Library / Tipiṭaka / д̇ибидага • Tipiṭaka / нзд̇д̇ивибхаавиний • Nettivibhāvinī

    3. нид̣̇д̣̇зсаваараад̇т̇авибхааванаа

    3. Niddesavāraatthavibhāvanā

    сол̣асахааранид̣̇д̣̇зсавибхааванаа

    Soḷasahāraniddesavibhāvanā

    4. хаараад̣̇ийсу самуд̣̇ааяасса нзд̇д̇иббагаран̣асса уд̣̇д̣̇зсо уд̣̇д̣̇идто, амхзхи жа н̃аад̇о, ‘‘гад̇амо нид̣̇д̣̇зсо’’д̇и бужчид̇аб̣б̣ад̇д̇аа уд̣̇д̣̇идтз хаараад̣̇аяо нид̣̇д̣̇исид̇ум̣ ‘‘д̇ад̇т̇а сан̇кзбад̇о нзд̇д̇ий’’д̇иаад̣̇и аарад̣̇д̇хам̣. адтагат̇ааяам̣ бана ‘‘звам̣ уд̣̇д̣̇идтз хаараад̣̇аяо нид̣̇д̣̇исид̇ум̣ ‘д̇ад̇т̇а сан̇кзбад̇о’д̇иаад̣̇и аарад̣̇д̇ха’’нд̇и (нзд̇д̇и. адта. 4) вуд̇д̇ам̣. д̇ад̇т̇а д̇ад̇т̇аад̇и д̇асмим̣ ‘‘д̇ад̇т̇а гад̇амз сол̣аса хаараа? д̣̇зсанаа вижаяо’’д̇иаад̣̇иуд̣̇д̣̇зсабаатз. сан̇кзбад̇од̇и самаасад̇о. нзд̇д̇ийд̇и нзд̇д̇иббагаран̣ам̣. гид̇д̇ид̇аад̇и гат̇ид̇аа, ид̣̇аани нид̣̇д̣̇зсад̇о гат̇зссаамийд̇и вуд̇д̇ам̣ ход̇и.

    4. Hārādīsu samudāyassa nettippakaraṇassa uddeso uddiṭṭho, amhehi ca ñāto, ‘‘katamo niddeso’’ti pucchitabbattā uddiṭṭhe hārādayo niddisituṃ ‘‘tattha saṅkhepato nettī’’tiādi āraddhaṃ. Aṭṭhakathāyaṃ pana ‘‘evaṃ uddiṭṭhe hārādayo niddisituṃ ‘tattha saṅkhepato’tiādi āraddha’’nti (netti. aṭṭha. 4) vuttaṃ. Tattha tatthāti tasmiṃ ‘‘tattha katame soḷasa hārā? Desanā vicayo’’tiādiuddesapāṭhe. Saṅkhepatoti samāsato. Nettīti nettippakaraṇaṃ. Kittitāti kathitā, idāni niddesato kathessāmīti vuttaṃ hoti.

    1.

    1.

    ‘‘ассаад̣̇аад̣̇ийнавад̇аа, ниссаран̣амби жа палам̣ убааяо жа.

    ‘‘Assādādīnavatā, nissaraṇampi ca phalaṃ upāyo ca.

    аан̣ад̇д̇ий жа бхаг̇авад̇о, яог̇ийнам̣ д̣̇зсанаахааро’’д̇и. –

    Āṇattī ca bhagavato, yogīnaṃ desanāhāro’’ti. –

    г̇аат̇ааяам̣ язна сам̣ван̣н̣анаависзсзна суд̇д̇з ааг̇ад̇аа ассаад̣̇оби аад̣̇ийнавад̇аа аад̣̇ийнавоби ниссаран̣амби паламби убааяоби яог̇ийнам̣ ад̇т̇ааяа бхаг̇авад̇о аан̣ад̇д̇иби имз д̇хаммаа д̣̇ассид̇аа сам̣ван̣н̣ид̇аа сам̣ван̣н̣анаавасзна н̃аабид̇аа, со сам̣ван̣н̣анаависзсо д̣̇зсанаахааро наамаад̇и ад̇т̇аяож̇анаа.

    Gāthāyaṃ yena saṃvaṇṇanāvisesena sutte āgatā assādopi ādīnavatā ādīnavopi nissaraṇampi phalampi upāyopi yogīnaṃ atthāya bhagavato āṇattipi ime dhammā dassitā saṃvaṇṇitā saṃvaṇṇanāvasena ñāpitā, so saṃvaṇṇanāviseso desanāhāro nāmāti atthayojanā.

    важанад̇т̇аад̣̇аяо адтагат̇ааяам̣ вид̇т̇аарад̇о вуд̇д̇аава, д̇асмаа гин̃жимад̇д̇амзва гат̇зссаами. ассаад̣̇ийяад̇зд̇и ассаад̣̇о, го со? сукам̣, соманассам̣, идтаарамман̣абхууд̇аа бан̃жубаад̣̇аанагканд̇хаа жа. ассаад̣̇зд̇и зд̇ааяаад̇и ваа ассаад̣̇о, го со? д̇ан̣хаа, вибаллаасаа жа. вибаллаасавасзна хи згажжз сад̇д̇аа анидтамби аарамман̣ам̣ идтаагаарзна ассаад̣̇знд̇и.

    Vacanatthādayo aṭṭhakathāyaṃ vitthārato vuttāva, tasmā kiñcimattameva kathessāmi. Assādīyateti assādo, ko so? Sukhaṃ, somanassaṃ, iṭṭhārammaṇabhūtā pañcupādānakkhandhā ca. Assādeti etāyāti vā assādo, ko so? Taṇhā, vipallāsā ca. Vipallāsavasena hi ekacce sattā aniṭṭhampi ārammaṇaṃ iṭṭhākārena assādenti.

    аабхусам̣ гаммзна д̣̇ийнам̣ д̣̇угкаад̣̇и худ̇ваа ваад̇и бавад̇д̇ад̇ийд̇и аад̣̇ийнаво, д̣̇угкаад̣̇и. ат̇а ваа ад̇ивияа аад̣̇ийнам̣ габан̣ам̣ худ̇ваа ваад̇и бавад̇д̇ад̇ийд̇и аад̣̇ийнаво, габан̣амануссо, д̇ат̇аабхааваа жа д̇збхуумагаа д̇хаммаа анижжад̇аад̣̇ияог̇ад̇о.

    Ābhusaṃ kammena dīnaṃ dukkhādi hutvā vāti pavattatīti ādīnavo, dukkhādi. Atha vā ativiya ādīnaṃ kapaṇaṃ hutvā vāti pavattatīti ādīnavo, kapaṇamanusso, tathābhāvā ca tebhūmakā dhammā aniccatādiyogato.

    ниссарад̇и зд̇знаад̇и ниссаран̣ам̣, арияамаг̇г̇о. ниссарад̇ийд̇и ваа ниссаран̣ам̣, ниб̣б̣аанам̣. би-сад̣̇д̣̇о самбин̣д̣анад̇т̇о. ниссаран̣абхзд̣̇о адтагат̇ааяам̣ (нзд̇д̇и. адта. 4 хаарасан̇кзба) б̣ахуд̇хаа вуд̇д̇ова.

    Nissarati etenāti nissaraṇaṃ, ariyamaggo. Nissaratīti vā nissaraṇaṃ, nibbānaṃ. Pi-saddo sampiṇḍanattho. Nissaraṇabhedo aṭṭhakathāyaṃ (netti. aṭṭha. 4 hārasaṅkhepa) bahudhā vuttova.

    палад̇и бавад̇д̇ад̇ийд̇и палам̣, д̣̇зсанааяа палам̣. яад̣̇иби д̣̇зсанаа паланибпаад̣̇игаа на ход̇и, д̇ат̇ааби бхаг̇авад̇о д̇хаммад̣̇зсанам̣ суд̇ваа бун̃н̃асамбхаараа самбхаванд̇и, бун̃н̃асамбхаарахзд̇уд̇о палам̣ бавад̇д̇ам̣, д̇асмаа д̣̇зсанааяа палам̣ наамаад̇и. гад̇амам̣ д̇ам̣? д̣̇звамануссзсу ааяуван̣н̣асукаб̣алаяасабариваараад̇хибад̇зяяаубад̇хисамбад̇д̇ижаггавад̇д̇исирид̣̇звараж̇ж̇а- сирижад̇усамбад̇д̇ижаггасийласамаад̇хисамбад̣̇аа виж̇ж̇аабхин̃н̃аа бадисамбхид̣̇аа саавагаб̣од̇хибажжзгаб̣од̇хисаммаасамб̣од̇хияо.

    Phalati pavattatīti phalaṃ, desanāya phalaṃ. Yadipi desanā phalanipphādikā na hoti, tathāpi bhagavato dhammadesanaṃ sutvā puññasambhārā sambhavanti, puññasambhārahetuto phalaṃ pavattaṃ, tasmā desanāya phalaṃ nāmāti. Katamaṃ taṃ? Devamanussesu āyuvaṇṇasukhabalayasaparivāraadhipateyyaupadhisampatticakkavattisiridevarajja- siricatusampatticakkasīlasamādhisampadā vijjābhiññā paṭisambhidā sāvakabodhipaccekabodhisammāsambodhiyo.

    бажжаяасаамаг̇г̇им̣ убаг̇анд̇ваа аяад̇и бавад̇д̇ад̇и палам̣ зд̇знаад̇и убааяо, го со? арияамаг̇г̇асса буб̣б̣абхааг̇абадибад̣̇аа. буримаа бадибад̣̇аа хи бажчимааяа бадибад̣̇ааяа ад̇хиг̇амуубааяо, барамбарааяа маг̇г̇аниб̣б̣аанаад̇хиг̇амасса жа убааяо. гзжи ‘‘маг̇г̇оби убааяо’’д̇и вад̣̇анд̇и, д̇зсам̣ мад̇зна ниб̣б̣аанамзва ниссаран̣анд̇и вуд̇д̇ам̣ сияаа. ‘‘д̇з бахааяа д̇арз огханд̇и ид̣̇ам̣ ниссаран̣а’’нд̇и (нзд̇д̇и. 5) бана арияамаг̇г̇асса ниссаран̣абхаавам̣ вагкад̇и, д̇асмаа гзсан̃жи ваад̣̇о на г̇ахзд̇аб̣б̣о.

    Paccayasāmaggiṃ upagantvā ayati pavattati phalaṃ etenāti upāyo, ko so? Ariyamaggassa pubbabhāgapaṭipadā. Purimā paṭipadā hi pacchimāya paṭipadāya adhigamūpāyo, paramparāya magganibbānādhigamassa ca upāyo. Keci ‘‘maggopi upāyo’’ti vadanti, tesaṃ matena nibbānameva nissaraṇanti vuttaṃ siyā. ‘‘Te pahāya tare oghanti idaṃ nissaraṇa’’nti (netti. 5) pana ariyamaggassa nissaraṇabhāvaṃ vakkhati, tasmā kesañci vādo na gahetabbo.

    аан̣ад̇д̇ийд̇и аан̣аарахасса бхаг̇авад̇о взнзяяаанам̣ хид̇асид̣̇д̇хияаа ‘‘звам̣ саммаабадибад̇д̇им̣ бадибаж̇ж̇аахи, мижчаабадибад̇д̇им̣ маа бадибаж̇ж̇аахий’’д̇и вид̇хаанам̣ аан̣аатабанам̣ аан̣ад̇д̇и наама.

    Āṇattīti āṇārahassa bhagavato veneyyānaṃ hitasiddhiyā ‘‘evaṃ sammāpaṭipattiṃ paṭipajjāhi, micchāpaṭipattiṃ mā paṭipajjāhī’’ti vidhānaṃ āṇāṭhapanaṃ āṇatti nāma.

    яуж̇ж̇анд̇и баяуж̇ж̇анд̇и жад̇усажжагаммадтаанабхааванаасууд̇и яог̇ино, взнзяяаа, д̇зсам̣ яог̇ийнам̣ ад̇т̇ааяаад̇и важанасзсам̣ нийхарид̇ваа яож̇анаа гаад̇аб̣б̣аа. суд̇д̇з ааг̇ад̇аанам̣ саб̣б̣зсам̣ ассаад̣̇аад̣̇ийнам̣ згад̣̇зсааг̇ад̇аанамби нийхарид̇ваа саб̣б̣зсам̣ вибхаж̇анасам̣ван̣н̣анаависзсо д̣̇зсанаахаарод̇и нид̣̇д̣̇зсад̇о г̇ахзд̇аб̣б̣о, со жа вибхаж̇анаагааро д̣̇зсанаахааравибхан̇г̇з (нзд̇д̇и. 5) ааг̇амиссад̇ийд̇и ид̇ха на д̣̇ассид̇од̇и.

    Yujjanti payujjanti catusaccakammaṭṭhānabhāvanāsūti yogino, veneyyā, tesaṃ yogīnaṃ atthāyāti vacanasesaṃ nīharitvā yojanā kātabbā. Sutte āgatānaṃ sabbesaṃ assādādīnaṃ ekadesāgatānampi nīharitvā sabbesaṃ vibhajanasaṃvaṇṇanāviseso desanāhāroti niddesato gahetabbo, so ca vibhajanākāro desanāhāravibhaṅge (netti. 5) āgamissatīti idha na dassitoti.

    д̣̇зсанаахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо вижаяахааранид̣̇д̣̇зсо’’д̇и бужчид̇аб̣б̣ад̇д̇аа –

    Desanāhāraniddeso niddiṭṭho, amhehi ca ñāto, ‘‘katamo vicayahāraniddeso’’ti pucchitabbattā –

    2.

    2.

    ‘‘яам̣ бужчид̇ан̃жа виссаж̇ж̇ид̇ан̃жа, суд̇д̇асса яаа жа ануг̇ийд̇и.

    ‘‘Yaṃ pucchitañca vissajjitañca, suttassa yā ca anugīti.

    суд̇д̇асса яо бавижаяо, хааро вижаяод̇и нид̣̇д̣̇идто’’д̇и. –

    Suttassa yo pavicayo, hāro vicayoti niddiṭṭho’’ti. –

    г̇аат̇аа вуд̇д̇аа. д̇ад̇т̇а суд̇д̇асса яам̣ бужчид̇ан̃жа яаа бужчаа вижаяамаанаа жа суд̇д̇асса яам̣ виссаж̇ж̇ид̇ан̃жа яаа виссаж̇ж̇анаа вижаяамаанаа жа суд̇д̇асса яо бад̣̇аад̣̇ивижаяо, ассаад̣̇аад̣̇ивижаяо жа ад̇т̇и, д̇з вуд̇д̇аббагаараа вижаяамаанаа бужчаад̣̇аяо язна сам̣ван̣н̣анаависзсзна вижияанд̇и, со сам̣ван̣н̣анаависзсо вижаяо хаарод̇и нид̣̇д̣̇идтод̇и ад̇т̇аяож̇анаа гаад̇аб̣б̣аа.

    Gāthā vuttā. Tattha suttassa yaṃ pucchitañca yā pucchā vicayamānā ca suttassa yaṃ vissajjitañca yā vissajjanā vicayamānā ca suttassa yo padādivicayo, assādādivicayo ca atthi, te vuttappakārā vicayamānā pucchādayo yena saṃvaṇṇanāvisesena viciyanti, so saṃvaṇṇanāviseso vicayo hāroti niddiṭṭhoti atthayojanā kātabbā.

    бужчийяад̇з бужчид̇ам̣. виссаж̇ж̇ийяад̇з виссаж̇ж̇ид̇анд̇и бхаавасаад̇ханад̇т̇о д̣̇адтаб̣б̣о, на гаммасаад̇ханад̇т̇о. д̇зна вуд̇д̇ам̣ дийгааяам̣ ‘‘бхаавад̇т̇з д̇од̇и ааха – ‘виссаж̇ж̇ид̇анд̇и виссаж̇ж̇анаа’’’д̇и.

    Pucchīyate pucchitaṃ. Vissajjīyate vissajjitanti bhāvasādhanattho daṭṭhabbo, na kammasādhanattho. Tena vuttaṃ ṭīkāyaṃ ‘‘bhāvatthe toti āha – ‘vissajjitanti vissajjanā’’’ti.

    ‘‘суд̇д̇ассаа’’д̇и нияамид̇ад̇д̇аа сам̣ван̣н̣анаавасзна адтагат̇ааяам̣ ааг̇ад̇ам̣ на г̇ахзд̇аб̣б̣анд̇и д̣̇адтаб̣б̣ам̣. со вижаяо хааро адтагат̇ааяам̣ (нзд̇д̇и. адта. 4 хаарасан̇кзба) вуд̇д̇ова. гат̇ам̣? –

    ‘‘Suttassā’’ti niyamitattā saṃvaṇṇanāvasena aṭṭhakathāyaṃ āgataṃ na gahetabbanti daṭṭhabbaṃ. So vicayo hāro aṭṭhakathāyaṃ (netti. aṭṭha. 4 hārasaṅkhepa) vuttova. Kathaṃ? –

    ‘‘аяам̣ бужчаа ад̣̇идтаж̇од̇анаа д̣̇идтасам̣санд̣̇анаа вимад̇ижчзд̣̇анаа анумад̇ибужчаа гат̇зд̇угамяад̇аабужчаа сад̇д̇аад̇хидтаанаа д̇хаммаад̇хидтаанаа згаад̇хидтаанаа анзгаад̇хидтаанаа саммуд̇ивисаяаа барамад̇т̇ависаяаа ад̇ийд̇ависаяаа анааг̇ад̇ависаяаа бажжуббаннависаяаа’’д̇иаад̣̇инаа бужчаавижаяо взд̣̇ид̇аб̣б̣о. ‘‘ид̣̇ам̣ виссаж̇ж̇анам̣ згам̣саб̣яаагаран̣ам̣ вибхаж̇ж̇аб̣яаагаран̣ам̣ бадибужчааб̣яаагаран̣ам̣ табанам̣ саавасзсам̣ ниравасзсам̣ сауд̇д̇арам̣ нируд̇д̇арам̣ логияам̣ логуд̇д̇ара’’нд̇иаад̣̇инаа виссаж̇ж̇анавижаяо.

    ‘‘Ayaṃ pucchā adiṭṭhajotanā diṭṭhasaṃsandanā vimaticchedanā anumatipucchā kathetukamyatāpucchā sattādhiṭṭhānā dhammādhiṭṭhānā ekādhiṭṭhānā anekādhiṭṭhānā sammutivisayā paramatthavisayā atītavisayā anāgatavisayā paccuppannavisayā’’tiādinā pucchāvicayo veditabbo. ‘‘Idaṃ vissajjanaṃ ekaṃsabyākaraṇaṃ vibhajjabyākaraṇaṃ paṭipucchābyākaraṇaṃ ṭhapanaṃ sāvasesaṃ niravasesaṃ sauttaraṃ niruttaraṃ lokiyaṃ lokuttara’’ntiādinā vissajjanavicayo.

    ‘‘аяам̣ бужчаа иминаа самзд̇и, зд̇зна на самзд̇ий’’д̇и бужчид̇ад̇т̇ам̣ аанзд̇ваа, вижаяо буб̣б̣знаабарам̣ сам̣санд̣̇ид̇ваа жа вижаяо буб̣б̣аабаравижаяо. ‘‘аяам̣ ануг̇ийд̇и вуд̇д̇ад̇т̇асан̇г̇ахаа авуд̇д̇ад̇т̇асан̇г̇ахаа д̇ад̣̇убхаяад̇т̇асан̇г̇ахаа гусалад̇т̇асан̇г̇ахаа агусалад̇т̇асан̇г̇ахаа’’д̇иаад̣̇инаа ануг̇ийд̇ивижаяо. ассаад̣̇аад̣̇ийсу сукавзд̣̇анааяа ‘‘идтаарамман̣аанубхаваналагкан̣аа’’д̇иаад̣̇инаа, д̇ан̣хааяа ‘‘аарамман̣аг̇г̇ахан̣алагкан̣аа’’д̇иаад̣̇инаа, вибаллаасаанам̣ ‘‘вибарийд̇аг̇г̇ахан̣алагкан̣аа’’д̇иаад̣̇инаа, авасидтаанам̣ д̇збхуумагад̇хаммаанам̣ ‘‘яат̇аасагалагкан̣аа’’д̇иаад̣̇инаа саб̣б̣зсан̃жа д̣̇ваавийсад̇ияаа д̇игзсу, д̣̇ваажад̇д̇аалийсаад̇хигз жа д̣̇угасад̇з лаб̣бхамаанабад̣̇авасзна д̇ам̣д̇ам̣ассаад̣̇ад̇т̇ависзсанид̣̇д̇хааран̣ам̣ ассаад̣̇авижаяо.

    ‘‘Ayaṃ pucchā iminā sameti, etena na sametī’’ti pucchitatthaṃ ānetvā, vicayo pubbenāparaṃ saṃsanditvā ca vicayo pubbāparavicayo. ‘‘Ayaṃ anugīti vuttatthasaṅgahā avuttatthasaṅgahā tadubhayatthasaṅgahā kusalatthasaṅgahā akusalatthasaṅgahā’’tiādinā anugītivicayo. Assādādīsu sukhavedanāya ‘‘iṭṭhārammaṇānubhavanalakkhaṇā’’tiādinā, taṇhāya ‘‘ārammaṇaggahaṇalakkhaṇā’’tiādinā, vipallāsānaṃ ‘‘viparītaggahaṇalakkhaṇā’’tiādinā, avasiṭṭhānaṃ tebhūmakadhammānaṃ ‘‘yathāsakalakkhaṇā’’tiādinā sabbesañca dvāvīsatiyā tikesu, dvācattālīsādhike ca dukasate labbhamānapadavasena taṃtaṃassādatthavisesaniddhāraṇaṃ assādavicayo.

    д̣̇угкавзд̣̇анааяа ‘‘анидтаанубхаваналагкан̣аа’’д̇иаад̣̇инаа, д̣̇угкасажжаанам̣ ‘‘бадисанд̇хилагкан̣аа’’д̇иаад̣̇инаа, анижжад̇аад̣̇ийнам̣ аад̣̇ианд̇аванд̇ад̇ааяа анижжанд̇игад̇ааяа жа ‘‘анижжаа’’д̇иаад̣̇инаа саб̣б̣зсан̃жа логияад̇хаммаанам̣ сам̣гилзсабхааг̇ияахаанабхааг̇ияад̇аад̣̇ивасзна аад̣̇ийнававуд̇д̇ияаа огааранид̣̇д̇хааран̣зна аад̣̇ийнававижаяо. ниссаран̣абад̣̇з арияамаг̇г̇асса ааг̇аманад̇о гааяаанубассанаад̣̇ибуб̣б̣абхааг̇абадибад̣̇аавибхааг̇ависзсанид̣̇д̇хааран̣авасзна, ниб̣б̣аанасса яат̇аавуд̇д̇абарияааяавибхааг̇ависзсанид̣̇д̇хааран̣авасзнаад̇и звам̣ ниссаран̣авижаяо. палаад̣̇ийнам̣ д̇ам̣д̇ам̣суд̇д̇ад̣̇зсанааяа саад̇хзд̇аб̣б̣апаласса д̇ад̣̇убааяасса д̇ад̇т̇а д̇ад̇т̇а суд̇д̇авид̇хиважанасса жа вибхааг̇анид̣̇д̇хааран̣авасзна вижаяо взд̣̇ид̇аб̣б̣о. звам̣ бад̣̇абужчаависсаж̇ж̇анабужчаабуб̣б̣аабараануг̇ийд̇ийнам̣, ассаад̣̇аад̣̇ийнан̃жа висзсанид̣̇д̇хааран̣авасзнзва вижаяалагкан̣о ‘‘вижаяо хааро’’д̇и взд̣̇ид̇аб̣б̣од̇и –

    Dukkhavedanāya ‘‘aniṭṭhānubhavanalakkhaṇā’’tiādinā, dukkhasaccānaṃ ‘‘paṭisandhilakkhaṇā’’tiādinā, aniccatādīnaṃ ādiantavantatāya aniccantikatāya ca ‘‘aniccā’’tiādinā sabbesañca lokiyadhammānaṃ saṃkilesabhāgiyahānabhāgiyatādivasena ādīnavavuttiyā okāraniddhāraṇena ādīnavavicayo. Nissaraṇapade ariyamaggassa āgamanato kāyānupassanādipubbabhāgapaṭipadāvibhāgavisesaniddhāraṇavasena, nibbānassa yathāvuttapariyāyavibhāgavisesaniddhāraṇavasenāti evaṃ nissaraṇavicayo. Phalādīnaṃ taṃtaṃsuttadesanāya sādhetabbaphalassa tadupāyassa tattha tattha suttavidhivacanassa ca vibhāganiddhāraṇavasena vicayo veditabbo. Evaṃ padapucchāvissajjanapucchāpubbāparānugītīnaṃ, assādādīnañca visesaniddhāraṇavaseneva vicayalakkhaṇo ‘‘vicayo hāro’’ti veditabboti –

    звам̣ вуд̇д̇ова.

    Evaṃ vuttova.

    виссаж̇ж̇анависзсо бана дийгааяам̣ вуд̇д̇о. гат̇ам̣? –

    Vissajjanaviseso pana ṭīkāyaṃ vutto. Kathaṃ? –

    ‘‘жагку анижжа’’нд̇и будтз ‘‘аама, жагку анижжамзваа’’д̇и зганд̇ад̇о виссаж̇ж̇анам̣ згам̣саб̣яаагаран̣ам̣, ‘‘ан̃н̃инд̣̇рияам̣ бхаавзд̇аб̣б̣ам̣, сажчигаад̇аб̣б̣ан̃жаа’’д̇и будтз ‘‘маг̇г̇абарияаабаннам̣ бхаавзд̇аб̣б̣ам̣, палабарияаабаннам̣ сажчигаад̇аб̣б̣а’’нд̇и вибхаж̇ид̇ваа виссаж̇ж̇анам̣ вибхаж̇ж̇аб̣яаагаран̣ам̣, ‘‘ан̃н̃инд̣̇рияам̣ гусала’’нд̇и будтз ‘‘гим̣ анаваж̇ж̇адто гусалад̇т̇о, уд̣̇ааху сукавибаагадто’’д̇и бадибужчид̇ваа виссаж̇ж̇анам̣ бадибужчааб̣яаагаран̣ам̣, ‘‘сассад̇о ад̇д̇аа, асассад̇о ваа’’д̇и вуд̇д̇з ‘‘аб̣яаагад̇амзд̇а’’нд̇иаад̣̇инаа ависсаж̇ж̇анам̣ табанам̣, ‘‘гим̣ банзд̇з ‘гусалаа’д̇и ваа ‘д̇хаммаа’д̇и ваа згад̇т̇аа, уд̣̇ааху наанад̇т̇аа’’д̇и ид̣̇ам̣ бужчанам̣ саавасзсам̣. виссаж̇ж̇анасса бана саавасзсад̇о взнзяяаж̇жхаасаяавасзна д̣̇зсанааяам̣ взд̣̇ид̇аб̣б̣аа. абаадихийрагам̣ сауд̇д̇арам̣ саббаадихийрагам̣ нируд̇д̇арам̣, сзсам̣ вижаяахааранид̣̇д̣̇зсз сувин̃н̃зяяамзваад̇и –

    ‘‘Cakkhu anicca’’nti puṭṭhe ‘‘āma, cakkhu aniccamevā’’ti ekantato vissajjanaṃ ekaṃsabyākaraṇaṃ, ‘‘aññindriyaṃ bhāvetabbaṃ, sacchikātabbañcā’’ti puṭṭhe ‘‘maggapariyāpannaṃ bhāvetabbaṃ, phalapariyāpannaṃ sacchikātabba’’nti vibhajitvā vissajjanaṃ vibhajjabyākaraṇaṃ, ‘‘aññindriyaṃ kusala’’nti puṭṭhe ‘‘kiṃ anavajjaṭṭho kusalattho, udāhu sukhavipākaṭṭho’’ti paṭipucchitvā vissajjanaṃ paṭipucchābyākaraṇaṃ, ‘‘sassato attā, asassato vā’’ti vutte ‘‘abyākatameta’’ntiādinā avissajjanaṃ ṭhapanaṃ, ‘‘kiṃ panete ‘kusalā’ti vā ‘dhammā’ti vā ekatthā, udāhu nānatthā’’ti idaṃ pucchanaṃ sāvasesaṃ. Vissajjanassa pana sāvasesato veneyyajjhāsayavasena desanāyaṃ veditabbā. Apāṭihīrakaṃ sauttaraṃ sappāṭihīrakaṃ niruttaraṃ, sesaṃ vicayahāraniddese suviññeyyamevāti –

    вуд̇д̇ова. сам̣ван̣н̣анаасу вуд̇д̇о ад̇т̇о анаагуло баагадо яад̇ибод̇зхи вин̃н̃аад̇о, со саб̣б̣ад̇т̇а амхзхи на вибхад̇д̇од̇и д̣̇адтаб̣б̣о.

    Vuttova. Saṃvaṇṇanāsu vutto attho anākulo pākaṭo yatipotehi viññāto, so sabbattha amhehi na vibhattoti daṭṭhabbo.

    вижаяахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо яуд̇д̇ихааранид̣̇д̣̇зсо’’д̇и бужчид̇аб̣б̣ад̇д̇аа –

    Vicayahāraniddeso niddiṭṭho, amhehi ca ñāto, ‘‘katamo yuttihāraniddeso’’ti pucchitabbattā –

    3.

    3.

    ‘‘саб̣б̣зсам̣ хаараанам̣, яаа бхуумий яо жа г̇ожаро д̇зсам̣.

    ‘‘Sabbesaṃ hārānaṃ, yā bhūmī yo ca gocaro tesaṃ.

    яуд̇д̇ааяуд̇д̇абаригкаа, хааро яуд̇д̇ийд̇и нид̣̇д̣̇идто’’д̇и. –

    Yuttāyuttaparikkhā, hāro yuttīti niddiṭṭho’’ti. –

    г̇аат̇аа вуд̇д̇аа. д̇ад̇т̇а саб̣б̣зсам̣ сол̣асаннам̣ хаараанам̣ яаа бхууми бавад̇д̇анадтаанабхууд̇ам̣ б̣яан̃ж̇анам̣, яо г̇ожаро суд̇д̇ад̇т̇о жа ад̇т̇и, д̇зсам̣ бхуумисан̇каад̇аб̣яан̃ж̇анаг̇ожарасан̇каад̇асуд̇д̇ад̇т̇аанам̣ яаа яуд̇д̇ааяуд̇д̇абаригкаа яуд̇д̇ааяуд̇д̇ийнам̣ вижааран̣аа сам̣ван̣н̣анаа гад̇аа, со яуд̇д̇иаяуд̇д̇ибаригкаавижааран̣асан̇каад̇о сам̣ван̣н̣анаависзсо ‘‘яуд̇д̇и хааро’’д̇и нид̣̇д̣̇идтод̇и ад̇т̇аяож̇анаа.

    Gāthā vuttā. Tattha sabbesaṃ soḷasannaṃ hārānaṃ yā bhūmi pavattanaṭṭhānabhūtaṃ byañjanaṃ, yo gocaro suttattho ca atthi, tesaṃ bhūmisaṅkhātabyañjanagocarasaṅkhātasuttatthānaṃ yā yuttāyuttaparikkhā yuttāyuttīnaṃ vicāraṇā saṃvaṇṇanā katā, so yuttiayuttiparikkhāvicāraṇasaṅkhāto saṃvaṇṇanāviseso ‘‘yutti hāro’’ti niddiṭṭhoti atthayojanā.

    д̇зсам̣ хаараанам̣ бхуумибхууд̇асса суд̇д̇з ааг̇ад̇асса б̣яан̃ж̇анасса яуд̇д̇ибхааво д̣̇увид̇хо сабхааванируд̇д̇ибхааво, ад̇хиббзд̇ад̇т̇аваажагабхааво жа. г̇ожарабхууд̇асса бана суд̇д̇з ааг̇ад̇асса яуд̇д̇ибхааво суд̇д̇авинаяад̇хаммад̇аахи авиломанам̣. аяуд̇д̇ибхааво вуд̇д̇авибарияааязна г̇ахзд̇аб̣б̣о.

    Tesaṃ hārānaṃ bhūmibhūtassa sutte āgatassa byañjanassa yuttibhāvo duvidho sabhāvaniruttibhāvo, adhippetatthavācakabhāvo ca. Gocarabhūtassa pana sutte āgatassa yuttibhāvo suttavinayadhammatāhi avilomanaṃ. Ayuttibhāvo vuttavipariyāyena gahetabbo.

    яуд̇д̇ихааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо бад̣̇адтаанахааранид̣̇д̣̇зсо’’д̇и бужчид̇аб̣б̣ад̇д̇аа –

    Yuttihāraniddeso niddiṭṭho, amhehi ca ñāto, ‘‘katamo padaṭṭhānahāraniddeso’’ti pucchitabbattā –

    4.

    4.

    ‘‘д̇хаммам̣ д̣̇зсзд̇и ж̇ино, д̇асса жа д̇хаммасса яам̣ бад̣̇адтаанам̣.

    ‘‘Dhammaṃ deseti jino, tassa ca dhammassa yaṃ padaṭṭhānaṃ.

    ид̇и яаава саб̣б̣ад̇хаммаа, зсо хааро бад̣̇адтаано’’д̇и. –

    Iti yāva sabbadhammā, eso hāro padaṭṭhāno’’ti. –

    г̇аат̇аа вуд̇д̇аа. д̇ад̇т̇а д̇хамманд̇и яам̣ гин̃жи гусалаад̣̇ид̇хаммам̣ суд̇д̇з ж̇ино д̣̇зсзд̇и, д̇асса суд̇д̇з ж̇инзна д̣̇зсид̇асса гусалаад̣̇ид̇хаммасса яан̃жа бад̣̇адтаанам̣ нид̣̇д̇хаарзд̇аб̣б̣ам̣, д̇ам̣ д̇ам̣ бад̣̇адтаанан̃жаад̇и звам̣ вуд̇д̇анаязна яаава яад̇д̇агаа саб̣б̣з д̇хаммаа суд̇д̇з ж̇инзна д̣̇зсид̇аа, д̇ад̇д̇агаанам̣ саб̣б̣зсам̣ д̇хаммаанам̣ яан̃жа бад̣̇адтаанам̣ нид̣̇д̇хаарзд̇аб̣б̣ам̣, д̇асса жа бад̣̇адтаанасса яан̃жа бад̣̇адтаанам̣ нид̣̇д̇хаарзд̇аб̣б̣ам̣, д̇ам̣ д̇ам̣ бад̣̇адтаанан̃жа, ид̇и звам̣ вуд̇д̇анаязна яаава яад̇д̇агаа саб̣б̣з бад̣̇адтаанад̇хаммаа нид̣̇д̇хаарзд̇аб̣б̣аава, д̇ад̇д̇агаани саб̣б̣аани д̇хаммабад̣̇адтаанаани яат̇аануруубам̣ нид̣̇д̇хаарзд̇ваа язна сам̣ван̣н̣анаависзсзна гат̇ид̇аани, зсо сам̣ван̣н̣анаависзсо ‘‘бад̣̇адтаано хааро’’д̇и нид̣̇д̣̇идтод̇и ад̇т̇аяож̇анаа.

    Gāthā vuttā. Tattha dhammanti yaṃ kiñci kusalādidhammaṃ sutte jino deseti, tassa sutte jinena desitassa kusalādidhammassa yañca padaṭṭhānaṃ niddhāretabbaṃ, taṃ taṃ padaṭṭhānañcāti evaṃ vuttanayena yāva yattakā sabbe dhammā sutte jinena desitā, tattakānaṃ sabbesaṃ dhammānaṃ yañca padaṭṭhānaṃ niddhāretabbaṃ, tassa ca padaṭṭhānassa yañca padaṭṭhānaṃ niddhāretabbaṃ, taṃ taṃ padaṭṭhānañca, iti evaṃ vuttanayena yāva yattakā sabbe padaṭṭhānadhammā niddhāretabbāva, tattakāni sabbāni dhammapadaṭṭhānāni yathānurūpaṃ niddhāretvā yena saṃvaṇṇanāvisesena kathitāni, eso saṃvaṇṇanāviseso ‘‘padaṭṭhāno hāro’’ti niddiṭṭhoti atthayojanā.

    суд̇д̇з д̣̇зсид̇агусалад̇хаммасса яонисоманасигаарасад̣̇д̇хаммассаванасаббурисуубаниссаяаад̣̇и бад̣̇адтаанам̣, суд̇д̇з д̣̇зсид̇аагусалад̇хаммасса аяонисоманасигаараасад̣̇д̇хаммассаванаасаббурисуубаниссаяаад̣̇и бад̣̇адтаанам̣, аб̣яаагад̇асса д̇хаммасса яат̇аарахам̣ гусалаагусалааб̣яаагад̇аа бад̣̇адтаананд̇иаад̣̇инаа нид̣̇д̇хаарзд̇аб̣б̣анд̇и.

    Sutte desitakusaladhammassa yonisomanasikārasaddhammassavanasappurisūpanissayādi padaṭṭhānaṃ, sutte desitaakusaladhammassa ayonisomanasikāraasaddhammassavanaasappurisūpanissayādi padaṭṭhānaṃ, abyākatassa dhammassa yathārahaṃ kusalākusalābyākatā padaṭṭhānantiādinā niddhāretabbanti.

    бад̣̇адтаанахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо лагкан̣ахааранид̣̇д̣̇зсо’’д̇и бужчид̇аб̣б̣ад̇д̇аа –

    Padaṭṭhānahāraniddeso niddiṭṭho, amhehi ca ñāto, ‘‘katamo lakkhaṇahāraniddeso’’ti pucchitabbattā –

    5.

    5.

    ‘‘вуд̇д̇амхи згад̇хаммз, яз д̇хаммаа згалагкан̣аа гзжи.

    ‘‘Vuttamhi ekadhamme, ye dhammā ekalakkhaṇā keci.

    вуд̇д̇аа бхаванд̇и саб̣б̣з, со хааро лагкан̣о наамаа’’д̇и. –

    Vuttā bhavanti sabbe, so hāro lakkhaṇo nāmā’’ti. –

    г̇аат̇аа вуд̇д̇аа. д̇ад̇т̇а згад̇хаммз суд̇д̇з бхаг̇авад̇аа вуд̇д̇амхи, адтагат̇ааяам̣ нид̣̇д̇хаарид̇з ваа сад̇и д̇зна д̇хаммзна яз гзжи д̇хаммаа згалагкан̣аа бхаванд̇и, саб̣б̣з д̇з д̇хаммаа суд̇д̇з саруубад̇о авуд̇д̇ааби самааналагкан̣ад̇ааяа сам̣ван̣н̣зд̇аб̣б̣абхаавзна аанзд̇ваа язна сам̣ван̣н̣анаависзсзна вуд̇д̇аа бхаванд̇и, со сам̣ван̣н̣анаависзсо ‘‘лагкан̣о наама хааро’’д̇и нид̣̇д̣̇идтод̇и ад̇т̇аяож̇анаа.

    Gāthā vuttā. Tattha ekadhamme sutte bhagavatā vuttamhi, aṭṭhakathāyaṃ niddhārite vā sati tena dhammena ye keci dhammā ekalakkhaṇā bhavanti, sabbe te dhammā sutte sarūpato avuttāpi samānalakkhaṇatāya saṃvaṇṇetabbabhāvena ānetvā yena saṃvaṇṇanāvisesena vuttā bhavanti, so saṃvaṇṇanāviseso ‘‘lakkhaṇo nāma hāro’’ti niddiṭṭhoti atthayojanā.

    згам̣ самаанам̣ лагкан̣ам̣ зд̇зсанд̇и згалагкан̣аа, самааналагкан̣аа, сахажаарид̇ааяа ваа самаанагижжад̇ааяа ваа самаанахзд̇уд̇ааяа ваа самаанапалад̇ааяа ваа самаанаарамман̣ад̇ааяа ваа авуд̇д̇ааби нид̣̇д̇хаарид̇аад̇и. гат̇ам̣ ? – ‘‘наанад̇д̇агааяаанаанад̇д̇асан̃н̃ино (д̣̇ий. ни. 3.341, 357, 359; а. ни. 9.24), наанад̇д̇асан̃н̃аанам̣ аманасигаараа’’д̇иаад̣̇ийсу сахажаарид̇ааяа сан̃н̃ааяа сахаг̇ад̇аа д̇хаммаа нид̣̇д̇хаарид̇аа. ‘‘д̣̇ад̣̇ам̣ мид̇д̇аани г̇ант̇ад̇ий’’д̇иаад̣̇ийсу (сам̣. ни. 1.246; су. ни. 189) самаанагижжад̇аа, бияаважанаад̇т̇ажарияаа самаанад̇т̇ад̇ааби нид̣̇д̇хаарид̇аа, ‘‘пассабажжаяаа взд̣̇анаа’’д̇иаад̣̇ийсу (ма. ни. 3.126; сам̣. ни. 2.1; махаава. 1; вибха. 225; уд̣̇аа. 1; нзд̇д̇и. 24) самаанахзд̇уд̇ааяа сан̃н̃аад̣̇аяоби нид̣̇д̇хаарид̇аа, ‘‘авиж̇ж̇аабажжаяаа сан̇каараа’’д̇иаад̣̇ийсу (ма. ни. 3.126; сам̣. ни. 2.1; махаава. 1; вибха. 225; уд̣̇аа. 1; нзд̇д̇и. 24) самаанапалад̇ааяа д̇ан̣хубаад̣̇аанаад̣̇аяоби нид̣̇д̇хаарид̇аа, ‘‘руубам̣ ассаад̣̇зд̇и абхинанд̣̇ад̇и, д̇ам̣ аараб̣бха рааг̇о уббаж̇ж̇ад̇ий’’д̇иаад̣̇ийсу (бадтаа. 1.1.424) самаанаарамман̣ад̇ааяа д̇ам̣самбаяуд̇д̇аа взд̣̇анаад̣̇аяоби нид̣̇д̇хаарид̇аа, нид̣̇д̇хаарзд̇ваа вад̇д̇аб̣б̣аад̇и ад̇т̇од̇и. вид̇т̇ааро вибхан̇г̇аваарз (нзд̇д̇и. 23) ааг̇амиссад̇и.

    Ekaṃ samānaṃ lakkhaṇaṃ etesanti ekalakkhaṇā, samānalakkhaṇā, sahacāritāya vā samānakiccatāya vā samānahetutāya vā samānaphalatāya vā samānārammaṇatāya vā avuttāpi niddhāritāti. Kathaṃ ? – ‘‘Nānattakāyānānattasaññino (dī. ni. 3.341, 357, 359; a. ni. 9.24), nānattasaññānaṃ amanasikārā’’tiādīsu sahacāritāya saññāya sahagatā dhammā niddhāritā. ‘‘Dadaṃ mittāni ganthatī’’tiādīsu (saṃ. ni. 1.246; su. ni. 189) samānakiccatā, piyavacanaatthacariyā samānatthatāpi niddhāritā, ‘‘phassapaccayā vedanā’’tiādīsu (ma. ni. 3.126; saṃ. ni. 2.1; mahāva. 1; vibha. 225; udā. 1; netti. 24) samānahetutāya saññādayopi niddhāritā, ‘‘avijjāpaccayā saṅkhārā’’tiādīsu (ma. ni. 3.126; saṃ. ni. 2.1; mahāva. 1; vibha. 225; udā. 1; netti. 24) samānaphalatāya taṇhupādānādayopi niddhāritā, ‘‘rūpaṃ assādeti abhinandati, taṃ ārabbha rāgo uppajjatī’’tiādīsu (paṭṭhā. 1.1.424) samānārammaṇatāya taṃsampayuttā vedanādayopi niddhāritā, niddhāretvā vattabbāti atthoti. Vitthāro vibhaṅgavāre (netti. 23) āgamissati.

    лагкан̣о хааро нид̣̇д̣̇идто, амхзхи жа н̃аад̇о, ‘‘гад̇амо жад̇уб̣яуухо хааро’’д̇и бужчид̇аб̣б̣ад̇д̇аа –

    Lakkhaṇo hāro niddiṭṭho, amhehi ca ñāto, ‘‘katamo catubyūho hāro’’ti pucchitabbattā –

    6.

    6.

    ‘‘нзруд̇д̇амад̇хиббааяо , б̣яан̃ж̇анамат̇а д̣̇зсанаанид̣̇аанан̃жа;

    ‘‘Neruttamadhippāyo , byañjanamatha desanānidānañca;

    буб̣б̣аабараанусанд̇хий, зсо хааро жад̇уб̣яуухо’’д̇и. –

    Pubbāparānusandhī, eso hāro catubyūho’’ti. –

    г̇аат̇аа вуд̇д̇аа. д̇ад̇т̇а нзруд̇д̇ам̣ суд̇д̇абад̣̇аниб̣б̣ажанан̃жа б̣уд̣̇д̇хаанам̣ д̇асса д̇асса суд̇д̇асса д̣̇зсагаанам̣, саавагаанам̣ ваа ад̇хиббааяо жа ад̇т̇аб̣яан̃ж̇анзна б̣яан̃ж̇анамукзна д̣̇зсанаанид̣̇аанан̃жа буб̣б̣аабарзна анусанд̇хи жа зд̇з нируд̇д̇аад̣̇аяо язна сам̣ван̣н̣анаависзсзна вибхаавийяанд̇и, зсо сам̣ван̣н̣анаависзсо ‘‘жад̇уб̣яуухо хааро’’д̇и нид̣̇д̣̇идто. д̣̇зсанаабавад̇д̇инимид̇д̇ам̣ д̣̇зсагасса аж̇жхаасаяаад̣̇и д̣̇зсанаанид̣̇аанам̣ наама. жад̇уб̣яуухахаарасса б̣ахувисаяад̇д̇аа вибхан̇г̇з (нзд̇д̇и. 25 аад̣̇аяо) лагкан̣асамбад̇д̇им̣ гад̇ваа гат̇аяиссаама.

    Gāthā vuttā. Tattha neruttaṃ suttapadanibbacanañca buddhānaṃ tassa tassa suttassa desakānaṃ, sāvakānaṃ vā adhippāyo ca atthabyañjanena byañjanamukhena desanānidānañca pubbāparena anusandhi ca ete niruttādayo yena saṃvaṇṇanāvisesena vibhāvīyanti, eso saṃvaṇṇanāviseso ‘‘catubyūho hāro’’ti niddiṭṭho. Desanāpavattinimittaṃ desakassa ajjhāsayādi desanānidānaṃ nāma. Catubyūhahārassa bahuvisayattā vibhaṅge (netti. 25 ādayo) lakkhaṇasampattiṃ katvā kathayissāma.

    жад̇уб̣яуухахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо ааваддахааранид̣̇д̣̇зсо’’д̇и бужчид̇аб̣б̣ад̇д̇аа –

    Catubyūhahāraniddeso niddiṭṭho, amhehi ca ñāto, ‘‘katamo āvaṭṭahāraniddeso’’ti pucchitabbattā –

    7.

    7.

    ‘‘згамхи бад̣̇адтаанз, бариязсад̇и сзсагам̣ бад̣̇адтаанам̣;

    ‘‘Ekamhi padaṭṭhāne, pariyesati sesakaṃ padaṭṭhānaṃ;

    ааваддад̇и бадибагкз, ааваддо наама со хааро’’д̇и. –

    Āvaṭṭati paṭipakkhe, āvaṭṭo nāma so hāro’’ti. –

    г̇аат̇аа вуд̇д̇аа. д̇ад̇т̇а бараггамад̇хаад̇уаад̣̇ийнам̣ бад̣̇адтаанз згамхи аарамбхад̇хаад̇уаад̣̇игз д̣̇зсанаарул̣хз сад̇и висабхааг̇ад̇ааяа ваа сзсагам̣ бад̣̇адтаанам̣ бариязсад̇и , д̣̇зсанааяа саруубад̇о аг̇г̇ахан̣зна ваа сзсагам̣ бад̣̇адтаанам̣ бариязсад̇и, язна сам̣ван̣н̣анаависзсзна бариязсид̇ваа яож̇знд̇о д̣̇зсанам̣ бамаад̣̇аад̣̇ийнам̣ бад̣̇адтаанабхууд̇з госаж̇ж̇аад̣̇игз бадибагкз ааваддад̇и ааваддаабзд̇и, со сам̣ван̣н̣анаависзсо ‘‘ааваддо хааро наамаа’’д̇и нид̣̇д̣̇идтод̇и ад̇т̇аяож̇анаа.

    Gāthā vuttā. Tattha parakkamadhātuādīnaṃ padaṭṭhāne ekamhi ārambhadhātuādike desanāruḷhe sati visabhāgatāya vā sesakaṃ padaṭṭhānaṃ pariyesati , desanāya sarūpato aggahaṇena vā sesakaṃ padaṭṭhānaṃ pariyesati, yena saṃvaṇṇanāvisesena pariyesitvā yojento desanaṃ pamādādīnaṃ padaṭṭhānabhūte kosajjādike paṭipakkhe āvaṭṭati āvaṭṭāpeti, so saṃvaṇṇanāviseso ‘‘āvaṭṭo hāro nāmā’’ti niddiṭṭhoti atthayojanā.

    ‘‘бадибагкз’’д̇и ид̣̇ам̣ нид̣̇ассанамад̇д̇ам̣, сзсзби сабхааг̇з аавадданад̇о. на хи аарамбхад̇хаад̇уаад̣̇игз д̣̇зсанаарул̣хз сад̇и д̇аббадибагкз госаж̇ж̇аад̣̇игзязва д̣̇зсанам̣ ааваддзд̇и, ат̇а ко авасзсавийрияаарамбхаад̣̇игзби д̣̇зсанам̣ ааваддзд̇ийд̇и.

    ‘‘Paṭipakkhe’’ti idaṃ nidassanamattaṃ, sesepi sabhāge āvaṭṭanato. Na hi ārambhadhātuādike desanāruḷhe sati tappaṭipakkhe kosajjādikeyeva desanaṃ āvaṭṭeti, atha kho avasesavīriyārambhādikepi desanaṃ āvaṭṭetīti.

    ааваддахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо вибхад̇д̇ихааранид̣̇д̣̇зсо’’д̇и бужчид̇аб̣б̣ад̇д̇аа –

    Āvaṭṭahāraniddeso niddiṭṭho, amhehi ca ñāto, ‘‘katamo vibhattihāraniddeso’’ti pucchitabbattā –

    8.

    8.

    ‘‘д̇хамман̃жа бад̣̇адтаанам̣, бхуумин̃жа вибхаж̇ад̇з аяам̣ хааро.

    ‘‘Dhammañca padaṭṭhānaṃ, bhūmiñca vibhajate ayaṃ hāro.

    саад̇хааран̣з асаад̇хааран̣з жа нзяяо вибхад̇д̇ий’’д̇и. –

    Sādhāraṇe asādhāraṇe ca neyyo vibhattī’’ti. –

    г̇аат̇аа вуд̇д̇аа. д̇ад̇т̇а гусалаад̣̇ивасзна анзгавид̇хам̣ сабхаавад̇хамман̃жа д̣̇аанасийлаад̣̇ибад̣̇адтаанан̃жа ‘‘д̣̇ассанабхууми бхааванаабхуумий’’д̇и звамаад̣̇игам̣ бхуумин̃жа саад̇хааран̣з жа асаад̇хааран̣з жа язна сам̣ван̣н̣анаависзсзна вибхаж̇ад̇з, со сам̣ван̣н̣анаависзсо ‘‘вибхад̇д̇и хааро’’д̇и нзяяод̇и ад̇т̇аяож̇анаа.

    Gāthā vuttā. Tattha kusalādivasena anekavidhaṃ sabhāvadhammañca dānasīlādipadaṭṭhānañca ‘‘dassanabhūmi bhāvanābhūmī’’ti evamādikaṃ bhūmiñca sādhāraṇe ca asādhāraṇe ca yena saṃvaṇṇanāvisesena vibhajate, so saṃvaṇṇanāviseso ‘‘vibhatti hāro’’ti neyyoti atthayojanā.

    ‘‘имасмим̣ суд̇д̇з вуд̇д̇аа гусалаа ваасанаабхааг̇ияаа, имасмим̣ суд̇д̇з вуд̇д̇аа гусалаа ниб̣б̣зд̇хабхааг̇ияаа’’д̇яаад̣̇инаа, ‘‘имасмим̣ суд̇д̇з вуд̇д̇аа агусалаа гилзсабхааг̇ияаа’’д̇яаад̣̇инаа д̇хамман̃жа, ‘‘ид̣̇ам̣ сийлам̣ имасса махаг̇г̇ад̇ависзсасса бад̣̇адтаанам̣, ид̣̇ам̣ сийлам̣ ид̣̇ам̣ жхаанам̣ имасса логуд̇д̇арасса бад̣̇адтаана’’нд̇яаад̣̇инаа бад̣̇адтаанан̃жа, ‘‘д̣̇ассанабахаад̇аб̣б̣асса бут̇уж̇ж̇ано бхууми, бхааванаабахаад̇аб̣б̣асса сод̇аабаннаад̣̇аяо бхууми’’д̇яаад̣̇инаа бхуумин̃жа, ‘‘гаамарааг̇аб̣яаабаад̣̇аа бут̇уж̇ж̇анасод̇аабаннаанам̣ саад̇хааран̣аа’’д̇яаад̣̇инаа саад̇хааран̣з жа, ‘‘гаамарааг̇аб̣яаабаад̣̇аа анааг̇аамиараханд̇аанам̣ асаад̇хааран̣аа’’д̇яаад̣̇инаа асаад̇хааран̣з жа язна вибхаж̇ад̇и, со вибхад̇д̇и хааро наамаад̇иаад̣̇инаа (нзд̇д̇и. 33-34) вид̇т̇аарзд̇ваа вибхаж̇анаагааро г̇ахзд̇аб̣б̣о.

    ‘‘Imasmiṃ sutte vuttā kusalā vāsanābhāgiyā, imasmiṃ sutte vuttā kusalā nibbedhabhāgiyā’’tyādinā, ‘‘imasmiṃ sutte vuttā akusalā kilesabhāgiyā’’tyādinā dhammañca, ‘‘idaṃ sīlaṃ imassa mahaggatavisesassa padaṭṭhānaṃ, idaṃ sīlaṃ idaṃ jhānaṃ imassa lokuttarassa padaṭṭhāna’’ntyādinā padaṭṭhānañca, ‘‘dassanapahātabbassa puthujjano bhūmi, bhāvanāpahātabbassa sotāpannādayo bhūmi’’tyādinā bhūmiñca, ‘‘kāmarāgabyāpādā puthujjanasotāpannānaṃ sādhāraṇā’’tyādinā sādhāraṇe ca, ‘‘kāmarāgabyāpādā anāgāmiarahantānaṃ asādhāraṇā’’tyādinā asādhāraṇe ca yena vibhajati, so vibhatti hāro nāmātiādinā (netti. 33-34) vitthāretvā vibhajanākāro gahetabbo.

    вибхад̇д̇ихааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо баривад̇д̇анахааранид̣̇д̣̇зсо’’д̇и бужчид̇аб̣б̣ад̇д̇аа –

    Vibhattihāraniddeso niddiṭṭho, amhehi ca ñāto, ‘‘katamo parivattanahāraniddeso’’ti pucchitabbattā –

    9.

    9.

    ‘‘гусалаагусалз д̇хаммз, нид̣̇д̣̇идтз бхаавид̇з бахийнз жа.

    ‘‘Kusalākusale dhamme, niddiṭṭhe bhāvite pahīne ca.

    баривад̇д̇ад̇и бадибагкз, хааро баривад̇д̇ано наамаа’’д̇и. –

    Parivattati paṭipakkhe, hāro parivattano nāmā’’ti. –

    г̇аат̇аа вуд̇д̇аа. д̇ад̇т̇а суд̇д̇з бхаавид̇з бхаавид̇аб̣б̣з гусалз анаваж̇ж̇ад̇хаммз нид̣̇д̣̇идтз гат̇ид̇з, сам̣ван̣н̣ид̇з ваа бахийнз бахаад̇аб̣б̣з агусалз сааваж̇ж̇ад̇хаммз нид̣̇д̣̇идтз гат̇ид̇з, сам̣ван̣н̣ид̇з ваа д̇зсам̣ д̇хаммаанам̣ бадибагкз вибарийд̇ад̇хаммз язна сам̣ван̣н̣анаависзсзна баривад̇д̇ад̇и баривад̇д̇зд̇и, со сам̣ван̣н̣анаависзсо ‘‘баривад̇д̇ано хааро наамаа’’д̇и взд̣̇ид̇аб̣б̣од̇и ад̇т̇аяож̇анаа.

    Gāthā vuttā. Tattha sutte bhāvite bhāvitabbe kusale anavajjadhamme niddiṭṭhe kathite, saṃvaṇṇite vā pahīne pahātabbe akusale sāvajjadhamme niddiṭṭhe kathite, saṃvaṇṇite vā tesaṃ dhammānaṃ paṭipakkhe viparītadhamme yena saṃvaṇṇanāvisesena parivattati parivatteti, so saṃvaṇṇanāviseso ‘‘parivattano hāro nāmā’’ti veditabboti atthayojanā.

    ‘‘саммаад̣̇идтисса бурисабуг̇г̇аласса мижчаад̣̇идти ниж̇ж̇ин̣н̣аа бхавад̇ий’’д̇иаад̣̇инаа жа ‘‘яасса ваа баан̣аад̇ибаад̇аа бадивирад̇асса баан̣аад̇ибаад̇о бахийно’’д̇иаад̣̇инаа жа ‘‘бхун̃ж̇ид̇аб̣б̣аа гаамаа …бз… гаамзхи взраман̣ий д̇зсам̣ ад̇хаммо’’д̇иаад̣̇инаа жа бадибагкз баривад̇д̇анабхаавам̣ вибхан̇г̇аваарз (нзд̇д̇и. 35 аад̣̇аяо) вагкад̇ийд̇и на вид̇т̇аарид̇аа.

    ‘‘Sammādiṭṭhissa purisapuggalassa micchādiṭṭhi nijjiṇṇā bhavatī’’tiādinā ca ‘‘yassa vā pāṇātipātā paṭiviratassa pāṇātipāto pahīno’’tiādinā ca ‘‘bhuñjitabbā kāmā …pe… kāmehi veramaṇī tesaṃ adhammo’’tiādinā ca paṭipakkhe parivattanabhāvaṃ vibhaṅgavāre (netti. 35 ādayo) vakkhatīti na vitthāritā.

    баривад̇д̇анахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо взважанахааранид̣̇д̣̇зсо’’д̇и бужчид̇аб̣б̣ад̇д̇аа –

    Parivattanahāraniddeso niddiṭṭho, amhehi ca ñāto, ‘‘katamo vevacanahāraniddeso’’ti pucchitabbattā –

    10.

    10.

    ‘‘взважанаани б̣ахууни д̇у, суд̇д̇з вуд̇д̇аани згад̇хаммасса.

    ‘‘Vevacanāni bahūni tu, sutte vuttāni ekadhammassa.

    яо ж̇аанаад̇и суд̇д̇авид̣̇уу, взважано наама со хааро’’д̇и. –

    Yo jānāti suttavidū, vevacano nāma so hāro’’ti. –

    г̇аат̇аа вуд̇д̇аа. д̇ад̇т̇а згад̇хаммасса бад̣̇ад̇т̇асса суд̇д̇з вуд̇д̇аани д̇у вуд̇д̇аани зва, б̣ахууни д̇у б̣ахууни зва взважанаани язна сам̣ван̣н̣анаависзсзна яо суд̇д̇авид̣̇уу ж̇аанаад̇и, ж̇аанид̇ваа згасмим̣язва бад̣̇ад̇т̇з яож̇зд̇и, д̇асса суд̇д̇авид̣̇уно со сам̣ван̣н̣анаависзсо ‘‘взважано наама хааро’’д̇и нид̣̇д̣̇идтод̇и ад̇т̇аяож̇анаа.

    Gāthā vuttā. Tattha ekadhammassa padatthassa sutte vuttāni tu vuttāni eva, bahūni tu bahūni eva vevacanāni yena saṃvaṇṇanāvisesena yo suttavidū jānāti, jānitvā ekasmiṃyeva padatthe yojeti, tassa suttaviduno so saṃvaṇṇanāviseso ‘‘vevacano nāma hāro’’ti niddiṭṭhoti atthayojanā.

    зд̇т̇а жа яо со-сад̣̇д̣̇аа асамаанад̇т̇аа жа хонд̇ийд̇и ‘‘яо суд̇д̇авид̣̇уу’’д̇и вад̇ваа ‘‘со сам̣ван̣н̣анаависзсо’’д̇и вуд̇д̇анд̇и. ‘‘бхаг̇аваа’’д̇и бад̣̇асса згасмим̣язва ад̇т̇з бхаг̇авад̇и ‘‘арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа, паланибпад̇д̇иг̇ад̇о взсаараж̇ж̇аббад̇д̇о ад̇хиг̇ад̇абадисамбхид̣̇о жад̇уяог̇авиббахийно аг̇ад̇иг̇аманавийд̇ивад̇д̇о уд̣̇д̇хадасалло нирул̣хаван̣о мад̣̇д̣̇ид̇аган̣даго ниб̣б̣аабид̇абарияудтаано б̣анд̇ханаад̇ийд̇о г̇ант̇авинивзтано аж̇жхаасаяавийд̇ивад̇д̇о бхиннанд̇хагааро жагкумаа логад̇хаммасамад̇игганд̇о анурод̇хавирод̇хавиббаяуд̇д̇о идтаанидтзсу д̇хаммзсу асан̇кзбаг̇ад̇о б̣анд̇ханаад̇ивад̇д̇о табид̇асан̇г̇аамо абхигганд̇ад̇аро уггаад̇харо аалогагаро баж̇ж̇од̇агаро д̇амонуд̣̇о ран̣ан̃ж̇ахо абаримаан̣аван̣н̣о аббамзяяаван̣н̣о асан̇кзяяаван̣н̣о аабхан̇гаро бабхан̇гаро д̇хаммобхаасабаж̇ж̇од̇агаро’’д̇и (нзд̇д̇и. 38) звамаад̣̇ийни б̣ахууни взважанаани яож̇ид̇аани. вид̇т̇ааро вибхан̇г̇аваарз (нзд̇д̇и. 37 аад̣̇аяо) ааг̇амиссад̇и.

    Ettha ca yo so-saddā asamānatthā ca hontīti ‘‘yo suttavidū’’ti vatvā ‘‘so saṃvaṇṇanāviseso’’ti vuttanti. ‘‘Bhagavā’’ti padassa ekasmiṃyeva atthe bhagavati ‘‘arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā, phalanipphattigato vesārajjappatto adhigatapaṭisambhido catuyogavippahīno agatigamanavītivatto uddhaṭasallo niruḷhavaṇo madditakaṇṭako nibbāpitapariyuṭṭhāno bandhanātīto ganthaviniveṭhano ajjhāsayavītivatto bhinnandhakāro cakkhumā lokadhammasamatikkanto anurodhavirodhavippayutto iṭṭhāniṭṭhesu dhammesu asaṅkhepagato bandhanātivatto ṭhapitasaṅgāmo abhikkantataro ukkādharo ālokakaro pajjotakaro tamonudo raṇañjaho aparimāṇavaṇṇo appameyyavaṇṇo asaṅkheyyavaṇṇo ābhaṅkaro pabhaṅkaro dhammobhāsapajjotakaro’’ti (netti. 38) evamādīni bahūni vevacanāni yojitāni. Vitthāro vibhaṅgavāre (netti. 37 ādayo) āgamissati.

    взважанахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо бан̃н̃ад̇д̇ихааранид̣̇д̣̇зсо’’д̇и бужчид̇аб̣б̣ад̇д̇аа –

    Vevacanahāraniddeso niddiṭṭho, amhehi ca ñāto, ‘‘katamo paññattihāraniddeso’’ti pucchitabbattā –

    11.

    11.

    ‘‘згам̣ бхаг̇аваа д̇хаммам̣, бан̃н̃ад̇д̇ийхи вивид̇хаахи д̣̇зсзд̇и.

    ‘‘Ekaṃ bhagavā dhammaṃ, paññattīhi vividhāhi deseti.

    со аагааро н̃зяяо, бан̃н̃ад̇д̇ий наама со хааро’’д̇и. –

    So ākāro ñeyyo, paññattī nāma so hāro’’ti. –

    г̇аат̇аа вуд̇д̇аа. д̇ад̇т̇а бхаг̇аваа згам̣ канд̇хаад̣̇ид̇хаммам̣ вивид̇хаахи нигкзбаббабхавабан̃н̃ад̇д̇аад̣̇ийхи бан̃н̃ад̇д̇ийхи язна бан̃н̃аабзд̇аб̣б̣аагаарзна д̣̇зсзд̇и, со бан̃н̃аабзд̇аб̣б̣аагааро язна сам̣ван̣н̣анаависзсзна вибхаавид̇о, со сам̣ван̣н̣анаависзсо ‘‘бан̃н̃ад̇д̇и хааро наамаа’’д̇и н̃зяяод̇и ад̇т̇аяож̇анаа.

    Gāthā vuttā. Tattha bhagavā ekaṃ khandhādidhammaṃ vividhāhi nikkhepappabhavapaññattādīhi paññattīhi yena paññāpetabbākārena deseti, so paññāpetabbākāro yena saṃvaṇṇanāvisesena vibhāvito, so saṃvaṇṇanāviseso ‘‘paññatti hāro nāmā’’ti ñeyyoti atthayojanā.

    д̇ад̇т̇а вивид̇хаахи бан̃н̃ад̇д̇ийхи нигкзбабан̃н̃ад̇д̇ибабхавабан̃н̃ад̇д̇ибарин̃н̃аабан̃н̃ад̇д̇ибахаанабан̃н̃ад̇д̇и- бхааванаабан̃н̃ад̇д̇исажчигирияаабан̃н̃ад̇д̇инирод̇хабан̃н̃ад̇д̇иниб̣б̣ид̣̇аабан̃н̃ад̇д̇ийд̇и звамаад̣̇ибан̃н̃ад̇д̇ийхи згабад̣̇ад̇т̇ассзва бан̃н̃аабзд̇аб̣б̣аагааравибхааванаалагкан̣о сам̣ван̣н̣анаависзсо бан̃н̃ад̇д̇и хааро наамаад̇и.

    Tattha vividhāhi paññattīhi nikkhepapaññattipabhavapaññattipariññāpaññattipahānapaññatti- bhāvanāpaññattisacchikiriyāpaññattinirodhapaññattinibbidāpaññattīti evamādipaññattīhi ekapadatthasseva paññāpetabbākāravibhāvanālakkhaṇo saṃvaṇṇanāviseso paññatti hāro nāmāti.

    д̇ад̇т̇а ‘‘ид̣̇ам̣ д̣̇угка’’нд̇и аяам̣ бан̃н̃ад̇д̇и бан̃жаннам̣ канд̇хаанам̣, чаннам̣ д̇хаад̇уунам̣, адтаарасаннам̣ д̇хаад̇уунам̣, д̣̇ваад̣̇асаннам̣ ааяад̇анаанам̣, д̣̇асаннам̣ инд̣̇рияаанам̣ нигкзбабан̃н̃ад̇д̇и.

    Tattha ‘‘idaṃ dukkha’’nti ayaṃ paññatti pañcannaṃ khandhānaṃ, channaṃ dhātūnaṃ, aṭṭhārasannaṃ dhātūnaṃ, dvādasannaṃ āyatanānaṃ, dasannaṃ indriyānaṃ nikkhepapaññatti.

    ‘‘габ̣ал̣ийгаарз жз, бхигкавз, аахаарз ад̇т̇и рааг̇о, ад̇т̇и нанд̣̇ий, ад̇т̇и д̇ан̣хаа, бад̇идтид̇ам̣ д̇ад̇т̇а вин̃н̃аан̣ам̣ вирул̣хам̣. яад̇т̇а бад̇идтид̇ам̣ вин̃н̃аан̣ам̣ вирул̣хам̣, ад̇т̇и д̇ад̇т̇а наамаруубасса авагганд̇и. яад̇т̇а ад̇т̇и наамаруубасса авагганд̇и, ад̇т̇и д̇ад̇т̇а сан̇каараанам̣ вуд̣̇д̇хий’’д̇и (сам̣. ни. 2.64; гат̇аа. 296) звамаад̣̇и бабхавабан̃н̃ад̇д̇и д̣̇угкасса жа самуд̣̇аяасса жаад̇и.

    ‘‘Kabaḷīkāre ce, bhikkhave, āhāre atthi rāgo, atthi nandī, atthi taṇhā, patiṭṭhitaṃ tattha viññāṇaṃ viruḷhaṃ. Yattha patiṭṭhitaṃ viññāṇaṃ viruḷhaṃ, atthi tattha nāmarūpassa avakkanti. Yattha atthi nāmarūpassa avakkanti, atthi tattha saṅkhārānaṃ vuddhī’’ti (saṃ. ni. 2.64; kathā. 296) evamādi pabhavapaññatti dukkhassa ca samudayassa cāti.

    ‘‘габ̣ал̣ийгаарз жз, бхигкавз, аахаарз над̇т̇и рааг̇о, над̇т̇и нанд̣̇ий, над̇т̇и д̇ан̣хаа’’д̇и (сам̣. ни. 2.64; гат̇аа. 296) звамаад̣̇и барин̃н̃аабан̃н̃ад̇д̇и д̣̇угкасса, ‘‘бахаанабан̃н̃ад̇д̇и самуд̣̇аяасса, бхааванаабан̃н̃ад̇д̇и маг̇г̇асса, сажчигирияаабан̃н̃ад̇д̇и нирод̇хассаа’’д̇и жа ‘‘нигкзбабан̃н̃ад̇д̇и суд̇амаяияаа бан̃н̃ааяа, сажчигирияаабан̃н̃ад̇д̇и анан̃н̃аад̇ан̃н̃ассаамийд̇инд̣̇рияасса, бавад̇д̇анаабан̃н̃ад̇д̇и д̇хаммажаггассаа’’д̇и звамаад̣̇ивид̇т̇ааро вибхан̇г̇з (нзд̇д̇и. 39 аад̣̇аяо) ааг̇амиссад̇ийд̇и.

    ‘‘Kabaḷīkāre ce, bhikkhave, āhāre natthi rāgo, natthi nandī, natthi taṇhā’’ti (saṃ. ni. 2.64; kathā. 296) evamādi pariññāpaññatti dukkhassa, ‘‘pahānapaññatti samudayassa, bhāvanāpaññatti maggassa, sacchikiriyāpaññatti nirodhassā’’ti ca ‘‘nikkhepapaññatti sutamayiyā paññāya, sacchikiriyāpaññatti anaññātaññassāmītindriyassa, pavattanāpaññatti dhammacakkassā’’ti evamādivitthāro vibhaṅge (netti. 39 ādayo) āgamissatīti.

    бан̣н̣ад̇д̇ихааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо од̇аран̣ахааранид̣̇д̣̇зсо’’д̇и бужчид̇аб̣б̣ад̇д̇аа –

    Paṇṇattihāraniddeso niddiṭṭho, amhehi ca ñāto, ‘‘katamo otaraṇahāraniddeso’’ti pucchitabbattā –

    12.

    12.

    ‘‘яо жа бадижжуббаад̣̇о, инд̣̇рияаканд̇хаа жа д̇хаад̇уааяад̇анаа.

    ‘‘Yo ca paṭiccuppādo, indriyakhandhā ca dhātuāyatanā.

    зд̇зхи од̇арад̇и яо, од̇аран̣о наама со хааро’’д̇и. –

    Etehi otarati yo, otaraṇo nāma so hāro’’ti. –

    г̇аат̇аа вуд̇д̇аа. д̇ад̇т̇а яо бадижжасамуббаад̣̇о жа яз инд̣̇рияаканд̇хаа жа яаани д̇хаад̇уааяад̇анаани жа язна сам̣ван̣н̣анаависзсзна нид̣̇д̇хаарид̇аани, зд̇зхи бадижжасамуббаад̣̇аад̣̇инд̣̇рияаканд̇хад̇хаад̇ааяад̇анзхи, суд̇д̇з ааг̇ад̇абад̣̇ад̇т̇амукзна нид̣̇д̇хаарияамаанзхи жа яо сам̣ван̣н̣анаависзсо од̇арад̇и ог̇аахад̇и бадижжасамуббаад̣̇аад̣̇игз д̇ад̇т̇а ваажагавасзна, д̇ад̇т̇а н̃аабагавасзна ваа анубависад̇и, со сам̣ван̣н̣анаависзсо од̇аран̣о хааро наамаад̇и ад̇т̇аяож̇анаа.

    Gāthā vuttā. Tattha yo paṭiccasamuppādo ca ye indriyakhandhā ca yāni dhātuāyatanāni ca yena saṃvaṇṇanāvisesena niddhāritāni, etehi paṭiccasamuppādādindriyakhandhadhātāyatanehi, sutte āgatapadatthamukhena niddhāriyamānehi ca yo saṃvaṇṇanāviseso otarati ogāhati paṭiccasamuppādādike tattha vācakavasena, tattha ñāpakavasena vā anupavisati, so saṃvaṇṇanāviseso otaraṇo hāro nāmāti atthayojanā.

    д̇ад̇т̇а инд̣̇рияаканд̇хаад̇и инд̣̇рияаани жа канд̇хаа жаад̇и инд̣̇рияаканд̇хаа. д̇хаад̇уааяад̇анаад̇и д̇хаад̇уяо жа ааяад̇анаани жа д̇хаад̇уааяад̇анаа. гат̇ам̣ од̇аран̣о? ‘‘уд̣̇д̇хам̣ ад̇хо саб̣б̣ад̇хи виббамуд̇д̇о’’д̇иаад̣̇и (нзд̇д̇и. 42) баато.

    Tattha indriyakhandhāti indriyāni ca khandhā cāti indriyakhandhā. Dhātuāyatanāti dhātuyo ca āyatanāni ca dhātuāyatanā. Kathaṃ otaraṇo? ‘‘Uddhaṃ adho sabbadhi vippamutto’’tiādi (netti. 42) pāṭho.

    уд̣̇д̇ханд̇и руубад̇хаад̇у жа аруубад̇хаад̇у жа. ад̇ход̇и гаамад̇хаад̇у. саб̣б̣ад̇хи виббамуд̇д̇од̇и д̇зд̇хаад̇угз аяам̣ асзгкаавимуд̇д̇и. д̇ааниязва асзгкаани бан̃жинд̣̇рияаани, аяам̣ инд̣̇риязхи од̇аран̣аа.

    Uddhanti rūpadhātu ca arūpadhātu ca. Adhoti kāmadhātu. Sabbadhi vippamuttoti tedhātuke ayaṃ asekkhāvimutti. Tāniyeva asekkhāni pañcindriyāni, ayaṃ indriyehi otaraṇā.

    д̇ааниязва асзгкаани бан̃жинд̣̇рияаани виж̇ж̇аа, виж̇ж̇уббаад̣̇аа авиж̇ж̇аанирод̇хо…бз… д̣̇угкагканд̇хасса нирод̇хо ход̇и, аяам̣ бадижжасамуббаад̣̇зхи од̇аран̣аа.

    Tāniyeva asekkhāni pañcindriyāni vijjā, vijjuppādā avijjānirodho…pe… dukkhakkhandhassa nirodho hoti, ayaṃ paṭiccasamuppādehi otaraṇā.

    д̇ааниязва асзгкаани бан̃жинд̣̇рияаани д̇ийхи канд̇хзхи сан̇г̇ахид̇аани сийлагканд̇хзна самаад̇хигканд̇хзна бан̃н̃аагканд̇хзна, аяам̣ канд̇хзхи од̇аран̣аа.

    Tāniyeva asekkhāni pañcindriyāni tīhi khandhehi saṅgahitāni sīlakkhandhena samādhikkhandhena paññākkhandhena, ayaṃ khandhehi otaraṇā.

    д̇ааниязва асзгкаани бан̃жинд̣̇рияаани сан̇каарабарияаабаннаани яз сан̇каараа анаасаваа, но жа бхаван̇г̇аа, д̇з сан̇каараа д̇хаммад̇хаад̇усан̇г̇ахид̇аа, аяам̣ д̇хаад̇уухи од̇аран̣аа.

    Tāniyeva asekkhāni pañcindriyāni saṅkhārapariyāpannāni ye saṅkhārā anāsavā, no ca bhavaṅgā, te saṅkhārā dhammadhātusaṅgahitā, ayaṃ dhātūhi otaraṇā.

    саа д̇хаммад̇хаад̇у д̇хаммааяад̇анабарияаабаннаа, яам̣ ааяад̇анам̣ анаасавам̣, но жа бхаван̇г̇ам̣, аяам̣ ааяад̇анзхи од̇аран̣аад̇и звамаад̣̇ийхи вибхан̇г̇з (нзд̇д̇и. 42 аад̣̇аяо) ааг̇амиссад̇ийд̇и.

    Sā dhammadhātu dhammāyatanapariyāpannā, yaṃ āyatanaṃ anāsavaṃ, no ca bhavaṅgaṃ, ayaṃ āyatanehi otaraṇāti evamādīhi vibhaṅge (netti. 42 ādayo) āgamissatīti.

    од̇аран̣ахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо сод̇ханахааранид̣̇д̣̇зсо’’д̇и бужчид̇аб̣б̣ад̇д̇аа –

    Otaraṇahāraniddeso niddiṭṭho, amhehi ca ñāto, ‘‘katamo sodhanahāraniddeso’’ti pucchitabbattā –

    13.

    13.

    ‘‘виссаж̇ж̇ид̇амхи бан̃хз, г̇аат̇ааяам̣ бужчид̇аа яамаараб̣бха.

    ‘‘Vissajjitamhi pañhe, gāthāyaṃ pucchitā yamārabbha.

    суд̣̇д̇хаасуд̣̇д̇хабаригкаа, хааро со сод̇хано наамаа’’д̇и. –

    Suddhāsuddhaparikkhā, hāro so sodhano nāmā’’ti. –

    г̇аат̇аа вуд̇д̇аа. д̇ад̇т̇а д̇иссам̣ г̇аат̇ааяам̣ аарул̣хз бан̃хз н̃аад̇умижчид̇з ад̇т̇з бхаг̇авад̇аа виссаж̇ж̇анаг̇аат̇ааяам̣ виссаж̇ж̇ид̇амхи яам̣ суд̇д̇ад̇т̇ам̣ аараб̣бха ад̇хигижжа саа г̇аат̇аа бужчид̇аа бужчанад̇т̇ааяа табид̇аа, д̇асса суд̇д̇ад̇т̇асса язна сам̣ван̣н̣анаависзсзна суд̣̇д̇хаасуд̣̇д̇хабаригкаа вижааран̣аа бхавз, со сам̣ван̣н̣анаависзсо сод̇хано хааро наамаад̇и ад̇т̇аяож̇анаа.

    Gāthā vuttā. Tattha tissaṃ gāthāyaṃ āruḷhe pañhe ñātumicchite atthe bhagavatā vissajjanagāthāyaṃ vissajjitamhi yaṃ suttatthaṃ ārabbha adhikicca sā gāthā pucchitā pucchanatthāya ṭhapitā, tassa suttatthassa yena saṃvaṇṇanāvisesena suddhāsuddhaparikkhā vicāraṇā bhave, so saṃvaṇṇanāviseso sodhano hāro nāmāti atthayojanā.

    гат̇ам̣? ‘‘авиж̇ж̇ааяа нивуд̇о лого’’д̇и бад̣̇ам̣ сод̇хид̇ам̣, аарамбхо на сод̇хид̇о. ‘‘вивижчаа бамаад̣̇аа наббагаасад̇ий’’д̇и бад̣̇ам̣ сод̇хид̇ам̣, аарамбхо на сод̇хид̇о. ‘‘ж̇аббаабхилзбанам̣ б̣руумий’’д̇и бад̣̇ам̣ сод̇хид̇ам̣, аарамбхо на сод̇хид̇о. ‘‘д̣̇угкамасса махаб̣бхаяа’’нд̇и бад̣̇ан̃жа сод̇хид̇ам̣, аарамбхо жа сод̇хид̇од̇и. звам̣ бад̣̇аад̣̇ийнам̣ сод̇хид̇аасод̇хид̇абхаававижааро хааро сод̇хано наама. вид̇т̇аарад̇о бана вибхан̇г̇з (нзд̇д̇и. 45 аад̣̇аяо) ааг̇амиссад̇ийд̇и.

    Kathaṃ? ‘‘Avijjāya nivuto loko’’ti padaṃ sodhitaṃ, ārambho na sodhito. ‘‘Vivicchā pamādā nappakāsatī’’ti padaṃ sodhitaṃ, ārambho na sodhito. ‘‘Jappābhilepanaṃ brūmī’’ti padaṃ sodhitaṃ, ārambho na sodhito. ‘‘Dukkhamassa mahabbhaya’’nti padañca sodhitaṃ, ārambho ca sodhitoti. Evaṃ padādīnaṃ sodhitāsodhitabhāvavicāro hāro sodhano nāma. Vitthārato pana vibhaṅge (netti. 45 ādayo) āgamissatīti.

    сод̇ханахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо ад̇хидтаанахааранид̣̇д̣̇зсо’’д̇и бужчид̇аб̣б̣ад̇д̇аа –

    Sodhanahāraniddeso niddiṭṭho, amhehi ca ñāto, ‘‘katamo adhiṭṭhānahāraniddeso’’ti pucchitabbattā –

    14.

    14.

    ‘‘згад̇д̇ад̇ааяа д̇хаммаа, язби жа взмад̇д̇ад̇ааяа нид̣̇д̣̇идтаа.

    ‘‘Ekattatāya dhammā, yepi ca vemattatāya niddiṭṭhā.

    д̇з на вигаббаяид̇аб̣б̣аа, зсо хааро ад̇хидтаано’’д̇и. –

    Te na vikappayitabbā, eso hāro adhiṭṭhāno’’ti. –

    г̇аат̇аа вуд̇д̇аа. д̇ад̇т̇а яз д̣̇угкасажжаад̣̇аяо д̇хаммаа згад̇д̇ад̇ааяа сааман̃н̃знаби жа взмад̇д̇ад̇ааяа висзсзнаби нид̣̇д̣̇идтаа, язна сам̣ван̣н̣анаависзсзна нид̣̇д̣̇идтаа д̣̇угкасажжаад̣̇аяо д̇хаммаа на вигаббаяид̇аб̣б̣аа сааман̃н̃ависзсагаббанааяа вохаарабхаавзна анавадтаанад̇о, гаалад̣̇исаависзсаад̣̇ийнам̣ вияа абзгкаасид̣̇д̇хид̇о жа, зсо сам̣ван̣н̣анаависзсо ад̇хидтаано хаарод̇и ад̇т̇аяож̇анаа.

    Gāthā vuttā. Tattha ye dukkhasaccādayo dhammā ekattatāya sāmaññenapi ca vemattatāya visesenapi niddiṭṭhā, yena saṃvaṇṇanāvisesena niddiṭṭhā dukkhasaccādayo dhammā na vikappayitabbā sāmaññavisesakappanāya vohārabhāvena anavaṭṭhānato, kāladisāvisesādīnaṃ viya apekkhāsiddhito ca, eso saṃvaṇṇanāviseso adhiṭṭhāno hāroti atthayojanā.

    д̇ад̇т̇а згад̇д̇ад̇ааяаад̇и згасса самаанасса бхааво згад̇д̇ам̣, згад̇д̇амзва згад̇д̇ад̇аа, д̇ааяа. згасад̣̇д̣̇о жзд̇т̇а самаанад̇т̇аваажаго, на сан̇кяааваажагод̇и. взмад̇д̇ад̇ааяаад̇и висидтаа мад̇д̇аа вимад̇д̇аа, вимад̇д̇аа зва взмад̇д̇ам̣, взмад̇д̇асса бхааво взмад̇д̇ад̇аа, д̇ааяа. яат̇аа хи ‘‘аж̇ж̇а свз’’д̇и вужжамаанаа гаалависзсаа анавадтид̇аа бхаванд̇и, ‘‘буримаа д̣̇исаа, бажчимаа д̣̇исаа’’д̇и вужжамаанаа д̣̇исаависзсаа, звам̣ сааман̃н̃ависзсаа жа ад̇т̇асса сабхааваад̇и. д̇ат̇аа хи ‘‘ид̣̇ам̣ д̣̇угка’’нд̇и вужжамаанам̣ ж̇аад̇иаад̣̇им̣ абзгкааяа сааман̃н̃ам̣ самаанамби сажжаабзгкааяа висзсо ход̇и. зса наяо самуд̣̇аяасажжаад̣̇ийсубийд̇и. ‘‘д̣̇угка’’нд̇и згад̇д̇ад̇аа. ‘‘ж̇аад̇и д̣̇угкаа, ж̇араа д̣̇угкаа, маран̣ам̣ д̣̇угка’’нд̇и звамаад̣̇и взмад̇д̇ад̇аа. ‘‘д̣̇угкасамуд̣̇аяо’’д̇и згад̇д̇ад̇аа, ‘‘д̇ан̣хаа бонобхавигаа нанд̣̇ийрааг̇асахаг̇ад̇аа’’д̇и звамаад̣̇и взмад̇д̇ад̇аад̇и звамаад̣̇и вид̇т̇ааро вибхан̇г̇з (нзд̇д̇и. 46 аад̣̇аяо) ааг̇амиссад̇ийд̇и.

    Tattha ekattatāyāti ekassa samānassa bhāvo ekattaṃ, ekattameva ekattatā, tāya. Ekasaddo cettha samānatthavācako, na saṅkhyāvācakoti. Vemattatāyāti visiṭṭhā mattā vimattā, vimattā eva vemattaṃ, vemattassa bhāvo vemattatā, tāya. Yathā hi ‘‘ajja sve’’ti vuccamānā kālavisesā anavaṭṭhitā bhavanti, ‘‘purimā disā, pacchimā disā’’ti vuccamānā disāvisesā, evaṃ sāmaññavisesā ca atthassa sabhāvāti. Tathā hi ‘‘idaṃ dukkha’’nti vuccamānaṃ jātiādiṃ apekkhāya sāmaññaṃ samānampi saccāpekkhāya viseso hoti. Esa nayo samudayasaccādīsupīti. ‘‘Dukkha’’nti ekattatā. ‘‘Jāti dukkhā, jarā dukkhā, maraṇaṃ dukkha’’nti evamādi vemattatā. ‘‘Dukkhasamudayo’’ti ekattatā, ‘‘taṇhā ponobhavikā nandīrāgasahagatā’’ti evamādi vemattatāti evamādi vitthāro vibhaṅge (netti. 46 ādayo) āgamissatīti.

    ад̇хидтаанахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо баригкаарахааранид̣̇д̣̇зсо’’д̇и бужчид̇аб̣б̣ад̇д̇аа –

    Adhiṭṭhānahāraniddeso niddiṭṭho, amhehi ca ñāto, ‘‘katamo parikkhārahāraniddeso’’ti pucchitabbattā –

    15.

    15.

    ‘‘яз д̇хаммаа яам̣ д̇хаммам̣, ж̇анаяанд̇иббажжаяаа барамбарад̇о.

    ‘‘Ye dhammā yaṃ dhammaṃ, janayantippaccayā paramparato.

    хзд̇умавагад̣дхаяид̇ваа, зсо хааро баригкааро’’д̇и. –

    Hetumavakaḍḍhayitvā, eso hāro parikkhāro’’ti. –

    г̇аат̇аа вуд̇д̇аа. д̇ад̇т̇а авиж̇ж̇аад̣̇игаа яз бажжаяад̇хаммаа сан̇каараад̣̇игам̣ яам̣ палад̇хаммам̣ бажжаяаа сахаж̇аад̇абажжаязна барамбарад̇о барамбарабажжаяабхаавзна ж̇анаяанд̇и, д̇асса сан̇каараад̣̇ипаласса бажжаяам̣ баригкаарабхууд̇ам̣ буримуббаннам̣ авиж̇ж̇аад̣̇игам̣ асаад̇хааран̣ам̣ ж̇анагам̣ хзд̇ум̣, аяонисоманасигаараад̣̇игам̣ саад̇хааран̣ам̣ бажжаяахзд̇ун̃жа авагад̣дхаяид̇ваа суд̇д̇ад̇о нид̣̇д̇хаарзд̇ваа яо сам̣ван̣н̣анаависзсо баригкаарасам̣ван̣н̣анаабхаавзна бавад̇д̇о, зсо сам̣ван̣н̣анаависзсо баригкааро хааро наамаад̇и ад̇т̇аяож̇анаа. авиж̇ж̇аад̣̇аяо хи авиж̇ж̇аад̣̇ийнам̣ асаад̇хааран̣ахзд̇уу бхаванд̇и, аяонисоманасигаараад̣̇аяо саад̇хааран̣абажжаяаа. д̇знааха – ‘‘асаад̇хааран̣алагкан̣о хзд̇у, саад̇хааран̣алагкан̣о бажжаяо’’д̇и, ‘‘авиж̇ж̇аа авиж̇ж̇ааяа хзд̇у, аяонисоманасигааро бажжаяо’’д̇иаад̣̇игам̣ (нзд̇д̇и. 49) вибхан̇г̇аважанан̃жа.

    Gāthā vuttā. Tattha avijjādikā ye paccayadhammā saṅkhārādikaṃ yaṃ phaladhammaṃ paccayā sahajātapaccayena paramparato paramparapaccayabhāvena janayanti, tassa saṅkhārādiphalassa paccayaṃ parikkhārabhūtaṃ purimuppannaṃ avijjādikaṃ asādhāraṇaṃ janakaṃ hetuṃ, ayonisomanasikārādikaṃ sādhāraṇaṃ paccayahetuñca avakaḍḍhayitvā suttato niddhāretvā yo saṃvaṇṇanāviseso parikkhārasaṃvaṇṇanābhāvena pavatto, eso saṃvaṇṇanāviseso parikkhāro hāro nāmāti atthayojanā. Avijjādayo hi avijjādīnaṃ asādhāraṇahetū bhavanti, ayonisomanasikārādayo sādhāraṇapaccayā. Tenāha – ‘‘asādhāraṇalakkhaṇo hetu, sādhāraṇalakkhaṇo paccayo’’ti, ‘‘avijjā avijjāya hetu, ayonisomanasikāro paccayo’’tiādikaṃ (netti. 49) vibhaṅgavacanañca.

    баригкаарахааранид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо самааробанахааранид̣̇д̣̇зсо’’д̇и бужчид̇аб̣б̣ад̇д̇аа –

    Parikkhārahāraniddeso niddiṭṭho, amhehi ca ñāto, ‘‘katamo samāropanahāraniddeso’’ti pucchitabbattā –

    16.

    16.

    ‘‘яз д̇хаммаа яам̣муулаа, яз жзгад̇т̇аа багаасид̇аа мунинаа.

    ‘‘Ye dhammā yaṃmūlā, ye cekatthā pakāsitā muninā.

    д̇з самааробаяид̇аб̣б̣аа, зса самааробано хааро’’д̇и. –

    Te samāropayitabbā, esa samāropano hāro’’ti. –

    г̇аат̇аа вуд̇д̇аа. д̇ад̇т̇а яз сийлаад̣̇аяо д̇хаммаа яам̣муулаа язсам̣ самаад̇хиаад̣̇ийнам̣ муулаа, д̇з сийлаад̣̇аяо д̇хаммаа д̇зсам̣ самаад̇хиаад̣̇ийнам̣ бад̣̇адтаанабхаавзна сам̣ван̣н̣анаависзсзна самааробаяид̇аб̣б̣аа, яз жа рааг̇авирааг̇ажзд̇овимуд̇д̇исзгкапалагаамад̇хаад̇усамад̇иггаманаад̣̇исад̣̇д̣̇аа анааг̇аамипалад̇т̇ад̇ааяа згад̇т̇аа самаанад̇т̇аад̇и б̣уд̣̇д̇хамунинаа багаасид̇аа, д̇з рааг̇а…бз… д̇иггаманаад̣̇исад̣̇д̣̇аа ан̃н̃аман̃н̃авзважанабхаавзна самааробаяид̇аб̣б̣аа, зсо сам̣ван̣н̣анаависзсо самааробано хааро наамаад̇и ад̇т̇аяож̇анаа.

    Gāthā vuttā. Tattha ye sīlādayo dhammā yaṃmūlā yesaṃ samādhiādīnaṃ mūlā, te sīlādayo dhammā tesaṃ samādhiādīnaṃ padaṭṭhānabhāvena saṃvaṇṇanāvisesena samāropayitabbā, ye ca rāgavirāgacetovimuttisekkhaphalakāmadhātusamatikkamanādisaddā anāgāmiphalatthatāya ekatthā samānatthāti buddhamuninā pakāsitā, te rāga…pe… tikkamanādisaddā aññamaññavevacanabhāvena samāropayitabbā, eso saṃvaṇṇanāviseso samāropano hāro nāmāti atthayojanā.

    зд̇т̇а жа сийлаад̣̇игканд̇хад̇д̇аяасса барияааяанд̇аравибхааванаабаарибуурий гат̇ид̇аа, бхааванаабаарибуурий жа бахаад̇аб̣б̣асса бахаанзна ход̇ийд̇и бхааванаасамааробанабахаанасамааробанааби д̣̇ассид̇аад̇и жад̇уб̣б̣ид̇хо самааробано бад̣̇адтаанасамааробано, взважанасамааробано, бхааванаасамааробано, бахаанасамааробанод̇и.

    Ettha ca sīlādikkhandhattayassa pariyāyantaravibhāvanāpāripūrī kathitā, bhāvanāpāripūrī ca pahātabbassa pahānena hotīti bhāvanāsamāropanapahānasamāropanāpi dassitāti catubbidho samāropano padaṭṭhānasamāropano, vevacanasamāropano, bhāvanāsamāropano, pahānasamāropanoti.

    д̇ад̇т̇а гааяигасужарид̇ам̣, ваажасигасужарид̇ан̃жа сийлагканд̇хо, маносужарид̇з анабхиж̇жхаа, аб̣яаабаад̣̇о жа самаад̇хигканд̇хо, саммаад̣̇идти бан̃н̃аагканд̇хо. сийлагканд̇хо самаад̇хигканд̇хасса бад̣̇адтаанам̣, самаад̇хигканд̇хо бан̃н̃аагканд̇хасса бад̣̇адтаанам̣. сийлагканд̇хо, самаад̇хигканд̇хо жа самат̇асса бад̣̇адтаанам̣, бан̃н̃аагканд̇хо вибассанааяа бад̣̇адтаанам̣. самат̇о рааг̇авирааг̇ажзд̇овимуд̇д̇ияаа бад̣̇адтаанам̣, вибассанаа авиж̇ж̇аавирааг̇абан̃н̃аавимуд̇д̇ияаа бад̣̇адтаананд̇и звамаад̣̇и бад̣̇адтаанасамааробано. рааг̇авирааг̇аа жзд̇овимуд̇д̇и сзгкапалам̣, авиж̇ж̇аавирааг̇аа бан̃н̃аавимуд̇д̇и асзгкапалам̣, ид̣̇ам̣ взважанам̣. рааг̇авирааг̇аа жзд̇овимуд̇д̇и анааг̇аамипалам̣, авиж̇ж̇аавирааг̇аа бан̃н̃аавимуд̇д̇и аг̇г̇апалам̣ арахад̇д̇ам̣, ид̣̇ам̣ взважанам̣. рааг̇авирааг̇аа жзд̇овимуд̇д̇и гаамад̇хаад̇усамад̇иггаманам̣, авиж̇ж̇аавирааг̇аа жзд̇овимуд̇д̇и д̇зд̇хаад̇усамад̇иггаманам̣, ид̣̇ам̣ взважанам̣. бан̃н̃инд̣̇рияам̣, бан̃н̃ааб̣алам̣, ад̇хибан̃н̃аасигкаа, бан̃н̃аагканд̇ход̇и звамаад̣̇и взважананд̇и звамаад̣̇и взважанасамааробано. гааяз гааяаанубассино вихарад̇о жад̇д̇ааро сад̇ибадтаанаа бхааванаабаарибуурим̣ г̇ажчанд̇и, жад̇уусу сад̇ибадтаанзсу бхаавияамаанзсу жад̇д̇ааро саммаббад̇хаанаа бхааванаабаарибуурим̣ г̇ажчанд̇и, жад̇уусу саммаббад̇хаанзсу бхаавияамаанзсу жад̇д̇ааро ид̣̇д̇хибаад̣̇аа бхааванаабаарибуурим̣ г̇ажчанд̇ийд̇и звамаад̣̇и бхааванаасамааробано. гааяз гааяаанубассий вихаранд̇о асубхз ‘‘субха’’нд̇и вибаллаасам̣ баж̇ахад̇и, габ̣ал̣ийгааро жасса аахааро барин̃н̃ам̣ г̇ажчад̇и, гаамубаад̣̇аанзна жа анубаад̣̇аано бхавад̇и, гаамаяог̇зна жа висам̣яуд̇д̇о бхавад̇и, абхиж̇жхаагааяаг̇ант̇зна жа виббаяуж̇ж̇ад̇и, гаамаасавзна жа анаасаво бхавад̇и, гаамогхан̃жа уд̇д̇ин̣н̣о бхавад̇и, рааг̇асаллзна жа висалло бхавад̇и, руубуубигаа жасса вин̃н̃аан̣адтид̇и барин̃н̃ам̣ г̇ажчад̇и , руубад̇хаад̇уяам̣ жасса рааг̇о бахийно бхавад̇и, на жа чанд̣̇ааг̇ад̇им̣ г̇ажчад̇и, взд̣̇анаасууд̇и звамаад̣̇и бахаанасамааробанод̇и звамаад̣̇и самааробано хааро нияуд̇д̇од̇и.

    Tattha kāyikasucaritaṃ, vācasikasucaritañca sīlakkhandho, manosucarite anabhijjhā, abyāpādo ca samādhikkhandho, sammādiṭṭhi paññākkhandho. Sīlakkhandho samādhikkhandhassa padaṭṭhānaṃ, samādhikkhandho paññākkhandhassa padaṭṭhānaṃ. Sīlakkhandho, samādhikkhandho ca samathassa padaṭṭhānaṃ, paññākkhandho vipassanāya padaṭṭhānaṃ. Samatho rāgavirāgacetovimuttiyā padaṭṭhānaṃ, vipassanā avijjāvirāgapaññāvimuttiyā padaṭṭhānanti evamādi padaṭṭhānasamāropano. Rāgavirāgā cetovimutti sekkhaphalaṃ, avijjāvirāgā paññāvimutti asekkhaphalaṃ, idaṃ vevacanaṃ. Rāgavirāgā cetovimutti anāgāmiphalaṃ, avijjāvirāgā paññāvimutti aggaphalaṃ arahattaṃ, idaṃ vevacanaṃ. Rāgavirāgā cetovimutti kāmadhātusamatikkamanaṃ, avijjāvirāgā cetovimutti tedhātusamatikkamanaṃ, idaṃ vevacanaṃ. Paññindriyaṃ, paññābalaṃ, adhipaññāsikkhā, paññākkhandhoti evamādi vevacananti evamādi vevacanasamāropano. Kāye kāyānupassino viharato cattāro satipaṭṭhānā bhāvanāpāripūriṃ gacchanti, catūsu satipaṭṭhānesu bhāviyamānesu cattāro sammappadhānā bhāvanāpāripūriṃ gacchanti, catūsu sammappadhānesu bhāviyamānesu cattāro iddhipādā bhāvanāpāripūriṃ gacchantīti evamādi bhāvanāsamāropano. Kāye kāyānupassī viharanto asubhe ‘‘subha’’nti vipallāsaṃ pajahati, kabaḷīkāro cassa āhāro pariññaṃ gacchati, kāmupādānena ca anupādāno bhavati, kāmayogena ca visaṃyutto bhavati, abhijjhākāyaganthena ca vippayujjati, kāmāsavena ca anāsavo bhavati, kāmoghañca uttiṇṇo bhavati, rāgasallena ca visallo bhavati, rūpūpikā cassa viññāṇaṭṭhiti pariññaṃ gacchati , rūpadhātuyaṃ cassa rāgo pahīno bhavati, na ca chandāgatiṃ gacchati, vedanāsūti evamādi pahānasamāropanoti evamādi samāropano hāro niyuttoti.

    ид̇и сад̇д̇иб̣алаануруубаа ражид̇аа.

    Iti sattibalānurūpā racitā.

    сол̣асахааранид̣̇д̣̇зсавибхааванаа нидтид̇аа.

    Soḷasahāraniddesavibhāvanā niṭṭhitā.

    наяанид̣̇д̣̇зсавибхааванаа

    Nayaniddesavibhāvanā

    17. хааранид̣̇д̣̇зсаа нид̣̇д̣̇идтаа, амхзхи жа н̃аад̇аа, ‘‘гад̇амз наяанид̣̇д̣̇зсаа’’д̇и бужчид̇аб̣б̣ад̇д̇аа ‘‘д̇ан̣хан̃жаа’’д̇иаад̣̇и вуд̇д̇ам̣. ат̇а ваа звам̣ уд̣̇д̣̇зсаггамзнзва хаарз нид̣̇д̣̇исид̇ваа ид̣̇аани наяз нид̣̇д̣̇исид̇ум̣ ‘‘д̇ан̣хан̃жаа’’д̇иаад̣̇и вуд̇д̇ам̣. д̇ад̇т̇а яо сам̣ван̣н̣анаависзсо суд̇д̇з ааг̇ад̇ам̣ д̇ан̣хан̃жа авиж̇ж̇ан̃жа ад̇т̇ад̇о нид̣̇д̇хааран̣авасзна г̇ахид̇ам̣ д̇ан̣хан̃жа авиж̇ж̇ан̃жа сам̣гилзсабагкам̣ нзд̇и, суд̇д̇з ааг̇ад̇зна самат̇зна, суд̇д̇з ааг̇ад̇ааяа вибассанааяа ад̇т̇ад̇о нид̣̇д̇хааран̣авасзна ваа г̇ахид̇зна самат̇зна, г̇ахид̇ааяа вибассанааяа вод̣̇аанабагкам̣ нзд̇и, наяанд̇о жа сажжзхи яож̇зд̇ваа нзд̇и, аяам̣ сам̣ван̣н̣анаависзсо со нанд̣̇ияааваддо наяо наамаад̇и ад̇т̇аяож̇анаа.

    17. Hāraniddesā niddiṭṭhā, amhehi ca ñātā, ‘‘katame nayaniddesā’’ti pucchitabbattā ‘‘taṇhañcā’’tiādi vuttaṃ. Atha vā evaṃ uddesakkameneva hāre niddisitvā idāni naye niddisituṃ ‘‘taṇhañcā’’tiādi vuttaṃ. Tattha yo saṃvaṇṇanāviseso sutte āgataṃ taṇhañca avijjañca atthato niddhāraṇavasena gahitaṃ taṇhañca avijjañca saṃkilesapakkhaṃ neti, sutte āgatena samathena, sutte āgatāya vipassanāya atthato niddhāraṇavasena vā gahitena samathena, gahitāya vipassanāya vodānapakkhaṃ neti, nayanto ca saccehi yojetvā neti, ayaṃ saṃvaṇṇanāviseso so nandiyāvaṭṭo nayo nāmāti atthayojanā.

    зд̇т̇а жа ад̇т̇анаяасса бхууми, сам̣ван̣н̣анаа жа г̇аат̇ааяам̣ ‘‘наяо’’д̇и вуд̇д̇аа, д̇асмаа ‘‘сам̣ван̣н̣анаависзсо’’д̇и вуд̇д̇ам̣. на хи ад̇т̇анаяо сам̣ван̣н̣анаа, жад̇усажжабадивзд̇хасса ануруубо буб̣б̣абхааг̇з ануг̇аахан̣анаяо ад̇т̇анаяова. д̇асса бана ад̇т̇анаяасса яаа сам̣ван̣н̣анаа уг̇гхадид̇ан̃н̃уаад̣̇ийнам̣ васзна д̇ан̣хаад̣̇имукзна наяабхуумиражанаа бавад̇д̇аа, д̇асса сам̣ван̣н̣анаава наяавохааро гад̇од̇и вид̇т̇аарад̇о хаарасамбаад̇з (нзд̇д̇и. 78-79) ааг̇амиссад̇и.

    Ettha ca atthanayassa bhūmi, saṃvaṇṇanā ca gāthāyaṃ ‘‘nayo’’ti vuttā, tasmā ‘‘saṃvaṇṇanāviseso’’ti vuttaṃ. Na hi atthanayo saṃvaṇṇanā, catusaccapaṭivedhassa anurūpo pubbabhāge anugāhaṇanayo atthanayova. Tassa pana atthanayassa yā saṃvaṇṇanā ugghaṭitaññuādīnaṃ vasena taṇhādimukhena nayabhūmiracanā pavattā, tassa saṃvaṇṇanāva nayavohāro katoti vitthārato hārasampāte (netti. 78-79) āgamissati.

    нанд̣̇ияаавадданаяанид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо д̇ибугкаланаяанид̣̇д̣̇зсо’’д̇и бужчид̇аб̣б̣ад̇д̇аа –

    Nandiyāvaṭṭanayaniddeso niddiṭṭho, amhehi ca ñāto, ‘‘katamo tipukkhalanayaniddeso’’ti pucchitabbattā –

    18.

    18.

    ‘‘яо агусалз самуулзхи, нзд̇и гусалз жа гусаламуулзхи.

    ‘‘Yo akusale samūlehi, neti kusale ca kusalamūlehi.

    бхууд̇ам̣ д̇ат̇ам̣ авид̇ат̇ам̣, д̇ибугкалам̣ д̇ам̣ наяам̣ аахуу’’д̇и. –

    Bhūtaṃ tathaṃ avitathaṃ, tipukkhalaṃ taṃ nayaṃ āhū’’ti. –

    г̇аат̇аа вуд̇д̇аа. д̇ад̇т̇а яо сам̣ван̣н̣анаависзсо агусалз самуулзхи ад̇д̇ано агусаласса д̇ийхи лобхаад̣̇ийхи муулзхи сам̣гилзсабагкам̣ нзд̇и, гусалз жа гусаламуулзхи д̇ийхи алобхаад̣̇ийхи вод̣̇аанабагкам̣ нзд̇и, наяанд̇о жа бхууд̇ам̣ гусалаагусалам̣ нзд̇и, на абхууд̇ам̣ мааяаамарийжиаад̣̇аяо вияа, д̇ат̇ам̣ гусалаагусалам̣ нзд̇и, на гхадаад̣̇аяо вияа саммуд̇исажжамад̇д̇ам̣, авид̇ат̇ам̣ гусалаагусалам̣ нзд̇и, на вид̇ат̇ам̣. гусалаагусалаанам̣ сабхаавад̇о виж̇ж̇амаанад̇д̇аа бхууд̇аа барамад̇т̇асажжад̇д̇аа д̇ат̇аа, агусаласса идтавибаагад̇аабхаавад̇о, гусаласса жа анидтавибаагад̇аабхаавад̇о вибаагз сад̇и ависам̣ваад̣̇агад̇д̇аа авид̇ат̇аа бхаванд̇и, гусалаагусалаа хи зд̇зсам̣ д̇ин̣н̣ам̣ ‘‘бхууд̇ам̣, д̇ат̇ам̣, авид̇ат̇а’’нд̇и бад̣̇аанам̣ гусалаагусалависзсанад̇аа д̣̇адтаб̣б̣аа.

    Gāthā vuttā. Tattha yo saṃvaṇṇanāviseso akusale samūlehi attano akusalassa tīhi lobhādīhi mūlehi saṃkilesapakkhaṃ neti, kusale ca kusalamūlehi tīhi alobhādīhi vodānapakkhaṃ neti, nayanto ca bhūtaṃ kusalākusalaṃ neti, na abhūtaṃ māyāmarīciādayo viya, tathaṃ kusalākusalaṃ neti, na ghaṭādayo viya sammutisaccamattaṃ, avitathaṃ kusalākusalaṃ neti, na vitathaṃ. Kusalākusalānaṃ sabhāvato vijjamānattā bhūtā paramatthasaccattā tathā, akusalassa iṭṭhavipākatābhāvato, kusalassa ca aniṭṭhavipākatābhāvato vipāke sati avisaṃvādakattā avitathā bhavanti, kusalākusalā hi etesaṃ tiṇṇaṃ ‘‘bhūtaṃ, tathaṃ, avitatha’’nti padānaṃ kusalākusalavisesanatā daṭṭhabbā.

    ат̇а ваа агусаламуулзхи агусалаани, гусаламуулзхи жа гусалаани наяанд̇о аяам̣ наяо бхууд̇ам̣ д̇ат̇ам̣ авид̇ат̇ам̣ нзд̇и жад̇д̇аари сажжаани нид̣̇д̇хаарзд̇ваа яож̇зд̇и. д̣̇угкаад̣̇ийни хи б̣аад̇хагаад̣̇ибхаавад̇о ан̃н̃ат̇аабхааваабхаавзна бхууд̇аани, сажжасабхаавад̇д̇аа д̇ат̇аани, ависам̣ваад̣̇анад̇о авид̇ат̇аани. вуд̇д̇ан̃хзд̇ам̣ бхаг̇авад̇аа – ‘‘жад̇д̇ааримаани, бхигкавз, д̇ат̇аани авид̇ат̇аани анан̃н̃ат̇ааний’’д̇и сам̣. ни. 5.1090; бади. ма. 2.8). агусалаад̣̇исуд̇д̇ад̇т̇асса жад̇усажжаяож̇анамукзна наяаналагкан̣ам̣ д̇ам̣ сам̣ван̣н̣анаависзсам̣ д̇ибугкалам̣ наяанд̇и аахууд̇и ад̇т̇аяож̇анаа.

    Atha vā akusalamūlehi akusalāni, kusalamūlehi ca kusalāni nayanto ayaṃ nayo bhūtaṃ tathaṃ avitathaṃ neti cattāri saccāni niddhāretvā yojeti. Dukkhādīni hi bādhakādibhāvato aññathābhāvābhāvena bhūtāni, saccasabhāvattā tathāni, avisaṃvādanato avitathāni. Vuttañhetaṃ bhagavatā – ‘‘cattārimāni, bhikkhave, tathāni avitathāni anaññathānī’’ti saṃ. ni. 5.1090; paṭi. ma. 2.8). Akusalādisuttatthassa catusaccayojanamukhena nayanalakkhaṇaṃ taṃ saṃvaṇṇanāvisesaṃ tipukkhalaṃ nayanti āhūti atthayojanā.

    д̇ад̇т̇а д̇ийхи хзд̇уухи бугкало собханод̇и д̇ибугкало агусалаад̣̇иго ад̇т̇анаяо сам̣ван̣н̣анаависзсод̇и таануубажаарад̇о д̇ибугкаланаяо наамаад̇и. вид̇т̇ааро бана хаарасамбаад̇з (нзд̇д̇и. 87-88) ааг̇амиссад̇и.

    Tattha tīhi hetūhi pukkhalo sobhanoti tipukkhalo akusalādiko atthanayo saṃvaṇṇanāvisesoti ṭhānūpacārato tipukkhalanayo nāmāti. Vitthāro pana hārasampāte (netti. 87-88) āgamissati.

    д̇ибугкаланаяанид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо сийхавиггийл̣ид̇анаяанид̣̇д̣̇зсо’’д̇и бужчид̇аб̣б̣ад̇д̇аа –

    Tipukkhalanayaniddeso niddiṭṭho, amhehi ca ñāto, ‘‘katamo sīhavikkīḷitanayaniddeso’’ti pucchitabbattā –

    19.

    19.

    ‘‘яо нзд̇и вибаллаасзхи, гилзсз инд̣̇риязхи сад̣̇д̇хаммз.

    ‘‘Yo neti vipallāsehi, kilese indriyehi saddhamme.

    зд̇ам̣ наяам̣ наяавид̣̇уу, сийхавиггийл̣ид̇ам̣ аахуу’’д̇и. –

    Etaṃ nayaṃ nayavidū, sīhavikkīḷitaṃ āhū’’ti. –

    г̇аат̇аа вуд̇д̇аа. д̇ад̇т̇а яо сам̣ван̣н̣анаависзсо суд̇д̇з вуд̇д̇зхи вибаллаасзхи гилзсз сам̣гилзсабагкам̣ нзд̇и, суд̇д̇з вуд̇д̇зхи инд̣̇риязхи сад̣̇д̇хаммз вод̣̇аанабагкам̣ нзд̇и, зд̇ам̣ сам̣ван̣н̣анаависзсам̣ наяавид̣̇уу сад̣̇д̇хамманаяаговид̣̇аа, ад̇т̇анаяагусалаа зва ваа сийхавиггийл̣ид̇ам̣ наяанд̇и аахууд̇и ад̇т̇аяож̇анаа.

    Gāthā vuttā. Tattha yo saṃvaṇṇanāviseso sutte vuttehi vipallāsehi kilese saṃkilesapakkhaṃ neti, sutte vuttehi indriyehi saddhamme vodānapakkhaṃ neti, etaṃ saṃvaṇṇanāvisesaṃ nayavidū saddhammanayakovidā, atthanayakusalā eva vā sīhavikkīḷitaṃ nayanti āhūti atthayojanā.

    д̇ад̇т̇а вибаллаасзхийд̇и асубхз субхам̣, д̣̇угкз сукам̣, анижжз нижжам̣, анад̇д̇ани ад̇д̇аад̇и жад̇уухи вибаллаасзхи. инд̣̇риязхийд̇и сад̣̇д̇хаад̣̇ийхи инд̣̇риязхи. сад̣̇д̇хаммзд̇и бадибад̇д̇ибадивзд̇хасад̣̇д̇хаммз. сзсамзд̇т̇а вуд̇д̇анаяамзва. вид̇т̇ааро бана хаарасамбаад̇з (нзд̇д̇и. 86-87) ааг̇амиссад̇ийд̇и.

    Tattha vipallāsehīti asubhe subhaṃ, dukkhe sukhaṃ, anicce niccaṃ, anattani attāti catūhi vipallāsehi. Indriyehīti saddhādīhi indriyehi. Saddhammeti paṭipattipaṭivedhasaddhamme. Sesamettha vuttanayameva. Vitthāro pana hārasampāte (netti. 86-87) āgamissatīti.

    сийхавиггийл̣ид̇анаяанид̣̇д̣̇зсо нид̣̇д̣̇идто, амхзхи жа н̃аад̇о, ‘‘гад̇амо д̣̇исааложананаяанид̣̇д̣̇зсо’’д̇и бужчид̇аб̣б̣ад̇д̇аа –

    Sīhavikkīḷitanayaniddeso niddiṭṭho, amhehi ca ñāto, ‘‘katamo disālocananayaniddeso’’ti pucchitabbattā –

    20.

    20.

    ‘‘взяяаагаран̣зсу хи яз, гусалаагусалаа д̇ахим̣ д̇ахим̣ вуд̇д̇аа.

    ‘‘Veyyākaraṇesu hi ye, kusalākusalā tahiṃ tahiṃ vuttā.

    манасаа вологаяад̇з, д̇ам̣ ку д̣̇исааложанам̣ аахуу’’д̇и. –

    Manasā volokayate, taṃ khu disālocanaṃ āhū’’ti. –

    г̇аат̇аа вуд̇д̇аа. ‘‘сийхаложанам̣ аахуу’’д̇и баато ликид̇о, со бана на т̇зрасса баатод̇и д̣̇адтаб̣б̣о бхинналагкан̣ад̇д̇аа. д̇ад̇т̇а д̇ахим̣ д̇ахим̣ взяяаагаран̣зсу яз гусалаагусалаа наяасса д̣̇исаабхууд̇аа д̇хаммаа вуд̇д̇аа, д̇з гусалаагусалз наяасса д̣̇исаабхууд̇ад̇хаммз аб̣ахи аб̣бханд̇арам̣ жид̇д̇з зва яам̣ ологанам̣ гарод̇и, д̇ам̣ ологанам̣ ку ологанам̣ зва д̣̇исааложананд̇и аахууд̇и ад̇т̇аяож̇анаа.

    Gāthā vuttā. ‘‘Sīhalocanaṃ āhū’’ti pāṭho likhito, so pana na therassa pāṭhoti daṭṭhabbo bhinnalakkhaṇattā. Tattha tahiṃ tahiṃ veyyākaraṇesu ye kusalākusalā nayassa disābhūtā dhammā vuttā, te kusalākusale nayassa disābhūtadhamme abahi abbhantaraṃ citte eva yaṃ olokanaṃ karoti, taṃ olokanaṃ khu olokanaṃ eva disālocananti āhūti atthayojanā.

    д̇ад̇т̇а взяяаагаран̣зсууд̇и д̇асса д̇асса ад̇т̇анаяасса яож̇анад̇т̇ам̣ гад̇зсу суд̇д̇асса ад̇т̇ависсаж̇ж̇анзсу. гусалаад̇и вод̣̇аанияаа. агусалаад̇и сам̣гилзсигаа. вуд̇д̇аад̇и суд̇д̇ад̇о нид̣̇д̇хаарзд̇ваа гат̇ид̇аа. ологаяад̇зд̇и д̇з гусалаад̣̇ид̇хаммз жид̇д̇знзва ‘‘аяам̣ батамаа д̣̇исаа, аяам̣ д̣̇уд̇ияаа д̣̇исаа’’д̇иаад̣̇инаа д̇асса д̇асса наяасса д̣̇исаабхаавзна убабаригкад̇и, вижаарзд̇ийд̇и ад̇т̇о. кууд̇и авад̇хааран̣ад̇т̇з нибаад̇о, д̇зна д̣̇исааложананаяо гожи ад̇т̇ависзсо на ход̇ийд̇и д̣̇ассзд̇ийд̇и.

    Tattha veyyākaraṇesūti tassa tassa atthanayassa yojanatthaṃ katesu suttassa atthavissajjanesu. Kusalāti vodāniyā. Akusalāti saṃkilesikā. Vuttāti suttato niddhāretvā kathitā. Olokayateti te kusalādidhamme citteneva ‘‘ayaṃ paṭhamā disā, ayaṃ dutiyā disā’’tiādinā tassa tassa nayassa disābhāvena upaparikkhati, vicāretīti attho. Khūti avadhāraṇatthe nipāto, tena disālocananayo koci atthaviseso na hotīti dassetīti.

    21. д̣̇исааложананаяанид̣̇д̣̇зсо нид̣̇д̣̇идто. амхзхи жа н̃аад̇о. ‘‘гад̇амо ан̇гусанаяанид̣̇д̣̇зсо’’д̇и бужчид̇аб̣б̣ад̇д̇аа ‘‘ологзд̇ваа’’д̇иаад̣̇иг̇аат̇аа вуд̇д̇аа. д̇ад̇т̇а д̇ам̣д̇ам̣наяад̣̇исаабхууд̇з саб̣б̣з гусалаагусалз д̣̇исааложанзна ологзд̇ваа угкибияа суд̇д̇ад̇о уд̣̇д̇харид̇ваа яам̣ самаанзд̇и яам̣ самаанаяанам̣ гарод̇и, аяам̣ самаанаяанасан̇каад̇о наяо ан̇гусо наяо наамаад̇и ад̇т̇аяож̇анаа.

    21. Disālocananayaniddeso niddiṭṭho. Amhehi ca ñāto. ‘‘Katamo aṅkusanayaniddeso’’ti pucchitabbattā ‘‘oloketvā’’tiādigāthā vuttā. Tattha taṃtaṃnayadisābhūte sabbe kusalākusale disālocanena oloketvā ukkhipiya suttato uddharitvā yaṃ samāneti yaṃ samānayanaṃ karoti, ayaṃ samānayanasaṅkhāto nayo aṅkuso nayo nāmāti atthayojanā.

    зд̇т̇а жа ан̇гусо наама хад̇т̇ийнам̣ ижчид̇адтаанам̣ аанаяанагааран̣абхууд̇о важ̇ираад̣̇имаяо д̇игкаг̇г̇о уж̇уван̇габхууд̇о д̣̇аб̣б̣асамбхаарависзсо, аяамби наяо ан̇гусо вияаад̇и ад̇т̇зна ан̇гусо. зд̇зна хи наязна ижчид̇ам̣ суд̇д̇ад̇т̇ам̣ наяад̇ийд̇и. мукяад̇о бана ан̇гз виж̇жханадтаанз уд̣̇д̇хадо асад̇и анд̇о бависад̇ийд̇и ан̇гусо. ан̇гасад̣̇д̣̇уубабад̣̇аубуб̣б̣аасад̇хаад̇у абажжаяод̇и. аяамби наяо гожиби ад̇т̇ависзсо на ход̇ийд̇и.

    Ettha ca aṅkuso nāma hatthīnaṃ icchitaṭṭhānaṃ ānayanakāraṇabhūto vajirādimayo tikkhaggo ujuvaṅkabhūto dabbasambhāraviseso, ayampi nayo aṅkuso viyāti atthena aṅkuso. Etena hi nayena icchitaṃ suttatthaṃ nayatīti. Mukhyato pana aṅke vijjhanaṭṭhāne uddhaṭo asati anto pavisatīti aṅkuso. Aṅkasaddūpapadaupubbaasadhātu apaccayoti. Ayampi nayo kocipi atthaviseso na hotīti.

    сол̣аса хааранид̣̇д̣̇зсаа жзва бан̃жа наяанид̣̇д̣̇зсаа жа аажариязна нид̣̇д̣̇идтаа. амхзхи жа н̃аад̇аа, ‘‘сам̣ван̣н̣зд̇аб̣б̣асуд̇д̇з гим̣ сол̣аса хаараа батамам̣ яож̇зд̇аб̣б̣аа, уд̣̇ааху наяаа’’д̇и бужчид̇аб̣б̣ад̇д̇аа –

    Soḷasa hāraniddesā ceva pañca nayaniddesā ca ācariyena niddiṭṭhā. Amhehi ca ñātā, ‘‘saṃvaṇṇetabbasutte kiṃ soḷasa hārā paṭhamaṃ yojetabbā, udāhu nayā’’ti pucchitabbattā –

    22.

    22.

    ‘‘сол̣аса хаараа батамам̣, д̣̇исааложанад̇о д̣̇исаа вилогзд̇ваа.

    ‘‘Soḷasa hārā paṭhamaṃ, disālocanato disā viloketvā.

    сан̇кибияа ан̇гусзна хи, наязхи д̇ихи нид̣̇д̣̇исз суд̇д̇а’’нд̇и. –

    Saṅkhipiya aṅkusena hi, nayehi tihi niddise sutta’’nti. –

    г̇аат̇амааха. адтагат̇ааяам̣ бана ‘‘звам̣ хаарз, наяз жа нид̣̇д̣̇исид̇ваа ид̣̇аани нзсам̣ яож̇анаггамам̣ д̣̇ассзнд̇о ‘сол̣аса хаараа батама’нд̇иаад̣̇имаахаа’’д̇и (нзд̇д̇и. адта. 22) вуд̇д̇ам̣. д̇ад̇т̇а сол̣аса хаараа б̣яан̃ж̇анабарияздтибхаавад̇о сам̣ван̣н̣зд̇аб̣б̣асуд̇д̇з сам̣ван̣н̣анаабхаавзна батамам̣ яож̇зд̇аб̣б̣аа, яож̇знд̇зна нид̣̇д̣̇идтаа хаараануггамзнзва яож̇зд̇аб̣б̣аа, на уббадибаадияаа. хаарасам̣ван̣н̣анаануггамзна сам̣ван̣н̣зд̇аб̣б̣ам̣ батамам̣ сам̣ван̣н̣зд̇ваа бажчаа д̣̇исааложанзна ологзд̇ваа ан̇гусанаязна нзд̇ваа д̇ийхи ад̇т̇анаязхи нид̣̇д̣̇исзд̇и ад̇хиббааяо.

    Gāthamāha. Aṭṭhakathāyaṃ pana ‘‘evaṃ hāre, naye ca niddisitvā idāni nesaṃ yojanakkamaṃ dassento ‘soḷasa hārā paṭhama’ntiādimāhā’’ti (netti. aṭṭha. 22) vuttaṃ. Tattha soḷasa hārā byañjanapariyeṭṭhibhāvato saṃvaṇṇetabbasutte saṃvaṇṇanābhāvena paṭhamaṃ yojetabbā, yojentena niddiṭṭhā hārānukkameneva yojetabbā, na uppaṭipāṭiyā. Hārasaṃvaṇṇanānukkamena saṃvaṇṇetabbaṃ paṭhamaṃ saṃvaṇṇetvā pacchā disālocanena oloketvā aṅkusanayena netvā tīhi atthanayehi niddiseti adhippāyo.

    ид̇и сад̇д̇иб̣алаануруубаа ражид̇аа

    Iti sattibalānurūpā racitā

    наяанид̣̇д̣̇зсавибхааванаа нидтид̇аа.

    Nayaniddesavibhāvanā niṭṭhitā.

    д̣̇ваад̣̇асабад̣̇авибхааванаа

    Dvādasapadavibhāvanā

    нзд̇д̇ивисаяам̣ саасанаварасан̇каад̇ам̣ сам̣ван̣н̣зд̇аб̣б̣асуд̇д̇ам̣ язсам̣ б̣яан̃ж̇анабад̣̇аанам̣, ад̇т̇абад̣̇аанан̃жа васзна ‘‘д̣̇ваад̣̇аса бад̣̇аани суд̇д̇а’’нд̇и сан̇г̇ахаваарз вуд̇д̇ам̣, ‘‘гад̇амаани д̇ааний’’д̇и бужчид̇аб̣б̣ад̇д̇аа саруубад̇о нид̣̇д̣̇исид̇ум̣ –

    Nettivisayaṃ sāsanavarasaṅkhātaṃ saṃvaṇṇetabbasuttaṃ yesaṃ byañjanapadānaṃ, atthapadānañca vasena ‘‘dvādasa padāni sutta’’nti saṅgahavāre vuttaṃ, ‘‘katamāni tānī’’ti pucchitabbattā sarūpato niddisituṃ –

    23.

    23.

    ‘‘агкарам̣ бад̣̇ам̣ б̣яан̃ж̇анам̣, нируд̇д̇и д̇ат̇зва нид̣̇д̣̇зсо.

    ‘‘Akkharaṃ padaṃ byañjanaṃ, nirutti tatheva niddeso.

    аагаарачадтаважанам̣, зд̇д̇аава б̣яан̃ж̇анам̣ саб̣б̣ам̣.

    Ākārachaṭṭhavacanaṃ, ettāva byañjanaṃ sabbaṃ.

    24.

    24.

    сан̇гаасанаа багаасанаа, виваран̣аа вибхаж̇ануд̇д̇аанийгаммабан̃н̃ад̇д̇и.

    Saṅkāsanā pakāsanā, vivaraṇā vibhajanuttānīkammapaññatti.

    зд̇зхи чахи бад̣̇зхи, ад̇т̇о гамман̃жа нид̣̇д̣̇идта’’нд̇и. –

    Etehi chahi padehi, attho kammañca niddiṭṭha’’nti. –

    г̇аат̇аад̣̇ваяам̣ вуд̇д̇ам̣. адтагат̇ааяам̣ бана ‘‘ид̣̇аани язсам̣ б̣яан̃ж̇анабад̣̇аанам̣, ад̇т̇абад̣̇аанан̃жа васзна ‘д̣̇ваад̣̇аса бад̣̇аани ‘суд̇д̇а’нд̇и вуд̇д̇ам̣, д̇аани бад̣̇аани нид̣̇д̣̇исид̇ум̣ ‘агкарабад̣̇а’нд̇иаад̣̇имаахаа’’д̇и (нзд̇д̇и. адта. 23) вуд̇д̇ам̣.

    Gāthādvayaṃ vuttaṃ. Aṭṭhakathāyaṃ pana ‘‘idāni yesaṃ byañjanapadānaṃ, atthapadānañca vasena ‘dvādasa padāni ‘sutta’nti vuttaṃ, tāni padāni niddisituṃ ‘akkharapada’ntiādimāhā’’ti (netti. aṭṭha. 23) vuttaṃ.

    д̇ад̇т̇а гзнадтзна агкаранд̇и? агкарадтзна асан̃жаран̣адтзна. агаараад̣̇иван̣н̣о хи агаараад̣̇ид̇о игаараад̣̇ибарияааяам̣ нагкарад̇и, на сан̃жарад̇и, на сан̇гамад̇и. д̇знааха адтагат̇ааяам̣ ‘‘абарияосид̇з бад̣̇з ван̣н̣о агкарам̣ барияааяавасзна агкаран̣ад̇о асан̃жаран̣ад̇о’’д̇и (нзд̇д̇и. адта. 23). абарияосид̇з бад̣̇зд̇и жа вибхад̇яанд̇абхаавам̣ аббад̇д̇з д̣̇вид̇ижад̇угкараванд̇зсу бад̣̇зсу згад̣̇вид̇игкарамад̇д̇зязва агкарам̣ наама, барияосид̇з бад̣̇ам̣язва, на агкаранд̇и ад̇хиббааяо. бад̣̇ам̣ бана бавзсанад̇о ад̇т̇авасзна барияааяам̣ сан̃жаранд̇ам̣ вияа ход̇и, на звам̣ агаараад̣̇иван̣н̣о авзважанад̇д̇аа. ‘‘маа звам̣ ман̃н̃асий’’д̇иаад̣̇ийсу ваа згагкарабад̣̇аа маа-гаараад̣̇и агкарам̣ наама, вибхад̇яанд̇ам̣ бад̣̇ам̣ бана бад̣̇амзва ход̇и.

    Tattha kenaṭṭhena akkharanti? Akkharaṭṭhena asañcaraṇaṭṭhena. Akārādivaṇṇo hi akārādito ikārādipariyāyaṃ nakkharati, na sañcarati, na saṅkamati. Tenāha aṭṭhakathāyaṃ ‘‘apariyosite pade vaṇṇo akkharaṃ pariyāyavasena akkharaṇato asañcaraṇato’’ti (netti. aṭṭha. 23). Apariyosite padeti ca vibhatyantabhāvaṃ appatte dviticatukkharavantesu padesu ekadvitikkharamatteyeva akkharaṃ nāma, pariyosite padaṃyeva, na akkharanti adhippāyo. Padaṃ pana pavesanato atthavasena pariyāyaṃ sañcarantaṃ viya hoti, na evaṃ akārādivaṇṇo avevacanattā. ‘‘Mā evaṃ maññasī’’tiādīsu vā ekakkharapadā mā-kārādi akkharaṃ nāma, vibhatyantaṃ padaṃ pana padameva hoti.

    баж̇ж̇ад̇и ад̇т̇о зд̇знаад̇и бад̣̇ам̣. д̇ам̣ наамаакяаад̇обасаг̇г̇анибаад̇аббабхзд̣̇зна жад̇уб̣б̣ид̇хам̣. д̇ад̇т̇а д̣̇аб̣б̣абад̇хаанам̣ ‘‘пассо взд̣̇анаа жид̇д̇а’’нд̇и звамаад̣̇игам̣ наамабад̣̇ам̣. д̇ад̇т̇а хи д̣̇аб̣б̣амаавибхууд̇аруубам̣, гирияаа анаавибхууд̇аруубаа. гирияаабад̇хаанам̣ ‘‘пусад̇и взд̣̇аяад̇и виж̇аанаад̇ий’’д̇и звамаад̣̇игам̣ аакяаад̇абад̣̇ам̣ наама. д̇ад̇т̇а хи пусанаад̣̇игирияаа аавибхууд̇аруубаа, д̣̇аб̣б̣аманаавибхууд̇аруубам̣. гирияаависзсаб̣од̇хахзд̇убхууд̇ам̣ ба-уба-ид̇извамаад̣̇игам̣ убасаг̇г̇абад̣̇ам̣ наама. ‘‘жираббаваасим̣ (д̇ха. ба. 219) убавуд̇т̇а’’нд̇и (а. ни. 3.71; су. ни. 405) звамаад̣̇ийсу хи ба-убаад̣̇исад̣̇д̣̇аа васанаад̣̇игирияааяа вияог̇аад̣̇ивисидтад̇ам̣ д̣̇ийбзнд̇и. важанад̇т̇о бана наамабад̣̇ааакяаад̇абад̣̇ад̣̇ваяам̣ убаг̇анд̇ваа д̇асса бад̣̇ад̣̇ваяасса ад̇т̇ам̣ саж̇ж̇анд̇ийд̇и убасаг̇г̇аад̇и д̣̇адтаб̣б̣о. гирияааяа жзва д̣̇аб̣б̣асса жа саруубависзсабагаасанахзд̇убхууд̇ам̣ ‘‘звам̣, ид̇ий’’д̇и звамаад̣̇игам̣ нибаад̇абад̣̇ам̣ ассаби сам̣ван̣н̣анааяаби ижчид̇ад̇д̇аа, агкарзна бана гат̇ам̣ г̇ахид̇од̇и жз? агкарзхи суяяамаанзхи сун̣анд̇аанам̣ висзсавид̇хаанасса гад̇ад̇д̇аа бад̣̇абарияосаанз бад̣̇ад̇т̇асамбадибад̇д̇и ход̇и. д̇асмаа агкарзнаби ад̇т̇аагааро г̇ахид̇оваад̇и взд̣̇ид̇аб̣б̣о. д̇зна вуд̇д̇ам̣ – ‘‘агкарзхи сан̇гаасзд̇и, бад̣̇зхи багаасзд̇и, агкарзхи жа бад̣̇зхи жа уг̇гхадзд̇ий’’д̇и (нзд̇д̇и. 9) жа.

    Pajjati attho etenāti padaṃ. Taṃ nāmākhyātopasagganipātappabhedena catubbidhaṃ. Tattha dabbapadhānaṃ ‘‘phasso vedanā citta’’nti evamādikaṃ nāmapadaṃ. Tattha hi dabbamāvibhūtarūpaṃ, kiriyā anāvibhūtarūpā. Kiriyāpadhānaṃ ‘‘phusati vedayati vijānātī’’ti evamādikaṃ ākhyātapadaṃ nāma. Tattha hi phusanādikiriyā āvibhūtarūpā, dabbamanāvibhūtarūpaṃ. Kiriyāvisesabodhahetubhūtaṃ pa-upa-itievamādikaṃ upasaggapadaṃ nāma. ‘‘Cirappavāsiṃ (dha. pa. 219) upavuttha’’nti (a. ni. 3.71; su. ni. 405) evamādīsu hi pa-upādisaddā vasanādikiriyāya viyogādivisiṭṭhataṃ dīpenti. Vacanattho pana nāmapadaākhyātapadadvayaṃ upagantvā tassa padadvayassa atthaṃ sajjantīti upasaggāti daṭṭhabbo. Kiriyāya ceva dabbassa ca sarūpavisesapakāsanahetubhūtaṃ ‘‘evaṃ, itī’’ti evamādikaṃ nipātapadaṃ assapi saṃvaṇṇanāyapi icchitattā, akkharena pana kathaṃ gahitoti ce? Akkharehi suyyamānehi suṇantānaṃ visesavidhānassa katattā padapariyosāne padatthasampaṭipatti hoti. Tasmā akkharenapi atthākāro gahitovāti veditabbo. Tena vuttaṃ – ‘‘akkharehi saṅkāseti, padehi pakāseti, akkharehi ca padehi ca ugghaṭetī’’ti (netti. 9) ca.

    виваран̣аа вид̇т̇ааран̣аа. вибхаж̇анаа жа уд̇д̇аанийгамман̃жа бан̃н̃ад̇д̇и жа вибхаж̇ануд̇д̇аанийгаммабан̃н̃ад̇д̇ийд̇и самаахаарз аяам̣ д̣̇ванд̣̇асамаасо. д̇ад̇т̇а вибхааг̇агаран̣ам̣ вибхаж̇анам̣ наама. б̣яан̃ж̇анаагаарзхи яо ад̇т̇аагааро нид̣̇д̣̇исияамаано, со ад̇т̇аагааро виваран̣авибхаж̇анаад̇и д̣̇вийхи ад̇т̇абад̣̇зхи нид̣̇д̣̇исид̇о. баагадагаран̣ам̣ уд̇д̇аанийгаммам̣ наама. багаарзхи н̃аабанам̣ бан̃н̃ад̇д̇и. нируд̇д̇инид̣̇д̣̇зсасан̇каад̇зхи б̣яан̃ж̇анабад̣̇зхи багаасияамаано яо ад̇т̇аагааро ад̇т̇и, со ад̇т̇аагааро уд̇д̇аанийгаммабан̃н̃ад̇д̇ийхи бадинид̣̇д̣̇исид̇о. зд̇зхи сан̇гаасанаад̣̇ийхи чахи ад̇т̇абад̣̇зхи ад̇т̇о суд̇д̇ад̇т̇о г̇ахид̇о, гамман̃жа уг̇гхаданаад̣̇игамман̃жа нид̣̇д̣̇идтанд̇и ад̇т̇о. язна суд̇д̇ад̇т̇зна уг̇гхадид̇ан̃н̃уно жид̇д̇асанд̇аанасса самб̣од̇ханагирияаасан̇каад̇асса уг̇гхаданагаммасса ниб̣б̣ад̇д̇и бхавз, со суд̇д̇ад̇т̇о сан̇гаасанаабагаасанаагааро ход̇и. язна суд̇д̇ад̇т̇зна вибан̃жид̇ан̃н̃уно жид̇д̇асанд̇аанасса б̣од̇ханагирияаасан̇каад̇асса вибан̃жанагаммасса ниб̣б̣ад̇д̇и, со суд̇д̇ад̇т̇о виваран̣аавибхаж̇анаагааро ход̇и. язна суд̇д̇ад̇т̇зна нзяяасса жид̇д̇асанд̇аанасса баб̣од̇ханагирияаасан̇каад̇асса наяагаммасса ниб̣б̣ад̇д̇и, со суд̇д̇ад̇т̇о уд̇д̇аанийгаммабан̃н̃ад̇д̇аагааро ход̇ийд̇и д̣̇адтаб̣б̣о. д̇знааха адтагат̇аажарияо ‘‘суд̇д̇ад̇т̇зна хи д̣̇зсанааяа бавад̇д̇ияамаанзна уг̇гхадид̇ан̃н̃уаад̣̇ивзнзяяаанам̣ жид̇д̇асанд̇аанасса баб̣од̇ханагирияааниб̣б̣ад̇д̇и, со жа суд̇д̇ад̇т̇о сан̇гаасанаад̣̇иаагааро’’д̇и (нзд̇д̇и. адта. 24).

    Vivaraṇā vitthāraṇā. Vibhajanā ca uttānīkammañca paññatti ca vibhajanuttānīkammapaññattīti samāhāre ayaṃ dvandasamāso. Tattha vibhāgakaraṇaṃ vibhajanaṃ nāma. Byañjanākārehi yo atthākāro niddisiyamāno, so atthākāro vivaraṇavibhajanāti dvīhi atthapadehi niddisito. Pākaṭakaraṇaṃ uttānīkammaṃ nāma. Pakārehi ñāpanaṃ paññatti. Niruttiniddesasaṅkhātehi byañjanapadehi pakāsiyamāno yo atthākāro atthi, so atthākāro uttānīkammapaññattīhi paṭiniddisito. Etehi saṅkāsanādīhi chahi atthapadehi attho suttattho gahito, kammañca ugghaṭanādikammañca niddiṭṭhanti attho. Yena suttatthena ugghaṭitaññuno cittasantānassa sambodhanakiriyāsaṅkhātassa ugghaṭanakammassa nibbatti bhave, so suttattho saṅkāsanāpakāsanākāro hoti. Yena suttatthena vipañcitaññuno cittasantānassa bodhanakiriyāsaṅkhātassa vipañcanakammassa nibbatti, so suttattho vivaraṇāvibhajanākāro hoti. Yena suttatthena neyyassa cittasantānassa pabodhanakiriyāsaṅkhātassa nayakammassa nibbatti, so suttattho uttānīkammapaññattākāro hotīti daṭṭhabbo. Tenāha aṭṭhakathācariyo ‘‘suttatthena hi desanāya pavattiyamānena ugghaṭitaññuādiveneyyānaṃ cittasantānassa pabodhanakiriyānibbatti, so ca suttattho saṅkāsanādiākāro’’ti (netti. aṭṭha. 24).

    ‘‘яат̇аавуд̇д̇зхи д̇ийхи ад̇т̇анаязхи жзва чахи ад̇т̇абад̣̇зхи жа аяуд̇д̇оби ад̇т̇о гим̣ гожи ад̇т̇и, уд̣̇ааху саб̣б̣о ад̇т̇о яуд̇д̇о зваа’’д̇и бужчид̇аб̣б̣ад̇д̇аа –

    ‘‘Yathāvuttehi tīhi atthanayehi ceva chahi atthapadehi ca ayuttopi attho kiṃ koci atthi, udāhu sabbo attho yutto evā’’ti pucchitabbattā –

    25.

    25.

    ‘‘д̇ийн̣и жа наяаа ануунаа, ад̇т̇асса жа чаббад̣̇аани г̇ан̣ид̇аани.

    ‘‘Tīṇi ca nayā anūnā, atthassa ca chappadāni gaṇitāni.

    навахи бад̣̇зхи бхаг̇авад̇о, важанассад̇т̇о самааяуд̇д̇о’’д̇и. –

    Navahi padehi bhagavato, vacanassattho samāyutto’’ti. –

    г̇аат̇амааха. д̇ад̇т̇а д̇ийн̣ийд̇и лин̇г̇авибаллаасанид̣̇д̣̇зсо, д̇аяод̇и бана багад̇илин̇г̇анид̣̇д̣̇зсо вад̇д̇аб̣б̣о. г̇ан̣ид̇аа ануунаа д̇аяо ад̇т̇асса наяаа жа г̇ан̣ид̇аани ануунаани ча ад̇т̇асса бад̣̇аани жа нид̣̇д̣̇идтаани, нид̣̇д̣̇идтзхи жа ад̇т̇абад̣̇зхи бхаг̇авад̇о важанасса саб̣б̣о ад̇т̇о самааяуд̇д̇ова аяуд̇д̇о гожи ад̇т̇о над̇т̇ийд̇и яож̇анаа гаад̇аб̣б̣аа. ад̇т̇ассаад̇и суд̇д̇ад̇т̇асса. наяаад̇и нзд̇д̇иад̇т̇анаяаа. бад̣̇аанийд̇и нзд̇д̇иад̇т̇абад̣̇аани.

    Gāthamāha. Tattha tīṇīti liṅgavipallāsaniddeso, tayoti pana pakatiliṅganiddeso vattabbo. Gaṇitā anūnā tayo atthassa nayā ca gaṇitāni anūnāni cha atthassa padāni ca niddiṭṭhāni, niddiṭṭhehi ca atthapadehi bhagavato vacanassa sabbo attho samāyuttova ayutto koci attho natthīti yojanā kātabbā. Atthassāti suttatthassa. Nayāti nettiatthanayā. Padānīti nettiatthapadāni.

    26. яз хаараад̣̇аяо нид̣̇д̣̇идтаа, д̇з хаараад̣̇аяо самбин̣д̣зд̇ваа нзд̇д̇иббагаран̣асса бад̣̇ад̇т̇з сукаг̇г̇ахан̣ад̇т̇ам̣ г̇ан̣анавасзна барижчинд̣̇ид̇ваа д̣̇ассзнд̇о ‘‘ад̇т̇ассаа’’д̇иаад̣̇имааха. д̇ад̇т̇а ад̇т̇асса самуухасса аваяавабхууд̇аани навабхзд̣̇аани ад̇т̇абад̣̇аани суд̇д̇аб̣яан̃ж̇анасса ад̇т̇асса барияздтисан̇каад̇ааяа сам̣ван̣н̣анааяа г̇ан̣анад̇о жад̇увийсад̇и б̣яан̃ж̇анабад̣̇аани хонд̇и, ад̇т̇абад̣̇аб̣яан̃ж̇анабад̣̇абхууд̇ам̣ убхаяам̣ сан̇кзбаяад̇о самбин̣д̣аяад̇о д̇зд̇д̇им̣саа д̇зд̇д̇им̣савид̇хаа зд̇д̇игаа д̇зд̇д̇им̣савид̇хаава нзд̇д̇ийд̇и яож̇анаа.

    26. Ye hārādayo niddiṭṭhā, te hārādayo sampiṇḍetvā nettippakaraṇassa padatthe sukhaggahaṇatthaṃ gaṇanavasena paricchinditvā dassento ‘‘atthassā’’tiādimāha. Tattha atthassa samūhassa avayavabhūtāni navabhedāni atthapadāni suttabyañjanassa atthassa pariyeṭṭhisaṅkhātāya saṃvaṇṇanāya gaṇanato catuvīsati byañjanapadāni honti, atthapadabyañjanapadabhūtaṃ ubhayaṃ saṅkhepayato sampiṇḍayato tettiṃsā tettiṃsavidhā ettikā tettiṃsavidhāva nettīti yojanā.

    д̇ад̇т̇а наваббад̣̇аанийд̇и д̇аяо ад̇т̇анаяаа, ча ад̇т̇абад̣̇аани жа. жад̇уб̣б̣ийсаад̇и сол̣аса хаараа, ча б̣яан̃ж̇анабад̣̇аани, д̣̇вз д̣̇исааложананаяаан̇гусанаяаа жаад̇и звам̣ д̇зд̇д̇им̣савид̇хаа жа нзд̇д̇и наама, ид̇о винимуд̇д̇о ан̃н̃о гожи нзд̇д̇ибад̣̇ад̇т̇о над̇т̇ийд̇и ад̇т̇о д̣̇адтаб̣б̣о.

    Tattha navappadānīti tayo atthanayā, cha atthapadāni ca. Catubbīsāti soḷasa hārā, cha byañjanapadāni, dve disālocananayaaṅkusanayā cāti evaṃ tettiṃsavidhā ca netti nāma, ito vinimutto añño koci nettipadattho natthīti attho daṭṭhabbo.

    ‘‘звам̣ д̇зд̇д̇им̣сабад̣̇ад̇т̇ааяа нзд̇д̇ияаа хааранаяаанам̣ гад̇амо д̣̇зсанаахааравижаяахааро’’д̇иаад̣̇и д̣̇зсанааггамзнзва сид̣̇д̇хо, звам̣ сид̣̇д̇хз сад̇иби ‘‘сол̣аса хаараа батама’’нд̇и аарамбхо ‘‘саб̣б̣збимз хаараа жзва наяаа жа иминаа д̣̇ассид̇аггамзнзва сам̣ван̣н̣зд̇аб̣б̣зсу суд̇д̇зсу сам̣ван̣н̣анаавасзна яож̇зд̇аб̣б̣аа, на уббадибаадияаа’’д̇и имамад̇т̇ам̣ д̣̇ийбзд̇и. д̣̇ийбанаважанасаванаанусаарзна н̃аабзд̇и, д̇асмаа звам̣ гамо д̣̇ассид̇о, ассаад̣̇аад̣̇ийнаваниссаран̣аани д̇хаммад̣̇зсанааяа ниссаяаани, палан̃жа д̇хаммад̣̇зсанааяа палам̣, убааяо жа д̇хаммад̣̇зсанааяа убааяо, аан̣ад̇д̇и жа д̇хаммад̣̇зсанааяа сарийрам̣. д̣̇зсанаахаарасса д̇аасам̣ ассаад̣̇аад̣̇ийнаваниссаран̣апалубааяаан̣ад̇д̇ийнам̣ вибхааванасабхаавад̇д̇аа.

    ‘‘Evaṃ tettiṃsapadatthāya nettiyā hāranayānaṃ katamo desanāhāravicayahāro’’tiādi desanākkameneva siddho, evaṃ siddhe satipi ‘‘soḷasa hārā paṭhama’’nti ārambho ‘‘sabbepime hārā ceva nayā ca iminā dassitakkameneva saṃvaṇṇetabbesu suttesu saṃvaṇṇanāvasena yojetabbā, na uppaṭipāṭiyā’’ti imamatthaṃ dīpeti. Dīpanavacanasavanānusārena ñāpeti, tasmā evaṃ kamo dassito, assādādīnavanissaraṇāni dhammadesanāya nissayāni, phalañca dhammadesanāya phalaṃ, upāyo ca dhammadesanāya upāyo, āṇatti ca dhammadesanāya sarīraṃ. Desanāhārassa tāsaṃ assādādīnavanissaraṇaphalupāyāṇattīnaṃ vibhāvanasabhāvattā.

    нид̣̇д̇хааран̣зна винааби багад̇ияаа саб̣б̣асам̣ван̣н̣зд̇аб̣б̣асуд̇д̇зсу анаруубаад̇и сувин̃н̃зяяад̇д̇аа, сам̣ван̣н̣анаависзсаанам̣ вижаяахаараад̣̇ийнам̣ ниссаяабхаавад̇о жа батамам̣ д̣̇зсанаахааро д̣̇ассид̇о.

    Niddhāraṇena vināpi pakatiyā sabbasaṃvaṇṇetabbasuttesu anarūpāti suviññeyyattā, saṃvaṇṇanāvisesānaṃ vicayahārādīnaṃ nissayabhāvato ca paṭhamaṃ desanāhāro dassito.

    бад̣̇абужчаависсаж̇ж̇анаабужчаабад̣̇аануг̇ийд̇ийхи сад̣̇д̇хим̣ д̣̇зсанаахаарабад̣̇ад̇т̇аанам̣ ассаад̣̇аад̣̇ийнам̣ бавижаяабхаавад̇о д̣̇зсанаахаараананд̇арам̣ вижаяо хааро.

    Padapucchāvissajjanāpucchāpadānugītīhi saddhiṃ desanāhārapadatthānaṃ assādādīnaṃ pavicayabhāvato desanāhārānantaraṃ vicayo hāro.

    вижаяахаарзна бавижид̇аанам̣ ад̇т̇аанам̣ яуд̇д̇ааяуд̇д̇ивижааран̣абхаавад̇о вижаяахаараананд̇арам̣ яуд̇д̇и хааро.

    Vicayahārena pavicitānaṃ atthānaṃ yuttāyuttivicāraṇabhāvato vicayahārānantaraṃ yutti hāro.

    бад̣̇адтаанахаарасса яуд̇д̇ааяуд̇д̇аанам̣язва ад̇т̇аанам̣ убабад̇д̇иануруубам̣ гааран̣абарамбарааяа нид̣̇д̇хааран̣ад̇д̇аа яуд̇д̇ихаараананд̇арам̣ бад̣̇адтаанахааро.

    Padaṭṭhānahārassa yuttāyuttānaṃyeva atthānaṃ upapattianurūpaṃ kāraṇaparamparāya niddhāraṇattā yuttihārānantaraṃ padaṭṭhānahāro.

    яуд̇д̇ааяуд̇д̇аанам̣ гааран̣абарамбарааяа бариг̇г̇ахид̇асабхааваанам̣язва жа д̇хаммаанам̣ авуд̇д̇аанамби самааналагкан̣ад̇ааяа г̇ахан̣алагкан̣ад̇д̇ааяа бад̣̇адтаанахаараананд̇арам̣ лагкан̣ахааро.

    Yuttāyuttānaṃ kāraṇaparamparāya pariggahitasabhāvānaṃyeva ca dhammānaṃ avuttānampi samānalakkhaṇatāya gahaṇalakkhaṇattāya padaṭṭhānahārānantaraṃ lakkhaṇahāro.

    лагкан̣ахаарзна ад̇т̇ад̇о суд̇д̇анд̇арад̇о нид̣̇д̇хаарид̇аанамби д̇хаммаанам̣ ниб̣б̣ажанаад̣̇ийни вад̇д̇аб̣б̣аани, на суд̇д̇з саруубад̇о ааг̇ад̇ад̇хаммаанам̣язваад̇и д̣̇ассанад̇т̇ам̣ лагкан̣ахаараананд̇арам̣ жад̇уб̣яуухо хааро. зван̃хи ниравасзсад̇о ад̇т̇ааваб̣од̇хо ход̇и.

    Lakkhaṇahārena atthato suttantarato niddhāritānampi dhammānaṃ nibbacanādīni vattabbāni, na sutte sarūpato āgatadhammānaṃyevāti dassanatthaṃ lakkhaṇahārānantaraṃ catubyūho hāro. Evañhi niravasesato atthāvabodho hoti.

    жад̇уб̣яуухзна хаарзна вуд̇д̇зхи ниб̣б̣ажанаад̇хиббааяанид̣̇аанзхи сад̣̇д̇хим̣ суд̇д̇з бад̣̇ад̇т̇аанам̣ суд̇д̇анд̇арасам̣санд̣̇анасан̇каад̇з буб̣б̣аабаравижаарз д̣̇ассид̇з д̇зсам̣ суд̇д̇абад̣̇ад̇т̇аанам̣ сабхааг̇ависабхааг̇ад̇хамманд̇араавадданам̣ сукзна саггаа д̣̇ассзд̇унд̇и жад̇уб̣яуухахаараананд̇арам̣ ааваддо хааро. суд̇д̇анд̇арасам̣санд̣̇анасса хи сабхааг̇ависабхааг̇ад̇хамманд̇араавадданаяасса убааяабхаавад̇о ‘‘аарамбхат̇а ниггамат̇аа’’д̇иаад̣̇иг̇аат̇ааяа (сам̣. ни. 1.185; нзд̇д̇и. 29; бздаго. 38) аарамбхананиггаманаб̣уд̣̇д̇хасаасанаяог̇ад̇хунанзхи вийрияасамаад̇хибан̃н̃инд̣̇рияаани нид̣̇д̇хаарзд̇ваа д̇зсу аарамбхананиггаманаб̣уд̣̇д̇хасаасанаяог̇ад̇хунанзсу анануяог̇асса муулам̣ бамаад̣̇од̇и суд̇д̇анд̇арз д̣̇ассид̇о бамаад̣̇о ааваддид̇од̇и.

    Catubyūhena hārena vuttehi nibbacanādhippāyanidānehi saddhiṃ sutte padatthānaṃ suttantarasaṃsandanasaṅkhāte pubbāparavicāre dassite tesaṃ suttapadatthānaṃ sabhāgavisabhāgadhammantarāvaṭṭanaṃ sukhena sakkā dassetunti catubyūhahārānantaraṃ āvaṭṭo hāro. Suttantarasaṃsandanassa hi sabhāgavisabhāgadhammantarāvaṭṭanayassa upāyabhāvato ‘‘ārambhatha nikkamathā’’tiādigāthāya (saṃ. ni. 1.185; netti. 29; peṭako. 38) ārambhananikkamanabuddhasāsanayogadhunanehi vīriyasamādhipaññindriyāni niddhāretvā tesu ārambhananikkamanabuddhasāsanayogadhunanesu ananuyogassa mūlaṃ pamādoti suttantare dassito pamādo āvaṭṭitoti.

    ааваддзна хаарзна сабхааг̇ависабхааг̇ад̇хаммаавадданзна баяож̇ид̇з саад̇хааран̣аасаад̇хааран̣авасзна сам̣гилзсавод̣̇аанад̇хаммаанам̣ бад̣̇адтаанад̇о жзва бхуумид̇о жа вибхааг̇о саггаа сукзна яож̇зд̇унд̇и ааваддахаараананд̇арам̣ вибхад̇д̇и хааро.

    Āvaṭṭena hārena sabhāgavisabhāgadhammāvaṭṭanena payojite sādhāraṇāsādhāraṇavasena saṃkilesavodānadhammānaṃ padaṭṭhānato ceva bhūmito ca vibhāgo sakkā sukhena yojetunti āvaṭṭahārānantaraṃ vibhatti hāro.

    вибхад̇д̇ихаарзна сам̣гилзсавод̣̇аанад̇хаммаанам̣ вибхааг̇з гад̇з сам̣ван̣н̣зд̇аб̣б̣асуд̇д̇з ааг̇ад̇аа д̇хаммаа агасирзна бадибагкад̇о баривад̇д̇зд̇ум̣ саггаад̇и вибхад̇д̇ихаараананд̇арам̣ баривад̇д̇анахааро. вибхад̇д̇ихаарзна хи ‘‘саммаад̣̇идтисса бурисабуг̇г̇аласса мижчаад̣̇идти ниж̇ж̇ин̣н̣аа ход̇ий’’д̇и (нзд̇д̇и. 35) бадивибхад̇д̇асабхаавз зва д̇хаммз баривад̇д̇анахааравибхан̇г̇з уд̣̇аахарийяиссад̇и.

    Vibhattihārena saṃkilesavodānadhammānaṃ vibhāge kate saṃvaṇṇetabbasutte āgatā dhammā akasirena paṭipakkhato parivattetuṃ sakkāti vibhattihārānantaraṃ parivattanahāro. Vibhattihārena hi ‘‘sammādiṭṭhissa purisapuggalassa micchādiṭṭhi nijjiṇṇā hotī’’ti (netti. 35) paṭivibhattasabhāve eva dhamme parivattanahāravibhaṅge udāharīyissati.

    баривад̇д̇анахаарзна бадибагкад̇о баривад̇д̇ид̇ааби д̇хаммаа барияааяаважанзхи б̣од̇хзд̇аб̣б̣аа, на сам̣ван̣н̣зд̇аб̣б̣асуд̇д̇з ааг̇ад̇ад̇хаммааязваад̇и д̣̇ассанад̇т̇ам̣ баривад̇д̇анахаараананд̇арам̣ взважанахааро.

    Parivattanahārena paṭipakkhato parivattitāpi dhammā pariyāyavacanehi bodhetabbā, na saṃvaṇṇetabbasutte āgatadhammāyevāti dassanatthaṃ parivattanahārānantaraṃ vevacanahāro.

    взважанахаарзна барияааяад̇о багаасид̇аанам̣ д̇хаммаанам̣ бабхзд̣̇ад̇о бан̃н̃ад̇д̇ивасзна вибхаж̇анам̣ сукзна саггаа н̃аад̇унд̇и взважанахаараананд̇арам̣ бан̃н̃ад̇д̇и хааро.

    Vevacanahārena pariyāyato pakāsitānaṃ dhammānaṃ pabhedato paññattivasena vibhajanaṃ sukhena sakkā ñātunti vevacanahārānantaraṃ paññatti hāro.

    бан̃н̃ад̇д̇ихаарзна бабхавабарин̃н̃аад̣̇ибан̃н̃ад̇д̇ивибхааг̇амукзна бадижжасамуббаад̣̇асажжаад̣̇ид̇хаммавибхааг̇з гад̇з суд̇д̇з ааг̇ад̇ад̇хаммаанам̣ бадижжасамуббаад̣̇аад̣̇имукзна авад̇аран̣ам̣ саггаа д̣̇ассзд̇унд̇и бан̃н̃ад̇д̇ихаараананд̇арам̣ од̇аран̣о хааро.

    Paññattihārena pabhavapariññādipaññattivibhāgamukhena paṭiccasamuppādasaccādidhammavibhāge kate sutte āgatadhammānaṃ paṭiccasamuppādādimukhena avataraṇaṃ sakkā dassetunti paññattihārānantaraṃ otaraṇo hāro.

    од̇аран̣зна хаарзна д̇хаад̇ааяад̇анаад̣̇ийсу од̇аарид̇аанам̣ сам̣ван̣н̣зд̇аб̣б̣асуд̇д̇з бад̣̇ад̇т̇аанам̣ бужчаарамбхасод̇ханам̣ саггаа сукзна самбаад̣̇зд̇унд̇и од̇аран̣ахаараананд̇арам̣ сод̇хано хааро.

    Otaraṇena hārena dhātāyatanādīsu otāritānaṃ saṃvaṇṇetabbasutte padatthānaṃ pucchārambhasodhanaṃ sakkā sukhena sampādetunti otaraṇahārānantaraṃ sodhano hāro.

    сод̇ханзна хаарзна сам̣ван̣н̣зд̇аб̣б̣асуд̇д̇з бад̣̇абад̣̇ад̇т̇зсу висод̇хид̇зсу д̇ад̇т̇а д̇ад̇т̇а згад̇д̇ад̇ааяа ваа взмад̇д̇ад̇ааяа ваа лаб̣бхамаанасааман̃н̃ависзсабхааво сугаро ход̇ийд̇и д̣̇ассзд̇ум̣ сод̇ханахаараананд̇арам̣ ад̇хидтаано хааро.

    Sodhanena hārena saṃvaṇṇetabbasutte padapadatthesu visodhitesu tattha tattha ekattatāya vā vemattatāya vā labbhamānasāmaññavisesabhāvo sukaro hotīti dassetuṃ sodhanahārānantaraṃ adhiṭṭhāno hāro.

    сааман̃н̃ависзсабхууд̇зсу саад̇хааран̣аасаад̇хааран̣зсу д̇хаммзсу ад̇хидтаанзна хаарзна бавзд̣̇ид̇зсу баригкаарасан̇каад̇асса саад̇хааран̣аасаад̇хааран̣аруубасса бажжаяахзд̇ураасисса бабхзд̣̇о сувин̃н̃зяяод̇и ад̇хидтаанахаараананд̇арам̣ баригкааро хааро.

    Sāmaññavisesabhūtesu sādhāraṇāsādhāraṇesu dhammesu adhiṭṭhānena hārena paveditesu parikkhārasaṅkhātassa sādhāraṇāsādhāraṇarūpassa paccayaheturāsissa pabhedo suviññeyyoti adhiṭṭhānahārānantaraṃ parikkhāro hāro.

    асаад̇хааран̣з, саад̇хааран̣з жа гааран̣з баригкаарзна хаарзна д̣̇ассид̇з д̇асса ад̇д̇ано палзсу гааран̣аагааро, д̇зсам̣ хзд̇упалаанам̣ бабхзд̣̇ад̇о д̣̇зсанаагааро, бхаавзд̇аб̣б̣абахаад̇аб̣б̣ад̇хаммаанам̣ бхааванаабахаанаани жа нид̣̇д̇хаарзд̇ваа вужжамаанаани саммаа сам̣ван̣н̣зд̇аб̣б̣асуд̇д̇асса ад̇т̇ам̣ д̇ат̇ад̇д̇ааваб̣од̇хааяа сам̣вад̇д̇анд̇ийд̇и баригкаарахаараананд̇арам̣ самааробано хааро д̣̇ассид̇о ход̇и. ид̣̇ам̣ хаараанам̣ д̣̇ассанаануггамагааран̣ам̣ д̣̇адтаб̣б̣ам̣.

    Asādhāraṇe, sādhāraṇe ca kāraṇe parikkhārena hārena dassite tassa attano phalesu kāraṇākāro, tesaṃ hetuphalānaṃ pabhedato desanākāro, bhāvetabbapahātabbadhammānaṃ bhāvanāpahānāni ca niddhāretvā vuccamānāni sammā saṃvaṇṇetabbasuttassa atthaṃ tathattāvabodhāya saṃvattantīti parikkhārahārānantaraṃ samāropano hāro dassito hoti. Idaṃ hārānaṃ dassanānukkamakāraṇaṃ daṭṭhabbaṃ.

    уд̣̇д̣̇зсо уг̇гхадид̇ан̃н̃уно убагаарааяа сам̣вад̇д̇ад̇и яат̇аа, звам̣ нанд̣̇ияаавадданаяо уг̇гхадид̇ан̃н̃уно убагаарааяа сам̣вад̇д̇ад̇и, д̇асмаа батамам̣ нанд̣̇ияаавадданаяо д̣̇ассид̇о. нид̣̇д̣̇зсо вибан̃жид̇ан̃н̃уно убагаарааяа сам̣вад̇д̇ад̇и яат̇аа, звам̣ д̇ибугкаланаяо вибан̃жид̇ан̃н̃уно убагаарааяа сам̣вад̇д̇ад̇и, д̇асмаа нанд̣̇ияаавадданаяаананд̇арам̣ д̇ибугкаланаяо. бадинид̣̇д̣̇зсо нзяяасса убагаарааяа сам̣вад̇д̇ад̇и яат̇аа, звам̣ сийхавиггийл̣ид̇анаяо нзяяасса убагаарааяа сам̣вад̇д̇ад̇и . д̇асмаа д̇ибугкалаананд̇арам̣ сийхавиггийл̣ид̇анаяо д̣̇ассид̇од̇и д̇ин̣н̣ам̣ ад̇т̇анаяаанам̣ д̣̇ассанаануггамо взд̣̇ид̇аб̣б̣о. ад̇т̇анаяаанам̣ д̣̇исаабхууд̇ааяа бхуумияаа аалогзд̇ваа д̇зсам̣ д̇ассаа д̣̇исааяа бхуумияаа самаанаяанам̣ ход̇и. на хи саггаа анологзд̇ваа самаанзд̇унд̇и д̣̇исааложананаяам̣ д̣̇ассзд̇ваа ан̇гусанаяо д̣̇ассид̇о. бод̇т̇агаарул̣хаавачзгаа саб̣б̣аасу д̣̇исаасу хад̇т̇иг̇аманадтаанам̣ ологзд̇ваа ан̇гусзна ижчид̇адтаанам̣ самаанаяанд̇и. гзжи ажчзгаа анологзд̇ваа винаяанд̇и. д̇зсам̣ наяанамад̇д̇амзва, на самаанаяанам̣. звамзва бан̣д̣ид̇аа суд̇д̇ад̇т̇ам̣ ван̣н̣знд̇аа манасаава ологзд̇ваава наяаа нзд̇аб̣б̣аад̇и д̣̇адтаб̣б̣аа.

    Uddeso ugghaṭitaññuno upakārāya saṃvattati yathā, evaṃ nandiyāvaṭṭanayo ugghaṭitaññuno upakārāya saṃvattati, tasmā paṭhamaṃ nandiyāvaṭṭanayo dassito. Niddeso vipañcitaññuno upakārāya saṃvattati yathā, evaṃ tipukkhalanayo vipañcitaññuno upakārāya saṃvattati, tasmā nandiyāvaṭṭanayānantaraṃ tipukkhalanayo. Paṭiniddeso neyyassa upakārāya saṃvattati yathā, evaṃ sīhavikkīḷitanayo neyyassa upakārāya saṃvattati . Tasmā tipukkhalānantaraṃ sīhavikkīḷitanayo dassitoti tiṇṇaṃ atthanayānaṃ dassanānukkamo veditabbo. Atthanayānaṃ disābhūtāya bhūmiyā āloketvā tesaṃ tassā disāya bhūmiyā samānayanaṃ hoti. Na hi sakkā anoloketvā samānetunti disālocananayaṃ dassetvā aṅkusanayo dassito. Potthakāruḷhāvachekā sabbāsu disāsu hatthigamanaṭṭhānaṃ oloketvā aṅkusena icchitaṭṭhānaṃ samānayanti. Keci acchekā anoloketvā vinayanti. Tesaṃ nayanamattameva, na samānayanaṃ. Evameva paṇḍitā suttatthaṃ vaṇṇentā manasāva oloketvāva nayā netabbāti daṭṭhabbā.

    самудтаанасам̣ван̣н̣анаа ад̇хиббааяасам̣ван̣н̣анаа бад̣̇ад̇т̇асам̣ван̣н̣анаа вид̇хиануваад̣̇асам̣ван̣н̣анаа ниг̇аманасам̣ван̣н̣анаад̇и ваа, баяож̇анасам̣ван̣н̣анаа бин̣д̣ад̇т̇асам̣ван̣н̣анаа анусанд̇хисам̣ван̣н̣анаа жод̣̇анаасам̣ван̣н̣анаа барихаарасам̣ван̣н̣анаад̇и ваа, убог̇гхаадасам̣ван̣н̣анаа бад̣̇авиг̇г̇ахасам̣ван̣н̣анаа бад̣̇ад̇т̇ажааланасам̣ван̣н̣анаа бажжубадтаанасам̣ван̣н̣анаад̇и ваа, д̇ат̇аа зганаал̣игаагат̇аа жад̇урассагат̇аа нисиннавад̇д̇игаагат̇аад̇и ваа ааг̇ад̇аа.

    Samuṭṭhānasaṃvaṇṇanā adhippāyasaṃvaṇṇanā padatthasaṃvaṇṇanā vidhianuvādasaṃvaṇṇanā nigamanasaṃvaṇṇanāti vā, payojanasaṃvaṇṇanā piṇḍatthasaṃvaṇṇanā anusandhisaṃvaṇṇanā codanāsaṃvaṇṇanā parihārasaṃvaṇṇanāti vā, upogghāṭasaṃvaṇṇanā padaviggahasaṃvaṇṇanā padatthacālanasaṃvaṇṇanā paccupaṭṭhānasaṃvaṇṇanāti vā, tathā ekanāḷikākathā caturassakathā nisinnavattikākathāti vā āgatā.

    д̇ад̇т̇а самудтаанам̣ нид̣̇аанамзва. вид̇хиануваад̣̇о висзсаважанамзва. убог̇гхаадо нид̣̇аанамзва. жааланаа жод̣̇анааязва. бажжубадтаанам̣ барихаарова.

    Tattha samuṭṭhānaṃ nidānameva. Vidhianuvādo visesavacanameva. Upogghāṭo nidānameva. Cālanā codanāyeva. Paccupaṭṭhānaṃ parihārova.

    баал̣им̣ вад̇ваа згзгабад̣̇асса ад̇т̇агат̇анасан̇каад̇аа сам̣ван̣н̣анаа зганаал̣игаагат̇аа наама.

    Pāḷiṃ vatvā ekekapadassa atthakathanasaṅkhātā saṃvaṇṇanā ekanāḷikākathā nāma.

    бадибагкам̣ д̣̇ассзд̇ваа бадибагкасса убамам̣ д̣̇ассзд̇ваа сабагкам̣ д̣̇ассзд̇ваа сабагкасса убамам̣ д̣̇ассзд̇ваа гат̇анасан̇каад̇аа сам̣ван̣н̣анаа жад̇урассагат̇аа наама.

    Paṭipakkhaṃ dassetvā paṭipakkhassa upamaṃ dassetvā sapakkhaṃ dassetvā sapakkhassa upamaṃ dassetvā kathanasaṅkhātā saṃvaṇṇanā caturassakathā nāma.

    висабхааг̇ад̇хаммавасзнзва барияосаанам̣ г̇анд̇ваа буна сабхааг̇ад̇хаммавасзнзва барияосаанаг̇аманасан̇каад̇аа сам̣ван̣н̣анаа нисиннавад̇д̇игаагат̇аа наама.

    Visabhāgadhammavaseneva pariyosānaṃ gantvā puna sabhāgadhammavaseneva pariyosānagamanasaṅkhātā saṃvaṇṇanā nisinnavattikākathā nāma.

    д̇аа саб̣б̣аа сам̣ван̣н̣анааяоби д̣̇зсанаахаараад̣̇ийсу нзд̇д̇исам̣ван̣н̣анаасу анд̇ог̇ад̇хааязва. д̇знааха ‘‘яад̇д̇агаа хи суд̇д̇асса сам̣ван̣н̣анаависзсаа, саб̣б̣з д̇з нзд̇д̇иубад̣̇зсааяад̇д̇аа’’д̇и. звам̣ зд̇д̇аавад̇аа зд̇абарамад̇аа д̣̇адтаб̣б̣аа . хзд̇упалабхуумиубанисаасабхааг̇ависабхааг̇алагкан̣анаяаад̣̇аяо бана адтагат̇ааяам̣ (нзд̇д̇и. адта. 4 д̣̇ваад̣̇асабад̣̇а) вид̇т̇аарад̇о вуд̇д̇аад̇и на вид̇т̇аараяиссаамийд̇и.

    Tā sabbā saṃvaṇṇanāyopi desanāhārādīsu nettisaṃvaṇṇanāsu antogadhāyeva. Tenāha ‘‘yattakā hi suttassa saṃvaṇṇanāvisesā, sabbe te nettiupadesāyattā’’ti. Evaṃ ettāvatā etaparamatā daṭṭhabbā . Hetuphalabhūmiupanisāsabhāgavisabhāgalakkhaṇanayādayo pana aṭṭhakathāyaṃ (netti. aṭṭha. 4 dvādasapada) vitthārato vuttāti na vitthārayissāmīti.

    ид̇и сад̇д̇иб̣алаануруубаа ражид̇аа

    Iti sattibalānurūpā racitā

    нид̣̇д̣̇зсаваараад̇т̇авибхааванаа нидтид̇аа.

    Niddesavāraatthavibhāvanā niṭṭhitā.




    Next: 4. бадинид̣̇д̣̇зсаваараад̇т̇авибхааванаа • 4. Paṭiniddesavāraatthavibhāvanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 3. нид̣̇д̣̇зсавааро • 3. Niddesavāro

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 3. нид̣̇д̣̇зсаваараван̣н̣анаа • 3. Niddesavāravaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 3. нид̣̇д̣̇зсаваараван̣н̣анаа • 3. Niddesavāravaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact