| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਨਿਦ੍ਧਮਨੀਯਸੁਤ੍ਤਂ
10. Niddhamanīyasuttaṃ
੧੧੦. ‘‘ਦਸਯਿਮੇ, ਭਿਕ੍ਖવੇ, ਨਿਦ੍ਧਮਨੀਯਾ ਧਮ੍ਮਾ। ਕਤਮੇ ਦਸ? ਸਮ੍ਮਾਦਿਟ੍ਠਿਕਸ੍ਸ, ਭਿਕ੍ਖવੇ, ਮਿਚ੍ਛਾਦਿਟ੍ਠਿ ਨਿਦ੍ਧਨ੍ਤਾ ਹੋਤਿ; ਯੇ ਚ ਮਿਚ੍ਛਾਦਿਟ੍ਠਿਪਚ੍ਚਯਾ ਅਨੇਕੇ ਪਾਪਕਾ ਅਕੁਸਲਾ ਧਮ੍ਮਾ ਸਮ੍ਭવਨ੍ਤਿ ਤੇ ਚਸ੍ਸ ਨਿਦ੍ਧਨ੍ਤਾ ਹੋਨ੍ਤਿ; ਸਮ੍ਮਾਦਿਟ੍ਠਿਪਚ੍ਚਯਾ ਚ ਅਨੇਕੇ ਕੁਸਲਾ ਧਮ੍ਮਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤਿ ।
110. ‘‘Dasayime, bhikkhave, niddhamanīyā dhammā. Katame dasa? Sammādiṭṭhikassa, bhikkhave, micchādiṭṭhi niddhantā hoti; ye ca micchādiṭṭhipaccayā aneke pāpakā akusalā dhammā sambhavanti te cassa niddhantā honti; sammādiṭṭhipaccayā ca aneke kusalā dhammā bhāvanāpāripūriṃ gacchanti .
‘‘ਸਮ੍ਮਾਸਙ੍ਕਪ੍ਪਸ੍ਸ, ਭਿਕ੍ਖવੇ, ਮਿਚ੍ਛਾਸਙ੍ਕਪ੍ਪੋ ਨਿਦ੍ਧਨ੍ਤੋ ਹੋਤਿ…ਪੇ॰… ਸਮ੍ਮਾવਾਚਸ੍ਸ ਭਿਕ੍ਖવੇ, ਮਿਚ੍ਛਾવਾਚਾ ਨਿਦ੍ਧਨ੍ਤਾ ਹੋਤਿ… ਸਮ੍ਮਾਕਮ੍ਮਨ੍ਤਸ੍ਸ, ਭਿਕ੍ਖવੇ, ਮਿਚ੍ਛਾਕਮ੍ਮਨ੍ਤੋ ਨਿਦ੍ਧਨ੍ਤੋ ਹੋਤਿ… ਸਮ੍ਮਾਆਜੀવਸ੍ਸ, ਭਿਕ੍ਖવੇ, ਮਿਚ੍ਛਾਆਜੀવੋ ਨਿਦ੍ਧਨ੍ਤੋ ਹੋਤਿ… ਸਮ੍ਮਾવਾਯਾਮਸ੍ਸ, ਭਿਕ੍ਖવੇ, ਮਿਚ੍ਛਾવਾਯਾਮੋ ਨਿਦ੍ਧਨ੍ਤੋ ਹੋਤਿ… ਸਮ੍ਮਾਸਤਿਸ੍ਸ, ਭਿਕ੍ਖવੇ, ਮਿਚ੍ਛਾਸਤਿ ਨਿਦ੍ਧਨ੍ਤਾ ਹੋਤਿ… ਸਮ੍ਮਾਸਮਾਧਿਸ੍ਸ, ਭਿਕ੍ਖવੇ, ਮਿਚ੍ਛਾਸਮਾਧਿ ਨਿਦ੍ਧਨ੍ਤੋ ਹੋਤਿ… ਸਮ੍ਮਾਞਾਣਿਸ੍ਸ, ਭਿਕ੍ਖવੇ, ਮਿਚ੍ਛਾਞਾਣਂ ਨਿਦ੍ਧਨ੍ਤਂ ਹੋਤਿ…।
‘‘Sammāsaṅkappassa, bhikkhave, micchāsaṅkappo niddhanto hoti…pe… sammāvācassa bhikkhave, micchāvācā niddhantā hoti… sammākammantassa, bhikkhave, micchākammanto niddhanto hoti… sammāājīvassa, bhikkhave, micchāājīvo niddhanto hoti… sammāvāyāmassa, bhikkhave, micchāvāyāmo niddhanto hoti… sammāsatissa, bhikkhave, micchāsati niddhantā hoti… sammāsamādhissa, bhikkhave, micchāsamādhi niddhanto hoti… sammāñāṇissa, bhikkhave, micchāñāṇaṃ niddhantaṃ hoti….
‘‘ਸਮ੍ਮਾવਿਮੁਤ੍ਤਿਸ੍ਸ , ਭਿਕ੍ਖવੇ, ਮਿਚ੍ਛਾવਿਮੁਤ੍ਤਿ ਨਿਦ੍ਧਨ੍ਤਾ ਹੋਤਿ; ਯੇ ਚ ਮਿਚ੍ਛਾવਿਮੁਤ੍ਤਿਪਚ੍ਚਯਾ ਅਨੇਕੇ ਪਾਪਕਾ ਅਕੁਸਲਾ ਧਮ੍ਮਾ ਸਮ੍ਭવਨ੍ਤਿ ਤੇ ਚਸ੍ਸ ਨਿਦ੍ਧਨ੍ਤਾ ਹੋਨ੍ਤਿ; ਸਮ੍ਮਾવਿਮੁਤ੍ਤਿਪਚ੍ਚਯਾ ਚ ਅਨੇਕੇ ਕੁਸਲਾ ਧਮ੍ਮਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤਿ। ਇਮੇ ਖੋ, ਭਿਕ੍ਖવੇ, ਦਸ ਨਿਦ੍ਧਮਨੀਯਾ ਧਮ੍ਮਾ’’ਤਿ। ਦਸਮਂ।
‘‘Sammāvimuttissa , bhikkhave, micchāvimutti niddhantā hoti; ye ca micchāvimuttipaccayā aneke pāpakā akusalā dhammā sambhavanti te cassa niddhantā honti; sammāvimuttipaccayā ca aneke kusalā dhammā bhāvanāpāripūriṃ gacchanti. Ime kho, bhikkhave, dasa niddhamanīyā dhammā’’ti. Dasamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮-੧੦. ਤਿਕਿਚ੍ਛਕਸੁਤ੍ਤਾਦਿવਣ੍ਣਨਾ • 8-10. Tikicchakasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੨. ਸਮਣਸਞ੍ਞਾਸੁਤ੍ਤਾਦਿવਣ੍ਣਨਾ • 1-12. Samaṇasaññāsuttādivaṇṇanā
