| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੨. ਨਿਦ੍ਦੇਸੋ
2. Niddeso
੪੮. ਕਤਮਂ ਸੁਞ੍ਞਸੁਞ੍ਞਂ? ਚਕ੍ਖੁ ਸੁਞ੍ਞਂ ਅਤ੍ਤੇਨ વਾ ਅਤ੍ਤਨਿਯੇਨ વਾ ਨਿਚ੍ਚੇਨ વਾ ਧੁવੇਨ વਾ ਸਸ੍ਸਤੇਨ વਾ ਅવਿਪਰਿਣਾਮਧਮ੍ਮੇਨ વਾ। ਸੋਤਂ ਸੁਞ੍ਞਂ…ਪੇ॰… ਘਾਨਂ ਸੁਞ੍ਞਂ… ਜਿવ੍ਹਾ ਸੁਞ੍ਞਾ… ਕਾਯੋ ਸੁਞ੍ਞੋ… ਮਨੋ ਸੁਞ੍ਞੋ ਅਤ੍ਤੇਨ વਾ ਅਤ੍ਤਨਿਯੇਨ વਾ ਨਿਚ੍ਚੇਨ વਾ ਧੁવੇਨ વਾ ਸਸ੍ਸਤੇਨ વਾ ਅવਿਪਰਿਣਾਮਧਮ੍ਮੇਨ વਾ। ਇਦਂ ਸੁਞ੍ਞਸੁਞ੍ਞਂ।
48. Katamaṃ suññasuññaṃ? Cakkhu suññaṃ attena vā attaniyena vā niccena vā dhuvena vā sassatena vā avipariṇāmadhammena vā. Sotaṃ suññaṃ…pe… ghānaṃ suññaṃ… jivhā suññā… kāyo suñño… mano suñño attena vā attaniyena vā niccena vā dhuvena vā sassatena vā avipariṇāmadhammena vā. Idaṃ suññasuññaṃ.
ਕਤਮਂ ਸਙ੍ਖਾਰਸੁਞ੍ਞਂ? ਤਯੋ ਸਙ੍ਖਾਰਾ – ਪੁਞ੍ਞਾਭਿਸਙ੍ਖਾਰੋ, ਅਪੁਞ੍ਞਾਭਿਸਙ੍ਖਾਰੋ, ਆਨੇਞ੍ਜਾਭਿਸਙ੍ਖਾਰੋ। ਪੁਞ੍ਞਾਭਿਸਙ੍ਖਾਰੋ ਅਪੁਞ੍ਞਾਭਿਸਙ੍ਖਾਰੇਨ ਚ ਆਨੇਞ੍ਜਾਭਿਸਙ੍ਖਾਰੇਨ ਚ ਸੁਞ੍ਞੋ। ਅਪੁਞ੍ਞਾਭਿਸਙ੍ਖਾਰੋ ਪੁਞ੍ਞਾਭਿਸਙ੍ਖਾਰੇਨ ਚ ਆਨੇਞ੍ਜਾਭਿਸਙ੍ਖਾਰੇਨ ਚ ਸੁਞ੍ਞੋ। ਆਨੇਞ੍ਜਾਭਿਸਙ੍ਖਾਰੋ ਪੁਞ੍ਞਾਭਿਸਙ੍ਖਾਰੇਨ ਚ ਅਪੁਞ੍ਞਾਭਿਸਙ੍ਖਾਰੇਨ ਚ ਸੁਞ੍ਞੋ। ਇਮੇ ਤਯੋ ਸਙ੍ਖਾਰਾ।
Katamaṃ saṅkhārasuññaṃ? Tayo saṅkhārā – puññābhisaṅkhāro, apuññābhisaṅkhāro, āneñjābhisaṅkhāro. Puññābhisaṅkhāro apuññābhisaṅkhārena ca āneñjābhisaṅkhārena ca suñño. Apuññābhisaṅkhāro puññābhisaṅkhārena ca āneñjābhisaṅkhārena ca suñño. Āneñjābhisaṅkhāro puññābhisaṅkhārena ca apuññābhisaṅkhārena ca suñño. Ime tayo saṅkhārā.
ਅਪਰੇਪਿ ਤਯੋ ਸਙ੍ਖਾਰਾ – ਕਾਯਸਙ੍ਖਾਰੋ, વਚੀਸਙ੍ਖਾਰੋ, ਚਿਤ੍ਤਸਙ੍ਖਾਰੋ। ਕਾਯਸਙ੍ਖਾਰੋ વਚੀਸਙ੍ਖਾਰੇਨ ਚ ਚਿਤ੍ਤਸਙ੍ਖਾਰੇਨ ਚ ਸੁਞ੍ਞੋ। વਚੀਸਙ੍ਖਾਰੋ ਕਾਯਸਙ੍ਖਾਰੇਨ ਚ ਚਿਤ੍ਤਸਙ੍ਖਾਰੇਨ ਚ ਸੁਞ੍ਞੋ। ਚਿਤ੍ਤਸਙ੍ਖਾਰੋ ਕਾਯਸਙ੍ਖਾਰੇਨ ਚ વਚੀਸਙ੍ਖਾਰੇਨ ਚ ਸੁਞ੍ਞੋ। ਇਮੇ ਤਯੋ ਸਙ੍ਖਾਰਾ।
Aparepi tayo saṅkhārā – kāyasaṅkhāro, vacīsaṅkhāro, cittasaṅkhāro. Kāyasaṅkhāro vacīsaṅkhārena ca cittasaṅkhārena ca suñño. Vacīsaṅkhāro kāyasaṅkhārena ca cittasaṅkhārena ca suñño. Cittasaṅkhāro kāyasaṅkhārena ca vacīsaṅkhārena ca suñño. Ime tayo saṅkhārā.
ਅਪਰੇਪਿ ਤਯੋ ਸਙ੍ਖਾਰਾ – ਅਤੀਤਾ ਸਙ੍ਖਾਰਾ, ਅਨਾਗਤਾ ਸਙ੍ਖਾਰਾ, ਪਚ੍ਚੁਪ੍ਪਨ੍ਨਾ ਸਙ੍ਖਾਰਾ। ਅਤੀਤਾ ਸਙ੍ਖਾਰਾ ਅਨਾਗਤੇਹਿ ਚ ਪਚ੍ਚੁਪ੍ਪਨ੍ਨੇਹਿ ਚ ਸਙ੍ਖਾਰੇਹਿ ਸੁਞ੍ਞਾ। ਅਨਾਗਤਾ ਸਙ੍ਖਾਰਾ ਅਤੀਤੇਹਿ ਚ ਪਚ੍ਚੁਪ੍ਪਨ੍ਨੇਹਿ ਚ ਸਙ੍ਖਾਰੇਹਿ ਸੁਞ੍ਞਾ ਪਚ੍ਚੁਪ੍ਪਨ੍ਨਾ ਸਙ੍ਖਾਰਾ ਅਤੀਤੇਹਿ ਚ ਅਨਾਗਤੇਹਿ ਚ ਸਙ੍ਖਾਰੇਹਿ ਸੁਞ੍ਞਾ। ਇਮੇ ਤਯੋ ਸਙ੍ਖਾਰਾ; ਇਦਂ ਸਙ੍ਖਾਰਸੁਞ੍ਞਂ।
Aparepi tayo saṅkhārā – atītā saṅkhārā, anāgatā saṅkhārā, paccuppannā saṅkhārā. Atītā saṅkhārā anāgatehi ca paccuppannehi ca saṅkhārehi suññā. Anāgatā saṅkhārā atītehi ca paccuppannehi ca saṅkhārehi suññā paccuppannā saṅkhārā atītehi ca anāgatehi ca saṅkhārehi suññā. Ime tayo saṅkhārā; idaṃ saṅkhārasuññaṃ.
ਕਤਮਂ વਿਪਰਿਣਾਮਸੁਞ੍ਞਂ? ਜਾਤਂ ਰੂਪਂ ਸਭਾવੇਨ ਸੁਞ੍ਞਂ। વਿਗਤਂ ਰੂਪਂ વਿਪਰਿਣਤਞ੍ਚੇવ ਸੁਞ੍ਞਞ੍ਚ। ਜਾਤਾ વੇਦਨਾ ਸਭਾવੇਨ ਸੁਞ੍ਞਾ। વਿਗਤਾ વੇਦਨਾ વਿਪਰਿਣਤਾ ਚੇવ ਸੁਞ੍ਞਾ ਚ …ਪੇ॰… ਜਾਤਾ ਸਞ੍ਞਾ… ਜਾਤਾ ਸਙ੍ਖਾਰਾ… ਜਾਤਂ વਿਞ੍ਞਾਣਂ… ਜਾਤਂ ਚਕ੍ਖੁ…ਪੇ॰… ਜਾਤੋ ਭવੋ ਸਭਾવੇਨ ਸੁਞ੍ਞੋ। વਿਗਤੋ ਭવੋ વਿਪਰਿਣਤੋ ਚੇવ ਸੁਞ੍ਞੋ ਚ। ਇਦਂ વਿਪਰਿਣਾਮਸੁਞ੍ਞਂ।
Katamaṃ vipariṇāmasuññaṃ? Jātaṃ rūpaṃ sabhāvena suññaṃ. Vigataṃ rūpaṃ vipariṇatañceva suññañca. Jātā vedanā sabhāvena suññā. Vigatā vedanā vipariṇatā ceva suññā ca …pe… jātā saññā… jātā saṅkhārā… jātaṃ viññāṇaṃ… jātaṃ cakkhu…pe… jāto bhavo sabhāvena suñño. Vigato bhavo vipariṇato ceva suñño ca. Idaṃ vipariṇāmasuññaṃ.
ਕਤਮਂ ਅਗ੍ਗਸੁਞ੍ਞਂ? ਅਗ੍ਗਮੇਤਂ ਪਦਂ ਸੇਟ੍ਠਮੇਤਂ ਪਦਂ વਿਸਿਟ੍ਠਮੇਤਂ 1 ਪਦਂ ਯਦਿਦਂ ਸਬ੍ਬਸਙ੍ਖਾਰਸਮਥੋ ਸਬ੍ਬੂਪਧਿਪਟਿਨਿਸ੍ਸਗ੍ਗੋ ਤਣ੍ਹਕ੍ਖਯੋ વਿਰਾਗੋ ਨਿਰੋਧੋ ਨਿਬ੍ਬਾਨਂ। ਇਦਂ ਅਗ੍ਗਸੁਞ੍ਞਂ।
Katamaṃ aggasuññaṃ? Aggametaṃ padaṃ seṭṭhametaṃ padaṃ visiṭṭhametaṃ 2 padaṃ yadidaṃ sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Idaṃ aggasuññaṃ.
ਕਤਮਂ ਲਕ੍ਖਣਸੁਞ੍ਞਂ? ਦ੍વੇ ਲਕ੍ਖਣਾਨਿ – ਬਾਲਲਕ੍ਖਣਞ੍ਚ ਪਣ੍ਡਿਤਲਕ੍ਖਣਞ੍ਚ। ਬਾਲਲਕ੍ਖਣਂ ਪਣ੍ਡਿਤਲਕ੍ਖਣੇਨ ਸੁਞ੍ਞਂ। ਪਣ੍ਡਿਤਲਕ੍ਖਣਂ ਬਾਲਲਕ੍ਖਣੇਨ ਸੁਞ੍ਞਂ। ਤੀਣਿ ਲਕ੍ਖਣਾਨਿ – ਉਪ੍ਪਾਦਲਕ੍ਖਣਂ, વਯਲਕ੍ਖਣਂ, ਠਿਤਞ੍ਞਥਤ੍ਤਲਕ੍ਖਣਂ। ਉਪ੍ਪਾਦਲਕ੍ਖਣਂ વਯਲਕ੍ਖਣੇਨ ਚ ਠਿਤਞ੍ਞਥਤ੍ਤਲਕ੍ਖਣੇਨ ਚ ਸੁਞ੍ਞਂ। વਯਲਕ੍ਖਣਂ ਉਪ੍ਪਾਦਲਕ੍ਖਣੇਨ ਚ ਠਿਤਞ੍ਞਥਤ੍ਤਲਕ੍ਖਣੇਨ ਚ ਸੁਞ੍ਞਂ, ਠਿਤਞ੍ਞਥਤ੍ਤਲਕ੍ਖਣਂ ਉਪ੍ਪਾਦਲਕ੍ਖਣੇਨ ਚ વਯਲਕ੍ਖਣੇਨ ਚ ਸੁਞ੍ਞਂ।
Katamaṃ lakkhaṇasuññaṃ? Dve lakkhaṇāni – bālalakkhaṇañca paṇḍitalakkhaṇañca. Bālalakkhaṇaṃ paṇḍitalakkhaṇena suññaṃ. Paṇḍitalakkhaṇaṃ bālalakkhaṇena suññaṃ. Tīṇi lakkhaṇāni – uppādalakkhaṇaṃ, vayalakkhaṇaṃ, ṭhitaññathattalakkhaṇaṃ. Uppādalakkhaṇaṃ vayalakkhaṇena ca ṭhitaññathattalakkhaṇena ca suññaṃ. Vayalakkhaṇaṃ uppādalakkhaṇena ca ṭhitaññathattalakkhaṇena ca suññaṃ, ṭhitaññathattalakkhaṇaṃ uppādalakkhaṇena ca vayalakkhaṇena ca suññaṃ.
ਰੂਪਸ੍ਸ ਉਪ੍ਪਾਦਲਕ੍ਖਣਂ વਯਲਕ੍ਖਣੇਨ ਚ ਠਿਤਞ੍ਞਥਤ੍ਤਲਕ੍ਖਣੇਨ ਚ ਸੁਞ੍ਞਂ। ਰੂਪਸ੍ਸ વਯਲਕ੍ਖਣਂ ਉਪ੍ਪਾਦਲਕ੍ਖਣੇਨ ਚ ਠਿਤਞ੍ਞਥਤ੍ਤਲਕ੍ਖਣੇਨ ਚ ਸੁਞ੍ਞਂ। ਰੂਪਸ੍ਸ ਠਿਤਞ੍ਞਥਤ੍ਤਲਕ੍ਖਣਂ ਉਪ੍ਪਾਦਲਕ੍ਖਣੇਨ ਚ વਯਲਕ੍ਖਣੇਨ ਚ ਸੁਞ੍ਞਂ। વੇਦਨਾਯ…ਪੇ॰… ਸਞ੍ਞਾਯ… ਸਙ੍ਖਾਰਾਨਂ… વਿਞ੍ਞਾਣਸ੍ਸ… ਚਕ੍ਖੁਸ੍ਸ… ਜਰਾਮਰਣਸ੍ਸ ਉਪ੍ਪਾਦਲਕ੍ਖਣਂ વਯਲਕ੍ਖਣੇਨ ਚ ਠਿਤਞ੍ਞਥਤ੍ਤਲਕ੍ਖਣੇਨ ਚ ਸੁਞ੍ਞਂ। ਜਰਾਮਰਣਸ੍ਸ વਯਲਕ੍ਖਣਂ ਉਪ੍ਪਾਦਲਕ੍ਖਣੇਨ ਚ ਠਿਤਞ੍ਞਥਤ੍ਤਲਕ੍ਖਣੇਨ ਚ ਸੁਞ੍ਞਂ। ਜਰਾਮਰਣਸ੍ਸ ਠਿਤਞ੍ਞਥਤ੍ਤਲਕ੍ਖਣਂ ਉਪ੍ਪਾਦਲਕ੍ਖਣੇਨ ਚ વਯਲਕ੍ਖਣੇਨ ਚ ਸੁਞ੍ਞਂ। ਇਦਂ ਲਕ੍ਖਣਸੁਞ੍ਞਂ।
Rūpassa uppādalakkhaṇaṃ vayalakkhaṇena ca ṭhitaññathattalakkhaṇena ca suññaṃ. Rūpassa vayalakkhaṇaṃ uppādalakkhaṇena ca ṭhitaññathattalakkhaṇena ca suññaṃ. Rūpassa ṭhitaññathattalakkhaṇaṃ uppādalakkhaṇena ca vayalakkhaṇena ca suññaṃ. Vedanāya…pe… saññāya… saṅkhārānaṃ… viññāṇassa… cakkhussa… jarāmaraṇassa uppādalakkhaṇaṃ vayalakkhaṇena ca ṭhitaññathattalakkhaṇena ca suññaṃ. Jarāmaraṇassa vayalakkhaṇaṃ uppādalakkhaṇena ca ṭhitaññathattalakkhaṇena ca suññaṃ. Jarāmaraṇassa ṭhitaññathattalakkhaṇaṃ uppādalakkhaṇena ca vayalakkhaṇena ca suññaṃ. Idaṃ lakkhaṇasuññaṃ.
ਕਤਮਂ વਿਕ੍ਖਮ੍ਭਨਸੁਞ੍ਞਂ? ਨੇਕ੍ਖਮ੍ਮੇਨ ਕਾਮਚ੍ਛਨ੍ਦੋ વਿਕ੍ਖਮ੍ਭਿਤੋ ਚੇવ ਸੁਞ੍ਞੋ ਚ। ਅਬ੍ਯਾਪਾਦੇਨ ਬ੍ਯਾਪਾਦੋ વਿਕ੍ਖਮ੍ਭਿਤੋ ਚੇવ ਸੁਞ੍ਞੋ ਚ। ਆਲੋਕਸਞ੍ਞਾਯ ਥਿਨਮਿਦ੍ਧਂ વਿਕ੍ਖਮ੍ਭਿਤਞ੍ਚੇવ ਸੁਞ੍ਞਞ੍ਚ। ਅવਿਕ੍ਖੇਪੇਨ ਉਦ੍ਧਚ੍ਚਂ વਿਕ੍ਖਮ੍ਭਿਤਞ੍ਚੇવ ਸੁਞ੍ਞਞ੍ਚ। ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਾ વਿਕ੍ਖਮ੍ਭਿਤਾ ਚੇવ ਸੁਞ੍ਞਾ ਚ। ਞਾਣੇਨ ਅવਿਜ੍ਜਾ વਿਕ੍ਖਮ੍ਭਿਤਾ ਚੇવ ਸੁਞ੍ਞਾ ਚ। ਪਾਮੋਜ੍ਜੇਨ ਅਰਤਿ વਿਕ੍ਖਮ੍ਭਿਤਾ ਚੇવ ਸੁਞ੍ਞਾ ਚ। ਪਠਮੇਨ ਝਾਨੇਨ ਨੀવਰਣਾ વਿਕ੍ਖਮ੍ਭਿਤਾ ਚੇવ ਸੁਞ੍ਞਾ ਚ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸਾ વਿਕ੍ਖਮ੍ਭਿਤਾ ਚੇવ ਸੁਞ੍ਞਾ ਚ। ਇਦਂ વਿਕ੍ਖਮ੍ਭਨਸੁਞ੍ਞਂ।
Katamaṃ vikkhambhanasuññaṃ? Nekkhammena kāmacchando vikkhambhito ceva suñño ca. Abyāpādena byāpādo vikkhambhito ceva suñño ca. Ālokasaññāya thinamiddhaṃ vikkhambhitañceva suññañca. Avikkhepena uddhaccaṃ vikkhambhitañceva suññañca. Dhammavavatthānena vicikicchā vikkhambhitā ceva suññā ca. Ñāṇena avijjā vikkhambhitā ceva suññā ca. Pāmojjena arati vikkhambhitā ceva suññā ca. Paṭhamena jhānena nīvaraṇā vikkhambhitā ceva suññā ca…pe… arahattamaggena sabbakilesā vikkhambhitā ceva suññā ca. Idaṃ vikkhambhanasuññaṃ.
ਕਤਮਂ ਤਦਙ੍ਗਸੁਞ੍ਞਂ? ਨੇਕ੍ਖਮ੍ਮੇਨ ਕਾਮਚ੍ਛਨ੍ਦੋ ਤਦਙ੍ਗਸੁਞ੍ਞੋ। ਅਬ੍ਯਾਪਾਦੇਨ ਬ੍ਯਾਪਾਦੋ ਤਦਙ੍ਗਸੁਞ੍ਞੋ। ਆਲੋਕਸਞ੍ਞਾਯ ਥਿਨਮਿਦ੍ਧਂ ਤਦਙ੍ਗਸੁਞ੍ਞਂ। ਅવਿਕ੍ਖੇਪੇਨ ਉਦ੍ਧਚ੍ਚਂ ਤਦਙ੍ਗਸੁਞ੍ਞਂ। ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਾ ਤਦਙ੍ਗਸੁਞ੍ਞਾ। ਞਾਣੇਨ ਅવਿਜ੍ਜਾ ਤਦਙ੍ਗਸੁਞ੍ਞਾ। ਪਾਮੋਜ੍ਜੇਨ ਅਰਤਿ ਤਦਙ੍ਗਸੁਞ੍ਞਾ। ਪਠਮੇਨ ਝਾਨੇਨ ਨੀવਰਣਾ ਤਦਙ੍ਗਸੁਞ੍ਞਾ…ਪੇ॰… વਿવਟ੍ਟਨਾਨੁਪਸ੍ਸਨਾਯ ਸਞ੍ਞੋਗਾਭਿਨਿવੇਸੋ ਤਦਙ੍ਗਸੁਞ੍ਞੋ। ਇਦਂ ਤਦਙ੍ਗਸੁਞ੍ਞਂ।
Katamaṃ tadaṅgasuññaṃ? Nekkhammena kāmacchando tadaṅgasuñño. Abyāpādena byāpādo tadaṅgasuñño. Ālokasaññāya thinamiddhaṃ tadaṅgasuññaṃ. Avikkhepena uddhaccaṃ tadaṅgasuññaṃ. Dhammavavatthānena vicikicchā tadaṅgasuññā. Ñāṇena avijjā tadaṅgasuññā. Pāmojjena arati tadaṅgasuññā. Paṭhamena jhānena nīvaraṇā tadaṅgasuññā…pe… vivaṭṭanānupassanāya saññogābhiniveso tadaṅgasuñño. Idaṃ tadaṅgasuññaṃ.
ਕਤਮਂ ਸਮੁਚ੍ਛੇਦਸੁਞ੍ਞਂ? ਨੇਕ੍ਖਮ੍ਮੇਨ ਕਾਮਚ੍ਛਨ੍ਦੋ ਸਮੁਚ੍ਛਿਨ੍ਨੋ ਚੇવ ਸੁਞ੍ਞੋ ਚ। ਅਬ੍ਯਾਪਾਦੇਨ ਬ੍ਯਾਪਾਦੋ ਸਮੁਚ੍ਛਿਨ੍ਨੋ ਚੇવ ਸੁਞ੍ਞੋ ਚ। ਆਲੋਕਸਞ੍ਞਾਯ ਥਿਨਮਿਦ੍ਧਂ ਸਮੁਚ੍ਛਿਨ੍ਨਞ੍ਚੇવ ਸੁਞ੍ਞਞ੍ਚ। ਅવਿਕ੍ਖੇਪੇਨ ਉਦ੍ਧਚ੍ਚਂ ਸਮੁਚ੍ਛਿਨ੍ਨਞ੍ਚੇવ ਸੁਞ੍ਞਞ੍ਚ। ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਾ ਸਮੁਚ੍ਛਿਨ੍ਨਾ ਚੇવ ਸੁਞ੍ਞਾ ਚ। ਞਾਣੇਨ ਅવਿਜ੍ਜਾ ਸਮੁਚ੍ਛਿਨ੍ਨਾ ਚੇવ ਸੁਞ੍ਞਾ ਚ। ਪਾਮੋਜ੍ਜੇਨ ਅਰਤਿ ਸਮੁਚ੍ਛਿਨ੍ਨਾ ਚੇવ ਸੁਞ੍ਞਾ ਚ। ਪਠਮੇਨ ਝਾਨੇਨ ਨੀવਰਣਾ ਸਮੁਚ੍ਛਿਨ੍ਨਾ ਚੇવ ਸੁਞ੍ਞਾ ਚ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸਾ ਸਮੁਚ੍ਛਿਨ੍ਨਾ ਚੇવ ਸੁਞ੍ਞਾ ਚ। ਇਦਂ ਸਮੁਚ੍ਛੇਦਸੁਞ੍ਞਂ।
Katamaṃ samucchedasuññaṃ? Nekkhammena kāmacchando samucchinno ceva suñño ca. Abyāpādena byāpādo samucchinno ceva suñño ca. Ālokasaññāya thinamiddhaṃ samucchinnañceva suññañca. Avikkhepena uddhaccaṃ samucchinnañceva suññañca. Dhammavavatthānena vicikicchā samucchinnā ceva suññā ca. Ñāṇena avijjā samucchinnā ceva suññā ca. Pāmojjena arati samucchinnā ceva suññā ca. Paṭhamena jhānena nīvaraṇā samucchinnā ceva suññā ca…pe… arahattamaggena sabbakilesā samucchinnā ceva suññā ca. Idaṃ samucchedasuññaṃ.
ਕਤਮਂ ਪਟਿਪ੍ਪਸ੍ਸਦ੍ਧਿਸੁਞ੍ਞਂ? ਨੇਕ੍ਖਮ੍ਮੇਨ ਕਾਮਚ੍ਛਨ੍ਦੋ ਪਟਿਪ੍ਪਸ੍ਸਦ੍ਧੋ ਚੇવ ਸੁਞ੍ਞੋ ਚ। ਅਬ੍ਯਾਪਾਦੇਨ ਬ੍ਯਾਪਾਦੋ ਪਟਿਪ੍ਪਸ੍ਸਦ੍ਧੋ ਚੇવ ਸੁਞ੍ਞੋ ਚ। ਆਲੋਕਸਞ੍ਞਾਯ ਥਿਨਮਿਦ੍ਧਂ ਪਟਿਪ੍ਪਸ੍ਸਦ੍ਧਞ੍ਚੇવ ਸੁਞ੍ਞਞ੍ਚ। ਅવਿਕ੍ਖੇਪੇਨ ਉਦ੍ਧਚ੍ਚਂ ਪਟਿਪ੍ਪਸ੍ਸਦ੍ਧਞ੍ਚੇવ ਸੁਞ੍ਞਞ੍ਚ । ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਾ ਪਟਿਪ੍ਪਸ੍ਸਦ੍ਧਾ ਚੇવ ਸੁਞ੍ਞਾ ਚ। ਞਾਣੇਨ ਅવਿਜ੍ਜਾ ਪਟਿਪ੍ਪਸ੍ਸਦ੍ਧਾ ਚੇવ ਸੁਞ੍ਞਾ ਚ। ਪਾਮੋਜ੍ਜੇਨ ਅਰਤਿ ਪਟਿਪ੍ਪਸ੍ਸਦ੍ਧਾ ਚੇવ ਸੁਞ੍ਞਾ ਚ। ਪਠਮੇਨ ਝਾਨੇਨ ਨੀવਰਣਾ ਪਟਿਪ੍ਪਸ੍ਸਦ੍ਧਾ ਚੇવ ਸੁਞ੍ਞਾ ਚ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸਾ ਪਟਿਪ੍ਪਸ੍ਸਦ੍ਧਾ ਚੇવ ਸੁਞ੍ਞਾ ਚ। ਇਦਂ ਪਟਿਪ੍ਪਸ੍ਸਦ੍ਧਿਸੁਞ੍ਞਂ।
Katamaṃ paṭippassaddhisuññaṃ? Nekkhammena kāmacchando paṭippassaddho ceva suñño ca. Abyāpādena byāpādo paṭippassaddho ceva suñño ca. Ālokasaññāya thinamiddhaṃ paṭippassaddhañceva suññañca. Avikkhepena uddhaccaṃ paṭippassaddhañceva suññañca . Dhammavavatthānena vicikicchā paṭippassaddhā ceva suññā ca. Ñāṇena avijjā paṭippassaddhā ceva suññā ca. Pāmojjena arati paṭippassaddhā ceva suññā ca. Paṭhamena jhānena nīvaraṇā paṭippassaddhā ceva suññā ca…pe… arahattamaggena sabbakilesā paṭippassaddhā ceva suññā ca. Idaṃ paṭippassaddhisuññaṃ.
ਕਤਮਂ ਨਿਸ੍ਸਰਣਸੁਞ੍ਞਂ? ਨੇਕ੍ਖਮ੍ਮੇਨ ਕਾਮਚ੍ਛਨ੍ਦੋ ਨਿਸ੍ਸਟੋ ਚੇવ ਸੁਞ੍ਞੋ ਚ। ਅਬ੍ਯਾਪਾਦੇਨ ਬ੍ਯਾਪਾਦੋ ਨਿਸ੍ਸਟੋ ਚੇવ ਸੁਞ੍ਞੋ ਚ। ਆਲੋਕਸਞ੍ਞਾਯ ਥਿਨਮਿਦ੍ਧਂ ਨਿਸ੍ਸਟਞ੍ਚੇવ ਸੁਞ੍ਞਞ੍ਚ। ਅવਿਕ੍ਖੇਪੇਨ ਉਦ੍ਧਚ੍ਚਂ ਨਿਸ੍ਸਟਞ੍ਚੇવ ਸੁਞ੍ਞਞ੍ਚ। ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਾ ਨਿਸ੍ਸਟਾ ਚੇવ ਸੁਞ੍ਞਾ ਚ। ਞਾਣੇਨ ਅવਿਜ੍ਜਾ ਨਿਸ੍ਸਟਾ ਚੇવ ਸੁਞ੍ਞਾ ਚ। ਪਾਮੋਜ੍ਜੇਨ ਅਰਤਿ ਨਿਸ੍ਸਟਾ ਚੇવ ਸੁਞ੍ਞਾ ਚ। ਪਠਮੇਨ ਝਾਨੇਨ ਨੀવਰਣਾ ਨਿਸ੍ਸਟਾ ਚੇવ ਸੁਞ੍ਞਾ ਚ …ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸਾ ਨਿਸ੍ਸਟਾ ਚੇવ ਸੁਞ੍ਞਾ ਚ। ਇਦਂ ਨਿਸ੍ਸਰਣਸੁਞ੍ਞਂ।
Katamaṃ nissaraṇasuññaṃ? Nekkhammena kāmacchando nissaṭo ceva suñño ca. Abyāpādena byāpādo nissaṭo ceva suñño ca. Ālokasaññāya thinamiddhaṃ nissaṭañceva suññañca. Avikkhepena uddhaccaṃ nissaṭañceva suññañca. Dhammavavatthānena vicikicchā nissaṭā ceva suññā ca. Ñāṇena avijjā nissaṭā ceva suññā ca. Pāmojjena arati nissaṭā ceva suññā ca. Paṭhamena jhānena nīvaraṇā nissaṭā ceva suññā ca …pe… arahattamaggena sabbakilesā nissaṭā ceva suññā ca. Idaṃ nissaraṇasuññaṃ.
ਕਤਮਂ ਅਜ੍ਝਤ੍ਤਸੁਞ੍ਞਂ? ਅਜ੍ਝਤ੍ਤਂ ਚਕ੍ਖੁਂ ਸੁਞ੍ਞਂ ਅਤ੍ਤੇਨ વਾ ਅਤ੍ਤਨਿਯੇਨ વਾ ਨਿਚ੍ਚੇਨ વਾ ਧੁવੇਨ વਾ ਸਸ੍ਸਤੇਨ વਾ ਅવਿਪਰਿਣਾਮਧਮ੍ਮੇਨ વਾ। ਅਜ੍ਝਤ੍ਤਂ ਸੋਤਂ ਸੁਞ੍ਞਂ… ਅਜ੍ਝਤ੍ਤਂ ਘਾਨਂ ਸੁਞ੍ਞਂ… ਅਜ੍ਝਤ੍ਤਂ ਜਿવ੍ਹਾ ਸੁਞ੍ਞਾ… ਅਜ੍ਝਤ੍ਤਂ ਕਾਯੋ ਸੁਞ੍ਞੋ… ਅਜ੍ਝਤ੍ਤਂ ਮਨੋ ਸੁਞ੍ਞੋ ਅਤ੍ਤੇਨ વਾ ਅਤ੍ਤਨਿਯੇਨ વਾ ਨਿਚ੍ਚੇਨ વਾ ਧੁવੇਨ વਾ ਸਸ੍ਸਤੇਨ વਾ ਅવਿਪਰਿਣਾਮਧਮ੍ਮੇਨ વਾ। ਇਦਂ ਅਜ੍ਝਤ੍ਤਸੁਞ੍ਞਂ।
Katamaṃ ajjhattasuññaṃ? Ajjhattaṃ cakkhuṃ suññaṃ attena vā attaniyena vā niccena vā dhuvena vā sassatena vā avipariṇāmadhammena vā. Ajjhattaṃ sotaṃ suññaṃ… ajjhattaṃ ghānaṃ suññaṃ… ajjhattaṃ jivhā suññā… ajjhattaṃ kāyo suñño… ajjhattaṃ mano suñño attena vā attaniyena vā niccena vā dhuvena vā sassatena vā avipariṇāmadhammena vā. Idaṃ ajjhattasuññaṃ.
ਕਤਮਂ ਬਹਿਦ੍ਧਾਸੁਞ੍ਞਂ? ਬਹਿਦ੍ਧਾ ਰੂਪਾ ਸੁਞ੍ਞਾ…ਪੇ॰… ਬਹਿਦ੍ਧਾ ਧਮ੍ਮਾ ਸੁਞ੍ਞਾ ਅਤ੍ਤੇਨ વਾ ਅਤ੍ਤਨਿਯੇਨ વਾ ਨਿਚ੍ਚੇਨ વਾ ਧੁવੇਨ વਾ ਸਸ੍ਸਤੇਨ વਾ ਅવਿਪਰਿਣਾਮਧਮ੍ਮੇਨ વਾ। ਇਦਂ ਬਹਿਦ੍ਧਾਸੁਞ੍ਞਂ।
Katamaṃ bahiddhāsuññaṃ? Bahiddhā rūpā suññā…pe… bahiddhā dhammā suññā attena vā attaniyena vā niccena vā dhuvena vā sassatena vā avipariṇāmadhammena vā. Idaṃ bahiddhāsuññaṃ.
ਕਤਮਂ ਦੁਭਤੋਸੁਞ੍ਞਂ? ਯਞ੍ਚ ਅਜ੍ਝਤ੍ਤਂ ਚਕ੍ਖੁ ਯੇ ਚ ਬਹਿਦ੍ਧਾ ਰੂਪਾ ਉਭਯਮੇਤਂ ਸੁਞ੍ਞਂ 3 ਅਤ੍ਤੇਨ વਾ ਅਤ੍ਤਨਿਯੇਨ વਾ ਨਿਚ੍ਚੇਨ વਾ ਧੁવੇਨ વਾ ਸਸ੍ਸਤੇਨ વਾ ਅવਿਪਰਿਣਾਮਧਮ੍ਮੇਨ વਾ। ਯਞ੍ਚ ਅਜ੍ਝਤ੍ਤਂ ਸੋਤਂ ਯੇ ਚ ਬਹਿਦ੍ਧਾ ਸਦ੍ਦਾ…ਪੇ॰… ਯਞ੍ਚ ਅਜ੍ਝਤ੍ਤਂ ਘਾਨਂ ਯੇ ਚ ਬਹਿਦ੍ਧਾ ਗਨ੍ਧਾ… ਯਾ ਚ ਅਜ੍ਝਤ੍ਤਂ ਜਿવ੍ਹਾ ਯੇ ਚ ਬਹਿਦ੍ਧਾ ਰਸਾ… ਯੋ ਚ ਅਜ੍ਝਤ੍ਤਂ ਕਾਯੋ ਯੇ ਚ ਬਹਿਦ੍ਧਾ ਫੋਟ੍ਠਬ੍ਬਾ… ਯੋ ਚ ਅਜ੍ਝਤ੍ਤਂ ਮਨੋ ਯੇ ਚ ਬਹਿਦ੍ਧਾ ਧਮ੍ਮਾ ਉਭਯਮੇਤਂ ਸੁਞ੍ਞਂ ਅਤ੍ਤੇਨ વਾ ਅਤ੍ਤਨਿਯੇਨ વਾ ਨਿਚ੍ਚੇਨ વਾ ਧੁવੇਨ વਾ ਸਸ੍ਸਤੇਨ વਾ ਅવਿਪਰਿਣਾਮਧਮ੍ਮੇਨ વਾ। ਇਦਂ ਦੁਭਤੋਸੁਞ੍ਞਂ।
Katamaṃ dubhatosuññaṃ? Yañca ajjhattaṃ cakkhu ye ca bahiddhā rūpā ubhayametaṃ suññaṃ 4 attena vā attaniyena vā niccena vā dhuvena vā sassatena vā avipariṇāmadhammena vā. Yañca ajjhattaṃ sotaṃ ye ca bahiddhā saddā…pe… yañca ajjhattaṃ ghānaṃ ye ca bahiddhā gandhā… yā ca ajjhattaṃ jivhā ye ca bahiddhā rasā… yo ca ajjhattaṃ kāyo ye ca bahiddhā phoṭṭhabbā… yo ca ajjhattaṃ mano ye ca bahiddhā dhammā ubhayametaṃ suññaṃ attena vā attaniyena vā niccena vā dhuvena vā sassatena vā avipariṇāmadhammena vā. Idaṃ dubhatosuññaṃ.
ਕਤਮਂ ਸਭਾਗਸੁਞ੍ਞਂ? ਛ ਅਜ੍ਝਤ੍ਤਿਕਾਨਿ ਆਯਤਨਾਨਿ ਸਭਾਗਾਨਿ ਚੇવ ਸੁਞ੍ਞਾਨਿ ਚ। ਛ ਬਾਹਿਰਾਨਿ ਆਯਤਨਾਨਿ ਸਭਾਗਾਨਿ ਚੇવ ਸੁਞ੍ਞਾਨਿ ਚ। ਛ વਿਞ੍ਞਾਣਕਾਯਾ ਸਭਾਗਾ ਚੇવ ਸੁਞ੍ਞਾ ਚ। ਛ ਫਸ੍ਸਕਾਯਾ ਸਭਾਗਾ ਚੇવ ਸੁਞ੍ਞਾ ਚ। ਛ વੇਦਨਾਕਾਯਾ ਸਭਾਗਾ ਚੇવ ਸੁਞ੍ਞਾ ਚ। ਛ ਸਞ੍ਞਾਕਾਯਾ ਸਭਾਗਾ ਚੇવ ਸੁਞ੍ਞਾ ਚ। ਛ ਚੇਤਨਾਕਾਯਾ ਸਭਾਗਾ ਚੇવ ਸੁਞ੍ਞਾ ਚ। ਇਦਂ ਸਭਾਗਸੁਞ੍ਞਂ।
Katamaṃ sabhāgasuññaṃ? Cha ajjhattikāni āyatanāni sabhāgāni ceva suññāni ca. Cha bāhirāni āyatanāni sabhāgāni ceva suññāni ca. Cha viññāṇakāyā sabhāgā ceva suññā ca. Cha phassakāyā sabhāgā ceva suññā ca. Cha vedanākāyā sabhāgā ceva suññā ca. Cha saññākāyā sabhāgā ceva suññā ca. Cha cetanākāyā sabhāgā ceva suññā ca. Idaṃ sabhāgasuññaṃ.
ਕਤਮਂ વਿਸਭਾਗਸੁਞ੍ਞਂ? ਛ ਅਜ੍ਝਤ੍ਤਿਕਾਨਿ ਆਯਤਨਾਨਿ ਛਹਿ ਬਾਹਿਰੇਹਿ ਆਯਤਨੇਹਿ વਿਸਭਾਗਾਨਿ ਚੇવ ਸੁਞ੍ਞਾਨਿ ਚ। ਛ ਬਾਹਿਰਾਨਿ ਆਯਤਨਾਨਿ ਛਹਿ વਿਞ੍ਞਾਣਕਾਯੇਹਿ વਿਸਭਾਗਾਨਿ ਚੇવ ਸੁਞ੍ਞਾਨਿ ਚ। ਛ વਿਞ੍ਞਾਣਕਾਯਾ ਛਹਿ ਫਸ੍ਸਕਾਯੇਹਿ વਿਸਭਾਗਾ ਚੇવ ਸੁਞ੍ਞਾ ਚ। ਛ ਫਸ੍ਸਕਾਯਾ ਛਹਿ વੇਦਨਾਕਾਯੇਹਿ વਿਸਭਾਗਾ ਚੇવ ਸੁਞ੍ਞਾ ਚ। ਛ વੇਦਨਾਕਾਯਾ ਛਹਿ ਸਞ੍ਞਾਕਾਯੇਹਿ વਿਸਭਾਗਾ ਚੇવ ਸੁਞ੍ਞਾ ਚ। ਛ ਸਞ੍ਞਾਕਾਯਾ ਛਹਿ ਚੇਤਨਾਕਾਯੇਹਿ વਿਸਭਾਗਾ ਚੇવ ਸੁਞ੍ਞਾ ਚ। ਇਦਂ વਿਸਭਾਗਸੁਞ੍ਞਂ।
Katamaṃ visabhāgasuññaṃ? Cha ajjhattikāni āyatanāni chahi bāhirehi āyatanehi visabhāgāni ceva suññāni ca. Cha bāhirāni āyatanāni chahi viññāṇakāyehi visabhāgāni ceva suññāni ca. Cha viññāṇakāyā chahi phassakāyehi visabhāgā ceva suññā ca. Cha phassakāyā chahi vedanākāyehi visabhāgā ceva suññā ca. Cha vedanākāyā chahi saññākāyehi visabhāgā ceva suññā ca. Cha saññākāyā chahi cetanākāyehi visabhāgā ceva suññā ca. Idaṃ visabhāgasuññaṃ.
ਕਤਮਂ ਏਸਨਾਸੁਞ੍ਞਂ? ਨੇਕ੍ਖਮ੍ਮੇਸਨਾ ਕਾਮਚ੍ਛਨ੍ਦੇਨ ਸੁਞ੍ਞਾ। ਅਬ੍ਯਾਪਾਦੇਸਨਾ ਬ੍ਯਾਪਾਦੇਨ ਸੁਞ੍ਞਾ। ਆਲੋਕਸਞ੍ਞੇਸਨਾ ਥਿਨਮਿਦ੍ਧੇਨ ਸੁਞ੍ਞਾ। ਅવਿਕ੍ਖੇਪੇਸਨਾ ਉਦ੍ਧਚ੍ਚੇਨ ਸੁਞ੍ਞਾ। ਧਮ੍ਮવવਤ੍ਥਾਨੇਸਨਾ વਿਚਿਕਿਚ੍ਛਾਯ ਸੁਞ੍ਞਾ। ਞਾਣੇਸਨਾ ਅવਿਜ੍ਜਾਯ ਸੁਞ੍ਞਾ। ਪਾਮੋਜ੍ਜੇਸਨਾ ਅਰਤਿਯਾ ਸੁਞ੍ਞਾ। ਪਠਮਜ੍ਝਾਨੇਸਨਾ ਨੀવਰਣੇਹਿ ਸੁਞ੍ਞਾ…ਪੇ॰… ਅਰਹਤ੍ਤਮਗ੍ਗੇਸਨਾ ਸਬ੍ਬਕਿਲੇਸੇਹਿ ਸੁਞ੍ਞਾ। ਇਦਂ ਏਸਨਾਸੁਞ੍ਞਂ।
Katamaṃ esanāsuññaṃ? Nekkhammesanā kāmacchandena suññā. Abyāpādesanā byāpādena suññā. Ālokasaññesanā thinamiddhena suññā. Avikkhepesanā uddhaccena suññā. Dhammavavatthānesanā vicikicchāya suññā. Ñāṇesanā avijjāya suññā. Pāmojjesanā aratiyā suññā. Paṭhamajjhānesanā nīvaraṇehi suññā…pe… arahattamaggesanā sabbakilesehi suññā. Idaṃ esanāsuññaṃ.
ਕਤਮਂ ਪਰਿਗ੍ਗਹਸੁਞ੍ਞਂ? ਨੇਕ੍ਖਮ੍ਮਪਰਿਗ੍ਗਹੋ ਕਾਮਚ੍ਛਨ੍ਦੇਨ ਸੁਞ੍ਞੋ। ਅਬ੍ਯਾਪਾਦਪਰਿਗ੍ਗਹੋ ਬ੍ਯਾਪਾਦੇਨ ਸੁਞ੍ਞੋ। ਆਲੋਕਸਞ੍ਞਾਪਰਿਗ੍ਗਹੋ ਥਿਨਮਿਦ੍ਧੇਨ ਸੁਞ੍ਞੋ। ਅવਿਕ੍ਖੇਪਪਰਿਗ੍ਗਹੋ ਉਦ੍ਧਚ੍ਚੇਨ ਸੁਞ੍ਞੋ । ਧਮ੍ਮવવਤ੍ਥਾਨਪਰਿਗ੍ਗਹੋ વਿਚਿਕਿਚ੍ਛਾਯ ਸੁਞ੍ਞੋ। ਞਾਣਪਰਿਗ੍ਗਹੋ ਅવਿਜ੍ਜਾਯ ਸੁਞ੍ਞੋ। ਪਾਮੋਜ੍ਜਪਰਿਗ੍ਗਹੋ ਅਰਤਿਯਾ ਸੁਞ੍ਞੋ। ਪਠਮਜ੍ਝਾਨਪਰਿਗ੍ਗਹੋ ਨੀવਰਣੇਹਿ ਸੁਞ੍ਞੋ…ਪੇ॰… ਅਰਹਤ੍ਤਮਗ੍ਗਪਰਿਗ੍ਗਹੋ ਸਬ੍ਬਕਿਲੇਸੇਹਿ ਸੁਞ੍ਞੋ। ਇਦਂ ਪਰਿਗ੍ਗਹਸੁਞ੍ਞਂ।
Katamaṃ pariggahasuññaṃ? Nekkhammapariggaho kāmacchandena suñño. Abyāpādapariggaho byāpādena suñño. Ālokasaññāpariggaho thinamiddhena suñño. Avikkhepapariggaho uddhaccena suñño . Dhammavavatthānapariggaho vicikicchāya suñño. Ñāṇapariggaho avijjāya suñño. Pāmojjapariggaho aratiyā suñño. Paṭhamajjhānapariggaho nīvaraṇehi suñño…pe… arahattamaggapariggaho sabbakilesehi suñño. Idaṃ pariggahasuññaṃ.
ਕਤਮਂ ਪਟਿਲਾਭਸੁਞ੍ਞਂ? ਨੇਕ੍ਖਮ੍ਮਪਟਿਲਾਭੋ ਕਾਮਚ੍ਛਨ੍ਦੇਨ ਸੁਞ੍ਞੋ। ਅਬ੍ਯਾਪਾਦਪਟਿਲਾਭੋ ਬ੍ਯਾਪਾਦੇਨ ਸੁਞ੍ਞੋ। ਆਲੋਕਸਞ੍ਞਾਪਟਿਲਾਭੋ ਥਿਨਮਿਦ੍ਧੇਨ ਸੁਞ੍ਞੋ। ਅવਿਕ੍ਖੇਪਪਟਿਲਾਭੋ ਉਦ੍ਧਚ੍ਚੇਨ ਸੁਞ੍ਞੋ। ਧਮ੍ਮવવਤ੍ਥਾਨਪਟਿਲਾਭੋ વਿਚਿਕਿਚ੍ਛਾਯ ਸੁਞ੍ਞੋ। ਞਾਣਪਟਿਲਾਭੋ ਅવਿਜ੍ਜਾਯ ਸੁਞ੍ਞੋ। ਪਾਮੋਜ੍ਜਪਟਿਲਾਭੋ ਅਰਤਿਯਾ ਸੁਞ੍ਞੋ। ਪਠਮਜ੍ਝਾਨਪਟਿਲਾਭੋ ਨੀવਰਣੇਹਿ ਸੁਞ੍ਞੋ…ਪੇ॰… ਅਰਹਤ੍ਤਮਗ੍ਗਪਟਿਲਾਭੋ ਸਬ੍ਬਕਿਲੇਸੇਹਿ ਸੁਞ੍ਞੋ। ਇਦਂ ਪਟਿਲਾਭਸੁਞ੍ਞਂ।
Katamaṃ paṭilābhasuññaṃ? Nekkhammapaṭilābho kāmacchandena suñño. Abyāpādapaṭilābho byāpādena suñño. Ālokasaññāpaṭilābho thinamiddhena suñño. Avikkhepapaṭilābho uddhaccena suñño. Dhammavavatthānapaṭilābho vicikicchāya suñño. Ñāṇapaṭilābho avijjāya suñño. Pāmojjapaṭilābho aratiyā suñño. Paṭhamajjhānapaṭilābho nīvaraṇehi suñño…pe… arahattamaggapaṭilābho sabbakilesehi suñño. Idaṃ paṭilābhasuññaṃ.
ਕਤਮਂ ਪਟਿવੇਧਸੁਞ੍ਞਂ? ਨੇਕ੍ਖਮ੍ਮਪ੍ਪਟਿવੇਧੋ ਕਾਮਚ੍ਛਨ੍ਦੇਨ ਸੁਞ੍ਞੋ। ਅਬ੍ਯਾਪਾਦਪ੍ਪਟਿવੇਧੋ ਬ੍ਯਾਪਾਦੇਨ ਸੁਞ੍ਞੋ। ਆਲੋਕਸਞ੍ਞਾਪ੍ਪਟਿવੇਧੋ ਥਿਨਮਿਦ੍ਧੇਨ ਸੁਞ੍ਞੋ। ਅવਿਕ੍ਖੇਪਪ੍ਪਟਿવੇਧੋ ਉਦ੍ਧਚ੍ਚੇਨ ਸੁਞ੍ਞੋ। ਧਮ੍ਮવવਤ੍ਥਾਨਪ੍ਪਟਿવੇਧੋ વਿਚਿਕਿਚ੍ਛਾਯ ਸੁਞ੍ਞੋ। ਞਾਣਪ੍ਪਟਿવੇਧੋ ਅવਿਜ੍ਜਾਯ ਸੁਞ੍ਞੋ। ਪਾਮੋਜ੍ਜਪ੍ਪਟਿવੇਧੋ ਅਰਤਿਯਾ ਸੁਞ੍ਞੋ। ਪਠਮਜ੍ਝਾਨਪ੍ਪਟਿવੇਧੋ ਨੀવਰਣੇਹਿ ਸੁਞ੍ਞੋ…ਪੇ॰… ਅਰਹਤ੍ਤਮਗ੍ਗਪ੍ਪਟਿવੇਧੋ ਸਬ੍ਬਕਿਲੇਸੇਹਿ ਸੁਞ੍ਞੋ। ਇਦਂ ਪਟਿવੇਧਸੁਞ੍ਞਂ।
Katamaṃ paṭivedhasuññaṃ? Nekkhammappaṭivedho kāmacchandena suñño. Abyāpādappaṭivedho byāpādena suñño. Ālokasaññāppaṭivedho thinamiddhena suñño. Avikkhepappaṭivedho uddhaccena suñño. Dhammavavatthānappaṭivedho vicikicchāya suñño. Ñāṇappaṭivedho avijjāya suñño. Pāmojjappaṭivedho aratiyā suñño. Paṭhamajjhānappaṭivedho nīvaraṇehi suñño…pe… arahattamaggappaṭivedho sabbakilesehi suñño. Idaṃ paṭivedhasuññaṃ.
ਕਤਮਂ ਏਕਤ੍ਤਸੁਞ੍ਞਂ, ਨਾਨਤ੍ਤਸੁਞ੍ਞਂ? ਕਾਮਚ੍ਛਨ੍ਦੋ ਨਾਨਤ੍ਤਂ, ਨੇਕ੍ਖਮ੍ਮਂ ਏਕਤ੍ਤਂ। ਨੇਕ੍ਖਮ੍ਮੇਕਤ੍ਤਂ ਚੇਤਯਤੋ ਕਾਮਚ੍ਛਨ੍ਦੇਨ ਸੁਞ੍ਞਂ। ਬ੍ਯਾਪਾਦੋ ਨਾਨਤ੍ਤਂ, ਅਬ੍ਯਾਪਾਦੋ ਏਕਤ੍ਤਂ। ਅਬ੍ਯਾਪਾਦੇਕਤ੍ਤਂ ਚੇਤਯਤੋ ਬ੍ਯਾਪਾਦੇਨ ਸੁਞ੍ਞਂ। ਥਿਨਮਿਦ੍ਧਂ ਨਾਨਤ੍ਤਂ, ਆਲੋਕਸਞ੍ਞਾ ਏਕਤ੍ਤਂ। ਆਲੋਕਸਞ੍ਞੇਕਤ੍ਤਂ ਚੇਤਯਤੋ ਥਿਨਮਿਦ੍ਧੇਨ ਸੁਞ੍ਞਂ। ਉਦ੍ਧਚ੍ਚਂ ਨਾਨਤ੍ਤਂ, ਅવਿਕ੍ਖੇਪੋ ਏਕਤ੍ਤਂ। ਅવਿਕ੍ਖੇਪੇਕਤ੍ਤਂ ਚੇਤਯਤੋ ਉਦ੍ਧਚ੍ਚੇਨ ਸੁਞ੍ਞਂ। વਿਚਿਕਿਚ੍ਛਾ ਨਾਨਤ੍ਤਂ, ਧਮ੍ਮવવਤ੍ਥਾਨਂ ਏਕਤ੍ਤਂ। ਧਮ੍ਮવવਤ੍ਥਾਨੇਕਤ੍ਤਂ ਚੇਤਯਤੋ વਿਚਿਕਿਚ੍ਛਾਯ ਸੁਞ੍ਞਂ। ਅવਿਜ੍ਜਾ ਨਾਨਤ੍ਤਂ, ਞਾਣਂ ਏਕਤ੍ਤਂ। ਞਾਣੇਕਤ੍ਤਂ ਚੇਤਯਤੋ ਅવਿਜ੍ਜਾਯ ਸੁਞ੍ਞਂ। ਅਰਤਿ ਨਾਨਤ੍ਤਂ, ਪਾਮੋਜ੍ਜਂ ਏਕਤ੍ਤਂ। ਪਾਮੋਜ੍ਜੇਕਤ੍ਤਂ ਚੇਤਯਤੋ ਅਰਤਿਯਾ ਸੁਞ੍ਞਂ। ਨੀવਰਣਾ ਨਾਨਤ੍ਤਂ, ਪਠਮਜ੍ਝਾਨਂ ਏਕਤ੍ਤਂ। ਪਠਮਜ੍ਝਾਨੇਕਤ੍ਤਂ ਚੇਤਯਤੋ ਨੀવਰਣੇਹਿ ਸੁਞ੍ਞਂ…ਪੇ॰… ਸਬ੍ਬਕਿਲੇਸਾ ਨਾਨਤ੍ਤਂ, ਅਰਹਤ੍ਤਮਗ੍ਗੋ ਏਕਤ੍ਤਂ। ਅਰਹਤ੍ਤਮਗ੍ਗੇਕਤ੍ਤਂ ਚੇਤਯਤੋ ਸਬ੍ਬਕਿਲੇਸੇਹਿ ਸੁਞ੍ਞਂ। ਇਦਂ ਏਕਤ੍ਤਸੁਞ੍ਞਂ ਨਾਨਤ੍ਤਸੁਞ੍ਞਂ।
Katamaṃ ekattasuññaṃ, nānattasuññaṃ? Kāmacchando nānattaṃ, nekkhammaṃ ekattaṃ. Nekkhammekattaṃ cetayato kāmacchandena suññaṃ. Byāpādo nānattaṃ, abyāpādo ekattaṃ. Abyāpādekattaṃ cetayato byāpādena suññaṃ. Thinamiddhaṃ nānattaṃ, ālokasaññā ekattaṃ. Ālokasaññekattaṃ cetayato thinamiddhena suññaṃ. Uddhaccaṃ nānattaṃ, avikkhepo ekattaṃ. Avikkhepekattaṃ cetayato uddhaccena suññaṃ. Vicikicchā nānattaṃ, dhammavavatthānaṃ ekattaṃ. Dhammavavatthānekattaṃ cetayato vicikicchāya suññaṃ. Avijjā nānattaṃ, ñāṇaṃ ekattaṃ. Ñāṇekattaṃ cetayato avijjāya suññaṃ. Arati nānattaṃ, pāmojjaṃ ekattaṃ. Pāmojjekattaṃ cetayato aratiyā suññaṃ. Nīvaraṇā nānattaṃ, paṭhamajjhānaṃ ekattaṃ. Paṭhamajjhānekattaṃ cetayato nīvaraṇehi suññaṃ…pe… sabbakilesā nānattaṃ, arahattamaggo ekattaṃ. Arahattamaggekattaṃ cetayato sabbakilesehi suññaṃ. Idaṃ ekattasuññaṃ nānattasuññaṃ.
ਕਤਮਂ ਖਨ੍ਤਿਸੁਞ੍ਞਂ? ਨੇਕ੍ਖਮ੍ਮਖਨ੍ਤਿ ਕਾਮਚ੍ਛਨ੍ਦੇਨ ਸੁਞ੍ਞਾ। ਅਬ੍ਯਾਪਾਦਖਨ੍ਤਿ ਬ੍ਯਾਪਾਦੇਨ ਸੁਞ੍ਞਾ। ਆਲੋਕਸਞ੍ਞਾਖਨ੍ਤਿ ਥਿਨਮਿਦ੍ਧੇਨ ਸੁਞ੍ਞਾ। ਅવਿਕ੍ਖੇਪਖਨ੍ਤਿ ਉਦ੍ਧਚ੍ਚੇਨ ਸੁਞ੍ਞਾ। ਧਮ੍ਮવવਤ੍ਥਾਨਖਨ੍ਤਿ વਿਚਿਕਿਚ੍ਛਾਯ ਸੁਞ੍ਞਾ। ਞਾਣਖਨ੍ਤਿ ਅવਿਜ੍ਜਾਯ ਸੁਞ੍ਞਾ। ਪਾਮੋਜ੍ਜਖਨ੍ਤਿ ਅਰਤਿਯਾ ਸੁਞ੍ਞਾ। ਪਠਮਜ੍ਝਾਨਖਨ੍ਤਿ ਨੀવਰਣੇਹਿ ਸੁਞ੍ਞਾ…ਪੇ॰… ਅਰਹਤ੍ਤਮਗ੍ਗਖਨ੍ਤਿ ਸਬ੍ਬਕਿਲੇਸੇਹਿ ਸੁਞ੍ਞਾ। ਇਦਂ ਖਨ੍ਤਿਸੁਞ੍ਞਂ।
Katamaṃ khantisuññaṃ? Nekkhammakhanti kāmacchandena suññā. Abyāpādakhanti byāpādena suññā. Ālokasaññākhanti thinamiddhena suññā. Avikkhepakhanti uddhaccena suññā. Dhammavavatthānakhanti vicikicchāya suññā. Ñāṇakhanti avijjāya suññā. Pāmojjakhanti aratiyā suññā. Paṭhamajjhānakhanti nīvaraṇehi suññā…pe… arahattamaggakhanti sabbakilesehi suññā. Idaṃ khantisuññaṃ.
ਕਤਮਂ ਅਧਿਟ੍ਠਾਨਸੁਞ੍ਞਂ? ਨੇਕ੍ਖਮ੍ਮਾਧਿਟ੍ਠਾਨਂ ਕਾਮਚ੍ਛਨ੍ਦੇਨ ਸੁਞ੍ਞਂ। ਅਬ੍ਯਾਪਾਦਾਧਿਟ੍ਠਾਨਂ ਬ੍ਯਾਪਾਦੇਨ ਸੁਞ੍ਞਂ। ਆਲੋਕਸਞ੍ਞਾਧਿਟ੍ਠਾਨਂ ਥਿਨਮਿਦ੍ਧੇਨ ਸੁਞ੍ਞਂ। ਅવਿਕ੍ਖੇਪਾਧਿਟ੍ਠਾਨਂ ਉਦ੍ਧਚ੍ਚੇਨ ਸੁਞ੍ਞਂ। ਧਮ੍ਮવવਤ੍ਥਾਨਾਧਿਟ੍ਠਾਨਂ વਿਚਿਕਿਚ੍ਛਾਯ ਸੁਞ੍ਞਂ। ਞਾਣਾਧਿਟ੍ਠਾਨਂ ਅવਿਜ੍ਜਾਯ ਸੁਞ੍ਞਂ। ਪਾਮੋਜ੍ਜਾਧਿਟ੍ਠਾਨਂ ਅਰਤਿਯਾ ਸੁਞ੍ਞਂ। ਪਠਮਜ੍ਝਾਨਾਧਿਟ੍ਠਾਨਂ ਨੀવਰਣੇਹਿ ਸੁਞ੍ਞਂ…ਪੇ॰… ਅਰਹਤ੍ਤਮਗ੍ਗਾਧਿਟ੍ਠਾਨਂ ਸਬ੍ਬਕਿਲੇਸੇਹਿ ਸੁਞ੍ਞਂ। ਇਦਂ ਅਧਿਟ੍ਠਾਨਸੁਞ੍ਞਂ।
Katamaṃ adhiṭṭhānasuññaṃ? Nekkhammādhiṭṭhānaṃ kāmacchandena suññaṃ. Abyāpādādhiṭṭhānaṃ byāpādena suññaṃ. Ālokasaññādhiṭṭhānaṃ thinamiddhena suññaṃ. Avikkhepādhiṭṭhānaṃ uddhaccena suññaṃ. Dhammavavatthānādhiṭṭhānaṃ vicikicchāya suññaṃ. Ñāṇādhiṭṭhānaṃ avijjāya suññaṃ. Pāmojjādhiṭṭhānaṃ aratiyā suññaṃ. Paṭhamajjhānādhiṭṭhānaṃ nīvaraṇehi suññaṃ…pe… arahattamaggādhiṭṭhānaṃ sabbakilesehi suññaṃ. Idaṃ adhiṭṭhānasuññaṃ.
ਕਤਮਂ ਪਰਿਯੋਗਾਹਣਸੁਞ੍ਞਂ? ਨੇਕ੍ਖਮ੍ਮਪਰਿਯੋਗਾਹਣਂ ਕਾਮਚ੍ਛਨ੍ਦੇਨ ਸੁਞ੍ਞਂ। ਅਬ੍ਯਾਪਾਦਪਰਿਯੋਗਾਹਣਂ ਬ੍ਯਾਪਾਦੇਨ ਸੁਞ੍ਞਂ। ਆਲੋਕਸਞ੍ਞਾਪਰਿਯੋਗਾਹਣਂ ਥਿਨਮਿਦ੍ਧੇਨ ਸੁਞ੍ਞਂ। ਅવਿਕ੍ਖੇਪਪਰਿਯੋਗਾਹਣਂ ਉਦ੍ਧਚ੍ਚੇਨ ਸੁਞ੍ਞਂ। ਧਮ੍ਮવવਤ੍ਥਾਨਪਰਿਯੋਗਾਹਣਂ વਿਚਿਕਿਚ੍ਛਾਯ ਸੁਞ੍ਞਂ। ਞਾਣਪਰਿਯੋਗਾਹਣਂ ਅવਿਜ੍ਜਾਯ ਸੁਞ੍ਞਂ। ਪਾਮੋਜ੍ਜਪਰਿਯੋਗਾਹਣਂ ਅਰਤਿਯਾ ਸੁਞ੍ਞਂ। ਪਠਮਜ੍ਝਾਨਪਰਿਯੋਗਾਹਣਂ ਨੀવਰਣੇਹਿ ਸੁਞ੍ਞਂ…ਪੇ॰… ਅਰਹਤ੍ਤਮਗ੍ਗਪਰਿਯੋਗਾਹਣਂ ਸਬ੍ਬਕਿਲੇਸੇਹਿ ਸੁਞ੍ਞਂ। ਇਦਂ ਪਰਿਯੋਗਾਹਣਸੁਞ੍ਞਂ।
Katamaṃ pariyogāhaṇasuññaṃ? Nekkhammapariyogāhaṇaṃ kāmacchandena suññaṃ. Abyāpādapariyogāhaṇaṃ byāpādena suññaṃ. Ālokasaññāpariyogāhaṇaṃ thinamiddhena suññaṃ. Avikkhepapariyogāhaṇaṃ uddhaccena suññaṃ. Dhammavavatthānapariyogāhaṇaṃ vicikicchāya suññaṃ. Ñāṇapariyogāhaṇaṃ avijjāya suññaṃ. Pāmojjapariyogāhaṇaṃ aratiyā suññaṃ. Paṭhamajjhānapariyogāhaṇaṃ nīvaraṇehi suññaṃ…pe… arahattamaggapariyogāhaṇaṃ sabbakilesehi suññaṃ. Idaṃ pariyogāhaṇasuññaṃ.
ਕਤਮਂ ਸਮ੍ਪਜਾਨਸ੍ਸ ਪવਤ੍ਤਪਰਿਯਾਦਾਨਂ ਸਬ੍ਬਸੁਞ੍ਞਤਾਨਂ ਪਰਮਤ੍ਥਸੁਞ੍ਞਂ? ਇਧ ਸਮ੍ਪਜਾਨੋ ਨੇਕ੍ਖਮ੍ਮੇਨ ਕਾਮਚ੍ਛਨ੍ਦਸ੍ਸ ਪવਤ੍ਤਂ ਪਰਿਯਾਦਿਯਤਿ, ਅਬ੍ਯਾਪਾਦੇਨ ਬ੍ਯਾਪਾਦਸ੍ਸ ਪવਤ੍ਤਂ ਪਰਿਯਾਦਿਯਤਿ, ਆਲੋਕਸਞ੍ਞਾਯ ਥਿਨਮਿਦ੍ਧਸ੍ਸ ਪવਤ੍ਤਂ ਪਰਿਯਾਦਿਯਤਿ, ਅવਿਕ੍ਖੇਪੇਨ ਉਦ੍ਧਚ੍ਚਸ੍ਸ ਪવਤ੍ਤਂ ਪਰਿਯਾਦਿਯਤਿ, ਧਮ੍ਮવવਤ੍ਥਾਨੇਨ વਿਚਿਕਿਚ੍ਛਾਯ ਪવਤ੍ਤਂ ਪਰਿਯਾਦਿਯਤਿ, ਞਾਣੇਨ ਅવਿਜ੍ਜਾਯ ਪવਤ੍ਤਂ ਪਰਿਯਾਦਿਯਤਿ, ਪਾਮੋਜ੍ਜੇਨ ਅਰਤਿਯਾ ਪવਤ੍ਤਂ ਪਰਿਯਾਦਿਯਤਿ, ਪਠਮੇਨ ਝਾਨੇਨ ਨੀવਰਣਾਨਂ ਪવਤ੍ਤਂ ਪਰਿਯਾਦਿਯਤਿ…ਪੇ॰… ਅਰਹਤ੍ਤਮਗ੍ਗੇਨ ਸਬ੍ਬਕਿਲੇਸਾਨਂ ਪવਤ੍ਤਂ ਪਰਿਯਾਦਿਯਤਿ। ਅਥ વਾ ਪਨ ਸਮ੍ਪਜਾਨਸ੍ਸ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ ਪਰਿਨਿਬ੍ਬਾਯਨ੍ਤਸ੍ਸ ਇਦਂ ਚੇવ ਚਕ੍ਖੁਪવਤ੍ਤਂ ਪਰਿਯਾਦਿਯਤਿ, ਅਞ੍ਞਞ੍ਚ ਚਕ੍ਖੁਪવਤ੍ਤਂ ਨ ਉਪ੍ਪਜ੍ਜਤਿ। ਇਦਞ੍ਚੇવ ਸੋਤਪવਤ੍ਤਂ…ਪੇ॰… ਘਾਨਪવਤ੍ਤਂ… ਜਿવ੍ਹਾਪવਤ੍ਤਂ… ਕਾਯਪવਤ੍ਤਂ… ਮਨੋਪવਤ੍ਤਂ ਪਰਿਯਾਦਿਯਤਿ, ਅਞ੍ਞਞ੍ਚ ਮਨੋਪવਤ੍ਤਂ ਨ ਉਪ੍ਪਜ੍ਜਤਿ। ਇਦਂ ਸਮ੍ਪਜਾਨਸ੍ਸ ਪવਤ੍ਤਪਰਿਯਾਦਾਨਂ ਸਬ੍ਬਸੁਞ੍ਞਤਾਨਂ ਪਰਮਤ੍ਥਸੁਞ੍ਞਨ੍ਤਿ।
Katamaṃ sampajānassa pavattapariyādānaṃ sabbasuññatānaṃ paramatthasuññaṃ? Idha sampajāno nekkhammena kāmacchandassa pavattaṃ pariyādiyati, abyāpādena byāpādassa pavattaṃ pariyādiyati, ālokasaññāya thinamiddhassa pavattaṃ pariyādiyati, avikkhepena uddhaccassa pavattaṃ pariyādiyati, dhammavavatthānena vicikicchāya pavattaṃ pariyādiyati, ñāṇena avijjāya pavattaṃ pariyādiyati, pāmojjena aratiyā pavattaṃ pariyādiyati, paṭhamena jhānena nīvaraṇānaṃ pavattaṃ pariyādiyati…pe… arahattamaggena sabbakilesānaṃ pavattaṃ pariyādiyati. Atha vā pana sampajānassa anupādisesāya nibbānadhātuyā parinibbāyantassa idaṃ ceva cakkhupavattaṃ pariyādiyati, aññañca cakkhupavattaṃ na uppajjati. Idañceva sotapavattaṃ…pe… ghānapavattaṃ… jivhāpavattaṃ… kāyapavattaṃ… manopavattaṃ pariyādiyati, aññañca manopavattaṃ na uppajjati. Idaṃ sampajānassa pavattapariyādānaṃ sabbasuññatānaṃ paramatthasuññanti.
ਸੁਞ੍ਞਕਥਾ ਨਿਟ੍ਠਿਤਾ।
Suññakathā niṭṭhitā.
ਯੁਗਨਦ੍ਧવਗ੍ਗੋ ਦੁਤਿਯੋ।
Yuganaddhavaggo dutiyo.
ਤਸ੍ਸੁਦ੍ਦਾਨਂ –
Tassuddānaṃ –
ਯੁਗਨਦ੍ਧਾ ਸਚ੍ਚਬੋਜ੍ਝਙ੍ਗਾ, ਮੇਤ੍ਤਾ વਿਰਾਗਪਞ੍ਚਮਾ।
Yuganaddhā saccabojjhaṅgā, mettā virāgapañcamā;
ਪਟਿਸਮ੍ਭਿਦਾ ਧਮ੍ਮਚਕ੍ਕਂ, ਲੋਕੁਤ੍ਤਰਬਲਸੁਞ੍ਞਾਤਿ॥
Paṭisambhidā dhammacakkaṃ, lokuttarabalasuññāti.
ਏਸ ਨਿਕਾਯਧਰੇਹਿ ਠਪਿਤੋ, ਅਸਮੋ ਦੁਤਿਯੋ ਪવਰੋ
Esa nikāyadharehi ṭhapito, asamo dutiyo pavaro
વਰવਗ੍ਗੋਤਿ।
Varavaggoti.
Footnotes:
