| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਨਿਦ੍ਦਸવਤ੍ਥੁਸੁਤ੍ਤવਣ੍ਣਨਾ
10. Niddasavatthusuttavaṇṇanā
੨੦. ਦਸਮੇ ਨਿਦ੍ਦਸવਤ੍ਥੂਨੀਤਿ ਆਦਿਸਦ੍ਦਲੋਪੇਨਾਯਂ ਨਿਦ੍ਦੇਸੋਤਿ ਆਹ ‘‘ਨਿਦ੍ਦਸਾਦਿવਤ੍ਥੂਨੀ’’ਤਿ। ਨਤ੍ਥਿ ਇਦਾਨਿ ਇਮਸ੍ਸ ਦਸਾਤਿ ਨਿਦ੍ਦਸੋ। ਪਞ੍ਹੋਤਿ ਞਾਤੁਂ ਇਚ੍ਛਿਤੋ ਅਤ੍ਥੋ। ਪੁਨ ਦਸવਸ੍ਸੋ ਨ ਹੋਤੀਤਿ ਤੇਸਂ ਮਤਿਮਤ੍ਤਮੇਤਨ੍ਤਿ ਦਸ੍ਸੇਤੁਂ ‘‘ਸੋ ਕਿਰਾ’’ਤਿ ਕਿਰਸਦ੍ਦਗ੍ਗਹਣਂ। ਨਿਦ੍ਦਸੋਤਿ ਚੇਤਂ વਚਨਮਤ੍ਤਂ। ਤਸ੍ਸ ਨਿਬ੍ਬੀਸਾਦਿਭਾવਸ੍ਸ વਿਯ ਨਿਨ੍ਨવਾਦਿਭਾવਸ੍ਸ ਚ ਇਚ੍ਛਿਤਤ੍ਤਾਤਿ ਦਸ੍ਸੇਤੁਂ ‘‘ਨ ਕੇવਲਞ੍ਚਾ’’ਤਿਆਦਿ વੁਤ੍ਤਂ। ਗਾਮੇ વਿਚਰਨ੍ਤੋਤਿ ਗਾਮੇ ਪਿਣ੍ਡਾਯ ਚਰਨ੍ਤੋ। ਨ ਇਦਂ ਤਿਤ੍ਥਿਯਾਨਂ ਅਧਿવਚਨਂ ਤੇਸੁ ਤਨ੍ਨਿਮਿਤ੍ਤਸ੍ਸ ਅਭਾવਾ, ਸਾਸਨੇਪਿ ਸੇਖਸ੍ਸਪਿ ਨ ਇਦਂ ਅਧਿવਚਨਂ, ਕਿਮਙ੍ਗਂ ਪਨ ਪੁਥੁਜ੍ਜਨਸ੍ਸ। ਯਸ੍ਸ ਪਨੇਤਂ ਅਧਿવਚਨਂ ਯੇਨ ਚ ਕਾਰਣੇਨ, ਤਂ ਦਸ੍ਸੇਤੁਂ ‘‘ਖੀਣਾਸવਸ੍ਸੇਤ’’ਨ੍ਤਿਆਦਿ વੁਤ੍ਤਂ। ਅਪ੍ਪਟਿਸਨ੍ਧਿਕਭਾવੋ ਹਿਸ੍ਸ ਪਚ੍ਚਕ੍ਖਤੋ ਕਾਰਣਂ। ਪਰਮ੍ਪਰਾਯ ਇਤਰਾਨਿ ਯਾਨਿ ਪਾਲ਼ਿਯਂ ਆਗਤਾਨਿਂ।
20. Dasame niddasavatthūnīti ādisaddalopenāyaṃ niddesoti āha ‘‘niddasādivatthūnī’’ti. Natthi idāni imassa dasāti niddaso. Pañhoti ñātuṃ icchito attho. Puna dasavasso na hotīti tesaṃ matimattametanti dassetuṃ ‘‘so kirā’’ti kirasaddaggahaṇaṃ. Niddasoti cetaṃ vacanamattaṃ. Tassa nibbīsādibhāvassa viya ninnavādibhāvassa ca icchitattāti dassetuṃ ‘‘na kevalañcā’’tiādi vuttaṃ. Gāme vicarantoti gāme piṇḍāya caranto. Na idaṃ titthiyānaṃ adhivacanaṃ tesu tannimittassa abhāvā, sāsanepi sekhassapi na idaṃ adhivacanaṃ, kimaṅgaṃ pana puthujjanassa. Yassa panetaṃ adhivacanaṃ yena ca kāraṇena, taṃ dassetuṃ ‘‘khīṇāsavasseta’’ntiādi vuttaṃ. Appaṭisandhikabhāvo hissa paccakkhato kāraṇaṃ. Paramparāya itarāni yāni pāḷiyaṃ āgatāniṃ.
ਸਿਕ੍ਖਾਯ ਸਮ੍ਮਦੇવ ਆਦਾਨਂ ਸਿਕ੍ਖਾਸਮਾਦਾਨਂ। ਤਂ ਪਨਸ੍ਸਾ ਪਾਰਿਪੂਰਿਯਾ વੇਦਿਤਬ੍ਬਨ੍ਤਿ ਆਹ ‘‘ਸਿਕ੍ਖਾਤ੍ਤਯਪੂਰਣੇ’’ਤਿ। ਸਿਕ੍ਖਾਯ વਾ ਸਮ੍ਮਦੇવ ਆਦਿਤੋ ਪਟ੍ਠਾਯ ਰਕ੍ਖਣਂ ਸਿਕ੍ਖਾਸਮਾਦਾਨਂ। ਤਞ੍ਚ ਅਤ੍ਥਤੋ ਪੂਰਣੇਨ ਪਰਿਚ੍ਛਿਨ੍ਨਂ ਅਰਕ੍ਖਣੇ ਸਬ੍ਬੇਨ ਸਬ੍ਬਂ ਅਭਾવਤੋ, ਰਕ੍ਖਣੇ ਚ ਪਰਿਪੂਰਣਤੋ। ਬਲવਚ੍ਛਨ੍ਦੋਤਿ ਦਲ਼੍ਹਚ੍ਛਨ੍ਦੋ। ਆਯਤਿਨ੍ਤਿ ਅਨਨ੍ਤਰਾਨਾਗਤਦਿવਸਾਦਿਕਾਲੋ ਅਧਿਪ੍ਪੇਤੋ, ਨ ਅਨਾਗਤਭવੋਤਿ ਆਹ ‘‘ਅਨਾਗਤੇ ਪੁਨਦਿવਸਾਦੀਸੁਪੀ’’ਤਿ। ਸਿਕ੍ਖਂ ਪਰਿਪੂਰੇਨ੍ਤਸ੍ਸ ਤਤ੍ਥ ਨਿਬਦ੍ਧਭਤ੍ਤਿਤਾ ਅવਿਗਤਪੇਮਤਾ। ਤੇਭੂਮਕਧਮ੍ਮਾਨਂ ਅਨਿਚ੍ਚਾਦਿવਸੇਨ ਸਮ੍ਮਦੇવ ਨਿਜ੍ਝਾਨਂ ਧਮ੍ਮਨਿਸਾਮਨਾਤਿ ਆਹ ‘‘વਿਪਸ੍ਸਨਾਯੇਤਂ ਅਧਿવਚਨ’’ਨ੍ਤਿ। ਤਣ੍ਹਾવਿਨਯੇਤਿ ਭਙ੍ਗਾਨੁਪਸ੍ਸਨਾਞਾਣਾਨੁਭਾવਸਿਦ੍ਧੇ ਤਣ੍ਹਾવਿਕ੍ਖਮ੍ਭਨੇ। ਏਕੀਭਾવੇਤਿ ਗਣਸਙ੍ਗਣਿਕਾਕਿਲੇਸਸਙ੍ਗਣਿਕਾવਿਗਮਸਿਦ੍ਧੇ વਿવੇਕવਾਸੇ। વੀਰਿਯਾਰਮ੍ਭੇਤਿ ਸਮ੍ਮਪ੍ਪਧਾਨਸ੍ਸ ਪਗ੍ਗਣ੍ਹਨੇ । ਤਂ ਪਨ ਸਬ੍ਬਸੋ વੀਰਿਯਸ੍ਸ ਪਰਿਬ੍ਰੂਹਨਂ ਹੋਤੀਤਿ ਆਹ ‘‘ਕਾਯਿਕਚੇਤਸਿਕਸ੍ਸ વੀਰਿਯਸ੍ਸ ਪੂਰਣੇ’’ਤਿ। ਸਤਿਯਞ੍ਚੇવ ਨਿਪਕਭਾવੇ ਚਾਤਿ ਸਤੋਕਾਰਿਤਾਯ ਚੇવ ਸਮ੍ਪਜਾਨਕਾਰਿਤਾਯ ਚ। ਸਤਿਸਮ੍ਪਜਞ੍ਞਬਲੇਨੇવ ਹਿ વੀਰਿਯਾਰਮ੍ਭੋ ਇਜ੍ਝਤਿ। ਦਿਟ੍ਠਿਪਟਿવੇਧੇਤਿ ਮਗ੍ਗਸਮ੍ਮਾਦਿਟ੍ਠਿਯਾ ਪਟਿવਿਜ੍ਝਨੇ। ਤੇਨਾਹ ‘‘ਮਗ੍ਗਦਸ੍ਸਨੇ’’ਤਿ।
Sikkhāya sammadeva ādānaṃ sikkhāsamādānaṃ. Taṃ panassā pāripūriyā veditabbanti āha ‘‘sikkhāttayapūraṇe’’ti. Sikkhāya vā sammadeva ādito paṭṭhāya rakkhaṇaṃ sikkhāsamādānaṃ. Tañca atthato pūraṇena paricchinnaṃ arakkhaṇe sabbena sabbaṃ abhāvato, rakkhaṇe ca paripūraṇato. Balavacchandoti daḷhacchando. Āyatinti anantarānāgatadivasādikālo adhippeto, na anāgatabhavoti āha ‘‘anāgate punadivasādīsupī’’ti. Sikkhaṃ paripūrentassa tattha nibaddhabhattitā avigatapematā. Tebhūmakadhammānaṃ aniccādivasena sammadeva nijjhānaṃ dhammanisāmanāti āha ‘‘vipassanāyetaṃ adhivacana’’nti. Taṇhāvinayeti bhaṅgānupassanāñāṇānubhāvasiddhe taṇhāvikkhambhane. Ekībhāveti gaṇasaṅgaṇikākilesasaṅgaṇikāvigamasiddhe vivekavāse. Vīriyārambheti sammappadhānassa paggaṇhane . Taṃ pana sabbaso vīriyassa paribrūhanaṃ hotīti āha ‘‘kāyikacetasikassa vīriyassa pūraṇe’’ti. Satiyañceva nipakabhāve cāti satokāritāya ceva sampajānakāritāya ca. Satisampajaññabaleneva hi vīriyārambho ijjhati. Diṭṭhipaṭivedheti maggasammādiṭṭhiyā paṭivijjhane. Tenāha ‘‘maggadassane’’ti.
ਨਿਦ੍ਦਸવਤ੍ਥੁਸੁਤ੍ਤવਣ੍ਣਨਾ ਨਿਟ੍ਠਿਤਾ।
Niddasavatthusuttavaṇṇanā niṭṭhitā.
ਅਨੁਸਯવਗ੍ਗવਣ੍ਣਨਾ ਨਿਟ੍ਠਿਤਾ।
Anusayavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਨਿਦ੍ਦਸવਤ੍ਥੁਸੁਤ੍ਤਂ • 10. Niddasavatthusuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਨਿਦ੍ਦਸવਤ੍ਥੁਸੁਤ੍ਤવਣ੍ਣਨਾ • 10. Niddasavatthusuttavaṇṇanā
