| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. нид̣̇д̣̇асавад̇т̇усуд̇д̇аван̣н̣анаа
10. Niddasavatthusuttavaṇṇanā
20. д̣̇асамз нид̣̇д̣̇асавад̇т̇уунийд̇и нид̣̇д̣̇асаад̣̇ивад̇т̇ууни, ‘‘нид̣̇д̣̇асо бхигку, ниб̣б̣ийсо, нид̇д̇им̣со, нижжад̇д̇аалийсо, ниббан̃н̃аасо’’д̇и звам̣ важанагааран̣аани. аяам̣ гира бан̃хо д̇ид̇т̇ияасамаяз уббанно. д̇ид̇т̇ияаа хи д̣̇асавассагаалз мад̇ам̣ ниг̇ан̣там̣ нид̣̇д̣̇асод̇и вад̣̇анд̇и. со гира буна д̣̇асавассо на ход̇и. на гзвалан̃жа д̣̇асавассо, нававассоби згавассоби на ход̇и. зд̇знзва наязна вийсад̇ивассаад̣̇игаалзби мад̇ам̣ ниг̇ан̣там̣ ‘‘ниб̣б̣ийсо нид̇д̇им̣со нижжад̇д̇аалийсо ниббан̃н̃аасо’’д̇и вад̣̇анд̇и. ааяасмаа аананд̣̇о г̇аамз вижаранд̇о д̇ам̣ гат̇ам̣ суд̇ваа вихаарам̣ г̇анд̇ваа бхаг̇авад̇о аарожзси. бхаг̇аваа ааха – ‘‘на ид̣̇ам̣, аананд̣̇а, д̇ид̇т̇ияаанам̣ ад̇хиважанам̣, мама саасанз кийн̣аасавассзд̇ам̣ ад̇хиважанам̣. кийн̣аасаво хи д̣̇асавассагаалз бариниб̣б̣уд̇о буна д̣̇асавассо на ход̇и. на гзвалан̃жа д̣̇асавассова, нававассоби…бз… згавассоби. на гзвалан̃жа згавассова, згаад̣̇асамаасигоби…бз… згамаасигоби згамухуд̇д̇игоби на ход̇иязва’’. гасмаа? буна бадисанд̇хияаа абхааваа. ниб̣б̣ийсаад̣̇ийсуби зсзва наяо. ид̇и бхаг̇аваа ‘‘мама саасанз кийн̣аасавассзд̇ам̣ ад̇хиважана’’нд̇и вад̇ваа язхи гааран̣зхи нид̣̇д̣̇асо ход̇и, д̇аани д̣̇ассзд̇ум̣ имам̣ д̣̇зсанам̣ аарабхи.
20. Dasame niddasavatthūnīti niddasādivatthūni, ‘‘niddaso bhikkhu, nibbīso, nittiṃso, niccattālīso, nippaññāso’’ti evaṃ vacanakāraṇāni. Ayaṃ kira pañho titthiyasamaye uppanno. Titthiyā hi dasavassakāle mataṃ nigaṇṭhaṃ niddasoti vadanti. So kira puna dasavasso na hoti. Na kevalañca dasavasso, navavassopi ekavassopi na hoti. Eteneva nayena vīsativassādikālepi mataṃ nigaṇṭhaṃ ‘‘nibbīso nittiṃso niccattālīso nippaññāso’’ti vadanti. Āyasmā ānando gāme vicaranto taṃ kathaṃ sutvā vihāraṃ gantvā bhagavato ārocesi. Bhagavā āha – ‘‘na idaṃ, ānanda, titthiyānaṃ adhivacanaṃ, mama sāsane khīṇāsavassetaṃ adhivacanaṃ. Khīṇāsavo hi dasavassakāle parinibbuto puna dasavasso na hoti. Na kevalañca dasavassova, navavassopi…pe… ekavassopi. Na kevalañca ekavassova, ekādasamāsikopi…pe… ekamāsikopi ekamuhuttikopi na hotiyeva’’. Kasmā? Puna paṭisandhiyā abhāvā. Nibbīsādīsupi eseva nayo. Iti bhagavā ‘‘mama sāsane khīṇāsavassetaṃ adhivacana’’nti vatvā yehi kāraṇehi niddaso hoti, tāni dassetuṃ imaṃ desanaṃ ārabhi.
д̇ад̇т̇а ид̇хаад̇и имасмим̣ саасанз. сигкаасамаад̣̇аанз д̇иб̣б̣ажчанд̣̇о ход̇ийд̇и сигкаад̇д̇аяабууран̣з б̣алаважчанд̣̇о ход̇и. ааяад̇ин̃жа сигкаасамаад̣̇аанз авиг̇ад̇абзмод̇и анааг̇ад̇з бунад̣̇ивасаад̣̇ийсуби сигкаабууран̣з авиг̇ад̇абзмзнзва саманнааг̇ад̇о ход̇и. д̇хамманисанд̇ияаад̇и д̇хамманисааманааяа. вибассанааязд̇ам̣ ад̇хиважанам̣. ижчаавинаязд̇и д̇ан̣хаавинаяз. бадисаллаанзд̇и згийбхаавз. вийрияаарамбхзд̇и гааяигажзд̇асигасса вийрияасса бууран̣з. сад̇инзбаггзд̇и сад̇ияан̃жзва нибагабхаавз. д̣̇идтибадивзд̇хзд̇и маг̇г̇ад̣̇ассанз. сзсам̣ саб̣б̣ад̇т̇а уд̇д̇аанамзваад̇и.
Tattha idhāti imasmiṃ sāsane. Sikkhāsamādāne tibbacchando hotīti sikkhāttayapūraṇe balavacchando hoti. Āyatiñca sikkhāsamādāne avigatapemoti anāgate punadivasādīsupi sikkhāpūraṇe avigatapemeneva samannāgato hoti. Dhammanisantiyāti dhammanisāmanāya. Vipassanāyetaṃ adhivacanaṃ. Icchāvinayeti taṇhāvinaye. Paṭisallāneti ekībhāve. Vīriyārambheti kāyikacetasikassa vīriyassa pūraṇe. Satinepakketi satiyañceva nipakabhāve. Diṭṭhipaṭivedheti maggadassane. Sesaṃ sabbattha uttānamevāti.
анусаяаваг̇г̇о д̣̇уд̇ияо.
Anusayavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. нид̣̇д̣̇асавад̇т̇усуд̇д̇ам̣ • 10. Niddasavatthusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. нид̣̇д̣̇асавад̇т̇усуд̇д̇аван̣н̣анаа • 10. Niddasavatthusuttavaṇṇanā
