| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
гаамааважарагусалам̣
Kāmāvacarakusalaṃ
нид̣̇д̣̇зсаваарагат̇ааван̣н̣анаа
Niddesavārakathāvaṇṇanā
2. пусанагавасзнаад̇и санд̇з асанд̇зби висаяз аабаат̇аг̇ад̇з жид̇д̇асса саннибад̇анавасзна ‘‘жид̇д̇ам̣ мано’’д̇иаад̣̇ийсу (д̇ха. са. 6, 17) вияа гижжависзсам̣, ‘‘маанаса’’нд̇иаад̣̇ийсу (д̇ха. са. 6, 17) вияа самаанз ад̇т̇з сад̣̇д̣̇ависзсам̣, ‘‘бан̣д̣ара’’нд̇иаад̣̇ийсу (д̇ха. са. 6, 17) вияа г̇ун̣ависзсам̣, ‘‘жзд̇асигам̣ саад̇а’’нд̇иаад̣̇ийсу (д̇ха. са. 2, 18) вияа ниссаяависзсам̣, ‘‘жид̇д̇асса тид̇ий’’д̇иаад̣̇ийсу (д̇ха. са. 15, 24) вияа ан̃н̃асса авад̇т̇аабхаавависзсам̣, ‘‘алуб̣бханаа’’д̇иаад̣̇ийсу (д̇ха. са. 32) вияа ан̃н̃асса гирияаабхаавависзсам̣, ‘‘алуб̣бхид̇ад̇д̇а’’нд̇иаад̣̇ийсу (д̇ха. са. 32) вияа ан̃н̃асса гирияаабхаавабхууд̇ад̇аависзсанд̇иаад̣̇игам̣ анабзгкид̇ваа д̇хаммамад̇д̇ад̣̇ийбанам̣ сабхаавабад̣̇ам̣. пусанд̇асса хи жид̇д̇асса пусанагирияаа пусанаагааро. сампусанаад̇и аарамман̣асамааг̇амапусанаа, на бадилаабхасампусанаа. сампусид̇асса аарамман̣зна самааг̇ад̇асса жид̇д̇асса бхааво сампусид̇ад̇д̇ам̣. яасмим̣ сад̇и жид̇д̇ам̣ сампусид̇анд̇и вужжад̇и, со д̇асса бхааво. звам̣ ан̃н̃зсуби бхааванид̣̇д̣̇зсзсу д̣̇адтаб̣б̣ам̣.
2. Phusanakavasenāti sante asantepi visaye āpāthagate cittassa sannipatanavasena ‘‘cittaṃ mano’’tiādīsu (dha. sa. 6, 17) viya kiccavisesaṃ, ‘‘mānasa’’ntiādīsu (dha. sa. 6, 17) viya samāne atthe saddavisesaṃ, ‘‘paṇḍara’’ntiādīsu (dha. sa. 6, 17) viya guṇavisesaṃ, ‘‘cetasikaṃ sāta’’ntiādīsu (dha. sa. 2, 18) viya nissayavisesaṃ, ‘‘cittassa ṭhitī’’tiādīsu (dha. sa. 15, 24) viya aññassa avatthābhāvavisesaṃ, ‘‘alubbhanā’’tiādīsu (dha. sa. 32) viya aññassa kiriyābhāvavisesaṃ, ‘‘alubbhitatta’’ntiādīsu (dha. sa. 32) viya aññassa kiriyābhāvabhūtatāvisesantiādikaṃ anapekkhitvā dhammamattadīpanaṃ sabhāvapadaṃ. Phusantassa hi cittassa phusanakiriyā phusanākāro. Samphusanāti ārammaṇasamāgamaphusanā, na paṭilābhasamphusanā. Samphusitassa ārammaṇena samāgatassa cittassa bhāvo samphusitattaṃ. Yasmiṃ sati cittaṃ samphusitanti vuccati, so tassa bhāvo. Evaṃ aññesupi bhāvaniddesesu daṭṭhabbaṃ.
абарасса взважанасса, абарзна ваа буримад̇т̇асса д̣̇ийбанаа абарад̣̇ийбанаа. ‘‘бан̣д̣ижжам̣ госалла’’нд̇и звамаад̣̇аяо бан̃н̃аависзсаа наанаагаалз лаб̣бхамаанааби згасмим̣ жид̇д̇з лаб̣бханд̇и. згасмин̃жа висзсз ид̇арзби ануг̇ад̇аа хонд̇ийд̇и д̣̇ассзд̇ум̣ д̇ат̇аа вибхад̇д̇и ад̇т̇ад̇о вибхад̇д̇и ход̇и ад̇т̇анаанад̇д̇зна гад̇ад̇д̇аа. ат̇а ваа яат̇аа ‘‘год̇хо гуж̇жханаа гуж̇жхид̇ад̇д̇а’’нд̇и (д̇ха. са. 1066) сабхааваагаарабхааванид̣̇д̣̇зсзхи год̇ход̇и звамаагаарова ад̇т̇о вуд̇д̇о, на звамид̇ха, ид̇ха бана бан̣д̣ид̇аад̣̇ибхааваагаарабхинно ад̇т̇о вуд̇д̇од̇и ид̣̇ам̣ вибхад̇д̇иг̇аманам̣ ад̇т̇авасзна ход̇и. сампусид̇ад̇д̇анд̇и зд̇т̇ааби на ‘‘пассо’’д̇и звамаагаарова ад̇т̇о вуд̇д̇о. сампассод̇и звамаагааро бана вуд̇д̇од̇и ад̇т̇ад̇о вибхад̇д̇иг̇амананд̇и вуд̇д̇ам̣.
Aparassa vevacanassa, aparena vā purimatthassa dīpanā aparadīpanā. ‘‘Paṇḍiccaṃ kosalla’’nti evamādayo paññāvisesā nānākāle labbhamānāpi ekasmiṃ citte labbhanti. Ekasmiñca visese itarepi anugatā hontīti dassetuṃ tathā vibhatti atthato vibhatti hoti atthanānattena katattā. Atha vā yathā ‘‘kodho kujjhanā kujjhitatta’’nti (dha. sa. 1066) sabhāvākārabhāvaniddesehi kodhoti evamākārova attho vutto, na evamidha, idha pana paṇḍitādibhāvākārabhinno attho vuttoti idaṃ vibhattigamanaṃ atthavasena hoti. Samphusitattanti etthāpi na ‘‘phasso’’ti evamākārova attho vutto. Samphassoti evamākāro pana vuttoti atthato vibhattigamananti vuttaṃ.
д̣̇осо б̣яаабаад̣̇од̇и уд̣̇д̣̇зсзби нааманаанад̇д̇зна наанаабхууд̇о уд̣̇д̣̇идто. нид̣̇д̣̇зсзби д̇знзва наанад̇д̇зна нид̣̇д̣̇идто. згова канд̇хо ход̇ийд̇и згзна канд̇хасад̣̇д̣̇зна вад̇д̇аб̣б̣ад̇ам̣ санд̇хааяааха. жзд̇анаад̇и сан̇каарагканд̇хам̣ д̣̇ассзд̇и д̇аббамукад̇д̇аа. асад̣̇д̇хаммаад̇и асад̇ам̣, асанд̇о ваа д̇хаммаа, на ваа сад̣̇д̇хаммаад̇и асад̣̇д̇хаммаад̇и асад̣̇д̇хаммаважанийяабхаавзна згийбхууд̇оби асад̣̇д̇хаммо год̇хаг̇аруд̇аад̣̇ивисидтзна сад̣̇д̇хаммаг̇аруд̇аабадигкзбанаанад̇д̇зна наанад̇д̇ам̣ г̇ад̇од̇и ‘‘жад̇д̇ааро’’д̇и вуд̇д̇ам̣. на сад̣̇д̇хаммаг̇аруд̇аад̇и вужжамаанаа ваа асад̣̇д̇хаммаг̇аруд̇аа асад̣̇д̇хаммаг̇аруд̇аабхаавзна згийбхууд̇ааби год̇хаад̣̇ивисидтабадигкзбанаанад̇д̇зна наанад̇д̇ам̣ г̇ад̇аа. бадибагко ваа бадигкибийяад̇и д̇зна, саяам̣ ваа бадигкибад̇ийд̇и бадигкзбод̇и вужжад̇ийд̇и сад̣̇д̇хаммаг̇аруд̇аабадигкзбанаанад̇д̇зна асад̣̇д̇хаммаг̇аруд̇аа асад̣̇д̇хаммаа ваа наанад̇д̇ам̣ г̇ад̇аа. алобход̇иаад̣̇ийнам̣ пассаад̣̇ийхи наанад̇д̇ам̣ лобхаад̣̇ивисидтзна бадигкзбзна лобхаад̣̇ибадибагкзна ваа взд̣̇ид̇аб̣б̣ам̣. алобхаад̣̇осаамохаанам̣ ан̃н̃аман̃н̃анаанад̇д̇ам̣ яат̇аавуд̇д̇зна бадигкзбанаанад̇д̇зна яож̇зд̇аб̣б̣ам̣. бад̣̇ад̇т̇асса бад̣̇анд̇арзна вибхааванам̣ бад̣̇ад̇т̇уд̇и. д̇зна хи д̇ам̣ бад̣̇ам̣ махад̇т̇анд̇и д̣̇ийбид̇ам̣ ход̇и алан̇гад̇ан̃жаад̇и. ад̇т̇ависзсаабхаавзби аабхаран̣авасзна жа аад̣̇аравасзна жа буна важанам̣ д̣̇ал̣хийгаммам̣.
Doso byāpādoti uddesepi nāmanānattena nānābhūto uddiṭṭho. Niddesepi teneva nānattena niddiṭṭho. Ekova khandho hotīti ekena khandhasaddena vattabbataṃ sandhāyāha. Cetanāti saṅkhārakkhandhaṃ dasseti tappamukhattā. Asaddhammāti asataṃ, asanto vā dhammā, na vā saddhammāti asaddhammāti asaddhammavacanīyabhāvena ekībhūtopi asaddhammo kodhagarutādivisiṭṭhena saddhammagarutāpaṭikkhepanānattena nānattaṃ gatoti ‘‘cattāro’’ti vuttaṃ. Na saddhammagarutāti vuccamānā vā asaddhammagarutā asaddhammagarutābhāvena ekībhūtāpi kodhādivisiṭṭhapaṭikkhepanānattena nānattaṃ gatā. Paṭipakkho vā paṭikkhipīyati tena, sayaṃ vā paṭikkhipatīti paṭikkhepoti vuccatīti saddhammagarutāpaṭikkhepanānattena asaddhammagarutā asaddhammā vā nānattaṃ gatā. Alobhotiādīnaṃ phassādīhi nānattaṃ lobhādivisiṭṭhena paṭikkhepena lobhādipaṭipakkhena vā veditabbaṃ. Alobhādosāmohānaṃ aññamaññanānattaṃ yathāvuttena paṭikkhepanānattena yojetabbaṃ. Padatthassa padantarena vibhāvanaṃ padatthuti. Tena hi taṃ padaṃ mahatthanti dīpitaṃ hoti alaṅkatañcāti. Atthavisesābhāvepi ābharaṇavasena ca ādaravasena ca puna vacanaṃ daḷhīkammaṃ.
3. д̇аж̇ж̇анд̇и д̇асса паласса анужчавигам̣. на гзвалам̣ нид̣̇д̣̇исияамаанам̣ саад̇амзва ад̇хигад̇ам̣ , ат̇а ко яат̇аанид̣̇д̣̇идтаани аарамман̣аанибийд̇и ‘‘д̇зхи ваа’’д̇иаад̣̇и вуд̇д̇ам̣. д̇асса ваа ж̇аад̇аа гааран̣абхаавзна пассад̇т̇ам̣ бавад̇д̇аад̇и д̇аж̇ж̇аа. д̇ам̣саман̇г̇ийбуг̇г̇алам̣, самбаяуд̇д̇ад̇хаммз ваа ад̇д̇ани саад̣̇аяад̇ийд̇и саад̇ам̣ д̣̇а-гаарасса д̇а-гаарам̣ гад̇ваа. судту каад̣̇ад̇и, кан̣ад̇и ваа д̣̇угканд̇и сукам̣.
3. Tajjanti tassa phalassa anucchavikaṃ. Na kevalaṃ niddisiyamānaṃ sātameva adhikataṃ , atha kho yathāniddiṭṭhāni ārammaṇānipīti ‘‘tehi vā’’tiādi vuttaṃ. Tassa vā jātā kāraṇabhāvena phassatthaṃ pavattāti tajjā. Taṃsamaṅgīpuggalaṃ, sampayuttadhamme vā attani sādayatīti sātaṃ da-kārassa ta-kāraṃ katvā. Suṭṭhu khādati, khaṇati vā dukkhanti sukhaṃ.
5. баасод̇и рааг̇абаасо. со хи нирааваран̣ад̇д̇аа анд̇алигкажаро. агусаламби бан̣д̣аранд̇и вуд̇д̇ам̣, го бана ваад̣̇о гусаланд̇и ад̇хиббааяо. д̇ан̃хи бан̣д̣арад̇о нигканд̇ам̣ саяан̃жа бан̣д̣аранд̇и. ат̇а ваа саб̣б̣амби жид̇д̇ам̣ сабхаавад̇о бан̣д̣арамзва, ааг̇анд̇угобаггилзсавод̣̇аанзхи бана сааваж̇ж̇аанаваж̇ж̇аанам̣ убаггилидтависуд̣̇д̇хад̇арад̇аа хонд̇ийд̇и. д̣̇ааруббамаан̣зсу силаад̣̇ийсу канд̇хабан̃н̃ад̇д̇ияаа абхааваа гин̃жи нимид̇д̇ам̣ анабзгкид̇ваа д̣̇аарумхи бавад̇д̇аа канд̇хабан̃н̃ад̇д̇ийд̇и ‘‘бан̣н̣ад̇д̇имад̇д̇адтзнаа’’д̇и вуд̇д̇ам̣. д̇ам̣-сад̣̇д̣̇зна мановин̃н̃аан̣ад̇хаад̇уязва вужжзяяа нид̣̇д̣̇исид̇аб̣б̣ад̇д̇аад̇и на д̇ассаа д̇аж̇ж̇ад̇аа. д̇зхи аарамман̣зхи ж̇аад̇аа д̇аж̇ж̇аад̇и жа вужжамаанз сампассаж̇ад̇аа на вад̇д̇аб̣б̣аа. на хи со аарамман̣ам̣, нааби висзсабажжаяо. ‘‘д̇ин̣н̣ам̣ сан̇г̇ад̇и пассо’’д̇и вин̃н̃аан̣амзва пассасса висзсабажжаяод̇и вуд̇д̇од̇и д̇асмаа на вин̃н̃аан̣ам̣ висзсабажжаяабхууд̇ам̣ сампассаж̇ад̇ааяа д̇аж̇ж̇аамановин̃н̃аан̣ад̇хаад̇усампассаж̇аабан̃н̃ад̇д̇им̣ лабхад̇и, на жа д̇ад̣̇зва д̇асса гааран̣абхаавзна палабхаавзна жа вужжамаанам̣ сувин̃н̃зяяам̣ ход̇ийд̇и. гим̣ ваа зд̇зна, яат̇аа бхаг̇авад̇аа вуд̇д̇аа д̇ам̣сабхаавааязва д̇з д̇хаммаад̇и на звам̣вид̇хзсу гааран̣ам̣ маг̇г̇ид̇аб̣б̣ам̣.
5. Pāsoti rāgapāso. So hi nirāvaraṇattā antalikkhacaro. Akusalampi paṇḍaranti vuttaṃ, ko pana vādo kusalanti adhippāyo. Tañhi paṇḍarato nikkhantaṃ sayañca paṇḍaranti. Atha vā sabbampi cittaṃ sabhāvato paṇḍarameva, āgantukopakkilesavodānehi pana sāvajjānavajjānaṃ upakkiliṭṭhavisuddhataratā hontīti. Dāruppamāṇesu silādīsu khandhapaññattiyā abhāvā kiñci nimittaṃ anapekkhitvā dārumhi pavattā khandhapaññattīti ‘‘paṇṇattimattaṭṭhenā’’ti vuttaṃ. Taṃ-saddena manoviññāṇadhātuyeva vucceyya niddisitabbattāti na tassā tajjatā. Tehi ārammaṇehi jātā tajjāti ca vuccamāne samphassajatā na vattabbā. Na hi so ārammaṇaṃ, nāpi visesapaccayo. ‘‘Tiṇṇaṃ saṅgati phasso’’ti viññāṇameva phassassa visesapaccayoti vuttoti tasmā na viññāṇaṃ visesapaccayabhūtaṃ samphassajatāya tajjāmanoviññāṇadhātusamphassajāpaññattiṃ labhati, na ca tadeva tassa kāraṇabhāvena phalabhāvena ca vuccamānaṃ suviññeyyaṃ hotīti. Kiṃ vā etena, yathā bhagavatā vuttā taṃsabhāvāyeva te dhammāti na evaṃvidhesu kāraṇaṃ maggitabbaṃ.
7. звам̣ д̇агганавасзна логасид̣̇д̇хзнаад̇и ад̇хиббааяо. зван̃жзван̃жа бхавид̇аб̣б̣анд̇и вивид̇хам̣ д̇агганам̣ гуубз вияа уд̣̇агасса аарамман̣асса аагад̣дханам̣ вид̇агганам̣.
7. Evaṃtakkanavasena lokasiddhenāti adhippāyo. Evañcevañca bhavitabbanti vividhaṃ takkanaṃ kūpe viya udakassa ārammaṇassa ākaḍḍhanaṃ vitakkanaṃ.
8. саманд̇ад̇о жаран̣ам̣ вижаран̣ам̣.
8. Samantato caraṇaṃ vicaraṇaṃ.
9. ад̇д̇аманад̇аад̇и зд̇т̇а ад̇д̇а-сад̣̇д̣̇зна на жид̇д̇ам̣ вуд̇д̇ам̣. на хи жид̇д̇асса мано ад̇т̇ийд̇и. ад̇д̇аманасса бана буг̇г̇аласса бхааво ад̇д̇аманад̇аад̇и вад̇ваа буна буг̇г̇алад̣̇идтинисзд̇ханад̇т̇ам̣ ‘‘жид̇д̇ассаа’’д̇и вуд̇д̇ам̣.
9. Attamanatāti ettha atta-saddena na cittaṃ vuttaṃ. Na hi cittassa mano atthīti. Attamanassa pana puggalassa bhāvo attamanatāti vatvā puna puggaladiṭṭhinisedhanatthaṃ ‘‘cittassā’’ti vuttaṃ.
11. на б̣алавад̇ий, гасмаа авадтид̇и вуд̇д̇аад̇и? згаг̇г̇ажид̇д̇зна баан̣авад̇хаад̣̇игаран̣з д̇ат̇аа авадтаанамад̇д̇абхаавад̇о . вируубам̣, вивид̇хам̣ ваа сам̣харан̣ам̣ вигиран̣ам̣ висаахааро, сам̣харан̣ам̣ ваа самбин̣д̣анам̣, д̇ад̣̇абхааво висаахааро.
11. Na balavatī, kasmā avaṭṭhiti vuttāti? Ekaggacittena pāṇavadhādikaraṇe tathā avaṭṭhānamattabhāvato . Virūpaṃ, vividhaṃ vā saṃharaṇaṃ vikiraṇaṃ visāhāro, saṃharaṇaṃ vā sampiṇḍanaṃ, tadabhāvo visāhāro.
12. ан̃н̃асмим̣ барияааязд̇и ан̃н̃асмим̣ гааран̣з. самаанаад̇хигаран̣абхааво д̣̇виннам̣ б̣ахуунам̣ ваа бад̣̇аанам̣ згасмим̣ ад̇т̇з бавад̇д̇и.
12. Aññasmiṃ pariyāyeti aññasmiṃ kāraṇe. Samānādhikaraṇabhāvo dvinnaṃ bahūnaṃ vā padānaṃ ekasmiṃ atthe pavatti.
13. аарамбхад̇и жаад̇и аабаж̇ж̇ад̇и жа. уд̣̇д̇хам̣ яаманам̣ уяяаамо. д̇хуранд̇и нибпаад̣̇зд̇ум̣ аарад̣̇д̇хам̣ гусалам̣, бадин̃н̃ам̣ ваа.
13. Ārambhati cāti āpajjati ca. Uddhaṃ yamanaṃ uyyāmo. Dhuranti nipphādetuṃ āraddhaṃ kusalaṃ, paṭiññaṃ vā.
14. д̇ин̣н̣анд̇и б̣уд̣̇д̇хаад̣̇ийнам̣. жид̇д̇з аарамман̣асса убадтаанам̣ ж̇од̇анан̃жа сад̇иязваад̇и д̇ассаа зд̇ам̣ лагкан̣ам̣.
14. Tiṇṇanti buddhādīnaṃ. Citte ārammaṇassa upaṭṭhānaṃ jotanañca satiyevāti tassā etaṃ lakkhaṇaṃ.
16. баасаан̣асагкараваалигаад̣̇ирахид̇аа бхууми сан̣хаад̇и ‘‘сан̣хадтзнаа’’д̇и вуд̇д̇ам̣.
16. Pāsāṇasakkharavālikādirahitā bhūmi saṇhāti ‘‘saṇhaṭṭhenā’’ti vuttaṃ.
19. аяанд̇ийд̇и згагамманиб̣б̣ад̇д̇амануссаад̣̇исанд̇ад̇иавижчзд̣̇авасзна бавад̇д̇анд̇и. гусалаагусалзсуби хи ж̇ийвид̇ам̣ инд̣̇рияабажжаяабхаавзна самбаяуд̇д̇з бавад̇д̇аяамаанамзва д̇ад̣̇авижчзд̣̇асса бажжаяо ход̇и.
19. Ayantīti ekakammanibbattamanussādisantatiavicchedavasena pavattanti. Kusalākusalesupi hi jīvitaṃ indriyapaccayabhāvena sampayutte pavattayamānameva tadavicchedassa paccayo hoti.
30. яам̣ хирийяад̇ийд̇и хирийяад̇и-сад̣̇д̣̇зна вуд̇д̇о бхааво яам̣-сад̣̇д̣̇зна вужжад̇ийд̇и яанд̇и бхааванабум̣сагам̣ ваа зд̇ам̣ д̣̇адтаб̣б̣ам̣. хирияид̇аб̣б̣знаад̇и жа хзд̇уад̇т̇з гаран̣аважанам̣ яуж̇ж̇ад̇и.
30. Yaṃ hirīyatīti hirīyati-saddena vutto bhāvo yaṃ-saddena vuccatīti yanti bhāvanapuṃsakaṃ vā etaṃ daṭṭhabbaṃ. Hiriyitabbenāti ca hetuatthe karaṇavacanaṃ yujjati.
32. алуб̣бханагавасзнаад̇и зд̇т̇а алуб̣бханамзва алуб̣бханаганд̇и бхааванид̣̇д̣̇зсо д̣̇адтаб̣б̣о.
32. Alubbhanakavasenāti ettha alubbhanameva alubbhanakanti bhāvaniddeso daṭṭhabbo.
33. аб̣яаабаж̇ж̇од̇и б̣яаабаад̣̇зна д̣̇угкзна д̣̇оманассасан̇каад̇зна д̣̇осзна вияа на б̣яаабаад̣̇зд̇аб̣б̣од̇иби ад̇т̇о яуж̇ж̇ад̇и.
33. Abyāpajjoti byāpādena dukkhena domanassasaṅkhātena dosena viya na byāpādetabbotipi attho yujjati.
42-43. т̇инамид̣̇д̇хаад̣̇ибадибагкабхаавзна гусалад̇хаммз анижжаад̣̇иманасигаарз жа сийгхам̣ сийгхам̣ баривад̇д̇анасамад̇т̇ад̇аа лахубарин̣аамад̇аа, авиж̇ж̇аанийваран̣аанан̃хи д̇ан̣хаасам̣яож̇анаанам̣ сад̇д̇аанам̣ агусалаббавад̇д̇и багад̇ибхууд̇аад̇и на д̇ад̇т̇а лахубарин̣аамад̇ааяа ад̇т̇о. д̇зсан̃жа бхааво г̇аруд̇ааязваад̇и д̇аб̣б̣ид̇хурасабхааваанам̣ лахуд̇аа д̣̇адтаб̣б̣аа. саа хи бавад̇д̇амаанаа сийгхам̣ бхаван̇г̇авудтаанасса бажжаяо ход̇и.
42-43. Thinamiddhādipaṭipakkhabhāvena kusaladhamme aniccādimanasikāre ca sīghaṃ sīghaṃ parivattanasamatthatā lahupariṇāmatā, avijjānīvaraṇānañhi taṇhāsaṃyojanānaṃ sattānaṃ akusalappavatti pakatibhūtāti na tattha lahupariṇāmatāya attho. Tesañca bhāvo garutāyevāti tabbidhurasabhāvānaṃ lahutā daṭṭhabbā. Sā hi pavattamānā sīghaṃ bhavaṅgavuṭṭhānassa paccayo hoti.
44-45. яз жа д̇хаммаа мохасамбаяуд̇д̇аа вияа авибанналахуд̇аа, д̇зсан̃жа гусалагаран̣з аббадигхаад̇о муд̣̇уд̇аа. аббадигхаад̇зна муд̣̇уд̇аад̣̇ируубасад̣̇исад̇ааяа аруубад̇хаммаанамби муд̣̇уд̇аа мад̣̇д̣̇авад̇аад̇иаад̣̇и вуд̇д̇ам̣.
44-45. Ye ca dhammā mohasampayuttā viya avipannalahutā, tesañca kusalakaraṇe appaṭighāto mudutā. Appaṭighātena mudutādirūpasadisatāya arūpadhammānampi mudutā maddavatātiādi vuttaṃ.
46-47. синзхавасзна гилиннам̣ ад̇имуд̣̇угам̣ жид̇д̇ам̣ агамман̃н̃ам̣ ход̇и вилийнам̣ вияа суван̣н̣ам̣, маанаад̣̇ивасзна ад̇ит̇ад̣̇д̇хан̃жа ад̇аабид̇ам̣ вияа суван̣н̣ам̣, яам̣ банаануруубамуд̣̇уд̇ааяуд̇д̇ам̣, д̇ам̣ гамман̃н̃ам̣ ход̇и яуд̇д̇амад̣̇д̣̇авам̣ вияа суван̣н̣ам̣. д̇ассзва муд̣̇угасса яо гамман̃н̃аагааро, саа гамман̃н̃ад̇аад̇и муд̣̇уд̇аависидтаа гамман̃н̃ад̇аа взд̣̇ид̇аб̣б̣аа.
46-47. Sinehavasena kilinnaṃ atimudukaṃ cittaṃ akammaññaṃ hoti vilīnaṃ viya suvaṇṇaṃ, mānādivasena atithaddhañca atāpitaṃ viya suvaṇṇaṃ, yaṃ panānurūpamudutāyuttaṃ, taṃ kammaññaṃ hoti yuttamaddavaṃ viya suvaṇṇaṃ. Tasseva mudukassa yo kammaññākāro, sā kammaññatāti mudutāvisiṭṭhā kammaññatā veditabbā.
50-51. бажжосагганабхаавзна бавад̇д̇ам̣ агусаламзва бажжосагганам̣. згавийсад̇и анзсанаа наама взж̇ж̇агаммам̣ гарод̇и, д̣̇ууд̇агаммам̣ гарод̇и, бахин̣агаммам̣ гарод̇и, г̇ан̣д̣ам̣ паалзд̇и, арумагканам̣ д̣̇зд̇и, уд̣̇д̇хам̣вирзжанам̣ д̣̇зд̇и, ад̇ховирзжанам̣ д̣̇зд̇и, над̇т̇уд̇злам̣ бажад̇и, жагкуд̇злам̣ бажад̇и, взл̣уд̣̇аанам̣ д̣̇зд̇и, бан̣н̣ад̣̇аанам̣ д̣̇зд̇и, бубпад̣̇аанам̣ д̣̇зд̇и, палад̣̇аанам̣ д̣̇зд̇и, синаанад̣̇аанам̣ д̣̇зд̇и, д̣̇анд̇агадтад̣̇аанам̣ д̣̇зд̇и, мукод̣̇агад̣̇аанам̣ д̣̇зд̇и, жун̣н̣ад̣̇аанам̣ д̣̇зд̇и, мад̇д̇игаад̣̇аанам̣ д̣̇зд̇и, жаадугагаммам̣ гарод̇и, муг̇г̇асуубияам̣, баарибхадяам̣, ж̇ан̇гхабзсанияам̣ д̣̇ваавийсад̇имам̣ д̣̇ууд̇агаммзна сад̣̇исам̣, д̇асмаа згавийсад̇и. ча аг̇ожараа взсияааг̇ожаро, вид̇хаваа, т̇уллагумаарий, бан̣д̣ага, баанааг̇аара, бхигкунийаг̇ожарод̇и. сан̇кзбад̇од̇и саруубзна ануд̣̇д̣̇идтад̇д̇аа ‘‘д̇ад̇т̇а гад̇амо чанд̣̇о’’д̇иаад̣̇и на саггаа вад̇д̇унд̇и ‘‘яо чанд̣̇о чанд̣̇игад̇аа’’д̇иаад̣̇инид̣̇д̣̇зсам̣ сан̇кибид̇ваа ‘‘яз ваа банаа’’д̇и нид̣̇д̣̇зсо гад̇од̇и ад̇т̇о.
50-51. Paccosakkanabhāvena pavattaṃ akusalameva paccosakkanaṃ. Ekavīsati anesanā nāma vejjakammaṃ karoti, dūtakammaṃ karoti, pahiṇakammaṃ karoti, gaṇḍaṃ phāleti, arumakkhanaṃ deti, uddhaṃvirecanaṃ deti, adhovirecanaṃ deti, natthutelaṃ pacati, cakkhutelaṃ pacati, veḷudānaṃ deti, paṇṇadānaṃ deti, pupphadānaṃ deti, phaladānaṃ deti, sinānadānaṃ deti, dantakaṭṭhadānaṃ deti, mukhodakadānaṃ deti, cuṇṇadānaṃ deti, mattikādānaṃ deti, cāṭukakammaṃ karoti, muggasūpiyaṃ, pāribhaṭyaṃ, jaṅghapesaniyaṃ dvāvīsatimaṃ dūtakammena sadisaṃ, tasmā ekavīsati. Cha agocarā vesiyāgocaro, vidhavā, thullakumārī, paṇḍaka, pānāgāra, bhikkhunīagocaroti. Saṅkhepatoti sarūpena anuddiṭṭhattā ‘‘tattha katamo chando’’tiādi na sakkā vattunti ‘‘yo chando chandikatā’’tiādiniddesaṃ saṅkhipitvā ‘‘ye vā panā’’ti niddeso katoti attho.
нид̣̇д̣̇зсаваарагат̇ааван̣н̣анаа нидтид̇аа.
Niddesavārakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / гаамааважарагусалам̣ • Kāmāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / гаамааважарагусалам̣ нид̣̇д̣̇зсаваарагат̇аа • Kāmāvacarakusalaṃ niddesavārakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / нид̣̇д̣̇зсаваарагат̇ааван̣н̣анаа • Niddesavārakathāvaṇṇanā
