| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੦. ਨਿਦ੍ਦਸવਤ੍ਥੁਸੁਤ੍ਤવਣ੍ਣਨਾ
10. Niddasavatthusuttavaṇṇanā
੨੦. ਦਸਮੇ ਨਿਦ੍ਦਸવਤ੍ਥੂਨੀਤਿ ਨਿਦ੍ਦਸਾਦਿવਤ੍ਥੂਨਿ, ‘‘ਨਿਦ੍ਦਸੋ ਭਿਕ੍ਖੁ, ਨਿਬ੍ਬੀਸੋ, ਨਿਤ੍ਤਿਂਸੋ, ਨਿਚ੍ਚਤ੍ਤਾਲੀਸੋ, ਨਿਪ੍ਪਞ੍ਞਾਸੋ’’ਤਿ ਏવਂ વਚਨਕਾਰਣਾਨਿ। ਅਯਂ ਕਿਰ ਪਞ੍ਹੋ ਤਿਤ੍ਥਿਯਸਮਯੇ ਉਪ੍ਪਨ੍ਨੋ। ਤਿਤ੍ਥਿਯਾ ਹਿ ਦਸવਸ੍ਸਕਾਲੇ ਮਤਂ ਨਿਗਣ੍ਠਂ ਨਿਦ੍ਦਸੋਤਿ વਦਨ੍ਤਿ। ਸੋ ਕਿਰ ਪੁਨ ਦਸવਸ੍ਸੋ ਨ ਹੋਤਿ। ਨ ਕੇવਲਞ੍ਚ ਦਸવਸ੍ਸੋ, ਨવવਸ੍ਸੋਪਿ ਏਕવਸ੍ਸੋਪਿ ਨ ਹੋਤਿ। ਏਤੇਨੇવ ਨਯੇਨ વੀਸਤਿવਸ੍ਸਾਦਿਕਾਲੇਪਿ ਮਤਂ ਨਿਗਣ੍ਠਂ ‘‘ਨਿਬ੍ਬੀਸੋ ਨਿਤ੍ਤਿਂਸੋ ਨਿਚ੍ਚਤ੍ਤਾਲੀਸੋ ਨਿਪ੍ਪਞ੍ਞਾਸੋ’’ਤਿ વਦਨ੍ਤਿ। ਆਯਸ੍ਮਾ ਆਨਨ੍ਦੋ ਗਾਮੇ વਿਚਰਨ੍ਤੋ ਤਂ ਕਥਂ ਸੁਤ੍વਾ વਿਹਾਰਂ ਗਨ੍ਤ੍વਾ ਭਗવਤੋ ਆਰੋਚੇਸਿ। ਭਗવਾ ਆਹ – ‘‘ਨ ਇਦਂ, ਆਨਨ੍ਦ, ਤਿਤ੍ਥਿਯਾਨਂ ਅਧਿવਚਨਂ, ਮਮ ਸਾਸਨੇ ਖੀਣਾਸવਸ੍ਸੇਤਂ ਅਧਿવਚਨਂ। ਖੀਣਾਸવੋ ਹਿ ਦਸવਸ੍ਸਕਾਲੇ ਪਰਿਨਿਬ੍ਬੁਤੋ ਪੁਨ ਦਸવਸ੍ਸੋ ਨ ਹੋਤਿ। ਨ ਕੇવਲਞ੍ਚ ਦਸવਸ੍ਸੋવ, ਨવવਸ੍ਸੋਪਿ…ਪੇ॰… ਏਕવਸ੍ਸੋਪਿ। ਨ ਕੇવਲਞ੍ਚ ਏਕવਸ੍ਸੋવ, ਏਕਾਦਸਮਾਸਿਕੋਪਿ…ਪੇ॰… ਏਕਮਾਸਿਕੋਪਿ ਏਕਮੁਹੁਤ੍ਤਿਕੋਪਿ ਨ ਹੋਤਿਯੇવ’’। ਕਸ੍ਮਾ? ਪੁਨ ਪਟਿਸਨ੍ਧਿਯਾ ਅਭਾવਾ। ਨਿਬ੍ਬੀਸਾਦੀਸੁਪਿ ਏਸੇવ ਨਯੋ। ਇਤਿ ਭਗવਾ ‘‘ਮਮ ਸਾਸਨੇ ਖੀਣਾਸવਸ੍ਸੇਤਂ ਅਧਿવਚਨ’’ਨ੍ਤਿ વਤ੍વਾ ਯੇਹਿ ਕਾਰਣੇਹਿ ਨਿਦ੍ਦਸੋ ਹੋਤਿ, ਤਾਨਿ ਦਸ੍ਸੇਤੁਂ ਇਮਂ ਦੇਸਨਂ ਆਰਭਿ।
20. Dasame niddasavatthūnīti niddasādivatthūni, ‘‘niddaso bhikkhu, nibbīso, nittiṃso, niccattālīso, nippaññāso’’ti evaṃ vacanakāraṇāni. Ayaṃ kira pañho titthiyasamaye uppanno. Titthiyā hi dasavassakāle mataṃ nigaṇṭhaṃ niddasoti vadanti. So kira puna dasavasso na hoti. Na kevalañca dasavasso, navavassopi ekavassopi na hoti. Eteneva nayena vīsativassādikālepi mataṃ nigaṇṭhaṃ ‘‘nibbīso nittiṃso niccattālīso nippaññāso’’ti vadanti. Āyasmā ānando gāme vicaranto taṃ kathaṃ sutvā vihāraṃ gantvā bhagavato ārocesi. Bhagavā āha – ‘‘na idaṃ, ānanda, titthiyānaṃ adhivacanaṃ, mama sāsane khīṇāsavassetaṃ adhivacanaṃ. Khīṇāsavo hi dasavassakāle parinibbuto puna dasavasso na hoti. Na kevalañca dasavassova, navavassopi…pe… ekavassopi. Na kevalañca ekavassova, ekādasamāsikopi…pe… ekamāsikopi ekamuhuttikopi na hotiyeva’’. Kasmā? Puna paṭisandhiyā abhāvā. Nibbīsādīsupi eseva nayo. Iti bhagavā ‘‘mama sāsane khīṇāsavassetaṃ adhivacana’’nti vatvā yehi kāraṇehi niddaso hoti, tāni dassetuṃ imaṃ desanaṃ ārabhi.
ਤਤ੍ਥ ਇਧਾਤਿ ਇਮਸ੍ਮਿਂ ਸਾਸਨੇ। ਸਿਕ੍ਖਾਸਮਾਦਾਨੇ ਤਿਬ੍ਬਚ੍ਛਨ੍ਦੋ ਹੋਤੀਤਿ ਸਿਕ੍ਖਾਤ੍ਤਯਪੂਰਣੇ ਬਲવਚ੍ਛਨ੍ਦੋ ਹੋਤਿ। ਆਯਤਿਞ੍ਚ ਸਿਕ੍ਖਾਸਮਾਦਾਨੇ ਅવਿਗਤਪੇਮੋਤਿ ਅਨਾਗਤੇ ਪੁਨਦਿવਸਾਦੀਸੁਪਿ ਸਿਕ੍ਖਾਪੂਰਣੇ ਅવਿਗਤਪੇਮੇਨੇવ ਸਮਨ੍ਨਾਗਤੋ ਹੋਤਿ। ਧਮ੍ਮਨਿਸਨ੍ਤਿਯਾਤਿ ਧਮ੍ਮਨਿਸਾਮਨਾਯ। વਿਪਸ੍ਸਨਾਯੇਤਂ ਅਧਿવਚਨਂ। ਇਚ੍ਛਾવਿਨਯੇਤਿ ਤਣ੍ਹਾવਿਨਯੇ। ਪਟਿਸਲ੍ਲਾਨੇਤਿ ਏਕੀਭਾવੇ। વੀਰਿਯਾਰਮ੍ਭੇਤਿ ਕਾਯਿਕਚੇਤਸਿਕਸ੍ਸ વੀਰਿਯਸ੍ਸ ਪੂਰਣੇ। ਸਤਿਨੇਪਕ੍ਕੇਤਿ ਸਤਿਯਞ੍ਚੇવ ਨਿਪਕਭਾવੇ। ਦਿਟ੍ਠਿਪਟਿવੇਧੇਤਿ ਮਗ੍ਗਦਸ੍ਸਨੇ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Tattha idhāti imasmiṃ sāsane. Sikkhāsamādāne tibbacchando hotīti sikkhāttayapūraṇe balavacchando hoti. Āyatiñca sikkhāsamādāne avigatapemoti anāgate punadivasādīsupi sikkhāpūraṇe avigatapemeneva samannāgato hoti. Dhammanisantiyāti dhammanisāmanāya. Vipassanāyetaṃ adhivacanaṃ. Icchāvinayeti taṇhāvinaye. Paṭisallāneti ekībhāve. Vīriyārambheti kāyikacetasikassa vīriyassa pūraṇe. Satinepakketi satiyañceva nipakabhāve. Diṭṭhipaṭivedheti maggadassane. Sesaṃ sabbattha uttānamevāti.
ਅਨੁਸਯવਗ੍ਗੋ ਦੁਤਿਯੋ।
Anusayavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਨਿਦ੍ਦਸવਤ੍ਥੁਸੁਤ੍ਤਂ • 10. Niddasavatthusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੦. ਨਿਦ੍ਦਸવਤ੍ਥੁਸੁਤ੍ਤવਣ੍ਣਨਾ • 10. Niddasavatthusuttavaṇṇanā
