| Library / Tipiṭaka / तिपिटक • Tipiṭaka / खुद्दकपाठपाळि • Khuddakapāṭhapāḷi |
८. निधिकण्डसुत्तं
8. Nidhikaṇḍasuttaṃ
१.
1.
निधिं निधेति पुरिसो, गम्भीरे ओदकन्तिके।
Nidhiṃ nidheti puriso, gambhīre odakantike;
अत्थे किच्चे समुप्पन्ने, अत्थाय मे भविस्सति॥
Atthe kicce samuppanne, atthāya me bhavissati.
२.
2.
राजतो वा दुरुत्तस्स, चोरतो पीळितस्स वा।
Rājato vā duruttassa, corato pīḷitassa vā;
इणस्स वा पमोक्खाय, दुब्भिक्खे आपदासु वा।
Iṇassa vā pamokkhāya, dubbhikkhe āpadāsu vā;
एतदत्थाय लोकस्मिं, निधि नाम निधीयति॥
Etadatthāya lokasmiṃ, nidhi nāma nidhīyati.
३.
3.
न सब्बो सब्बदा एव, तस्स तं उपकप्पति॥
Na sabbo sabbadā eva, tassa taṃ upakappati.
४.
4.
निधि वा ठाना चवति, सञ्ञा वास्स विमुय्हति।
Nidhi vā ṭhānā cavati, saññā vāssa vimuyhati;
नागा वा अपनामेन्ति, यक्खा वापि हरन्ति नं॥
Nāgā vā apanāmenti, yakkhā vāpi haranti naṃ.
५.
5.
अप्पिया वापि दायादा, उद्धरन्ति अपस्सतो।
Appiyā vāpi dāyādā, uddharanti apassato;
यदा पुञ्ञक्खयो होति, सब्बमेतं विनस्सति॥
Yadā puññakkhayo hoti, sabbametaṃ vinassati.
६.
6.
यस्स दानेन सीलेन, संयमेन दमेन च।
Yassa dānena sīlena, saṃyamena damena ca;
निधी सुनिहितो होति, इत्थिया पुरिसस्स वा॥
Nidhī sunihito hoti, itthiyā purisassa vā.
७.
7.
चेतियम्हि च सङ्घे वा, पुग्गले अतिथीसु वा।
Cetiyamhi ca saṅghe vā, puggale atithīsu vā;
८.
8.
एसो निधि सुनिहितो, अजेय्यो अनुगामिको।
Eso nidhi sunihito, ajeyyo anugāmiko;
पहाय गमनीयेसु, एतं आदाय गच्छति॥
Pahāya gamanīyesu, etaṃ ādāya gacchati.
९.
9.
असाधारणमञ्ञेसं, अचोराहरणो निधि।
Asādhāraṇamaññesaṃ, acorāharaṇo nidhi;
कयिराथ धीरो पुञ्ञानि, यो निधि अनुगामिको॥
Kayirātha dhīro puññāni, yo nidhi anugāmiko.
१०.
10.
एस देवमनुस्सानं, सब्बकामददो निधि।
Esa devamanussānaṃ, sabbakāmadado nidhi;
यं यदेवाभिपत्थेन्ति, सब्बमेतेन लब्भति॥
Yaṃ yadevābhipatthenti, sabbametena labbhati.
११.
11.
आधिपच्चपरिवारो, सब्बमेतेन लब्भति॥
Ādhipaccaparivāro, sabbametena labbhati.
१२.
12.
पदेसरज्जं इस्सरियं, चक्कवत्तिसुखं पियं।
Padesarajjaṃ issariyaṃ, cakkavattisukhaṃ piyaṃ;
देवरज्जम्पि दिब्बेसु, सब्बमेतेन लब्भति॥
Devarajjampi dibbesu, sabbametena labbhati.
१३.
13.
मानुस्सिका च सम्पत्ति, देवलोके च या रति।
Mānussikā ca sampatti, devaloke ca yā rati;
या च निब्बानसम्पत्ति, सब्बमेतेन लब्भति॥
Yā ca nibbānasampatti, sabbametena labbhati.
१४.
14.
विज्जा विमुत्ति वसीभावो, सब्बमेतेन लब्भति॥
Vijjā vimutti vasībhāvo, sabbametena labbhati.
१५.
15.
पटिसम्भिदा विमोक्खा च, या च सावकपारमी।
Paṭisambhidā vimokkhā ca, yā ca sāvakapāramī;
पच्चेकबोधि बुद्धभूमि, सब्बमेतेन लब्भति॥
Paccekabodhi buddhabhūmi, sabbametena labbhati.
१६.
16.
एवं महत्थिका एसा, यदिदं पुञ्ञसम्पदा।
Evaṃ mahatthikā esā, yadidaṃ puññasampadā;
तस्मा धीरा पसंसन्ति, पण्डिता कतपुञ्ञतन्ति॥
Tasmā dhīrā pasaṃsanti, paṇḍitā katapuññatanti.
निधिकण्डसुत्तं निट्ठितं।
Nidhikaṇḍasuttaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / खुद्दकपाठ-अट्ठकथा • Khuddakapāṭha-aṭṭhakathā / ८. निधिकण्डसुत्तवण्णना • 8. Nidhikaṇḍasuttavaṇṇanā
