| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. нид̣̇д̣̇аад̇анд̣̇ийсуд̇д̇аван̣н̣анаа
6. Niddātandīsuttavaṇṇanā
16. бажчимз маасз бажчаабхад̇д̇ам̣ бин̣д̣абаад̇аббадигганд̇о жад̇уг̇г̇ун̣ам̣ сан̇гхаадим̣ бан̃н̃абзд̇ваа д̣̇агкин̣зна бассзна сад̇о самбаж̇аанод̇и зд̇д̇агам̣ баатам̣ сан̇кибид̇ваа ‘‘нид̣̇д̣̇ам̣ оггамид̇аа’’д̇и вуд̇д̇ам̣. гирияаамаяажид̇д̇зхи авомиссо бхаван̇г̇асод̇о аб̣яаагад̇анид̣̇д̣̇аа. саа хи кийн̣аасаваанам̣ уббаж̇ж̇анаарахаа, д̇ассаа буб̣б̣абхааг̇аабарабхааг̇зсу…бз… уббаннам̣ т̇инамид̣̇д̇хам̣ ид̇хаад̇хиббзд̇аа нид̣̇д̣̇аа, саа акийн̣аасаваанам̣ язбхуяязна анияад̇агаалаа, д̇аб̣б̣ид̇хуранияад̇асаб̣бхаавам̣ д̣̇ассзнд̇о ‘‘ад̇ижчаад̇а…бз… ааг̇анд̇угам̣ ааласияа’’нд̇и ааха. гааяааласияабажжаяаа вийрияасса бадибагкабхууд̇аа жад̇д̇ааро агусалагканд̇хаа д̇анд̣̇ий наама. д̇анд̣̇ийд̇и сабхааванид̣̇д̣̇зсо. д̇анд̣̇ияанаад̇и аагаараним̣д̣̇д̣̇зсо. д̇анд̣̇ийманад̇аад̇и д̇анд̣̇ийбхууд̇ажид̇д̇ад̇аа. ааласяанд̇и аласабхааваахаран̣ам̣. ааласяааяид̇ад̇д̇анд̇и аласабхааваббад̇д̇и. гааяавиж̇амбханаад̇и гааяасса винааманаа. агусалабагкаа угган̣тид̇ад̇аад̇и агусалабагкияаа анабхирад̇и. бхад̇д̇агиламат̇од̇и яат̇аавуд̇д̇асса бхад̇д̇авад̇т̇угасса аахаарасса васзна сарийрз уббаж̇ж̇анагакзд̣̇о. убаггилидтод̇и бан̃н̃ааяа д̣̇уб̣б̣алийгаран̣зна убаггилидтажид̇д̇о. жид̇д̇асса асамаахид̇ад̇д̇аа ниваарид̇абаад̇убхааво. арияамаг̇г̇асса ж̇од̇анам̣ наама уббаж̇ж̇анамзваад̇и ааха ‘‘на ж̇од̇ад̇и , на баад̇убхавад̇ийд̇и ад̇т̇о’’д̇и. на хи арияамаг̇г̇о ж̇од̇иаж̇од̇инаамо бавад̇д̇ад̇и.
16. Pacchime māse pacchābhattaṃ piṇḍapātappaṭikkanto catugguṇaṃ saṅghāṭiṃ paññapetvā dakkhiṇena passena sato sampajānoti ettakaṃ pāṭhaṃ saṅkhipitvā ‘‘niddaṃ okkamitā’’ti vuttaṃ. Kiriyāmayacittehi avomisso bhavaṅgasoto abyākataniddā. Sā hi khīṇāsavānaṃ uppajjanārahā, tassā pubbabhāgāparabhāgesu…pe… uppannaṃ thinamiddhaṃ idhādhippetā niddā, sā akhīṇāsavānaṃ yebhuyyena aniyatakālā, tabbidhuraniyatasabbhāvaṃ dassento ‘‘aticchāta…pe… āgantukaṃ ālasiya’’nti āha. Kāyālasiyapaccayā vīriyassa paṭipakkhabhūtā cattāro akusalakkhandhā tandī nāma. Tandīti sabhāvaniddeso. Tandiyanāti ākāraniṃddeso. Tandīmanatāti tandībhūtacittatā. Ālasyanti alasabhāvāharaṇaṃ. Ālasyāyitattanti alasabhāvappatti. Kāyavijambhanāti kāyassa vināmanā. Akusalapakkhā ukkaṇṭhitatāti akusalapakkhiyā anabhirati. Bhattakilamathoti yathāvuttassa bhattavatthukassa āhārassa vasena sarīre uppajjanakakhedo. Upakkiliṭṭhoti paññāya dubbalīkaraṇena upakkiliṭṭhacitto. Cittassa asamāhitattā nivāritapātubhāvo. Ariyamaggassa jotanaṃ nāma uppajjanamevāti āha ‘‘na jotati, na pātubhavatīti attho’’ti. Na hi ariyamaggo jotiajotināmo pavattati.
маг̇г̇асахаж̇аад̇авийриязнаад̇и логияалогуд̇д̇арамаг̇г̇асахаж̇аад̇авийриязна. миссагамаг̇г̇о хи ид̇ха ад̇хиббзд̇о. нийхарид̇ваад̇и нийхаран̣ахзд̇у. хзд̇уад̇т̇о хи аяам̣ д̇ваа-сад̣̇д̣̇о ‘‘бан̃н̃ааяа жасса д̣̇исваа’’д̇иаад̣̇ийсу (ма. ни. 1.271) вияа. д̇зна ‘‘маг̇г̇о висуж̇жхад̇ий’’д̇и важанам̣ самад̇т̇ид̇ам̣ ход̇и. ‘‘арияамаг̇г̇ам̣ висуж̇жхад̇ий’’д̇и гзжи батанд̇и.
Maggasahajātavīriyenāti lokiyalokuttaramaggasahajātavīriyena. Missakamaggo hi idha adhippeto. Nīharitvāti nīharaṇahetu. Hetuattho hi ayaṃ tvā-saddo ‘‘paññāya cassa disvā’’tiādīsu (ma. ni. 1.271) viya. Tena ‘‘maggo visujjhatī’’ti vacanaṃ samatthitaṃ hoti. ‘‘Ariyamaggaṃ visujjhatī’’ti keci paṭhanti.
нид̣̇д̣̇аад̇анд̣̇ийсуд̇д̇аван̣н̣анаа нидтид̇аа.
Niddātandīsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. нид̣̇д̣̇аад̇анд̣̇ийсуд̇д̇ам̣ • 6. Niddātandīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. нид̣̇д̣̇аад̇анд̣̇ийсуд̇д̇аван̣н̣анаа • 6. Niddātandīsuttavaṇṇanā
