| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. нид̣̇д̣̇асавад̇т̇усуд̇д̇аван̣н̣анаа
10. Niddasavatthusuttavaṇṇanā
20. д̣̇асамз нид̣̇д̣̇асавад̇т̇уунийд̇и аад̣̇исад̣̇д̣̇алобзнааяам̣ нид̣̇д̣̇зсод̇и ааха ‘‘нид̣̇д̣̇асаад̣̇ивад̇т̇ууний’’д̇и. над̇т̇и ид̣̇аани имасса д̣̇асаад̇и нид̣̇д̣̇асо. бан̃ход̇и н̃аад̇ум̣ ижчид̇о ад̇т̇о. буна д̣̇асавассо на ход̇ийд̇и д̇зсам̣ мад̇имад̇д̇амзд̇анд̇и д̣̇ассзд̇ум̣ ‘‘со гираа’’д̇и гирасад̣̇д̣̇аг̇г̇ахан̣ам̣. нид̣̇д̣̇асод̇и жзд̇ам̣ важанамад̇д̇ам̣. д̇асса ниб̣б̣ийсаад̣̇ибхаавасса вияа ниннаваад̣̇ибхаавасса жа ижчид̇ад̇д̇аад̇и д̣̇ассзд̇ум̣ ‘‘на гзвалан̃жаа’’д̇иаад̣̇и вуд̇д̇ам̣. г̇аамз вижаранд̇од̇и г̇аамз бин̣д̣ааяа жаранд̇о. на ид̣̇ам̣ д̇ид̇т̇ияаанам̣ ад̇хиважанам̣ д̇зсу д̇аннимид̇д̇асса абхааваа, саасанзби сзкассаби на ид̣̇ам̣ ад̇хиважанам̣, гиман̇г̇ам̣ бана бут̇уж̇ж̇анасса. яасса банзд̇ам̣ ад̇хиважанам̣ язна жа гааран̣зна, д̇ам̣ д̣̇ассзд̇ум̣ ‘‘кийн̣аасавассзд̇а’’нд̇иаад̣̇и вуд̇д̇ам̣. аббадисанд̇хигабхааво хисса бажжагкад̇о гааран̣ам̣. барамбарааяа ид̇араани яаани баал̣ияам̣ ааг̇ад̇ааним̣.
20. Dasame niddasavatthūnīti ādisaddalopenāyaṃ niddesoti āha ‘‘niddasādivatthūnī’’ti. Natthi idāni imassa dasāti niddaso. Pañhoti ñātuṃ icchito attho. Puna dasavasso na hotīti tesaṃ matimattametanti dassetuṃ ‘‘so kirā’’ti kirasaddaggahaṇaṃ. Niddasoti cetaṃ vacanamattaṃ. Tassa nibbīsādibhāvassa viya ninnavādibhāvassa ca icchitattāti dassetuṃ ‘‘na kevalañcā’’tiādi vuttaṃ. Gāme vicarantoti gāme piṇḍāya caranto. Na idaṃ titthiyānaṃ adhivacanaṃ tesu tannimittassa abhāvā, sāsanepi sekhassapi na idaṃ adhivacanaṃ, kimaṅgaṃ pana puthujjanassa. Yassa panetaṃ adhivacanaṃ yena ca kāraṇena, taṃ dassetuṃ ‘‘khīṇāsavasseta’’ntiādi vuttaṃ. Appaṭisandhikabhāvo hissa paccakkhato kāraṇaṃ. Paramparāya itarāni yāni pāḷiyaṃ āgatāniṃ.
сигкааяа саммад̣̇зва аад̣̇аанам̣ сигкаасамаад̣̇аанам̣. д̇ам̣ банассаа баарибуурияаа взд̣̇ид̇аб̣б̣анд̇и ааха ‘‘сигкаад̇д̇аяабууран̣з’’д̇и. сигкааяа ваа саммад̣̇зва аад̣̇ид̇о бадтааяа рагкан̣ам̣ сигкаасамаад̣̇аанам̣. д̇ан̃жа ад̇т̇ад̇о бууран̣зна барижчиннам̣ арагкан̣з саб̣б̣зна саб̣б̣ам̣ абхаавад̇о, рагкан̣з жа барибууран̣ад̇о. б̣алаважчанд̣̇од̇и д̣̇ал̣хажчанд̣̇о. ааяад̇инд̇и ананд̇араанааг̇ад̇ад̣̇ивасаад̣̇игаало ад̇хиббзд̇о, на анааг̇ад̇абхавод̇и ааха ‘‘анааг̇ад̇з бунад̣̇ивасаад̣̇ийсубий’’д̇и. сигкам̣ барибуурзнд̇асса д̇ад̇т̇а ниб̣ад̣̇д̇хабхад̇д̇ид̇аа авиг̇ад̇абзмад̇аа. д̇збхуумагад̇хаммаанам̣ анижжаад̣̇ивасзна саммад̣̇зва ниж̇жхаанам̣ д̇хамманисааманаад̇и ааха ‘‘вибассанааязд̇ам̣ ад̇хиважана’’нд̇и. д̇ан̣хаавинаязд̇и бхан̇г̇аанубассанаан̃аан̣аанубхаавасид̣̇д̇хз д̇ан̣хаавигкамбханз. згийбхаавзд̇и г̇ан̣асан̇г̇ан̣игаагилзсасан̇г̇ан̣игаавиг̇амасид̣̇д̇хз вивзгаваасз. вийрияаарамбхзд̇и саммаббад̇хаанасса баг̇г̇ан̣ханз . д̇ам̣ бана саб̣б̣асо вийрияасса бариб̣рууханам̣ ход̇ийд̇и ааха ‘‘гааяигажзд̇асигасса вийрияасса бууран̣з’’д̇и. сад̇ияан̃жзва нибагабхаавз жаад̇и сад̇огаарид̇ааяа жзва самбаж̇аанагаарид̇ааяа жа. сад̇исамбаж̇ан̃н̃аб̣алзнзва хи вийрияаарамбхо иж̇жхад̇и. д̣̇идтибадивзд̇хзд̇и маг̇г̇асаммаад̣̇идтияаа бадивиж̇жханз. д̇знааха ‘‘маг̇г̇ад̣̇ассанз’’д̇и.
Sikkhāya sammadeva ādānaṃ sikkhāsamādānaṃ. Taṃ panassā pāripūriyā veditabbanti āha ‘‘sikkhāttayapūraṇe’’ti. Sikkhāya vā sammadeva ādito paṭṭhāya rakkhaṇaṃ sikkhāsamādānaṃ. Tañca atthato pūraṇena paricchinnaṃ arakkhaṇe sabbena sabbaṃ abhāvato, rakkhaṇe ca paripūraṇato. Balavacchandoti daḷhacchando. Āyatinti anantarānāgatadivasādikālo adhippeto, na anāgatabhavoti āha ‘‘anāgate punadivasādīsupī’’ti. Sikkhaṃ paripūrentassa tattha nibaddhabhattitā avigatapematā. Tebhūmakadhammānaṃ aniccādivasena sammadeva nijjhānaṃ dhammanisāmanāti āha ‘‘vipassanāyetaṃ adhivacana’’nti. Taṇhāvinayeti bhaṅgānupassanāñāṇānubhāvasiddhe taṇhāvikkhambhane. Ekībhāveti gaṇasaṅgaṇikākilesasaṅgaṇikāvigamasiddhe vivekavāse. Vīriyārambheti sammappadhānassa paggaṇhane . Taṃ pana sabbaso vīriyassa paribrūhanaṃ hotīti āha ‘‘kāyikacetasikassa vīriyassa pūraṇe’’ti. Satiyañceva nipakabhāve cāti satokāritāya ceva sampajānakāritāya ca. Satisampajaññabaleneva hi vīriyārambho ijjhati. Diṭṭhipaṭivedheti maggasammādiṭṭhiyā paṭivijjhane. Tenāha ‘‘maggadassane’’ti.
нид̣̇д̣̇асавад̇т̇усуд̇д̇аван̣н̣анаа нидтид̇аа.
Niddasavatthusuttavaṇṇanā niṭṭhitā.
анусаяаваг̇г̇аван̣н̣анаа нидтид̇аа.
Anusayavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. нид̣̇д̣̇асавад̇т̇усуд̇д̇ам̣ • 10. Niddasavatthusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. нид̣̇д̣̇асавад̇т̇усуд̇д̇аван̣н̣анаа • 10. Niddasavatthusuttavaṇṇanā
