| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
нид̣̇аанаван̣н̣анаа
Nidānavaṇṇanā
д̇ад̇т̇а баад̇имогканд̇и баад̇имогкам̣ ад̇ибамогкам̣ ад̇исздтам̣ ад̇иуд̇д̇аманд̇и ад̇т̇о. ид̇и иминаа важанад̇т̇зна згавид̇хамби сийлаг̇ант̇абхзд̣̇ад̇о д̣̇увид̇хам̣ ход̇и. д̇ат̇аа хи ‘‘баад̇имогкасам̣варасам̣вуд̇о вихарад̇ий’’д̇и (ма. ни. 1.69; 3.75; вибха. 508) жа ‘‘аад̣̇имзд̇ам̣ мукамзд̇ам̣ бамукамзд̇ам̣ гусалаанам̣ д̇хаммаанам̣, д̇зна вужжад̇и баад̇имогка’’нд̇и (махаава. 135) жа аад̣̇ийсу сийлам̣ баад̇имогканд̇и вужжад̇и, ‘‘убхаяаани ко банасса баад̇имогкаани вид̇т̇аарзна свааг̇ад̇аани хонд̇ий’’д̇иаад̣̇ийсу (баажи. 147; а. ни. 8.52; 10.33) г̇ант̇о баад̇имогканд̇и вужжад̇и. д̇ад̇т̇а сийлам̣ яо нам̣ баад̇и рагкад̇и, д̇ам̣ могкзд̇и можаяад̇и аабааяигаад̣̇ийхи д̣̇угкзхи, ад̇д̇аануваад̣̇аад̣̇ийхи ваа бхаязхийд̇и баад̇имогкам̣. г̇ант̇о бана д̇асса баад̇имогкасса ж̇од̇агад̇д̇аа баад̇имогканд̇и вужжад̇и. аад̣̇имхи бана вуд̇д̇о важанад̇т̇о убхиннамби саад̇хааран̣о ход̇и.
Tattha pātimokkhanti paatimokkhaṃ atipamokkhaṃ atiseṭṭhaṃ atiuttamanti attho. Iti iminā vacanatthena ekavidhampi sīlaganthabhedato duvidhaṃ hoti. Tathā hi ‘‘pātimokkhasaṃvarasaṃvuto viharatī’’ti (ma. ni. 1.69; 3.75; vibha. 508) ca ‘‘ādimetaṃ mukhametaṃ pamukhametaṃ kusalānaṃ dhammānaṃ, tena vuccati pātimokkha’’nti (mahāva. 135) ca ādīsu sīlaṃ pātimokkhanti vuccati, ‘‘ubhayāni kho panassa pātimokkhāni vitthārena svāgatāni hontī’’tiādīsu (pāci. 147; a. ni. 8.52; 10.33) gantho pātimokkhanti vuccati. Tattha sīlaṃ yo naṃ pāti rakkhati, taṃ mokkheti mocayati āpāyikādīhi dukkhehi, attānuvādādīhi vā bhayehīti pātimokkhaṃ. Gantho pana tassa pātimokkhassa jotakattā pātimokkhanti vuccati. Ādimhi pana vutto vacanattho ubhinnampi sādhāraṇo hoti.
д̇ад̇т̇ааяам̣ ван̣н̣анаа сийлабаад̇имогкассааби яуж̇ж̇ад̇и г̇ант̇абаад̇имогкассааби, г̇ант̇з хи ван̣н̣ид̇з д̇асса ад̇т̇о ван̣н̣ид̇ова ход̇и. д̇ам̣ банзд̇ам̣ г̇ант̇абаад̇имогкам̣ бхигкубаад̇имогкам̣ бхигкунибаад̇имогканд̇и д̣̇увид̇хам̣ ход̇и . д̇ад̇т̇а ‘‘сун̣аад̇у мз, бханд̇з, сан̇гхо’’д̇иаад̣̇игам̣ (махаава. 134) бан̃жахи уд̣̇д̣̇зсабарижчзд̣̇зхи вавад̇т̇ид̇ам̣ бхигкубаад̇имогкам̣, ‘‘сун̣аад̇у мз, аяяз, сан̇гхо’’д̇иаад̣̇игам̣ жад̇уухи уд̣̇д̣̇зсабарижчзд̣̇зхи вавад̇т̇ид̇ам̣ бхигкунибаад̇имогкам̣. д̇ад̇т̇а бхигкубаад̇имогкз бан̃жа уд̣̇д̣̇зсаа наама нид̣̇аануд̣̇д̣̇зсо, баарааж̇игуд̣̇д̣̇зсо, сан̇гхаад̣̇исзсуд̣̇д̣̇зсо, анияад̇уд̣̇д̣̇зсо , вид̇т̇ааруд̣̇д̣̇зсод̇и. д̇ад̇т̇а нид̣̇аануд̣̇д̣̇зсо д̇аава ‘‘сун̣аад̇у мз, бханд̇з, сан̇гхо…бз… аавигад̇аа хисса паасу ход̇и, д̇ад̇т̇ааяасманд̇з бужчаами, гажжид̇т̇а барисуд̣̇д̇хаа, д̣̇уд̇ияамби бужчаами, гажжид̇т̇а барисуд̣̇д̇хаа, д̇ад̇ияамби бужчаами, гажжид̇т̇а барисуд̣̇д̇хаа, барисуд̣̇д̇хзд̇т̇ааяасманд̇о, д̇асмаа д̇ун̣хий, звамзд̇ам̣ д̇хаараяаамий’’д̇и вад̇ваа ‘‘уд̣̇д̣̇идтам̣ ко ааяасманд̇о нид̣̇аана’’нд̇иаад̣̇инаа наязна авасзсз суд̇зна саавид̇з уд̣̇д̣̇идто ход̇и. баарааж̇игуд̣̇д̣̇зсаад̣̇ийнам̣ барижчзд̣̇аа нид̣̇аанасса аад̣̇ид̇о бадтааяа баарааж̇игаад̣̇ийни осаабзд̇ваа яож̇зд̇аб̣б̣аа. вид̇т̇ааро вид̇т̇аароязва . ‘‘авасзсам̣ суд̇зна саавзд̇аб̣б̣а’’нд̇и (махаава. 150; бари. 325) важанад̇о бана баарааж̇игуд̣̇д̣̇зсаад̣̇ийсу яасмим̣ виббагад̇з анд̇арааяо уббаж̇ж̇ад̇и, д̇зна сад̣̇д̇хим̣ авасзсам̣ суд̇зна саавзд̇аб̣б̣ам̣. нид̣̇аануд̣̇д̣̇зсз бана анидтид̇з суд̇зна саавзд̇аб̣б̣ам̣ наама над̇т̇и. бхигкунибаад̇имогкз бана анияад̇уд̣̇д̣̇зсо барихааяад̇и, сзсам̣ вуд̇д̇анаяамзва. звамзд̇зсам̣ бан̃жахи жзва жад̇уухи жа уд̣̇д̣̇зсабарижчзд̣̇зхи вавад̇т̇ид̇аанам̣ д̣̇виннамби баад̇имогкаанам̣ аяам̣ ван̣н̣анаа бхависсад̇и. яасмаа банзд̇т̇а бхигкубаад̇имогкам̣ батамам̣, д̇асмаа д̇асса д̇аава ван̣н̣анад̇т̇амид̣̇ам̣ вужжад̇и.
Tatthāyaṃ vaṇṇanā sīlapātimokkhassāpi yujjati ganthapātimokkhassāpi, ganthe hi vaṇṇite tassa attho vaṇṇitova hoti. Taṃ panetaṃ ganthapātimokkhaṃ bhikkhupātimokkhaṃ bhikkhunipātimokkhanti duvidhaṃ hoti . Tattha ‘‘suṇātu me, bhante, saṅgho’’tiādikaṃ (mahāva. 134) pañcahi uddesaparicchedehi vavatthitaṃ bhikkhupātimokkhaṃ, ‘‘suṇātu me, ayye, saṅgho’’tiādikaṃ catūhi uddesaparicchedehi vavatthitaṃ bhikkhunipātimokkhaṃ. Tattha bhikkhupātimokkhe pañca uddesā nāma nidānuddeso, pārājikuddeso, saṅghādisesuddeso, aniyatuddeso , vitthāruddesoti. Tattha nidānuddeso tāva ‘‘suṇātu me, bhante, saṅgho…pe… āvikatā hissa phāsu hoti, tatthāyasmante pucchāmi, kaccittha parisuddhā, dutiyampi pucchāmi, kaccittha parisuddhā, tatiyampi pucchāmi, kaccittha parisuddhā, parisuddhetthāyasmanto, tasmā tuṇhī, evametaṃ dhārayāmī’’ti vatvā ‘‘uddiṭṭhaṃ kho āyasmanto nidāna’’ntiādinā nayena avasese sutena sāvite uddiṭṭho hoti. Pārājikuddesādīnaṃ paricchedā nidānassa ādito paṭṭhāya pārājikādīni osāpetvā yojetabbā. Vitthāro vitthāroyeva . ‘‘Avasesaṃ sutena sāvetabba’’nti (mahāva. 150; pari. 325) vacanato pana pārājikuddesādīsu yasmiṃ vippakate antarāyo uppajjati, tena saddhiṃ avasesaṃ sutena sāvetabbaṃ. Nidānuddese pana aniṭṭhite sutena sāvetabbaṃ nāma natthi. Bhikkhunipātimokkhe pana aniyatuddeso parihāyati, sesaṃ vuttanayameva. Evametesaṃ pañcahi ceva catūhi ca uddesaparicchedehi vavatthitānaṃ dvinnampi pātimokkhānaṃ ayaṃ vaṇṇanā bhavissati. Yasmā panettha bhikkhupātimokkhaṃ paṭhamaṃ, tasmā tassa tāva vaṇṇanatthamidaṃ vuccati.
‘‘сун̣аад̇у мз’’д̇иаад̣̇ийнам̣, бад̣̇аанам̣ ад̇т̇анижчаяам̣;
‘‘Suṇātu me’’tiādīnaṃ, padānaṃ atthanicchayaṃ;
бхигкаво сийласамбаннаа, сигкаагаамаа сун̣анд̇у мзд̇и.
Bhikkhavo sīlasampannā, sikkhākāmā suṇantu meti.
зд̇т̇а хи сун̣аад̇ууд̇иид̣̇ам̣ саванаан̣ад̇д̇иважанам̣. мзд̇и яо саавзд̇и, д̇асса ад̇д̇анид̣̇д̣̇зсаважанам̣. бханд̇зд̇и саг̇ааравасаббад̇иссаважанам̣. сан̇гход̇и буг̇г̇аласамуухаважанам̣. саб̣б̣амзва жзд̇ам̣ баад̇имогкуд̣̇д̣̇зсагзна батамам̣ вад̇д̇аб̣б̣аважанам̣. бхаг̇авад̇аа хи баад̇имогкуд̣̇д̣̇зсам̣ ануж̇аананд̇зна рааж̇аг̇ахз вуд̇д̇ам̣, д̇асмаа яо баад̇имогкам̣ уд̣̇д̣̇исад̇и, д̇зна сажз сан̇гхад̇т̇зро ход̇и, ‘‘аавусо’’д̇и вад̇д̇аб̣б̣ам̣. сажз навагад̇аро ход̇и, баал̣ияам̣ (махаава. 134) ааг̇ад̇анаязнзва ‘‘бханд̇з’’д̇и вад̇д̇аб̣б̣ам̣. сан̇гхад̇т̇зро ваа хи баад̇имогкам̣ уд̣̇д̣̇исзяяа ‘‘т̇зраад̇хигам̣ баад̇имогка’’нд̇иважанад̇о (махаава. 154), навагад̇аро ваа ‘‘ануж̇аанаами, бхигкавз, яо д̇ад̇т̇а бхигку б̣яад̇д̇о бадиб̣ало, д̇ассаад̇хзяяам̣ баад̇имогка’’нд̇иважанад̇о (махаава. 155).
Ettha hi suṇātūtiidaṃ savanāṇattivacanaṃ. Meti yo sāveti, tassa attaniddesavacanaṃ. Bhanteti sagāravasappatissavacanaṃ. Saṅghoti puggalasamūhavacanaṃ. Sabbameva cetaṃ pātimokkhuddesakena paṭhamaṃ vattabbavacanaṃ. Bhagavatā hi pātimokkhuddesaṃ anujānantena rājagahe vuttaṃ, tasmā yo pātimokkhaṃ uddisati, tena sace saṅghatthero hoti, ‘‘āvuso’’ti vattabbaṃ. Sace navakataro hoti, pāḷiyaṃ (mahāva. 134) āgatanayeneva ‘‘bhante’’ti vattabbaṃ. Saṅghatthero vā hi pātimokkhaṃ uddiseyya ‘‘therādhikaṃ pātimokkha’’ntivacanato (mahāva. 154), navakataro vā ‘‘anujānāmi, bhikkhave, yo tattha bhikkhu byatto paṭibalo, tassādheyyaṃ pātimokkha’’ntivacanato (mahāva. 155).
‘‘сан̇гхо’’д̇ииминаа бана бад̣̇зна гин̃жааби ависзсад̇о буг̇г̇аласамуухо вуд̇д̇о, ат̇а ко со д̣̇агкин̣зяяасан̇гхо, саммуд̇исан̇гхо жаад̇и д̣̇увид̇хо ход̇и. д̇ад̇т̇а д̣̇агкин̣зяяасан̇гход̇и адта арияабуг̇г̇аласамуухо вужжад̇и. саммуд̇исан̇гход̇и ависзсзна бхигкусамуухо, со ид̇ха ад̇хиббзд̇о. со банзса гаммавасзна бан̃жавид̇хо (махаава. 388) ход̇и – жад̇уваг̇г̇о бан̃жаваг̇г̇о д̣̇асаваг̇г̇о вийсад̇иваг̇г̇о ад̇ирзгавийсад̇иваг̇г̇од̇и. д̇ад̇т̇а жад̇уваг̇г̇зна табзд̇ваа убасамбад̣̇абавааран̣ааб̣бхаанаани саб̣б̣ам̣ сан̇гхагаммам̣ гаад̇ум̣ ваддад̇и. бан̃жаваг̇г̇зна табзд̇ваа маж̇жхимзсу ж̇анабад̣̇зсу убасамбад̣̇ан̃жа аб̣бхаанагамман̃жа саб̣б̣ам̣ сан̇гхагаммам̣ гаад̇ум̣ ваддад̇и. д̣̇асаваг̇г̇зна аб̣бхаанагаммамад̇д̇ам̣ табзд̇ваа саб̣б̣ам̣ сан̇гхагаммам̣ гаад̇ум̣ ваддад̇и. вийсад̇иваг̇г̇зна на гин̃жи сан̇гхагаммам̣ гаад̇ум̣ на ваддад̇и, д̇ат̇аа ад̇ирзгавийсад̇иваг̇г̇зна.со бана жад̇уваг̇г̇аад̣̇инаа сан̇гхзна гад̇д̇аб̣б̣ам̣ гаммам̣ уунагад̇арзна гаад̇ум̣ на ваддад̇и, ад̇ирзгзна бана ваддад̇ийд̇и д̣̇ассанад̇т̇ам̣ вуд̇д̇о. имасмим̣ банад̇т̇з жад̇уваг̇г̇ам̣ убаад̣̇ааяа саб̣б̣оби саммуд̇исан̇гхо ад̇хиббзд̇о.
‘‘Saṅgho’’tiiminā pana padena kiñcāpi avisesato puggalasamūho vutto, atha kho so dakkhiṇeyyasaṅgho, sammutisaṅgho cāti duvidho hoti. Tattha dakkhiṇeyyasaṅghoti aṭṭha ariyapuggalasamūho vuccati. Sammutisaṅghoti avisesena bhikkhusamūho, so idha adhippeto. So panesa kammavasena pañcavidho (mahāva. 388) hoti – catuvaggo pañcavaggo dasavaggo vīsativaggo atirekavīsativaggoti. Tattha catuvaggena ṭhapetvā upasampadapavāraṇaabbhānāni sabbaṃ saṅghakammaṃ kātuṃ vaṭṭati. Pañcavaggena ṭhapetvā majjhimesu janapadesu upasampadañca abbhānakammañca sabbaṃ saṅghakammaṃ kātuṃ vaṭṭati. Dasavaggena abbhānakammamattaṃ ṭhapetvā sabbaṃ saṅghakammaṃ kātuṃ vaṭṭati. Vīsativaggena na kiñci saṅghakammaṃ kātuṃ na vaṭṭati, tathā atirekavīsativaggena.So pana catuvaggādinā saṅghena kattabbaṃ kammaṃ ūnakatarena kātuṃ na vaṭṭati, atirekena pana vaṭṭatīti dassanatthaṃ vutto. Imasmiṃ panatthe catuvaggaṃ upādāya sabbopi sammutisaṅgho adhippeto.
аж̇ж̇убосат̇од̇и аж̇ж̇а убосат̇ад̣̇ивасо, зд̇зна анубосат̇ад̣̇ивасам̣ бадигкибад̇и. баннарасод̇и иминаа ан̃н̃ам̣ убосат̇ад̣̇ивасам̣ бадигкибад̇и. д̣̇ивасавасзна хи д̇аяо убосат̇аа жаад̇уд̣̇д̣̇асиго баннарасиго саамаг̇г̇иубосат̇од̇и, звам̣ д̇аяо убосат̇аа вуд̇д̇аа. д̇ад̇т̇а хзманд̇аг̇имхавассаанаанам̣ д̇ин̣н̣ам̣ уд̇уунам̣ д̇ад̇ияасад̇д̇амабагкзсу д̣̇вз д̣̇вз гад̇ваа ча жаад̇уд̣̇д̣̇асигаа, авасзсаа адтаараса баннарасигаад̇и звам̣ згасам̣важчарз жад̇увийсад̇и убосат̇аа, ид̣̇ам̣ д̇аава багад̇ижаарид̇д̇ам̣. ‘‘ануж̇аанаами, бхигкавз, сагим̣ багкасса жаад̇уд̣̇д̣̇асз ваа баннарасз ваа баад̇имогкам̣ уд̣̇д̣̇исид̇у’’нд̇и (махаава. 136) важанад̇о бана ‘‘ааг̇анд̇угзхи ааваасигаанам̣ анувад̇д̇ид̇аб̣б̣а’’нд̇иаад̣̇иважанад̇о (махаава. 178) жа д̇ат̇ааруубабажжаяз сад̇и ан̃н̃асмимби жаад̇уд̣̇д̣̇асз убосат̇ам̣ гаад̇ум̣ ваддад̇и. буримавассам̣вудтаанам̣ бана буб̣б̣агад̇д̇игабун̣н̣амаа ваа, д̇зсам̣язва сажз бхан̣д̣анагаарагзхи убад̣̇д̣̇уд̇аа бавааран̣ам̣ бажжуггад̣дханд̇и, ат̇а буб̣б̣агад̇д̇игамаасасса гаал̣абагкажаад̇уд̣̇д̣̇асо ваа, бажчимагад̇д̇игабун̣н̣амаа ваа, бажчимавассам̣вудтаанан̃жа бажчимагад̇д̇игабун̣н̣амаа зваад̇и имз д̇аяо бавааран̣аад̣̇ивасааби хонд̇и, ид̣̇амби багад̇ижаарид̇д̇амзва. д̇ат̇ааруубабажжаяз бана сад̇и д̣̇виннам̣ гад̇д̇игабун̣н̣амаанам̣ буримзсу жаад̇уд̣̇д̣̇асзсуби бавааран̣ам̣ гаад̇ум̣ ваддад̇и. яад̣̇аа бана госамб̣агагканд̇хагз (махаава. 451) ааг̇ад̇анаязна бхиннз сан̇гхз осаарид̇з д̇асмим̣ бхигкусмим̣ сан̇гхо д̇асса вад̇т̇усса вуубасамааяа сан̇гхасса саамаг̇г̇им̣ гарод̇и, д̇ад̣̇аа ‘‘д̇аавад̣̇зва убосат̇о гаад̇аб̣б̣о, баад̇имогкам̣ уд̣̇д̣̇исид̇аб̣б̣а’’нд̇и (махаава. 475) важанад̇о табзд̇ваа жаад̇уд̣̇д̣̇асабаннарасз, ан̃н̃оби яо гожи д̣̇ивасо саамаг̇г̇иубосат̇ад̣̇ивасо наама ход̇и, буримавассам̣вудтаанам̣ бана гад̇д̇игамаасаб̣бханд̇арз аяамзва саамаг̇г̇ибавааран̣аад̣̇ивасо наама ход̇и. ид̇и имзсу д̇ийсу д̣̇ивасзсу ‘‘баннарасо’’д̇ииминаа ан̃н̃ам̣ убосат̇ад̣̇ивасам̣ бадигкибад̇и. д̇асмаа явааяам̣ ‘‘аж̇ж̇убосат̇о’’д̇иважанзна анубосат̇ад̣̇ивасо бадигкид̇д̇о, д̇асмим̣ убосат̇о на гаад̇аб̣б̣оязва. яо банааяам̣ ан̃н̃о убосат̇ад̣̇ивасо, д̇асмим̣ убосат̇о гаад̇аб̣б̣о. гаронд̇зна бана сажз жаад̇уд̣̇д̣̇асиго ход̇и, ‘‘аж̇ж̇убосат̇о жаад̇уд̣̇д̣̇асо’’д̇и вад̇д̇аб̣б̣ам̣. сажз баннарасиго ход̇и, ‘‘аж̇ж̇убосат̇о баннарасо’’д̇и вад̇д̇аб̣б̣ам̣. сажз саамаг̇г̇иубосат̇о ход̇и, ‘‘аж̇ж̇убосат̇о саамаг̇г̇ий’’д̇и вад̇д̇аб̣б̣ам̣.
Ajjuposathoti ajja uposathadivaso, etena anuposathadivasaṃ paṭikkhipati. Pannarasoti iminā aññaṃ uposathadivasaṃ paṭikkhipati. Divasavasena hi tayo uposathā cātuddasiko pannarasiko sāmaggiuposathoti, evaṃ tayo uposathā vuttā. Tattha hemantagimhavassānānaṃ tiṇṇaṃ utūnaṃ tatiyasattamapakkhesu dve dve katvā cha cātuddasikā, avasesā aṭṭhārasa pannarasikāti evaṃ ekasaṃvacchare catuvīsati uposathā, idaṃ tāva pakaticārittaṃ. ‘‘Anujānāmi, bhikkhave, sakiṃ pakkhassa cātuddase vā pannarase vā pātimokkhaṃ uddisitu’’nti (mahāva. 136) vacanato pana ‘‘āgantukehi āvāsikānaṃ anuvattitabba’’ntiādivacanato (mahāva. 178) ca tathārūpapaccaye sati aññasmimpi cātuddase uposathaṃ kātuṃ vaṭṭati. Purimavassaṃvuṭṭhānaṃ pana pubbakattikapuṇṇamā vā, tesaṃyeva sace bhaṇḍanakārakehi upaddutā pavāraṇaṃ paccukkaḍḍhanti, atha pubbakattikamāsassa kāḷapakkhacātuddaso vā, pacchimakattikapuṇṇamā vā, pacchimavassaṃvuṭṭhānañca pacchimakattikapuṇṇamā evāti ime tayo pavāraṇādivasāpi honti, idampi pakaticārittameva. Tathārūpapaccaye pana sati dvinnaṃ kattikapuṇṇamānaṃ purimesu cātuddasesupi pavāraṇaṃ kātuṃ vaṭṭati. Yadā pana kosambakakkhandhake (mahāva. 451) āgatanayena bhinne saṅghe osārite tasmiṃ bhikkhusmiṃ saṅgho tassa vatthussa vūpasamāya saṅghassa sāmaggiṃ karoti, tadā ‘‘tāvadeva uposatho kātabbo, pātimokkhaṃ uddisitabba’’nti (mahāva. 475) vacanato ṭhapetvā cātuddasapannarase, aññopi yo koci divaso sāmaggiuposathadivaso nāma hoti, purimavassaṃvuṭṭhānaṃ pana kattikamāsabbhantare ayameva sāmaggipavāraṇādivaso nāma hoti. Iti imesu tīsu divasesu ‘‘pannaraso’’tiiminā aññaṃ uposathadivasaṃ paṭikkhipati. Tasmā yvāyaṃ ‘‘ajjuposatho’’tivacanena anuposathadivaso paṭikkhitto, tasmiṃ uposatho na kātabboyeva. Yo panāyaṃ añño uposathadivaso, tasmiṃ uposatho kātabbo. Karontena pana sace cātuddasiko hoti, ‘‘ajjuposatho cātuddaso’’ti vattabbaṃ. Sace pannarasiko hoti, ‘‘ajjuposatho pannaraso’’ti vattabbaṃ. Sace sāmaggiuposatho hoti, ‘‘ajjuposatho sāmaggī’’ti vattabbaṃ.
яад̣̇и сан̇гхасса бад̇д̇агалланд̇и зд̇т̇а бад̇д̇о гаало имасса гаммассаад̇и бад̇д̇агаалам̣, бад̇д̇агааламзва бад̇д̇агаллам̣. д̇ад̣̇зд̇ам̣ ид̇ха жад̇уухи ан̇г̇зхи сан̇г̇ахид̇ам̣. яат̇ааху адтагат̇аажарияаа –
Yadisaṅghassa pattakallanti ettha patto kālo imassa kammassāti pattakālaṃ, pattakālameva pattakallaṃ. Tadetaṃ idha catūhi aṅgehi saṅgahitaṃ. Yathāhu aṭṭhakathācariyā –
‘‘убосат̇о яаавад̇игаа жа бхигкуу гаммаббад̇д̇аа,
‘‘Uposatho yāvatikā ca bhikkhū kammappattā,
сабхааг̇аабад̇д̇ияо жа на виж̇ж̇анд̇и;
Sabhāgāpattiyo ca na vijjanti;
важ̇ж̇анийяаа жа буг̇г̇алаа д̇асмим̣ на хонд̇и,
Vajjanīyā ca puggalā tasmiṃ na honti,
‘бад̇д̇агалла’нд̇и вужжад̇ий’’д̇и. (махаава. адта. 168);
‘Pattakalla’nti vuccatī’’ti. (mahāva. aṭṭha. 168);
д̇ад̇т̇а убосат̇од̇и д̇ийсу убосат̇ад̣̇ивасзсу ан̃н̃ад̇араубосат̇ад̣̇ивасо. д̇асмин̃хи сад̇и ид̣̇ам̣ сан̇гхасса убосат̇агаммам̣ бад̇д̇агаллам̣ наама ход̇и, наасад̇и. яат̇ааха ‘‘на жа, бхигкавз, анубосат̇з убосат̇о гаад̇аб̣б̣о, яо гарзяяа, аабад̇д̇и д̣̇уггадассаа’’д̇и (махаава. 183).
Tattha uposathoti tīsu uposathadivasesu aññatarauposathadivaso. Tasmiñhi sati idaṃ saṅghassa uposathakammaṃ pattakallaṃ nāma hoti, nāsati. Yathāha ‘‘na ca, bhikkhave, anuposathe uposatho kātabbo, yo kareyya, āpatti dukkaṭassā’’ti (mahāva. 183).
яаавад̇игаа жа бхигкуу гаммаббад̇д̇аад̇и яад̇д̇агаа бхигкуу д̇асса убосат̇агаммасса бад̇д̇аа яуд̇д̇аа ануруубаа, саб̣б̣анд̇имзна барижчзд̣̇зна жад̇д̇ааро багад̇ад̇д̇аа, д̇з жа ко хад̇т̇абаасам̣ авиж̇ахид̇ваа згасиймааяам̣ тид̇аа.
Yāvatikā ca bhikkhū kammappattāti yattakā bhikkhū tassa uposathakammassa pattā yuttā anurūpā, sabbantimena paricchedena cattāro pakatattā, te ca kho hatthapāsaṃ avijahitvā ekasīmāyaṃ ṭhitā.
сиймаа жа наамзсаа б̣ад̣̇д̇хасиймаа аб̣ад̣̇д̇хасиймаад̇и д̣̇увид̇хаа ход̇и. д̇ад̇т̇а згаад̣̇аса вибад̇д̇исиймааяо ад̇иггамид̇ваа д̇ивид̇хасамбад̇д̇ияуд̇д̇аа нимид̇д̇зна нимид̇д̇ам̣ самб̣анд̇хид̇ваа саммад̇аа сиймаа б̣ад̣̇д̇хасиймаа наама, ‘‘ад̇икуд̣̇д̣̇агаа, ад̇имахад̇ий, кан̣д̣анимид̇д̇аа, чааяаанимид̇д̇аа, анимид̇д̇аа, б̣ахисиймз тид̇аа саммад̇аа, над̣̇ияаа саммад̇аа, самуд̣̇д̣̇з саммад̇аа, ж̇аад̇ассарз саммад̇аа, сиймааяа сиймам̣ самбхинд̣̇анд̇зна саммад̇аа, сиймааяа сиймам̣ аж̇жход̇т̇аранд̇зна саммад̇аа’’д̇и имаа хи ‘‘згаад̣̇асахи аагаарзхи сиймад̇о гаммаани вибаж̇ж̇анд̇ий’’д̇и (бари. 486) важанад̇о згаад̣̇аса вибад̇д̇исиймааяо наама. д̇ад̇т̇а ад̇икуд̣̇д̣̇агаа наама яад̇т̇а згавийсад̇и бхигкуу нисийд̣̇ид̇ум̣ на саггонд̇и . ад̇имахад̇ий наама яаа анд̇амасо гзсаг̇г̇амад̇д̇знааби д̇ияож̇анам̣ ад̇иггамид̇ваа саммад̇аа. кан̣д̣анимид̇д̇аа наама агхадид̇анимид̇д̇аа вужжад̇и, бурад̇т̇имааяа д̣̇исааяа нимид̇д̇ам̣ гид̇д̇зд̇ваа ануггамзнзва д̣̇агкин̣ааяа бажчимааяа уд̇д̇арааяа д̣̇исааяа гид̇д̇зд̇ваа буна бурад̇т̇имааяа д̣̇исааяа буб̣б̣агид̇д̇ид̇ам̣ бадигид̇д̇зд̇ваа табзд̇ум̣ ваддад̇и, звам̣ агкан̣д̣анимид̇д̇аа ход̇и. сажз бана ануггамзна аахарид̇ваа уд̇д̇арааяа д̣̇исааяа нимид̇д̇ам̣ гид̇д̇зд̇ваа д̇ад̇т̇зва табзд̇и, кан̣д̣анимид̇д̇аа наама ход̇и. абарааби кан̣д̣анимид̇д̇аа наама яаа анимид̇д̇убаг̇ам̣ д̇ажасаараругкам̣ ваа каан̣угам̣ ваа бам̣субун̃ж̇аваалугабун̃ж̇аанам̣ ваа ан̃н̃ад̇арам̣ анд̇араа згам̣ нимид̇д̇ам̣ гад̇ваа саммад̇аа. чааяаанимид̇д̇аа наама баб̣б̣ад̇ажчааяаад̣̇ийнам̣ яам̣ гин̃жи чааяам̣ нимид̇д̇ам̣ гад̇ваа саммад̇аа. анимид̇д̇аа наама саб̣б̣зна саб̣б̣ам̣ нимид̇д̇аани агид̇д̇зд̇ваа саммад̇аа. б̣ахисиймз тид̇асаммад̇аа наама нимид̇д̇аани гид̇д̇зд̇ваа нимид̇д̇аанам̣ б̣ахитид̇зна саммад̇аа. над̣̇ияаа самуд̣̇д̣̇з ж̇аад̇ассарз саммад̇аа наама зд̇зсу над̣̇иаад̣̇ийсу саммад̇аа. саа хи звам̣ саммад̇ааби ‘‘саб̣б̣аа, бхигкавз, над̣̇ий асиймаа, саб̣б̣о самуд̣̇д̣̇о асиймо, саб̣б̣о ж̇аад̇ассаро асиймо’’д̇и (махаава. 147) важанад̇о асаммад̇аава ход̇и. сиймааяа сиймам̣ самбхинд̣̇анд̇зна саммад̇аа наама ад̇д̇ано сиймааяа барзсам̣ сиймам̣ самбхинд̣̇анд̇зна саммад̇аа. сажз хи бораан̣агасса вихаарасса бурад̇т̇имааяа д̣̇исааяа амб̣о жзва ж̇амб̣уу жаад̇и д̣̇вз ругкаа ан̃н̃аман̃н̃ам̣ сам̣садтавидабаа хонд̇и, д̇зсу амб̣асса бажчимад̣̇исаабхааг̇з ж̇амб̣уу, вихаарасиймаа жа ж̇амб̣ум̣ анд̇о гад̇ваа амб̣ам̣ гид̇д̇зд̇ваа б̣ад̣̇д̇хаа ход̇и, ат̇а бажчаа д̇асса вихаарасса бурад̇т̇имааяа д̣̇исааяа вихаарз гад̇з сиймам̣ б̣анд̇ханд̇аа бхигкуу д̇ам̣ амб̣ам̣ анд̇о гад̇ваа ж̇амб̣ум̣ гид̇д̇зд̇ваа б̣анд̇ханд̇и, сиймааяа сиймам̣ самбхиннаа ход̇и. сиймааяа сиймам̣ аж̇жход̇т̇аранд̇зна саммад̇аа наама ад̇д̇ано сиймааяа барзсам̣ сиймам̣ аж̇жход̇т̇аранд̇зна саммад̇аа. сажз хи барзсам̣ б̣ад̣̇д̇хасиймам̣ сагалам̣ ваа д̇ассаа бад̣̇зсам̣ ваа анд̇о гад̇ваа ад̇д̇ано сиймам̣ самманнад̇и, сиймааяа сиймам̣ аж̇жход̇т̇арид̇аа наама ход̇и. ид̇и имаа згаад̣̇аса вибад̇д̇исиймааяо ад̇иггамид̇ваа саммад̇аа.
Sīmā ca nāmesā baddhasīmā abaddhasīmāti duvidhā hoti. Tattha ekādasa vipattisīmāyo atikkamitvā tividhasampattiyuttā nimittena nimittaṃ sambandhitvā sammatā sīmā baddhasīmā nāma, ‘‘atikhuddakā, atimahatī, khaṇḍanimittā, chāyānimittā, animittā, bahisīme ṭhitā sammatā, nadiyā sammatā, samudde sammatā, jātassare sammatā, sīmāya sīmaṃ sambhindantena sammatā, sīmāya sīmaṃ ajjhottharantena sammatā’’ti imā hi ‘‘ekādasahi ākārehi sīmato kammāni vipajjantī’’ti (pari. 486) vacanato ekādasa vipattisīmāyo nāma. Tattha atikhuddakā nāma yattha ekavīsati bhikkhū nisīdituṃ na sakkonti . Atimahatī nāma yā antamaso kesaggamattenāpi tiyojanaṃ atikkamitvā sammatā. Khaṇḍanimittā nāma aghaṭitanimittā vuccati, puratthimāya disāya nimittaṃ kittetvā anukkameneva dakkhiṇāya pacchimāya uttarāya disāya kittetvā puna puratthimāya disāya pubbakittitaṃ paṭikittetvā ṭhapetuṃ vaṭṭati, evaṃ akkhaṇḍanimittā hoti. Sace pana anukkamena āharitvā uttarāya disāya nimittaṃ kittetvā tattheva ṭhapeti, khaṇḍanimittā nāma hoti. Aparāpi khaṇḍanimittā nāma yā animittupagaṃ tacasārarukkhaṃ vā khāṇukaṃ vā paṃsupuñjavālukapuñjānaṃ vā aññataraṃ antarā ekaṃ nimittaṃ katvā sammatā. Chāyānimittā nāma pabbatacchāyādīnaṃ yaṃ kiñci chāyaṃ nimittaṃ katvā sammatā. Animittā nāma sabbena sabbaṃ nimittāni akittetvā sammatā. Bahisīme ṭhitasammatā nāma nimittāni kittetvā nimittānaṃ bahiṭhitena sammatā. Nadiyā samudde jātassare sammatā nāma etesu nadiādīsu sammatā. Sā hi evaṃ sammatāpi ‘‘sabbā, bhikkhave, nadī asīmā, sabbo samuddo asīmo, sabbo jātassaro asīmo’’ti (mahāva. 147) vacanato asammatāva hoti. Sīmāya sīmaṃ sambhindantena sammatā nāma attano sīmāya paresaṃ sīmaṃ sambhindantena sammatā. Sace hi porāṇakassa vihārassa puratthimāya disāya ambo ceva jambū cāti dve rukkhā aññamaññaṃ saṃsaṭṭhaviṭapā honti, tesu ambassa pacchimadisābhāge jambū, vihārasīmā ca jambuṃ anto katvā ambaṃ kittetvā baddhā hoti, atha pacchā tassa vihārassa puratthimāya disāya vihāre kate sīmaṃ bandhantā bhikkhū taṃ ambaṃ anto katvā jambuṃ kittetvā bandhanti, sīmāya sīmaṃ sambhinnā hoti. Sīmāya sīmaṃ ajjhottharantena sammatā nāma attano sīmāya paresaṃ sīmaṃ ajjhottharantena sammatā. Sace hi paresaṃ baddhasīmaṃ sakalaṃ vā tassā padesaṃ vā anto katvā attano sīmaṃ sammannati, sīmāya sīmaṃ ajjhottharitā nāma hoti. Iti imā ekādasa vipattisīmāyo atikkamitvā sammatā.
д̇ивид̇хасамбад̇д̇ияуд̇д̇аад̇и нимид̇д̇асамбад̇д̇ияаа барисаасамбад̇д̇ияаа гаммаваажаасамбад̇д̇ияаа жа яуд̇д̇аа. д̇ад̇т̇а нимид̇д̇асамбад̇д̇ияаа яуд̇д̇аа наама баб̣б̣ад̇анимид̇д̇ам̣, баасаан̣анимид̇д̇ам̣, вананимид̇д̇ам̣, ругканимид̇д̇ам̣, маг̇г̇анимид̇д̇ам̣, ваммиганимид̇д̇ам̣, над̣̇инимид̇д̇ам̣, уд̣̇аганимид̇д̇анд̇и звам̣ вуд̇д̇зсу адтасу нимид̇д̇зсу д̇асмим̣ д̇асмим̣ д̣̇исаабхааг̇з яат̇аалад̣̇д̇хаани нимид̇д̇убаг̇аани нимид̇д̇аани ‘‘бурад̇т̇имааяа д̣̇исааяа гим̣ нимид̇д̇ам̣, баб̣б̣ад̇о, бханд̇з, зсо баб̣б̣ад̇о нимид̇д̇а’’нд̇иаад̣̇инаа наязна саммаа гид̇д̇зд̇ваа саммад̇аа. д̇ад̇рзвам̣ сан̇кзбад̇о нимид̇д̇убаг̇ад̇аа взд̣̇ид̇аб̣б̣аа – суд̣̇д̇хабам̣сусуд̣̇д̇хабаасаан̣аубхаяамиссагавасзна хи д̇ивид̇хоби баб̣б̣ад̇о хад̇т̇иббамаан̣ад̇о бадтааяа уд̣̇д̇хам̣ нимид̇д̇убаг̇о, д̇ад̇о омагад̇аро на ваддад̇и. баасаан̣анимид̇д̇з аяог̇ул̣амби баасаан̣асан̇камзва г̇ажчад̇и, д̇асмаа яо гожи баасаан̣о уггам̣савасзна хад̇т̇иббамаан̣ад̇о омагад̇арам̣ аад̣̇им̣ гад̇ваа хздтимабарижчзд̣̇зна д̣̇вад̇д̇им̣сабалаг̇ул̣абин̣д̣абаримаан̣о нимид̇д̇убаг̇о, на д̇ад̇о куд̣̇д̣̇агад̇аро. бидтибаасаан̣о бана ад̇имаханд̇оби ваддад̇и. вананимид̇д̇з анд̇осаарзхи ваа анд̇осаарамиссагзхи ваа ругкзхи жад̇убан̃жаругкамад̇д̇амби ванам̣ нимид̇д̇убаг̇ам̣, д̇ад̇о уунагад̇арам̣ на ваддад̇и. ругко ж̇ийванд̇оязва анд̇осааро бхуумияам̣ бад̇идтид̇о, анд̇амасо уб̣б̣зд̇хад̇о адтан̇г̇уло, барин̣аахад̇о суужид̣̇ан̣д̣агаббамаан̣оби нимид̇д̇убаг̇о, д̇ад̇о омагад̇аро на ваддад̇и. маг̇г̇о ж̇ан̇гхамаг̇г̇о ваа ход̇у сагадамаг̇г̇о ваа, яо винивиж̇жхид̇ваа д̣̇вз д̇ийн̣и г̇аамакзд̇д̇аани г̇ажчад̇и, д̇аад̣̇исо ж̇ан̇гхасад̇т̇асагадасад̇т̇зхи валан̃ж̇ияамааноязва нимид̇д̇убаг̇о, авалан̃ж̇ид̇о на ваддад̇и. ваммиго бана хздтимабарижчзд̣̇зна д̇ам̣д̣̇ивасам̣ж̇аад̇о адтан̇г̇улуб̣б̣зд̇хо г̇овисаан̣амад̇д̇оби ваммиго нимид̇д̇убаг̇о, д̇ад̇о омагад̇аро на ваддад̇и. яам̣ бана аб̣ад̣̇д̇хасиймаалагкан̣з над̣̇им̣ вагкаама, саа нимид̇д̇убаг̇аа, ан̃н̃аа на ваддад̇и. уд̣̇агам̣ яам̣ асанд̣̇амаанам̣ ааваадабогкаран̣ийд̇ал̣аагаж̇аад̇ассаралон̣исамуд̣̇д̣̇аад̣̇ийсу тид̇ам̣, д̇ам̣ аад̣̇им̣ гад̇ваа анд̇амасо д̇ан̇кан̣зязва бат̇авияам̣ кан̣ид̇з ааваадагз гхадзхи аахарид̇ваа буурид̇амби яаава гаммаваажаабарияосаанаа сан̣тамаанагам̣ нимид̇д̇убаг̇ам̣, ид̇арам̣ санд̣̇амаанам̣ ваа вуд̇д̇абарижчзд̣̇агаалам̣ ад̇идтанд̇ам̣ ваа бхааж̇анаг̇ад̇ам̣ ваа на ваддад̇ийд̇и.
Tividhasampattiyuttāti nimittasampattiyā parisāsampattiyā kammavācāsampattiyā ca yuttā. Tattha nimittasampattiyā yuttā nāma pabbatanimittaṃ, pāsāṇanimittaṃ, vananimittaṃ, rukkhanimittaṃ, magganimittaṃ, vammikanimittaṃ, nadinimittaṃ, udakanimittanti evaṃ vuttesu aṭṭhasu nimittesu tasmiṃ tasmiṃ disābhāge yathāladdhāni nimittupagāni nimittāni ‘‘puratthimāya disāya kiṃ nimittaṃ, pabbato, bhante, eso pabbato nimitta’’ntiādinā nayena sammā kittetvā sammatā. Tatrevaṃ saṅkhepato nimittupagatā veditabbā – suddhapaṃsusuddhapāsāṇaubhayamissakavasena hi tividhopi pabbato hatthippamāṇato paṭṭhāya uddhaṃ nimittupago, tato omakataro na vaṭṭati. Pāsāṇanimitte ayoguḷampi pāsāṇasaṅkhameva gacchati, tasmā yo koci pāsāṇo ukkaṃsavasena hatthippamāṇato omakataraṃ ādiṃ katvā heṭṭhimaparicchedena dvattiṃsapalaguḷapiṇḍaparimāṇo nimittupago, na tato khuddakataro. Piṭṭhipāsāṇo pana atimahantopi vaṭṭati. Vananimitte antosārehi vā antosāramissakehi vā rukkhehi catupañcarukkhamattampi vanaṃ nimittupagaṃ, tato ūnakataraṃ na vaṭṭati. Rukkho jīvantoyeva antosāro bhūmiyaṃ patiṭṭhito, antamaso ubbedhato aṭṭhaṅgulo, pariṇāhato sūcidaṇḍakappamāṇopi nimittupago, tato omakataro na vaṭṭati. Maggo jaṅghamaggo vā hotu sakaṭamaggo vā, yo vinivijjhitvā dve tīṇi gāmakhettāni gacchati, tādiso jaṅghasatthasakaṭasatthehi valañjiyamānoyeva nimittupago, avalañjito na vaṭṭati. Vammiko pana heṭṭhimaparicchedena taṃdivasaṃjāto aṭṭhaṅgulubbedho govisāṇamattopi vammiko nimittupago, tato omakataro na vaṭṭati. Yaṃ pana abaddhasīmālakkhaṇe nadiṃ vakkhāma, sā nimittupagā, aññā na vaṭṭati. Udakaṃ yaṃ asandamānaṃ āvāṭapokkharaṇītaḷākajātassaraloṇisamuddādīsu ṭhitaṃ, taṃ ādiṃ katvā antamaso taṅkhaṇeyeva pathaviyaṃ khaṇite āvāṭake ghaṭehi āharitvā pūritampi yāva kammavācāpariyosānā saṇṭhamānakaṃ nimittupagaṃ, itaraṃ sandamānaṃ vā vuttaparicchedakālaṃ atiṭṭhantaṃ vā bhājanagataṃ vā na vaṭṭatīti.
барисаасамбад̇д̇ияаа яуд̇д̇аа наама саб̣б̣анд̇имзна барижчзд̣̇зна жад̇уухи бхигкуухи саннибад̇ид̇ваа яаавад̇игаа д̇асмим̣ г̇аамакзд̇д̇з б̣ад̣̇д̇хасиймам̣ ваа над̣̇исамуд̣̇д̣̇аж̇аад̇ассарз ваа аноггамид̇ваа тид̇аа бхигкуу, д̇з саб̣б̣з хад̇т̇абаасз ваа гад̇ваа чанд̣̇ам̣ ваа аахарид̇ваа саммад̇аа.
Parisāsampattiyā yuttā nāma sabbantimena paricchedena catūhi bhikkhūhi sannipatitvā yāvatikā tasmiṃ gāmakhette baddhasīmaṃ vā nadisamuddajātassare vā anokkamitvā ṭhitā bhikkhū, te sabbe hatthapāse vā katvā chandaṃ vā āharitvā sammatā.
гаммаваажаасамбад̇д̇ияаа яуд̇д̇аа наама ‘‘сун̣аад̇у мз, бханд̇з, сан̇гхо, яаавад̇аа саманд̇аа нимид̇д̇аа гид̇д̇ид̇аа’’д̇иаад̣̇инаа (махаава. 139) наязна вуд̇д̇ааяа барисуд̣̇д̇хааяа н̃ад̇д̇ид̣̇уд̇ияагаммаваажааяа саммад̇аа. звам̣ згаад̣̇аса вибад̇д̇исиймааяо ад̇иггамид̇ваа д̇ивид̇хасамбад̇д̇ияуд̇д̇аа нимид̇д̇зна нимид̇д̇ам̣ самб̣анд̇хид̇ваа саммад̇аа сиймаа ‘‘б̣ад̣̇д̇хасиймаа’’д̇и взд̣̇ид̇аб̣б̣аа. кан̣д̣асиймаа самаанасам̣ваасасиймаа авиббаваасасиймаад̇и д̇ассааязва бабхзд̣̇о.
Kammavācāsampattiyāyuttā nāma ‘‘suṇātu me, bhante, saṅgho, yāvatā samantā nimittā kittitā’’tiādinā (mahāva. 139) nayena vuttāya parisuddhāya ñattidutiyakammavācāya sammatā. Evaṃ ekādasa vipattisīmāyo atikkamitvā tividhasampattiyuttā nimittena nimittaṃ sambandhitvā sammatā sīmā ‘‘baddhasīmā’’ti veditabbā. Khaṇḍasīmā samānasaṃvāsasīmā avippavāsasīmāti tassāyeva pabhedo.
аб̣ад̣̇д̇хасиймаа бана г̇аамасиймаа, сад̇д̇аб̣бханд̇арасиймаа, уд̣̇агугкзбасиймаад̇и д̇ивид̇хаа. д̇ад̇т̇а яаавад̇аа згам̣ г̇аамагкзд̇д̇ам̣, аяам̣ г̇аамасиймаа наама. аг̇аамагз аран̃н̃з саманд̇аа сад̇д̇аб̣бханд̇араа сад̇д̇аб̣бханд̇арасиймаа наама. д̇ад̇т̇а аг̇аамагам̣ наама аран̃н̃ам̣ вин̃жхаадавиаад̣̇ийсу ваа самуд̣̇д̣̇амаж̇жхз ваа мажчаб̣анд̇хаанам̣ аг̇аманабат̇зсу д̣̇ийбагзсу лаб̣бхад̇и. саманд̇аа сад̇д̇аб̣бханд̇араад̇и маж̇жхз тид̇аанам̣ саб̣б̣ад̣̇исаасу сад̇д̇аб̣бханд̇араа виниб̣б̣зд̇хзна жуд̣̇д̣̇аса хонд̇и. д̇ад̇т̇а згам̣ аб̣бханд̇арам̣ адтавийсад̇ихад̇т̇аббамаан̣ам̣ ход̇и, аяан̃жа сиймаа барисаавасзна вад̣дхад̇и, д̇асмаа саманд̇аа барисаабарияанд̇ад̇о бадтааяа аб̣бханд̇арабарижчзд̣̇о гаад̇аб̣б̣о. сажз бана д̣̇вз сан̇гхаа висум̣ убосат̇ам̣ гаронд̇и, д̣̇виннам̣ сад̇д̇аб̣бханд̇араанам̣ анд̇арз ан̃н̃амзгам̣ сад̇д̇аб̣бханд̇арам̣ убажаарад̇т̇ааяа табзд̇аб̣б̣ам̣. яаа банзсаа ‘‘саб̣б̣аа, бхигкавз, над̣̇ий асиймаа’’д̇иаад̣̇инаа (махаава. 147) наязна над̣̇иаад̣̇ийнам̣ сиймабхаавам̣ бадигкибид̇ваа буна ‘‘над̣̇ияаа ваа, бхигкавз, самуд̣̇д̣̇з ваа ж̇аад̇ассарз ваа яам̣ маж̇жхимасса бурисасса саманд̇аа уд̣̇агугкзбаа, аяам̣ д̇ад̇т̇а самаанасам̣ваасаа згуубосат̇аа’’д̇и вуд̇д̇аа аяам̣ уд̣̇агугкзбасиймаа наама. д̇ад̇т̇а яассаа д̇хаммигаанам̣ рааж̇уунам̣ гаалз анвад̣дхамаасам̣ ануд̣̇асаахам̣ анубан̃жаахам̣ анад̇иггамид̇ваа д̣̇звз вассанд̇з валаахагзсу виг̇ад̇амад̇д̇зсу сод̇ам̣ бажчиж̇ж̇ад̇и, аяам̣ над̣̇исан̇кяам̣ на г̇ажчад̇и. яассаа бана ийд̣̇исз сувудтигаалз вассаанасса жад̇умаасз сод̇ам̣ на бажчиж̇ж̇ад̇и, яад̇т̇а д̇ид̇т̇зна ваа ад̇ид̇т̇зна ваа сигкаагаран̣ийяз ааг̇ад̇алагкан̣зна д̇иман̣д̣алам̣ бадижчаад̣̇зд̇ваа анд̇араваасагам̣ анугкибид̇ваа уд̇д̇аранд̇ияаа бхигкунияаа згад̣̇ван̇г̇уламад̇д̇амби анд̇араваасаго д̇змияад̇и, аяам̣ самуд̣̇д̣̇ам̣ ваа бависад̇у д̇ал̣аагам̣ ваа, бабхавад̇о бадтааяа над̣̇ий наама. самуд̣̇д̣̇о баагадоязва. яо бана гзнажи кан̣ид̇ваа агад̇о саяам̣ж̇аад̇о соб̣бхо саманд̇ад̇о ааг̇ад̇зна уд̣̇агзна буурид̇о д̇идтад̇и, яад̇т̇а над̣̇ияам̣ вуд̇д̇аббагаарз вассагаалз уд̣̇агам̣ санд̇идтад̇и, аяам̣ ж̇аад̇ассаро наама. яоби над̣̇им̣ ваа самуд̣̇д̣̇ам̣ ваа бхинд̣̇ид̇ваа нигканд̇ауд̣̇агзна кад̇о соб̣бхо зд̇ам̣ лагкан̣ам̣ баабун̣аад̇и, аяамби ж̇аад̇ассароязва.
Abaddhasīmā pana gāmasīmā, sattabbhantarasīmā, udakukkhepasīmāti tividhā. Tattha yāvatā ekaṃ gāmakkhettaṃ, ayaṃ gāmasīmā nāma. Agāmake araññe samantā sattabbhantarā sattabbhantarasīmā nāma. Tattha agāmakaṃ nāma araññaṃ viñjhāṭaviādīsu vā samuddamajjhe vā macchabandhānaṃ agamanapathesu dīpakesu labbhati. Samantā sattabbhantarāti majjhe ṭhitānaṃ sabbadisāsu sattabbhantarā vinibbedhena cuddasa honti. Tattha ekaṃ abbhantaraṃ aṭṭhavīsatihatthappamāṇaṃ hoti, ayañca sīmā parisāvasena vaḍḍhati, tasmā samantā parisāpariyantato paṭṭhāya abbhantaraparicchedo kātabbo. Sace pana dve saṅghā visuṃ uposathaṃ karonti, dvinnaṃ sattabbhantarānaṃ antare aññamekaṃ sattabbhantaraṃ upacāratthāya ṭhapetabbaṃ. Yā panesā ‘‘sabbā, bhikkhave, nadī asīmā’’tiādinā (mahāva. 147) nayena nadiādīnaṃ sīmabhāvaṃ paṭikkhipitvā puna ‘‘nadiyā vā, bhikkhave, samudde vā jātassare vā yaṃ majjhimassa purisassa samantā udakukkhepā, ayaṃ tattha samānasaṃvāsā ekūposathā’’ti vuttā ayaṃ udakukkhepasīmā nāma. Tattha yassā dhammikānaṃ rājūnaṃ kāle anvaḍḍhamāsaṃ anudasāhaṃ anupañcāhaṃ anatikkamitvā deve vassante valāhakesu vigatamattesu sotaṃ pacchijjati, ayaṃ nadisaṅkhyaṃ na gacchati. Yassā pana īdise suvuṭṭhikāle vassānassa catumāse sotaṃ na pacchijjati, yattha titthena vā atitthena vā sikkhākaraṇīye āgatalakkhaṇena timaṇḍalaṃ paṭicchādetvā antaravāsakaṃ anukkhipitvā uttarantiyā bhikkhuniyā ekadvaṅgulamattampi antaravāsako temiyati, ayaṃ samuddaṃ vā pavisatu taḷākaṃ vā, pabhavato paṭṭhāya nadī nāma. Samuddo pākaṭoyeva. Yo pana kenaci khaṇitvā akato sayaṃjāto sobbho samantato āgatena udakena pūrito tiṭṭhati, yattha nadiyaṃ vuttappakāre vassakāle udakaṃ santiṭṭhati, ayaṃ jātassaro nāma. Yopi nadiṃ vā samuddaṃ vā bhinditvā nikkhantaudakena khato sobbho etaṃ lakkhaṇaṃ pāpuṇāti, ayampi jātassaroyeva.
яам̣ маж̇жхимасса бурисасса саманд̇аа уд̣̇агугкзбаад̇и яам̣ таанам̣ т̇аамамаж̇жхимасса бурисасса саманд̇ад̇о уд̣̇агугкзбзна барижчиннам̣, д̇ад̇т̇а яат̇аа агкад̇худ̇д̇аа д̣̇ааруг̇ул̣ам̣ кибанд̇и, звам̣ уд̣̇агам̣ ваа ваалугам̣ ваа хад̇т̇зна г̇ахзд̇ваа маж̇жхимзна бурисзна саб̣б̣ат̇аамзна кибид̇аб̣б̣ам̣, д̇ад̇т̇а яад̇т̇а звам̣ кид̇д̇ам̣ уд̣̇агам̣ ваа ваалугам̣ ваа бад̇ад̇и, аяам̣ уд̣̇агугкзбо наама.
Yaṃ majjhimassa purisassa samantā udakukkhepāti yaṃ ṭhānaṃ thāmamajjhimassa purisassa samantato udakukkhepena paricchinnaṃ, tattha yathā akkhadhuttā dāruguḷaṃ khipanti, evaṃ udakaṃ vā vālukaṃ vā hatthena gahetvā majjhimena purisena sabbathāmena khipitabbaṃ, tattha yattha evaṃ khittaṃ udakaṃ vā vālukaṃ vā patati, ayaṃ udakukkhepo nāma.
аяам̣ д̇ад̇т̇а самаанасам̣ваасаа згуубосат̇аад̇и аяам̣ д̇зсу над̣̇иаад̣̇ийсу уд̣̇агугкзбабарижчиннаа сиймаа самаанасам̣ваасаа жзва згуубосат̇аа жа, аяам̣ бана зд̇зсам̣ над̣̇иаад̣̇ийнам̣ анд̇оязва лаб̣бхад̇и, на б̣ахи. д̇асмаа над̣̇ияаа ваа ж̇аад̇ассарз ваа яад̇д̇агам̣ бад̣̇зсам̣ багад̇ивассагаалз жад̇уусу маасзсу уд̣̇агам̣ од̇т̇арад̇и, самуд̣̇д̣̇з яасмим̣ бад̣̇зсз багад̇ивийжияо од̇т̇арид̇ваа сан̣таханд̇и, д̇ад̇о бадтааяа габбияабхууми, д̇ад̇т̇а тад̇ваа убосат̇аад̣̇игаммам̣ гаад̇ум̣ ваддад̇и . д̣̇уб̣б̣удтигаалз ваа г̇имхз ваа над̣̇иж̇аад̇ассарзсу сугкзсуби саа зва габбияабхууми, сажз бана сугкз ж̇аад̇ассарз ваабим̣ ваа кан̣анд̇и, ваббам̣ ваа гаронд̇и, д̇ам̣ таанам̣ г̇аамагкзд̇д̇ам̣ ход̇и. яаа банзсаа ‘‘габбияабхуумий’’д̇и вуд̇д̇аа, д̇ад̇о б̣ахи уд̣̇агугкзбасиймаа на г̇ажчад̇и, анд̇оязва г̇ажчад̇и, д̇асмаа д̇зсам̣ анд̇о барисаабарияанд̇ад̇о бадтааяа саманд̇аа уд̣̇агугкзбабарижчзд̣̇о гаад̇аб̣б̣о. сажз бана д̣̇вз сан̇гхаа висум̣ висум̣ убосат̇аад̣̇игаммам̣ гаронд̇и, д̣̇виннам̣ уд̣̇агугкзбаанам̣ анд̇арз ан̃н̃о зго уд̣̇агугкзбо убажаарад̇т̇ааяа табзд̇аб̣б̣о. аяан̃хи сад̇д̇аб̣бханд̇арасиймаа жа уд̣̇агугкзбасиймаа жа бхигкуунам̣ тид̇огаасад̇о бадтааяа лаб̣бхад̇и. барижчзд̣̇аб̣бханд̇арз хад̇т̇абаасам̣ виж̇ахид̇ваа тид̇оби барижчзд̣̇ад̇о б̣ахи ан̃н̃ам̣ д̇ад̇д̇агам̣язва барижчзд̣̇ам̣ анад̇иггамид̇ваа тид̇оби гаммам̣ гобзд̇и, ид̣̇ам̣ саб̣б̣аадтагат̇аасу (махаава. адта. 147) саннидтаанам̣. звам̣ аб̣ад̣̇д̇хасиймаа взд̣̇ид̇аб̣б̣аа. ид̇и имам̣ б̣ад̣̇д̇хасиймааб̣ад̣̇д̇хасиймаавасзна д̣̇увид̇хам̣ сиймам̣ санд̇хааязд̇ам̣ вуд̇д̇ам̣ ‘‘д̇з жа ко хад̇т̇абаасам̣ авиж̇ахид̇ваа згасиймааяам̣ тид̇аа’’д̇и. д̇зсу хи жад̇уусу бхигкуусу згасиймааяам̣ хад̇т̇абаасам̣ авиж̇ахид̇ваа тид̇зсвзвзд̇ам̣ сан̇гхасса убосат̇агаммам̣ бад̇д̇агаллам̣ наама ход̇и, на ид̇арат̇аа. яат̇ааха ‘‘ануж̇аанаами, бхигкавз, жад̇уннам̣ баад̇имогкам̣ уд̣̇д̣̇исид̇у’’нд̇и (махаава. 168).
Ayaṃ tattha samānasaṃvāsā ekūposathāti ayaṃ tesu nadiādīsu udakukkhepaparicchinnā sīmā samānasaṃvāsā ceva ekūposathā ca, ayaṃ pana etesaṃ nadiādīnaṃ antoyeva labbhati, na bahi. Tasmā nadiyā vā jātassare vā yattakaṃ padesaṃ pakativassakāle catūsu māsesu udakaṃ ottharati, samudde yasmiṃ padese pakativīciyo ottharitvā saṇṭhahanti, tato paṭṭhāya kappiyabhūmi, tattha ṭhatvā uposathādikammaṃ kātuṃ vaṭṭati . Dubbuṭṭhikāle vā gimhe vā nadijātassaresu sukkhesupi sā eva kappiyabhūmi, sace pana sukkhe jātassare vāpiṃ vā khaṇanti, vappaṃ vā karonti, taṃ ṭhānaṃ gāmakkhettaṃ hoti. Yā panesā ‘‘kappiyabhūmī’’ti vuttā, tato bahi udakukkhepasīmā na gacchati, antoyeva gacchati, tasmā tesaṃ anto parisāpariyantato paṭṭhāya samantā udakukkhepaparicchedo kātabbo. Sace pana dve saṅghā visuṃ visuṃ uposathādikammaṃ karonti, dvinnaṃ udakukkhepānaṃ antare añño eko udakukkhepo upacāratthāya ṭhapetabbo. Ayañhi sattabbhantarasīmā ca udakukkhepasīmā ca bhikkhūnaṃ ṭhitokāsato paṭṭhāya labbhati. Paricchedabbhantare hatthapāsaṃ vijahitvā ṭhitopi paricchedato bahi aññaṃ tattakaṃyeva paricchedaṃ anatikkamitvā ṭhitopi kammaṃ kopeti, idaṃ sabbaaṭṭhakathāsu (mahāva. aṭṭha. 147) sanniṭṭhānaṃ. Evaṃ abaddhasīmā veditabbā. Iti imaṃ baddhasīmābaddhasīmāvasena duvidhaṃ sīmaṃ sandhāyetaṃ vuttaṃ ‘‘te ca kho hatthapāsaṃ avijahitvā ekasīmāyaṃ ṭhitā’’ti. Tesu hi catūsu bhikkhūsu ekasīmāyaṃ hatthapāsaṃ avijahitvā ṭhitesvevetaṃ saṅghassa uposathakammaṃ pattakallaṃ nāma hoti, na itarathā. Yathāha ‘‘anujānāmi, bhikkhave, catunnaṃ pātimokkhaṃ uddisitu’’nti (mahāva. 168).
сабхааг̇аабад̇д̇ияо жа на виж̇ж̇анд̇ийд̇и зд̇т̇а яам̣ саб̣б̣о сан̇гхо вигаалабхож̇анаад̣̇инаа сабхааг̇авад̇т̇унаа лахугаабад̇д̇им̣ аабаж̇ж̇ад̇и, зваруубаа вад̇т̇усабхааг̇аа ‘‘сабхааг̇аа’’д̇и вужжад̇и, вигаалабхож̇анабажжаяаа аабаннам̣ бана аабад̇д̇исабхааг̇ам̣ анад̇ирид̇д̇абхож̇анабажжаяаа аабаннасса санд̇игз д̣̇зсзд̇ум̣ ваддад̇и. сабхааг̇аабад̇д̇ияаа бана сад̇и д̇зхи бхигкуухи зго бхигку сааманд̇аа ааваасаа саж̇ж̇угам̣ баахзд̇аб̣б̣о ‘‘г̇ажчаавусо, д̇ам̣ аабад̇д̇им̣ бадигарид̇ваа ааг̇ажча, маяам̣ д̇з санд̇игз аабад̇д̇им̣ бадигариссаамаа’’д̇и, зван̃жзд̇ам̣ лабхзт̇а, ижжзд̇ам̣ гусалам̣, но жз лабхзт̇а, б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о ‘‘сун̣аад̇у мз, бханд̇з, сан̇гхо, аяам̣ саб̣б̣о сан̇гхо сабхааг̇ам̣ аабад̇д̇им̣ аабанно, яад̣̇аа ан̃н̃ам̣ бхигкум̣ суд̣̇д̇хам̣ анаабад̇д̇игам̣ бассиссад̇и, д̇ад̣̇аа д̇асса санд̇игз д̇ам̣ аабад̇д̇им̣ бадигариссад̇ий’’д̇и (махаава. 171) вад̇ваа убосат̇о гаад̇аб̣б̣о. сажз бана взмад̇иго ход̇и, ‘‘сун̣аад̇у мз, бханд̇з, сан̇гхо, аяам̣ саб̣б̣о сан̇гхо сабхааг̇ааяа аабад̇д̇ияаа взмад̇иго, яад̣̇аа ниб̣б̣змад̇иго бхависсад̇и, д̇ад̣̇аа д̇ам̣ аабад̇д̇им̣ бадигариссад̇ий’’д̇и вад̇ваа убосат̇о гаад̇аб̣б̣о. сажз банзд̇т̇а гожи д̇ам̣ сабхааг̇ам̣ аабад̇д̇им̣ д̣̇зсзд̇ум̣ ваддад̇ийд̇и ман̃н̃амаано згасса санд̇игз д̣̇зсзд̇и, д̣̇зсид̇аа суд̣̇зсид̇аава. ан̃н̃ам̣ бана д̣̇зсанаабажжаяаа д̣̇зсаго, бадиг̇г̇ахан̣абажжаяаа бадиг̇г̇аахаго жаад̇и убхоби д̣̇уггадам̣ аабаж̇ж̇анд̇и, д̇ам̣ наанаавад̇т̇угам̣ ход̇и, д̇асмаа ан̃н̃аман̃н̃ам̣ д̣̇зсзд̇аб̣б̣ам̣ . зд̇д̇аавад̇аа д̇з д̣̇вз нираабад̇д̇игаа хонд̇и, д̇зсам̣ санд̇игз сзсзхи сабхааг̇аабад̇д̇ияо д̣̇зсзд̇аб̣б̣аа ваа аарожзд̇аб̣б̣аа ваа. сажз д̇з звам̣ агад̇ваа убосат̇ам̣ гаронд̇и, ‘‘баарисуд̣̇д̇хим̣ ааяасманд̇о аарожзт̇аа’’д̇иаад̣̇инаа (махаава. 134) наязна саабад̇д̇игасса убосат̇агаран̣з бан̃н̃ад̇д̇ам̣ д̣̇уггадам̣ аабаж̇ж̇анд̇и. сажз саб̣б̣о сан̇гхо сабхааг̇аабад̇д̇ияаа сад̇и вуд̇д̇авид̇хим̣ агад̇ваа убосат̇ам̣ гарод̇и, вуд̇д̇анаязнзва саб̣б̣о сан̇гхо аабад̇д̇им̣ аабаж̇ж̇ад̇и, д̇асмаа сабхааг̇аабад̇д̇ияаа сад̇и сан̇гхасса бад̇д̇агаллам̣ наама на ход̇и, д̇зна вуд̇д̇ам̣ ‘‘сабхааг̇аабад̇д̇ияо жа на виж̇ж̇анд̇ий’’д̇и. зд̇аасу хи сабхааг̇аабад̇д̇ийсу авиж̇ж̇амаанаасу висабхааг̇аабад̇д̇ийсу виж̇ж̇амаанаасуби бад̇д̇агаллам̣ ход̇иязва.
Sabhāgāpattiyo ca na vijjantīti ettha yaṃ sabbo saṅgho vikālabhojanādinā sabhāgavatthunā lahukāpattiṃ āpajjati, evarūpā vatthusabhāgā ‘‘sabhāgā’’ti vuccati, vikālabhojanapaccayā āpannaṃ pana āpattisabhāgaṃ anatirittabhojanapaccayā āpannassa santike desetuṃ vaṭṭati. Sabhāgāpattiyā pana sati tehi bhikkhūhi eko bhikkhu sāmantā āvāsā sajjukaṃ pāhetabbo ‘‘gacchāvuso, taṃ āpattiṃ paṭikaritvā āgaccha, mayaṃ te santike āpattiṃ paṭikarissāmā’’ti, evañcetaṃ labhetha, iccetaṃ kusalaṃ, no ce labhetha, byattena bhikkhunā paṭibalena saṅgho ñāpetabbo ‘‘suṇātu me, bhante, saṅgho, ayaṃ sabbo saṅgho sabhāgaṃ āpattiṃ āpanno, yadā aññaṃ bhikkhuṃ suddhaṃ anāpattikaṃ passissati, tadā tassa santike taṃ āpattiṃ paṭikarissatī’’ti (mahāva. 171) vatvā uposatho kātabbo. Sace pana vematiko hoti, ‘‘suṇātu me, bhante, saṅgho, ayaṃ sabbo saṅgho sabhāgāya āpattiyā vematiko, yadā nibbematiko bhavissati, tadā taṃ āpattiṃ paṭikarissatī’’ti vatvā uposatho kātabbo. Sace panettha koci taṃ sabhāgaṃ āpattiṃ desetuṃ vaṭṭatīti maññamāno ekassa santike deseti, desitā sudesitāva. Aññaṃ pana desanāpaccayā desako, paṭiggahaṇapaccayā paṭiggāhako cāti ubhopi dukkaṭaṃ āpajjanti, taṃ nānāvatthukaṃ hoti, tasmā aññamaññaṃ desetabbaṃ . Ettāvatā te dve nirāpattikā honti, tesaṃ santike sesehi sabhāgāpattiyo desetabbā vā ārocetabbā vā. Sace te evaṃ akatvā uposathaṃ karonti, ‘‘pārisuddhiṃ āyasmanto ārocethā’’tiādinā (mahāva. 134) nayena sāpattikassa uposathakaraṇe paññattaṃ dukkaṭaṃ āpajjanti. Sace sabbo saṅgho sabhāgāpattiyā sati vuttavidhiṃ akatvā uposathaṃ karoti, vuttanayeneva sabbo saṅgho āpattiṃ āpajjati, tasmā sabhāgāpattiyā sati saṅghassa pattakallaṃ nāma na hoti, tena vuttaṃ ‘‘sabhāgāpattiyo ca na vijjantī’’ti. Etāsu hi sabhāgāpattīsu avijjamānāsu visabhāgāpattīsu vijjamānāsupi pattakallaṃ hotiyeva.
важ̇ж̇анийяаа жа буг̇г̇алаа д̇асмим̣ на хонд̇ийд̇и ‘‘на, бхигкавз, саг̇ахадтааяа барисааяа баад̇имогкам̣ уд̣̇д̣̇исид̇аб̣б̣ам̣, яо уд̣̇д̣̇исзяяа аабад̇д̇и д̣̇уггадассаа’’д̇и (махаава. 154) важанад̇о г̇ахадто, ‘‘на, бхигкавз, бхигкунияаа нисиннабарисааяа баад̇имогкам̣ уд̣̇д̣̇исид̇аб̣б̣а’’нд̇иаад̣̇инаа (махаава. 183) наязна вуд̇д̇аа бхигкуний, сигкамаанаа, сааман̣зро, сааман̣зрий, сигкаабажжагкаад̇аго, анд̇имавад̇т̇уаж̇жхаабаннаго, аабад̇д̇ияаа ад̣̇ассанз угкид̇д̇аго, аабад̇д̇ияаа аббадигаммз угкид̇д̇аго, баабигааяа д̣̇идтияаа аббадиниссаг̇г̇з угкид̇д̇аго, бан̣д̣аго, т̇зяяасам̣ваасаго, д̇ид̇т̇ияабагганд̇аго, д̇иражчаанаг̇ад̇о, маад̇угхаад̇аго, бид̇угхаад̇аго араханд̇агхаад̇аго, бхигкунид̣̇уусаго, сан̇гхабхзд̣̇аго, лохид̇уббаад̣̇аго, убхад̇об̣яан̃ж̇анагод̇и имз вийсад̇и жаад̇и згавийсад̇и буг̇г̇алаа важ̇ж̇анийяаа наама, д̇з хад̇т̇абаасад̇о б̣ахигаран̣авасзна важ̇ж̇зд̇аб̣б̣аа. зд̇зсу хи д̇ивид̇хз угкид̇д̇агз сад̇и убосат̇ам̣ гаронд̇о сан̇гхо баажид̇д̇ияам̣ аабаж̇ж̇ад̇и, сзсзсу д̣̇уггадам̣. зд̇т̇а жа д̇иражчаанаг̇ад̇од̇и яасса убасамбад̣̇аа бадигкид̇д̇аа, д̇ид̇т̇ияаа г̇ахадтзнзва сан̇г̇ахид̇аа. зд̇зби хи важ̇ж̇анийяаа наама. звам̣ бад̇д̇агаллам̣ имзхи жад̇уухи ан̇г̇зхи сан̇г̇ахид̇анд̇и взд̣̇ид̇аб̣б̣ам̣.
Vajjanīyā ca puggalā tasmiṃ na hontīti ‘‘na, bhikkhave, sagahaṭṭhāya parisāya pātimokkhaṃ uddisitabbaṃ, yo uddiseyya āpatti dukkaṭassā’’ti (mahāva. 154) vacanato gahaṭṭho, ‘‘na, bhikkhave, bhikkhuniyā nisinnaparisāya pātimokkhaṃ uddisitabba’’ntiādinā (mahāva. 183) nayena vuttā bhikkhunī, sikkhamānā, sāmaṇero, sāmaṇerī, sikkhāpaccakkhātako, antimavatthuajjhāpannako, āpattiyā adassane ukkhittako, āpattiyā appaṭikamme ukkhittako, pāpikāya diṭṭhiyā appaṭinissagge ukkhittako, paṇḍako, theyyasaṃvāsako, titthiyapakkantako, tiracchānagato, mātughātako, pitughātako arahantaghātako, bhikkhunidūsako, saṅghabhedako, lohituppādako, ubhatobyañjanakoti ime vīsati cāti ekavīsati puggalā vajjanīyā nāma, te hatthapāsato bahikaraṇavasena vajjetabbā. Etesu hi tividhe ukkhittake sati uposathaṃ karonto saṅgho pācittiyaṃ āpajjati, sesesu dukkaṭaṃ. Ettha ca tiracchānagatoti yassa upasampadā paṭikkhittā, titthiyā gahaṭṭheneva saṅgahitā. Etepi hi vajjanīyā nāma. Evaṃ pattakallaṃ imehi catūhi aṅgehi saṅgahitanti veditabbaṃ.
сан̇гхо убосат̇ам̣ гарзяяаад̇ииминаа яз д̇з абарзби д̇аяо убосат̇аа сан̇гхз убосат̇о, г̇ан̣з убосат̇о, буг̇г̇алз убосат̇од̇и, звам̣ гаарагавасзна д̇аяо убосат̇аа вуд̇д̇аа, д̇зсу ид̇арз д̣̇вз бадигкибид̇ваа сан̇гхз убосат̇амзва д̣̇ийбзд̇и. баад̇имогкам̣ уд̣̇д̣̇исзяяаад̇ииминаа яз д̇з абарзби д̇аяо убосат̇аа суд̇д̇уд̣̇д̣̇зсо, баарисуд̣̇д̇хиубосат̇о, ад̇хидтаанаубосат̇од̇и, звам̣ гад̇д̇аб̣б̣аагааравасзна д̇аяо убосат̇аа вуд̇д̇аа, д̇зсу ид̇арз д̣̇вз бадигкибид̇ваа суд̇д̇уд̣̇д̣̇зсамзва д̣̇ийбзд̇и. суд̇д̇уд̣̇д̣̇зсо наама баад̇имогкуд̣̇д̣̇зсо вужжад̇и, со д̣̇увид̇хо оваад̣̇абаад̇имогкуд̣̇д̣̇зсо жа аан̣аабаад̇имогкуд̣̇д̣̇зсо жа. д̇ад̇т̇а
Saṅgho uposathaṃ kareyyātiiminā ye te aparepi tayo uposathā saṅghe uposatho, gaṇe uposatho, puggale uposathoti, evaṃ kārakavasena tayo uposathā vuttā, tesu itare dve paṭikkhipitvā saṅghe uposathameva dīpeti. Pātimokkhaṃ uddiseyyātiiminā ye te aparepi tayo uposathā suttuddeso, pārisuddhiuposatho, adhiṭṭhānauposathoti, evaṃ kattabbākāravasena tayo uposathā vuttā, tesu itare dve paṭikkhipitvā suttuddesameva dīpeti. Suttuddeso nāma pātimokkhuddeso vuccati, so duvidho ovādapātimokkhuddeso ca āṇāpātimokkhuddeso ca. Tattha
‘‘канд̇ий барамам̣ д̇або д̇ид̇игкаа…бз….
‘‘Khantī paramaṃ tapo titikkhā…pe….
‘‘саб̣б̣абаабасса агаран̣ам̣…бз….
‘‘Sabbapāpassa akaraṇaṃ…pe….
‘‘ануубаваад̣̇о ануубагхаад̇о’’д̇и. (д̣̇ий. ни. 2.90; д̇ха. ба. 184, 183, 185)
‘‘Anūpavādo anūpaghāto’’ti. (dī. ni. 2.90; dha. pa. 184, 183, 185)
аад̣̇инаа наязна вуд̇д̇аа д̇иссо г̇аат̇ааяо оваад̣̇абаад̇имогкам̣ наама, д̇ам̣ б̣уд̣̇д̇хаа зва уд̣̇д̣̇исанд̇и, на саавагаа. ‘‘сун̣аад̇у мз, бханд̇з, сан̇гхо’’д̇иаад̣̇инаа (махаава. 134) наязна вуд̇д̇ам̣ аан̣аабаад̇имогкам̣ наама, д̇ам̣ саавагаа зва уд̣̇д̣̇исанд̇и, на б̣уд̣̇д̇хаа. ид̣̇амзва жа имасмим̣ ад̇т̇з ‘‘баад̇имогка’’нд̇и ад̇хиббзд̇ам̣.
Ādinā nayena vuttā tisso gāthāyo ovādapātimokkhaṃ nāma, taṃ buddhā eva uddisanti, na sāvakā. ‘‘Suṇātu me, bhante, saṅgho’’tiādinā (mahāva. 134) nayena vuttaṃ āṇāpātimokkhaṃ nāma, taṃ sāvakā eva uddisanti, na buddhā. Idameva ca imasmiṃ atthe ‘‘pātimokkha’’nti adhippetaṃ.
яз бана ид̇арз д̣̇вз убосат̇аа, д̇зсу баарисуд̣̇д̇хиубосат̇о д̇аава ан̃н̃зсан̃жа санд̇игз, ан̃н̃аман̃н̃ан̃жа аарожанавасзна д̣̇увид̇хо. д̇ад̇т̇а явааяам̣ ан̃н̃зсам̣ санд̇игз гарийяад̇и, соби баваарид̇аанан̃жа аббаваарид̇аанан̃жа санд̇игз гаран̣авасзна д̣̇увид̇хо. д̇ад̇т̇а махаабавааран̣ааяа баваарид̇аанам̣ санд̇игз бажчимигааяа убаг̇ад̇зна ваа анубаг̇ад̇зна ваа чиннавассзна ваа жаад̇умаасинияам̣ бана баваарид̇аанам̣ санд̇игз буримигааяа убаг̇ад̇зна ваа анубаг̇ад̇зна ваа чиннавассзна ваа гааяасаамаг̇г̇им̣ д̣̇ад̇ваа ‘‘барисуд̣̇д̇хо ахам̣, бханд̇з, ‘барисуд̣̇д̇хо’д̇и мам̣ д̇хаарзт̇аа’’д̇и д̇игкад̇д̇ум̣ вад̇ваа гаад̇аб̣б̣о, табзд̇ваа жа бана бавааран̣аад̣̇ивасам̣ ан̃н̃асмим̣ гаалз ааваасигзхи уд̣̇д̣̇идтамад̇д̇з баад̇имогкз авудтид̇ааяа ваа згажжааяа вудтид̇ааяа ваа саб̣б̣ааяа ваа вудтид̇ааяа барисааяа яз ан̃н̃з самасамаа ваа т̇огад̇араа ваа ааг̇ажчанд̇и, д̇зхи д̇зсам̣ санд̇игз вуд̇д̇анаязнзва баарисуд̣̇д̇хи аарожзд̇аб̣б̣аа. яо банааяам̣ ан̃н̃аман̃н̃ам̣ аарожанавасзна гарийяад̇и, со н̃ад̇д̇им̣ табзд̇ваа жа адтабзд̇ваа жа гаран̣авасзна д̣̇увид̇хо. д̇ад̇т̇а яасмим̣ ааваасз д̇аяо бхигкуу вихаранд̇и, д̇зсу убосат̇ад̣̇ивасз саннибад̇ид̇зсу згзна бхигкунаа ‘‘сун̣анд̇у мз ааяасманд̇аа аж̇ж̇убосат̇о жаад̇уд̣̇д̣̇асо’’д̇и ваа ‘‘баннарасо’’д̇и ваа вад̇ваа ‘‘яад̣̇ааяасманд̇аанам̣ бад̇д̇агаллам̣ маяам̣ ан̃н̃аман̃н̃ам̣ баарисуд̣̇д̇хиубосат̇ам̣ гарзяяаамаа’’д̇и н̃ад̇д̇ияаа табид̇ааяа т̇зрзна бхигкунаа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘барисуд̣̇д̇хо ахам̣, аавусо, ‘барисуд̣̇д̇хо’д̇и мам̣ д̇хаарзт̇аа’’д̇и (махаава. 168) д̇игкад̇д̇ум̣ вад̇д̇аб̣б̣ам̣. ид̇арзхи ‘‘бханд̇з’’д̇и вад̇ваа звамзва вад̇д̇аб̣б̣ам̣. звам̣ н̃ад̇д̇им̣ табзд̇ваа гаад̇аб̣б̣о. яад̇т̇а бана д̣̇вз бхигкуу вихаранд̇и, д̇ад̇ра н̃ад̇д̇им̣ адтабзд̇ваа вуд̇д̇анаязнзва баарисуд̣̇д̇хи аарожзд̇аб̣б̣аад̇и аяам̣ баарисуд̣̇д̇хиубосат̇о.
Ye pana itare dve uposathā, tesu pārisuddhiuposatho tāva aññesañca santike, aññamaññañca ārocanavasena duvidho. Tattha yvāyaṃ aññesaṃ santike karīyati, sopi pavāritānañca appavāritānañca santike karaṇavasena duvidho. Tattha mahāpavāraṇāya pavāritānaṃ santike pacchimikāya upagatena vā anupagatena vā chinnavassena vā cātumāsiniyaṃ pana pavāritānaṃ santike purimikāya upagatena vā anupagatena vā chinnavassena vā kāyasāmaggiṃ datvā ‘‘parisuddho ahaṃ, bhante, ‘parisuddho’ti maṃ dhārethā’’ti tikkhattuṃ vatvā kātabbo, ṭhapetvā ca pana pavāraṇādivasaṃ aññasmiṃ kāle āvāsikehi uddiṭṭhamatte pātimokkhe avuṭṭhitāya vā ekaccāya vuṭṭhitāya vā sabbāya vā vuṭṭhitāya parisāya ye aññe samasamā vā thokatarā vā āgacchanti, tehi tesaṃ santike vuttanayeneva pārisuddhi ārocetabbā. Yo panāyaṃ aññamaññaṃ ārocanavasena karīyati, so ñattiṃ ṭhapetvā ca aṭṭhapetvā ca karaṇavasena duvidho. Tattha yasmiṃ āvāse tayo bhikkhū viharanti, tesu uposathadivase sannipatitesu ekena bhikkhunā ‘‘suṇantu me āyasmantā ajjuposatho cātuddaso’’ti vā ‘‘pannaraso’’ti vā vatvā ‘‘yadāyasmantānaṃ pattakallaṃ mayaṃ aññamaññaṃ pārisuddhiuposathaṃ kareyyāmā’’ti ñattiyā ṭhapitāya therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā ‘‘parisuddho ahaṃ, āvuso, ‘parisuddho’ti maṃ dhārethā’’ti (mahāva. 168) tikkhattuṃ vattabbaṃ. Itarehi ‘‘bhante’’ti vatvā evameva vattabbaṃ. Evaṃ ñattiṃ ṭhapetvā kātabbo. Yattha pana dve bhikkhū viharanti, tatra ñattiṃ aṭṭhapetvā vuttanayeneva pārisuddhi ārocetabbāti ayaṃ pārisuddhiuposatho.
сажз бана згова бхигку ход̇и, саб̣б̣ам̣ буб̣б̣агаран̣ийяам̣ гад̇ваа ан̃н̃зсам̣ анааг̇аманам̣ н̃ад̇ваа ‘‘аж̇ж̇а мз убосат̇о жаад̇уд̣̇д̣̇асо’’д̇и ваа ‘‘баннарасо’’д̇и ваа вад̇ваа ‘‘ад̇хидтаамий’’д̇и вад̇д̇аб̣б̣ам̣. аяам̣ ад̇хидтаанубосат̇од̇и звам̣ гад̇д̇аб̣б̣аагааравасзна д̇аяо убосат̇аад̇и взд̣̇ид̇аб̣б̣аа. зд̇д̇аавад̇аа нава убосат̇аа д̣̇ийбид̇аа хонд̇и. д̇зсу д̣̇ивасавасзна баннарасиго, гаарагавасзна сан̇гхубосат̇о, гад̇д̇аб̣б̣аагааравасзна суд̇д̇уд̣̇д̣̇зсод̇и звам̣ д̇илагкан̣асамбанно убосат̇о ид̇ха нид̣̇д̣̇идтод̇и взд̣̇ид̇аб̣б̣о. д̇асмим̣ бавад̇д̇амаанз убосат̇ам̣ агад̇ваа д̇ад̣̇ахубосат̇з ан̃н̃ам̣ абхигкугам̣ наанаасам̣ваасагзхи ваа сабхигкугам̣ ааваасам̣ ваа анааваасам̣ ваа ваасад̇т̇ааяа ан̃н̃ад̇ра сан̇гхзна, ан̃н̃ад̇ра анд̇арааяаа г̇ажчанд̇асса д̣̇уггадам̣ ход̇и.
Sace pana ekova bhikkhu hoti, sabbaṃ pubbakaraṇīyaṃ katvā aññesaṃ anāgamanaṃ ñatvā ‘‘ajja me uposatho cātuddaso’’ti vā ‘‘pannaraso’’ti vā vatvā ‘‘adhiṭṭhāmī’’ti vattabbaṃ. Ayaṃ adhiṭṭhānuposathoti evaṃ kattabbākāravasena tayo uposathāti veditabbā. Ettāvatā nava uposathā dīpitā honti. Tesu divasavasena pannarasiko, kārakavasena saṅghuposatho, kattabbākāravasena suttuddesoti evaṃ tilakkhaṇasampanno uposatho idha niddiṭṭhoti veditabbo. Tasmiṃ pavattamāne uposathaṃ akatvā tadahuposathe aññaṃ abhikkhukaṃ nānāsaṃvāsakehi vā sabhikkhukaṃ āvāsaṃ vā anāvāsaṃ vā vāsatthāya aññatra saṅghena, aññatra antarāyā gacchantassa dukkaṭaṃ hoti.
гим̣ сан̇гхасса буб̣б̣агижжанд̇и ‘‘сан̇гхо убосат̇ам̣ гарзяяаа’’д̇и звам̣ убосат̇агаран̣асамб̣анд̇хзнзва вуд̇д̇асса сан̇гхасса убосат̇з гад̇д̇аб̣б̣з яам̣ д̇ам̣ ‘‘ануж̇аанаами, бхигкавз, убосат̇ааг̇аарам̣ саммаж̇ж̇ид̇у’’нд̇иаад̣̇инаа (махаава. 159) наязна баал̣ияам̣ ааг̇ад̇ам̣, адтагат̇аасу жа –
Kiṃ saṅghassa pubbakiccanti ‘‘saṅgho uposathaṃ kareyyā’’ti evaṃ uposathakaraṇasambandheneva vuttassa saṅghassa uposathe kattabbe yaṃ taṃ ‘‘anujānāmi, bhikkhave, uposathāgāraṃ sammajjitu’’ntiādinā (mahāva. 159) nayena pāḷiyaṃ āgataṃ, aṭṭhakathāsu ca –
‘‘саммаж̇ж̇аний бад̣̇ийбо жа, уд̣̇агам̣ аасанзна жа;
‘‘Sammajjanī padīpo ca, udakaṃ āsanena ca;
убосат̇асса зд̇аани, ‘буб̣б̣агаран̣а’нд̇и вужжад̇и.
Uposathassa etāni, ‘pubbakaraṇa’nti vuccati.
‘‘чанд̣̇абаарисуд̣̇д̇хиуд̇угкаанам̣, бхигкуг̇ан̣анаа жа оваад̣̇о;
‘‘Chandapārisuddhiutukkhānaṃ, bhikkhugaṇanā ca ovādo;
убосат̇асса зд̇аани, ‘буб̣б̣агижжа’нд̇и вужжад̇ий’’д̇и. (махаава. адта. 168);
Uposathassa etāni, ‘pubbakicca’nti vuccatī’’ti. (mahāva. aṭṭha. 168);
звам̣ д̣̇вийхи наамзхи нававид̇хам̣ буб̣б̣агижжам̣ д̣̇ассид̇ам̣, гим̣ д̇ам̣ гад̇анд̇и бужчад̇и. на хи д̇ам̣ агад̇ваа убосат̇ам̣ гаад̇ум̣ ваддад̇и, д̇асмаа т̇зрзна аан̣ад̇д̇зна аг̇илаанзна бхигкунаа убосат̇ааг̇аарам̣ саммаж̇ж̇ид̇аб̣б̣ам̣, баанийяам̣ барибхож̇анийяам̣ убадтаабзд̇аб̣б̣ам̣, аасанам̣ бан̃н̃аабзд̇аб̣б̣ам̣, бад̣̇ийбо гаад̇аб̣б̣о, агаронд̇о д̣̇уггадам̣ аабаж̇ж̇ад̇и, т̇зрзнааби бад̇ируубам̣ н̃ад̇ваа аан̣аабзд̇аб̣б̣ам̣.
Evaṃ dvīhi nāmehi navavidhaṃ pubbakiccaṃ dassitaṃ, kiṃ taṃ katanti pucchati. Na hi taṃ akatvā uposathaṃ kātuṃ vaṭṭati, tasmā therena āṇattena agilānena bhikkhunā uposathāgāraṃ sammajjitabbaṃ, pānīyaṃ paribhojanīyaṃ upaṭṭhāpetabbaṃ, āsanaṃ paññāpetabbaṃ, padīpo kātabbo, akaronto dukkaṭaṃ āpajjati, therenāpi patirūpaṃ ñatvā āṇāpetabbaṃ.
чанд̣̇абаарисуд̣̇д̇хийд̇и зд̇т̇а убосат̇агаран̣ад̇т̇ам̣ саннибад̇ид̇з сан̇гхз б̣ахи убосат̇ам̣ гад̇ваа ааг̇ад̇зна саннибад̇ид̇адтаанам̣ г̇анд̇ваа гааяасаамаг̇г̇им̣ ад̣̇знд̇зна чанд̣̇о д̣̇аад̇аб̣б̣о. яоби г̇илаано ваа ход̇и гижжаббасуд̇о ваа, д̇знааби баарисуд̣̇д̇хим̣ д̣̇знд̇зна чанд̣̇оби д̣̇аад̇аб̣б̣о. гат̇ам̣ д̣̇аад̇аб̣б̣о? згасса бхигкуно санд̇игз ‘‘чанд̣̇ам̣ д̣̇амми, чанд̣̇ам̣ мз хара, чанд̣̇ам̣ мз аарожзхий’’д̇и (махаава. 165) аяам̣ ад̇т̇о гааязна ваа ваажааяа ваа убхаязна ваа вин̃н̃аабзд̇аб̣б̣о, звам̣ д̣̇инно ход̇и чанд̣̇о. агад̇уубосат̇зна бана г̇илаанзна ваа гижжаббасуд̇зна ваа баарисуд̣̇д̇хи д̣̇аад̇аб̣б̣аа. гат̇ам̣ д̣̇аад̇аб̣б̣аа? згасса бхигкуно санд̇игз ‘‘баарисуд̣̇д̇хим̣ д̣̇амми, баарисуд̣̇д̇хим̣ мз хара, баарисуд̣̇д̇хим̣ мз аарожзхий’’д̇и (махаава. 164) аяам̣ ад̇т̇о гааязна ваа ваажааяа ваа убхаязна ваа вин̃н̃аабзд̇аб̣б̣о, звам̣ д̣̇иннаа ход̇и баарисуд̣̇д̇хи, д̇ам̣ бана д̣̇знд̇зна чанд̣̇оби д̣̇аад̇аб̣б̣о. вуд̇д̇ан̃хзд̇ам̣ бхаг̇авад̇аа ‘‘ануж̇аанаами, бхигкавз, д̇ад̣̇ахубосат̇з баарисуд̣̇д̇хим̣ д̣̇знд̇зна чанд̣̇амби д̣̇аад̇ум̣, санд̇и сан̇гхасса гаран̣ийяа’’нд̇и (махаава. 165). д̇ад̇т̇а баарисуд̣̇д̇хид̣̇аанам̣ сан̇гхассаби ад̇д̇аноби убосат̇агаран̣ам̣ самбаад̣̇зд̇и, на авасзсам̣ сан̇гхагижжам̣. чанд̣̇ад̣̇аанам̣ сан̇гхассзва убосат̇агаран̣ан̃жа сзсагижжан̃жа самбаад̣̇зд̇и, ад̇д̇ано бана убосат̇о агад̇оязва ход̇и. д̇асмаа баарисуд̣̇д̇хим̣ д̣̇знд̇зна чанд̣̇оби д̣̇аад̇аб̣б̣о. буб̣б̣з вуд̇д̇ам̣ бана суд̣̇д̇хигажчанд̣̇ам̣ ваа имам̣ ваа чанд̣̇абаарисуд̣̇д̇хим̣ згзна б̣ахуунамби аахарид̇ум̣ ваддад̇и. сажз бана со анд̇араамаг̇г̇з ан̃н̃ам̣ бхигкум̣ бассид̇ваа язсам̣ д̇зна чанд̣̇о ваа баарисуд̣̇д̇хи ваа г̇ахид̇аа, д̇зсан̃жа ад̇д̇ано жа чанд̣̇абаарисуд̣̇д̇хим̣ д̣̇зд̇и, д̇ассзва саа ааг̇ажчад̇и, ид̇араа бана б̣ил̣ааласан̇калигаа чанд̣̇абаарисуд̣̇д̇хи наама ход̇и, саа нааг̇ажчад̇и, д̇асмаа саяамзва саннибад̇ид̇адтаанам̣ г̇анд̇ваа аарожзд̇аб̣б̣ам̣. сажз бана сан̃жижжа наарожзд̇и, д̣̇уггадам̣ аабаж̇ж̇ад̇и. чанд̣̇абаарисуд̣̇д̇хи бана д̇асмим̣ хад̇т̇абаасам̣ убаг̇ад̇амад̇д̇зязва ааг̇ад̇аа ход̇и.
Chandapārisuddhīti ettha uposathakaraṇatthaṃ sannipatite saṅghe bahi uposathaṃ katvā āgatena sannipatitaṭṭhānaṃ gantvā kāyasāmaggiṃ adentena chando dātabbo. Yopi gilāno vā hoti kiccappasuto vā, tenāpi pārisuddhiṃ dentena chandopi dātabbo. Kathaṃ dātabbo? Ekassa bhikkhuno santike ‘‘chandaṃ dammi, chandaṃ me hara, chandaṃ me ārocehī’’ti (mahāva. 165) ayaṃ attho kāyena vā vācāya vā ubhayena vā viññāpetabbo, evaṃ dinno hoti chando. Akatūposathena pana gilānena vā kiccappasutena vā pārisuddhi dātabbā. Kathaṃ dātabbā? Ekassa bhikkhuno santike ‘‘pārisuddhiṃ dammi, pārisuddhiṃ me hara, pārisuddhiṃ me ārocehī’’ti (mahāva. 164) ayaṃ attho kāyena vā vācāya vā ubhayena vā viññāpetabbo, evaṃ dinnā hoti pārisuddhi, taṃ pana dentena chandopi dātabbo. Vuttañhetaṃ bhagavatā ‘‘anujānāmi, bhikkhave, tadahuposathe pārisuddhiṃ dentena chandampi dātuṃ, santi saṅghassa karaṇīya’’nti (mahāva. 165). Tattha pārisuddhidānaṃ saṅghassapi attanopi uposathakaraṇaṃ sampādeti, na avasesaṃ saṅghakiccaṃ. Chandadānaṃ saṅghasseva uposathakaraṇañca sesakiccañca sampādeti, attano pana uposatho akatoyeva hoti. Tasmā pārisuddhiṃ dentena chandopi dātabbo. Pubbe vuttaṃ pana suddhikacchandaṃ vā imaṃ vā chandapārisuddhiṃ ekena bahūnampi āharituṃ vaṭṭati. Sace pana so antarāmagge aññaṃ bhikkhuṃ passitvā yesaṃ tena chando vā pārisuddhi vā gahitā, tesañca attano ca chandapārisuddhiṃ deti, tasseva sā āgacchati, itarā pana biḷālasaṅkhalikā chandapārisuddhi nāma hoti, sā nāgacchati, tasmā sayameva sannipatitaṭṭhānaṃ gantvā ārocetabbaṃ. Sace pana sañcicca nāroceti, dukkaṭaṃ āpajjati. Chandapārisuddhi pana tasmiṃ hatthapāsaṃ upagatamatteyeva āgatā hoti.
уд̇угкаананд̇и ‘‘хзманд̇аад̣̇ийнам̣ уд̇уунам̣ зд̇д̇агам̣ ад̇игганд̇ам̣, зд̇д̇агам̣ авасидта’’нд̇и звам̣ уд̇уунам̣ аажигканам̣. бхигкуг̇ан̣анаад̇и ‘‘зд̇д̇агаа бхигкуу убосат̇аг̇г̇з саннибад̇ид̇аа’’д̇и бхигкуунам̣ г̇ан̣анаа. ид̣̇амби хи убхаяам̣ гад̇ваава убосат̇о гаад̇аб̣б̣о. оваад̣̇од̇и бхигкуноваад̣̇о. на хи бхигкунийхи яаажид̇ам̣ оваад̣̇ам̣ анаарожзд̇ваа убосат̇ам̣ гаад̇ум̣ ваддад̇и. бхигкунияо хи ‘‘свз убосат̇о’’д̇и ааг̇анд̇ваа ‘‘аяам̣ убосат̇о жаад̇уд̣̇д̣̇асо баннарасо’’д̇и бужчид̇ваа буна убосат̇ад̣̇ивасз ааг̇анд̇ваа ‘‘бхигкунисан̇гхо, аяяа, бхигкусан̇гхасса баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира, аяяа, бхигкунисан̇гхо оваад̣̇уубасан̇гамана’’нд̇и (жуул̣ава. 413) звам̣ оваад̣̇ам̣ яаажанд̇и. д̇ам̣ табзд̇ваа б̣аалаг̇илаанаг̇амияз ан̃н̃о сажзби ааран̃н̃иго ход̇и, абадиг̇г̇ахзд̇ум̣ на лабхад̇и, д̇асмаа язна со бадиг̇г̇ахид̇о, д̇зна бхигкунаа убосат̇аг̇г̇з баад̇имогкуд̣̇д̣̇зсаго бхигку звам̣ вад̇д̇аб̣б̣о ‘‘бхигкунисан̇гхо, бханд̇з, бхигкусан̇гхасса баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира, бханд̇з, бхигкунисан̇гхо оваад̣̇уубасан̇гамана’’нд̇и. баад̇имогкуд̣̇д̣̇зсагзна вад̇д̇аб̣б̣ам̣ ‘‘ад̇т̇и гожи бхигку бхигкуноваад̣̇аго саммад̇о’’д̇и. сажз ход̇и гожи бхигку бхигкуноваад̣̇аго саммад̇о, д̇ад̇о д̇зна со вад̇д̇аб̣б̣о ‘‘ид̇т̇аннаамо бхигку бхигкуноваад̣̇аго саммад̇о, д̇ам̣ бхигкунисан̇гхо убасан̇гамад̇уу’’д̇и (жуул̣ава. 413). сажз над̇т̇и, д̇ад̇о д̇зна бужчид̇аб̣б̣ам̣ ‘‘го ааяасмаа уссахад̇и бхигкунияо овад̣̇ид̇у’’нд̇и. сажз гожи уссахад̇и, соби жа адтахи ан̇г̇зхи саманнааг̇ад̇о, д̇ам̣ д̇ад̇т̇зва самманнид̇ваа оваад̣̇абадиг̇г̇аахаго вад̇д̇аб̣б̣о ‘‘ид̇т̇аннаамо бхигку бхигкуноваад̣̇аго саммад̇о, д̇ам̣ бхигкунисан̇гхо убасан̇гамад̇уу’’д̇и (жул̣ава. 413). сажз бана гожи на уссахад̇и, баад̇имогкуд̣̇д̣̇зсагзна вад̇д̇аб̣б̣ам̣ ‘‘над̇т̇и гожи бхигку бхигкуноваад̣̇аго саммад̇о, баасаад̣̇игзна бхигкунисан̇гхо самбаад̣̇зд̇уу’’д̇и. зд̇д̇аавад̇аа хи сигкад̇д̇аяасан̇г̇ахид̇ам̣ сагалам̣ саасанам̣ аарожид̇ам̣ ход̇и. д̇зна бхигкунаа ‘‘саад̇хуу’’д̇и самбадижчид̇ваа баадибад̣̇ад̣̇ивасз бхигкунийнам̣ аарожзд̇аб̣б̣ам̣.
Utukkhānanti ‘‘hemantādīnaṃ utūnaṃ ettakaṃ atikkantaṃ, ettakaṃ avasiṭṭha’’nti evaṃ utūnaṃ ācikkhanaṃ. Bhikkhugaṇanāti ‘‘ettakā bhikkhū uposathagge sannipatitā’’ti bhikkhūnaṃ gaṇanā. Idampi hi ubhayaṃ katvāva uposatho kātabbo. Ovādoti bhikkhunovādo. Na hi bhikkhunīhi yācitaṃ ovādaṃ anārocetvā uposathaṃ kātuṃ vaṭṭati. Bhikkhuniyo hi ‘‘sve uposatho’’ti āgantvā ‘‘ayaṃ uposatho cātuddaso pannaraso’’ti pucchitvā puna uposathadivase āgantvā ‘‘bhikkhunisaṅgho, ayya, bhikkhusaṅghassa pāde vandati, ovādūpasaṅkamanañca yācati, labhatu kira, ayya, bhikkhunisaṅgho ovādūpasaṅkamana’’nti (cūḷava. 413) evaṃ ovādaṃ yācanti. Taṃ ṭhapetvā bālagilānagamiye añño sacepi āraññiko hoti, apaṭiggahetuṃ na labhati, tasmā yena so paṭiggahito, tena bhikkhunā uposathagge pātimokkhuddesako bhikkhu evaṃ vattabbo ‘‘bhikkhunisaṅgho, bhante, bhikkhusaṅghassa pāde vandati, ovādūpasaṅkamanañca yācati, labhatu kira, bhante, bhikkhunisaṅgho ovādūpasaṅkamana’’nti. Pātimokkhuddesakena vattabbaṃ ‘‘atthi koci bhikkhu bhikkhunovādako sammato’’ti. Sace hoti koci bhikkhu bhikkhunovādako sammato, tato tena so vattabbo ‘‘itthannāmo bhikkhu bhikkhunovādako sammato, taṃ bhikkhunisaṅgho upasaṅkamatū’’ti (cūḷava. 413). Sace natthi, tato tena pucchitabbaṃ ‘‘ko āyasmā ussahati bhikkhuniyo ovaditu’’nti. Sace koci ussahati, sopi ca aṭṭhahi aṅgehi samannāgato, taṃ tattheva sammannitvā ovādapaṭiggāhako vattabbo ‘‘itthannāmo bhikkhu bhikkhunovādako sammato, taṃ bhikkhunisaṅgho upasaṅkamatū’’ti (cuḷava. 413). Sace pana koci na ussahati, pātimokkhuddesakena vattabbaṃ ‘‘natthi koci bhikkhu bhikkhunovādako sammato, pāsādikena bhikkhunisaṅgho sampādetū’’ti. Ettāvatā hi sikkhattayasaṅgahitaṃ sakalaṃ sāsanaṃ ārocitaṃ hoti. Tena bhikkhunā ‘‘sādhū’’ti sampaṭicchitvā pāṭipadadivase bhikkhunīnaṃ ārocetabbaṃ.
бхигкунисан̇гхзнааби д̇аа бхигкунияо бзсзд̇аб̣б̣аа, г̇ажчат̇а, аяяаа, бужчат̇а ‘‘гим̣, аяяа, лабхад̇и бхигкунисан̇гхо оваад̣̇уубасан̇гамана’’нд̇и, д̇аахи ‘‘саад̇ху, аяяз’’д̇и самбадижчид̇ваа д̇ам̣ бхигкум̣ убасан̇гамид̇ваа звам̣ вад̇д̇аб̣б̣ам̣ ‘‘гим̣, аяяа, лабхад̇и бхигкунисан̇гхо оваад̣̇уубасан̇гамана’’нд̇и. д̇зна вад̇д̇аб̣б̣ам̣ ‘‘над̇т̇и гожи бхигку бхигкуноваад̣̇аго саммад̇о, баасаад̣̇игзна бхигкунисан̇гхо самбаад̣̇зд̇уу’’д̇и, д̇аахи ‘‘саад̇ху аяяаа’’д̇и самбадижчид̇аб̣б̣ам̣. ид̣̇ан̃жа згад̇о ааг̇ад̇аанам̣ д̣̇виннам̣ д̇ин̣н̣ам̣ ваа васзна вуд̇д̇ам̣. д̇аасу бана згааяа бхигкунияаа вад̇д̇аб̣б̣ан̃жзва самбадижчид̇аб̣б̣ан̃жа, ид̇араа д̇ассаа сахааяигаа. сажз бана бхигкусан̇гхо ваа бхигкунисан̇гхо ваа на буурад̇и , убхаяад̇оби ваа г̇ан̣амад̇д̇амзва буг̇г̇аламад̇д̇ам̣ ваа ход̇и.
Bhikkhunisaṅghenāpi tā bhikkhuniyo pesetabbā, gacchatha, ayyā, pucchatha ‘‘kiṃ, ayya, labhati bhikkhunisaṅgho ovādūpasaṅkamana’’nti, tāhi ‘‘sādhu, ayye’’ti sampaṭicchitvā taṃ bhikkhuṃ upasaṅkamitvā evaṃ vattabbaṃ ‘‘kiṃ, ayya, labhati bhikkhunisaṅgho ovādūpasaṅkamana’’nti. Tena vattabbaṃ ‘‘natthi koci bhikkhu bhikkhunovādako sammato, pāsādikena bhikkhunisaṅgho sampādetū’’ti, tāhi ‘‘sādhu ayyā’’ti sampaṭicchitabbaṃ. Idañca ekato āgatānaṃ dvinnaṃ tiṇṇaṃ vā vasena vuttaṃ. Tāsu pana ekāya bhikkhuniyā vattabbañceva sampaṭicchitabbañca, itarā tassā sahāyikā. Sace pana bhikkhusaṅgho vā bhikkhunisaṅgho vā na pūrati , ubhayatopi vā gaṇamattameva puggalamattaṃ vā hoti.
д̇ад̇рааяам̣ важанаггамо – ‘‘бхигкунияо, аяяа, бхигкусан̇гхасса баад̣̇званд̣̇анд̇и, оваад̣̇уубасан̇гаманан̃жа яаажанд̇и, лабханд̇у гира, аяяа, бхигкунияо оваад̣̇уубасан̇гамана’’нд̇и, ‘‘ахам̣, аяяа, бхигкусан̇гхасса баад̣̇з ванд̣̇аами, оваад̣̇уубасан̇гаманан̃жа яаажаами, лабхаамахам̣, аяяа, оваад̣̇уубасан̇гамана’’нд̇и, ‘‘бхигкунисан̇гхо, аяяаа, аяяаанам̣ баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира, аяяаа, бхигкунисан̇гхо оваад̣̇уубасан̇гамана’’нд̇и. ‘‘бхигкунияо, аяяаа, аяяаанам̣ баад̣̇з ванд̣̇анд̇и, оваад̣̇уубасан̇гаманан̃жа яаажанд̇и, лабханд̇у гира, аяяаа, бхигкунияо оваад̣̇уубасан̇гамана’’нд̇и, ‘‘ахам̣, аяяаа, аяяаанам̣ баад̣̇з ванд̣̇аами, оваад̣̇уубасан̇гаманан̃жа яаажаами, лабхаамахам̣, аяяаа, оваад̣̇уубасан̇гамана’’нд̇и, ‘‘бхигкунисан̇гхо, аяяа, аяяасса баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира, аяяа, бхигкунисан̇гхо оваад̣̇уубасан̇гамана’’нд̇и. ‘‘бхигкунияо, аяяа, аяяасса баад̣̇з ванд̣̇анд̇и, оваад̣̇уубасан̇гаманан̃жа яаажанд̇и, лабханд̇у гира, аяяа, бхигкунияо оваад̣̇уубасан̇гамана’’нд̇и, ‘‘ахам̣, аяяа, аяяасса баад̣̇з ванд̣̇аами, оваад̣̇уубасан̇гаманан̃жа яаажаами, лабхаамахам̣, аяяа, оваад̣̇уубасан̇гамана’’нд̇и. д̇знааби бхигкунаа убосат̇агаалз звам̣ вад̇д̇аб̣б̣ам̣ ‘‘бхигкунияо, бханд̇з, бхигкусан̇гхасса баад̣̇з ванд̣̇анд̇и, оваад̣̇уубасан̇гаманан̃жа яаажанд̇и, лабханд̇у гира, бханд̇з, бхигкунияо оваад̣̇уубасан̇гамана’’нд̇и, ‘‘бхигкуний, бханд̇з, бхигкусан̇гхасса баад̣̇з ванд̣̇ад̇и, оваад̣̇уубасан̇гаманан̃жа яаажад̇и, лабхад̇у гира, бханд̇з, бхигкуний оваад̣̇уубасан̇гамана’’нд̇и. ‘‘бхигкунисан̇гхо, бханд̇з, бхигкунияо, бханд̇з, бхигкуний бханд̇з ааяасманд̇аанам̣ баад̣̇з ванд̣̇ад̇и, ванд̣̇анд̇и, ванд̣̇ад̇и, оваад̣̇уубасан̇гаманан̃жа яаажад̇и, яаажанд̇и, яаажад̇и, лабхад̇у гира, бханд̇з, бхигкунисан̇гхо, лабханд̇у гира, бханд̇з, бхигкунияо, лабхад̇у гира, бханд̇з, бхигкуний оваад̣̇уубасан̇гамана’’нд̇и. убосат̇аг̇г̇зби баад̇имогкуд̣̇д̣̇зсагзна ваа н̃ад̇д̇идтабагзна ваа ид̇арзна ваа бхигкунаа сажз саммад̇о бхигку ад̇т̇и, буриманаязнзва ‘‘д̇ам̣ бхигкунисан̇гхо, д̇ам̣ бхигкунияо, д̇ам̣ бхигкуний убасан̇гамад̇у, убасан̇гаманд̇у, убасан̇гамад̇уу’’д̇и вад̇д̇аб̣б̣ам̣. сажз над̇т̇и, ‘‘баасаад̣̇игзна бхигкунисан̇гхо, бхигкунияо, бхигкуний самбаад̣̇зд̇у, самбаад̣̇знд̇у, самбаад̣̇зд̇уу’’д̇и вад̇д̇аб̣б̣ам̣. оваад̣̇аббадиг̇г̇аахагзна баадибад̣̇з д̇ам̣ бажжаахарид̇ваа д̇ат̇зва вад̇д̇аб̣б̣ам̣, аяамзд̇т̇а сан̇кзбавинижчаяо. звам̣ бхигкунийхи яаажид̇ам̣ оваад̣̇ам̣ аарожзд̇ваава убосат̇о гаад̇аб̣б̣о. д̇зна вуд̇д̇ам̣ –
Tatrāyaṃ vacanakkamo – ‘‘bhikkhuniyo, ayya, bhikkhusaṅghassa pādevandanti, ovādūpasaṅkamanañca yācanti, labhantu kira, ayya, bhikkhuniyo ovādūpasaṅkamana’’nti, ‘‘ahaṃ, ayya, bhikkhusaṅghassa pāde vandāmi, ovādūpasaṅkamanañca yācāmi, labhāmahaṃ, ayya, ovādūpasaṅkamana’’nti, ‘‘bhikkhunisaṅgho, ayyā, ayyānaṃ pāde vandati, ovādūpasaṅkamanañca yācati, labhatu kira, ayyā, bhikkhunisaṅgho ovādūpasaṅkamana’’nti. ‘‘Bhikkhuniyo, ayyā, ayyānaṃ pāde vandanti, ovādūpasaṅkamanañca yācanti, labhantu kira, ayyā, bhikkhuniyo ovādūpasaṅkamana’’nti, ‘‘ahaṃ, ayyā, ayyānaṃ pāde vandāmi, ovādūpasaṅkamanañca yācāmi, labhāmahaṃ, ayyā, ovādūpasaṅkamana’’nti, ‘‘bhikkhunisaṅgho, ayya, ayyassa pāde vandati, ovādūpasaṅkamanañca yācati, labhatu kira, ayya, bhikkhunisaṅgho ovādūpasaṅkamana’’nti. ‘‘Bhikkhuniyo, ayya, ayyassa pāde vandanti, ovādūpasaṅkamanañca yācanti, labhantu kira, ayya, bhikkhuniyo ovādūpasaṅkamana’’nti, ‘‘ahaṃ, ayya, ayyassa pāde vandāmi, ovādūpasaṅkamanañca yācāmi, labhāmahaṃ, ayya, ovādūpasaṅkamana’’nti. Tenāpi bhikkhunā uposathakāle evaṃ vattabbaṃ ‘‘bhikkhuniyo, bhante, bhikkhusaṅghassa pāde vandanti, ovādūpasaṅkamanañca yācanti, labhantu kira, bhante, bhikkhuniyo ovādūpasaṅkamana’’nti, ‘‘bhikkhunī, bhante, bhikkhusaṅghassa pāde vandati, ovādūpasaṅkamanañca yācati, labhatu kira, bhante, bhikkhunī ovādūpasaṅkamana’’nti. ‘‘Bhikkhunisaṅgho, bhante, bhikkhuniyo, bhante, bhikkhunī bhante āyasmantānaṃ pāde vandati, vandanti, vandati, ovādūpasaṅkamanañca yācati, yācanti, yācati, labhatu kira, bhante, bhikkhunisaṅgho, labhantu kira, bhante, bhikkhuniyo, labhatu kira, bhante, bhikkhunī ovādūpasaṅkamana’’nti. Uposathaggepi pātimokkhuddesakena vā ñattiṭṭhapakena vā itarena vā bhikkhunā sace sammato bhikkhu atthi, purimanayeneva ‘‘taṃ bhikkhunisaṅgho, taṃ bhikkhuniyo, taṃ bhikkhunī upasaṅkamatu, upasaṅkamantu, upasaṅkamatū’’ti vattabbaṃ. Sace natthi, ‘‘pāsādikena bhikkhunisaṅgho, bhikkhuniyo, bhikkhunī sampādetu, sampādentu, sampādetū’’ti vattabbaṃ. Ovādappaṭiggāhakena pāṭipade taṃ paccāharitvā tatheva vattabbaṃ, ayamettha saṅkhepavinicchayo. Evaṃ bhikkhunīhi yācitaṃ ovādaṃ ārocetvāva uposatho kātabbo. Tena vuttaṃ –
‘‘чанд̣̇абаарисуд̣̇д̇хиуд̇угкаанам̣ , бхигкуг̇ан̣анаа жа оваад̣̇о;
‘‘Chandapārisuddhiutukkhānaṃ , bhikkhugaṇanā ca ovādo;
убосат̇асса зд̇аани, ‘буб̣б̣агижжа’нд̇и вужжад̇ий’’д̇и.
Uposathassa etāni, ‘pubbakicca’nti vuccatī’’ti.
баарисуд̣̇д̇хим̣ ааяасманд̇о аарожзт̇аад̇и ад̇д̇ано барисуд̣̇д̇хабхаавам̣ аарожзт̇а, ‘‘баад̇имогкам̣ уд̣̇д̣̇исиссаамий’’д̇иид̣̇ам̣ баарисуд̣̇д̇хиаарожанасса гааран̣аважанам̣. ‘‘на жа, бхигкавз, саабад̇д̇игзна баад̇имогкам̣ сод̇аб̣б̣ам̣, яо сун̣зяяа аабад̇д̇и д̣̇уггадассаа’’д̇и (жуул̣ава. 386) хи важанад̇о абарисуд̣̇д̇хзхи баад̇имогкам̣ сод̇ум̣ на ваддад̇и. д̇зна вуд̇д̇ам̣ – баарисуд̣̇д̇хим̣ ааяасманд̇о аарожзт̇а, баад̇имогкам̣ уд̣̇д̣̇исиссаамийд̇и. зд̇т̇а сияаа ‘‘сан̇гхо убосат̇ам̣ гарзяяа, баад̇имогкам̣ уд̣̇д̣̇исзяяаа’’д̇и (махаава. 134) вуд̇д̇ад̇д̇аа ид̇хааби ‘‘баад̇имогкам̣ уд̣̇д̣̇исиссад̇ий’’д̇и вад̇д̇аб̣б̣ам̣, зван̃хи сад̇и буб̣б̣знаабарам̣ санд̇хияад̇ийд̇и. вужжад̇з, важанамад̇д̇амзвзд̇ам̣ на санд̇хияад̇и, лагкан̣ад̇о бана самзд̇и, сан̇гхасса саамаг̇г̇ияаа, г̇ан̣асса саамаг̇г̇ияаа, буг̇г̇аласса уд̣̇д̣̇зсаа сан̇гхасса уд̣̇д̣̇идтам̣ ход̇и баад̇имогканд̇и ид̣̇ан̃хзд̇т̇а лагкан̣ам̣, д̇асмаа ‘‘баад̇имогкам̣ уд̣̇д̣̇исиссаамий’’д̇и ид̣̇амзвзд̇т̇а вад̇д̇аб̣б̣ам̣.
Pārisuddhiṃ āyasmanto ārocethāti attano parisuddhabhāvaṃ ārocetha, ‘‘pātimokkhaṃ uddisissāmī’’tiidaṃ pārisuddhiārocanassa kāraṇavacanaṃ. ‘‘Na ca, bhikkhave, sāpattikena pātimokkhaṃ sotabbaṃ, yo suṇeyya āpatti dukkaṭassā’’ti (cūḷava. 386) hi vacanato aparisuddhehi pātimokkhaṃ sotuṃ na vaṭṭati. Tena vuttaṃ – pārisuddhiṃ āyasmanto ārocetha, pātimokkhaṃ uddisissāmīti. Ettha siyā ‘‘saṅgho uposathaṃ kareyya, pātimokkhaṃ uddiseyyā’’ti (mahāva. 134) vuttattā idhāpi ‘‘pātimokkhaṃ uddisissatī’’ti vattabbaṃ, evañhi sati pubbenāparaṃ sandhiyatīti. Vuccate, vacanamattamevetaṃ na sandhiyati, lakkhaṇato pana sameti, saṅghassa sāmaggiyā, gaṇassa sāmaggiyā, puggalassa uddesā saṅghassa uddiṭṭhaṃ hoti pātimokkhanti idañhettha lakkhaṇaṃ, tasmā ‘‘pātimokkhaṃ uddisissāmī’’ti idamevettha vattabbaṃ.
д̇ам̣ саб̣б̣зва санд̇аа саад̇хугам̣ сун̣ома манаси гаромаад̇и нд̇и баад̇имогкам̣. саб̣б̣зва санд̇аад̇и яаавад̇игаа д̇ассаа барисааяа т̇зраа жа наваа жа маж̇жхимаа жа. саад̇хугам̣ сун̣омаад̇и адтим̣ гад̇ваа манаси гарид̇ваа сод̇ад̣̇вааравасзна саб̣б̣ажзд̇асаа саманнаахараама. манаси гаромаад̇и згаг̇г̇ажид̇д̇аа худ̇ваа жид̇д̇з табзяяаама. зд̇т̇а жа гин̃жааби ‘‘баад̇имогкам̣ уд̣̇д̣̇исиссаамий’’д̇и вуд̇д̇ад̇д̇аа ‘‘сун̣от̇а манаси гарот̇аа’’д̇и вад̇д̇ум̣ яуд̇д̇ам̣ вияа д̣̇иссад̇и, ‘‘сан̇гхо убосат̇ам̣ гарзяяаа’’д̇ииминаа бана на самзд̇и. самаг̇г̇асса хи сан̇гхассзд̇ам̣ убосат̇агаран̣ам̣, баад̇имогкуд̣̇д̣̇зсаго жа сан̇гхабарияаабаннова, ижжасса сан̇гхабарияаабаннад̇д̇аа ‘‘сун̣ома манаси гаромаа’’д̇и ид̣̇амзва вад̇д̇ум̣ яуд̇д̇ам̣.
Taṃ sabbeva santā sādhukaṃ suṇoma manasi karomāti nti pātimokkhaṃ. Sabbeva santāti yāvatikā tassā parisāya therā ca navā ca majjhimā ca. Sādhukaṃ suṇomāti aṭṭhiṃ katvā manasi karitvā sotadvāravasena sabbacetasā samannāharāma. Manasi karomāti ekaggacittā hutvā citte ṭhapeyyāma. Ettha ca kiñcāpi ‘‘pātimokkhaṃ uddisissāmī’’ti vuttattā ‘‘suṇotha manasi karothā’’ti vattuṃ yuttaṃ viya dissati, ‘‘saṅgho uposathaṃ kareyyā’’tiiminā pana na sameti. Samaggassa hi saṅghassetaṃ uposathakaraṇaṃ, pātimokkhuddesako ca saṅghapariyāpannova, iccassa saṅghapariyāpannattā ‘‘suṇoma manasi karomā’’ti idameva vattuṃ yuttaṃ.
ид̣̇аани яам̣ вуд̇д̇ам̣ ‘‘баарисуд̣̇д̇хим̣ ааяасманд̇о аарожзт̇аа’’д̇и, д̇ад̇т̇а яат̇аа баарисуд̣̇д̇хиаарожанам̣ ход̇и, д̇ам̣ д̣̇ассзд̇ум̣ яасса сияаа аабад̇д̇и, со аавигарзяяаад̇и ааха. д̇ад̇т̇а яасса сияаад̇и яасса чаннам̣ аагаараанам̣ ан̃н̃ад̇арзна аабаннаабад̇д̇и бхавзяяа. аабад̇д̇ин̃хи аабаж̇ж̇анд̇о алаж̇ж̇ид̇аа, ан̃н̃аан̣ад̇аа, гуггужжаббагад̇ад̇аа, агаббияз габбияасан̃н̃ид̇аа, габбияз агаббияасан̃н̃ид̇аа, сад̇исаммосаад̇и имзхи чахаагаарзхи (бари. 295) аабаж̇ж̇ад̇и.
Idāni yaṃ vuttaṃ ‘‘pārisuddhiṃ āyasmanto ārocethā’’ti, tattha yathā pārisuddhiārocanaṃ hoti, taṃ dassetuṃ yassa siyā āpatti, so āvikareyyāti āha. Tattha yassa siyāti yassa channaṃ ākārānaṃ aññatarena āpannāpatti bhaveyya. Āpattiñhi āpajjanto alajjitā, aññāṇatā, kukkuccappakatatā, akappiye kappiyasaññitā, kappiye akappiyasaññitā, satisammosāti imehi chahākārehi (pari. 295) āpajjati.
гат̇ам̣ алаж̇ж̇ид̇ааяа аабаж̇ж̇ад̇и? агаббияабхаавам̣ ж̇аананд̇оязва мад̣̇д̣̇ид̇ваа вийд̇иггамам̣ гарод̇и.
Kathaṃ alajjitāya āpajjati? Akappiyabhāvaṃ jānantoyeva madditvā vītikkamaṃ karoti.
вуд̇д̇амби жзд̇ам̣ –
Vuttampi cetaṃ –
‘‘сан̃жижжа аабад̇д̇им̣ аабаж̇ж̇ад̇и, аабад̇д̇им̣ бариг̇уухад̇и;
‘‘Sañcicca āpattiṃ āpajjati, āpattiṃ parigūhati;
аг̇ад̇иг̇аманан̃жа г̇ажчад̇и, зд̣̇исо вужжад̇и алаж̇ж̇ибуг̇г̇ало’’д̇и. (бари. 359);
Agatigamanañca gacchati, ediso vuccati alajjipuggalo’’ti. (pari. 359);
гат̇ам̣ ан̃н̃аан̣ад̇ааяа аабаж̇ж̇ад̇и? ан̃н̃аан̣абуг̇г̇ало хи манд̣̇о момуухо гад̇д̇аб̣б̣аагад̇д̇аб̣б̣ам̣ аж̇аананд̇о агад̇д̇аб̣б̣ам̣ гарод̇и, гад̇д̇аб̣б̣ам̣ вираад̇хзд̇и, звам̣ ан̃н̃аан̣ад̇ааяа аабаж̇ж̇ад̇и.
Kathaṃ aññāṇatāya āpajjati? Aññāṇapuggalo hi mando momūho kattabbākattabbaṃ ajānanto akattabbaṃ karoti, kattabbaṃ virādheti, evaṃ aññāṇatāya āpajjati.
гат̇ам̣ гуггужжаббагад̇ад̇ааяа аабаж̇ж̇ад̇и? габбияаагаббияам̣ ниссааяа гуггужжз уббаннз винаяад̇харам̣ бужчид̇ваа габбияам̣ жз, гад̇д̇аб̣б̣ам̣ сияаа, агаббияам̣ жз, на гад̇д̇аб̣б̣ам̣, аяам̣ бана ‘‘ваддад̇ий’’д̇и мад̣̇д̣̇ид̇ваа вийд̇иггамад̇иязва, звам̣ гуггужжаббагад̇ад̇ааяа аабаж̇ж̇ад̇и.
Kathaṃ kukkuccappakatatāya āpajjati? Kappiyākappiyaṃ nissāya kukkucce uppanne vinayadharaṃ pucchitvā kappiyaṃ ce, kattabbaṃ siyā, akappiyaṃ ce, na kattabbaṃ, ayaṃ pana ‘‘vaṭṭatī’’ti madditvā vītikkamatiyeva, evaṃ kukkuccappakatatāya āpajjati.
гат̇ам̣ агаббияз габбияасан̃н̃ид̇ааяа аабаж̇ж̇ад̇и? ажчамам̣сам̣ ‘‘суугарамам̣са’’нд̇и каад̣̇ад̇и, вигаалз гааласан̃н̃ааяа бхун̃ж̇ад̇и, звам̣ агаббияз габбияасан̃н̃ид̇ааяа аабаж̇ж̇ад̇и.
Kathaṃ akappiye kappiyasaññitāya āpajjati? Acchamaṃsaṃ ‘‘sūkaramaṃsa’’nti khādati, vikāle kālasaññāya bhuñjati, evaṃ akappiye kappiyasaññitāya āpajjati.
гат̇ам̣ габбияз агаббияасан̃н̃ид̇ааяа аабаж̇ж̇ад̇и? суугарамам̣сам̣ ‘‘ажчамам̣са’’нд̇и каад̣̇ад̇и, гаалз вигааласан̃н̃ааяа бхун̃ж̇ад̇и, звам̣ габбияз агаббияасан̃н̃ид̇ааяа аабаж̇ж̇ад̇и.
Kathaṃ kappiye akappiyasaññitāya āpajjati? Sūkaramaṃsaṃ ‘‘acchamaṃsa’’nti khādati, kāle vikālasaññāya bhuñjati, evaṃ kappiye akappiyasaññitāya āpajjati.
гат̇ам̣ сад̇исаммосаа аабаж̇ж̇ад̇и? сахасзяяажийваравиббаваасаад̣̇ийни сад̇исаммосаа аабаж̇ж̇ад̇и, ид̇и имзсам̣ чаннам̣ аагаараанам̣ ан̃н̃ад̇арзна аагаарзна аабаннаа яасса сияаа сад̇д̇аннам̣ аабад̇д̇игканд̇хаанам̣ ан̃н̃ад̇араа аабад̇д̇и т̇зрасса ваа навасса ваа маж̇жхимасса ваад̇и ад̇т̇о.
Kathaṃ satisammosā āpajjati? Sahaseyyacīvaravippavāsādīni satisammosā āpajjati, iti imesaṃ channaṃ ākārānaṃ aññatarena ākārena āpannā yassa siyā sattannaṃ āpattikkhandhānaṃ aññatarā āpatti therassa vā navassa vā majjhimassa vāti attho.
со аавигарзяяаад̇и со д̇ам̣ аабад̇д̇им̣ д̣̇зсзд̇у ваа багаасзд̇у ваад̇и вуд̇д̇ам̣ ход̇и. асанд̇ияаа аабад̇д̇ияаад̇и яасса бана звам̣ анаабаннаа ваа аабад̇д̇им̣ аабаж̇ж̇ид̇ваа жа бана вудтид̇аа ваа д̣̇зсид̇аа ваа аарожид̇аа ваа аабад̇д̇и, д̇асса саа аабад̇д̇и асанд̇ий наама ход̇и, звам̣ асанд̇ияаа аабад̇д̇ияаа д̇ун̣хий бхавид̇аб̣б̣ам̣. д̇ун̣хийбхаавзна ко банааяасманд̇з ‘‘барисуд̣̇д̇хаа’’д̇и взд̣̇иссаамийд̇и д̇ун̣хийбхаавзнааби хи гааран̣зна ахам̣ ааяасманд̇з ‘‘барисуд̣̇д̇хаа’’ижжзва ж̇ааниссаамийд̇и. яат̇аа ко бана бажжзгабудтасса взяяаагаран̣ам̣ ход̇ийд̇и яат̇аа згзнзго будто б̣яаагарзяяа, яат̇аа згзнзго бажжзгабудто ‘‘мам̣ зса бужчад̇ий’’д̇и н̃ад̇ваа б̣яаагарзяяаад̇и вуд̇д̇ам̣ ход̇и.
So āvikareyyāti so taṃ āpattiṃ desetu vā pakāsetu vāti vuttaṃ hoti. Asantiyā āpattiyāti yassa pana evaṃ anāpannā vā āpattiṃ āpajjitvā ca pana vuṭṭhitā vā desitā vā ārocitā vā āpatti, tassa sā āpatti asantī nāma hoti, evaṃ asantiyā āpattiyā tuṇhī bhavitabbaṃ. Tuṇhībhāvena kho panāyasmante ‘‘parisuddhā’’ti vedissāmīti tuṇhībhāvenāpi hi kāraṇena ahaṃ āyasmante ‘‘parisuddhā’’icceva jānissāmīti. Yathā kho pana paccekapuṭṭhassa veyyākaraṇaṃ hotīti yathā ekeneko puṭṭho byākareyya, yathā ekeneko paccekapuṭṭho ‘‘maṃ esa pucchatī’’ti ñatvā byākareyyāti vuttaṃ hoti.
звамзвам̣ зваруубааяа барисааяа яаавад̇ад̇ияам̣ анусаавид̇ам̣ ход̇ийд̇и зд̇т̇а згажжз д̇аава аажарияаа звам̣ вад̣̇анд̇и ‘‘звамзвам̣ имиссааяа бхигкубарисааяа яад̣̇зд̇ам̣ ‘яасса сияаа аабад̇д̇и, со аавигарзяяа, асанд̇ияаа аабад̇д̇ияаа д̇ун̣хий бхавид̇аб̣б̣ам̣, д̇ун̣хийбхаавзна ко банааяасманд̇з барисуд̣̇д̇хаад̇и взд̣̇иссаамий’д̇и д̇игкад̇д̇ум̣ анусаавид̇ам̣, д̇ам̣ згамзгзна ‘мам̣ зса бужчад̇ий’д̇и звам̣ ж̇аанид̇аб̣б̣ам̣ ход̇ийд̇и ад̇т̇о’’д̇и. д̇ам̣ на яуж̇ж̇ад̇и, гасмаа? ад̇т̇аб̣яан̃ж̇анабхзд̣̇ад̇о. ануссааванан̃хи наама ад̇т̇ад̇о жа б̣яан̃ж̇анад̇о жа абхиннам̣ ход̇и ‘‘д̣̇уд̇ияамби зд̇амад̇т̇ам̣ вад̣̇аамий’’д̇иаад̣̇ийсу (махаава. 72; жуул̣ава. 3) вияа, ‘‘яасса сияаа’’д̇иаад̣̇иважанад̇д̇аяам̣ бана ад̇т̇ад̇оби б̣яан̃ж̇анад̇оби бхиннам̣, д̇знасса ануссааванад̇д̇аяам̣ на яуж̇ж̇ад̇и. яад̣̇и жзд̇ам̣ яаавад̇ад̇ияаануссааванам̣ сияаа, нид̣̇аануд̣̇д̣̇зсз анидтид̇зби аабад̇д̇и сияаа. на жа яуд̇д̇ам̣ анаабад̇д̇игкзд̇д̇з аабад̇д̇им̣ аабаж̇ж̇ид̇ум̣.
Evamevaṃevarūpāya parisāya yāvatatiyaṃ anusāvitaṃ hotīti ettha ekacce tāva ācariyā evaṃ vadanti ‘‘evamevaṃ imissāya bhikkhuparisāya yadetaṃ ‘yassa siyā āpatti, so āvikareyya, asantiyā āpattiyā tuṇhī bhavitabbaṃ, tuṇhībhāvena kho panāyasmante parisuddhāti vedissāmī’ti tikkhattuṃ anusāvitaṃ, taṃ ekamekena ‘maṃ esa pucchatī’ti evaṃ jānitabbaṃ hotīti attho’’ti. Taṃ na yujjati, kasmā? Atthabyañjanabhedato. Anussāvanañhi nāma atthato ca byañjanato ca abhinnaṃ hoti ‘‘dutiyampi etamatthaṃ vadāmī’’tiādīsu (mahāva. 72; cūḷava. 3) viya, ‘‘yassa siyā’’tiādivacanattayaṃ pana atthatopi byañjanatopi bhinnaṃ, tenassa anussāvanattayaṃ na yujjati. Yadi cetaṃ yāvatatiyānussāvanaṃ siyā, nidānuddese aniṭṭhitepi āpatti siyā. Na ca yuttaṃ anāpattikkhette āpattiṃ āpajjituṃ.
абарз ‘‘анусаавид̇а’’нд̇ибад̣̇асса анусаавзд̇аб̣б̣анд̇и ад̇т̇ам̣ вигаббзд̇ваа ‘‘яаавад̇ад̇ияа’’нд̇иид̣̇ам̣ убари уд̣̇д̣̇зсаавасаанз ‘‘гажжид̇т̇а барисуд̣̇д̇хаа…бз… д̇ад̇ияамби бужчаамий’’д̇и зд̇ам̣ санд̇хааяа вуд̇д̇анд̇и ааху. д̇амби на яуж̇ж̇ад̇и, гасмаа? ад̇т̇аяуд̇д̇ийнам̣ абхаавад̇о. ид̣̇ан̃хи бад̣̇ам̣ гзжи ‘‘анусаавзд̇а’’нд̇и саж̇жхааяанд̇и, гзжи ‘‘анусаавзд̇а’’нд̇и, д̇ам̣ убхаяам̣ вааби ад̇ийд̇агааламзва д̣̇ийбзд̇и, на анааг̇ад̇ам̣. яад̣̇и жасса аяам̣ ад̇т̇о сияаа, ‘‘анусаавид̇ам̣ хзссад̇ий’’д̇и вад̣̇зяяа , звам̣ д̇аава ад̇т̇аабхаавад̇о на яуж̇ж̇ад̇и. яад̣̇и жзд̇ам̣ уд̣̇д̣̇зсаавасаанз важанам̣ санд̇хааяа вуд̇д̇ам̣ сияаа, ‘‘на аавигариссаамий’’д̇и жид̇д̇ам̣ уббаад̣̇знд̇асса нид̣̇аанз самад̇д̇зби вуд̇д̇амусааваад̣̇о на сияаа, гасмаа? ‘‘яаавад̇ад̇ияам̣ ануссаавияамаанз’’д̇иважанад̇о (махаава. 134) ‘‘яаавад̇ад̇ияа’’нд̇и ид̣̇ам̣ важанамзва нирад̇т̇агам̣ сияаа, гасмаа? нид̣̇аануд̣̇д̣̇зсз яаавад̇ад̇ияаануссааванасса абхаавад̇од̇и звам̣ яуд̇д̇иабхаавад̇о д̇амби на яуж̇ж̇ад̇и. ‘‘яаавад̇ад̇ияам̣ анусаавид̇ам̣ ход̇ий’’д̇и ид̣̇ам̣ бана лагкан̣аважанамад̇д̇ам̣, д̇зна имамад̇т̇ам̣ д̣̇ассзд̇и – ид̣̇ам̣ баад̇имогкам̣ наама яаавад̇ад̇ияам̣ ануссаавияад̇и, д̇асмим̣ яаавад̇ад̇ияам̣ ануссаавияамаанз яо сарамаано санд̇им̣ аабад̇д̇им̣ наавигарод̇и, д̇асса яаавад̇ад̇ияаануссааванаавасаанз самбаж̇аанамусааваад̣̇о ход̇ийд̇и.
Apare ‘‘anusāvita’’ntipadassa anusāvetabbanti atthaṃ vikappetvā ‘‘yāvatatiya’’ntiidaṃ upari uddesāvasāne ‘‘kaccittha parisuddhā…pe… tatiyampi pucchāmī’’ti etaṃ sandhāya vuttanti āhu. Tampi na yujjati, kasmā? Atthayuttīnaṃ abhāvato. Idañhi padaṃ keci ‘‘anusāveta’’nti sajjhāyanti, keci ‘‘anusāveta’’nti, taṃ ubhayaṃ vāpi atītakālameva dīpeti, na anāgataṃ. Yadi cassa ayaṃ attho siyā, ‘‘anusāvitaṃ hessatī’’ti vadeyya , evaṃ tāva atthābhāvato na yujjati. Yadi cetaṃ uddesāvasāne vacanaṃ sandhāya vuttaṃ siyā, ‘‘na āvikarissāmī’’ti cittaṃ uppādentassa nidāne samattepi vuttamusāvādo na siyā, kasmā? ‘‘Yāvatatiyaṃ anussāviyamāne’’tivacanato (mahāva. 134) ‘‘yāvatatiya’’nti idaṃ vacanameva niratthakaṃ siyā, kasmā? Nidānuddese yāvatatiyānussāvanassa abhāvatoti evaṃ yuttiabhāvato tampi na yujjati. ‘‘Yāvatatiyaṃ anusāvitaṃ hotī’’ti idaṃ pana lakkhaṇavacanamattaṃ, tena imamatthaṃ dasseti – idaṃ pātimokkhaṃ nāma yāvatatiyaṃ anussāviyati, tasmiṃ yāvatatiyaṃ anussāviyamāne yo saramāno santiṃ āpattiṃ nāvikaroti, tassa yāvatatiyānussāvanāvasāne sampajānamusāvādo hotīti.
д̇ад̣̇зд̇ам̣ яат̇аа анусаавид̇ам̣ яаавад̇ад̇ияам̣ анусаавид̇ам̣ наама ход̇и, д̇ам̣ д̣̇ассзд̇ум̣ д̇ад̇т̇ааяасманд̇з бужчаамийд̇иаад̣̇и вуд̇д̇ам̣. д̇ам̣ банзд̇ам̣ баарааж̇игаад̣̇ийнам̣ авасаанз д̣̇иссад̇и, на нид̣̇аанаавасаанз. гин̃жааби на д̣̇иссад̇и, ат̇а ко уд̣̇д̣̇зсагаалз ‘‘аавигад̇аа хисса паасу ход̇ий’’д̇и вад̇ваа ‘‘уд̣̇д̣̇идтам̣ ко ааяасманд̇о нид̣̇аанам̣, д̇ад̇т̇ааяасманд̇з бужчаамий’’д̇иаад̣̇инаа наязна вад̇д̇аб̣б̣амзва. зван̃хи нид̣̇аанам̣ сууд̣̇д̣̇идтам̣ ход̇и, ан̃н̃ат̇аа д̣̇ууд̣̇д̣̇идтам̣. имамзва жа ад̇т̇ам̣ санд̇хааяа убосат̇агканд̇хагз вуд̇д̇ам̣ ‘‘яаавад̇ад̇ияам̣ анусаавид̇ам̣ ход̇ийд̇и сагимби анусаавид̇ам̣ ход̇и, д̣̇уд̇ияамби анусаавид̇ам̣ ход̇и, д̇ад̇ияамби анусаавид̇ам̣ ход̇ий’’д̇и (махаава. 134). аяамзд̇т̇а аажарияабарамбараабхад̇о винижчаяо.
Tadetaṃ yathā anusāvitaṃ yāvatatiyaṃ anusāvitaṃ nāma hoti, taṃ dassetuṃ tatthāyasmante pucchāmītiādi vuttaṃ. Taṃ panetaṃ pārājikādīnaṃ avasāne dissati, na nidānāvasāne. Kiñcāpi na dissati, atha kho uddesakāle ‘‘āvikatā hissa phāsu hotī’’ti vatvā ‘‘uddiṭṭhaṃ kho āyasmanto nidānaṃ, tatthāyasmante pucchāmī’’tiādinā nayena vattabbameva. Evañhi nidānaṃ suuddiṭṭhaṃ hoti, aññathā duuddiṭṭhaṃ. Imameva ca atthaṃ sandhāya uposathakkhandhake vuttaṃ ‘‘yāvatatiyaṃ anusāvitaṃ hotīti sakimpi anusāvitaṃ hoti, dutiyampi anusāvitaṃ hoti, tatiyampi anusāvitaṃ hotī’’ti (mahāva. 134). Ayamettha ācariyaparamparābhato vinicchayo.
яо бана бхигку…бз… самбаж̇аанамусааваад̣̇асса ход̇ийд̇и самбаж̇аанамусааваад̣̇о асса ход̇и, д̇знасса д̣̇уггадаабад̇д̇и ход̇и, саа жа ко бана на мусааваад̣̇алагкан̣зна, ‘‘самбаж̇аанамусааваад̣̇з гим̣ ход̇и, д̣̇уггадам̣ ход̇ий’’д̇и (махаава. 135) иминаа бана бхаг̇авад̇о важанзна важийд̣̇ваарз агирияасамудтаанаабад̇д̇и ход̇ийд̇и взд̣̇ид̇аб̣б̣аа.
Yo pana bhikkhu…pe… sampajānamusāvādassa hotīti sampajānamusāvādo assa hoti, tenassa dukkaṭāpatti hoti, sā ca kho pana na musāvādalakkhaṇena, ‘‘sampajānamusāvāde kiṃ hoti, dukkaṭaṃ hotī’’ti (mahāva. 135) iminā pana bhagavato vacanena vacīdvāre akiriyasamuṭṭhānāpatti hotīti veditabbā.
вуд̇д̇амби жзд̇ам̣ –
Vuttampi cetaṃ –
‘‘анаалабанд̇о мануж̇зна гзнажи,
‘‘Anālapanto manujena kenaci,
ваажааг̇ирам̣ но жа барз бхан̣зяяа;
Vācāgiraṃ no ca pare bhaṇeyya;
аабаж̇ж̇зяяа ваажасигам̣, на гааяигам̣,
Āpajjeyya vācasikaṃ, na kāyikaṃ,
бан̃хаамзсаа гусалзхи жинд̇ид̇аа’’д̇и. (бари. 479);
Pañhāmesā kusalehi cintitā’’ti. (pari. 479);
анд̇арааяигод̇и виббадисааравад̇т̇уд̇ааяа баамож̇ж̇аад̣̇исамбхавам̣ ниваарзд̇ваа батамаж̇жхаанаад̣̇ийнам̣ ад̇хиг̇амааяа анд̇арааяам̣ гарод̇и. д̇асмаад̇и яасмаа аяам̣ анаавигаран̣асан̇каад̇о самбаж̇аанамусааваад̣̇о анд̇арааяиго ход̇и, д̇асмаа. сарамаанзнаад̇и ад̇д̇ани санд̇им̣ аабад̇д̇им̣ ж̇аананд̇зна. висуд̣̇д̇хаабзгкзнаад̇и вудтаад̇угаамзна висуж̇жхид̇угаамзна. санд̇ий аабад̇д̇ийд̇и аабаж̇ж̇ид̇ваа авудтид̇аа аабад̇д̇и. аавигаад̇аб̣б̣аад̇и сан̇гхамаж̇жхз ваа г̇ан̣амаж̇жхз ваа згабуг̇г̇алз ваа багаасзд̇аб̣б̣аа, анд̇амасо ананд̇арассааби бхигкуно ‘‘ахам̣, аавусо, ид̇т̇аннаамам̣ аабад̇д̇им̣ аабанно, ид̇о вудтахид̇ваа д̇ам̣ аабад̇д̇им̣ бадигариссаамий’’д̇и (махаава. 170) вад̇д̇аб̣б̣ам̣. сажзби взмад̇иго ход̇и, ‘‘ахам̣, аавусо, ид̇т̇аннаамааяа аабад̇д̇ияаа взмад̇иго, яад̣̇аа ниб̣б̣змад̇иго бхависсаами, д̇ад̣̇аа д̇ам̣ аабад̇д̇им̣ бадигариссаамий’’д̇и (махаава. 169) вад̇д̇аб̣б̣ам̣. аавигад̇аа хисса паасу ход̇ийд̇изд̇т̇а аавигад̇аад̇и аавигад̇ааяа, багаасид̇ааяаад̇и ад̇т̇о. алаж̇ж̇ид̇аад̇иаад̣̇ийсу (бари. 295) вияа хи ид̣̇амби гаран̣ад̇т̇з бажжад̇д̇аважанам̣. хийд̇и нибаад̇амад̇д̇ам̣. ассаад̇и зд̇асса бхигкуно. паасу ход̇ийд̇и батамаж̇жхаанаад̣̇ийнам̣ ад̇хиг̇амааяа паасу ход̇и, авиббадисаарамуулагаанам̣ баамож̇ж̇аад̣̇ийнам̣ васзна сукаббадибад̣̇аа самбаж̇ж̇ад̇ийд̇и ад̇т̇о.
Antarāyikoti vippaṭisāravatthutāya pāmojjādisambhavaṃ nivāretvā paṭhamajjhānādīnaṃ adhigamāya antarāyaṃ karoti. Tasmāti yasmā ayaṃ anāvikaraṇasaṅkhāto sampajānamusāvādo antarāyiko hoti, tasmā. Saramānenāti attani santiṃ āpattiṃ jānantena. Visuddhāpekkhenāti vuṭṭhātukāmena visujjhitukāmena. Santī āpattīti āpajjitvā avuṭṭhitā āpatti. Āvikātabbāti saṅghamajjhe vā gaṇamajjhe vā ekapuggale vā pakāsetabbā, antamaso anantarassāpi bhikkhuno ‘‘ahaṃ, āvuso, itthannāmaṃ āpattiṃ āpanno, ito vuṭṭhahitvā taṃ āpattiṃ paṭikarissāmī’’ti (mahāva. 170) vattabbaṃ. Sacepi vematiko hoti, ‘‘ahaṃ, āvuso, itthannāmāya āpattiyā vematiko, yadā nibbematiko bhavissāmi, tadā taṃ āpattiṃ paṭikarissāmī’’ti (mahāva. 169) vattabbaṃ. Āvikatā hissa phāsu hotītiettha āvikatāti āvikatāya, pakāsitāyāti attho. Alajjitātiādīsu (pari. 295) viya hi idampi karaṇatthe paccattavacanaṃ. Hīti nipātamattaṃ. Assāti etassa bhikkhuno. Phāsu hotīti paṭhamajjhānādīnaṃ adhigamāya phāsu hoti, avippaṭisāramūlakānaṃ pāmojjādīnaṃ vasena sukhappaṭipadā sampajjatīti attho.
ид̇и ган̇каавид̇аран̣ияаа баад̇имогкаван̣н̣анааяа
Iti kaṅkhāvitaraṇiyā pātimokkhavaṇṇanāya
нид̣̇аанаван̣н̣анаа нидтид̇аа.
Nidānavaṇṇanā niṭṭhitā.
