| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. нид̣̇д̇хаманийяасуд̇д̇ам̣
10. Niddhamanīyasuttaṃ
110. ‘‘д̣̇асаяимз, бхигкавз, нид̣̇д̇хаманийяаа д̇хаммаа. гад̇амз д̣̇аса? саммаад̣̇идтигасса, бхигкавз, мижчаад̣̇идти нид̣̇д̇ханд̇аа ход̇и; яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и д̇з жасса нид̣̇д̇ханд̇аа хонд̇и; саммаад̣̇идтибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и .
110. ‘‘Dasayime, bhikkhave, niddhamanīyā dhammā. Katame dasa? Sammādiṭṭhikassa, bhikkhave, micchādiṭṭhi niddhantā hoti; ye ca micchādiṭṭhipaccayā aneke pāpakā akusalā dhammā sambhavanti te cassa niddhantā honti; sammādiṭṭhipaccayā ca aneke kusalā dhammā bhāvanāpāripūriṃ gacchanti .
‘‘саммаасан̇габбасса, бхигкавз, мижчаасан̇габбо нид̣̇д̇ханд̇о ход̇и…бз… саммааваажасса бхигкавз, мижчааваажаа нид̣̇д̇ханд̇аа ход̇и… саммаагамманд̇асса, бхигкавз, мижчаагамманд̇о нид̣̇д̇ханд̇о ход̇и… саммааааж̇ийвасса, бхигкавз, мижчааааж̇ийво нид̣̇д̇ханд̇о ход̇и… саммаавааяаамасса, бхигкавз, мижчаавааяаамо нид̣̇д̇ханд̇о ход̇и… саммаасад̇исса, бхигкавз, мижчаасад̇и нид̣̇д̇ханд̇аа ход̇и… саммаасамаад̇хисса, бхигкавз, мижчаасамаад̇хи нид̣̇д̇ханд̇о ход̇и… саммаан̃аан̣исса, бхигкавз, мижчаан̃аан̣ам̣ нид̣̇д̇ханд̇ам̣ ход̇и….
‘‘Sammāsaṅkappassa, bhikkhave, micchāsaṅkappo niddhanto hoti…pe… sammāvācassa bhikkhave, micchāvācā niddhantā hoti… sammākammantassa, bhikkhave, micchākammanto niddhanto hoti… sammāājīvassa, bhikkhave, micchāājīvo niddhanto hoti… sammāvāyāmassa, bhikkhave, micchāvāyāmo niddhanto hoti… sammāsatissa, bhikkhave, micchāsati niddhantā hoti… sammāsamādhissa, bhikkhave, micchāsamādhi niddhanto hoti… sammāñāṇissa, bhikkhave, micchāñāṇaṃ niddhantaṃ hoti….
‘‘саммаавимуд̇д̇исса , бхигкавз, мижчаавимуд̇д̇и нид̣̇д̇ханд̇аа ход̇и; яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и д̇з жасса нид̣̇д̇ханд̇аа хонд̇и; саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и. имз ко, бхигкавз, д̣̇аса нид̣̇д̇хаманийяаа д̇хаммаа’’д̇и. д̣̇асамам̣.
‘‘Sammāvimuttissa , bhikkhave, micchāvimutti niddhantā hoti; ye ca micchāvimuttipaccayā aneke pāpakā akusalā dhammā sambhavanti te cassa niddhantā honti; sammāvimuttipaccayā ca aneke kusalā dhammā bhāvanāpāripūriṃ gacchanti. Ime kho, bhikkhave, dasa niddhamanīyā dhammā’’ti. Dasamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8-10. д̇игижчагасуд̇д̇аад̣̇иван̣н̣анаа • 8-10. Tikicchakasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-12. саман̣асан̃н̃аасуд̇д̇аад̣̇иван̣н̣анаа • 1-12. Samaṇasaññāsuttādivaṇṇanā
