| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. นิทฺทสวตฺถุสุตฺตํ
10. Niddasavatthusuttaṃ
๒๐. ‘‘สตฺติมานิ , ภิกฺขเว, นิทฺทสวตฺถูนิฯ กตมานิ สตฺต? อิธ, ภิกฺขเว, ภิกฺขุ สิกฺขาสมาทาเน ติพฺพจฺฉโนฺท โหติ อายติญฺจ สิกฺขาสมาทาเน อวิคตเปโม 1, ธมฺมนิสนฺติยา ติพฺพจฺฉโนฺท โหติ อายติญฺจ ธมฺมนิสนฺติยา อวิคตเปโม, อิจฺฉาวินเย ติพฺพจฺฉโนฺท โหติ อายติญฺจ อิจฺฉาวินเย อวิคตเปโม, ปฎิสลฺลาเน ติพฺพจฺฉโนฺท โหติ อายติญฺจ ปฎิสลฺลาเน อวิคตเปโม, วีริยารเมฺภ 2 ติพฺพจฺฉโนฺท โหติ อายติญฺจ วีริยารเมฺภ อวิคตเปโม, สติเนปเกฺก ติพฺพจฺฉโนฺท โหติ อายติญฺจ สติเนปเกฺก อวิคตเปโม, ทิฎฺฐิปฎิเวเธ ติพฺพจฺฉโนฺท โหติ อายติญฺจ ทิฎฺฐิปฎิเวเธ อวิคตเปโมฯ อิมานิ โข, ภิกฺขเว, สตฺต นิทฺทสวตฺถูนี’’ติฯ ทสมํฯ
20. ‘‘Sattimāni , bhikkhave, niddasavatthūni. Katamāni satta? Idha, bhikkhave, bhikkhu sikkhāsamādāne tibbacchando hoti āyatiñca sikkhāsamādāne avigatapemo 3, dhammanisantiyā tibbacchando hoti āyatiñca dhammanisantiyā avigatapemo, icchāvinaye tibbacchando hoti āyatiñca icchāvinaye avigatapemo, paṭisallāne tibbacchando hoti āyatiñca paṭisallāne avigatapemo, vīriyārambhe 4 tibbacchando hoti āyatiñca vīriyārambhe avigatapemo, satinepakke tibbacchando hoti āyatiñca satinepakke avigatapemo, diṭṭhipaṭivedhe tibbacchando hoti āyatiñca diṭṭhipaṭivedhe avigatapemo. Imāni kho, bhikkhave, satta niddasavatthūnī’’ti. Dasamaṃ.
อนุสยวโคฺค ทุติโยฯ
Anusayavaggo dutiyo.
ตสฺสุทฺทานํ –
Tassuddānaṃ –
ทุเว อนุสยา กุลํ, ปุคฺคลํ อุทกูปมํ;
Duve anusayā kulaṃ, puggalaṃ udakūpamaṃ;
อนิจฺจํ ทุกฺขํ อนตฺตา จ, นิพฺพานํ นิทฺทสวตฺถุ จาติฯ
Aniccaṃ dukkhaṃ anattā ca, nibbānaṃ niddasavatthu cāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑๐. นิทฺทสวตฺถุสุตฺตวณฺณนา • 10. Niddasavatthusuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. นิทฺทสวตฺถุสุตฺตวณฺณนา • 10. Niddasavatthusuttavaṇṇanā
