| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. нид̣̇аанасуд̇д̇аван̣н̣анаа
10. Nidānasuttavaṇṇanā
60. б̣ахуважанавасзнаад̇и гуруу наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хийвасзна ‘‘гуруу’’д̇и звам̣ б̣ахуважанавасзна. яад̇т̇а бхаг̇авад̇о васаногаасабхууд̇о гожи вихааро на ход̇и, д̇ад̇т̇а гзвалам̣ г̇ожараг̇аамагид̇д̇анам̣ нид̣̇аанагат̇ааяа багад̇и яат̇аа ‘‘саггзсу вихарад̇и д̣̇звад̣̇ахам̣ наама сагяаанам̣ ниг̇амо’’д̇и. ‘‘ааяасмаа’’д̇и ваа ‘‘д̣̇зваанам̣ бияо’’д̇и ваа бхаванд̇и ваа бияасамуд̣̇аахааро зсод̇и ааха ‘‘ааяасмаад̇и бияаважанамзд̇а’’нд̇и. д̇аяид̣̇ам̣ бияаважанам̣ г̇аарававасзна вужжад̇ийд̇и ааха ‘‘г̇аруважанамзд̇а’’нд̇и. ад̇ид̣̇уурам̣ ажжаасаннам̣ ад̇исаммукаа ад̇ибажчад̇о убариваад̇о уннад̇аббад̣̇зсод̇и имз ча нисаж̇ж̇ад̣̇осаа. нийлабийд̇алохид̇од̣̇аад̇аман̃ж̇идтабабхассаравасзна чаб̣б̣ан̣н̣аанам̣.
60.Bahuvacanavasenāti kurū nāma jānapadino rājakumārā, tesaṃ nivāso ekopi janapado ruḷhīvasena ‘‘kurū’’ti evaṃ bahuvacanavasena. Yattha bhagavato vasanokāsabhūto koci vihāro na hoti, tattha kevalaṃ gocaragāmakittanaṃ nidānakathāya pakati yathā ‘‘sakkesu viharati devadahaṃ nāma sakyānaṃ nigamo’’ti. ‘‘Āyasmā’’ti vā ‘‘devānaṃ piyo’’ti vā bhavanti vā piyasamudāhāro esoti āha ‘‘āyasmāti piyavacanameta’’nti. Tayidaṃ piyavacanaṃ gāravavasena vuccatīti āha ‘‘garuvacanameta’’nti. Atidūraṃ accāsannaṃ atisammukhā atipacchato uparivāto unnatappadesoti ime cha nisajjadosā. Nīlapītalohitodātamañjiṭṭhapabhassaravasena chabbaṇṇānaṃ.
гуласан̇г̇ахад̇т̇ааяаад̇и гулаануд̣̇д̣̇аяад̇аавасзна гулаануг̇г̇ан̣ханад̇т̇ааяа. сахассабхан̣д̣игам̣ нигкибанд̇о вияа бхигкаабадиг̇г̇ан̣ханзна д̇зсам̣ абхиваад̣̇анаад̣̇исамбадижчанзна жа бун̃н̃аабхисанд̣̇асса ж̇ананзна. бадисаммаж̇ж̇ид̇ваад̇и анд̇зваасигзхи саммадтадтаанам̣ саггажжагаарид̇ааяа буна саммаж̇ж̇ид̇ваа. убхаяанд̇ад̇о бадтааяа маж̇жханд̇и аад̣̇ид̇о бадтааяа взд̣̇анам̣, ж̇араамаран̣ад̇о бадтааяа жа взд̣̇анам̣ баабзд̇ваа саммасанамааха. д̇игкад̇д̇унд̇и ‘‘аад̣̇ид̇о бадтааяа анд̇а’’нд̇иаад̣̇инаа вуд̇д̇ажад̇ураагаарубасам̣хид̇з д̇аяо ваарз. д̇зна д̣̇ваад̣̇асагкад̇д̇ум̣ саммасанамааха. амхаагам̣ бхаг̇авад̇аа г̇амбхийрабхаавзнзва гат̇ид̇ад̇д̇аа сзсаб̣уд̣̇д̇хзхиби звамзва гат̇ид̇од̇и д̇хамманваяз тад̇ваа вуд̇д̇ам̣ ‘‘саб̣б̣аб̣уд̣̇д̇хзхи…бз… гат̇ид̇о’’д̇и.
Kulasaṅgahatthāyāti kulānuddayatāvasena kulānuggaṇhanatthāya. Sahassabhaṇḍikaṃ nikkhipanto viya bhikkhāpaṭiggaṇhanena tesaṃ abhivādanādisampaṭicchanena ca puññābhisandassa jananena. Paṭisammajjitvāti antevāsikehi sammaṭṭhaṭṭhānaṃ sakkaccakāritāya puna sammajjitvā. Ubhayantato paṭṭhāya majjhanti ādito paṭṭhāya vedanaṃ, jarāmaraṇato paṭṭhāya ca vedanaṃ pāpetvā sammasanamāha. Tikkhattunti ‘‘ādito paṭṭhāya anta’’ntiādinā vuttacaturākārupasaṃhite tayo vāre. Tena dvādasakkhattuṃ sammasanamāha. Amhākaṃ bhagavatā gambhīrabhāveneva kathitattā sesabuddhehipi evameva kathitoti dhammanvaye ṭhatvā vuttaṃ ‘‘sabbabuddhehi…pe… kathito’’ti.
бамаан̣аад̇иггамзд̇и абаримаан̣ад̇т̇з ‘‘яааван̃жид̣̇ам̣ д̇зна бхаг̇авад̇аа’’д̇иаад̣̇ийсу (д̣̇ий. ни. 1.3) вияа. ад̇ирзгабхааваж̇од̇ано хи яам̣ яаава-сад̣̇д̣̇о. д̇знааха ‘‘ад̇иг̇амбхийрод̇и ад̇т̇о’’д̇и. авабхаасад̇и кааяад̇и убадтаад̇и н̃аан̣асса. д̇ат̇аа убадтаанан̃хи санд̇хааяа ‘‘д̣̇иссад̇ий’’д̇и вуд̇д̇ам̣. нану зса бадижжасамуббаад̣̇о зганд̇аг̇амбхийрова, ат̇а гасмаа г̇амбхийраавабхаасад̇аа ж̇од̇ид̇аад̇и? сажжамзд̇ам̣, зганд̇аг̇амбхийрад̇аад̣̇ассанад̇т̇амзва банасса г̇амбхийраавабхаасаг̇г̇ахан̣ам̣, д̇асмаа ан̃н̃ад̇т̇а лаб̣бхамаанам̣ жаад̇угодигам̣ б̣яад̇ирзгамукзна нид̣̇ассзд̇ваа д̇амзвасса зганд̇аг̇амбхийрад̇ам̣ вибхаавзд̇ум̣ ‘‘згам̣ хий’’д̇иаад̣̇и вуд̇д̇ам̣. зд̇ам̣ над̇т̇ийд̇и аг̇амбхийро аг̇амбхийраавабхаасо жаад̇и зд̇ам̣ д̣̇ваяам̣ над̇т̇и. д̇зна яат̇аад̣̇ассид̇з жаад̇угодигз бажчимаа згагоди лаб̣бхад̇ийд̇и д̣̇ассзд̇и. д̇знааха ‘‘аяам̣ хий’’д̇иаад̣̇и.
Pamāṇātikkameti aparimāṇatthe ‘‘yāvañcidaṃ tena bhagavatā’’tiādīsu (dī. ni. 1.3) viya. Atirekabhāvajotano hi yaṃ yāva-saddo. Tenāha ‘‘atigambhīroti attho’’ti. Avabhāsati khāyati upaṭṭhāti ñāṇassa. Tathā upaṭṭhānañhi sandhāya ‘‘dissatī’’ti vuttaṃ. Nanu esa paṭiccasamuppādo ekantagambhīrova, atha kasmā gambhīrāvabhāsatā jotitāti? Saccametaṃ, ekantagambhīratādassanatthameva panassa gambhīrāvabhāsaggahaṇaṃ, tasmā aññattha labbhamānaṃ cātukoṭikaṃ byatirekamukhena nidassetvā tamevassa ekantagambhīrataṃ vibhāvetuṃ ‘‘ekaṃ hī’’tiādi vuttaṃ. Etaṃ natthīti agambhīro agambhīrāvabhāso cāti etaṃ dvayaṃ natthi. Tena yathādassite cātukoṭike pacchimā ekakoṭi labbhatīti dasseti. Tenāha ‘‘ayaṃ hī’’tiādi.
язхи г̇амбхийрабхаавзхи бадижжасамуббаад̣̇о ‘‘г̇амбхийро’’д̇и вужжад̇и, д̇з жад̇уухи убамаахи уллин̇г̇знд̇о ‘‘бхаваг̇г̇аг̇г̇ахан̣ааяаа’’д̇иаад̣̇имааха. яат̇аа бхаваг̇г̇аг̇г̇ахан̣ад̇т̇ам̣ хад̇т̇ам̣ басаарзд̇ваа г̇ахзд̇ум̣ на саггаа д̣̇уурабхаавад̇о, звам̣ сан̇каараад̣̇ийнам̣ авиж̇ж̇аад̣̇ибажжаяасамбхууд̇асамуд̣̇ааг̇ад̇ад̇т̇о багад̇ин̃аан̣зна г̇ахзд̇ум̣ на саггаа. яат̇аа синзрум̣ бхинд̣̇ид̇ваа мин̃ж̇ам̣ баб̣б̣ад̇арасам̣ баагад̇игабурисзна нийхарид̇ум̣ на саггаа, звам̣ бадижжасамуббаад̣̇аг̇ад̇з д̇хаммад̇т̇аад̣̇игз багад̇ин̃аан̣зна бхинд̣̇ид̇ваа вибхаж̇ж̇а бадивиж̇жханавасзна ж̇аанид̇ум̣ на саггаа. яат̇аа махаасамуд̣̇д̣̇ам̣ багад̇ибурисасса б̣аахуд̣̇ваяавасзна баарам̣ д̇арид̇ум̣ на саггаа. звам̣ взбулладтзна махаасамуд̣̇д̣̇асад̣̇исам̣ бадижжасамуббаад̣̇ам̣ багад̇ин̃аан̣зна д̣̇зсанаавасзна барихарид̇ум̣ на саггаа. яат̇аа бат̇авим̣ баривад̇д̇зд̇ваа баагад̇игабурисасса бат̇авож̇ам̣ г̇ахзд̇ум̣ на саггаа, звам̣ ид̇т̇ам̣ авиж̇ж̇аад̣̇аяо сан̇каараад̣̇ийнам̣ бажжаяаа хонд̇ийд̇и д̇зсам̣ бадижжасамуббаад̣̇асабхааво баагад̇иган̃аан̣зна нийхарид̇ваа г̇ахзд̇ум̣ на саггод̇и, звам̣ жад̇уб̣б̣ид̇хаг̇амбхийрад̇аавасзна жад̇ассо убамаа яож̇зд̇аб̣б̣аа. баагад̇иган̃аан̣авасзна жааяамад̇т̇аяож̇анаа гад̇аа д̣̇идтасажжаанам̣ д̇ад̇т̇а бадивзд̇хасаб̣бхаавад̇о, д̇ат̇ааби яасмаа саавагаанам̣ бажжзгаб̣уд̣̇д̇хаанан̃жа д̇ад̇т̇а саббад̣̇зсамзва н̃аан̣ам̣, б̣уд̣̇д̇хаанам̣язва ниббад̣̇зсам̣. д̇асмаа вуд̇д̇ам̣ ‘‘б̣уд̣̇д̇хависаяам̣ бан̃ха’’нд̇и.
Yehi gambhīrabhāvehi paṭiccasamuppādo ‘‘gambhīro’’ti vuccati, te catūhi upamāhi ulliṅgento ‘‘bhavaggaggahaṇāyā’’tiādimāha. Yathā bhavaggaggahaṇatthaṃ hatthaṃ pasāretvā gahetuṃ na sakkā dūrabhāvato, evaṃ saṅkhārādīnaṃ avijjādipaccayasambhūtasamudāgatattho pakatiñāṇena gahetuṃ na sakkā. Yathā sineruṃ bhinditvā miñjaṃ pabbatarasaṃ pākatikapurisena nīharituṃ na sakkā, evaṃ paṭiccasamuppādagate dhammatthādike pakatiñāṇena bhinditvā vibhajja paṭivijjhanavasena jānituṃ na sakkā. Yathā mahāsamuddaṃ pakatipurisassa bāhudvayavasena pāraṃ tarituṃ na sakkā. Evaṃ vepullaṭṭhena mahāsamuddasadisaṃ paṭiccasamuppādaṃ pakatiñāṇena desanāvasena pariharituṃ na sakkā. Yathā pathaviṃ parivattetvā pākatikapurisassa pathavojaṃ gahetuṃ na sakkā, evaṃ itthaṃ avijjādayo saṅkhārādīnaṃ paccayā hontīti tesaṃ paṭiccasamuppādasabhāvo pākatikañāṇena nīharitvā gahetuṃ na sakkoti, evaṃ catubbidhagambhīratāvasena catasso upamā yojetabbā. Pākatikañāṇavasena cāyamatthayojanā katā diṭṭhasaccānaṃ tattha paṭivedhasabbhāvato, tathāpi yasmā sāvakānaṃ paccekabuddhānañca tattha sappadesameva ñāṇaṃ, buddhānaṃyeva nippadesaṃ. Tasmā vuttaṃ ‘‘buddhavisayaṃ pañha’’nti.
маад̇и бадисзд̇хз нибаад̇о. свааяам̣ ‘‘уд̇д̇аанагуд̇д̇аанаго вияа кааяад̇ий’’д̇и важанам̣ санд̇хааяа вуд̇д̇од̇и ааха ‘‘маа бхан̣ийд̇и ад̇т̇о’’д̇и. уссаад̣̇знд̇од̇и бан̃н̃аавасзна уггам̣санд̇од̇и ад̇т̇о. абасаад̣̇знд̇од̇и ниб̣бхажчанд̇о, ниг̇г̇ан̣ханд̇од̇и ад̇т̇о. д̇знаад̇и махаабан̃н̃абхаавзна.
Māti paṭisedhe nipāto. Svāyaṃ ‘‘uttānakuttānako viya khāyatī’’ti vacanaṃ sandhāya vuttoti āha ‘‘mā bhaṇīti attho’’ti. Ussādentoti paññāvasena ukkaṃsantoti attho. Apasādentoti nibbhacchanto, niggaṇhantoti attho. Tenāti mahāpaññabhāvena.
д̇ад̇т̇аад̇и т̇зрасса сад̇иби уд̇д̇аанабхаавз бадижжасамуббаад̣̇асса ан̃н̃зсам̣ г̇амбхийрабхаавз. субхож̇анарасабудтассаад̇и сунд̣̇арзна бхож̇анарасзна босид̇асса. гад̇аяог̇ассаад̇и ниб̣б̣уд̣̇д̇хабаяог̇з гад̇абарижаяасса. маллабаасаан̣анд̇и маллзхи махааб̣алзхзва кибид̇аб̣б̣абаасаан̣ам̣. гухим̣ имасса бхаарияадтаананд̇и гасмим̣ бассз имасса баасаан̣асса г̇аруд̇арабад̣̇зсод̇и д̇асса саллахугабхаавам̣ д̣̇ийбзнд̇о вад̣̇ад̇и.
Tatthāti therassa satipi uttānabhāve paṭiccasamuppādassa aññesaṃ gambhīrabhāve. Subhojanarasapuṭṭhassāti sundarena bhojanarasena positassa. Katayogassāti nibbuddhapayoge kataparicayassa. Mallapāsāṇanti mallehi mahābaleheva khipitabbapāsāṇaṃ. Kuhiṃ imassa bhāriyaṭṭhānanti kasmiṃ passe imassa pāsāṇassa garutarapadesoti tassa sallahukabhāvaṃ dīpento vadati.
д̇имирабин̇г̇алзнзва д̣̇ийбзнд̇и д̇асса махаавибпаарабхаавад̇о. д̇знааха ‘‘д̇асса гираа’’д̇иаад̣̇и. баггут̇ад̇ийд̇и баггут̇анд̇ам̣ вияа баривад̇д̇ад̇и барид̇о вад̇д̇ад̇и. лагкан̣аважанан̃хзд̇ам̣. бидтияам̣ сагалигаадтигаа бидтибад̇д̇ам̣. гааяуубабаннассаад̇и махад̇аа гааязна убзд̇асса, махаагааяассаад̇и ад̇т̇о. бин̃ча ваддийд̇и бин̃ча галаабо. субан̣н̣аваад̇анд̇и нааг̇аг̇г̇ахан̣аад̣̇ийсу багкабабподанавасзна уббаж̇ж̇анагаваад̇ам̣.
Timirapiṅgalenevadīpenti tassa mahāvipphārabhāvato. Tenāha ‘‘tassa kirā’’tiādi. Pakkuthatīti pakkuthantaṃ viya parivattati parito vattati. Lakkhaṇavacanañhetaṃ. Piṭṭhiyaṃ sakalikaaṭṭhikā piṭṭhipattaṃ. Kāyūpapannassāti mahatā kāyena upetassa, mahākāyassāti attho. Piñcha vaṭṭīti piñcha kalāpo. Supaṇṇavātanti nāgaggahaṇādīsu pakkhapapphoṭanavasena uppajjanakavātaṃ.
‘‘буб̣б̣уубаниссаяасамбад̇д̇ияаа’’д̇иаад̣̇инаа уд̣̇д̣̇идтагааран̣аани вид̇т̇аарад̇о виварид̇ум̣ ‘‘ид̇о гираа’’д̇иаад̣̇и вуд̇д̇ам̣. д̇ад̇т̇а ид̇од̇и ид̇о бхад̣̇д̣̇агаббад̇о. сад̇асахассимзд̇и сад̇асахассамз. хам̣савад̇ий наама наг̇арам̣ ахоси ж̇аад̇анаг̇арам̣. д̇хурабад̇д̇аанийд̇и б̣аахирабад̇д̇аани, яаани д̣̇ийгхад̇амаани.
‘‘Pubbūpanissayasampattiyā’’tiādinā uddiṭṭhakāraṇāni vitthārato vivarituṃ ‘‘ito kirā’’tiādi vuttaṃ. Tattha itoti ito bhaddakappato. Satasahassimeti satasahassame. Haṃsavatī nāma nagaraṃ ahosi jātanagaraṃ. Dhurapattānīti bāhirapattāni, yāni dīghatamāni.
ганидтабхаад̇аад̇и взмаад̇игабхаад̇аа ганидто яат̇аа амхаагам̣ бхаг̇авад̇о нанд̣̇ад̇т̇зро. б̣уд̣̇д̇хаанан̃хи саход̣̇араа бхаад̇аро наама на хонд̇и. д̇ад̇т̇а ж̇здтаа д̇аава нуббаж̇ж̇анд̇и, ганидтаанам̣ бана асамбхаво зва. бхог̇анд̇и вибхавам̣. убасанд̇од̇и жораж̇анид̇асан̇кобхавуубасамзна убасанд̇о ж̇анабад̣̇о.
Kaniṭṭhabhātāti vemātikabhātā kaniṭṭho yathā amhākaṃ bhagavato nandatthero. Buddhānañhi sahodarā bhātaro nāma na honti. Tattha jeṭṭhā tāva nuppajjanti, kaniṭṭhānaṃ pana asambhavo eva. Bhoganti vibhavaṃ. Upasantoti corajanitasaṅkhobhavūpasamena upasanto janapado.
д̣̇вз саадагз ниваасзд̇ваад̇и саадагад̣̇ваяамзва ад̇д̇ано гааяабарихаарияам̣ гад̇ваа, ид̇арам̣ саб̣б̣асамбхаарам̣ ад̇д̇анаа можзд̇ваа.
Dvesāṭake nivāsetvāti sāṭakadvayameva attano kāyaparihāriyaṃ katvā, itaraṃ sabbasambhāraṃ attanā mocetvā.
бад̇д̇аг̇г̇ахан̣ад̇т̇анд̇и анд̇обагкид̇д̇аун̣хабхож̇анад̇д̇аа бад̇д̇асса абараабарам̣ хад̇т̇з баривад̇д̇знд̇асса сукзна бад̇д̇аг̇г̇ахан̣ад̇т̇ам̣. уд̇д̇арисаадаганд̇и ад̇д̇ано уд̇д̇арияам̣ саадагам̣. зд̇аани баагададтаанаанийд̇и зд̇аани яат̇аавуд̇д̇аани бхаг̇авад̇о д̣̇зсанааяа баагадаани б̣уд̣̇д̇хз б̣уд̣̇д̇хасаавагз жа уд̣̇д̣̇исса т̇зрасса бун̃н̃агаран̣адтаанаани, бажжзгаб̣уд̣̇д̇хам̣ бана б̣од̇хисад̇д̇ан̃жа уд̣̇д̣̇исса т̇зрасса бун̃н̃агаран̣адтаанаани б̣ахууниязва.
Pattaggahaṇatthanti antopakkhittauṇhabhojanattā pattassa aparāparaṃ hatthe parivattentassa sukhena pattaggahaṇatthaṃ. Uttarisāṭakanti attano uttariyaṃ sāṭakaṃ. Etāni pākaṭaṭṭhānānīti etāni yathāvuttāni bhagavato desanāya pākaṭāni buddhe buddhasāvake ca uddissa therassa puññakaraṇaṭṭhānāni, paccekabuddhaṃ pana bodhisattañca uddissa therassa puññakaraṇaṭṭhānāni bahūniyeva.
бадисанд̇хим̣ г̇ахзд̇ваад̇и амхаагам̣ б̣од̇хисад̇д̇асса бадисанд̇хиг̇г̇ахан̣ад̣̇ивасзязва бадисанд̇хим̣ г̇ахзд̇ваа.
Paṭisandhiṃ gahetvāti amhākaṃ bodhisattassa paṭisandhiggahaṇadivaseyeva paṭisandhiṃ gahetvā.
уг̇г̇аханам̣ баал̣ияаа уг̇г̇ан̣ханам̣, саванам̣ ад̇т̇асаванам̣, барибужчанам̣ г̇ан̣тидтаанзсу ад̇т̇абарибужчанам̣, д̇хааран̣ам̣ баал̣ияаа баал̣иад̇т̇асса жа жид̇д̇з табанам̣. саб̣б̣ан̃жзд̇ам̣ ид̇ха бадижжасамуббаад̣̇авасзна взд̣̇ид̇аб̣б̣ам̣, саб̣б̣ассаби б̣уд̣̇д̇хаважанасса васзнаад̇иби ваддад̇и. сод̇аабаннаанан̃жа…бз… убадтаад̇и д̇ад̇т̇а саммохавиг̇амзна ‘‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’’нд̇и ад̇д̇абажжагкавасзна убадтаанад̇о . наамаруубабарижчзд̣̇од̇и саха бажжаязна наамаруубасса барижчиж̇ж̇а аваб̣од̇хо. жад̇уухийд̇и д̇хаммаг̇амбхийраад̣̇ийхи жад̇уухи г̇амбхийрад̇аахи саб̣б̣ааби г̇амбхийрад̇аа.
Uggahanaṃ pāḷiyā uggaṇhanaṃ, savanaṃ atthasavanaṃ, paripucchanaṃ gaṇṭhiṭṭhānesu atthaparipucchanaṃ, dhāraṇaṃ pāḷiyā pāḷiatthassa ca citte ṭhapanaṃ. Sabbañcetaṃ idha paṭiccasamuppādavasena veditabbaṃ, sabbassapi buddhavacanassa vasenātipi vaṭṭati. Sotāpannānañca…pe… upaṭṭhāti tattha sammohavigamena ‘‘yaṃ kiñci samudayadhammaṃ, sabbaṃ taṃ nirodhadhamma’’nti attapaccakkhavasena upaṭṭhānato . Nāmarūpaparicchedoti saha paccayena nāmarūpassa paricchijja avabodho. Catūhīti dhammagambhīrādīhi catūhi gambhīratāhi sabbāpi gambhīratā.
саавагзхи д̣̇зсид̇аа д̣̇зсанааби бана сад̇т̇у зва д̣̇зсанаад̇и ааха ‘‘маяаа д̣̇иннанаяз тад̇ваа’’д̇и. ‘‘сзгкзна наама ниб̣б̣аанам̣ саб̣б̣аагаарзна бадивид̣̇д̇хам̣ на ход̇ий’’д̇и на д̇асса г̇амбхийрад̇аад̇и д̇асса г̇амбхийрасса убаад̣̇аанасса г̇амбхийрад̇аа вияа судту д̣̇идтаа наама ход̇и. д̇асмаа ааха ‘‘ид̣̇ам̣ ниб̣б̣аанамзва г̇амбхийрам̣, бажжаяаагааро бана уд̇д̇аанаго ж̇аад̇о’’д̇и. ниб̣б̣аанан̃хи саб̣б̣зби асзгкаа саб̣б̣асо бадивиж̇жханд̇и ниббад̣̇зсад̇д̇аа, бажжаяаагаарам̣ бана саммаасамб̣уд̣̇д̇хааязва анавасзсад̇о бадивиж̇жханд̇и, на ид̇арз. д̇асмаа бажжаяавасзна ‘‘ид̣̇ам̣ абарад̣̇д̇ха’’нд̇и вуд̇д̇ам̣ т̇зрам̣ абасаад̣̇знд̇зна. д̇амзва хисса анавасзсад̇о бадивзд̇хаабхаавам̣ вибхаавзд̇ум̣ ‘‘ат̇а гасмаа’’д̇иаад̣̇и вуд̇д̇ам̣. асад̇иби д̇хаммад̇о бхзд̣̇з сам̣яож̇анад̇т̇аанусаяад̇т̇авасзна бана д̇зсам̣ лаб̣бхамаанабхзд̣̇ам̣ г̇ахзд̇ваа ‘‘имз жад̇д̇ааро гилзсз’’д̇и вуд̇д̇ам̣. ан̃н̃о хи д̇зсам̣ б̣анд̇ханад̇т̇о, ан̃н̃о т̇аамаг̇аманадтод̇и. зса наяо сзсзсуби. ид̇и имзсам̣ гилзсаанам̣ аббахийнад̇д̇аа д̇ат̇ааруубам̣ убаниссаяасамбад̣̇ам̣ абхааваяад̇ова ануд̇д̇аанамзва д̇хаммам̣ уд̇д̇аананд̇и на вад̇д̇аб̣б̣амзваад̇и ад̇хиббааяо. жад̇д̇аари адта сол̣аса ваа асан̇кязяяаанийд̇и ид̣̇ам̣ махааб̣од̇хисад̇д̇аанам̣ санд̇аанз б̣од̇хибарибаажагад̇хаммаанам̣ д̇игкамаж̇жхимамуд̣̇убхаавасид̣̇д̇хагаалависзсад̣̇ассанам̣, д̇ан̃жа ко махаабхинийхаарад̇о бадтааяаад̇и вад̣̇анд̇и. зд̇зхийд̇и яат̇аавуд̇д̇аб̣уд̣̇д̇хасаавагааг̇г̇асаавагабажжзгаб̣уд̣̇д̇хасаммаасамб̣уд̣̇д̇хаанам̣ висзсаад̇хиг̇амзхи. бажжанийганд̇и бадиггуулам̣ вируд̣̇д̇хам̣. саб̣б̣ат̇аа бажжаяаагаарабадивзд̇хо наама саммаасамб̣од̇хияаад̇хиг̇амо зваад̇и вуд̇д̇ам̣ ‘‘бажжаяаагаарам̣ бадивиж̇жхид̇ум̣ вааяаманд̇ассзваа’’д̇и. навахи аагаарзхийд̇и уббаад̣̇аад̣̇ийхи навахи бажжаяаагаарзхи. вуд̇д̇ан̃хзд̇ам̣ бадисамбхид̣̇ааяам̣ (бади. ма. 1.45) –
Sāvakehi desitā desanāpi pana satthu eva desanāti āha ‘‘mayā dinnanaye ṭhatvā’’ti. ‘‘Sekkhena nāma nibbānaṃ sabbākārena paṭividdhaṃ na hotī’’ti na tassa gambhīratāti tassa gambhīrassa upādānassa gambhīratā viya suṭṭhu diṭṭhā nāma hoti. Tasmā āha ‘‘idaṃ nibbānameva gambhīraṃ, paccayākāro pana uttānako jāto’’ti. Nibbānañhi sabbepi asekkhā sabbaso paṭivijjhanti nippadesattā, paccayākāraṃ pana sammāsambuddhāyeva anavasesato paṭivijjhanti, na itare. Tasmā paccayavasena ‘‘idaṃ aparaddha’’nti vuttaṃ theraṃ apasādentena. Tameva hissa anavasesato paṭivedhābhāvaṃ vibhāvetuṃ ‘‘atha kasmā’’tiādi vuttaṃ. Asatipi dhammato bhede saṃyojanatthaanusayatthavasena pana tesaṃ labbhamānabhedaṃ gahetvā ‘‘ime cattāro kilese’’ti vuttaṃ. Añño hi tesaṃ bandhanattho, añño thāmagamanaṭṭhoti. Esa nayo sesesupi. Iti imesaṃ kilesānaṃ appahīnattā tathārūpaṃ upanissayasampadaṃ abhāvayatova anuttānameva dhammaṃ uttānanti na vattabbamevāti adhippāyo. Cattāri aṭṭha soḷasa vā asaṅkhyeyyānīti idaṃ mahābodhisattānaṃ santāne bodhiparipācakadhammānaṃ tikkhamajjhimamudubhāvasiddhakālavisesadassanaṃ, tañca kho mahābhinīhārato paṭṭhāyāti vadanti. Etehīti yathāvuttabuddhasāvakaaggasāvakapaccekabuddhasammāsambuddhānaṃ visesādhigamehi. Paccanīkanti paṭikkūlaṃ viruddhaṃ. Sabbathā paccayākārapaṭivedho nāma sammāsambodhiyādhigamo evāti vuttaṃ ‘‘paccayākāraṃ paṭivijjhituṃ vāyamantassevā’’ti. Navahi ākārehīti uppādādīhi navahi paccayākārehi. Vuttañhetaṃ paṭisambhidāyaṃ (paṭi. ma. 1.45) –
‘‘авиж̇ж̇аасан̇каараанам̣ уббаад̣̇адтид̇и жа бавад̇д̇адтид̇и жа нимид̇д̇адтид̇и жа ааяууханадтид̇и жа сам̣яог̇адтид̇и жа балиб̣од̇хадтид̇и жа самуд̣̇аяадтид̇и жа хзд̇удтид̇и жа бажжаяадтид̇и жа, имзхи навахаагаарзхи авиж̇ж̇аа бажжаяо, сан̇каараа бажжаяасамуббаннаа’’д̇иаад̣̇и.
‘‘Avijjāsaṅkhārānaṃ uppādaṭṭhiti ca pavattaṭṭhiti ca nimittaṭṭhiti ca āyūhanaṭṭhiti ca saṃyogaṭṭhiti ca palibodhaṭṭhiti ca samudayaṭṭhiti ca hetuṭṭhiti ca paccayaṭṭhiti ca, imehi navahākārehi avijjā paccayo, saṅkhārā paccayasamuppannā’’tiādi.
д̇ад̇т̇а навахаагаарзхийд̇и навахи бажжаяабхаавуубаг̇аманзхи аагаарзхи. уббаж̇ж̇ад̇и зд̇асмаа паланд̇и уббаад̣̇о, палуббад̇д̇ияаа гааран̣абхааво. сад̇и жа авиж̇ж̇ааяа сан̇каараа уббаж̇ж̇анд̇и, наасад̇и, д̇асмаа авиж̇ж̇аа сан̇каараанам̣ уббаад̣̇о ход̇и. д̇ат̇аа авиж̇ж̇ааяа сад̇и сан̇каараа бавад̇д̇анд̇и жа нимияанд̇и жа. яат̇аа жа бхаваад̣̇ийсу кибанд̇и, звам̣ д̇зсам̣ авиж̇ж̇аа бажжаяо ход̇и, д̇ат̇аа ааяууханд̇и палуббад̇д̇ияаа гхадзнд̇и сам̣яуж̇ж̇анд̇и ад̇д̇ано палзна. яасмим̣ санд̇аанз саяам̣ уббаннаа, д̇ам̣ балиб̣унд̇ханд̇и бажжаяанд̇арасамавааяз уд̣̇аяанд̇и уббаж̇ж̇анд̇и, хинод̇и жа сан̇каараанам̣ гааран̣абхаавам̣ убаг̇ажчад̇и. бадижжа авиж̇ж̇ам̣ сан̇каараа аяанд̇и бавад̇д̇анд̇ийд̇и звам̣ авиж̇ж̇ааяа сан̇каараанам̣ гааран̣абхаавуубаг̇аманависзсаа уббаад̣̇аад̣̇аяо взд̣̇ид̇аб̣б̣аад̇и. уббаад̣̇адтид̇ийд̇и жа д̇идтад̇и зд̇знаад̇и тид̇и, гааран̣ам̣. уббаад̣̇о зва тид̇и уббаад̣̇атид̇и. зса наяо сзсзсуби. ид̣̇ан̃жа бажжаяаагаарад̣̇ассанам̣ яат̇аа буримзхи махааб̣од̇химуулз бавад̇д̇ид̇ам̣, д̇ат̇аа амхаагам̣ бхаг̇авад̇ааби бавад̇д̇ид̇анд̇и ажчарияавзг̇аабхихад̇аа д̣̇асасахассилогад̇хаад̇у сан̇гамби самбагамбийд̇и д̣̇ассзнд̇о ‘‘д̣̇идтамад̇д̇з’’д̇иаад̣̇имааха.
Tattha navahākārehīti navahi paccayabhāvūpagamanehi ākārehi. Uppajjati etasmā phalanti uppādo, phaluppattiyā kāraṇabhāvo. Sati ca avijjāya saṅkhārā uppajjanti, nāsati, tasmā avijjā saṅkhārānaṃ uppādo hoti. Tathā avijjāya sati saṅkhārā pavattanti ca nimiyanti ca. Yathā ca bhavādīsu khipanti, evaṃ tesaṃ avijjā paccayo hoti, tathā āyūhanti phaluppattiyā ghaṭenti saṃyujjanti attano phalena. Yasmiṃ santāne sayaṃ uppannā, taṃ palibundhanti paccayantarasamavāye udayanti uppajjanti, hinoti ca saṅkhārānaṃ kāraṇabhāvaṃ upagacchati. Paṭicca avijjaṃ saṅkhārā ayanti pavattantīti evaṃ avijjāya saṅkhārānaṃ kāraṇabhāvūpagamanavisesā uppādādayo veditabbāti. Uppādaṭṭhitīti ca tiṭṭhati etenāti ṭhiti, kāraṇaṃ. Uppādo eva ṭhiti uppādaṭhiti. Esa nayo sesesupi. Idañca paccayākāradassanaṃ yathā purimehi mahābodhimūle pavattitaṃ, tathā amhākaṃ bhagavatāpi pavattitanti acchariyavegābhihatā dasasahassilokadhātu saṅkampi sampakampīti dassento ‘‘diṭṭhamatte’’tiādimāha.
зд̇асса д̇хаммассаад̇и зд̇асса бадижжасамуббаад̣̇асан̃н̃ид̇асса д̇хаммасса. со бана яасмаа ад̇т̇ад̇о хзд̇уббабхаваанам̣ хзд̇у. д̇знааха ‘‘зд̇асса бажжаяад̇хаммассаа’’д̇и . ж̇аад̇иаад̣̇ийнам̣ ж̇араамаран̣абажжаяад̇ааяаад̇и ад̇т̇о. наамаруубабарижчзд̣̇о д̇асса жа бажжаяабариг̇г̇ахо на батамаабхинивзсамад̇д̇зна ход̇и, ат̇а ко д̇ад̇т̇а абараабарам̣ н̃аан̣уббад̇д̇исан̃н̃ид̇зна ану ану б̣уж̇жханзна. д̇ад̣̇убхаяабхаавам̣ бана д̣̇ассзнд̇о ‘‘н̃аад̇абарин̃н̃аавасзна анануб̣уж̇жханаа’’д̇и ааха. нижжасан̃н̃аад̣̇ийнам̣ баж̇аханавасзна бавад̇д̇амаанаа вибассанаад̇хаммз бадивиж̇жхад̇и зва наама ход̇и бадибагкавигкамбханзна д̇игкависад̣̇абхааваабад̇д̇ид̇о, д̇ад̣̇ад̇хидтаанабхууд̇аа жа д̇ийран̣абарин̃н̃аа арияамаг̇г̇о жа барин̃н̃аабахаанаабхисамаяавасзна бавад̇д̇ияаа д̇ийран̣аббахаанабарин̃н̃аасан̇г̇ахо жаад̇и д̇ад̣̇убхаяабадивзд̇хаабхаавам̣ д̣̇ассзнд̇о ‘‘д̇ийран̣аббахаанабарин̃н̃аавасзна аббадивиж̇жханаа’’д̇и ааха. д̇анд̇ам̣ вужжад̇и бадавийнанад̇т̇ам̣ д̇анд̇авааязд̇и д̇анд̇ам̣ ааван̃чид̇ваа басаарид̇асуд̇д̇аваддид̇ам̣ нийяад̇ийд̇и гад̇ваа, д̇ам̣ бана д̇анд̇аагулад̇ааяа нид̣̇ассанабхаавзна аагуламзва г̇ахид̇анд̇и ааха ‘‘д̇анд̇ам̣ вияа аагулаж̇аад̇аа’’д̇и. сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзнд̇о ‘‘яат̇аа наамаа’’д̇иаад̣̇и вуд̇д̇ам̣. самаанзд̇унд̇и буб̣б̣знаабарам̣ самам̣ гад̇ваа аанзд̇ум̣, ависамам̣ уж̇ум̣ гаад̇унд̇и ад̇т̇о. д̇анд̇амзва ваа аагулам̣ д̇анд̇аагулам̣, д̇анд̇аагулам̣ вияа ж̇аад̇аа бхууд̇аа д̇анд̇аагулагаж̇аад̇аа. маж̇жхимам̣ бадибад̣̇ам̣ анубаг̇анд̇ваа анд̇ад̣̇ваяабагканд̣̇зна бажжаяаагаарз калид̇ваа аагулаб̣яаагулаа хонд̇и, д̇знзва анд̇ад̣̇ваяабагканд̣̇зна д̇ам̣д̇ам̣д̣̇идтиг̇г̇аахавасзна бариб̣бхаманд̇аа уж̇угам̣ д̇хаммадтид̇ид̇анд̇ам̣ бадивиж̇жхид̇ум̣ на ж̇аананд̇и. д̇знааха ‘‘на саггонд̇и бажжаяаагаарам̣ уж̇ум̣ гаад̇у’’нд̇и. д̣̇вз б̣од̇хисад̇д̇зд̇и бажжзгаб̣од̇хисад̇д̇амахааб̣од̇хисад̇д̇з. ад̇д̇ано д̇хаммад̇ааяаад̇и ад̇д̇ано сабхаавзна, баробад̣̇зсзна винаад̇и ад̇т̇о. д̇ад̇т̇а д̇ад̇т̇а г̇ул̣агаж̇аад̇анд̇и д̇асмим̣ д̇асмим̣ таанз ж̇аад̇аг̇ул̣агам̣ бин̣д̣исуд̇д̇ам̣. д̇ад̇о зва г̇ан̣тиб̣ад̣̇д̇ханд̇и вуд̇д̇ам̣. бажжаязсу багкалид̇ваад̇и анижжад̣̇угкаанад̇д̇аад̣̇исабхаавзсу бажжаяад̇хаммзсу нижжаад̣̇ибхаававасзна багкалид̇ваа. бажжаяз уж̇ум̣ гаад̇ум̣ асаггонд̇од̇и д̇ассзва нижжаад̣̇иг̇аахасса ависсаж̇ж̇анад̇о бажжаяад̇хамманимид̇д̇ам̣ ад̇д̇ано д̣̇ассанам̣ уж̇ум̣ гаад̇ум̣ асаггонд̇о ид̣̇ам̣сажжаабхинивзсагааяаг̇ант̇авасзна г̇ан̣тигаж̇аад̇аа хонд̇ийд̇и ааха ‘‘д̣̇ваасадти…бз… г̇ан̣тиб̣ад̣̇д̇хаа’’д̇и.
Etassa dhammassāti etassa paṭiccasamuppādasaññitassa dhammassa. So pana yasmā atthato hetuppabhavānaṃ hetu. Tenāha ‘‘etassa paccayadhammassā’’ti . Jātiādīnaṃ jarāmaraṇapaccayatāyāti attho. Nāmarūpaparicchedo tassa ca paccayapariggaho na paṭhamābhinivesamattena hoti, atha kho tattha aparāparaṃ ñāṇuppattisaññitena anu anu bujjhanena. Tadubhayabhāvaṃ pana dassento ‘‘ñātapariññāvasena ananubujjhanā’’ti āha. Niccasaññādīnaṃ pajahanavasena pavattamānā vipassanādhamme paṭivijjhati eva nāma hoti paṭipakkhavikkhambhanena tikkhavisadabhāvāpattito, tadadhiṭṭhānabhūtā ca tīraṇapariññā ariyamaggo ca pariññāpahānābhisamayavasena pavattiyā tīraṇappahānapariññāsaṅgaho cāti tadubhayapaṭivedhābhāvaṃ dassento ‘‘tīraṇappahānapariññāvasena appaṭivijjhanā’’ti āha. Tantaṃ vuccati paṭavīnanatthaṃ tantavāyeti tantaṃ āvañchitvā pasāritasuttavaṭṭitaṃ nīyatīti katvā, taṃ pana tantākulatāya nidassanabhāvena ākulameva gahitanti āha ‘‘tantaṃ viya ākulajātā’’ti. Saṅkhepato vuttamatthaṃ vitthārato dassento ‘‘yathā nāmā’’tiādi vuttaṃ. Samānetunti pubbenāparaṃ samaṃ katvā ānetuṃ, avisamaṃ ujuṃ kātunti attho. Tantameva vā ākulaṃ tantākulaṃ, tantākulaṃ viya jātā bhūtā tantākulakajātā. Majjhimaṃ paṭipadaṃ anupagantvā antadvayapakkhandena paccayākāre khalitvā ākulabyākulā honti, teneva antadvayapakkhandena taṃtaṃdiṭṭhiggāhavasena paribbhamantā ujukaṃ dhammaṭṭhititantaṃ paṭivijjhituṃ na jānanti. Tenāha ‘‘na sakkonti paccayākāraṃ ujuṃ kātu’’nti. Dve bodhisatteti paccekabodhisattamahābodhisatte. Attano dhammatāyāti attano sabhāvena, paropadesena vināti attho. Tattha tattha guḷakajātanti tasmiṃ tasmiṃ ṭhāne jātaguḷakaṃ piṇḍisuttaṃ. Tato eva gaṇṭhibaddhanti vuttaṃ. Paccayesu pakkhalitvāti aniccadukkhānattādisabhāvesu paccayadhammesu niccādibhāvavasena pakkhalitvā. Paccaye ujuṃ kātuṃ asakkontoti tasseva niccādigāhassa avissajjanato paccayadhammanimittaṃ attano dassanaṃ ujuṃ kātuṃ asakkonto idaṃsaccābhinivesakāyaganthavasena gaṇṭhikajātā hontīti āha ‘‘dvāsaṭṭhi…pe… gaṇṭhibaddhā’’ti.
яз хи гзжи саман̣аа ваа б̣раахман̣аа ваа сассад̇ад̣̇идтиаад̣̇и д̣̇идтияо ниссид̇аа аллийнаа, винанад̇о гулаад̇и ид̇т̇илин̇г̇авасзна лад̣̇д̇ханаамасса д̇анд̇авааяасса г̇ан̣тигам̣ наама аагулабхаавзна аг̇г̇ад̇о ваа муулад̇о ваа д̣̇увин̃н̃зяяааваяавам̣ калид̇аб̣анд̇хасуд̇д̇анд̇и ааха ‘‘гулааг̇ан̣тигам̣ вужжад̇и бзсагаараган̃ж̇ияасуд̇д̇а’’нд̇и. сагун̣игаад̇и ваддажаадагасагун̣игаа. саа хи ругкасаакаасу оламб̣анагулаавагаа ход̇и. д̇ан̃хи саа гулаавагам̣ д̇ад̇о д̇ад̇о д̇ин̣ахийраад̣̇игз аанзд̇ваа д̇ат̇аа д̇ат̇аа винанд̇хад̇и, яат̇аа д̇зсам̣ бзсагаараган̃ж̇ияасуд̇д̇ам̣ вияа аг̇г̇зна ваа аг̇г̇ам̣, муулзна ваа муулам̣ самаанзд̇ум̣ вивзжзд̇ум̣ ваа на саггаа. д̇знааха ‘‘яат̇аа’’д̇иаад̣̇и. д̇ад̣̇убхаяамбийд̇и гулааг̇ан̣тиганд̇и вуд̇д̇ам̣ ган̃ж̇ияасуд̇д̇ам̣ гулааваган̃жа. буриманаязнзваад̇и ‘‘звамзва сад̇д̇аа’’д̇иаад̣̇инаа буб̣б̣з вуд̇д̇анаязнзва.
Ye hi keci samaṇā vā brāhmaṇā vā sassatadiṭṭhiādi diṭṭhiyo nissitā allīnā, vinanato kulāti itthiliṅgavasena laddhanāmassa tantavāyassa gaṇṭhikaṃ nāma ākulabhāvena aggato vā mūlato vā duviññeyyāvayavaṃ khalitabandhasuttanti āha ‘‘kulāgaṇṭhikaṃ vuccati pesakārakañjiyasutta’’nti. Sakuṇikāti vaṭṭacāṭakasakuṇikā. Sā hi rukkhasākhāsu olambanakulāvakā hoti. Tañhi sā kulāvakaṃ tato tato tiṇahīrādike ānetvā tathā tathā vinandhati, yathā tesaṃ pesakārakañjiyasuttaṃ viya aggena vā aggaṃ, mūlena vā mūlaṃ samānetuṃ vivecetuṃ vā na sakkā. Tenāha ‘‘yathā’’tiādi. Tadubhayampīti kulāgaṇṭhikanti vuttaṃ kañjiyasuttaṃ kulāvakañca. Purimanayenevāti ‘‘evameva sattā’’tiādinā pubbe vuttanayeneva.
гаамам̣ мун̃ж̇абаб̣б̣аж̇ад̇ин̣аани яат̇ааж̇аад̇ааниби д̣̇ийгхабхаавзна бад̇ид̇ваа аран̃н̃адтаанз ан̃н̃аман̃н̃ам̣ винанд̇хид̇ваа аагулаани худ̇ваа д̇идтанд̇и, д̇аани бана д̇ат̇аа д̣̇уб̣б̣ивзжияаани яат̇аа раж̇ж̇убхууд̇аанийд̇и д̣̇ассзд̇ум̣ ‘‘яат̇аа хий’’д̇иаад̣̇и вуд̇д̇ам̣. сзсамзд̇т̇а хздтаа вуд̇д̇анаяамзва.
Kāmaṃ muñjapabbajatiṇāni yathājātānipi dīghabhāvena patitvā araññaṭṭhāne aññamaññaṃ vinandhitvā ākulāni hutvā tiṭṭhanti, tāni pana tathā dubbiveciyāni yathā rajjubhūtānīti dassetuṃ ‘‘yathā hī’’tiādi vuttaṃ. Sesamettha heṭṭhā vuttanayameva.
абааяод̇и аязна сукзна, сукахзд̇унаа ваа вирахид̇о. д̣̇угкасса г̇ад̇ибхаавад̇од̇и абааяигасса д̣̇угкасса бавад̇д̇идтаанабхаавад̇о. сукасамуссаяад̇од̇и ‘‘аб̣бхуд̣̇аяад̇о винибад̇ид̇ад̇д̇аа’’д̇и вируубам̣ нибад̇ид̇ад̇д̇аа яат̇аа д̇знад̇д̇абхаавзна сукасамуссаяо на ход̇и, звам̣ нибад̇ид̇ад̇д̇аа. ид̇арод̇и сам̣сааро нану ‘‘абааяа’’нд̇иаад̣̇инаа вуд̇д̇оби сам̣сааро зваад̇и? сажжамзд̇ам̣, нираяаад̣̇ийнам̣ бана ад̇химад̇д̇ад̣̇угкабхаавад̣̇ассанад̇т̇ам̣ абааяаад̣̇иг̇г̇ахан̣ам̣ г̇об̣алиб̣ад̣̇д̣̇ан̃ааязна аяамад̇т̇о взд̣̇ид̇аб̣б̣о. канд̇хаанан̃жа бадибаадийд̇и бан̃жаннам̣ канд̇хаанам̣ хзд̇упалабхаавзна абараабаруббад̇д̇и. аб̣бхожчиннам̣ вад̇д̇амаанаад̇и авижчзд̣̇зна бавад̇д̇амаанаа.
Apāyoti ayena sukhena, sukhahetunā vā virahito. Dukkhassa gatibhāvatoti apāyikassa dukkhassa pavattiṭṭhānabhāvato. Sukhasamussayatoti ‘‘abbhudayato vinipatitattā’’ti virūpaṃ nipatitattā yathā tenattabhāvena sukhasamussayo na hoti, evaṃ nipatitattā. Itaroti saṃsāro nanu ‘‘apāya’’ntiādinā vuttopi saṃsāro evāti? Saccametaṃ, nirayādīnaṃ pana adhimattadukkhabhāvadassanatthaṃ apāyādiggahaṇaṃ gobalibaddañāyena ayamattho veditabbo. Khandhānañca paṭipāṭīti pañcannaṃ khandhānaṃ hetuphalabhāvena aparāparuppatti. Abbhocchinnaṃ vattamānāti avicchedena pavattamānā.
д̇ам̣ саб̣б̣амбийд̇и д̇ам̣ ‘‘абааяа’’нд̇иаад̣̇инаа вуд̇д̇ам̣ саб̣б̣ам̣ абааяад̣̇угкан̃жзва ваддад̣̇угкан̃жа. махаасамуд̣̇д̣̇з ваад̇агкид̇д̇аа нааваа вияаад̇и ид̣̇ам̣ бариб̣бхаманадтаанасса маханд̇абхаавад̣̇ассанад̇т̇ан̃жзва бариб̣бхаманасса анавад̇д̇ид̇ад̣̇ассанад̇т̇ан̃жа взд̣̇ид̇аб̣б̣ам̣. сзсам̣ вуд̇д̇анаяамзва.
Taṃ sabbampīti taṃ ‘‘apāya’’ntiādinā vuttaṃ sabbaṃ apāyadukkhañceva vaṭṭadukkhañca. Mahāsamudde vātakkhittā nāvā viyāti idaṃ paribbhamanaṭṭhānassa mahantabhāvadassanatthañceva paribbhamanassa anavattitadassanatthañca veditabbaṃ. Sesaṃ vuttanayameva.
нид̣̇аанасуд̇д̇аван̣н̣анаа нидтид̇аа.
Nidānasuttavaṇṇanā niṭṭhitā.
д̣̇угкаваг̇г̇аван̣н̣анаа нидтид̇аа.
Dukkhavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. нид̣̇аанасуд̇д̇ам̣ • 10. Nidānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. нид̣̇аанасуд̇д̇аван̣н̣анаа • 10. Nidānasuttavaṇṇanā
