| Library / Tipiṭaka / ติปิฎก • Tipiṭaka / ขุทฺทกปาฐปาฬิ • Khuddakapāṭhapāḷi |
๘. นิธิกณฺฑสุตฺตํ
8. Nidhikaṇḍasuttaṃ
๑.
1.
นิธิํ นิเธติ ปุริโส, คมฺภีเร โอทกนฺติเก;
Nidhiṃ nidheti puriso, gambhīre odakantike;
อเตฺถ กิเจฺจ สมุปฺปเนฺน, อตฺถาย เม ภวิสฺสติฯ
Atthe kicce samuppanne, atthāya me bhavissati.
๒.
2.
ราชโต วา ทุรุตฺตสฺส, โจรโต ปีฬิตสฺส วา;
Rājato vā duruttassa, corato pīḷitassa vā;
อิณสฺส วา ปโมกฺขาย, ทุพฺภิเกฺข อาปทาสุ วา;
Iṇassa vā pamokkhāya, dubbhikkhe āpadāsu vā;
เอตทตฺถาย โลกสฺมิํ, นิธิ นาม นิธียติฯ
Etadatthāya lokasmiṃ, nidhi nāma nidhīyati.
๓.
3.
น สโพฺพ สพฺพทา เอว, ตสฺส ตํ อุปกปฺปติฯ
Na sabbo sabbadā eva, tassa taṃ upakappati.
๔.
4.
นิธิ วา ฐานา จวติ, สญฺญา วาสฺส วิมุยฺหติ;
Nidhi vā ṭhānā cavati, saññā vāssa vimuyhati;
นาคา วา อปนาเมนฺติ, ยกฺขา วาปิ หรนฺติ นํฯ
Nāgā vā apanāmenti, yakkhā vāpi haranti naṃ.
๕.
5.
อปฺปิยา วาปิ ทายาทา, อุทฺธรนฺติ อปสฺสโต;
Appiyā vāpi dāyādā, uddharanti apassato;
ยทา ปุญฺญกฺขโย โหติ, สพฺพเมตํ วินสฺสติฯ
Yadā puññakkhayo hoti, sabbametaṃ vinassati.
๖.
6.
ยสฺส ทาเนน สีเลน, สํยเมน ทเมน จ;
Yassa dānena sīlena, saṃyamena damena ca;
นิธี สุนิหิโต โหติ, อิตฺถิยา ปุริสสฺส วาฯ
Nidhī sunihito hoti, itthiyā purisassa vā.
๗.
7.
เจติยมฺหิ จ สเงฺฆ วา, ปุคฺคเล อติถีสุ วา;
Cetiyamhi ca saṅghe vā, puggale atithīsu vā;
๘.
8.
เอโส นิธิ สุนิหิโต, อเชโยฺย อนุคามิโก;
Eso nidhi sunihito, ajeyyo anugāmiko;
ปหาย คมนีเยสุ, เอตํ อาทาย คจฺฉติฯ
Pahāya gamanīyesu, etaṃ ādāya gacchati.
๙.
9.
อสาธารณมเญฺญสํ, อโจราหรโณ นิธิ;
Asādhāraṇamaññesaṃ, acorāharaṇo nidhi;
กยิราถ ธีโร ปุญฺญานิ, โย นิธิ อนุคามิโกฯ
Kayirātha dhīro puññāni, yo nidhi anugāmiko.
๑๐.
10.
เอส เทวมนุสฺสานํ, สพฺพกามทโท นิธิ;
Esa devamanussānaṃ, sabbakāmadado nidhi;
ยํ ยเทวาภิปเตฺถนฺติ, สพฺพเมเตน ลพฺภติฯ
Yaṃ yadevābhipatthenti, sabbametena labbhati.
๑๑.
11.
อาธิปจฺจปริวาโร, สพฺพเมเตน ลพฺภติฯ
Ādhipaccaparivāro, sabbametena labbhati.
๑๒.
12.
ปเทสรชฺชํ อิสฺสริยํ, จกฺกวตฺติสุขํ ปิยํ;
Padesarajjaṃ issariyaṃ, cakkavattisukhaṃ piyaṃ;
เทวรชฺชมฺปิ ทิเพฺพสุ, สพฺพเมเตน ลพฺภติฯ
Devarajjampi dibbesu, sabbametena labbhati.
๑๓.
13.
มานุสฺสิกา จ สมฺปตฺติ, เทวโลเก จ ยา รติ;
Mānussikā ca sampatti, devaloke ca yā rati;
ยา จ นิพฺพานสมฺปตฺติ, สพฺพเมเตน ลพฺภติฯ
Yā ca nibbānasampatti, sabbametena labbhati.
๑๔.
14.
วิชฺชา วิมุตฺติ วสีภาโว, สพฺพเมเตน ลพฺภติฯ
Vijjā vimutti vasībhāvo, sabbametena labbhati.
๑๕.
15.
ปฎิสมฺภิทา วิโมกฺขา จ, ยา จ สาวกปารมี;
Paṭisambhidā vimokkhā ca, yā ca sāvakapāramī;
ปเจฺจกโพธิ พุทฺธภูมิ, สพฺพเมเตน ลพฺภติฯ
Paccekabodhi buddhabhūmi, sabbametena labbhati.
๑๖.
16.
เอวํ มหตฺถิกา เอสา, ยทิทํ ปุญฺญสมฺปทา;
Evaṃ mahatthikā esā, yadidaṃ puññasampadā;
ตสฺมา ธีรา ปสํสนฺติ, ปณฺฑิตา กตปุญฺญตนฺติฯ
Tasmā dhīrā pasaṃsanti, paṇḍitā katapuññatanti.
นิธิกณฺฑสุตฺตํ นิฎฺฐิตํฯ
Nidhikaṇḍasuttaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ขุทฺทกปาฐ-อฎฺฐกถา • Khuddakapāṭha-aṭṭhakathā / ๘. นิธิกณฺฑสุตฺตวณฺณนา • 8. Nidhikaṇḍasuttavaṇṇanā
