| Library / Tipiṭaka / තිපිටක • Tipiṭaka / ධම්‌මසඞ්‌ගණී-මූලටීකා • Dhammasaṅgaṇī-mūlaṭīkā |
නිද්‌දෙසවාරකථාවණ්‌ණනා
Niddesavārakathāvaṇṇanā
377. සහජාතධම්‌මෙසු අකම්‌පනං න කොසජ්‌ජෙසු අකම්‌පනං විය තප්‌පටිපක්‌ඛභාවතො දට්‌ඨබ්‌බං, තංතංපාපකිරියාය උස්‌සහනවසෙන පන ථිරතා තත්‌ථ අකම්‌පනං.
377. Sahajātadhammesuakampanaṃ na kosajjesu akampanaṃ viya tappaṭipakkhabhāvato daṭṭhabbaṃ, taṃtaṃpāpakiriyāya ussahanavasena pana thiratā tattha akampanaṃ.
381. දිට්‌ඨියා විරූපං ඵන්‌දිතන්‌ති තථා තථා සස්‌සතාදිවසෙන පවත්‌තා දිට්‌ඨි එව වුච්‌චති. තරන්‌තීති තිත්‌ථෙ විය පිලවන්‌ති. විපරියෙසතොති වත්‌ථුස්‌ස විපරීතතො.
381. Diṭṭhiyā virūpaṃ phanditanti tathā tathā sassatādivasena pavattā diṭṭhi eva vuccati. Tarantīti titthe viya pilavanti. Vipariyesatoti vatthussa viparītato.
390. සභාවපටිච්‌ඡාදනවසෙන පකතිඅත්‌තාදිඅසන්‌තගහණස්‌ස අනිච්‌චාදීනං නිච්‌චාදිවිසමගහණස්‌ස ච සඤ්‌ඤාදිවිපරියෙසස්‌ස නිස්‌සයත්‌තා ‘‘අසන්‌තං අසමඤ්‌ච බුජ්‌ඣතී’’ති වුත්‌තං.
390. Sabhāvapaṭicchādanavasena pakatiattādiasantagahaṇassa aniccādīnaṃ niccādivisamagahaṇassa ca saññādivipariyesassa nissayattā ‘‘asantaṃ asamañca bujjhatī’’ti vuttaṃ.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / ද්‌වාදස අකුසලානි • Dvādasa akusalāni
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā / නිද්‌දෙසවාරකථා • Niddesavārakathā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / ධම්‌මසඞ්‌ගණී-අනුටීකා • Dhammasaṅgaṇī-anuṭīkā / නිද්‌දෙසවාරකථාවණ්‌ණනා • Niddesavārakathāvaṇṇanā
