| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
2. нид̣̇д̣̇зсо
2. Niddeso
48. гад̇амам̣ сун̃н̃асун̃н̃ам̣? жагку сун̃н̃ам̣ ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. сод̇ам̣ сун̃н̃ам̣…бз… гхаанам̣ сун̃н̃ам̣… ж̇ивхаа сун̃н̃аа… гааяо сун̃н̃о… мано сун̃н̃о ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. ид̣̇ам̣ сун̃н̃асун̃н̃ам̣.
48. Katamaṃ suññasuññaṃ? Cakkhu suññaṃ attena vā attaniyena vā niccena vā dhuvena vā sassatena vā avipariṇāmadhammena vā. Sotaṃ suññaṃ…pe… ghānaṃ suññaṃ… jivhā suññā… kāyo suñño… mano suñño attena vā attaniyena vā niccena vā dhuvena vā sassatena vā avipariṇāmadhammena vā. Idaṃ suññasuññaṃ.
гад̇амам̣ сан̇каарасун̃н̃ам̣? д̇аяо сан̇каараа – бун̃н̃аабхисан̇кааро, абун̃н̃аабхисан̇кааро, аанзн̃ж̇аабхисан̇кааро. бун̃н̃аабхисан̇кааро абун̃н̃аабхисан̇каарзна жа аанзн̃ж̇аабхисан̇каарзна жа сун̃н̃о. абун̃н̃аабхисан̇кааро бун̃н̃аабхисан̇каарзна жа аанзн̃ж̇аабхисан̇каарзна жа сун̃н̃о. аанзн̃ж̇аабхисан̇кааро бун̃н̃аабхисан̇каарзна жа абун̃н̃аабхисан̇каарзна жа сун̃н̃о. имз д̇аяо сан̇каараа.
Katamaṃ saṅkhārasuññaṃ? Tayo saṅkhārā – puññābhisaṅkhāro, apuññābhisaṅkhāro, āneñjābhisaṅkhāro. Puññābhisaṅkhāro apuññābhisaṅkhārena ca āneñjābhisaṅkhārena ca suñño. Apuññābhisaṅkhāro puññābhisaṅkhārena ca āneñjābhisaṅkhārena ca suñño. Āneñjābhisaṅkhāro puññābhisaṅkhārena ca apuññābhisaṅkhārena ca suñño. Ime tayo saṅkhārā.
абарзби д̇аяо сан̇каараа – гааяасан̇кааро, важийсан̇кааро, жид̇д̇асан̇кааро. гааяасан̇кааро важийсан̇каарзна жа жид̇д̇асан̇каарзна жа сун̃н̃о. важийсан̇кааро гааяасан̇каарзна жа жид̇д̇асан̇каарзна жа сун̃н̃о. жид̇д̇асан̇кааро гааяасан̇каарзна жа важийсан̇каарзна жа сун̃н̃о. имз д̇аяо сан̇каараа.
Aparepi tayo saṅkhārā – kāyasaṅkhāro, vacīsaṅkhāro, cittasaṅkhāro. Kāyasaṅkhāro vacīsaṅkhārena ca cittasaṅkhārena ca suñño. Vacīsaṅkhāro kāyasaṅkhārena ca cittasaṅkhārena ca suñño. Cittasaṅkhāro kāyasaṅkhārena ca vacīsaṅkhārena ca suñño. Ime tayo saṅkhārā.
абарзби д̇аяо сан̇каараа – ад̇ийд̇аа сан̇каараа, анааг̇ад̇аа сан̇каараа, бажжуббаннаа сан̇каараа. ад̇ийд̇аа сан̇каараа анааг̇ад̇зхи жа бажжуббаннзхи жа сан̇каарзхи сун̃н̃аа. анааг̇ад̇аа сан̇каараа ад̇ийд̇зхи жа бажжуббаннзхи жа сан̇каарзхи сун̃н̃аа бажжуббаннаа сан̇каараа ад̇ийд̇зхи жа анааг̇ад̇зхи жа сан̇каарзхи сун̃н̃аа. имз д̇аяо сан̇каараа; ид̣̇ам̣ сан̇каарасун̃н̃ам̣.
Aparepi tayo saṅkhārā – atītā saṅkhārā, anāgatā saṅkhārā, paccuppannā saṅkhārā. Atītā saṅkhārā anāgatehi ca paccuppannehi ca saṅkhārehi suññā. Anāgatā saṅkhārā atītehi ca paccuppannehi ca saṅkhārehi suññā paccuppannā saṅkhārā atītehi ca anāgatehi ca saṅkhārehi suññā. Ime tayo saṅkhārā; idaṃ saṅkhārasuññaṃ.
гад̇амам̣ вибарин̣аамасун̃н̃ам̣? ж̇аад̇ам̣ руубам̣ сабхаавзна сун̃н̃ам̣. виг̇ад̇ам̣ руубам̣ вибарин̣ад̇ан̃жзва сун̃н̃ан̃жа. ж̇аад̇аа взд̣̇анаа сабхаавзна сун̃н̃аа. виг̇ад̇аа взд̣̇анаа вибарин̣ад̇аа жзва сун̃н̃аа жа …бз… ж̇аад̇аа сан̃н̃аа… ж̇аад̇аа сан̇каараа… ж̇аад̇ам̣ вин̃н̃аан̣ам̣… ж̇аад̇ам̣ жагку…бз… ж̇аад̇о бхаво сабхаавзна сун̃н̃о. виг̇ад̇о бхаво вибарин̣ад̇о жзва сун̃н̃о жа. ид̣̇ам̣ вибарин̣аамасун̃н̃ам̣.
Katamaṃ vipariṇāmasuññaṃ? Jātaṃ rūpaṃ sabhāvena suññaṃ. Vigataṃ rūpaṃ vipariṇatañceva suññañca. Jātā vedanā sabhāvena suññā. Vigatā vedanā vipariṇatā ceva suññā ca …pe… jātā saññā… jātā saṅkhārā… jātaṃ viññāṇaṃ… jātaṃ cakkhu…pe… jāto bhavo sabhāvena suñño. Vigato bhavo vipariṇato ceva suñño ca. Idaṃ vipariṇāmasuññaṃ.
гад̇амам̣ аг̇г̇асун̃н̃ам̣? аг̇г̇амзд̇ам̣ бад̣̇ам̣ сздтамзд̇ам̣ бад̣̇ам̣ висидтамзд̇ам̣ 1 бад̣̇ам̣ яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. ид̣̇ам̣ аг̇г̇асун̃н̃ам̣.
Katamaṃ aggasuññaṃ? Aggametaṃ padaṃ seṭṭhametaṃ padaṃ visiṭṭhametaṃ 2 padaṃ yadidaṃ sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Idaṃ aggasuññaṃ.
гад̇амам̣ лагкан̣асун̃н̃ам̣? д̣̇вз лагкан̣аани – б̣аалалагкан̣ан̃жа бан̣д̣ид̇алагкан̣ан̃жа. б̣аалалагкан̣ам̣ бан̣д̣ид̇алагкан̣зна сун̃н̃ам̣. бан̣д̣ид̇алагкан̣ам̣ б̣аалалагкан̣зна сун̃н̃ам̣. д̇ийн̣и лагкан̣аани – уббаад̣̇алагкан̣ам̣, ваяалагкан̣ам̣, тид̇ан̃н̃ат̇ад̇д̇алагкан̣ам̣. уббаад̣̇алагкан̣ам̣ ваяалагкан̣зна жа тид̇ан̃н̃ат̇ад̇д̇алагкан̣зна жа сун̃н̃ам̣. ваяалагкан̣ам̣ уббаад̣̇алагкан̣зна жа тид̇ан̃н̃ат̇ад̇д̇алагкан̣зна жа сун̃н̃ам̣, тид̇ан̃н̃ат̇ад̇д̇алагкан̣ам̣ уббаад̣̇алагкан̣зна жа ваяалагкан̣зна жа сун̃н̃ам̣.
Katamaṃ lakkhaṇasuññaṃ? Dve lakkhaṇāni – bālalakkhaṇañca paṇḍitalakkhaṇañca. Bālalakkhaṇaṃ paṇḍitalakkhaṇena suññaṃ. Paṇḍitalakkhaṇaṃ bālalakkhaṇena suññaṃ. Tīṇi lakkhaṇāni – uppādalakkhaṇaṃ, vayalakkhaṇaṃ, ṭhitaññathattalakkhaṇaṃ. Uppādalakkhaṇaṃ vayalakkhaṇena ca ṭhitaññathattalakkhaṇena ca suññaṃ. Vayalakkhaṇaṃ uppādalakkhaṇena ca ṭhitaññathattalakkhaṇena ca suññaṃ, ṭhitaññathattalakkhaṇaṃ uppādalakkhaṇena ca vayalakkhaṇena ca suññaṃ.
руубасса уббаад̣̇алагкан̣ам̣ ваяалагкан̣зна жа тид̇ан̃н̃ат̇ад̇д̇алагкан̣зна жа сун̃н̃ам̣. руубасса ваяалагкан̣ам̣ уббаад̣̇алагкан̣зна жа тид̇ан̃н̃ат̇ад̇д̇алагкан̣зна жа сун̃н̃ам̣. руубасса тид̇ан̃н̃ат̇ад̇д̇алагкан̣ам̣ уббаад̣̇алагкан̣зна жа ваяалагкан̣зна жа сун̃н̃ам̣. взд̣̇анааяа…бз… сан̃н̃ааяа… сан̇каараанам̣… вин̃н̃аан̣асса… жагкусса… ж̇араамаран̣асса уббаад̣̇алагкан̣ам̣ ваяалагкан̣зна жа тид̇ан̃н̃ат̇ад̇д̇алагкан̣зна жа сун̃н̃ам̣. ж̇араамаран̣асса ваяалагкан̣ам̣ уббаад̣̇алагкан̣зна жа тид̇ан̃н̃ат̇ад̇д̇алагкан̣зна жа сун̃н̃ам̣. ж̇араамаран̣асса тид̇ан̃н̃ат̇ад̇д̇алагкан̣ам̣ уббаад̣̇алагкан̣зна жа ваяалагкан̣зна жа сун̃н̃ам̣. ид̣̇ам̣ лагкан̣асун̃н̃ам̣.
Rūpassa uppādalakkhaṇaṃ vayalakkhaṇena ca ṭhitaññathattalakkhaṇena ca suññaṃ. Rūpassa vayalakkhaṇaṃ uppādalakkhaṇena ca ṭhitaññathattalakkhaṇena ca suññaṃ. Rūpassa ṭhitaññathattalakkhaṇaṃ uppādalakkhaṇena ca vayalakkhaṇena ca suññaṃ. Vedanāya…pe… saññāya… saṅkhārānaṃ… viññāṇassa… cakkhussa… jarāmaraṇassa uppādalakkhaṇaṃ vayalakkhaṇena ca ṭhitaññathattalakkhaṇena ca suññaṃ. Jarāmaraṇassa vayalakkhaṇaṃ uppādalakkhaṇena ca ṭhitaññathattalakkhaṇena ca suññaṃ. Jarāmaraṇassa ṭhitaññathattalakkhaṇaṃ uppādalakkhaṇena ca vayalakkhaṇena ca suññaṃ. Idaṃ lakkhaṇasuññaṃ.
гад̇амам̣ вигкамбханасун̃н̃ам̣? нзгкаммзна гаамажчанд̣̇о вигкамбхид̇о жзва сун̃н̃о жа. аб̣яаабаад̣̇зна б̣яаабаад̣̇о вигкамбхид̇о жзва сун̃н̃о жа. аалогасан̃н̃ааяа т̇инамид̣̇д̇хам̣ вигкамбхид̇ан̃жзва сун̃н̃ан̃жа. авигкзбзна уд̣̇д̇хажжам̣ вигкамбхид̇ан̃жзва сун̃н̃ан̃жа. д̇хаммававад̇т̇аанзна вижигижчаа вигкамбхид̇аа жзва сун̃н̃аа жа. н̃аан̣зна авиж̇ж̇аа вигкамбхид̇аа жзва сун̃н̃аа жа. баамож̇ж̇зна арад̇и вигкамбхид̇аа жзва сун̃н̃аа жа. батамзна жхаанзна нийваран̣аа вигкамбхид̇аа жзва сун̃н̃аа жа…бз… арахад̇д̇амаг̇г̇зна саб̣б̣агилзсаа вигкамбхид̇аа жзва сун̃н̃аа жа. ид̣̇ам̣ вигкамбханасун̃н̃ам̣.
Katamaṃ vikkhambhanasuññaṃ? Nekkhammena kāmacchando vikkhambhito ceva suñño ca. Abyāpādena byāpādo vikkhambhito ceva suñño ca. Ālokasaññāya thinamiddhaṃ vikkhambhitañceva suññañca. Avikkhepena uddhaccaṃ vikkhambhitañceva suññañca. Dhammavavatthānena vicikicchā vikkhambhitā ceva suññā ca. Ñāṇena avijjā vikkhambhitā ceva suññā ca. Pāmojjena arati vikkhambhitā ceva suññā ca. Paṭhamena jhānena nīvaraṇā vikkhambhitā ceva suññā ca…pe… arahattamaggena sabbakilesā vikkhambhitā ceva suññā ca. Idaṃ vikkhambhanasuññaṃ.
гад̇амам̣ д̇ад̣̇ан̇г̇асун̃н̃ам̣? нзгкаммзна гаамажчанд̣̇о д̇ад̣̇ан̇г̇асун̃н̃о. аб̣яаабаад̣̇зна б̣яаабаад̣̇о д̇ад̣̇ан̇г̇асун̃н̃о. аалогасан̃н̃ааяа т̇инамид̣̇д̇хам̣ д̇ад̣̇ан̇г̇асун̃н̃ам̣. авигкзбзна уд̣̇д̇хажжам̣ д̇ад̣̇ан̇г̇асун̃н̃ам̣. д̇хаммававад̇т̇аанзна вижигижчаа д̇ад̣̇ан̇г̇асун̃н̃аа. н̃аан̣зна авиж̇ж̇аа д̇ад̣̇ан̇г̇асун̃н̃аа. баамож̇ж̇зна арад̇и д̇ад̣̇ан̇г̇асун̃н̃аа. батамзна жхаанзна нийваран̣аа д̇ад̣̇ан̇г̇асун̃н̃аа…бз… вивадданаанубассанааяа сан̃н̃ог̇аабхинивзсо д̇ад̣̇ан̇г̇асун̃н̃о. ид̣̇ам̣ д̇ад̣̇ан̇г̇асун̃н̃ам̣.
Katamaṃ tadaṅgasuññaṃ? Nekkhammena kāmacchando tadaṅgasuñño. Abyāpādena byāpādo tadaṅgasuñño. Ālokasaññāya thinamiddhaṃ tadaṅgasuññaṃ. Avikkhepena uddhaccaṃ tadaṅgasuññaṃ. Dhammavavatthānena vicikicchā tadaṅgasuññā. Ñāṇena avijjā tadaṅgasuññā. Pāmojjena arati tadaṅgasuññā. Paṭhamena jhānena nīvaraṇā tadaṅgasuññā…pe… vivaṭṭanānupassanāya saññogābhiniveso tadaṅgasuñño. Idaṃ tadaṅgasuññaṃ.
гад̇амам̣ самужчзд̣̇асун̃н̃ам̣? нзгкаммзна гаамажчанд̣̇о самужчинно жзва сун̃н̃о жа. аб̣яаабаад̣̇зна б̣яаабаад̣̇о самужчинно жзва сун̃н̃о жа. аалогасан̃н̃ааяа т̇инамид̣̇д̇хам̣ самужчиннан̃жзва сун̃н̃ан̃жа. авигкзбзна уд̣̇д̇хажжам̣ самужчиннан̃жзва сун̃н̃ан̃жа. д̇хаммававад̇т̇аанзна вижигижчаа самужчиннаа жзва сун̃н̃аа жа. н̃аан̣зна авиж̇ж̇аа самужчиннаа жзва сун̃н̃аа жа. баамож̇ж̇зна арад̇и самужчиннаа жзва сун̃н̃аа жа. батамзна жхаанзна нийваран̣аа самужчиннаа жзва сун̃н̃аа жа…бз… арахад̇д̇амаг̇г̇зна саб̣б̣агилзсаа самужчиннаа жзва сун̃н̃аа жа. ид̣̇ам̣ самужчзд̣̇асун̃н̃ам̣.
Katamaṃ samucchedasuññaṃ? Nekkhammena kāmacchando samucchinno ceva suñño ca. Abyāpādena byāpādo samucchinno ceva suñño ca. Ālokasaññāya thinamiddhaṃ samucchinnañceva suññañca. Avikkhepena uddhaccaṃ samucchinnañceva suññañca. Dhammavavatthānena vicikicchā samucchinnā ceva suññā ca. Ñāṇena avijjā samucchinnā ceva suññā ca. Pāmojjena arati samucchinnā ceva suññā ca. Paṭhamena jhānena nīvaraṇā samucchinnā ceva suññā ca…pe… arahattamaggena sabbakilesā samucchinnā ceva suññā ca. Idaṃ samucchedasuññaṃ.
гад̇амам̣ бадиббассад̣̇д̇хисун̃н̃ам̣? нзгкаммзна гаамажчанд̣̇о бадиббассад̣̇д̇хо жзва сун̃н̃о жа. аб̣яаабаад̣̇зна б̣яаабаад̣̇о бадиббассад̣̇д̇хо жзва сун̃н̃о жа. аалогасан̃н̃ааяа т̇инамид̣̇д̇хам̣ бадиббассад̣̇д̇хан̃жзва сун̃н̃ан̃жа. авигкзбзна уд̣̇д̇хажжам̣ бадиббассад̣̇д̇хан̃жзва сун̃н̃ан̃жа . д̇хаммававад̇т̇аанзна вижигижчаа бадиббассад̣̇д̇хаа жзва сун̃н̃аа жа. н̃аан̣зна авиж̇ж̇аа бадиббассад̣̇д̇хаа жзва сун̃н̃аа жа. баамож̇ж̇зна арад̇и бадиббассад̣̇д̇хаа жзва сун̃н̃аа жа. батамзна жхаанзна нийваран̣аа бадиббассад̣̇д̇хаа жзва сун̃н̃аа жа…бз… арахад̇д̇амаг̇г̇зна саб̣б̣агилзсаа бадиббассад̣̇д̇хаа жзва сун̃н̃аа жа. ид̣̇ам̣ бадиббассад̣̇д̇хисун̃н̃ам̣.
Katamaṃ paṭippassaddhisuññaṃ? Nekkhammena kāmacchando paṭippassaddho ceva suñño ca. Abyāpādena byāpādo paṭippassaddho ceva suñño ca. Ālokasaññāya thinamiddhaṃ paṭippassaddhañceva suññañca. Avikkhepena uddhaccaṃ paṭippassaddhañceva suññañca . Dhammavavatthānena vicikicchā paṭippassaddhā ceva suññā ca. Ñāṇena avijjā paṭippassaddhā ceva suññā ca. Pāmojjena arati paṭippassaddhā ceva suññā ca. Paṭhamena jhānena nīvaraṇā paṭippassaddhā ceva suññā ca…pe… arahattamaggena sabbakilesā paṭippassaddhā ceva suññā ca. Idaṃ paṭippassaddhisuññaṃ.
гад̇амам̣ ниссаран̣асун̃н̃ам̣? нзгкаммзна гаамажчанд̣̇о ниссадо жзва сун̃н̃о жа. аб̣яаабаад̣̇зна б̣яаабаад̣̇о ниссадо жзва сун̃н̃о жа. аалогасан̃н̃ааяа т̇инамид̣̇д̇хам̣ ниссадан̃жзва сун̃н̃ан̃жа. авигкзбзна уд̣̇д̇хажжам̣ ниссадан̃жзва сун̃н̃ан̃жа. д̇хаммававад̇т̇аанзна вижигижчаа ниссадаа жзва сун̃н̃аа жа. н̃аан̣зна авиж̇ж̇аа ниссадаа жзва сун̃н̃аа жа. баамож̇ж̇зна арад̇и ниссадаа жзва сун̃н̃аа жа. батамзна жхаанзна нийваран̣аа ниссадаа жзва сун̃н̃аа жа …бз… арахад̇д̇амаг̇г̇зна саб̣б̣агилзсаа ниссадаа жзва сун̃н̃аа жа. ид̣̇ам̣ ниссаран̣асун̃н̃ам̣.
Katamaṃ nissaraṇasuññaṃ? Nekkhammena kāmacchando nissaṭo ceva suñño ca. Abyāpādena byāpādo nissaṭo ceva suñño ca. Ālokasaññāya thinamiddhaṃ nissaṭañceva suññañca. Avikkhepena uddhaccaṃ nissaṭañceva suññañca. Dhammavavatthānena vicikicchā nissaṭā ceva suññā ca. Ñāṇena avijjā nissaṭā ceva suññā ca. Pāmojjena arati nissaṭā ceva suññā ca. Paṭhamena jhānena nīvaraṇā nissaṭā ceva suññā ca …pe… arahattamaggena sabbakilesā nissaṭā ceva suññā ca. Idaṃ nissaraṇasuññaṃ.
гад̇амам̣ аж̇жхад̇д̇асун̃н̃ам̣? аж̇жхад̇д̇ам̣ жагкум̣ сун̃н̃ам̣ ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. аж̇жхад̇д̇ам̣ сод̇ам̣ сун̃н̃ам̣… аж̇жхад̇д̇ам̣ гхаанам̣ сун̃н̃ам̣… аж̇жхад̇д̇ам̣ ж̇ивхаа сун̃н̃аа… аж̇жхад̇д̇ам̣ гааяо сун̃н̃о… аж̇жхад̇д̇ам̣ мано сун̃н̃о ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. ид̣̇ам̣ аж̇жхад̇д̇асун̃н̃ам̣.
Katamaṃ ajjhattasuññaṃ? Ajjhattaṃ cakkhuṃ suññaṃ attena vā attaniyena vā niccena vā dhuvena vā sassatena vā avipariṇāmadhammena vā. Ajjhattaṃ sotaṃ suññaṃ… ajjhattaṃ ghānaṃ suññaṃ… ajjhattaṃ jivhā suññā… ajjhattaṃ kāyo suñño… ajjhattaṃ mano suñño attena vā attaniyena vā niccena vā dhuvena vā sassatena vā avipariṇāmadhammena vā. Idaṃ ajjhattasuññaṃ.
гад̇амам̣ б̣ахид̣̇д̇хаасун̃н̃ам̣? б̣ахид̣̇д̇хаа руубаа сун̃н̃аа…бз… б̣ахид̣̇д̇хаа д̇хаммаа сун̃н̃аа ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. ид̣̇ам̣ б̣ахид̣̇д̇хаасун̃н̃ам̣.
Katamaṃ bahiddhāsuññaṃ? Bahiddhā rūpā suññā…pe… bahiddhā dhammā suññā attena vā attaniyena vā niccena vā dhuvena vā sassatena vā avipariṇāmadhammena vā. Idaṃ bahiddhāsuññaṃ.
гад̇амам̣ д̣̇убхад̇осун̃н̃ам̣? яан̃жа аж̇жхад̇д̇ам̣ жагку яз жа б̣ахид̣̇д̇хаа руубаа убхаяамзд̇ам̣ сун̃н̃ам̣ 3 ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. яан̃жа аж̇жхад̇д̇ам̣ сод̇ам̣ яз жа б̣ахид̣̇д̇хаа сад̣̇д̣̇аа…бз… яан̃жа аж̇жхад̇д̇ам̣ гхаанам̣ яз жа б̣ахид̣̇д̇хаа г̇анд̇хаа… яаа жа аж̇жхад̇д̇ам̣ ж̇ивхаа яз жа б̣ахид̣̇д̇хаа расаа… яо жа аж̇жхад̇д̇ам̣ гааяо яз жа б̣ахид̣̇д̇хаа подтаб̣б̣аа… яо жа аж̇жхад̇д̇ам̣ мано яз жа б̣ахид̣̇д̇хаа д̇хаммаа убхаяамзд̇ам̣ сун̃н̃ам̣ ад̇д̇зна ваа ад̇д̇аниязна ваа нижжзна ваа д̇хувзна ваа сассад̇зна ваа авибарин̣аамад̇хаммзна ваа. ид̣̇ам̣ д̣̇убхад̇осун̃н̃ам̣.
Katamaṃ dubhatosuññaṃ? Yañca ajjhattaṃ cakkhu ye ca bahiddhā rūpā ubhayametaṃ suññaṃ 4 attena vā attaniyena vā niccena vā dhuvena vā sassatena vā avipariṇāmadhammena vā. Yañca ajjhattaṃ sotaṃ ye ca bahiddhā saddā…pe… yañca ajjhattaṃ ghānaṃ ye ca bahiddhā gandhā… yā ca ajjhattaṃ jivhā ye ca bahiddhā rasā… yo ca ajjhattaṃ kāyo ye ca bahiddhā phoṭṭhabbā… yo ca ajjhattaṃ mano ye ca bahiddhā dhammā ubhayametaṃ suññaṃ attena vā attaniyena vā niccena vā dhuvena vā sassatena vā avipariṇāmadhammena vā. Idaṃ dubhatosuññaṃ.
гад̇амам̣ сабхааг̇асун̃н̃ам̣? ча аж̇жхад̇д̇игаани ааяад̇анаани сабхааг̇аани жзва сун̃н̃аани жа. ча б̣аахираани ааяад̇анаани сабхааг̇аани жзва сун̃н̃аани жа. ча вин̃н̃аан̣агааяаа сабхааг̇аа жзва сун̃н̃аа жа. ча пассагааяаа сабхааг̇аа жзва сун̃н̃аа жа. ча взд̣̇анаагааяаа сабхааг̇аа жзва сун̃н̃аа жа. ча сан̃н̃аагааяаа сабхааг̇аа жзва сун̃н̃аа жа. ча жзд̇анаагааяаа сабхааг̇аа жзва сун̃н̃аа жа. ид̣̇ам̣ сабхааг̇асун̃н̃ам̣.
Katamaṃ sabhāgasuññaṃ? Cha ajjhattikāni āyatanāni sabhāgāni ceva suññāni ca. Cha bāhirāni āyatanāni sabhāgāni ceva suññāni ca. Cha viññāṇakāyā sabhāgā ceva suññā ca. Cha phassakāyā sabhāgā ceva suññā ca. Cha vedanākāyā sabhāgā ceva suññā ca. Cha saññākāyā sabhāgā ceva suññā ca. Cha cetanākāyā sabhāgā ceva suññā ca. Idaṃ sabhāgasuññaṃ.
гад̇амам̣ висабхааг̇асун̃н̃ам̣? ча аж̇жхад̇д̇игаани ааяад̇анаани чахи б̣аахирзхи ааяад̇анзхи висабхааг̇аани жзва сун̃н̃аани жа. ча б̣аахираани ааяад̇анаани чахи вин̃н̃аан̣агааязхи висабхааг̇аани жзва сун̃н̃аани жа. ча вин̃н̃аан̣агааяаа чахи пассагааязхи висабхааг̇аа жзва сун̃н̃аа жа. ча пассагааяаа чахи взд̣̇анаагааязхи висабхааг̇аа жзва сун̃н̃аа жа. ча взд̣̇анаагааяаа чахи сан̃н̃аагааязхи висабхааг̇аа жзва сун̃н̃аа жа. ча сан̃н̃аагааяаа чахи жзд̇анаагааязхи висабхааг̇аа жзва сун̃н̃аа жа. ид̣̇ам̣ висабхааг̇асун̃н̃ам̣.
Katamaṃ visabhāgasuññaṃ? Cha ajjhattikāni āyatanāni chahi bāhirehi āyatanehi visabhāgāni ceva suññāni ca. Cha bāhirāni āyatanāni chahi viññāṇakāyehi visabhāgāni ceva suññāni ca. Cha viññāṇakāyā chahi phassakāyehi visabhāgā ceva suññā ca. Cha phassakāyā chahi vedanākāyehi visabhāgā ceva suññā ca. Cha vedanākāyā chahi saññākāyehi visabhāgā ceva suññā ca. Cha saññākāyā chahi cetanākāyehi visabhāgā ceva suññā ca. Idaṃ visabhāgasuññaṃ.
гад̇амам̣ зсанаасун̃н̃ам̣? нзгкаммзсанаа гаамажчанд̣̇зна сун̃н̃аа. аб̣яаабаад̣̇зсанаа б̣яаабаад̣̇зна сун̃н̃аа. аалогасан̃н̃зсанаа т̇инамид̣̇д̇хзна сун̃н̃аа. авигкзбзсанаа уд̣̇д̇хажжзна сун̃н̃аа. д̇хаммававад̇т̇аанзсанаа вижигижчааяа сун̃н̃аа. н̃аан̣зсанаа авиж̇ж̇ааяа сун̃н̃аа. баамож̇ж̇зсанаа арад̇ияаа сун̃н̃аа. батамаж̇жхаанзсанаа нийваран̣зхи сун̃н̃аа…бз… арахад̇д̇амаг̇г̇зсанаа саб̣б̣агилзсзхи сун̃н̃аа. ид̣̇ам̣ зсанаасун̃н̃ам̣.
Katamaṃ esanāsuññaṃ? Nekkhammesanā kāmacchandena suññā. Abyāpādesanā byāpādena suññā. Ālokasaññesanā thinamiddhena suññā. Avikkhepesanā uddhaccena suññā. Dhammavavatthānesanā vicikicchāya suññā. Ñāṇesanā avijjāya suññā. Pāmojjesanā aratiyā suññā. Paṭhamajjhānesanā nīvaraṇehi suññā…pe… arahattamaggesanā sabbakilesehi suññā. Idaṃ esanāsuññaṃ.
гад̇амам̣ бариг̇г̇ахасун̃н̃ам̣? нзгкаммабариг̇г̇ахо гаамажчанд̣̇зна сун̃н̃о. аб̣яаабаад̣̇абариг̇г̇ахо б̣яаабаад̣̇зна сун̃н̃о. аалогасан̃н̃аабариг̇г̇ахо т̇инамид̣̇д̇хзна сун̃н̃о. авигкзбабариг̇г̇ахо уд̣̇д̇хажжзна сун̃н̃о . д̇хаммававад̇т̇аанабариг̇г̇ахо вижигижчааяа сун̃н̃о. н̃аан̣абариг̇г̇ахо авиж̇ж̇ааяа сун̃н̃о. баамож̇ж̇абариг̇г̇ахо арад̇ияаа сун̃н̃о. батамаж̇жхаанабариг̇г̇ахо нийваран̣зхи сун̃н̃о…бз… арахад̇д̇амаг̇г̇абариг̇г̇ахо саб̣б̣агилзсзхи сун̃н̃о. ид̣̇ам̣ бариг̇г̇ахасун̃н̃ам̣.
Katamaṃ pariggahasuññaṃ? Nekkhammapariggaho kāmacchandena suñño. Abyāpādapariggaho byāpādena suñño. Ālokasaññāpariggaho thinamiddhena suñño. Avikkhepapariggaho uddhaccena suñño . Dhammavavatthānapariggaho vicikicchāya suñño. Ñāṇapariggaho avijjāya suñño. Pāmojjapariggaho aratiyā suñño. Paṭhamajjhānapariggaho nīvaraṇehi suñño…pe… arahattamaggapariggaho sabbakilesehi suñño. Idaṃ pariggahasuññaṃ.
гад̇амам̣ бадилаабхасун̃н̃ам̣? нзгкаммабадилаабхо гаамажчанд̣̇зна сун̃н̃о. аб̣яаабаад̣̇абадилаабхо б̣яаабаад̣̇зна сун̃н̃о. аалогасан̃н̃аабадилаабхо т̇инамид̣̇д̇хзна сун̃н̃о. авигкзбабадилаабхо уд̣̇д̇хажжзна сун̃н̃о. д̇хаммававад̇т̇аанабадилаабхо вижигижчааяа сун̃н̃о. н̃аан̣абадилаабхо авиж̇ж̇ааяа сун̃н̃о. баамож̇ж̇абадилаабхо арад̇ияаа сун̃н̃о. батамаж̇жхаанабадилаабхо нийваран̣зхи сун̃н̃о…бз… арахад̇д̇амаг̇г̇абадилаабхо саб̣б̣агилзсзхи сун̃н̃о. ид̣̇ам̣ бадилаабхасун̃н̃ам̣.
Katamaṃ paṭilābhasuññaṃ? Nekkhammapaṭilābho kāmacchandena suñño. Abyāpādapaṭilābho byāpādena suñño. Ālokasaññāpaṭilābho thinamiddhena suñño. Avikkhepapaṭilābho uddhaccena suñño. Dhammavavatthānapaṭilābho vicikicchāya suñño. Ñāṇapaṭilābho avijjāya suñño. Pāmojjapaṭilābho aratiyā suñño. Paṭhamajjhānapaṭilābho nīvaraṇehi suñño…pe… arahattamaggapaṭilābho sabbakilesehi suñño. Idaṃ paṭilābhasuññaṃ.
гад̇амам̣ бадивзд̇хасун̃н̃ам̣? нзгкаммаббадивзд̇хо гаамажчанд̣̇зна сун̃н̃о. аб̣яаабаад̣̇аббадивзд̇хо б̣яаабаад̣̇зна сун̃н̃о. аалогасан̃н̃ааббадивзд̇хо т̇инамид̣̇д̇хзна сун̃н̃о. авигкзбаббадивзд̇хо уд̣̇д̇хажжзна сун̃н̃о. д̇хаммававад̇т̇аанаббадивзд̇хо вижигижчааяа сун̃н̃о. н̃аан̣аббадивзд̇хо авиж̇ж̇ааяа сун̃н̃о. баамож̇ж̇аббадивзд̇хо арад̇ияаа сун̃н̃о. батамаж̇жхаанаббадивзд̇хо нийваран̣зхи сун̃н̃о…бз… арахад̇д̇амаг̇г̇аббадивзд̇хо саб̣б̣агилзсзхи сун̃н̃о. ид̣̇ам̣ бадивзд̇хасун̃н̃ам̣.
Katamaṃ paṭivedhasuññaṃ? Nekkhammappaṭivedho kāmacchandena suñño. Abyāpādappaṭivedho byāpādena suñño. Ālokasaññāppaṭivedho thinamiddhena suñño. Avikkhepappaṭivedho uddhaccena suñño. Dhammavavatthānappaṭivedho vicikicchāya suñño. Ñāṇappaṭivedho avijjāya suñño. Pāmojjappaṭivedho aratiyā suñño. Paṭhamajjhānappaṭivedho nīvaraṇehi suñño…pe… arahattamaggappaṭivedho sabbakilesehi suñño. Idaṃ paṭivedhasuññaṃ.
гад̇амам̣ згад̇д̇асун̃н̃ам̣, наанад̇д̇асун̃н̃ам̣? гаамажчанд̣̇о наанад̇д̇ам̣, нзгкаммам̣ згад̇д̇ам̣. нзгкаммзгад̇д̇ам̣ жзд̇аяад̇о гаамажчанд̣̇зна сун̃н̃ам̣. б̣яаабаад̣̇о наанад̇д̇ам̣, аб̣яаабаад̣̇о згад̇д̇ам̣. аб̣яаабаад̣̇згад̇д̇ам̣ жзд̇аяад̇о б̣яаабаад̣̇зна сун̃н̃ам̣. т̇инамид̣̇д̇хам̣ наанад̇д̇ам̣, аалогасан̃н̃аа згад̇д̇ам̣. аалогасан̃н̃згад̇д̇ам̣ жзд̇аяад̇о т̇инамид̣̇д̇хзна сун̃н̃ам̣. уд̣̇д̇хажжам̣ наанад̇д̇ам̣, авигкзбо згад̇д̇ам̣. авигкзбзгад̇д̇ам̣ жзд̇аяад̇о уд̣̇д̇хажжзна сун̃н̃ам̣. вижигижчаа наанад̇д̇ам̣, д̇хаммававад̇т̇аанам̣ згад̇д̇ам̣. д̇хаммававад̇т̇аанзгад̇д̇ам̣ жзд̇аяад̇о вижигижчааяа сун̃н̃ам̣. авиж̇ж̇аа наанад̇д̇ам̣, н̃аан̣ам̣ згад̇д̇ам̣. н̃аан̣згад̇д̇ам̣ жзд̇аяад̇о авиж̇ж̇ааяа сун̃н̃ам̣. арад̇и наанад̇д̇ам̣, баамож̇ж̇ам̣ згад̇д̇ам̣. баамож̇ж̇згад̇д̇ам̣ жзд̇аяад̇о арад̇ияаа сун̃н̃ам̣. нийваран̣аа наанад̇д̇ам̣, батамаж̇жхаанам̣ згад̇д̇ам̣. батамаж̇жхаанзгад̇д̇ам̣ жзд̇аяад̇о нийваран̣зхи сун̃н̃ам̣…бз… саб̣б̣агилзсаа наанад̇д̇ам̣, арахад̇д̇амаг̇г̇о згад̇д̇ам̣. арахад̇д̇амаг̇г̇згад̇д̇ам̣ жзд̇аяад̇о саб̣б̣агилзсзхи сун̃н̃ам̣. ид̣̇ам̣ згад̇д̇асун̃н̃ам̣ наанад̇д̇асун̃н̃ам̣.
Katamaṃ ekattasuññaṃ, nānattasuññaṃ? Kāmacchando nānattaṃ, nekkhammaṃ ekattaṃ. Nekkhammekattaṃ cetayato kāmacchandena suññaṃ. Byāpādo nānattaṃ, abyāpādo ekattaṃ. Abyāpādekattaṃ cetayato byāpādena suññaṃ. Thinamiddhaṃ nānattaṃ, ālokasaññā ekattaṃ. Ālokasaññekattaṃ cetayato thinamiddhena suññaṃ. Uddhaccaṃ nānattaṃ, avikkhepo ekattaṃ. Avikkhepekattaṃ cetayato uddhaccena suññaṃ. Vicikicchā nānattaṃ, dhammavavatthānaṃ ekattaṃ. Dhammavavatthānekattaṃ cetayato vicikicchāya suññaṃ. Avijjā nānattaṃ, ñāṇaṃ ekattaṃ. Ñāṇekattaṃ cetayato avijjāya suññaṃ. Arati nānattaṃ, pāmojjaṃ ekattaṃ. Pāmojjekattaṃ cetayato aratiyā suññaṃ. Nīvaraṇā nānattaṃ, paṭhamajjhānaṃ ekattaṃ. Paṭhamajjhānekattaṃ cetayato nīvaraṇehi suññaṃ…pe… sabbakilesā nānattaṃ, arahattamaggo ekattaṃ. Arahattamaggekattaṃ cetayato sabbakilesehi suññaṃ. Idaṃ ekattasuññaṃ nānattasuññaṃ.
гад̇амам̣ канд̇исун̃н̃ам̣? нзгкаммаканд̇и гаамажчанд̣̇зна сун̃н̃аа. аб̣яаабаад̣̇аканд̇и б̣яаабаад̣̇зна сун̃н̃аа. аалогасан̃н̃ааканд̇и т̇инамид̣̇д̇хзна сун̃н̃аа. авигкзбаканд̇и уд̣̇д̇хажжзна сун̃н̃аа. д̇хаммававад̇т̇аанаканд̇и вижигижчааяа сун̃н̃аа. н̃аан̣аканд̇и авиж̇ж̇ааяа сун̃н̃аа. баамож̇ж̇аканд̇и арад̇ияаа сун̃н̃аа. батамаж̇жхаанаканд̇и нийваран̣зхи сун̃н̃аа…бз… арахад̇д̇амаг̇г̇аканд̇и саб̣б̣агилзсзхи сун̃н̃аа. ид̣̇ам̣ канд̇исун̃н̃ам̣.
Katamaṃ khantisuññaṃ? Nekkhammakhanti kāmacchandena suññā. Abyāpādakhanti byāpādena suññā. Ālokasaññākhanti thinamiddhena suññā. Avikkhepakhanti uddhaccena suññā. Dhammavavatthānakhanti vicikicchāya suññā. Ñāṇakhanti avijjāya suññā. Pāmojjakhanti aratiyā suññā. Paṭhamajjhānakhanti nīvaraṇehi suññā…pe… arahattamaggakhanti sabbakilesehi suññā. Idaṃ khantisuññaṃ.
гад̇амам̣ ад̇хидтаанасун̃н̃ам̣? нзгкаммаад̇хидтаанам̣ гаамажчанд̣̇зна сун̃н̃ам̣. аб̣яаабаад̣̇аад̇хидтаанам̣ б̣яаабаад̣̇зна сун̃н̃ам̣. аалогасан̃н̃аад̇хидтаанам̣ т̇инамид̣̇д̇хзна сун̃н̃ам̣. авигкзбаад̇хидтаанам̣ уд̣̇д̇хажжзна сун̃н̃ам̣. д̇хаммававад̇т̇аанаад̇хидтаанам̣ вижигижчааяа сун̃н̃ам̣. н̃аан̣аад̇хидтаанам̣ авиж̇ж̇ааяа сун̃н̃ам̣. баамож̇ж̇аад̇хидтаанам̣ арад̇ияаа сун̃н̃ам̣. батамаж̇жхаанаад̇хидтаанам̣ нийваран̣зхи сун̃н̃ам̣…бз… арахад̇д̇амаг̇г̇аад̇хидтаанам̣ саб̣б̣агилзсзхи сун̃н̃ам̣. ид̣̇ам̣ ад̇хидтаанасун̃н̃ам̣.
Katamaṃ adhiṭṭhānasuññaṃ? Nekkhammādhiṭṭhānaṃ kāmacchandena suññaṃ. Abyāpādādhiṭṭhānaṃ byāpādena suññaṃ. Ālokasaññādhiṭṭhānaṃ thinamiddhena suññaṃ. Avikkhepādhiṭṭhānaṃ uddhaccena suññaṃ. Dhammavavatthānādhiṭṭhānaṃ vicikicchāya suññaṃ. Ñāṇādhiṭṭhānaṃ avijjāya suññaṃ. Pāmojjādhiṭṭhānaṃ aratiyā suññaṃ. Paṭhamajjhānādhiṭṭhānaṃ nīvaraṇehi suññaṃ…pe… arahattamaggādhiṭṭhānaṃ sabbakilesehi suññaṃ. Idaṃ adhiṭṭhānasuññaṃ.
гад̇амам̣ барияог̇аахан̣асун̃н̃ам̣? нзгкаммабарияог̇аахан̣ам̣ гаамажчанд̣̇зна сун̃н̃ам̣. аб̣яаабаад̣̇абарияог̇аахан̣ам̣ б̣яаабаад̣̇зна сун̃н̃ам̣. аалогасан̃н̃аабарияог̇аахан̣ам̣ т̇инамид̣̇д̇хзна сун̃н̃ам̣. авигкзбабарияог̇аахан̣ам̣ уд̣̇д̇хажжзна сун̃н̃ам̣. д̇хаммававад̇т̇аанабарияог̇аахан̣ам̣ вижигижчааяа сун̃н̃ам̣. н̃аан̣абарияог̇аахан̣ам̣ авиж̇ж̇ааяа сун̃н̃ам̣. баамож̇ж̇абарияог̇аахан̣ам̣ арад̇ияаа сун̃н̃ам̣. батамаж̇жхаанабарияог̇аахан̣ам̣ нийваран̣зхи сун̃н̃ам̣…бз… арахад̇д̇амаг̇г̇абарияог̇аахан̣ам̣ саб̣б̣агилзсзхи сун̃н̃ам̣. ид̣̇ам̣ барияог̇аахан̣асун̃н̃ам̣.
Katamaṃ pariyogāhaṇasuññaṃ? Nekkhammapariyogāhaṇaṃ kāmacchandena suññaṃ. Abyāpādapariyogāhaṇaṃ byāpādena suññaṃ. Ālokasaññāpariyogāhaṇaṃ thinamiddhena suññaṃ. Avikkhepapariyogāhaṇaṃ uddhaccena suññaṃ. Dhammavavatthānapariyogāhaṇaṃ vicikicchāya suññaṃ. Ñāṇapariyogāhaṇaṃ avijjāya suññaṃ. Pāmojjapariyogāhaṇaṃ aratiyā suññaṃ. Paṭhamajjhānapariyogāhaṇaṃ nīvaraṇehi suññaṃ…pe… arahattamaggapariyogāhaṇaṃ sabbakilesehi suññaṃ. Idaṃ pariyogāhaṇasuññaṃ.
гад̇амам̣ самбаж̇аанасса бавад̇д̇абарияаад̣̇аанам̣ саб̣б̣асун̃н̃ад̇аанам̣ барамад̇т̇асун̃н̃ам̣? ид̇ха самбаж̇аано нзгкаммзна гаамажчанд̣̇асса бавад̇д̇ам̣ барияаад̣̇ияад̇и, аб̣яаабаад̣̇зна б̣яаабаад̣̇асса бавад̇д̇ам̣ барияаад̣̇ияад̇и, аалогасан̃н̃ааяа т̇инамид̣̇д̇хасса бавад̇д̇ам̣ барияаад̣̇ияад̇и, авигкзбзна уд̣̇д̇хажжасса бавад̇д̇ам̣ барияаад̣̇ияад̇и, д̇хаммававад̇т̇аанзна вижигижчааяа бавад̇д̇ам̣ барияаад̣̇ияад̇и, н̃аан̣зна авиж̇ж̇ааяа бавад̇д̇ам̣ барияаад̣̇ияад̇и, баамож̇ж̇зна арад̇ияаа бавад̇д̇ам̣ барияаад̣̇ияад̇и, батамзна жхаанзна нийваран̣аанам̣ бавад̇д̇ам̣ барияаад̣̇ияад̇и…бз… арахад̇д̇амаг̇г̇зна саб̣б̣агилзсаанам̣ бавад̇д̇ам̣ барияаад̣̇ияад̇и. ат̇а ваа бана самбаж̇аанасса анубаад̣̇исзсааяа ниб̣б̣аанад̇хаад̇уяаа бариниб̣б̣ааяанд̇асса ид̣̇ам̣ жзва жагкубавад̇д̇ам̣ барияаад̣̇ияад̇и, ан̃н̃ан̃жа жагкубавад̇д̇ам̣ на уббаж̇ж̇ад̇и. ид̣̇ан̃жзва сод̇абавад̇д̇ам̣…бз… гхаанабавад̇д̇ам̣… ж̇ивхаабавад̇д̇ам̣… гааяабавад̇д̇ам̣… манобавад̇д̇ам̣ барияаад̣̇ияад̇и, ан̃н̃ан̃жа манобавад̇д̇ам̣ на уббаж̇ж̇ад̇и. ид̣̇ам̣ самбаж̇аанасса бавад̇д̇абарияаад̣̇аанам̣ саб̣б̣асун̃н̃ад̇аанам̣ барамад̇т̇асун̃н̃анд̇и.
Katamaṃ sampajānassa pavattapariyādānaṃ sabbasuññatānaṃ paramatthasuññaṃ? Idha sampajāno nekkhammena kāmacchandassa pavattaṃ pariyādiyati, abyāpādena byāpādassa pavattaṃ pariyādiyati, ālokasaññāya thinamiddhassa pavattaṃ pariyādiyati, avikkhepena uddhaccassa pavattaṃ pariyādiyati, dhammavavatthānena vicikicchāya pavattaṃ pariyādiyati, ñāṇena avijjāya pavattaṃ pariyādiyati, pāmojjena aratiyā pavattaṃ pariyādiyati, paṭhamena jhānena nīvaraṇānaṃ pavattaṃ pariyādiyati…pe… arahattamaggena sabbakilesānaṃ pavattaṃ pariyādiyati. Atha vā pana sampajānassa anupādisesāya nibbānadhātuyā parinibbāyantassa idaṃ ceva cakkhupavattaṃ pariyādiyati, aññañca cakkhupavattaṃ na uppajjati. Idañceva sotapavattaṃ…pe… ghānapavattaṃ… jivhāpavattaṃ… kāyapavattaṃ… manopavattaṃ pariyādiyati, aññañca manopavattaṃ na uppajjati. Idaṃ sampajānassa pavattapariyādānaṃ sabbasuññatānaṃ paramatthasuññanti.
сун̃н̃агат̇аа нидтид̇аа.
Suññakathā niṭṭhitā.
яуг̇анад̣̇д̇хаваг̇г̇о д̣̇уд̇ияо.
Yuganaddhavaggo dutiyo.
д̇ассуд̣̇д̣̇аанам̣ –
Tassuddānaṃ –
яуг̇анад̣̇д̇хаа сажжаб̣ож̇жхан̇г̇аа, мзд̇д̇аа вирааг̇абан̃жамаа;
Yuganaddhā saccabojjhaṅgā, mettā virāgapañcamā;
бадисамбхид̣̇аа д̇хаммажаггам̣, логуд̇д̇араб̣аласун̃н̃аад̇и.
Paṭisambhidā dhammacakkaṃ, lokuttarabalasuññāti.
зса нигааяад̇харзхи табид̇о, асамо д̣̇уд̇ияо баваро
Esa nikāyadharehi ṭhapito, asamo dutiyo pavaro
вараваг̇г̇од̇и.
Varavaggoti.
Footnotes:
