| Library / Tipiṭaka / តិបិដក • Tipiṭaka / ខុទ្ទកបាឋបាឡិ • Khuddakapāṭhapāḷi |
៨. និធិកណ្ឌសុត្តំ
8. Nidhikaṇḍasuttaṃ
១.
1.
និធិំ និធេតិ បុរិសោ, គម្ភីរេ ឱទកន្តិកេ;
Nidhiṃ nidheti puriso, gambhīre odakantike;
អត្ថេ កិច្ចេ សមុប្បន្នេ, អត្ថាយ មេ ភវិស្សតិ។
Atthe kicce samuppanne, atthāya me bhavissati.
២.
2.
រាជតោ វា ទុរុត្តស្ស, ចោរតោ បីឡិតស្ស វា;
Rājato vā duruttassa, corato pīḷitassa vā;
ឥណស្ស វា បមោក្ខាយ, ទុព្ភិក្ខេ អាបទាសុ វា;
Iṇassa vā pamokkhāya, dubbhikkhe āpadāsu vā;
ឯតទត្ថាយ លោកស្មិំ, និធិ នាម និធីយតិ។
Etadatthāya lokasmiṃ, nidhi nāma nidhīyati.
៣.
3.
ន សព្ពោ សព្ពទា ឯវ, តស្ស តំ ឧបកប្បតិ។
Na sabbo sabbadā eva, tassa taṃ upakappati.
៤.
4.
និធិ វា ឋានា ចវតិ, សញ្ញា វាស្ស វិមុយ្ហតិ;
Nidhi vā ṭhānā cavati, saññā vāssa vimuyhati;
នាគា វា អបនាមេន្តិ, យក្ខា វាបិ ហរន្តិ នំ។
Nāgā vā apanāmenti, yakkhā vāpi haranti naṃ.
៥.
5.
អប្បិយា វាបិ ទាយាទា, ឧទ្ធរន្តិ អបស្សតោ;
Appiyā vāpi dāyādā, uddharanti apassato;
យទា បុញ្ញក្ខយោ ហោតិ, សព្ពមេតំ វិនស្សតិ។
Yadā puññakkhayo hoti, sabbametaṃ vinassati.
៦.
6.
យស្ស ទានេន សីលេន, សំយមេន ទមេន ច;
Yassa dānena sīlena, saṃyamena damena ca;
និធី សុនិហិតោ ហោតិ, ឥត្ថិយា បុរិសស្ស វា។
Nidhī sunihito hoti, itthiyā purisassa vā.
៧.
7.
ចេតិយម្ហិ ច សង្ឃេ វា, បុគ្គលេ អតិថីសុ វា;
Cetiyamhi ca saṅghe vā, puggale atithīsu vā;
៨.
8.
ឯសោ និធិ សុនិហិតោ, អជេយ្យោ អនុគាមិកោ;
Eso nidhi sunihito, ajeyyo anugāmiko;
បហាយ គមនីយេសុ, ឯតំ អាទាយ គច្ឆតិ។
Pahāya gamanīyesu, etaṃ ādāya gacchati.
៩.
9.
អសាធារណមញ្ញេសំ, អចោរាហរណោ និធិ;
Asādhāraṇamaññesaṃ, acorāharaṇo nidhi;
កយិរាថ ធីរោ បុញ្ញានិ, យោ និធិ អនុគាមិកោ។
Kayirātha dhīro puññāni, yo nidhi anugāmiko.
១០.
10.
ឯស ទេវមនុស្សានំ, សព្ពកាមទទោ និធិ;
Esa devamanussānaṃ, sabbakāmadado nidhi;
យំ យទេវាភិបត្ថេន្តិ, សព្ពមេតេន លព្ភតិ។
Yaṃ yadevābhipatthenti, sabbametena labbhati.
១១.
11.
អាធិបច្ចបរិវារោ, សព្ពមេតេន លព្ភតិ។
Ādhipaccaparivāro, sabbametena labbhati.
១២.
12.
បទេសរជ្ជំ ឥស្សរិយំ, ចក្កវត្តិសុខំ បិយំ;
Padesarajjaṃ issariyaṃ, cakkavattisukhaṃ piyaṃ;
ទេវរជ្ជម្បិ ទិព្ពេសុ, សព្ពមេតេន លព្ភតិ។
Devarajjampi dibbesu, sabbametena labbhati.
១៣.
13.
មានុស្សិកា ច សម្បត្តិ, ទេវលោកេ ច យា រតិ;
Mānussikā ca sampatti, devaloke ca yā rati;
យា ច និព្ពានសម្បត្តិ, សព្ពមេតេន លព្ភតិ។
Yā ca nibbānasampatti, sabbametena labbhati.
១៤.
14.
វិជ្ជា វិមុត្តិ វសីភាវោ, សព្ពមេតេន លព្ភតិ។
Vijjā vimutti vasībhāvo, sabbametena labbhati.
១៥.
15.
បដិសម្ភិទា វិមោក្ខា ច, យា ច សាវកបារមី;
Paṭisambhidā vimokkhā ca, yā ca sāvakapāramī;
បច្ចេកពោធិ ពុទ្ធភូមិ, សព្ពមេតេន លព្ភតិ។
Paccekabodhi buddhabhūmi, sabbametena labbhati.
១៦.
16.
ឯវំ មហត្ថិកា ឯសា, យទិទំ បុញ្ញសម្បទា;
Evaṃ mahatthikā esā, yadidaṃ puññasampadā;
តស្មា ធីរា បសំសន្តិ, បណ្ឌិតា កតបុញ្ញតន្តិ។
Tasmā dhīrā pasaṃsanti, paṇḍitā katapuññatanti.
និធិកណ្ឌសុត្តំ និដ្ឋិតំ។
Nidhikaṇḍasuttaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ខុទ្ទកបាឋ-អដ្ឋកថា • Khuddakapāṭha-aṭṭhakathā / ៨. និធិកណ្ឌសុត្តវណ្ណនា • 8. Nidhikaṇḍasuttavaṇṇanā
