīsaṃ navayojanasatikaṃ. Tassa mahāsamuddaṃ otiṇṇassa gambhīraṃ udakaṃ jāṇuppamāṇaṃ hoti. So evaṃ vadeyya – ‘‘ayaṃ mahāsamuddo gambhīroti vadanti. Kutassa gambhīratā? Mayaṃ jāṇuppaṭicchādanamattampi udakaṃ na labhāmā’’ti. Tattha kāyūpapannassa rāhuno mahāsamuddo uttānoti aññesañca uttānoti na vattabbo. Evameva ñāṇūpapannassa therassa paṭiccasamuppādo uttānoti aññesampi uttānoti na vattabbo. Etamatthaṃ sandhāya bhagavā mā hevaṃ, ānanda, mā hevaṃ, ānandāti āha.
т̇зрасса хи жад̇уухи гааран̣зхи г̇амбхийро бадижжасамуббаад̣̇о уд̇д̇аанод̇и убадтааси. гад̇амзхи жад̇уухи? буб̣б̣уубаниссаяасамбад̇д̇ияаа д̇ид̇т̇аваасзна сод̇аабаннад̇ааяа б̣ахуссуд̇абхаавзнаад̇и.
Therassa hi catūhi kāraṇehi gambhīro paṭiccasamuppādo uttānoti upaṭṭhāsi. Katamehi catūhi? Pubbūpanissayasampattiyā titthavāsena sotāpannatāya bahussutabhāvenāti.
ид̇о гира сад̇асахассимз габбз бад̣̇умуд̇д̇аро наама сад̇т̇аа логз уббаж̇ж̇и. д̇асса хам̣савад̇ий наама наг̇арам̣ ахоси, аананд̣̇о наама рааж̇аа бид̇аа, сумзд̇хаа наама д̣̇звий маад̇аа, б̣од̇хисад̇д̇о уд̇д̇арагумааро наама ахоси. со буд̇д̇асса ж̇аад̇ад̣̇ивасз махаабхинигкаманам̣ нигкамма баб̣б̣аж̇ид̇ваа бад̇хаанамануяуд̇д̇о ануггамзна саб̣б̣ан̃н̃уд̇ам̣ бад̇ваа, ‘‘анзгаж̇аад̇исам̣саара’’нд̇и уд̣̇аанам̣ уд̣̇аанзд̇ваа сад̇д̇аахам̣ б̣од̇хибаллан̇гз вийд̇инаамзд̇ваа ‘‘бат̇авияам̣ баад̣̇ам̣ табзссаамий’’д̇и баад̣̇ам̣ абхинийхари. ат̇а бат̇авим̣ бхинд̣̇ид̇ваа маханд̇ам̣ бад̣̇умам̣ удтааси. д̇асса д̇хурабад̇д̇аани навуд̇ихад̇т̇аани, гзсарам̣ д̇им̣сахад̇т̇ам̣, ган̣н̣игаа д̣̇ваад̣̇асахад̇т̇аа, навагхадаббамаан̣аа рзн̣у ахоси.
Ito kira satasahassime kappe padumuttaro nāma satthā loke uppajji. Tassa haṃsavatī nāma nagaraṃ ahosi, ānando nāma rājā pitā, sumedhā nāma devī mātā, bodhisatto uttarakumāro nāma ahosi. So puttassa jātadivase mahābhinikkhamanaṃ nikkhamma pabbajitvā padhānamanuyutto anukkamena sabbaññutaṃ patvā, ‘‘anekajātisaṃsāra’’nti udānaṃ udānetvā sattāhaṃ bodhipallaṅke vītināmetvā ‘‘pathaviyaṃ pādaṃ ṭhapessāmī’’ti pādaṃ abhinīhari. Atha pathaviṃ bhinditvā mahantaṃ padumaṃ uṭṭhāsi. Tassa dhurapattāni navutihatthāni, kesaraṃ tiṃsahatthaṃ, kaṇṇikā dvādasahatthā, navaghaṭappamāṇā reṇu ahosi.
сад̇т̇аа бана уб̣б̣зд̇хад̇о адтабан̃н̃аасахад̇т̇о ахоси, д̇асса убхиннам̣ б̣аахаанаманд̇арам̣ адтаарасахад̇т̇ам̣, налаадам̣ бан̃жахад̇т̇ам̣, хад̇т̇абаад̣̇аа згаад̣̇асахад̇т̇аа. д̇асса згаад̣̇асахад̇т̇зна баад̣̇зна д̣̇ваад̣̇асахад̇т̇ааяа ган̣н̣игааяа агганд̇амад̇д̇ааяа навагхадаббамаан̣аа рзн̣у удтааяа адтабан̃н̃аасахад̇т̇ам̣ бад̣̇зсам̣ уг̇г̇анд̇ваа огин̣н̣аманосилаажун̣н̣ам̣ вияа бажжогин̣н̣ам̣. д̇ад̣̇убаад̣̇ааяа бхаг̇аваа ‘‘бад̣̇умуд̇д̇аро’’д̇взва бан̃н̃ааяид̇т̇а. д̇асса д̣̇звило жа суж̇аад̇о жа д̣̇вз аг̇г̇асаавагаа ахзсум̣, амид̇аа жа асамаа жа д̣̇вз аг̇г̇асаавигаа, сумано наама убадтааго. бад̣̇умуд̇д̇аро бхаг̇аваа бид̇усан̇г̇ахам̣ гурумаано бхигкусад̇асахассабаривааро хам̣савад̇ияаа рааж̇ад̇хаанияаа васад̇и.
Satthā pana ubbedhato aṭṭhapaññāsahattho ahosi, tassa ubhinnaṃ bāhānamantaraṃ aṭṭhārasahatthaṃ, nalāṭaṃ pañcahatthaṃ, hatthapādā ekādasahatthā. Tassa ekādasahatthena pādena dvādasahatthāya kaṇṇikāya akkantamattāya navaghaṭappamāṇā reṇu uṭṭhāya aṭṭhapaññāsahatthaṃ padesaṃ uggantvā okiṇṇamanosilācuṇṇaṃ viya paccokiṇṇaṃ. Tadupādāya bhagavā ‘‘padumuttaro’’tveva paññāyittha. Tassa devilo ca sujāto ca dve aggasāvakā ahesuṃ, amitā ca asamā ca dve aggasāvikā, sumano nāma upaṭṭhāko. Padumuttaro bhagavā pitusaṅgahaṃ kurumāno bhikkhusatasahassaparivāro haṃsavatiyā rājadhāniyā vasati.
ганидтабхаад̇аа банасса суманагумааро наама. д̇асса рааж̇аа хам̣савад̇ид̇о вийсаяож̇анасад̇з бхог̇ам̣ ад̣̇ааси. со гад̣̇аажи ааг̇анд̇ваа бид̇аран̃жа сад̇т̇ааран̃жа бассад̇и. ат̇згад̣̇ивасам̣ бажжанд̇о губид̇о. сумано ран̃н̃о саасанам̣ бзсзси. рааж̇аа ‘‘д̇вам̣ маяаа, д̇аад̇а, гасмаа табид̇о’’д̇и бадибзсзси. со жорз вуубасамзд̇ваа ‘‘убасанд̇о, д̣̇зва, ж̇анабад̣̇о’’д̇и ран̃н̃о бзсзси. рааж̇аа д̇удто ‘‘сийгхам̣ мама буд̇д̇о ааг̇ажчад̇уу’’д̇и ааха. д̇асса сахассамад̇д̇аа амажжаа хонд̇и. со д̇зхи сад̣̇д̇хим̣ анд̇араамаг̇г̇з манд̇зси – ‘‘маяхам̣ бид̇аа д̇удто сажз мз варам̣ д̣̇зд̇и, гим̣ г̇ан̣хаамий’’д̇и? ат̇а нам̣ згажжз ‘‘хад̇т̇им̣ г̇ан̣хат̇а, ассам̣ г̇ан̣хат̇а, ж̇анабад̣̇ам̣ г̇ан̣хат̇а, сад̇д̇арад̇анаани г̇ан̣хат̇аа’’д̇и аахам̣су. абарз ‘‘д̇умхз бат̇ависсарасса буд̇д̇аа, на д̇умхаагам̣ д̇ханам̣ д̣̇уллабхам̣, лад̣̇д̇хамби жзд̇ам̣ саб̣б̣ам̣ бахааяа г̇аманийяам̣, бун̃н̃амзва згам̣ аад̣̇ааяа г̇аманийяам̣, д̇асмаа д̣̇звз варам̣ д̣̇ад̣̇амаанз д̇змаасам̣ бад̣̇умуд̇д̇арам̣ бхаг̇аванд̇ам̣ убадтаад̇ум̣ варам̣ г̇ан̣хат̇аа’’д̇и. со ‘‘д̇умхз маяхам̣ галяаан̣амид̇д̇аа наама, мамзд̇ам̣ жид̇д̇ам̣ над̇т̇и, д̇умхзхи бана уббаад̣̇ид̇ам̣, звам̣ гариссаамий’’д̇и, г̇анд̇ваа бид̇арам̣ ванд̣̇ид̇ваа бид̇араа аалин̇г̇зд̇ваа, мад̇т̇агз жумб̣ид̇ваа ‘‘варам̣ д̇з, буд̇д̇а, д̣̇змий’’д̇и вуд̇д̇з ‘‘ижчаамахам̣, махаарааж̇а, бхаг̇аванд̇ам̣ д̇змаасам̣ жад̇уухи бажжаязхи убадтаханд̇о ж̇ийвид̇ам̣ аван̃жхам̣ гаад̇ум̣, ид̣̇ам̣ мз варам̣ д̣̇зхий’’д̇и ааха. на саггаа, д̇аад̇а, ан̃н̃ам̣ варзхийд̇и. д̣̇зва, кад̇д̇ияаанам̣ наама д̣̇взгат̇аа над̇т̇и, зд̇амзва мз д̣̇зхи, на маман̃н̃зна ад̇т̇од̇и. д̇аад̇а, б̣уд̣̇д̇хаанам̣ наама жид̇д̇ам̣ д̣̇уж̇ж̇аанам̣, сажз бхаг̇аваа на ижчиссад̇и, маяаа д̣̇иннамби гим̣ бхависсад̇ийд̇и? ‘‘саад̇ху, д̣̇зва, ахам̣ бхаг̇авад̇о жид̇д̇ам̣ ж̇ааниссаамий’’д̇и вихаарам̣ г̇ад̇о.
Kaniṭṭhabhātā panassa sumanakumāro nāma. Tassa rājā haṃsavatito vīsayojanasate bhogaṃ adāsi. So kadāci āgantvā pitarañca satthārañca passati. Athekadivasaṃ paccanto kupito. Sumano rañño sāsanaṃ pesesi. Rājā ‘‘tvaṃ mayā, tāta, kasmā ṭhapito’’ti paṭipesesi. So core vūpasametvā ‘‘upasanto, deva, janapado’’ti rañño pesesi. Rājā tuṭṭho ‘‘sīghaṃ mama putto āgacchatū’’ti āha. Tassa sahassamattā amaccā honti. So tehi saddhiṃ antarāmagge mantesi – ‘‘mayhaṃ pitā tuṭṭho sace me varaṃ deti, kiṃ gaṇhāmī’’ti? Atha naṃ ekacce ‘‘hatthiṃ gaṇhatha, assaṃ gaṇhatha, janapadaṃ gaṇhatha, sattaratanāni gaṇhathā’’ti āhaṃsu. Apare ‘‘tumhe pathavissarassa puttā, na tumhākaṃ dhanaṃ dullabhaṃ, laddhampi cetaṃ sabbaṃ pahāya gamanīyaṃ, puññameva ekaṃ ādāya gamanīyaṃ, tasmā deve varaṃ dadamāne temāsaṃ padumuttaraṃ bhagavantaṃ upaṭṭhātuṃ varaṃ gaṇhathā’’ti. So ‘‘tumhe mayhaṃ kalyāṇamittā nāma, mametaṃ cittaṃ natthi, tumhehi pana uppāditaṃ, evaṃ karissāmī’’ti, gantvā pitaraṃ vanditvā pitarā āliṅgetvā, matthake cumbitvā ‘‘varaṃ te, putta, demī’’ti vutte ‘‘icchāmahaṃ, mahārāja, bhagavantaṃ temāsaṃ catūhi paccayehi upaṭṭhahanto jīvitaṃ avañjhaṃ kātuṃ, idaṃ me varaṃ dehī’’ti āha. Na sakkā, tāta, aññaṃ varehīti. Deva, khattiyānaṃ nāma dvekathā natthi, etameva me dehi, na mamaññena atthoti. Tāta, buddhānaṃ nāma cittaṃ dujjānaṃ, sace bhagavā na icchissati, mayā dinnampi kiṃ bhavissatīti? ‘‘Sādhu, deva, ahaṃ bhagavato cittaṃ jānissāmī’’ti vihāraṃ gato.
д̇зна жа самаязна бхад̇д̇агижжам̣ нидтаабзд̇ваа бхаг̇аваа г̇анд̇хагудим̣ бавидто ход̇и. со ман̣д̣аламаал̣з саннисиннаанам̣ бхигкуунам̣ санд̇игам̣ аг̇амааси. д̇з нам̣ аахам̣су – ‘‘рааж̇абуд̇д̇а гасмаа ааг̇ад̇осий’’д̇и? бхаг̇аванд̇ам̣ д̣̇ассанааяа, д̣̇ассзт̇а мз бхаг̇аванд̇анд̇и. ‘‘на маяам̣, рааж̇абуд̇д̇а, ижчид̇ижчид̇агкан̣з сад̇т̇аарам̣ д̣̇адтум̣ лабхаамаа’’д̇и. го бана, бханд̇з, лабхад̇ийд̇и? суманад̇т̇зро наама рааж̇абуд̇д̇аад̇и. со ‘‘гухим̣ бханд̇з т̇зро’’д̇и? т̇зрасса нисиннадтаанам̣ бужчид̇ваа г̇анд̇ваа ванд̣̇ид̇ваа – ‘‘ижчаамахам̣, бханд̇з, бхаг̇аванд̇ам̣ бассид̇ум̣, д̣̇ассзт̇а мз бхаг̇аванд̇а’’нд̇и ааха. т̇зро ‘‘зхи, рааж̇абуд̇д̇аа’’д̇и д̇ам̣ г̇ахзд̇ваа г̇анд̇хагудибаривзн̣з табзд̇ваа г̇анд̇хагудим̣ аарухи. ат̇а нам̣ бхаг̇аваа ‘‘сумана, гасмаа ааг̇ад̇осий’’д̇и ааха. рааж̇абуд̇д̇о, бханд̇з, бхаг̇аванд̇ам̣ д̣̇ассанааяа ааг̇ад̇од̇и. д̇зна хи бхигку аасанам̣ бан̃н̃абзхийд̇и. т̇зро аасанам̣ бан̃н̃абзси. нисийд̣̇и бхаг̇аваа бан̃н̃ад̇д̇з аасанз. рааж̇абуд̇д̇о бхаг̇аванд̇ам̣ ванд̣̇ид̇ваа бадисант̇аарам̣ агааси, ‘‘гад̣̇аа ааг̇ад̇оси рааж̇абуд̇д̇аа’’д̇и? бханд̇з, д̇умхзсу г̇анд̇хагудим̣ бавидтзсу, бхигкуу бана ‘‘на маяам̣ ижчид̇ижчид̇агкан̣з бхаг̇аванд̇ам̣ д̣̇адтум̣ лабхаамаа’’д̇и мам̣ т̇зрасса санд̇игам̣ баахзсум̣, т̇зро бана згаважанзнзва д̣̇ассзси, т̇зро, бханд̇з, д̇умхаагам̣ саасанз валлабхо ман̃н̃зд̇и. аама, рааж̇агумаара, валлабхо зса бхигку маяхам̣ саасанзд̇и. бханд̇з, б̣уд̣̇д̇хаанам̣ саасанз гим̣ гад̇ваа валлабхо ход̇ийд̇и? д̣̇аанам̣ д̣̇ад̇ваа сийлам̣ самаад̣̇ияид̇ваа убосат̇агаммам̣ гад̇ваа, гумаараад̇и. бхаг̇аваа ахамби т̇зро вияа б̣уд̣̇д̇хасаасанз валлабхо ход̇угаамо, д̇змаасам̣ мз вассааваасам̣ ад̇хиваасзт̇аад̇и. бхаг̇аваа, ‘‘ад̇т̇и ну ко г̇ад̇зна ад̇т̇о’’д̇и ологзд̇ваа ‘‘ад̇т̇ий’’д̇и д̣̇исваа ‘‘сун̃н̃ааг̇аарз ко, рааж̇агумаара, д̇ат̇ааг̇ад̇аа абхираманд̇ий’’д̇и ааха. гумааро ‘‘ан̃н̃аад̇ам̣ бхаг̇аваа, ан̃н̃аад̇ам̣ суг̇ад̇аа’’д̇и вад̇ваа – ‘‘ахам̣, бханд̇з, буримад̇арам̣ г̇анд̇ваа вихаарам̣ гаарзми, маяаа бзсид̇з бхигкусад̇асахассзна сад̣̇д̇хим̣ ааг̇ажчат̇аа’’д̇и бадин̃н̃ам̣ г̇ахзд̇ваа бид̇у санд̇игам̣ г̇анд̇ваа, ‘‘д̣̇иннаа мз, д̣̇зва, бхаг̇авад̇аа бадин̃н̃аа, маяаа бахид̇з д̇умхз бхаг̇аванд̇ам̣ бзсзяяаат̇аа’’д̇и бид̇арам̣ ванд̣̇ид̇ваа нигкамид̇ваа яож̇анз яож̇анз вихаарам̣ гаарзд̇ваа вийсаяож̇анасад̇ам̣ ад̣̇д̇хаанам̣ г̇ад̇о. г̇анд̇ваа ад̇д̇ано наг̇арз вихаарадтаанам̣ вижинанд̇о собханасса наама гудумб̣игасса уяяаанам̣ д̣̇исваа сад̇асахассзна гин̣ид̇ваа сад̇асахассам̣ виссаж̇ж̇зд̇ваа вихаарам̣ гаарзси. д̇ад̇т̇а бхаг̇авад̇о г̇анд̇хагудим̣, сзсабхигкуунан̃жа рад̇д̇идтаанад̣̇иваадтаанад̇т̇ааяа гудилзн̣аман̣д̣абз гаараабзд̇ваа баагаарабаригкзбам̣ д̣̇ваарагодтаган̃жа нидтаабзд̇ваа бид̇у санд̇игам̣ бзсзси ‘‘нидтид̇ам̣ маяхам̣ гижжам̣, сад̇т̇аарам̣ бахин̣ат̇аа’’д̇и.
Tena ca samayena bhattakiccaṃ niṭṭhāpetvā bhagavā gandhakuṭiṃ paviṭṭho hoti. So maṇḍalamāḷe sannisinnānaṃ bhikkhūnaṃ santikaṃ agamāsi. Te naṃ āhaṃsu – ‘‘rājaputta kasmā āgatosī’’ti? Bhagavantaṃ dassanāya, dassetha me bhagavantanti. ‘‘Na mayaṃ, rājaputta, icchiticchitakkhaṇe satthāraṃ daṭṭhuṃ labhāmā’’ti. Ko pana, bhante, labhatīti? Sumanatthero nāma rājaputtāti. So ‘‘kuhiṃ bhante thero’’ti? Therassa nisinnaṭṭhānaṃ pucchitvā gantvā vanditvā – ‘‘icchāmahaṃ, bhante, bhagavantaṃ passituṃ, dassetha me bhagavanta’’nti āha. Thero ‘‘ehi, rājaputtā’’ti taṃ gahetvā gandhakuṭipariveṇe ṭhapetvā gandhakuṭiṃ āruhi. Atha naṃ bhagavā ‘‘sumana, kasmā āgatosī’’ti āha. Rājaputto, bhante, bhagavantaṃ dassanāya āgatoti. Tena hi bhikkhu āsanaṃ paññapehīti. Thero āsanaṃ paññapesi. Nisīdi bhagavā paññatte āsane. Rājaputto bhagavantaṃ vanditvā paṭisanthāraṃ akāsi, ‘‘kadā āgatosi rājaputtā’’ti? Bhante, tumhesu gandhakuṭiṃ paviṭṭhesu, bhikkhū pana ‘‘na mayaṃ icchiticchitakkhaṇe bhagavantaṃ daṭṭhuṃ labhāmā’’ti maṃ therassa santikaṃ pāhesuṃ, thero pana ekavacaneneva dassesi, thero, bhante, tumhākaṃ sāsane vallabho maññeti. Āma, rājakumāra, vallabho esa bhikkhu mayhaṃ sāsaneti. Bhante, buddhānaṃ sāsane kiṃ katvā vallabho hotīti? Dānaṃ datvā sīlaṃ samādiyitvā uposathakammaṃ katvā, kumārāti. Bhagavā ahampi thero viya buddhasāsane vallabho hotukāmo, temāsaṃ me vassāvāsaṃ adhivāsethāti. Bhagavā, ‘‘atthi nu kho gatena attho’’ti oloketvā ‘‘atthī’’ti disvā ‘‘suññāgāre kho, rājakumāra, tathāgatā abhiramantī’’ti āha. Kumāro ‘‘aññātaṃ bhagavā, aññātaṃ sugatā’’ti vatvā – ‘‘ahaṃ, bhante, purimataraṃ gantvā vihāraṃ kāremi, mayā pesite bhikkhusatasahassena saddhiṃ āgacchathā’’ti paṭiññaṃ gahetvā pitu santikaṃ gantvā, ‘‘dinnā me, deva, bhagavatā paṭiññā, mayā pahite tumhe bhagavantaṃ peseyyāthā’’ti pitaraṃ vanditvā nikkhamitvā yojane yojane vihāraṃ kāretvā vīsayojanasataṃ addhānaṃ gato. Gantvā attano nagare vihāraṭṭhānaṃ vicinanto sobhanassa nāma kuṭumbikassa uyyānaṃ disvā satasahassena kiṇitvā satasahassaṃ vissajjetvā vihāraṃ kāresi. Tattha bhagavato gandhakuṭiṃ, sesabhikkhūnañca rattiṭṭhānadivāṭṭhānatthāya kuṭileṇamaṇḍape kārāpetvā pākāraparikkhepaṃ dvārakoṭṭhakañca niṭṭhāpetvā pitu santikaṃ pesesi ‘‘niṭṭhitaṃ mayhaṃ kiccaṃ, satthāraṃ pahiṇathā’’ti.
рааж̇аа бхаг̇аванд̇ам̣ бхож̇зд̇ваа ‘‘бхаг̇аваа суманасса гижжам̣ нидтид̇ам̣, д̇умхаагам̣ ааг̇аманам̣ бажжаасийсад̇ий’’д̇и. бхаг̇аваа сад̇асахассабхигкубаривааро яож̇анз яож̇анз вихаарзсу васамаано аг̇амааси. гумааро ‘‘сад̇т̇аа ааг̇ажчад̇ий’’д̇и суд̇ваа яож̇анам̣ бажжуг̇г̇анд̇ваа г̇анд̇хамаалаад̣̇ийхи бууж̇аяамаано вихаарам̣ бавзсзд̇ваа –
Rājā bhagavantaṃ bhojetvā ‘‘bhagavā sumanassa kiccaṃ niṭṭhitaṃ, tumhākaṃ āgamanaṃ paccāsīsatī’’ti. Bhagavā satasahassabhikkhuparivāro yojane yojane vihāresu vasamāno agamāsi. Kumāro ‘‘satthā āgacchatī’’ti sutvā yojanaṃ paccuggantvā gandhamālādīhi pūjayamāno vihāraṃ pavesetvā –
‘‘сад̇асахассзна мз гийд̇ам̣, сад̇асахассзна маабид̇ам̣;
‘‘Satasahassena me kītaṃ, satasahassena māpitaṃ;
собханам̣ наама уяяаанам̣ бадиг̇г̇ан̣ха, махаамуний’’д̇и. –
Sobhanaṃ nāma uyyānaṃ paṭiggaṇha, mahāmunī’’ti. –
вихаарам̣ нияяаад̇зси. со вассуубанааяигад̣̇ивасз д̣̇аанам̣ д̣̇ад̇ваа ад̇д̇ано буд̇д̇ад̣̇аарз жа амажжз жа баггосаабзд̇ваа ааха –‘‘сад̇т̇аа амхаагам̣ санд̇игам̣ д̣̇уурад̇о ааг̇ад̇о, б̣уд̣̇д̇хаа жа наама д̇хаммаг̇арунова, наамисаг̇аругаа. д̇асмаа ахам̣ имам̣ д̇змаасам̣ д̣̇вз саадагз ниваасзд̇ваа д̣̇аса сийлаани самаад̣̇ияид̇ваа ид̇хзва васиссаами, д̇умхз кийн̣аасавасад̇асахассасса иминаава нийхаарзна д̇змаасам̣ д̣̇аанам̣ д̣̇ад̣̇зяяаат̇аа’’д̇и.
Vihāraṃ niyyātesi. So vassūpanāyikadivase dānaṃ datvā attano puttadāre ca amacce ca pakkosāpetvā āha –‘‘satthā amhākaṃ santikaṃ dūrato āgato, buddhā ca nāma dhammagarunova, nāmisagarukā. Tasmā ahaṃ imaṃ temāsaṃ dve sāṭake nivāsetvā dasa sīlāni samādiyitvā idheva vasissāmi, tumhe khīṇāsavasatasahassassa imināva nīhārena temāsaṃ dānaṃ dadeyyāthā’’ti.
со суманад̇т̇зрасса васанадтаанасабхааг̇зязва таанз васанд̇о яам̣ т̇зро бхаг̇авад̇о вад̇д̇ам̣ гарод̇и, д̇ам̣ саб̣б̣ам̣ д̣̇исваа, ‘‘имасмим̣ таанз зганд̇аваллабхо зса т̇зро, зд̇ассзва таананд̇арам̣ бад̇т̇зд̇ум̣ ваддад̇ий’’д̇и жинд̇зд̇ваа, убагадтааяа бавааран̣ааяа г̇аамам̣ бависид̇ваа сад̇д̇аахам̣ махаад̣̇аанам̣ д̣̇ад̇ваа сад̇д̇амз д̣̇ивасз бхигкуусад̇асахассасса баад̣̇амуулз д̇ижийварам̣ табзд̇ваа бхаг̇аванд̇ам̣ ванд̣̇ид̇ваа, ‘‘бханд̇з, яад̣̇зд̇ам̣ маяаа маг̇г̇з яож̇ананд̇аригавихаарагаараабанад̇о бадтааяа бун̃н̃ам̣ гад̇ам̣, д̇ам̣ нзва саггасамбад̇д̇им̣, на маараб̣рахмасамбад̇д̇им̣ бад̇т̇аяанд̇зна, б̣уд̣̇д̇хасса бана убадтаагабхаавам̣ бад̇т̇знд̇зна гад̇ам̣. д̇асмаа ахамби бхаг̇аваа анааг̇ад̇з суманад̇т̇зро вияа згасса б̣уд̣̇д̇хасса убадтааго хомий’’д̇и бан̃жабад̇идтид̇зна бад̇ид̇ваа ванд̣̇ид̇ваа нибанно. бхаг̇аваа ‘‘маханд̇ам̣ гулабуд̇д̇асса жид̇д̇ам̣, иж̇жхиссад̇и ну ко, но’’д̇и ологзнд̇о , ‘‘анааг̇ад̇з ид̇о сад̇асахассимз габбз г̇од̇амо наама б̣уд̣̇д̇хо уббаж̇ж̇иссад̇и, д̇ассзва убадтааго бхависсад̇ий’’д̇и н̃ад̇ваа –
So sumanattherassa vasanaṭṭhānasabhāgeyeva ṭhāne vasanto yaṃ thero bhagavato vattaṃ karoti, taṃ sabbaṃ disvā, ‘‘imasmiṃ ṭhāne ekantavallabho esa thero, etasseva ṭhānantaraṃ patthetuṃ vaṭṭatī’’ti cintetvā, upakaṭṭhāya pavāraṇāya gāmaṃ pavisitvā sattāhaṃ mahādānaṃ datvā sattame divase bhikkhūsatasahassassa pādamūle ticīvaraṃ ṭhapetvā bhagavantaṃ vanditvā, ‘‘bhante, yadetaṃ mayā magge yojanantarikavihārakārāpanato paṭṭhāya puññaṃ kataṃ, taṃ neva sakkasampattiṃ, na mārabrahmasampattiṃ patthayantena, buddhassa pana upaṭṭhākabhāvaṃ patthentena kataṃ. Tasmā ahampi bhagavā anāgate sumanatthero viya ekassa buddhassa upaṭṭhāko homī’’ti pañcapatiṭṭhitena patitvā vanditvā nipanno. Bhagavā ‘‘mahantaṃ kulaputtassa cittaṃ, ijjhissati nu kho, no’’ti olokento , ‘‘anāgate ito satasahassime kappe gotamo nāma buddho uppajjissati, tasseva upaṭṭhāko bhavissatī’’ti ñatvā –
‘‘ижчид̇ам̣ бад̇т̇ид̇ам̣ д̇уяхам̣, саб̣б̣амзва самиж̇жхад̇у;
‘‘Icchitaṃ patthitaṃ tuyhaṃ, sabbameva samijjhatu;
саб̣б̣з буурзнд̇у сан̇габбаа, жанд̣̇о баннарасо яат̇аа’’д̇и. –
Sabbe pūrentu saṅkappā, cando pannaraso yathā’’ti. –
ааха. гумааро суд̇ваа ‘‘б̣уд̣̇д̇хаа наама ад̣̇взж̇жхагат̇аа хонд̇ий’’д̇и д̣̇уд̇ияад̣̇ивасзязва д̇асса бхаг̇авад̇о бад̇д̇ажийварам̣ г̇ахзд̇ваа бидтид̇о бидтид̇о г̇ажчанд̇о вияа ахоси. со д̇асмим̣ б̣уд̣̇д̇хуббаад̣̇з вассасад̇асахассам̣ д̣̇аанам̣ д̣̇ад̇ваа саг̇г̇з ниб̣б̣ад̇д̇ид̇ваа гассабаб̣уд̣̇д̇хагаалзби бин̣д̣ааяа жарад̇о т̇зрасса бад̇д̇аг̇г̇ахан̣ад̇т̇ам̣ уд̇д̇арисаадагам̣ д̣̇ад̇ваа бууж̇ам̣ агааси. буна саг̇г̇з ниб̣б̣ад̇д̇ид̇ваа д̇ад̇о жуд̇о б̣аараан̣асирааж̇аа худ̇ваа адтаннам̣ бажжзгаб̣уд̣̇д̇хаанам̣ бан̣н̣асаалааяо гаарзд̇ваа ман̣иаад̇хаарагз убадтабзд̇ваа жад̇уухи бажжаязхи д̣̇асавассасахассаани убадтаанам̣ агааси. зд̇аани баагададтаанаани.
Āha. Kumāro sutvā ‘‘buddhā nāma advejjhakathā hontī’’ti dutiyadivaseyeva tassa bhagavato pattacīvaraṃ gahetvā piṭṭhito piṭṭhito gacchanto viya ahosi. So tasmiṃ buddhuppāde vassasatasahassaṃ dānaṃ datvā sagge nibbattitvā kassapabuddhakālepi piṇḍāya carato therassa pattaggahaṇatthaṃ uttarisāṭakaṃ datvā pūjaṃ akāsi. Puna sagge nibbattitvā tato cuto bārāṇasirājā hutvā aṭṭhannaṃ paccekabuddhānaṃ paṇṇasālāyo kāretvā maṇiādhārake upaṭṭhapetvā catūhi paccayehi dasavassasahassāni upaṭṭhānaṃ akāsi. Etāni pākaṭaṭṭhānāni.
габбасад̇асахассам̣ бана д̣̇аанам̣ д̣̇ад̣̇амаанова амхаагам̣ б̣од̇хисад̇д̇зна сад̣̇д̇хим̣ д̇усид̇абурз ниб̣б̣ад̇д̇ид̇ваа д̇ад̇о жуд̇о амид̇од̣̇анасаггасса г̇зхз бадисанд̇хим̣ г̇ахзд̇ваа анубуб̣б̣зна гад̇аабхинигкамано саммаасамб̣од̇хим̣ бад̇ваа батамаг̇аманзна габилавад̇т̇ум̣ ааг̇анд̇ваа д̇ад̇о нигкаманд̇з бхаг̇авад̇и бхаг̇авад̇о бариваарад̇т̇ам̣ рааж̇агумаарзсу баб̣б̣аж̇анд̇зсу бхад̣̇д̣̇ияаад̣̇ийхи сад̣̇д̇хим̣ нигкамид̇ваа бхаг̇авад̇о санд̇игз баб̣б̣аж̇ид̇ваа нажирассзва ааяасмад̇о бун̣н̣асса манд̇аан̣ибуд̇д̇асса санд̇игз д̇хаммагат̇ам̣ суд̇ваа сод̇аабад̇д̇ипалз бад̇идтахи. звамзса ааяасмаа буб̣б̣уубаниссаяасамбанно, д̇ассимааяа буб̣б̣уубаниссаяасамбад̇д̇ияаа г̇амбхийроби бадижжасамуббаад̣̇о уд̇д̇аанаго вияа убадтааси.
Kappasatasahassaṃ pana dānaṃ dadamānova amhākaṃ bodhisattena saddhiṃ tusitapure nibbattitvā tato cuto amitodanasakkassa gehe paṭisandhiṃ gahetvā anupubbena katābhinikkhamano sammāsambodhiṃ patvā paṭhamagamanena kapilavatthuṃ āgantvā tato nikkhamante bhagavati bhagavato parivāratthaṃ rājakumāresu pabbajantesu bhaddiyādīhi saddhiṃ nikkhamitvā bhagavato santike pabbajitvā nacirasseva āyasmato puṇṇassa mantāṇiputtassa santike dhammakathaṃ sutvā sotāpattiphale patiṭṭhahi. Evamesa āyasmā pubbūpanissayasampanno, tassimāya pubbūpanissayasampattiyā gambhīropi paṭiccasamuppādo uttānako viya upaṭṭhāsi.
д̇ид̇т̇аваасод̇и бана г̇аруунам̣ санд̇игз уг̇г̇ахан̣асаванабарибужчанад̇хааран̣аани вужжанд̇и. со т̇зрасса ад̇ивияа барисуд̣̇д̇хо. д̇знаабиссааяам̣ г̇амбхийроби уд̇д̇аанаго вияа убадтааси. сод̇аабаннаанан̃жа наама бажжаяаагааро уд̇д̇аанаго худ̇ваа убадтаад̇и, аяан̃жа ааяасмаа сод̇аабанно. б̣ахуссуд̇аанам̣ жад̇ухад̇т̇з оварагз бад̣̇ийбз ж̇аламаанз ман̃жабийтам̣ вияа наамаруубабарижчзд̣̇о баагадо ход̇и, аяан̃жа ааяасмаа б̣ахуссуд̇аанам̣ аг̇г̇о. ид̇и б̣аахусажжабхаавзнабисса г̇амбхийроби бажжаяаагааро уд̇д̇аанаго вияа убадтааси. бадижжасамуббаад̣̇о жад̇уухи г̇амбхийрад̇аахи г̇амбхийро. саа банасса г̇амбхийрад̇аа висуд̣̇д̇химаг̇г̇з вид̇т̇аарид̇аава. саа саб̣б̣ааби т̇зрасса уд̇д̇аанагаа вияа убадтааси. д̇зна бхаг̇аваа ааяасманд̇ам̣ аананд̣̇ам̣ уссаад̣̇знд̇о маа хзванд̇иаад̣̇имааха. аяан̃хзд̇т̇а ад̇хиббааяо – аананд̣̇а, д̇вам̣ махаабан̃н̃о висад̣̇ан̃аан̣о, д̇зна д̇з г̇амбхийроби бадижжасамуббаад̣̇о уд̇д̇аанаго вияа кааяад̇и. д̇асмаа ‘‘маяхамзва ну ко зса уд̇д̇аанаго вияа худ̇ваа убадтаад̇и, уд̣̇ааху ан̃н̃зсамбий’’д̇и маа звам̣ аважа.
Titthavāsoti pana garūnaṃ santike uggahaṇasavanaparipucchanadhāraṇāni vuccanti. So therassa ativiya parisuddho. Tenāpissāyaṃ gambhīropi uttānako viya upaṭṭhāsi. Sotāpannānañca nāma paccayākāro uttānako hutvā upaṭṭhāti, ayañca āyasmā sotāpanno. Bahussutānaṃ catuhatthe ovarake padīpe jalamāne mañcapīṭhaṃ viya nāmarūpaparicchedo pākaṭo hoti, ayañca āyasmā bahussutānaṃ aggo. Iti bāhusaccabhāvenapissa gambhīropi paccayākāro uttānako viya upaṭṭhāsi. Paṭiccasamuppādo catūhi gambhīratāhi gambhīro. Sā panassa gambhīratā visuddhimagge vitthāritāva. Sā sabbāpi therassa uttānakā viya upaṭṭhāsi. Tena bhagavā āyasmantaṃ ānandaṃ ussādento mā hevantiādimāha. Ayañhettha adhippāyo – ānanda, tvaṃ mahāpañño visadañāṇo, tena te gambhīropi paṭiccasamuppādo uttānako viya khāyati. Tasmā ‘‘mayhameva nu kho esa uttānako viya hutvā upaṭṭhāti, udāhu aññesampī’’ti mā evaṃ avaca.
яам̣ бана вуд̇д̇ам̣ ‘‘абасаад̣̇знд̇о’’д̇и, д̇ад̇т̇ааяамад̇хиббааяо – аананд̣̇а, ‘‘ат̇а жа бана мз уд̇д̇аанагуд̇д̇аанаго вияа кааяад̇ий’’д̇и маа хзвам̣ аважа. яад̣̇и хи д̇з зса уд̇д̇аанагуд̇д̇аанаго вияа кааяад̇и, гасмаа д̇вам̣ ад̇д̇ано д̇хаммад̇ааяа сод̇аабанно наахоси, маяаа д̣̇иннанаяз тад̇ваа сод̇аабад̇д̇имаг̇г̇ам̣ бадивиж̇жхи? аананд̣̇а , ид̣̇ам̣ ниб̣б̣аанамзва г̇амбхийрам̣, бажжаяаагааро бана уд̇д̇аанаго ж̇аад̇о, ат̇а гасмаа ол̣ааригам̣ гаамарааг̇асам̣яож̇анам̣ бадигхасам̣яож̇анам̣ ол̣ааригам̣ гаамарааг̇аанусаяам̣ бадигхаанусаяанд̇и имз жад̇д̇ааро гилзсз самуг̇гхаад̇зд̇ваа сагад̣̇ааг̇аамипалам̣ на сажчигароси, д̇зязва ан̣усахаг̇ад̇з жад̇д̇ааро гилзсз самуг̇гхаад̇зд̇ваа анааг̇аамипалам̣ на сажчигароси, руубарааг̇аад̣̇ийни бан̃жа сам̣яож̇анаани, маанаанусаяам̣ бхаварааг̇аанусаяам̣ авиж̇ж̇аанусаяанд̇и имз адта гилзсз самуг̇гхаад̇зд̇ваа арахад̇д̇ам̣ на сажчигароси? гасмаа ваа сад̇асахассагаббаад̇хигам̣ згам̣ асан̇кязяяам̣ буурид̇абаарамино саарибуд̇д̇амог̇г̇аллаанаа вияа саавагабаарамийн̃аан̣ам̣ на бадивиж̇жхаси, сад̇асахассагаббаад̇хигаани д̣̇вз асан̇кязяяаани буурид̇абаарамино бажжзгаб̣уд̣̇д̇хаа вияа жа бажжзгаб̣од̇хин̃аан̣ам̣ на бадивиж̇жхаси? яад̣̇и ваа д̇з саб̣б̣ат̇аава зса уд̇д̇аанаго худ̇ваа убадтааси. ат̇а гасмаа сад̇асахассагаббаад̇хигаани жад̇д̇аари адта сол̣аса ваа асан̇кязяяаани буурид̇абаарамино б̣уд̣̇д̇хаа вияа саб̣б̣ан̃н̃уд̇ан̃н̃аан̣ам̣ на сажчигароси? гим̣ анад̇т̇игоси зд̇зхи висзсаад̇хиг̇амзхи? басса яаава жа д̇з абарад̣̇д̇хам̣, д̇вам̣ наама саавагабад̣̇зсан̃аан̣з тид̇о ад̇иг̇амбхийрам̣ бажжаяаагаарам̣ ‘‘уд̇д̇аанаго вияа мз убадтаад̇ий’’д̇и вад̣̇аси. д̇асса д̇з ид̣̇ам̣ важанам̣ б̣уд̣̇д̇хаанам̣ гат̇ааяа бажжанийгам̣ ход̇и. д̇аад̣̇исзна наама бхигкунаа б̣уд̣̇д̇хаанам̣ гат̇ааяа бажжанийгам̣ гат̇зд̇аб̣б̣анд̇и на яуд̇д̇амзд̇ам̣. нану маяхам̣, аананд̣̇а, имам̣ бажжаяаагаарам̣ бадивиж̇жхид̇ум̣ вааяаманд̇ассзва габбасад̇асахассаад̇хигаани жад̇д̇аари асан̇кязяяаани ад̇игганд̇аани. бажжаяаагаарабадивиж̇жханад̇т̇ааяа жа бана мз ад̣̇иннад̣̇аанам̣ наама над̇т̇и, абуурид̇абаарамий наама над̇т̇и. ‘‘аж̇ж̇а бажжаяаагаарам̣ бадивиж̇жхиссаамий’’д̇и бана мз нируссаахам̣ вияа маараб̣алам̣ вид̇хаманд̇асса аяам̣ махаабат̇авий д̣̇ван̇г̇уламад̇д̇амби наагамби, д̇ат̇аа батамаяаамз буб̣б̣зниваасам̣, маж̇жхимаяаамз д̣̇иб̣б̣ажагкум̣ самбаад̣̇знд̇асса. бажчимаяаамз бана мз б̣алавабажжуусасамаяз, ‘‘авиж̇ж̇аа сан̇каараанам̣ навахи аагаарзхи бажжаяо ход̇ий’’д̇и д̣̇идтамад̇д̇зязва д̣̇асасахассилогад̇хаад̇у аяад̣̇ан̣д̣зна аагодид̇агам̣сат̇аало вияа виравасад̇ам̣ виравасахассам̣ мун̃жамаанаа ваад̇аахад̇з бад̣̇уминибан̣н̣з уд̣̇агаб̣инд̣̇у вияа багамбид̇т̇а. звам̣ г̇амбхийро жааяам̣, аананд̣̇а, бадижжасамуббаад̣̇о г̇амбхийраавабхаасо жа, зд̇асса, аананд̣̇а, д̇хаммасса анануб̣од̇хаа…бз… наад̇ивад̇д̇ад̇ийд̇и.
Yaṃ pana vuttaṃ ‘‘apasādento’’ti, tatthāyamadhippāyo – ānanda, ‘‘atha ca pana me uttānakuttānako viya khāyatī’’ti mā hevaṃ avaca. Yadi hi te esa uttānakuttānako viya khāyati, kasmā tvaṃ attano dhammatāya sotāpanno nāhosi, mayā dinnanaye ṭhatvā sotāpattimaggaṃ paṭivijjhi? Ānanda , idaṃ nibbānameva gambhīraṃ, paccayākāro pana uttānako jāto, atha kasmā oḷārikaṃ kāmarāgasaṃyojanaṃ paṭighasaṃyojanaṃ oḷārikaṃ kāmarāgānusayaṃ paṭighānusayanti ime cattāro kilese samugghātetvā sakadāgāmiphalaṃ na sacchikarosi, teyeva aṇusahagate cattāro kilese samugghātetvā anāgāmiphalaṃ na sacchikarosi, rūparāgādīni pañca saṃyojanāni, mānānusayaṃ bhavarāgānusayaṃ avijjānusayanti ime aṭṭha kilese samugghātetvā arahattaṃ na sacchikarosi? Kasmā vā satasahassakappādhikaṃ ekaṃ asaṅkhyeyyaṃ pūritapāramino sāriputtamoggallānā viya sāvakapāramīñāṇaṃ na paṭivijjhasi, satasahassakappādhikāni dve asaṅkhyeyyāni pūritapāramino paccekabuddhā viya ca paccekabodhiñāṇaṃ na paṭivijjhasi? Yadi vā te sabbathāva esa uttānako hutvā upaṭṭhāsi. Atha kasmā satasahassakappādhikāni cattāri aṭṭha soḷasa vā asaṅkhyeyyāni pūritapāramino buddhā viya sabbaññutaññāṇaṃ na sacchikarosi? Kiṃ anatthikosi etehi visesādhigamehi? Passa yāva ca te aparaddhaṃ, tvaṃ nāma sāvakapadesañāṇe ṭhito atigambhīraṃ paccayākāraṃ ‘‘uttānako viya me upaṭṭhātī’’ti vadasi. Tassa te idaṃ vacanaṃ buddhānaṃ kathāya paccanīkaṃ hoti. Tādisena nāma bhikkhunā buddhānaṃ kathāya paccanīkaṃ kathetabbanti na yuttametaṃ. Nanu mayhaṃ, ānanda, imaṃ paccayākāraṃ paṭivijjhituṃ vāyamantasseva kappasatasahassādhikāni cattāri asaṅkhyeyyāni atikkantāni. Paccayākārapaṭivijjhanatthāya ca pana me adinnadānaṃ nāma natthi, apūritapāramī nāma natthi. ‘‘Ajja paccayākāraṃ paṭivijjhissāmī’’ti pana me nirussāhaṃ viya mārabalaṃ vidhamantassa ayaṃ mahāpathavī dvaṅgulamattampi nākampi, tathā paṭhamayāme pubbenivāsaṃ, majjhimayāme dibbacakkhuṃ sampādentassa. Pacchimayāme pana me balavapaccūsasamaye, ‘‘avijjā saṅkhārānaṃ navahi ākārehi paccayo hotī’’ti diṭṭhamatteyeva dasasahassilokadhātu ayadaṇḍena ākoṭitakaṃsathālo viya viravasataṃ viravasahassaṃ muñcamānā vātāhate paduminipaṇṇe udakabindu viya pakampittha. Evaṃ gambhīro cāyaṃ, ānanda, paṭiccasamuppādo gambhīrāvabhāso ca, etassa, ānanda, dhammassa ananubodhā…pe… nātivattatīti.
зд̇асса д̇хаммассаад̇и зд̇асса бажжаяад̇хаммасса. анануб̣од̇хаад̇и н̃аад̇абарин̃н̃аавасзна анануб̣уж̇жханаа. аббадивзд̇хаад̇и д̇ийран̣аббахаанабарин̃н̃аавасзна аббадивиж̇жханаа. д̇анд̇аагулагаж̇аад̇аад̇и д̇анд̇ам̣ вияа аагулаж̇аад̇аа. яат̇аа наама д̣̇уннигкид̇д̇ам̣ муусигажчиннам̣ бзсагаараанам̣ д̇анд̇ам̣ д̇ахим̣ д̇ахим̣ аагулам̣ ход̇и, ‘‘ид̣̇ам̣ аг̇г̇ам̣, ид̣̇ам̣ муула’’нд̇и аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггарам̣ ход̇и. звамзва сад̇д̇аа имасмим̣ бажжаяаагаарз калид̇аа аагулаа б̣яаагулаа хонд̇и , на саггонд̇и бажжаяаагаарам̣ уж̇ум̣ гаад̇ум̣. д̇ад̇т̇а д̇анд̇ам̣ бажжад̇д̇абурисагаарз тад̇ваа саггааби бхавзяяа уж̇ум̣ гаад̇ум̣, табзд̇ваа бана д̣̇вз б̣од̇хисад̇д̇з ан̃н̃о сад̇д̇о ад̇д̇ано д̇хаммад̇ааяа бажжаяаагаарам̣ уж̇ум̣ гаад̇ум̣ самад̇т̇о наама над̇т̇и. яат̇аа бана аагулам̣ д̇анд̇ам̣ ган̃ж̇ияам̣ д̣̇ад̇ваа гожчзна бахадам̣ д̇ад̇т̇а д̇ад̇т̇а г̇ул̣агаж̇аад̇ам̣ ход̇и г̇ан̣тиб̣ад̣̇д̇хам̣, звамимз сад̇д̇аа бажжаязсу багкалид̇ваа бажжаяз уж̇ум̣ гаад̇ум̣ асаггонд̇аа д̣̇ваасадтид̣̇идтиг̇ад̇авасзна г̇ул̣агаж̇аад̇аа хонд̇и г̇ан̣тиб̣ад̣̇д̇хаа. яз хи гзжи д̣̇идтияо санниссид̇аа, саб̣б̣з д̇з бажжаяам̣ уж̇ум̣ гаад̇ум̣ асаггонд̇ааязва.
Etassa dhammassāti etassa paccayadhammassa. Ananubodhāti ñātapariññāvasena ananubujjhanā. Appaṭivedhāti tīraṇappahānapariññāvasena appaṭivijjhanā. Tantākulakajātāti tantaṃ viya ākulajātā. Yathā nāma dunnikkhittaṃ mūsikacchinnaṃ pesakārānaṃ tantaṃ tahiṃ tahiṃ ākulaṃ hoti, ‘‘idaṃ aggaṃ, idaṃ mūla’’nti aggena vā aggaṃ, mūlena vā mūlaṃ samānetuṃ dukkaraṃ hoti. Evameva sattā imasmiṃ paccayākāre khalitā ākulā byākulā honti , na sakkonti paccayākāraṃ ujuṃ kātuṃ. Tattha tantaṃ paccattapurisakāre ṭhatvā sakkāpi bhaveyya ujuṃ kātuṃ, ṭhapetvā pana dve bodhisatte añño satto attano dhammatāya paccayākāraṃ ujuṃ kātuṃ samattho nāma natthi. Yathā pana ākulaṃ tantaṃ kañjiyaṃ datvā kocchena pahaṭaṃ tattha tattha guḷakajātaṃ hoti gaṇṭhibaddhaṃ, evamime sattā paccayesu pakkhalitvā paccaye ujuṃ kātuṃ asakkontā dvāsaṭṭhidiṭṭhigatavasena guḷakajātā honti gaṇṭhibaddhā. Ye hi keci diṭṭhiyo sannissitā, sabbe te paccayaṃ ujuṃ kātuṃ asakkontāyeva.
гулааг̇ан̣тигаж̇аад̇аад̇и гулааг̇ан̣тигам̣ вужжад̇и бзсагаараган̃ж̇ияасуд̇д̇ам̣. гулаа наама сагун̣игаа, д̇ассаа гулаавагод̇иби згз. яат̇аа хи д̇ад̣̇убхаяамби аагулам̣ аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггаранд̇и буриманаязнзва яож̇зд̇аб̣б̣ам̣.
Kulāgaṇṭhikajātāti kulāgaṇṭhikaṃ vuccati pesakārakañjiyasuttaṃ. Kulā nāma sakuṇikā, tassā kulāvakotipi eke. Yathā hi tadubhayampi ākulaṃ aggena vā aggaṃ, mūlena vā mūlaṃ samānetuṃ dukkaranti purimanayeneva yojetabbaṃ.
мун̃ж̇абаб̣б̣аж̇абхууд̇аад̇и мун̃ж̇ад̇ин̣ам̣ вияа баб̣б̣аж̇ад̇ин̣ам̣ вияа жа бхууд̇аа д̇аад̣̇исаа ж̇аад̇аа. яат̇аа хи д̇аани д̇ин̣аани годдзд̇ваа гад̇араж̇ж̇у ж̇ин̣н̣агаалз гад̇т̇ажи бад̇ид̇ам̣ г̇ахзд̇ваа д̇зсам̣ д̇ин̣аанам̣ ‘‘ид̣̇ам̣ аг̇г̇ам̣, ид̣̇ам̣ муула’’нд̇и аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггарам̣, д̇амби бажжад̇д̇абурисагаарз тад̇ваа саггаа бхавзяяа уж̇ум̣ гаад̇ум̣, табзд̇ваа бана д̣̇вз б̣од̇хисад̇д̇з ан̃н̃о сад̇д̇о ад̇д̇ано д̇хаммад̇ааяа бажжаяаагаарам̣ уж̇ум̣ гаад̇ум̣ самад̇т̇о наама над̇т̇и, звамаяам̣ баж̇аа бажжаяам̣ уж̇ум̣ гаад̇ум̣ асаггонд̇ий д̣̇идтиг̇ад̇авасзна г̇ан̣тигаж̇аад̇аа худ̇ваа абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇и.
Muñjapabbajabhūtāti muñjatiṇaṃ viya pabbajatiṇaṃ viya ca bhūtā tādisā jātā. Yathā hi tāni tiṇāni koṭṭetvā katarajju jiṇṇakāle katthaci patitaṃ gahetvā tesaṃ tiṇānaṃ ‘‘idaṃ aggaṃ, idaṃ mūla’’nti aggena vā aggaṃ, mūlena vā mūlaṃ samānetuṃ dukkaraṃ, tampi paccattapurisakāre ṭhatvā sakkā bhaveyya ujuṃ kātuṃ, ṭhapetvā pana dve bodhisatte añño satto attano dhammatāya paccayākāraṃ ujuṃ kātuṃ samattho nāma natthi, evamayaṃ pajā paccayaṃ ujuṃ kātuṃ asakkontī diṭṭhigatavasena gaṇṭhikajātā hutvā apāyaṃ duggatiṃ vinipātaṃ saṃsāraṃ nātivattati.
д̇ад̇т̇а абааяод̇и нираяад̇иражчаанаяонибзд̇д̇ивисаяаасурагааяаа. саб̣б̣зби хи д̇з вад̣дхисан̇каад̇асса аяасса абхаавад̇о ‘‘абааяо’’д̇и вужжад̇и, д̇ат̇аа д̣̇угкасса г̇ад̇ибхаавад̇о д̣̇уг̇г̇ад̇и, сукасамуссаяад̇о винибад̇ид̇ад̇д̇аа винибаад̇о. ид̇аро бана –
Tattha apāyoti nirayatiracchānayonipettivisayaasurakāyā. Sabbepi hi te vaḍḍhisaṅkhātassa ayassa abhāvato ‘‘apāyo’’ti vuccati, tathā dukkhassa gatibhāvato duggati, sukhasamussayato vinipatitattā vinipāto. Itaro pana –
‘‘канд̇хаанан̃жа бадибаади, д̇хаад̇уааяад̇анаана жа;
‘‘Khandhānañca paṭipāṭi, dhātuāyatanāna ca;
аб̣бхожчиннам̣ вад̇д̇амаанаа, сам̣саарод̇и бавужжад̇и’’.
Abbhocchinnaṃ vattamānā, saṃsāroti pavuccati’’.
д̇ам̣ саб̣б̣амби наад̇ивад̇д̇ад̇и наад̇иггамад̇и, ат̇а ко жуд̇ид̇о бадисанд̇хим̣, бадисанд̇хид̇о жуд̇инд̇и звам̣ бунаббунам̣ жуд̇ибадисанд̇хияо г̇ан̣хамаанаа д̇ийсу бхавзсу жад̇уусу яонийсу бан̃жасу г̇ад̇ийсу сад̇д̇асу вин̃н̃аан̣адтид̇ийсу навасу сад̇д̇ааваасзсу махаасамуд̣̇д̣̇з ваад̇агкид̇д̇аа нааваа вияа яанд̇з яуд̇д̇аг̇он̣о вияа жа бариб̣бхамад̇иязва. ид̇и саб̣б̣амзд̇ам̣ бхаг̇аваа ааяасманд̇ам̣ аананд̣̇ам̣ абасаад̣̇знд̇о ааха. сзсамзд̇т̇а вуд̇д̇анаяамзваад̇и. д̣̇асамам̣.
Taṃ sabbampi nātivattati nātikkamati, atha kho cutito paṭisandhiṃ, paṭisandhito cutinti evaṃ punappunaṃ cutipaṭisandhiyo gaṇhamānā tīsu bhavesu catūsu yonīsu pañcasu gatīsu sattasu viññāṇaṭṭhitīsu navasu sattāvāsesu mahāsamudde vātakkhittā nāvā viya yante yuttagoṇo viya ca paribbhamatiyeva. Iti sabbametaṃ bhagavā āyasmantaṃ ānandaṃ apasādento āha. Sesamettha vuttanayamevāti. Dasamaṃ.
д̣̇угкаваг̇г̇о чадто.
Dukkhavaggo chaṭṭho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. нид̣̇аанасуд̇д̇ам̣ • 10. Nidānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. нид̣̇аанасуд̇д̇аван̣н̣анаа • 10. Nidānasuttavaṇṇanā
