| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. нид̣̇д̣̇аад̇анд̣̇ийсуд̇д̇аван̣н̣анаа
6. Niddātandīsuttavaṇṇanā
16. чадтз нид̣̇д̣̇аад̇и, ‘‘абхиж̇аанаамахам̣, аг̇г̇ивзссана, г̇имхаанам̣ бажчимз маасз нид̣̇д̣̇ам̣ оггамид̇аа’’д̇и (ма. ни. 1.387) зваруубааяа аб̣яаагад̇анид̣̇д̣̇ааяа буб̣б̣абхааг̇аабарабхааг̇зсу сзкабут̇уж̇ж̇анаанам̣ сасан̇кааригаагусалз жид̇д̇з уббаннам̣ т̇инамид̣̇д̇хам̣. д̇анд̣̇ийд̇и ад̇ижчаад̇аад̇исийд̇аад̣̇игаалзсу уббаннам̣ ааг̇анд̇угам̣ ааласияам̣. вуд̇д̇амби жзд̇ам̣ – ‘‘д̇ад̇т̇а гад̇амаа д̇анд̣̇ий? яаа д̇анд̣̇ий д̇анд̣̇ияанаа д̇анд̣̇иманад̇аа ааласяам̣ ааласяааяанаа ааласяааяид̇ад̇д̇ам̣, аяам̣ вужжад̇и д̇анд̣̇ий’’д̇и (вибха. 857). виж̇амбхид̇аад̇и гааяавиж̇амбханаа. арад̇ийд̇и агусалабагкаа угган̣тид̇ад̇аа. бхад̇д̇асаммад̣̇од̇и бхад̇д̇амужчаа бхад̇д̇агиламат̇о. вид̇т̇ааро бана д̇зсам̣ – ‘‘д̇ад̇т̇а гад̇амаа виж̇амбхид̇аа? яаа гааяасса ж̇амбханаа виж̇амбханаа’’д̇иаад̣̇инаа наязна абхид̇хаммз ааг̇ад̇ова. зд̇знаад̇и зд̇зна нид̣̇д̣̇аад̣̇инаа убаггилзсзна убаггилидто ниваарид̇абаад̇убхааво. наббагаасад̇ийд̇и на ж̇од̇ад̇и, на баад̇убхавад̇ийд̇и ад̇т̇о. арияамаг̇г̇од̇и логуд̇д̇арамаг̇г̇о. ид̇хаад̇и имасмим̣ логз. баан̣инанд̇и сад̇д̇аанам̣. вийриязнаад̇и маг̇г̇асахаж̇аад̇авийриязна. нам̣ бан̣аамзд̇ваад̇и зд̇ам̣ гилзсаж̇аад̇ам̣ нийхарид̇ваа. арияамаг̇г̇од̇и логияалогуд̇д̇арамаг̇г̇о. ид̇и маг̇г̇знзва убаггилзсз нийхарид̇ваа маг̇г̇асса висуд̣̇д̇хи вуд̇д̇аад̇и.
16. Chaṭṭhe niddāti, ‘‘abhijānāmahaṃ, aggivessana, gimhānaṃ pacchime māse niddaṃ okkamitā’’ti (ma. ni. 1.387) evarūpāya abyākataniddāya pubbabhāgāparabhāgesu sekhaputhujjanānaṃ sasaṅkhārikaakusale citte uppannaṃ thinamiddhaṃ. Tandīti aticchātātisītādikālesu uppannaṃ āgantukaṃ ālasiyaṃ. Vuttampi cetaṃ – ‘‘tattha katamā tandī? Yā tandī tandiyanā tandimanatā ālasyaṃ ālasyāyanā ālasyāyitattaṃ, ayaṃ vuccati tandī’’ti (vibha. 857). Vijambhitāti kāyavijambhanā. Aratīti akusalapakkhā ukkaṇṭhitatā. Bhattasammadoti bhattamucchā bhattakilamatho. Vitthāro pana tesaṃ – ‘‘tattha katamā vijambhitā? Yā kāyassa jambhanā vijambhanā’’tiādinā nayena abhidhamme āgatova. Etenāti etena niddādinā upakkilesena upakkiliṭṭho nivāritapātubhāvo. Nappakāsatīti na jotati, na pātubhavatīti attho. Ariyamaggoti lokuttaramaggo. Idhāti imasmiṃ loke. Pāṇinanti sattānaṃ. Vīriyenāti maggasahajātavīriyena. Naṃ paṇāmetvāti etaṃ kilesajātaṃ nīharitvā. Ariyamaggoti lokiyalokuttaramaggo. Iti maggeneva upakkilese nīharitvā maggassa visuddhi vuttāti.
нид̣̇д̣̇аад̇анд̣̇ийсуд̇д̇аван̣н̣анаа нидтид̇аа.
Niddātandīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. нид̣̇д̣̇аад̇анд̣̇ийсуд̇д̇ам̣ • 6. Niddātandīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. нид̣̇д̣̇аад̇анд̣̇ийсуд̇д̇аван̣н̣анаа • 6. Niddātandīsuttavaṇṇanā
