| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
гаамааважарагусалам̣
Kāmāvacarakusalaṃ
нид̣̇д̣̇зсаваарагат̇ааван̣н̣анаа
Niddesavārakathāvaṇṇanā
2. санд̇зд̇и сабхаавад̇о виж̇ж̇амаанз. пассасса висаяависаяийнам̣ саннибад̇анаагаарзна г̇ахзд̇аб̣б̣ад̇д̇аа пусанам̣ висаяз жид̇д̇асса саннибад̇анам̣ вуд̇д̇ам̣. ‘‘жинд̇анадтзна жид̇д̇ам̣, мананадтзна мано’’д̇иаад̣̇инаа жид̇д̇аад̣̇исад̣̇д̣̇аа жинд̇анаад̣̇иб̣яаабаарамукзна ад̇д̇ано ад̇т̇ам̣ вибхаавзнд̇ийд̇и ааха ‘‘жид̇д̇ам̣ манод̇иаад̣̇ийсу вияа гижжависзсам̣ анабзгкид̇ваа’’д̇и. яат̇аа логз вигад̇амзва взгад̇ам̣, висаяо зва взсаяанд̇и вужжад̇и, звам̣ мано зва маанасанд̇и сад̣̇д̣̇амад̇д̇ависзсо. нийлаад̣̇и-сад̣̇д̣̇аа вияа вад̇т̇аад̣̇ийсу жид̇д̇зсу барисуд̣̇д̇хабхааваниб̣анд̇ханаа бан̣д̣арасад̣̇д̣̇асса бавад̇д̇ийд̇и д̇асса г̇ун̣ависзсаабзгкад̇аа вуд̇д̇аа. яат̇аа гааяигам̣ саад̇анд̇и зд̇т̇а гааяаббасаад̣̇аниссид̇анд̇и ад̇т̇о, звам̣ жзд̇асигам̣ саад̇анд̇и зд̇т̇а жзд̇ониссид̇ам̣ саад̇анд̇и ниссаяависзсаабзгкад̇аа вуд̇д̇аа. згагкан̣игаа наанаагкан̣игаа жа жид̇д̇асса тид̇и наама, д̇асса авад̇т̇аависзсод̇и авад̇т̇аависзсаабзгко жид̇д̇асса тид̇ийд̇и звам̣багааро нид̣̇д̣̇зсо. ‘‘на луб̣бхад̇ий’’д̇и вуд̇д̇асса жид̇д̇асса, буг̇г̇аласса ваа бавад̇д̇иаагаарабхаавзна алуб̣бханаад̇и алобхо вуд̇д̇од̇и ан̃н̃асса гирияаабхаавависзсаабзгко алуб̣бханаад̇и нид̣̇д̣̇зсо. вуд̇д̇анаязнзва алуб̣бхид̇асса бхааво алуб̣бхид̇ад̇д̇анд̇и аяам̣ нид̣̇д̣̇зсо ан̃н̃асса бхаавабхууд̇ад̇аависзсаабзгко вуд̇д̇о. гад̇д̇угаран̣абхааваад̣̇аяо сабхаавад̇хаммаанам̣ аж̇жхааробанавасзнзва сиж̇жханд̇и , бхааванид̣̇д̣̇зсо бана аж̇жхааробанаанабзгко, д̇ад̇оязва жа висзсанд̇аравинимуд̇д̇о винивад̇д̇о висзсад̇о ниж̇ж̇ийвабхааваг̇ибхаавад̇о сабхааванид̣̇д̣̇зсо наама ход̇ийд̇и пассод̇и ид̣̇ам̣ пусанадтзна ‘‘д̇хаммамад̇д̇ад̣̇ийбанам̣ сабхаавабад̣̇а’’нд̇и вуд̇д̇ам̣. аарамман̣ам̣ пусанд̇асса жид̇д̇асса бавад̇д̇иаагааро пусанаб̣яаабааро ход̇ийд̇и ‘‘пусанагирияаа пусанаагааро’’д̇и вуд̇д̇ам̣. сампусанаад̇и сам̣-сад̣̇д̣̇о ‘‘самуд̣̇аяо’’д̇иаад̣̇ийсу вияа самааг̇амад̇т̇ад̣̇ийбагод̇и ааха ‘‘самааг̇амапусанаа’’д̇и. ‘‘пусаами нзгкаммасука’’нд̇иаад̣̇ийсу (д̇ха. ба. 272) бадилаабхоби пусанаа сампусанаад̇и жа вужжад̇ийд̇и ааха ‘‘на бадилаабхасампусанаа’’д̇и.
2. Santeti sabhāvato vijjamāne. Phassassa visayavisayīnaṃ sannipatanākārena gahetabbattā phusanaṃ visaye cittassa sannipatanaṃ vuttaṃ. ‘‘Cintanaṭṭhena cittaṃ, mananaṭṭhena mano’’tiādinā cittādisaddā cintanādibyāpāramukhena attano atthaṃ vibhāventīti āha ‘‘cittaṃ manotiādīsu viya kiccavisesaṃ anapekkhitvā’’ti. Yathā loke vikatameva vekataṃ, visayo eva vesayanti vuccati, evaṃ mano eva mānasanti saddamattaviseso. Nīlādi-saddā viya vatthādīsu cittesu parisuddhabhāvanibandhanā paṇḍarasaddassa pavattīti tassa guṇavisesāpekkhatā vuttā. Yathā kāyikaṃ sātanti ettha kāyappasādanissitanti attho, evaṃ cetasikaṃ sātanti ettha cetonissitaṃ sātanti nissayavisesāpekkhatā vuttā. Ekakkhaṇikā nānākkhaṇikā ca cittassa ṭhiti nāma, tassa avatthāvisesoti avatthāvisesāpekkho cittassa ṭhitīti evaṃpakāro niddeso. ‘‘Na lubbhatī’’ti vuttassa cittassa, puggalassa vā pavattiākārabhāvena alubbhanāti alobho vuttoti aññassa kiriyābhāvavisesāpekkho alubbhanāti niddeso. Vuttanayeneva alubbhitassa bhāvo alubbhitattanti ayaṃ niddeso aññassa bhāvabhūtatāvisesāpekkho vutto. Kattukaraṇabhāvādayo sabhāvadhammānaṃ ajjhāropanavaseneva sijjhanti , bhāvaniddeso pana ajjhāropanānapekkho, tatoyeva ca visesantaravinimutto vinivatto visesato nijjīvabhāvagibhāvato sabhāvaniddeso nāma hotīti phassoti idaṃ phusanaṭṭhena ‘‘dhammamattadīpanaṃ sabhāvapada’’nti vuttaṃ. Ārammaṇaṃ phusantassa cittassa pavattiākāro phusanabyāpāro hotīti ‘‘phusanakiriyā phusanākāro’’ti vuttaṃ. Samphusanāti saṃ-saddo ‘‘samudayo’’tiādīsu viya samāgamatthadīpakoti āha ‘‘samāgamaphusanā’’ti. ‘‘Phusāmi nekkhammasukha’’ntiādīsu (dha. pa. 272) paṭilābhopi phusanā samphusanāti ca vuccatīti āha ‘‘na paṭilābhasamphusanā’’ti.
абарзна взважанзна. б̣ахуссуд̇абхаавасамбаад̣̇игааяа бан̃н̃ааяа бан̣д̣ижжабарияааяо. сиббааяад̇анаад̣̇ийсу д̣̇агкад̇аабхууд̇ааяа госаллабарияааяо, яад̇т̇а гад̇т̇ажи д̇игкасукумааяа нзбун̃н̃абарияааяо, саммаа д̇хаммз бан̃н̃абзнд̇ияаа взбхаб̣яаабарияааяод̇и звамаад̣̇инаа д̇зсу д̇зсу бан̃н̃аависзсзсу д̇з д̇з барияааяависзсаа висзсзна бавад̇д̇аад̇и д̇зсам̣ бан̃н̃аависзсаанам̣ наанаагаалз лаб̣бхамаанад̇аа вуд̇д̇аа, ид̇арзби ануг̇ад̇аа хонд̇и язбхуяязнаад̇и ад̇хиббааяо. ад̇т̇анаанад̇д̇зна бан̃н̃аад̣̇иад̇т̇ависзсзна. год̇хо гуж̇жханаа гуж̇жхид̇ад̇д̇анд̇и звам̣багаараа нид̣̇д̣̇зсаа сабхааваагаарабхаавад̣̇ийбанавасзна б̣яан̃ж̇анавасзнзва вибхааг̇аважанам̣. бан̣д̣ижжанд̇иаад̣̇аяо бан̃н̃аависзсаниб̣анд̇ханад̇д̇аа ад̇т̇авасзна вибхааг̇аважананд̇и имамад̇т̇амааха ‘‘ат̇а ваа’’д̇иаад̣̇инаа. звамаагааро банаад̇и буримаагаарад̇о висзсо ад̇т̇ад̇о вибхад̇д̇иг̇аманасса гааран̣ам̣ вуд̇д̇ам̣.
Aparena vevacanena. Bahussutabhāvasampādikāya paññāya paṇḍiccapariyāyo. Sippāyatanādīsu dakkhatābhūtāya kosallapariyāyo, yattha katthaci tikkhasukhumāya nepuññapariyāyo, sammā dhamme paññapentiyā vebhabyāpariyāyoti evamādinā tesu tesu paññāvisesesu te te pariyāyavisesā visesena pavattāti tesaṃ paññāvisesānaṃ nānākāle labbhamānatā vuttā, itarepi anugatā honti yebhuyyenāti adhippāyo. Atthanānattena paññādiatthavisesena. Kodho kujjhanā kujjhitattanti evaṃpakārā niddesā sabhāvākārabhāvadīpanavasena byañjanavaseneva vibhāgavacanaṃ. Paṇḍiccantiādayo paññāvisesanibandhanattā atthavasena vibhāgavacananti imamatthamāha ‘‘atha vā’’tiādinā. Evamākāro panāti purimākārato viseso atthato vibhattigamanassa kāraṇaṃ vuttaṃ.
бадигкибанам̣ бадисзд̇ханам̣ бадигкзбо, д̇асса наанад̇д̇ам̣ висзсо бадигкзбанаанад̇д̇ам̣, сад̣̇д̇хаммаг̇аруд̇ааяа бадигкзбо сад̣̇д̇хаммаг̇аруд̇аабадигкзбо, д̇зна сад̣̇д̇хаммаг̇аруд̇аабадигкзбзна наанад̇д̇ам̣ сад̣̇д̇хаммаг̇аруд̇аабадигкзбанаанад̇д̇ам̣. д̇ам̣ сад̣̇д̇хаммаг̇аруд̇аабадигкзбанаанад̇д̇ам̣ бана год̇хаг̇аруд̇аад̣̇ибхзд̣̇абхиннанд̇и ‘‘год̇хаг̇аруд̇аад̣̇ивисидтзнаа’’д̇и вуд̇д̇ам̣. год̇хаад̣̇ийхи висидто бхинно сад̣̇д̇хаммаг̇аруд̇ааяа бадигкзбо бадисзд̇ханам̣ год̇хаад̣̇ивисидтабадигкзбо. год̇хаг̇аруд̇аад̣̇иязва, д̇асса наанад̇д̇зна сад̣̇д̇хаммаг̇аруд̇аабадибагканаанад̇д̇знаад̇и год̇хаг̇аруд̇аа сад̣̇д̇хаммаг̇аруд̇ааяа бадибагко. магкалаабхасаггаараг̇аруд̇аа сад̣̇д̇хаммаг̇аруд̇ааяа бадибагкод̇и сад̣̇д̇хаммаг̇аруд̇ааяа бадибагкабхаавависзсзна асад̣̇д̇хаммаг̇аруд̇аа д̇аб̣бхаавзна згийбхууд̇ааби наанад̇д̇ам̣ г̇ад̇аа. яасмаа бана год̇хо ад̇т̇ад̇о д̣̇осоязва. магко д̣̇осаббад̇хаанаа бараг̇ун̣авид̣̇д̇хам̣санаагаараббавад̇д̇аа агусалаа канд̇хаа. д̇аг̇г̇аруд̇аа жа д̇зсам̣ саад̣̇араабхисан̇каран̣авасзна бавад̇д̇анамзва. лаабхаг̇аруд̇аа жад̇уннам̣ бажжаяаанам̣ саггаараг̇аруд̇аа, д̇зсам̣язва сусан̇кад̇аанам̣ лад̣̇д̇хагаамад̇аа. д̇ад̣̇убхаязсу жа аад̣̇арагирияаа д̇ат̇аабавад̇д̇аа ижчааязва, д̇асмаа ‘‘сад̣̇д̇хаммаг̇аруд̇аабадибагканаанад̇д̇зна асад̣̇д̇хаммаа наанад̇д̇ам̣ г̇ад̇аа’’д̇и вуд̇д̇ам̣. д̇ат̇аа хи жад̇д̇ааро асад̣̇д̇хаммаа ижжзва уд̣̇д̣̇идтаа. асад̣̇д̇хаммаг̇аруд̇аад̇и зд̇т̇а жа буримасмим̣ вигаббз ‘‘на сад̣̇д̇хаммаг̇аруд̇аа’’д̇и сад̣̇д̇хаммаг̇аруд̇аа на ход̇ийд̇и ад̇т̇о. д̣̇уд̇ияасмим̣ сад̣̇д̇хаммаг̇аруд̇ааяа бадибагкод̇и сад̣̇д̇хаммаг̇аруд̇аа зва ваа бадибагко, д̇асса наанад̇д̇зна сад̣̇д̇хаммаг̇аруд̇аабадибагканаанад̇д̇знаад̇и звамзд̇т̇а ад̇т̇о д̣̇адтаб̣б̣о. год̇хамагкаг̇аруд̇аанан̃хи сад̣̇д̇хаммависзсаа бавад̇д̇ибхзд̣̇абхиннаа мзд̇д̇аа бадибагко. лаабхасаггаараг̇аруд̇аанам̣ аббижчад̇аа санд̇осаа. д̇зна год̇хаг̇аруд̇аа на сад̣̇д̇хаммаг̇аруд̇аад̇и год̇хаг̇аруд̇аа гааяажи сад̣̇д̇хаммаг̇аруд̇ааяа бадибагкод̇и аяамад̇т̇о вуд̇д̇о ход̇и. д̇ат̇аа магкаг̇аруд̇аад̣̇ийсуби. зван̃жа гад̇ваа ‘‘жад̇д̇ааро сад̣̇д̇хаммаа сад̣̇д̇хаммаг̇аруд̇аа на год̇хаг̇аруд̇аа…бз… сад̣̇д̇хаммаг̇аруд̇аа на саггаараг̇аруд̇аа’’д̇и (а. ни. 4.44) ааг̇ад̇ад̇анд̇иби самад̇т̇ид̇аа бхавад̇и. лобхо на ход̇ийд̇и алобхо луб̣бханаа на ход̇ийд̇и алуб̣бханаад̇и звамаад̣̇иго алобход̇иаад̣̇ийнам̣ лобхаад̣̇ивисидто бадигкзбо ‘‘пассо пусанаа’’д̇иаад̣̇игзхи висад̣̇исабхаавад̇о ‘‘пассаад̣̇ийхи наанад̇д̇а’’нд̇и вуд̇д̇о. пассаад̣̇ийхийд̇и жзд̇т̇а алуб̣бханаад̣̇аяоби аад̣̇и-сад̣̇д̣̇зна сан̇г̇ахид̇аад̇и д̣̇адтаб̣б̣ам̣. лобхаад̣̇ибадибагкзнаад̇и ‘‘лобхабадибагко алобхо’’д̇иаад̣̇инаа яож̇зд̇аб̣б̣ам̣. сзсам̣ буримасад̣̇исамзва. алобхаад̣̇осаамохаанам̣ вид̇хурад̇ааяа бадибагкабхаавзна жа лаб̣бхамаано ан̃н̃аман̃н̃ависад̣̇исо лобхаад̣̇ивисидтабадигкзбабхаавзна лобхаад̣̇ибадибагкабхаавзна жа вин̃н̃ааяад̇ийд̇и ааха ‘‘алобхаа…бз… яож̇зд̇аб̣б̣а’’нд̇и. б̣ахуухи багаарзхи д̣̇ийбзд̇аб̣б̣ад̇т̇ад̇аа махад̇т̇ад̇аа. аад̣̇аравасзна сод̇уунам̣.
Paṭikkhipanaṃ paṭisedhanaṃ paṭikkhepo, tassa nānattaṃ viseso paṭikkhepanānattaṃ, saddhammagarutāya paṭikkhepo saddhammagarutāpaṭikkhepo, tena saddhammagarutāpaṭikkhepena nānattaṃ saddhammagarutāpaṭikkhepanānattaṃ. Taṃ saddhammagarutāpaṭikkhepanānattaṃ pana kodhagarutādibhedabhinnanti ‘‘kodhagarutādivisiṭṭhenā’’ti vuttaṃ. Kodhādīhi visiṭṭho bhinno saddhammagarutāya paṭikkhepo paṭisedhanaṃ kodhādivisiṭṭhapaṭikkhepo. Kodhagarutādiyeva, tassa nānattena saddhammagarutāpaṭipakkhanānattenāti kodhagarutā saddhammagarutāya paṭipakkho. Makkhalābhasakkāragarutā saddhammagarutāya paṭipakkhoti saddhammagarutāya paṭipakkhabhāvavisesena asaddhammagarutā tabbhāvena ekībhūtāpi nānattaṃ gatā. Yasmā pana kodho atthato dosoyeva. Makkho dosappadhānā paraguṇaviddhaṃsanākārappavattā akusalā khandhā. Taggarutā ca tesaṃ sādaraabhisaṅkharaṇavasena pavattanameva. Lābhagarutā catunnaṃ paccayānaṃ sakkāragarutā, tesaṃyeva susaṅkhatānaṃ laddhakāmatā. Tadubhayesu ca ādarakiriyā tathāpavattā icchāyeva, tasmā ‘‘saddhammagarutāpaṭipakkhanānattena asaddhammā nānattaṃ gatā’’ti vuttaṃ. Tathā hi cattāro asaddhammā icceva uddiṭṭhā. Asaddhammagarutāti ettha ca purimasmiṃ vikappe ‘‘na saddhammagarutā’’ti saddhammagarutā na hotīti attho. Dutiyasmiṃ saddhammagarutāya paṭipakkhoti saddhammagarutā eva vā paṭipakkho, tassa nānattena saddhammagarutāpaṭipakkhanānattenāti evamettha attho daṭṭhabbo. Kodhamakkhagarutānañhi saddhammavisesā pavattibhedabhinnā mettā paṭipakkho. Lābhasakkāragarutānaṃ appicchatā santosā. Tena kodhagarutā na saddhammagarutāti kodhagarutā kāyaci saddhammagarutāya paṭipakkhoti ayamattho vutto hoti. Tathā makkhagarutādīsupi. Evañca katvā ‘‘cattāro saddhammā saddhammagarutā na kodhagarutā…pe… saddhammagarutā na sakkāragarutā’’ti (a. ni. 4.44) āgatatantipi samatthitā bhavati. Lobho na hotīti alobho lubbhanā na hotīti alubbhanāti evamādiko alobhotiādīnaṃ lobhādivisiṭṭho paṭikkhepo ‘‘phasso phusanā’’tiādikehi visadisabhāvato ‘‘phassādīhi nānatta’’nti vutto. Phassādīhīti cettha alubbhanādayopi ādi-saddena saṅgahitāti daṭṭhabbaṃ. Lobhādipaṭipakkhenāti ‘‘lobhapaṭipakkho alobho’’tiādinā yojetabbaṃ. Sesaṃ purimasadisameva. Alobhādosāmohānaṃ vidhuratāya paṭipakkhabhāvena ca labbhamāno aññamaññavisadiso lobhādivisiṭṭhapaṭikkhepabhāvena lobhādipaṭipakkhabhāvena ca viññāyatīti āha ‘‘alobhā…pe… yojetabba’’nti. Bahūhi pakārehi dīpetabbatthatā mahatthatā. Ādaravasena sotūnaṃ.
3. яад̣̇иби згасмим̣ кан̣з згам̣язва аарамман̣ам̣ ход̇и, часуби бана аарамман̣зсу уббад̇д̇ирахад̇д̇аа ‘‘д̇зхи ваа’’д̇иаад̣̇и вуд̇д̇ам̣. д̇ассаад̇и саад̇асса сукасса. ж̇аад̇аад̇и зд̇асса ад̇т̇ам̣ д̣̇ассзд̇ум̣ ‘‘гааран̣абхаавзна пассад̇т̇ам̣ бавад̇д̇аа’’д̇и вуд̇д̇ам̣. ид̣̇ам̣ вуд̇д̇ам̣ ход̇и – яат̇аа жзд̇асигасаад̇асан̇каад̇аа соманассавзд̣̇анаа сахзва уббаж̇ж̇ад̇и, звам̣ д̇ад̣̇ануруубапассасахид̇аа худ̇ваа бавад̇д̇аа д̇аж̇ж̇аад̇и вуд̇д̇аа. саад̣̇аяад̇ийд̇и ад̇хиг̇амаасийсааяа анан̃н̃аниннам̣ гарод̇и.
3. Yadipi ekasmiṃ khaṇe ekaṃyeva ārammaṇaṃ hoti, chasupi pana ārammaṇesu uppattirahattā ‘‘tehi vā’’tiādi vuttaṃ. Tassāti sātassa sukhassa. Jātāti etassa atthaṃ dassetuṃ ‘‘kāraṇabhāvena phassatthaṃ pavattā’’ti vuttaṃ. Idaṃ vuttaṃ hoti – yathā cetasikasātasaṅkhātā somanassavedanā saheva uppajjati, evaṃ tadanurūpaphassasahitā hutvā pavattā tajjāti vuttā. Sādayatīti adhigamāsīsāya anaññaninnaṃ karoti.
5. на д̇ассаа д̇аж̇ж̇ад̇аад̇и д̇ассаа мановин̃н̃аан̣ад̇хаад̇уяаа д̇ассааруббаа ‘‘д̇асса ж̇аад̇аа’’д̇и ваа убхаяат̇ааби д̇аж̇ж̇ад̇аа на яуж̇ж̇ад̇и. яад̣̇иби пассо вин̃н̃аан̣асса висзсабажжаяо на ход̇и, д̇ат̇ааби со д̇асса бажжаяо ход̇иязваад̇и д̇асса д̇аж̇ж̇аамановин̃н̃аан̣ад̇хаад̇усампассаж̇ад̇аа вад̇д̇аб̣б̣аад̇и жод̣̇анам̣ санд̇хааяааха ‘‘на жа д̇ад̣̇зваа’’д̇иаад̣̇и. д̇зхи аарамман̣зхи ж̇аад̇аа д̇аж̇ж̇аад̇и иминааби ад̇т̇зна д̇аж̇ж̇аа мановин̃н̃аан̣ад̇хаад̇усампассаж̇аад̇и вад̇д̇ум̣ на саггаа. вин̃н̃аан̣асса бана д̇аж̇ж̇ад̇аабан̃н̃ад̇д̇и лаб̣бхад̇зва. д̇ат̇аа хи ‘‘гим̣ ваа зд̇знаа’’д̇иаад̣̇инаа пассаад̣̇ийнам̣ д̇ат̇аа д̣̇зсзд̇аб̣б̣ад̇ам̣ ааха.
5. Na tassā tajjatāti tassā manoviññāṇadhātuyā tassāruppā ‘‘tassa jātā’’ti vā ubhayathāpi tajjatā na yujjati. Yadipi phasso viññāṇassa visesapaccayo na hoti, tathāpi so tassa paccayo hotiyevāti tassa tajjāmanoviññāṇadhātusamphassajatā vattabbāti codanaṃ sandhāyāha ‘‘na ca tadevā’’tiādi. Tehi ārammaṇehi jātā tajjāti imināpi atthena tajjā manoviññāṇadhātusamphassajāti vattuṃ na sakkā. Viññāṇassa pana tajjatāpaññatti labbhateva. Tathā hi ‘‘kiṃ vā etenā’’tiādinā phassādīnaṃ tathā desetabbataṃ āha.
7. жид̇д̇асса аарамман̣з аанаяанаагаараббавад̇д̇о вид̇агго ад̇т̇ад̇о аарамман̣ам̣ д̇ад̇т̇а аагад̣дханд̇о вияа ход̇ийд̇и ‘‘аарамман̣асса аагад̣дханам̣ вид̇аггана’’нд̇и вуд̇д̇ам̣.
7. Cittassa ārammaṇe ānayanākārappavatto vitakko atthato ārammaṇaṃ tattha ākaḍḍhanto viya hotīti ‘‘ārammaṇassa ākaḍḍhanaṃ vitakkana’’nti vuttaṃ.
8. аарамман̣асса анумаж̇ж̇анаагаараббавад̇д̇о вижааро д̇ад̇т̇а бариб̣бхаманд̇о вияа саманд̇ад̇о жаранд̇о вияа жа ход̇ийд̇и ‘‘саманд̇ад̇о жаран̣ам̣ вижаран̣а’’нд̇и вуд̇д̇ам̣.
8. Ārammaṇassa anumajjanākārappavatto vicāro tattha paribbhamanto viya samantato caranto viya ca hotīti ‘‘samantato caraṇaṃ vicaraṇa’’nti vuttaṃ.
11. д̇ат̇аа авадтаанамад̇д̇абхаавад̇од̇и баан̣авад̇хаад̣̇исаад̇ханаавадтаанамад̇д̇абхаавад̇о, на б̣алавабхаавад̇од̇и ад̇хиббааяо.
11. Tathā avaṭṭhānamattabhāvatoti pāṇavadhādisādhanaavaṭṭhānamattabhāvato, na balavabhāvatoti adhippāyo.
14. язна д̇хаммзна жид̇д̇з аарамман̣ам̣ убад̇идтад̇и ж̇од̇ад̇и жа, со д̇хаммо убадтаанам̣ ж̇од̇ананд̇и жа вуд̇д̇од̇и ааха ‘‘убадтаанам̣ ж̇од̇анан̃жа сад̇иязваа’’д̇и.
14. Yena dhammena citte ārammaṇaṃ upatiṭṭhati jotati ca, so dhammo upaṭṭhānaṃ jotananti ca vuttoti āha ‘‘upaṭṭhānaṃ jotanañca satiyevā’’ti.
16. сан̣хадтзнаад̇и сукумадтзна.
16. Saṇhaṭṭhenāti sukhumaṭṭhena.
30. бхаавод̇и хирияанам̣ вад̣̇ад̇и.
30. Bhāvoti hiriyanaṃ vadati.
33. на б̣яаабаад̣̇зд̇аб̣б̣од̇и аб̣яаабаж̇ж̇а-сад̣̇д̣̇асса гаммад̇т̇ад̇ам̣ ааха.
33. Nabyāpādetabboti abyāpajja-saddassa kammatthataṃ āha.
42-43. яад̣̇и анаваж̇ж̇ад̇хаммаанам̣ сийгхасийгхабаривад̇д̇анасамад̇т̇ад̇аа лахуд̇аа, сааваж̇ж̇ад̇хаммаанам̣ гат̇анд̇и ааха ‘‘авиж̇ж̇аанийваран̣аана’’нд̇иаад̣̇и. д̇зсам̣ бхааво г̇аруд̇аад̇и зд̇зна сад̇иби саб̣б̣зсам̣ аруубад̇хаммаанам̣ самаанакан̣ад̇д̇з мохасамбаяуд̇д̇аанам̣ саад̇исаяо д̣̇анд̇хо бавад̇д̇иаагаарод̇и д̣̇ассзд̇и. со бана д̇зсам̣ д̣̇анд̇хаагааро санд̇аанз баагадо ход̇и.
42-43. Yadi anavajjadhammānaṃ sīghasīghaparivattanasamatthatā lahutā, sāvajjadhammānaṃ kathanti āha ‘‘avijjānīvaraṇāna’’ntiādi. Tesaṃ bhāvogarutāti etena satipi sabbesaṃ arūpadhammānaṃ samānakhaṇatte mohasampayuttānaṃ sātisayo dandho pavattiākāroti dasseti. So pana tesaṃ dandhākāro santāne pākaṭo hoti.
44-45. аббадигхаад̇о авиломанам̣.
44-45. Appaṭighāto avilomanaṃ.
46-47. гилиннанд̇и авассуд̇ам̣.
46-47. Kilinnanti avassutaṃ.
50-51. бажжосагганам̣ мааяаа яаа ажжасараад̇иби вужжад̇и. арумагканам̣ ван̣аалзбанам̣. взл̣у зва д̣̇аад̇аб̣б̣абхаавзна бариг̇г̇ахид̇о взл̣уд̣̇аанам̣ наама.
50-51. Paccosakkanaṃ māyā yā accasarātipi vuccati. Arumakkhanaṃ vaṇālepanaṃ. Veḷu eva dātabbabhāvena pariggahito veḷudānaṃ nāma.
нид̣̇д̣̇зсаваарагат̇ааван̣н̣анаа нидтид̇аа.
Niddesavārakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / гаамааважарагусалам̣ • Kāmāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / гаамааважарагусалам̣ нид̣̇д̣̇зсаваарагат̇аа • Kāmāvacarakusalaṃ niddesavārakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / нид̣̇д̣̇зсаваарагат̇ааван̣н̣анаа • Niddesavārakathāvaṇṇanā
