| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. நித்³தா³தந்தீ³ஸுத்தவண்ணனா
6. Niddātandīsuttavaṇṇanā
16. ச²ட்டே² நித்³தா³தி, ‘‘அபி⁴ஜானாமஹங், அக்³கி³வெஸ்ஸன, கி³ம்ஹானங் பச்சி²மே மாஸே நித்³த³ங் ஓக்கமிதா’’தி (ம॰ நி॰ 1.387) ஏவரூபாய அப்³யாகதனித்³தா³ய புப்³ப³பா⁴கா³பரபா⁴கே³ஸு ஸேக²புது²ஜ்ஜனானங் ஸஸங்கா²ரிகஅகுஸலே சித்தே உப்பன்னங் தி²னமித்³த⁴ங். தந்தீ³தி அதிச்சா²தாதிஸீதாதி³காலேஸு உப்பன்னங் ஆக³ந்துகங் ஆலஸியங். வுத்தம்பி சேதங் – ‘‘தத்த² கதமா தந்தீ³? யா தந்தீ³ தந்தி³யனா தந்தி³மனதா ஆலஸ்யங் ஆலஸ்யாயனா ஆலஸ்யாயிதத்தங், அயங் வுச்சதி தந்தீ³’’தி (விப⁴॰ 857). விஜம்பி⁴தாதி காயவிஜம்ப⁴னா. அரதீதி அகுஸலபக்கா² உக்கண்டி²ததா. ப⁴த்தஸம்மதோ³தி ப⁴த்தமுச்சா² ப⁴த்தகிலமதோ². வித்தா²ரோ பன தேஸங் – ‘‘தத்த² கதமா விஜம்பி⁴தா? யா காயஸ்ஸ ஜம்ப⁴னா விஜம்ப⁴னா’’திஆதி³னா நயேன அபி⁴த⁴ம்மே ஆக³தோவ. ஏதேனாதி ஏதேன நித்³தா³தி³னா உபக்கிலேஸேன உபக்கிலிட்டோ² நிவாரிதபாதுபா⁴வோ. நப்பகாஸதீதி ந ஜோததி, ந பாதுப⁴வதீதி அத்தோ². அரியமக்³கோ³தி லோகுத்தரமக்³கோ³. இதா⁴தி இமஸ்மிங் லோகே. பாணினந்தி ஸத்தானங். வீரியேனாதி மக்³க³ஸஹஜாதவீரியேன. நங் பணாமெத்வாதி ஏதங் கிலேஸஜாதங் நீஹரித்வா. அரியமக்³கோ³தி லோகியலோகுத்தரமக்³கோ³. இதி மக்³கே³னேவ உபக்கிலேஸே நீஹரித்வா மக்³க³ஸ்ஸ விஸுத்³தி⁴ வுத்தாதி.
16. Chaṭṭhe niddāti, ‘‘abhijānāmahaṃ, aggivessana, gimhānaṃ pacchime māse niddaṃ okkamitā’’ti (ma. ni. 1.387) evarūpāya abyākataniddāya pubbabhāgāparabhāgesu sekhaputhujjanānaṃ sasaṅkhārikaakusale citte uppannaṃ thinamiddhaṃ. Tandīti aticchātātisītādikālesu uppannaṃ āgantukaṃ ālasiyaṃ. Vuttampi cetaṃ – ‘‘tattha katamā tandī? Yā tandī tandiyanā tandimanatā ālasyaṃ ālasyāyanā ālasyāyitattaṃ, ayaṃ vuccati tandī’’ti (vibha. 857). Vijambhitāti kāyavijambhanā. Aratīti akusalapakkhā ukkaṇṭhitatā. Bhattasammadoti bhattamucchā bhattakilamatho. Vitthāro pana tesaṃ – ‘‘tattha katamā vijambhitā? Yā kāyassa jambhanā vijambhanā’’tiādinā nayena abhidhamme āgatova. Etenāti etena niddādinā upakkilesena upakkiliṭṭho nivāritapātubhāvo. Nappakāsatīti na jotati, na pātubhavatīti attho. Ariyamaggoti lokuttaramaggo. Idhāti imasmiṃ loke. Pāṇinanti sattānaṃ. Vīriyenāti maggasahajātavīriyena. Naṃ paṇāmetvāti etaṃ kilesajātaṃ nīharitvā. Ariyamaggoti lokiyalokuttaramaggo. Iti maggeneva upakkilese nīharitvā maggassa visuddhi vuttāti.
நித்³தா³தந்தீ³ஸுத்தவண்ணனா நிட்டி²தா.
Niddātandīsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. நித்³தா³தந்தீ³ஸுத்தங் • 6. Niddātandīsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. நித்³தா³தந்தீ³ஸுத்தவண்ணனா • 6. Niddātandīsuttavaṇṇanā
