| Library / Tipiṭaka / д̇ибидага • Tipiṭaka / куд̣̇д̣̇агабаата-адтагат̇аа • Khuddakapāṭha-aṭṭhakathā |
8. нид̇хиган̣д̣асуд̇д̇аван̣н̣анаа
8. Nidhikaṇḍasuttavaṇṇanā
нигкзбагааран̣ам̣
Nikkhepakāraṇaṃ
ид̣̇аани яад̣̇ид̣̇ам̣ д̇ирогуддаананд̇арам̣ ‘‘нид̇хим̣ нид̇хзд̇и бурисо’’д̇иаад̣̇инаа нид̇хиган̣д̣ам̣ нигкид̇д̇ам̣, д̇асса –
Idāni yadidaṃ tirokuṭṭānantaraṃ ‘‘nidhiṃ nidheti puriso’’tiādinā nidhikaṇḍaṃ nikkhittaṃ, tassa –
‘‘бхаасид̇ваа нид̇хиган̣д̣асса, ид̇ха нигкзбагааран̣ам̣;
‘‘Bhāsitvā nidhikaṇḍassa, idha nikkhepakāraṇaṃ;
адтуббад̇д̇ин̃жа д̣̇ийбзд̇ваа, гариссаамад̇т̇аван̣н̣анам̣’’.
Aṭṭhuppattiñca dīpetvā, karissāmatthavaṇṇanaṃ’’.
д̇ад̇т̇а ид̇ха нигкзбагааран̣ам̣ д̇аавасса звам̣ взд̣̇ид̇аб̣б̣ам̣. ид̣̇ан̃хи нид̇хиган̣д̣ам̣ бхаг̇авад̇аа иминаа ануггамзна авуд̇д̇амби яасмаа анумод̣̇анавасзна вуд̇д̇асса д̇ирогуддасса мит̇унабхууд̇ам̣, д̇асмаа ид̇ха нигкид̇д̇ам̣. д̇ирогуддзна ваа бун̃н̃авирахид̇аанам̣ вибад̇д̇им̣ д̣̇ассзд̇ваа иминаа гад̇абун̃н̃аанам̣ самбад̇д̇ид̣̇ассанад̇т̇амби ид̣̇ам̣ ид̇ха нигкид̇д̇анд̇и взд̣̇ид̇аб̣б̣ам̣. ид̣̇амасса ид̇ха нигкзбагааран̣ам̣.
Tattha idha nikkhepakāraṇaṃ tāvassa evaṃ veditabbaṃ. Idañhi nidhikaṇḍaṃ bhagavatā iminā anukkamena avuttampi yasmā anumodanavasena vuttassa tirokuṭṭassa mithunabhūtaṃ, tasmā idha nikkhittaṃ. Tirokuṭṭena vā puññavirahitānaṃ vipattiṃ dassetvā iminā katapuññānaṃ sampattidassanatthampi idaṃ idha nikkhittanti veditabbaṃ. Idamassa idha nikkhepakāraṇaṃ.
суд̇д̇адтуббад̇д̇и
Suttaṭṭhuppatti
адтуббад̇д̇и банасса – саавад̇т̇ияам̣ гира ан̃н̃ад̇аро гудумб̣иго ад̣дхо махад̣̇д̇хано махаабхог̇о. со жа сад̣̇д̇хо ход̇и басанно, виг̇ад̇амаламажчзрзна жзд̇асаа аг̇аарам̣ аж̇жхаавасад̇и. со згасмим̣ д̣̇ивасз б̣уд̣̇д̇хаббамукасса бхигкусан̇гхасса д̣̇аанам̣ д̣̇зд̇и. д̇зна жа самаязна рааж̇аа д̇ханад̇т̇иго ход̇и, со д̇асса санд̇игз бурисам̣ бзсзси ‘‘г̇ажча, бхан̣з, ид̇т̇аннаамам̣ гудумб̣игам̣ аанзхий’’д̇и. со г̇анд̇ваа д̇ам̣ гудумб̣игам̣ ааха ‘‘рааж̇аа д̇ам̣ г̇ахабад̇и ааманд̇зд̇ий’’д̇и. гудумб̣иго сад̣̇д̇хаад̣̇иг̇ун̣асаманнааг̇ад̇зна жзд̇асаа б̣уд̣̇д̇хаббамукам̣ бхигкусан̇гхам̣ баривисанд̇о ааха ‘‘г̇ажча, бхо буриса, бажчаа ааг̇амиссаами, ид̣̇аани д̇аавамхи нид̇хим̣ нид̇хзнд̇о тид̇о’’д̇и. ат̇а бхаг̇аваа бхуд̇д̇аавий баваарид̇о д̇амзва бун̃н̃асамбад̣̇ам̣ барамад̇т̇ад̇о нид̇хийд̇и д̣̇ассзд̇ум̣ д̇асса гудумб̣игасса анумод̣̇анад̇т̇ам̣ ‘‘нид̇хим̣ нид̇хзд̇и бурисо’’д̇и имаа г̇аат̇ааяо абхааси. аяамасса адтуббад̇д̇и.
Aṭṭhuppatti panassa – sāvatthiyaṃ kira aññataro kuṭumbiko aḍḍho mahaddhano mahābhogo. So ca saddho hoti pasanno, vigatamalamaccherena cetasā agāraṃ ajjhāvasati. So ekasmiṃ divase buddhappamukhassa bhikkhusaṅghassa dānaṃ deti. Tena ca samayena rājā dhanatthiko hoti, so tassa santike purisaṃ pesesi ‘‘gaccha, bhaṇe, itthannāmaṃ kuṭumbikaṃ ānehī’’ti. So gantvā taṃ kuṭumbikaṃ āha ‘‘rājā taṃ gahapati āmantetī’’ti. Kuṭumbiko saddhādiguṇasamannāgatena cetasā buddhappamukhaṃ bhikkhusaṅghaṃ parivisanto āha ‘‘gaccha, bho purisa, pacchā āgamissāmi, idāni tāvamhi nidhiṃ nidhento ṭhito’’ti. Atha bhagavā bhuttāvī pavārito tameva puññasampadaṃ paramatthato nidhīti dassetuṃ tassa kuṭumbikassa anumodanatthaṃ ‘‘nidhiṃ nidheti puriso’’ti imā gāthāyo abhāsi. Ayamassa aṭṭhuppatti.
звамасса –
Evamassa –
‘‘бхаасид̇ваа нид̇хиган̣д̣асса, ид̇ха нигкзбагааран̣ам̣;
‘‘Bhāsitvā nidhikaṇḍassa, idha nikkhepakāraṇaṃ;
адтуббад̇д̇ин̃жа д̣̇ийбзд̇ваа, гариссаамад̇т̇аван̣н̣анам̣’’.
Aṭṭhuppattiñca dīpetvā, karissāmatthavaṇṇanaṃ’’.
батамаг̇аат̇ааван̣н̣анаа
Paṭhamagāthāvaṇṇanā
1. д̇ад̇т̇а нид̇хим̣ нид̇хзд̇и бурисод̇и нид̇хийяад̇ийд̇и нид̇хи, табийяад̇и рагкийяад̇и г̇обийяад̇ийд̇и ад̇т̇о. со жад̇уб̣б̣ид̇хо т̇ааваро, ж̇ан̇г̇амо, ан̇г̇асамо, ануг̇аамигод̇и. д̇ад̇т̇а т̇ааваро наама бхуумиг̇ад̇ам̣ ваа взхаасадтам̣ ваа хиран̃н̃ам̣ ваа суван̣н̣ам̣ ваа кзд̇д̇ам̣ ваа вад̇т̇у ваа, яам̣ ваа банан̃н̃амби зваруубам̣ ирияаабат̇авирахид̇ам̣, аяам̣ т̇ааваро нид̇хи. ж̇ан̇г̇амо наама д̣̇аасид̣̇аасам̣ хад̇т̇иг̇авассавал̣авам̣ аж̇зл̣агам̣ гуггудасуугарам̣ яам̣ ваа банан̃н̃амби зваруубам̣ ирияаабат̇абадисам̣яуд̇д̇ам̣. аяам̣ ж̇ан̇г̇амо нид̇хи ан̇г̇асамо наама гаммааяад̇анам̣, сиббааяад̇анам̣, виж̇ж̇аадтаанам̣, б̣аахусажжам̣, яам̣ ваа банан̃н̃амби зваруубам̣ сигкид̇ваа г̇ахид̇ам̣ ан̇г̇абажжан̇г̇амива ад̇д̇абхааваббадиб̣ад̣̇д̇хам̣, аяам̣ ан̇г̇асамо нид̇хи. ануг̇аамиго наама д̣̇аанамаяам̣ бун̃н̃ам̣ сийламаяам̣ бхааванаамаяам̣ д̇хаммассаванамаяам̣ д̇хаммад̣̇зсанаамаяам̣, яам̣ ваа банан̃н̃амби зваруубам̣ бун̃н̃ам̣ д̇ад̇т̇а д̇ад̇т̇а ануг̇анд̇ваа вияа идтапаламануббад̣̇зд̇и, аяам̣ ануг̇аамиго нид̇хи. имасмим̣ бана таанз т̇ааваро ад̇хиббзд̇о.
1. Tattha nidhiṃ nidheti purisoti nidhīyatīti nidhi, ṭhapīyati rakkhīyati gopīyatīti attho. So catubbidho thāvaro, jaṅgamo, aṅgasamo, anugāmikoti. Tattha thāvaro nāma bhūmigataṃ vā vehāsaṭṭhaṃ vā hiraññaṃ vā suvaṇṇaṃ vā khettaṃ vā vatthu vā, yaṃ vā panaññampi evarūpaṃ iriyāpathavirahitaṃ, ayaṃ thāvaro nidhi. Jaṅgamo nāma dāsidāsaṃ hatthigavassavaḷavaṃ ajeḷakaṃ kukkuṭasūkaraṃ yaṃ vā panaññampi evarūpaṃ iriyāpathapaṭisaṃyuttaṃ. Ayaṃ jaṅgamo nidhi aṅgasamo nāma kammāyatanaṃ, sippāyatanaṃ, vijjāṭṭhānaṃ, bāhusaccaṃ, yaṃ vā panaññampi evarūpaṃ sikkhitvā gahitaṃ aṅgapaccaṅgamiva attabhāvappaṭibaddhaṃ, ayaṃ aṅgasamo nidhi. Anugāmiko nāma dānamayaṃ puññaṃ sīlamayaṃ bhāvanāmayaṃ dhammassavanamayaṃ dhammadesanāmayaṃ, yaṃ vā panaññampi evarūpaṃ puññaṃ tattha tattha anugantvā viya iṭṭhaphalamanuppadeti, ayaṃ anugāmiko nidhi. Imasmiṃ pana ṭhāne thāvaro adhippeto.
нид̇хзд̇ийд̇и табзд̇и бадисаамзд̇и г̇обзд̇и. бурисод̇и мануссо. гааман̃жа бурисоби ид̇т̇ийби бан̣д̣агоби нид̇хим̣ нид̇хзд̇и, ид̇ха бана бурисасийсзна д̣̇зсанаа гад̇аа, ад̇т̇ад̇о бана д̇зсамби ид̇ха самод̇хаанам̣ д̣̇адтаб̣б̣ам̣. г̇амбхийрз од̣̇аганд̇игзд̇и ог̇аахзд̇аб̣б̣адтзна г̇амбхийрам̣, уд̣̇агасса анд̇игабхаавзна од̣̇аганд̇игам̣. ад̇т̇и г̇амбхийрам̣ на од̣̇аганд̇игам̣ ж̇ан̇г̇алз бхуумибхааг̇з сад̇игаборисо ааваадо вияа, ад̇т̇и од̣̇аганд̇игам̣ на г̇амбхийрам̣ ниннз баллалз згад̣̇вивид̣̇ад̇т̇иго ааваадо вияа, ад̇т̇и г̇амбхийран̃жзва од̣̇аганд̇иган̃жа ж̇ан̇г̇алз бхуумибхааг̇з яаава ид̣̇аани уд̣̇агам̣ ааг̇амиссад̇ийд̇и, д̇аава кад̇о ааваадо вияа. д̇ам̣ санд̇хааяа ид̣̇ам̣ вуд̇д̇ам̣ ‘‘г̇амбхийрз од̣̇аганд̇игз’’д̇и. ад̇т̇з гижжз самуббаннзд̇и ад̇т̇аа анабзд̇анд̇и ад̇т̇ам̣, ад̇т̇аавахам̣ хид̇ааваханд̇и вуд̇д̇ам̣ ход̇и. гаад̇аб̣б̣анд̇и гижжам̣, гин̃жид̣̇зва гаран̣ийяанд̇и вуд̇д̇ам̣ ход̇и. уббаннам̣ зва самуббаннам̣, гад̇д̇аб̣б̣абхаавзна убадтид̇анд̇и вуд̇д̇ам̣ ход̇и. д̇асмим̣ ад̇т̇з гижжз самуббаннз. ад̇т̇ааяа мз бхависсад̇ийд̇и нид̇хаанаббаяож̇ананид̣̇ассанамзд̇ам̣. зд̇ад̣̇ад̇т̇ан̃хи со нид̇хзд̇и ‘‘ад̇т̇аавахз гисмин̃жид̣̇зва гаран̣ийяз самуббаннз ад̇т̇ааяа мз бхависсад̇и, д̇асса мз гижжасса нибпад̇д̇ияаа бхависсад̇ий’’д̇и. гижжанибпад̇д̇иязва хи д̇асса гижжз самуббаннз ад̇т̇од̇и взд̣̇ид̇аб̣б̣о.
Nidhetīti ṭhapeti paṭisāmeti gopeti. Purisoti manusso. Kāmañca purisopi itthīpi paṇḍakopi nidhiṃ nidheti, idha pana purisasīsena desanā katā, atthato pana tesampi idha samodhānaṃ daṭṭhabbaṃ. Gambhīre odakantiketi ogāhetabbaṭṭhena gambhīraṃ, udakassa antikabhāvena odakantikaṃ. Atthi gambhīraṃ na odakantikaṃ jaṅgale bhūmibhāge satikaporiso āvāṭo viya, atthi odakantikaṃ na gambhīraṃ ninne pallale ekadvividatthiko āvāṭo viya, atthi gambhīrañceva odakantikañca jaṅgale bhūmibhāge yāva idāni udakaṃ āgamissatīti, tāva khato āvāṭo viya. Taṃ sandhāya idaṃ vuttaṃ ‘‘gambhīre odakantike’’ti. Atthe kicce samuppanneti atthā anapetanti atthaṃ, atthāvahaṃ hitāvahanti vuttaṃ hoti. Kātabbanti kiccaṃ, kiñcideva karaṇīyanti vuttaṃ hoti. Uppannaṃ eva samuppannaṃ, kattabbabhāvena upaṭṭhitanti vuttaṃ hoti. Tasmiṃ atthe kicce samuppanne. Atthāya me bhavissatīti nidhānappayojananidassanametaṃ. Etadatthañhi so nidheti ‘‘atthāvahe kismiñcideva karaṇīye samuppanne atthāya me bhavissati, tassa me kiccassa nipphattiyā bhavissatī’’ti. Kiccanipphattiyeva hi tassa kicce samuppanne atthoti veditabbo.
д̣̇уд̇ияаг̇аат̇ааван̣н̣анаа
Dutiyagāthāvaṇṇanā
звам̣ нид̇хаанаббаяож̇анам̣ д̣̇ассзнд̇о ад̇т̇аад̇хиг̇амаад̇хиббааяам̣ д̣̇ассзд̇ваа ид̣̇аани анад̇т̇аабаг̇амаад̇хиббааяам̣ д̣̇ассзд̇умааха –
Evaṃ nidhānappayojanaṃ dassento atthādhigamādhippāyaṃ dassetvā idāni anatthāpagamādhippāyaṃ dassetumāha –
2. ‘‘рааж̇ад̇о ваа д̣̇уруд̇д̇асса, жорад̇о бийл̣ид̇асса ваа.
2. ‘‘Rājato vā duruttassa, corato pīḷitassa vā.
ин̣асса ваа бамогкааяа, д̣̇уб̣бхигкз аабад̣̇аасу ваа’’д̇и.
Iṇassa vā pamokkhāya, dubbhikkhe āpadāsu vā’’ti.
д̇ассад̇т̇о ‘‘ад̇т̇ааяа мз бхависсад̇ий’’д̇и жа ‘‘ин̣асса ваа бамогкааяаа’’д̇и жа зд̇т̇а вуд̇д̇зхи д̣̇вийхи бхависсад̇ибамогкааяа-бад̣̇зхи сад̣̇д̇хим̣ яат̇аасамбхавам̣ яож̇зд̇ваа взд̣̇ид̇аб̣б̣о.
Tassattho ‘‘atthāya me bhavissatī’’ti ca ‘‘iṇassa vā pamokkhāyā’’ti ca ettha vuttehi dvīhi bhavissatipamokkhāya-padehi saddhiṃ yathāsambhavaṃ yojetvā veditabbo.
д̇ад̇т̇ааяам̣ яож̇анаа – на гзвалам̣ ад̇т̇ааяа мз бхависсад̇ийд̇и зва бурисо нид̇хим̣ нид̇хзд̇и, гинд̇у ‘‘аяам̣ жоро’’д̇и ваа ‘‘баарад̣̇аариго’’д̇и ваа ‘‘сун̇гагхаад̇аго’’д̇и ваа звамаад̣̇инаа наязна бажжад̇т̇игзхи бажжаамид̇д̇зхи д̣̇уруд̇д̇асса мз сад̇о рааж̇ад̇о ваа бамогкааяа бхависсад̇и, санд̇хижчзд̣̇аад̣̇ийхи д̇ханахаран̣зна ваа, ‘‘зд̇д̇агам̣ хиран̃н̃асуван̣н̣ам̣ д̣̇зхий’’д̇и ж̇ийваг̇г̇аахзна ваа жорзхи мз бийл̣ид̇асса сад̇о жорад̇о ваа бамогкааяа бхависсад̇и. санд̇и мз ин̣ааяигаа, д̇з мам̣ ‘‘ин̣ам̣ д̣̇зхий’’д̇и жод̣̇зссанд̇и, д̇зхи мз жод̣̇ияамаанасса ин̣асса ваа бамогкааяа бхависсад̇и. ход̇и со самаяо, яам̣ д̣̇уб̣бхигкам̣ ход̇и д̣̇уссассам̣ д̣̇уллабхабин̣д̣ам̣, д̇ад̇т̇а на сугарам̣ аббад̇ханзна яаабзд̇ум̣, д̇ат̇аавид̇хз ааг̇ад̇з д̣̇уб̣бхигкз ваа мз бхависсад̇и . яат̇ааруубаа аабад̣̇аа уббаж̇ж̇анд̇и аг̇г̇ид̇о ваа уд̣̇агад̇о ваа аббияад̣̇ааяаад̣̇ад̇о ваа, д̇ат̇ааруубаасу ваа уббаннаасу аабад̣̇аасу мз бхависсад̇ийд̇иби бурисо нид̇хим̣ нид̇хзд̇ийд̇и.
Tatthāyaṃ yojanā – na kevalaṃ atthāya me bhavissatīti eva puriso nidhiṃ nidheti, kintu ‘‘ayaṃ coro’’ti vā ‘‘pāradāriko’’ti vā ‘‘suṅkaghātako’’ti vā evamādinā nayena paccatthikehi paccāmittehi duruttassa me sato rājato vā pamokkhāya bhavissati, sandhicchedādīhi dhanaharaṇena vā, ‘‘ettakaṃ hiraññasuvaṇṇaṃ dehī’’ti jīvaggāhena vā corehi me pīḷitassa sato corato vā pamokkhāya bhavissati. Santi me iṇāyikā, te maṃ ‘‘iṇaṃ dehī’’ti codessanti, tehi me codiyamānassa iṇassa vā pamokkhāya bhavissati. Hoti so samayo, yaṃ dubbhikkhaṃ hoti dussassaṃ dullabhapiṇḍaṃ, tattha na sukaraṃ appadhanena yāpetuṃ, tathāvidhe āgate dubbhikkhe vā me bhavissati . Yathārūpā āpadā uppajjanti aggito vā udakato vā appiyadāyādato vā, tathārūpāsu vā uppannāsu āpadāsu me bhavissatītipi puriso nidhiṃ nidhetīti.
звам̣ ад̇т̇аад̇хиг̇амаад̇хиббааяам̣ анад̇т̇аабаг̇амаад̇хиббааяан̃жаад̇и д̣̇вийхи г̇аат̇аахи д̣̇увид̇хам̣ нид̇хаанаббаяож̇анам̣ д̣̇ассзд̇ваа ид̣̇аани д̇амзва д̣̇увид̇хам̣ баяож̇анам̣ ниг̇амзнд̇о ааха –
Evaṃ atthādhigamādhippāyaṃ anatthāpagamādhippāyañcāti dvīhi gāthāhi duvidhaṃ nidhānappayojanaṃ dassetvā idāni tameva duvidhaṃ payojanaṃ nigamento āha –
‘‘зд̇ад̣̇ад̇т̇ааяа логасмим̣, нид̇хи наама нид̇хийяад̇ий’’д̇и.
‘‘Etadatthāya lokasmiṃ, nidhi nāma nidhīyatī’’ti.
д̇ассад̇т̇о – явааяам̣ ‘‘ад̇т̇ааяа мз бхависсад̇ий’’д̇и жа ‘‘рааж̇ад̇о ваа д̣̇уруд̇д̇ассаа’’д̇и звамаад̣̇ийхи жа ад̇т̇аад̇хиг̇амо анад̇т̇аабаг̇амо жа д̣̇ассид̇о. зд̇ад̣̇ад̇т̇ааяа зд̇зсам̣ нибпаад̣̇анад̇т̇ааяа имасмим̣ огаасалогз яо гожи хиран̃н̃асуван̣н̣аад̣̇ибхзд̣̇о нид̇хи наама нид̇хийяад̇и табийяад̇и бадисаамийяад̇ийд̇и.
Tassattho – yvāyaṃ ‘‘atthāya me bhavissatī’’ti ca ‘‘rājato vā duruttassā’’ti evamādīhi ca atthādhigamo anatthāpagamo ca dassito. Etadatthāya etesaṃ nipphādanatthāya imasmiṃ okāsaloke yo koci hiraññasuvaṇṇādibhedo nidhi nāma nidhīyati ṭhapīyati paṭisāmīyatīti.
д̇ад̇ияаг̇аат̇ааван̣н̣анаа
Tatiyagāthāvaṇṇanā
ид̣̇аани яасмаа звам̣ нихид̇оби со нид̇хи бун̃н̃авад̇ам̣язва ад̇хиббзд̇ад̇т̇асаад̇хаго ход̇и, на ан̃н̃зсам̣, д̇асмаа д̇амад̇т̇ам̣ д̣̇ийбзнд̇о ааха –
Idāni yasmā evaṃ nihitopi so nidhi puññavataṃyeva adhippetatthasādhako hoti, na aññesaṃ, tasmā tamatthaṃ dīpento āha –
3. ‘‘д̇аавассунихид̇о санд̇о, г̇амбхийрз од̣̇аганд̇игз.
3. ‘‘Tāvassunihito santo, gambhīre odakantike.
на саб̣б̣о саб̣б̣ад̣̇аа зва, д̇асса д̇ам̣ убагаббад̇ий’’д̇и.
Na sabbo sabbadā eva, tassa taṃ upakappatī’’ti.
д̇ассад̇т̇о – со нид̇хи д̇аава сунихид̇о санд̇о, д̇аава судту никан̣ид̇ваа табид̇о самаанод̇и вуд̇д̇ам̣ ход̇и. гийва судтууд̇и? г̇амбхийрз од̣̇аганд̇игз, яаава г̇амбхийрз од̣̇аганд̇игз нихид̇од̇и сан̇кам̣ г̇ажчад̇и, д̇аава судтууд̇и вуд̇д̇ам̣ ход̇и. на саб̣б̣о саб̣б̣ад̣̇аа зва, д̇асса д̇ам̣ убагаббад̇ийд̇и язна бурисзна нихид̇о, д̇асса саб̣б̣оби саб̣б̣агаалам̣ на убагаббад̇и на самбаж̇ж̇ад̇и, яат̇аавуд̇д̇агижжагаран̣асамад̇т̇о на ход̇ийд̇и вуд̇д̇ам̣ ход̇и. гинд̇у гожид̣̇зва гад̣̇аажид̣̇зва убагаббад̇и, нзва ваа убагаббад̇ийд̇и. зд̇т̇а жа нд̇и бад̣̇абууран̣амад̇д̇з нибаад̇о д̣̇адтаб̣б̣о ‘‘яат̇аа д̇ам̣ аббамад̇д̇асса аад̇аабино’’д̇и звамаад̣̇ийсу (ма. ни. 2.18-19; 3.154) вияа. лин̇г̇абхзд̣̇ам̣ ваа гад̇ваа ‘‘со’’д̇и вад̇д̇аб̣б̣з ‘‘д̇а’’нд̇и вуд̇д̇ам̣. звам̣ хи вужжамаанз со ад̇т̇о сукам̣ б̣уж̇жхад̇ийд̇и.
Tassattho – so nidhi tāva sunihito santo, tāva suṭṭhu nikhaṇitvā ṭhapito samānoti vuttaṃ hoti. Kīva suṭṭhūti? Gambhīre odakantike, yāva gambhīre odakantike nihitoti saṅkhaṃ gacchati, tāva suṭṭhūti vuttaṃ hoti. Na sabbo sabbadā eva, tassa taṃ upakappatīti yena purisena nihito, tassa sabbopi sabbakālaṃ na upakappati na sampajjati, yathāvuttakiccakaraṇasamattho na hotīti vuttaṃ hoti. Kintu kocideva kadācideva upakappati, neva vā upakappatīti. Ettha ca nti padapūraṇamatte nipāto daṭṭhabbo ‘‘yathā taṃ appamattassa ātāpino’’ti evamādīsu (ma. ni. 2.18-19; 3.154) viya. Liṅgabhedaṃ vā katvā ‘‘so’’ti vattabbe ‘‘ta’’nti vuttaṃ. Evaṃ hi vuccamāne so attho sukhaṃ bujjhatīti.
жад̇уд̇т̇абан̃жамаг̇аат̇ааван̣н̣анаа
Catutthapañcamagāthāvaṇṇanā
звам̣ ‘‘на саб̣б̣о саб̣б̣ад̣̇аа зва, д̇асса д̇ам̣ убагаббад̇ий’’д̇и вад̇ваа ид̣̇аани язхи гааран̣зхи на убагаббад̇и, д̇аани д̣̇ассзнд̇о ааха –
Evaṃ ‘‘na sabbo sabbadā eva, tassa taṃ upakappatī’’ti vatvā idāni yehi kāraṇehi na upakappati, tāni dassento āha –
4. ‘‘нид̇хи ваа таанаа жавад̇и, сан̃н̃аа ваасса вимуяхад̇и.
4. ‘‘Nidhi vā ṭhānā cavati, saññā vāssa vimuyhati.
нааг̇аа ваа абанаамзнд̇и, яасмаа вааби харанд̇и нам̣.
Nāgā vā apanāmenti, yasmā vāpi haranti naṃ.
5. ‘‘аббияаа вааби д̣̇ааяаад̣̇аа, уд̣̇д̇харанд̇и абассад̇о’’д̇и.
5. ‘‘Appiyā vāpi dāyādā, uddharanti apassato’’ti.
д̇ассад̇т̇о – яасмим̣ таанз сунихид̇о ход̇и нид̇хи, со ваа нид̇хи д̇амхаа таанаа жавад̇и абзд̇и виг̇ажчад̇и, ажзд̇аноби самаано бун̃н̃агкаяавасзна ан̃н̃ам̣ таанам̣ г̇ажчад̇и. сан̃н̃аа ваа асса вимуяхад̇и, яасмим̣ таанз нихид̇о нид̇хи, д̇ам̣ на ж̇аанаад̇и, асса бун̃н̃агкаяажод̣̇ид̇аа нааг̇аа ваа д̇ам̣ нид̇хим̣ абанаамзнд̇и ан̃н̃ам̣ таанам̣ г̇амзнд̇и. яагкаа вааби харанд̇и язнижчагам̣ аад̣̇ааяа г̇ажчанд̇и. абассад̇о ваа асса аббияаа ваа д̣̇ааяаад̣̇аа бхуумим̣ кан̣ид̇ваа д̇ам̣ нид̇хим̣ уд̣̇д̇харанд̇и. звамасса зд̇зхи таанаа жаванаад̣̇ийхи гааран̣зхи со нид̇хи на убагаббад̇ийд̇и.
Tassattho – yasmiṃ ṭhāne sunihito hoti nidhi, so vā nidhi tamhā ṭhānā cavati apeti vigacchati, acetanopi samāno puññakkhayavasena aññaṃ ṭhānaṃ gacchati. Saññā vā assa vimuyhati, yasmiṃ ṭhāne nihito nidhi, taṃ na jānāti, assa puññakkhayacoditā nāgā vā taṃ nidhiṃ apanāmenti aññaṃ ṭhānaṃ gamenti. Yakkhā vāpi haranti yenicchakaṃ ādāya gacchanti. Apassato vā assa appiyā vā dāyādā bhūmiṃ khaṇitvā taṃ nidhiṃ uddharanti. Evamassa etehi ṭhānā cavanādīhi kāraṇehi so nidhi na upakappatīti.
звам̣ таанаа жаванаад̣̇ийни логасаммад̇аани анубагаббанагааран̣аани вад̇ваа ид̣̇аани яам̣ д̇ам̣ зд̇зсамби гааран̣аанам̣ муулабхууд̇ам̣ зган̃н̃зва бун̃н̃агкаяасан̃н̃ид̇ам̣ гааран̣ам̣, д̇ам̣ д̣̇ассзнд̇о ааха –
Evaṃ ṭhānā cavanādīni lokasammatāni anupakappanakāraṇāni vatvā idāni yaṃ taṃ etesampi kāraṇānaṃ mūlabhūtaṃ ekaññeva puññakkhayasaññitaṃ kāraṇaṃ, taṃ dassento āha –
‘‘яад̣̇аа бун̃н̃агкаяо ход̇и, саб̣б̣амзд̇ам̣ винассад̇ий’’д̇и.
‘‘Yadā puññakkhayo hoti, sabbametaṃ vinassatī’’ti.
д̇ассад̇т̇о – яасмим̣ самаяз бхог̇асамбад̇д̇инибпаад̣̇агасса бун̃н̃асса каяо ход̇и, бхог̇абаариж̇ун̃н̃асам̣вад̇д̇анигамабун̃н̃амогаасам̣ гад̇ваа тид̇ам̣ ход̇и, ат̇а яам̣ нид̇хим̣ нид̇хзнд̇зна нихид̇ам̣ хиран̃н̃асуван̣н̣аад̣̇ид̇ханаж̇аад̇ам̣, саб̣б̣амзд̇ам̣ винассад̇ийд̇и.
Tassattho – yasmiṃ samaye bhogasampattinipphādakassa puññassa khayo hoti, bhogapārijuññasaṃvattanikamapuññamokāsaṃ katvā ṭhitaṃ hoti, atha yaṃ nidhiṃ nidhentena nihitaṃ hiraññasuvaṇṇādidhanajātaṃ, sabbametaṃ vinassatīti.
чадтаг̇аат̇ааван̣н̣анаа
Chaṭṭhagāthāvaṇṇanā
звам̣ бхаг̇аваа д̇зна д̇зна ад̇хиббааязна нихид̇амби яат̇аад̇хиббааяам̣ анубагаббанд̇ам̣ наанаббагаарзхи нассанад̇хаммам̣ логасаммад̇ам̣ нид̇хим̣ вад̇ваа ид̣̇аани яам̣ бун̃н̃асамбад̣̇ам̣ барамад̇т̇ад̇о нид̇хийд̇и д̣̇ассзд̇ум̣ д̇асса гудумб̣игасса анумод̣̇анад̇т̇амид̣̇ам̣ нид̇хиган̣д̣амаарад̣̇д̇хам̣, д̇ам̣ д̣̇ассзнд̇о ааха –
Evaṃ bhagavā tena tena adhippāyena nihitampi yathādhippāyaṃ anupakappantaṃ nānappakārehi nassanadhammaṃ lokasammataṃ nidhiṃ vatvā idāni yaṃ puññasampadaṃ paramatthato nidhīti dassetuṃ tassa kuṭumbikassa anumodanatthamidaṃ nidhikaṇḍamāraddhaṃ, taṃ dassento āha –
6. ‘‘яасса д̣̇аанзна сийлзна, сам̣яамзна д̣̇амзна жа.
6. ‘‘Yassa dānena sīlena, saṃyamena damena ca.
нид̇хий сунихид̇о ход̇и, ид̇т̇ияаа бурисасса ваа’’д̇и.
Nidhī sunihito hoti, itthiyā purisassa vā’’ti.
д̇ад̇т̇а д̣̇аананд̇и ‘‘д̣̇аанан̃жа д̇хаммажарияаа жаа’’д̇и зд̇т̇а вуд̇д̇анаязнзва г̇ахзд̇аб̣б̣ам̣. сийланд̇и гааяигаваажасиго авийд̇иггамо. бан̃жан̇г̇ад̣̇асан̇г̇абаад̇имогкасам̣вараад̣̇и ваа саб̣б̣амби сийлам̣ ид̇ха сийланд̇и ад̇хиббзд̇ам̣. сам̣яамод̇и сам̣яаманам̣ сам̣яамо, жзд̇асо наанаарамман̣аг̇ад̇инивааран̣анд̇и вуд̇д̇ам̣ ход̇и, самаад̇хиссзд̇ам̣ ад̇хиважанам̣. язна сам̣яамзна саманнааг̇ад̇о ‘‘хад̇т̇асам̣яад̇о, баад̣̇асам̣яад̇о, ваажаасам̣яад̇о, сам̣яад̇уд̇д̇амо’’д̇и зд̇т̇а сам̣яад̇уд̇д̇амод̇и вуд̇д̇о. абарз ааху ‘‘сам̣яаманам̣ сам̣яамо, сам̣варан̣анд̇и вуд̇д̇ам̣ ход̇и, инд̣̇рияасам̣варассзд̇ам̣ ад̇хиважана’’нд̇и. д̣̇амод̇и д̣̇аманам̣, гилзсуубасамананд̇и вуд̇д̇ам̣ ход̇и, бан̃н̃ааязд̇ам̣ ад̇хиважанам̣. бан̃н̃аа хи гад̇т̇ажи бан̃н̃аад̇взва вужжад̇и ‘‘суссуусаа лабхад̇з бан̃н̃а’’нд̇и звамаад̣̇ийсу (сам̣. ни. 1.246; су. ни. 188). гад̇т̇ажи д̇хаммод̇и ‘‘сажжам̣ д̇хаммо д̇хид̇и жааг̇о’’д̇и звамаад̣̇ийсу. гад̇т̇ажи д̣̇амод̇и ‘‘яад̣̇и сажжаа д̣̇амаа жааг̇аа, канд̇яаа бхияяо на виж̇ж̇ад̇ий’’д̇иаад̣̇ийсу.
Tatthadānanti ‘‘dānañca dhammacariyā cā’’ti ettha vuttanayeneva gahetabbaṃ. Sīlanti kāyikavācasiko avītikkamo. Pañcaṅgadasaṅgapātimokkhasaṃvarādi vā sabbampi sīlaṃ idha sīlanti adhippetaṃ. Saṃyamoti saṃyamanaṃ saṃyamo, cetaso nānārammaṇagatinivāraṇanti vuttaṃ hoti, samādhissetaṃ adhivacanaṃ. Yena saṃyamena samannāgato ‘‘hatthasaṃyato, pādasaṃyato, vācāsaṃyato, saṃyatuttamo’’ti ettha saṃyatuttamoti vutto. Apare āhu ‘‘saṃyamanaṃ saṃyamo, saṃvaraṇanti vuttaṃ hoti, indriyasaṃvarassetaṃ adhivacana’’nti. Damoti damanaṃ, kilesūpasamananti vuttaṃ hoti, paññāyetaṃ adhivacanaṃ. Paññā hi katthaci paññātveva vuccati ‘‘sussūsā labhate pañña’’nti evamādīsu (saṃ. ni. 1.246; su. ni. 188). Katthaci dhammoti ‘‘saccaṃ dhammo dhiti cāgo’’ti evamādīsu. Katthaci damoti ‘‘yadi saccā damā cāgā, khantyā bhiyyo na vijjatī’’tiādīsu.
звам̣ д̣̇аанаад̣̇ийни н̃ад̇ваа ид̣̇аани звам̣ имиссаа г̇аат̇ааяа самбин̣д̣зд̇ваа ад̇т̇о взд̣̇ид̇аб̣б̣о – яасса ид̇т̇ияаа ваа бурисасса ваа д̣̇аанзна сийлзна сам̣яамзна д̣̇амзна жаад̇и имзхи жад̇уухи д̇хаммзхи яат̇аа хиран̃н̃зна суван̣н̣зна муд̇д̇ааяа ман̣инаа ваа д̇ханамаяо нид̇хи д̇зсам̣ суван̣н̣аад̣̇ийнам̣ згад̇т̇а багкибанзна нид̇хийяад̇и, звам̣ бун̃н̃амаяо нид̇хи д̇зсам̣ д̣̇аанаад̣̇ийнам̣ згажид̇д̇асанд̇аанз жзд̇ияаад̣̇имхи ваа вад̇т̇умхи судту гаран̣зна сунихид̇о ход̇ийд̇и.
Evaṃ dānādīni ñatvā idāni evaṃ imissā gāthāya sampiṇḍetvā attho veditabbo – yassa itthiyā vā purisassa vā dānena sīlena saṃyamena damena cāti imehi catūhi dhammehi yathā hiraññena suvaṇṇena muttāya maṇinā vā dhanamayo nidhi tesaṃ suvaṇṇādīnaṃ ekattha pakkhipanena nidhīyati, evaṃ puññamayo nidhi tesaṃ dānādīnaṃ ekacittasantāne cetiyādimhi vā vatthumhi suṭṭhu karaṇena sunihito hotīti.
сад̇д̇амаг̇аат̇ааван̣н̣анаа
Sattamagāthāvaṇṇanā
звам̣ бхаг̇аваа ‘‘яасса д̣̇аанзнаа’’д̇и имааяа г̇аат̇ааяа бун̃н̃асамбад̣̇ааяа барамад̇т̇ад̇о нид̇хибхаавам̣ д̣̇ассзд̇ваа ид̣̇аани яад̇т̇а нихид̇о, со нид̇хи сунихид̇о ход̇и, д̇ам̣ вад̇т̇ум̣ д̣̇ассзнд̇о ааха –
Evaṃ bhagavā ‘‘yassa dānenā’’ti imāya gāthāya puññasampadāya paramatthato nidhibhāvaṃ dassetvā idāni yattha nihito, so nidhi sunihito hoti, taṃ vatthuṃ dassento āha –
7. ‘‘жзд̇ияамхи жа сан̇гхз ваа, буг̇г̇алз ад̇ит̇ийсу ваа.
7. ‘‘Cetiyamhi ca saṅghe vā, puggale atithīsu vā.
маад̇ари бид̇ари жааби, ат̇о ж̇здтамхи бхаад̇арий’’д̇и.
Mātari pitari cāpi, atho jeṭṭhamhi bhātarī’’ti.
д̇ад̇т̇а жаяид̇аб̣б̣анд̇и жзд̇ияам̣, бууж̇зд̇аб̣б̣анд̇и вуд̇д̇ам̣ ход̇и, жид̇ад̇д̇аа ваа жзд̇ияам̣. д̇ам̣ банзд̇ам̣ жзд̇ияам̣ д̇ивид̇хам̣ ход̇и барибхог̇ажзд̇ияам̣ , уд̣̇д̣̇иссагажзд̇ияам̣, д̇хаад̇угажзд̇ияанд̇и. д̇ад̇т̇а б̣од̇хиругко барибхог̇ажзд̇ияам̣, б̣уд̣̇д̇хабадимаа уд̣̇д̣̇иссагажзд̇ияам̣, д̇хаад̇уг̇аб̣бхат̇уубаа сад̇хаад̇угаа д̇хаад̇угажзд̇ияам̣. сан̇гход̇и б̣уд̣̇д̇хаббамукаад̣̇ийсу яо гожи. буг̇г̇алод̇и г̇ахадтабаб̣б̣аж̇ид̇зсу яо гожи. над̇т̇и асса д̇ит̇и, яамхи ваа д̇амхи д̣̇ивасз ааг̇ажчад̇ийд̇и ад̇ит̇и. д̇ан̇кан̣з ааг̇ад̇абаахунагассзд̇ам̣ ад̇хиважанам̣. сзсам̣ вуд̇д̇анаяамзва.
Tattha cayitabbanti cetiyaṃ, pūjetabbanti vuttaṃ hoti, citattā vā cetiyaṃ. Taṃ panetaṃ cetiyaṃ tividhaṃ hoti paribhogacetiyaṃ , uddissakacetiyaṃ, dhātukacetiyanti. Tattha bodhirukkho paribhogacetiyaṃ, buddhapaṭimā uddissakacetiyaṃ, dhātugabbhathūpā sadhātukā dhātukacetiyaṃ. Saṅghoti buddhappamukhādīsu yo koci. Puggaloti gahaṭṭhapabbajitesu yo koci. Natthi assa tithi, yamhi vā tamhi divase āgacchatīti atithi. Taṅkhaṇe āgatapāhunakassetaṃ adhivacanaṃ. Sesaṃ vuttanayameva.
звам̣ жзд̇ияаад̣̇ийни н̃ад̇ваа ид̣̇аани звам̣ имиссаа г̇аат̇ааяа самбин̣д̣зд̇ваа ад̇т̇о взд̣̇ид̇аб̣б̣о – яо со нид̇хи ‘‘сунихид̇о ход̇ий’’д̇и вуд̇д̇о, со имзсу вад̇т̇уусу сунихид̇о ход̇и. гасмаа? д̣̇ийгхарад̇д̇ам̣ идтапалаануббад̣̇аанасамад̇т̇ад̇ааяа. д̇ат̇аа хи аббагамби жзд̇ияамхи д̣̇ад̇ваа д̣̇ийгхарад̇д̇ам̣ идтапалалаабхино хонд̇и. яат̇ааха –
Evaṃ cetiyādīni ñatvā idāni evaṃ imissā gāthāya sampiṇḍetvā attho veditabbo – yo so nidhi ‘‘sunihito hotī’’ti vutto, so imesu vatthūsu sunihito hoti. Kasmā? Dīgharattaṃ iṭṭhaphalānuppadānasamatthatāya. Tathā hi appakampi cetiyamhi datvā dīgharattaṃ iṭṭhaphalalābhino honti. Yathāha –
‘‘згабубпам̣ яаж̇ид̇ваана, асийд̇игаббагодияо;
‘‘Ekapupphaṃ yajitvāna, asītikappakoṭiyo;
д̣̇уг̇г̇ад̇им̣ наабхиж̇аанаами, бубпад̣̇аанассид̣̇ам̣ пала’’нд̇и жа.
Duggatiṃ nābhijānāmi, pupphadānassidaṃ phala’’nti ca.
‘‘мад̇д̇аасукабарижжааг̇аа, бассз жз вибулам̣ сука’’нд̇и жа. (д̇ха. ба. 290);
‘‘Mattāsukhapariccāgā, passe ce vipulaṃ sukha’’nti ca. (dha. pa. 290);
звам̣ д̣̇агкин̣аависуд̣̇д̇хивзлаамасуд̇д̇аад̣̇ийсу вуд̇д̇анаязна сан̇гхаад̣̇ивад̇т̇уусуби д̣̇аанапалавибхааг̇о взд̣̇ид̇аб̣б̣о. яат̇аа жа жзд̇ияаад̣̇ийсу д̣̇аанасса бавад̇д̇и палавибхууд̇и жа д̣̇ассид̇аа, звам̣ яат̇ааяог̇ам̣ саб̣б̣ад̇т̇а д̇ам̣ д̇ам̣ аарабхид̇ваа жаарид̇д̇аваарид̇д̇авасзна сийласса, б̣уд̣̇д̇хаануссад̇ивасзна сам̣яамасса, д̇аб̣б̣ад̇т̇угавибассанааманасигаарабажжавзгкан̣авасзна д̣̇амасса жа бавад̇д̇и д̇асса д̇асса палавибхууд̇и жа взд̣̇ид̇аб̣б̣аа.
Evaṃ dakkhiṇāvisuddhivelāmasuttādīsu vuttanayena saṅghādivatthūsupi dānaphalavibhāgo veditabbo. Yathā ca cetiyādīsu dānassa pavatti phalavibhūti ca dassitā, evaṃ yathāyogaṃ sabbattha taṃ taṃ ārabhitvā cārittavārittavasena sīlassa, buddhānussativasena saṃyamassa, tabbatthukavipassanāmanasikārapaccavekkhaṇavasena damassa ca pavatti tassa tassa phalavibhūti ca veditabbā.
адтамаг̇аат̇ааван̣н̣анаа
Aṭṭhamagāthāvaṇṇanā
звам̣ бхаг̇аваа д̣̇аанаад̣̇ийхи нид̇хийяамаанасса бун̃н̃амаяанид̇хино жзд̇ияаад̣̇ибхзд̣̇ам̣ вад̇т̇ум̣ д̣̇ассзд̇ваа ид̣̇аани зд̇зсу вад̇т̇уусу сунихид̇асса д̇асса нид̇хино г̇амбхийрз од̣̇аганд̇игз нихид̇анид̇хид̇о висзсам̣ д̣̇ассзнд̇о ааха –
Evaṃ bhagavā dānādīhi nidhīyamānassa puññamayanidhino cetiyādibhedaṃ vatthuṃ dassetvā idāni etesu vatthūsu sunihitassa tassa nidhino gambhīre odakantike nihitanidhito visesaṃ dassento āha –
8. ‘‘зсо нид̇хи сунихид̇о, аж̇зяяо ануг̇аамиго.
8. ‘‘Eso nidhi sunihito, ajeyyo anugāmiko.
бахааяа г̇аманийязсу, зд̇ам̣ аад̣̇ааяа г̇ажчад̇ий’’д̇и.
Pahāya gamanīyesu, etaṃ ādāya gacchatī’’ti.
д̇ад̇т̇а буб̣б̣абад̣̇зна д̇ам̣ д̣̇аанаад̣̇ийхи сунихид̇анид̇хим̣ нид̣̇д̣̇исад̇и ‘‘зсо нид̇хи сунихид̇о’’д̇и. аж̇зяяод̇и барзхи ж̇зд̇ваа г̇ахзд̇ум̣ на саггаа, ажжзяяод̇иби баато, д̇асса ажжид̇аб̣б̣о ажжанаарахо хид̇асукад̇т̇игзна убажид̇аб̣б̣од̇и ад̇т̇о. зд̇асмин̃жа баатз зсо нид̇хи ажжзяяод̇и самб̣анд̇хид̇ваа буна ‘‘гасмаа’’д̇и ануяог̇ам̣ д̣̇ассзд̇ваа ‘‘яасмаа сунихид̇о ануг̇аамиго’’д̇и самб̣анд̇хид̇аб̣б̣ам̣. ид̇арат̇аа хи сунихид̇асса ажжзяяад̇д̇ам̣ вуд̇д̇ам̣ бхавзяяа, на жа сунихид̇о ажжанийяо. ажжид̇о зва хи сод̇и. ануг̇ажчад̇ийд̇и ануг̇аамиго, баралогам̣ г̇ажчанд̇амби д̇ад̇т̇а д̇ад̇т̇а палад̣̇аанзна на виж̇ахад̇ийд̇и ад̇т̇о.
Tattha pubbapadena taṃ dānādīhi sunihitanidhiṃ niddisati ‘‘eso nidhi sunihito’’ti. Ajeyyoti parehi jetvā gahetuṃ na sakkā, acceyyotipi pāṭho, tassa accitabbo accanāraho hitasukhatthikena upacitabboti attho. Etasmiñca pāṭhe eso nidhi acceyyoti sambandhitvā puna ‘‘kasmā’’ti anuyogaṃ dassetvā ‘‘yasmā sunihito anugāmiko’’ti sambandhitabbaṃ. Itarathā hi sunihitassa acceyyattaṃ vuttaṃ bhaveyya, na ca sunihito accanīyo. Accito eva hi soti. Anugacchatīti anugāmiko, paralokaṃ gacchantampi tattha tattha phaladānena na vijahatīti attho.
бахааяа г̇аманийязсу зд̇ам̣ аад̣̇ааяа г̇ажчад̇ийд̇и маран̣агаалз бажжубадтид̇з саб̣б̣абхог̇зсу бахааяа г̇аманийязсу зд̇ам̣ нид̇хим̣ аад̣̇ааяа баралогам̣ г̇ажчад̇ийд̇и аяам̣ гира зд̇асса ад̇т̇о. со бана на яуж̇ж̇ад̇и. гасмаа? бхог̇аанам̣ аг̇аманийяад̇о. бахаад̇аб̣б̣аа зва хи д̇з д̇з бхог̇аа, на г̇аманийяаа, г̇аманийяаа бана д̇з д̇з г̇ад̇ивисзсаа. яад̇о яад̣̇и зса ад̇т̇о сияаа, бахааяа бхог̇з г̇аманийязсу г̇ад̇ивисзсзсу ид̇и вад̣̇зяяа. д̇асмаа звамзд̇т̇а ад̇т̇о взд̣̇ид̇аб̣б̣о – ‘‘нид̇хи ваа таанаа жавад̇ий’’д̇и звамаад̣̇инаа багаарзна бахааяа мажжам̣ бхог̇зсу г̇ажчанд̇зсу зд̇ам̣ аад̣̇ааяа г̇ажчад̇ийд̇и. зсо хи ануг̇аамигад̇д̇аа д̇ам̣ наббаж̇ахад̇ийд̇и.
Pahāyagamanīyesu etaṃ ādāya gacchatīti maraṇakāle paccupaṭṭhite sabbabhogesu pahāya gamanīyesu etaṃ nidhiṃ ādāya paralokaṃ gacchatīti ayaṃ kira etassa attho. So pana na yujjati. Kasmā? Bhogānaṃ agamanīyato. Pahātabbā eva hi te te bhogā, na gamanīyā, gamanīyā pana te te gativisesā. Yato yadi esa attho siyā, pahāya bhoge gamanīyesu gativisesesu iti vadeyya. Tasmā evamettha attho veditabbo – ‘‘nidhi vā ṭhānā cavatī’’ti evamādinā pakārena pahāya maccaṃ bhogesu gacchantesu etaṃ ādāya gacchatīti. Eso hi anugāmikattā taṃ nappajahatīti.
д̇ад̇т̇а сияаа ‘‘г̇аманийязсууд̇и зд̇т̇а г̇анд̇аб̣б̣зсууд̇и ад̇т̇о, на г̇ажчанд̇зсуу’’д̇и. д̇ам̣ на згам̣сад̇о г̇ахзд̇аб̣б̣ам̣. яат̇аа хи ‘‘арияаа нияяаанигаа’’д̇и (д̣̇ий. ни. 2.141) зд̇т̇а нияяанд̇аад̇и ад̇т̇о, на нияяаад̇аб̣б̣аад̇и, звамид̇хааби г̇ажчанд̇зсууд̇и ад̇т̇о, на г̇анд̇аб̣б̣зсууд̇и.
Tattha siyā ‘‘gamanīyesūti ettha gantabbesūti attho, na gacchantesū’’ti. Taṃ na ekaṃsato gahetabbaṃ. Yathā hi ‘‘ariyā niyyānikā’’ti (dī. ni. 2.141) ettha niyyantāti attho, na niyyātabbāti, evamidhāpi gacchantesūti attho, na gantabbesūti.
ат̇а ваа яасмаа зса маран̣агаалз гассажи д̣̇аад̇угаамо бхог̇з аамасид̇умби на лабхад̇и, д̇асмаа д̇зна д̇з бхог̇аа буб̣б̣ам̣ гааязна бахаад̇аб̣б̣аа, бажчаа вихад̇аасзна жзд̇асаа г̇анд̇аб̣б̣аа, ад̇иггамид̇аб̣б̣аад̇и вуд̇д̇ам̣ ход̇и. д̇асмаа буб̣б̣ам̣ гааязна бахааяа бажчаа жзд̇асаа г̇аманийязсу бхог̇зсууд̇и звамзд̇т̇а ад̇т̇о д̣̇адтаб̣б̣о. буримасмим̣ ад̇т̇з нид̣̇д̇хааран̣з бхуммаважанам̣, бахааяа г̇аманийязсу бхог̇зсу згамзвзд̇ам̣ бун̃н̃анид̇хивибхавам̣ д̇ад̇о нийхарид̇ваа аад̣̇ааяа г̇ажчад̇ийд̇и. бажчимз ад̇т̇з бхаавзнабхаавалагкан̣з бхуммаважанам̣. бхог̇аанан̃хи г̇аманийяабхаавзна зд̇асса нид̇хисса аад̣̇ааяа г̇аманийяабхааво лагкийяад̇ийд̇и.
Atha vā yasmā esa maraṇakāle kassaci dātukāmo bhoge āmasitumpi na labhati, tasmā tena te bhogā pubbaṃ kāyena pahātabbā, pacchā vihatāsena cetasā gantabbā, atikkamitabbāti vuttaṃ hoti. Tasmā pubbaṃ kāyena pahāya pacchā cetasā gamanīyesu bhogesūti evamettha attho daṭṭhabbo. Purimasmiṃ atthe niddhāraṇe bhummavacanaṃ, pahāya gamanīyesu bhogesu ekamevetaṃ puññanidhivibhavaṃ tato nīharitvā ādāya gacchatīti. Pacchime atthe bhāvenabhāvalakkhaṇe bhummavacanaṃ. Bhogānañhi gamanīyabhāvena etassa nidhissa ādāya gamanīyabhāvo lakkhīyatīti.
навамаг̇аат̇ааван̣н̣анаа
Navamagāthāvaṇṇanā
звам̣ бхаг̇аваа имасса бун̃н̃анид̇хино г̇амбхийрз од̣̇аганд̇игз нихид̇анид̇хид̇о висзсам̣ д̣̇ассзд̇ваа буна ад̇д̇ано бхан̣д̣аг̇ун̣асам̣ван̣н̣анзна гаяаж̇анасса уссаахам̣ ж̇анзнд̇о ул̣аарабхан̣д̣аваан̣иж̇о вияа ад̇д̇анаа д̣̇зсид̇абун̃н̃анид̇хиг̇ун̣асам̣ван̣н̣анзна д̇асмим̣ бун̃н̃анид̇химхи д̣̇звамануссаанам̣ уссаахам̣ ж̇анзнд̇о ааха –
Evaṃ bhagavā imassa puññanidhino gambhīre odakantike nihitanidhito visesaṃ dassetvā puna attano bhaṇḍaguṇasaṃvaṇṇanena kayajanassa ussāhaṃ janento uḷārabhaṇḍavāṇijo viya attanā desitapuññanidhiguṇasaṃvaṇṇanena tasmiṃ puññanidhimhi devamanussānaṃ ussāhaṃ janento āha –
9. ‘‘асаад̇хааран̣аман̃н̃зсам̣, ажораахаран̣о нид̇хи.
9. ‘‘Asādhāraṇamaññesaṃ, acorāharaṇo nidhi.
гаяираат̇а д̇хийро бун̃н̃аани, яо нид̇хи ануг̇аамиго’’д̇и.
Kayirātha dhīro puññāni, yo nidhi anugāmiko’’ti.
д̇ад̇т̇а асаад̇хааран̣аман̃н̃зсанд̇и асаад̇хааран̣о ан̃н̃зсам̣, магааро бад̣̇асанд̇хигаро ‘‘ад̣̇угкамасукааяа взд̣̇анааяа самбаяуд̇д̇аа’’д̇иаад̣̇ийсу вияа. на жорзхи аахаран̣о ажораахаран̣о, жорзхи аад̣̇аад̇аб̣б̣о на ход̇ийд̇и ад̇т̇о. нид̇хаад̇аб̣б̣од̇и нид̇хи. звам̣ д̣̇вийхи бад̣̇зхи бун̃н̃анид̇хиг̇ун̣ам̣ сам̣ван̣н̣зд̇ваа д̇ад̇о д̣̇вийхи д̇ад̇т̇а уссаахам̣ ж̇анзд̇и ‘‘гаяираат̇а д̇хийро бун̃н̃аани, яо нид̇хи ануг̇аамиго’’д̇и. д̇ассад̇т̇о – яасмаа бун̃н̃аани наама асаад̇хааран̣о ан̃н̃зсам̣, ажораахаран̣о жа нид̇хи ход̇и. на гзвалан̃жа асаад̇хааран̣о ажораахаран̣о жа нид̇хи, ат̇а ко бана ‘‘зсо нид̇хи сунихид̇о, аж̇зяяо ануг̇аамиго’’д̇и зд̇т̇а вуд̇д̇о яо нид̇хи ануг̇аамиго. со жа яасмаа бун̃н̃ааниязва, д̇асмаа гаяираат̇а гарзяяа д̇хийро б̣уд̣̇д̇хисамбанно д̇хид̇исамбанно жа буг̇г̇ало бун̃н̃аанийд̇и.
Tattha asādhāraṇamaññesanti asādhāraṇo aññesaṃ, makāro padasandhikaro ‘‘adukkhamasukhāya vedanāya sampayuttā’’tiādīsu viya. Na corehi āharaṇo acorāharaṇo, corehi ādātabbo na hotīti attho. Nidhātabboti nidhi. Evaṃ dvīhi padehi puññanidhiguṇaṃ saṃvaṇṇetvā tato dvīhi tattha ussāhaṃ janeti ‘‘kayirātha dhīro puññāni, yo nidhi anugāmiko’’ti. Tassattho – yasmā puññāni nāma asādhāraṇo aññesaṃ, acorāharaṇo ca nidhi hoti. Na kevalañca asādhāraṇo acorāharaṇo ca nidhi, atha kho pana ‘‘eso nidhi sunihito, ajeyyo anugāmiko’’ti ettha vutto yo nidhi anugāmiko. So ca yasmā puññāniyeva, tasmā kayirātha kareyya dhīro buddhisampanno dhitisampanno ca puggalo puññānīti.
д̣̇асамаг̇аат̇ааван̣н̣анаа
Dasamagāthāvaṇṇanā
звам̣ бхаг̇аваа г̇ун̣асам̣ван̣н̣анзна бун̃н̃анид̇химхи д̣̇звамануссаанам̣ уссаахам̣ ж̇анзд̇ваа ид̣̇аани яз уссахид̇ваа бун̃н̃анид̇хигирияааяа самбаад̣̇знд̇и, д̇зсам̣ со яам̣ палам̣ д̣̇зд̇и, д̇ам̣ сан̇кзбад̇о д̣̇ассзнд̇о ааха –
Evaṃ bhagavā guṇasaṃvaṇṇanena puññanidhimhi devamanussānaṃ ussāhaṃ janetvā idāni ye ussahitvā puññanidhikiriyāya sampādenti, tesaṃ so yaṃ phalaṃ deti, taṃ saṅkhepato dassento āha –
10.
10.
‘‘зса д̣̇звамануссаанам̣, саб̣б̣агаамад̣̇ад̣̇о нид̇хий’’д̇и.
‘‘Esa devamanussānaṃ, sabbakāmadado nidhī’’ti.
ид̣̇аани яасмаа бад̇т̇анааяа бадиб̣анд̇хид̇асса саб̣б̣агаамад̣̇ад̣̇ад̇д̇ам̣, на винаа бад̇т̇анам̣ ход̇и. яат̇ааха –
Idāni yasmā patthanāya paṭibandhitassa sabbakāmadadattaṃ, na vinā patthanaṃ hoti. Yathāha –
‘‘ааган̇кзяяа жз г̇ахабад̇аяо д̇хаммажаарий самажаарий ‘ахо вад̇аахам̣ гааяасса бхзд̣̇аа барам̣ маран̣аа кад̇д̇ияамахаасаалаанам̣ сахаб̣яад̇ам̣ убабаж̇ж̇зяяа’нд̇и, таанам̣ ко банзд̇ам̣ виж̇ж̇ад̇и яам̣ со гааяасса бхзд̣̇аа барам̣ маран̣аа кад̇д̇ияамахаасаалаанам̣ сахаб̣яад̇ам̣ убабаж̇ж̇зяяа. д̇ам̣ гисса хзд̇у? д̇ат̇аа хи со д̇хаммажаарий самажаарий’’ (ма. ни. 1.442).
‘‘Ākaṅkheyya ce gahapatayo dhammacārī samacārī ‘aho vatāhaṃ kāyassa bhedā paraṃ maraṇā khattiyamahāsālānaṃ sahabyataṃ upapajjeyya’nti, ṭhānaṃ kho panetaṃ vijjati yaṃ so kāyassa bhedā paraṃ maraṇā khattiyamahāsālānaṃ sahabyataṃ upapajjeyya. Taṃ kissa hetu? Tathā hi so dhammacārī samacārī’’ (ma. ni. 1.442).
звам̣ ‘‘анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа. д̇ам̣ гисса хзд̇у? д̇ат̇аа хи со д̇хаммажаарий самажаарий’’д̇и (ма. ни. 1.442).
Evaṃ ‘‘anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyya. Taṃ kissa hetu? Tathā hi so dhammacārī samacārī’’ti (ma. ni. 1.442).
д̇ат̇аа жааха –
Tathā cāha –
‘‘ид̇ха, бхигкавз, бхигку сад̣̇д̇хааяа саманнааг̇ад̇о ход̇и, сийлзна, суд̇зна, жааг̇зна, бан̃н̃ааяа саманнааг̇ад̇о ход̇и, д̇асса звам̣ ход̇и ‘ахо вад̇аахам̣ гааяасса бхзд̣̇аа барам̣ маран̣аа кад̇д̇ияамахаасаалаанам̣ сахаб̣яад̇ам̣ убабаж̇ж̇зяяа’нд̇и. со д̇ам̣ жид̇д̇ам̣ бад̣̇ахад̇и, д̇ам̣ жид̇д̇ам̣ ад̇хидтаад̇и, д̇ам̣ жид̇д̇ам̣ бхаавзд̇и. д̇асса д̇з сан̇каараа жа вихаараа жа звам̣ бхаавид̇аа звам̣ б̣ахулийгад̇аа д̇ад̇руубабад̇д̇ияаа сам̣вад̇д̇анд̇ий’’д̇и (ма. ни. 3.161) звамаад̣̇и.
‘‘Idha, bhikkhave, bhikkhu saddhāya samannāgato hoti, sīlena, sutena, cāgena, paññāya samannāgato hoti, tassa evaṃ hoti ‘aho vatāhaṃ kāyassa bhedā paraṃ maraṇā khattiyamahāsālānaṃ sahabyataṃ upapajjeyya’nti. So taṃ cittaṃ padahati, taṃ cittaṃ adhiṭṭhāti, taṃ cittaṃ bhāveti. Tassa te saṅkhārā ca vihārā ca evaṃ bhāvitā evaṃ bahulīkatā tatrūpapattiyā saṃvattantī’’ti (ma. ni. 3.161) evamādi.
д̇асмаа д̇ам̣ д̇ат̇аа д̇ат̇аа ааган̇кабарияааяам̣ жид̇д̇абад̣̇аханаад̇хидтаанабхааванаабаригкаарам̣ бад̇т̇анам̣ д̇асса саб̣б̣агаамад̣̇ад̣̇ад̇д̇з хзд̇ум̣ д̣̇ассзнд̇о ааха –
Tasmā taṃ tathā tathā ākaṅkhapariyāyaṃ cittapadahanādhiṭṭhānabhāvanāparikkhāraṃ patthanaṃ tassa sabbakāmadadatte hetuṃ dassento āha –
‘‘яам̣ яад̣̇зваабхибад̇т̇знд̇и, саб̣б̣амзд̇зна лаб̣бхад̇ий’’д̇и.
‘‘Yaṃ yadevābhipatthenti, sabbametena labbhatī’’ti.
згаад̣̇асамаг̇аат̇ааван̣н̣анаа
Ekādasamagāthāvaṇṇanā
11. ид̣̇аани яам̣ д̇ам̣ саб̣б̣ам̣ зд̇зна лаб̣бхад̇и, д̇ам̣ од̇хисо од̇хисо д̣̇ассзнд̇о ‘‘суван̣н̣ад̇аа сусарад̇аа’’д̇и звамаад̣̇иг̇аат̇ааяо ааха.
11. Idāni yaṃ taṃ sabbaṃ etena labbhati, taṃ odhiso odhiso dassento ‘‘suvaṇṇatā susaratā’’ti evamādigāthāyo āha.
д̇ад̇т̇а батамаг̇аат̇ааяа д̇аава суван̣н̣ад̇аа наама сунд̣̇аражчавиван̣н̣ад̇аа ган̃жанасаннибхад̇д̇ажад̇аа, сааби зд̇зна бун̃н̃анид̇хинаа лаб̣бхад̇и. яат̇ааха –
Tattha paṭhamagāthāya tāva suvaṇṇatā nāma sundaracchavivaṇṇatā kañcanasannibhattacatā, sāpi etena puññanidhinā labbhati. Yathāha –
‘‘яамби, бхигкавз, д̇ат̇ааг̇ад̇о буримам̣ ж̇аад̇им̣…бз… буб̣б̣з мануссабхууд̇о самаано аггод̇хано ахоси анубааяаасаб̣ахуло, б̣ахумби вуд̇д̇о самаано наабхисаж̇ж̇и на губби на б̣яаабаж̇ж̇и на бад̇ид̇т̇ийяи, на гобан̃жа д̣̇осан̃жа аббажжаяан̃жа баад̇ваагааси, д̣̇аад̇аа жа ахоси сукумаанам̣ муд̣̇угаанам̣ ад̇т̇аран̣аанам̣ баавуран̣аанам̣ комасукумаанам̣ габбаасига…бз… госзяяа…бз… гамб̣аласукумаанам̣. со д̇асса гаммасса гад̇ад̇д̇аа убажид̇ад̇д̇аа…бз… ид̇т̇ад̇д̇ам̣ ааг̇ад̇о самаано имам̣ махаабурисалагкан̣ам̣ бадилабхад̇и. суван̣н̣аван̣н̣о ход̇и ган̃жанасаннибхад̇д̇ажо’’д̇и (д̣̇ий. ни. 3.218).
‘‘Yampi, bhikkhave, tathāgato purimaṃ jātiṃ…pe… pubbe manussabhūto samāno akkodhano ahosi anupāyāsabahulo, bahumpi vutto samāno nābhisajji na kuppi na byāpajji na patitthīyi, na kopañca dosañca appaccayañca pātvākāsi, dātā ca ahosi sukhumānaṃ mudukānaṃ attharaṇānaṃ pāvuraṇānaṃ khomasukhumānaṃ kappāsika…pe… koseyya…pe… kambalasukhumānaṃ. So tassa kammassa katattā upacitattā…pe… itthattaṃ āgato samāno imaṃ mahāpurisalakkhaṇaṃ paṭilabhati. Suvaṇṇavaṇṇo hoti kañcanasannibhattaco’’ti (dī. ni. 3.218).
сусарад̇аа наама б̣рахмассарад̇аа гаравийгабхаан̣ид̇аа, сааби зд̇зна лаб̣бхад̇и. яат̇ааха –
Susaratā nāma brahmassaratā karavīkabhāṇitā, sāpi etena labbhati. Yathāha –
‘‘яамби , бхигкавз, д̇ат̇ааг̇ад̇о буримам̣ ж̇аад̇им̣…бз… парусам̣ ваажам̣ бахааяа парусааяа ваажааяа бадивирад̇о ахоси, яаа саа ваажаа нзлаа ган̣н̣асукаа…бз… д̇ат̇ааруубим̣ ваажам̣ бхаасид̇аа ахоси. со д̇асса гаммасса гад̇ад̇д̇аа убажид̇ад̇д̇аа…бз… ид̇т̇ад̇д̇ам̣ ааг̇ад̇о самаано имаани д̣̇вз махаабурисалагкан̣аани бадилабхад̇и. бахуд̇аж̇ивхо жа ход̇и б̣рахмассаро жа гаравийгабхаан̣ий’’д̇и (д̣̇ий. ни. 3.236).
‘‘Yampi , bhikkhave, tathāgato purimaṃ jātiṃ…pe… pharusaṃ vācaṃ pahāya pharusāya vācāya paṭivirato ahosi, yā sā vācā nelā kaṇṇasukhā…pe… tathārūpiṃ vācaṃ bhāsitā ahosi. So tassa kammassa katattā upacitattā…pe… itthattaṃ āgato samāno imāni dve mahāpurisalakkhaṇāni paṭilabhati. Pahutajivho ca hoti brahmassaro ca karavīkabhāṇī’’ti (dī. ni. 3.236).
сусан̣таанаад̇и судту сан̣таанад̇аа, самажид̇аваддид̇аяуд̇д̇адтаанзсу ан̇г̇абажжан̇г̇аанам̣ самажид̇аваддид̇абхаавзна саннивзсод̇и вуд̇д̇ам̣ ход̇и. сааби зд̇зна лаб̣бхад̇и. яат̇ааха –
Susaṇṭhānāti suṭṭhu saṇṭhānatā, samacitavaṭṭitayuttaṭṭhānesu aṅgapaccaṅgānaṃ samacitavaṭṭitabhāvena sannivesoti vuttaṃ hoti. Sāpi etena labbhati. Yathāha –
‘‘яамби, бхигкавз, д̇ат̇ааг̇ад̇о буримам̣ ж̇аад̇им̣…бз… буб̣б̣з мануссабхууд̇о самаано б̣ахуж̇анасса ад̇т̇агаамо ахоси хид̇агаамо паасугаамо яог̇агкзмагаамо ‘гинд̇и мз сад̣̇д̇хааяа вад̣дхзяяум̣, сийлзна суд̇зна жааг̇зна бан̃н̃ааяа д̇ханад̇хан̃н̃зна кзд̇д̇авад̇т̇унаа д̣̇вибад̣̇ажад̇уббад̣̇зхи буд̇д̇ад̣̇аарзхи д̣̇аасагаммагараборисзхи н̃аад̇ийхи мид̇д̇зхи б̣анд̇хавзхи вад̣дхзяяу’нд̇и, со д̇асса гаммасса…бз… самаано имаани д̇ийн̣и махаабурисалагкан̣аани бадилабхад̇и, сийхабуб̣б̣ад̣дхагааяо жа ход̇и жид̇анд̇арам̣со жа самаваддагканд̇хо жаа’’д̇и (д̣̇ий. ни. 3.224) звамаад̣̇и.
‘‘Yampi, bhikkhave, tathāgato purimaṃ jātiṃ…pe… pubbe manussabhūto samāno bahujanassa atthakāmo ahosi hitakāmo phāsukāmo yogakkhemakāmo ‘kinti me saddhāya vaḍḍheyyuṃ, sīlena sutena cāgena paññāya dhanadhaññena khettavatthunā dvipadacatuppadehi puttadārehi dāsakammakaraporisehi ñātīhi mittehi bandhavehi vaḍḍheyyu’nti, so tassa kammassa…pe… samāno imāni tīṇi mahāpurisalakkhaṇāni paṭilabhati, sīhapubbaḍḍhakāyo ca hoti citantaraṃso ca samavaṭṭakkhandho cā’’ti (dī. ni. 3.224) evamādi.
иминаа наязна ид̇о барзсамби иминаа бун̃н̃анид̇хинаа бадилаабхасаад̇хагаани суд̇д̇абад̣̇аани д̇ад̇о д̇ад̇о аанзд̇ваа вад̇д̇аб̣б̣аани. ад̇ивид̇т̇аарабхаязна д̇у сам̣кид̇д̇ам̣, ид̣̇аани авасзсабад̣̇аанам̣ ван̣н̣анам̣ гариссаами.
Iminā nayena ito paresampi iminā puññanidhinā paṭilābhasādhakāni suttapadāni tato tato ānetvā vattabbāni. Ativitthārabhayena tu saṃkhittaṃ, idāni avasesapadānaṃ vaṇṇanaṃ karissāmi.
суруубад̇аад̇и зд̇т̇а сагаласарийрам̣ руубанд̇и взд̣̇ид̇аб̣б̣ам̣ ‘‘аагаасо бариваарид̇о руубам̣д̇взва сан̇кам̣ г̇ажчад̇ий’’д̇иаад̣̇ийсу (ма. ни. 1.306) вияа, д̇асса руубасса сунд̣̇арад̇аа суруубад̇аа наад̇ид̣̇ийгхад̇аа наад̇ирассад̇аа наад̇игисад̇аа наад̇ит̇уулад̇аа наад̇игаал̣ад̇аа нажжод̣̇аад̇ад̇аад̇и вуд̇д̇ам̣ ход̇и. аад̇хибажжанд̇и ад̇хибад̇ибхааво, кад̇д̇ияамахаасаалаад̣̇ибхаавзна саамигабхаавод̇и ад̇т̇о. бариваарод̇и аг̇ааригаанам̣ саж̇анабариж̇анасамбад̇д̇и, анаг̇ааригаанам̣ барисасамбад̇д̇и, аад̇хибажжан̃жа баривааро жа аад̇хибажжабаривааро. зд̇т̇а жа суван̣н̣ад̇аад̣̇ийхи сарийрасамбад̇д̇и, аад̇хибажжзна бхог̇асамбад̇д̇и, бариваарзна саж̇анабариж̇анасамбад̇д̇и вуд̇д̇аад̇и взд̣̇ид̇аб̣б̣аа. саб̣б̣амзд̇зна лаб̣бхад̇ийд̇и яам̣ д̇ам̣ ‘‘яам̣ яад̣̇зваабхибад̇т̇знд̇и, саб̣б̣амзд̇зна лаб̣бхад̇ий’’д̇и вуд̇д̇ам̣, д̇ад̇т̇а ид̣̇амби д̇аава батамам̣ од̇хисо вуд̇д̇асуван̣н̣ад̇аад̣̇и саб̣б̣амзд̇зна лаб̣бхад̇ийд̇и взд̣̇ид̇аб̣б̣анд̇и д̣̇ассзд̇и.
Surūpatāti ettha sakalasarīraṃ rūpanti veditabbaṃ ‘‘ākāso parivārito rūpaṃtveva saṅkhaṃ gacchatī’’tiādīsu (ma. ni. 1.306) viya, tassa rūpassa sundaratā surūpatā nātidīghatā nātirassatā nātikisatā nātithūlatā nātikāḷatā naccodātatāti vuttaṃ hoti. Ādhipaccanti adhipatibhāvo, khattiyamahāsālādibhāvena sāmikabhāvoti attho. Parivāroti agārikānaṃ sajanaparijanasampatti, anagārikānaṃ parisasampatti, ādhipaccañca parivāro ca ādhipaccaparivāro. Ettha ca suvaṇṇatādīhi sarīrasampatti, ādhipaccena bhogasampatti, parivārena sajanaparijanasampatti vuttāti veditabbā. Sabbametena labbhatīti yaṃ taṃ ‘‘yaṃ yadevābhipatthenti, sabbametena labbhatī’’ti vuttaṃ, tattha idampi tāva paṭhamaṃ odhiso vuttasuvaṇṇatādi sabbametena labbhatīti veditabbanti dasseti.
д̣̇ваад̣̇асамаг̇аат̇ааван̣н̣анаа
Dvādasamagāthāvaṇṇanā
12. звамимааяа г̇аат̇ааяа бун̃н̃аанубхаавзна лабхид̇аб̣б̣ам̣ раж̇ж̇асамбад̇д̇ид̇о орам̣ д̣̇звамануссасамбад̇д̇им̣ д̣̇ассзд̇ваа ид̣̇аани д̇ад̣̇убхаяараж̇ж̇асамбад̇д̇им̣ д̣̇ассзнд̇о ‘‘бад̣̇зсараж̇ж̇а’’нд̇и имам̣ г̇аат̇амааха.
12. Evamimāya gāthāya puññānubhāvena labhitabbaṃ rajjasampattito oraṃ devamanussasampattiṃ dassetvā idāni tadubhayarajjasampattiṃ dassento ‘‘padesarajja’’nti imaṃ gāthamāha.
д̇ад̇т̇а бад̣̇зсараж̇ж̇анд̇и згад̣̇ийбамби сагалам̣ абаабун̣ид̇ваа бат̇авияаа згамзгасмим̣ бад̣̇зсз раж̇ж̇ам̣. иссарабхааво иссарияам̣, иминаа д̣̇ийбажаггавад̇д̇ираж̇ж̇ам̣ д̣̇ассзд̇и. жаггавад̇д̇исукам̣ бияанд̇и идтам̣ ганд̇ам̣ манаабам̣ жаггавад̇д̇исукам̣. иминаа жаад̇уранд̇ажаггавад̇д̇ираж̇ж̇ам̣ д̣̇ассзд̇и. д̣̇звзсу раж̇ж̇ам̣ д̣̇звараж̇ж̇ам̣, зд̇зна манд̇хаад̇аад̣̇ийнамби мануссаанам̣ д̣̇звараж̇ж̇ам̣ д̣̇ассид̇ам̣ ход̇и. аби д̣̇иб̣б̣зсууд̇и иминаа яз д̇з д̣̇иви бхавад̇д̇аа ‘‘д̣̇иб̣б̣аа’’д̇и вужжанд̇и, д̇зсу д̣̇иб̣б̣зсу гааязсу уббаннаанамби д̣̇звараж̇ж̇ам̣ д̣̇ассзд̇и. саб̣б̣амзд̇зна лаб̣бхад̇ийд̇и яам̣ д̇ам̣ ‘‘яам̣ яад̣̇зваабхибад̇т̇знд̇и, саб̣б̣амзд̇зна лаб̣бхад̇ий’’д̇и вуд̇д̇ам̣, д̇ад̇т̇а ид̣̇амби д̣̇уд̇ияам̣ од̇хисо бад̣̇зсараж̇ж̇аад̣̇и саб̣б̣амзд̇зна лаб̣бхад̇ийд̇и взд̣̇ид̇аб̣б̣анд̇и д̣̇ассзд̇и.
Tattha padesarajjanti ekadīpampi sakalaṃ apāpuṇitvā pathaviyā ekamekasmiṃ padese rajjaṃ. Issarabhāvo issariyaṃ, iminā dīpacakkavattirajjaṃ dasseti. Cakkavattisukhaṃ piyanti iṭṭhaṃ kantaṃ manāpaṃ cakkavattisukhaṃ. Iminā cāturantacakkavattirajjaṃ dasseti. Devesu rajjaṃ devarajjaṃ, etena mandhātādīnampi manussānaṃ devarajjaṃ dassitaṃ hoti. Api dibbesūti iminā ye te divi bhavattā ‘‘dibbā’’ti vuccanti, tesu dibbesu kāyesu uppannānampi devarajjaṃ dasseti. Sabbametena labbhatīti yaṃ taṃ ‘‘yaṃ yadevābhipatthenti, sabbametena labbhatī’’ti vuttaṃ, tattha idampi dutiyaṃ odhiso padesarajjādi sabbametena labbhatīti veditabbanti dasseti.
д̇зрасамаг̇аат̇ааван̣н̣анаа
Terasamagāthāvaṇṇanā
13. звамимааяа г̇аат̇ааяа бун̃н̃аанубхаавзна лабхид̇аб̣б̣ам̣ д̣̇звамануссараж̇ж̇асамбад̇д̇им̣ д̣̇ассзд̇ваа ид̣̇аани д̣̇вийхи г̇аат̇аахи вуд̇д̇ам̣ самбад̇д̇им̣ самаасад̇о бурагкад̇ваа ниб̣б̣аанасамбад̇д̇им̣ д̣̇ассзнд̇о ‘‘маануссигаа жа самбад̇д̇ий’’д̇и имам̣ г̇аат̇амааха.
13. Evamimāya gāthāya puññānubhāvena labhitabbaṃ devamanussarajjasampattiṃ dassetvā idāni dvīhi gāthāhi vuttaṃ sampattiṃ samāsato purakkhatvā nibbānasampattiṃ dassento ‘‘mānussikā ca sampattī’’ti imaṃ gāthamāha.
д̇ассааяам̣ бад̣̇аван̣н̣анаа – мануссаанам̣ аяанд̇и маануссий, маануссий зва маануссигаа. самбаж̇ж̇анам̣ самбад̇д̇и. д̣̇зваанам̣ лого д̣̇звалого. д̇асмим̣ д̣̇звалогз. яаад̇и анавасзсабарияаад̣̇аанам̣, раманд̇и зд̇ааяа аж̇жхад̇д̇ам̣ уббаннааяа б̣ахид̣̇д̇хаа ваа убагаран̣абхууд̇ааяаад̇и рад̇и, сукасса сукавад̇т̇уно жзд̇ам̣ ад̇хиважанам̣. яаад̇и анияад̇аважанам̣ жасад̣̇д̣̇о буб̣б̣асамбад̇д̇ияаа саха самбин̣д̣анад̇т̇о. ниб̣б̣аанам̣язва ниб̣б̣аанасамбад̇д̇и.
Tassāyaṃ padavaṇṇanā – manussānaṃ ayanti mānussī, mānussī eva mānussikā. Sampajjanaṃ sampatti. Devānaṃ loko devaloko. Tasmiṃ devaloke. Yāti anavasesapariyādānaṃ, ramanti etāya ajjhattaṃ uppannāya bahiddhā vā upakaraṇabhūtāyāti rati, sukhassa sukhavatthuno cetaṃ adhivacanaṃ. Yāti aniyatavacanaṃ casaddo pubbasampattiyā saha sampiṇḍanattho. Nibbānaṃyeva nibbānasampatti.
аяам̣ бана ад̇т̇аван̣н̣анаа – яаа зсаа ‘‘суван̣н̣ад̇аа’’д̇иаад̣̇ийхи бад̣̇зхи маануссигаа жа самбад̇д̇и д̣̇звалогз жа яаа рад̇и вуд̇д̇аа, саа жа саб̣б̣аа, яаа жааяамабараа сад̣̇д̇хаанусаарибхааваад̣̇ивасзна бад̇д̇аб̣б̣аа ниб̣б̣аанасамбад̇д̇и, саа жаад̇и ид̣̇ам̣ д̇ад̇ияамби од̇хисо саб̣б̣амзд̇зна лаб̣бхад̇ийд̇и.
Ayaṃ pana atthavaṇṇanā – yā esā ‘‘suvaṇṇatā’’tiādīhi padehi mānussikā ca sampatti devaloke ca yā rati vuttā, sā ca sabbā, yā cāyamaparā saddhānusāribhāvādivasena pattabbā nibbānasampatti, sā cāti idaṃ tatiyampi odhiso sabbametena labbhatīti.
ат̇а ваа яаа буб̣б̣з суван̣н̣ад̇аад̣̇ийхи авуд̇д̇аа ‘‘суураа сад̇иманд̇о ид̇ха б̣рахмажарияаваасо’’д̇и звамаад̣̇инаа (а. ни. 9.21) наязна нид̣̇д̣̇идтаа бан̃н̃аавзяяад̇д̇ияаад̣̇ибхзд̣̇аа жа маануссигаа самбад̇д̇и, абараа д̣̇звалогз жа яаа жхаанаад̣̇ирад̇и, яаа жа яат̇аавуд̇д̇аббагаараа ниб̣б̣аанасамбад̇д̇и жаад̇и ид̣̇амби д̇ад̇ияам̣ од̇хисо саб̣б̣амзд̇зна лаб̣бхад̇ийд̇и. звамбзд̇т̇а ад̇т̇аван̣н̣анаа взд̣̇ид̇аб̣б̣аа.
Atha vā yā pubbe suvaṇṇatādīhi avuttā ‘‘sūrā satimanto idha brahmacariyavāso’’ti evamādinā (a. ni. 9.21) nayena niddiṭṭhā paññāveyyattiyādibhedā ca mānussikā sampatti, aparā devaloke ca yā jhānādirati, yā ca yathāvuttappakārā nibbānasampatti cāti idampi tatiyaṃ odhiso sabbametena labbhatīti. Evampettha atthavaṇṇanā veditabbā.
жуд̣̇д̣̇асамаг̇аат̇ааван̣н̣анаа
Cuddasamagāthāvaṇṇanā
14. звамимааяа г̇аат̇ааяа бун̃н̃аанубхаавзна лабхид̇аб̣б̣ам̣ сад̣̇д̇хаанусаарийбхааваад̣̇ивасзна бад̇д̇аб̣б̣ам̣ ниб̣б̣аанасамбад̇д̇имби д̣̇ассзд̇ваа ид̣̇аани д̇звиж̇ж̇аубхад̇обхааг̇авимуд̇д̇абхаававасзнаби бад̇д̇аб̣б̣ам̣ д̇амзва д̇асса убааяан̃жа д̣̇ассзнд̇о ‘‘мид̇д̇асамбад̣̇амааг̇аммаа’’д̇и имам̣ г̇аат̇амааха.
14. Evamimāya gāthāya puññānubhāvena labhitabbaṃ saddhānusārībhāvādivasena pattabbaṃ nibbānasampattimpi dassetvā idāni tevijjaubhatobhāgavimuttabhāvavasenapi pattabbaṃ tameva tassa upāyañca dassento ‘‘mittasampadamāgammā’’ti imaṃ gāthamāha.
д̇ассааяам̣ бад̣̇аван̣н̣анаа – самбаж̇ж̇ад̇и зд̇ааяа г̇ун̣авибхууд̇им̣ баабун̣аад̇ийд̇и самбад̣̇аа, мид̇д̇о зва самбад̣̇аа мид̇д̇асамбад̣̇аа, д̇ам̣ мид̇д̇асамбад̣̇ам̣ . ааг̇аммаад̇и ниссааяа. яонисод̇и убааязна. баяун̃ж̇ад̇од̇и яог̇аанудтаанам̣ гарод̇о. виж̇аанаад̇и зд̇ааяаад̇и виж̇ж̇аа, вимужжад̇и зд̇ааяа, саяам̣ ваа вимужжад̇ийд̇и вимуд̇д̇и, виж̇ж̇аа жа вимуд̇д̇и жа виж̇ж̇аавимуд̇д̇ияо, виж̇ж̇аавимуд̇д̇ийсу васийбхааво виж̇ж̇аавимуд̇д̇ивасийбхааво.
Tassāyaṃ padavaṇṇanā – sampajjati etāya guṇavibhūtiṃ pāpuṇātīti sampadā, mitto eva sampadā mittasampadā, taṃ mittasampadaṃ. Āgammāti nissāya. Yonisoti upāyena. Payuñjatoti yogānuṭṭhānaṃ karoto. Vijānāti etāyāti vijjā, vimuccati etāya, sayaṃ vā vimuccatīti vimutti, vijjā ca vimutti ca vijjāvimuttiyo, vijjāvimuttīsu vasībhāvo vijjāvimuttivasībhāvo.
аяам̣ бана ад̇т̇аван̣н̣анаа – явааяам̣ мид̇д̇асамбад̣̇амааг̇амма сад̇т̇аарам̣ ваа ан̃н̃ад̇арам̣ ваа г̇арудтаанияам̣ саб̣рахмажаарим̣ ниссааяа д̇ад̇о оваад̣̇ан̃жа анусаасанин̃жа г̇ахзд̇ваа яат̇аанусидтам̣ бадибад̇д̇ияаа яонисо баяун̃ж̇ад̇о буб̣б̣зниваасаад̣̇ийсу д̇ийсу виж̇ж̇аасу ‘‘д̇ад̇т̇а гад̇амаа вимуд̇д̇и? жид̇д̇асса жа ад̇химуд̇д̇и ниб̣б̣аанан̃жаа’’д̇и (д̇ха. са. 1381) звам̣ ааг̇ад̇ааяа адтасамаабад̇д̇иниб̣б̣аанабхзд̣̇ааяа вимуд̇д̇ияаа жа д̇ат̇аа д̇ат̇аа ад̣̇анд̇хааяид̇ад̇д̇зна васийбхааво, ид̣̇амби жад̇уд̇т̇ам̣ од̇хисо саб̣б̣амзд̇зна лаб̣бхад̇ийд̇и.
Ayaṃ pana atthavaṇṇanā – yvāyaṃ mittasampadamāgamma satthāraṃ vā aññataraṃ vā garuṭṭhāniyaṃ sabrahmacāriṃ nissāya tato ovādañca anusāsaniñca gahetvā yathānusiṭṭhaṃ paṭipattiyā yoniso payuñjato pubbenivāsādīsu tīsu vijjāsu ‘‘tattha katamā vimutti? Cittassa ca adhimutti nibbānañcā’’ti (dha. sa. 1381) evaṃ āgatāya aṭṭhasamāpattinibbānabhedāya vimuttiyā ca tathā tathā adandhāyitattena vasībhāvo, idampi catutthaṃ odhiso sabbametena labbhatīti.
баннарасамаг̇аат̇ааван̣н̣анаа
Pannarasamagāthāvaṇṇanā
15. звамимааяа г̇аат̇ааяа буб̣б̣з гат̇ид̇авиж̇ж̇аавимуд̇д̇ивасийбхаавабхааг̇ияабун̃н̃аанубхаавзна лабхид̇аб̣б̣ам̣ д̇звиж̇ж̇аубхад̇обхааг̇авимуд̇д̇абхаававасзнаби бад̇д̇аб̣б̣ам̣ ниб̣б̣аанасамбад̇д̇им̣ д̣̇ассзд̇ваа ид̣̇аани яасмаа виж̇ж̇аавимуд̇д̇ивасийбхааваббад̇д̇аа д̇звиж̇ж̇аа убхад̇обхааг̇авимуд̇д̇ааби саб̣б̣з бадисамбхид̣̇аад̣̇иг̇ун̣авибхууд̇им̣ лабханд̇и, имааяа бун̃н̃асамбад̣̇ааяа жа д̇ассаа г̇ун̣авибхууд̇ияаа бад̣̇адтаанавасзна д̇ат̇аа д̇ат̇аа сааби лаб̣бхад̇и, д̇асмаа д̇амби д̣̇ассзнд̇о ‘‘бадисамбхид̣̇аа вимогкаа жаа’’д̇и имам̣ г̇аат̇амааха.
15. Evamimāya gāthāya pubbe kathitavijjāvimuttivasībhāvabhāgiyapuññānubhāvena labhitabbaṃ tevijjaubhatobhāgavimuttabhāvavasenapi pattabbaṃ nibbānasampattiṃ dassetvā idāni yasmā vijjāvimuttivasībhāvappattā tevijjā ubhatobhāgavimuttāpi sabbe paṭisambhidādiguṇavibhūtiṃ labhanti, imāya puññasampadāya ca tassā guṇavibhūtiyā padaṭṭhānavasena tathā tathā sāpi labbhati, tasmā tampi dassento ‘‘paṭisambhidā vimokkhā cā’’ti imaṃ gāthamāha.
‘‘яад̇о саммаа гад̇зна яаа жааяам̣ д̇хаммад̇т̇анируд̇д̇ибадибхаанзсу бабхзд̣̇аг̇ад̇аа бан̃н̃аа бадисамбхид̣̇аа’’д̇и вужжад̇и, яз жимз ‘‘руубий руубаани бассад̇ий’’д̇иаад̣̇инаа (д̣̇ий. ни. 2.129; 3.339) наязна адта вимогкаа, яаа жааяам̣ бхаг̇авад̇о саавагзхи бад̇д̇аб̣б̣аа саавагасамбад̇д̇исаад̇хигаа саавагабаарамий, яаа жа саяамбхубхаавасаад̇хигаа бажжзгаб̣од̇хи, яаа жа саб̣б̣асад̇д̇уд̇д̇амабхаавасаад̇хигаа б̣уд̣̇д̇хабхууми, ид̣̇амби бан̃жамам̣ од̇хисо саб̣б̣амзд̇зна лаб̣бхад̇ийд̇и взд̣̇ид̇аб̣б̣ам̣.
‘‘Yato sammā katena yā cāyaṃ dhammatthaniruttipaṭibhānesu pabhedagatā paññā paṭisambhidā’’ti vuccati, ye cime ‘‘rūpī rūpāni passatī’’tiādinā (dī. ni. 2.129; 3.339) nayena aṭṭha vimokkhā, yā cāyaṃ bhagavato sāvakehi pattabbā sāvakasampattisādhikā sāvakapāramī, yā ca sayambhubhāvasādhikā paccekabodhi, yā ca sabbasattuttamabhāvasādhikā buddhabhūmi, idampi pañcamaṃ odhiso sabbametena labbhatīti veditabbaṃ.
сол̣асамаг̇аат̇ааван̣н̣анаа
Soḷasamagāthāvaṇṇanā
16. звам̣ бхаг̇аваа яам̣ д̇ам̣ ‘‘яам̣ яад̣̇зваабхибад̇т̇знд̇и, саб̣б̣амзд̇зна лаб̣бхад̇ий’’д̇и вуд̇д̇ам̣, д̇ам̣ имаахи бан̃жахи г̇аат̇аахи од̇хисо од̇хисо д̣̇ассзд̇ваа ид̣̇аани саб̣б̣амзвид̣̇ам̣ саб̣б̣агаамад̣̇ад̣̇анид̇хисан̃н̃ид̇ам̣ бун̃н̃асамбад̣̇ам̣ басам̣санд̇о ‘‘звам̣ махад̇т̇игаа зсаа’’д̇и имааяа г̇аат̇ааяа д̣̇зсанам̣ нидтабзси.
16. Evaṃ bhagavā yaṃ taṃ ‘‘yaṃ yadevābhipatthenti, sabbametena labbhatī’’ti vuttaṃ, taṃ imāhi pañcahi gāthāhi odhiso odhiso dassetvā idāni sabbamevidaṃ sabbakāmadadanidhisaññitaṃ puññasampadaṃ pasaṃsanto ‘‘evaṃ mahatthikā esā’’ti imāya gāthāya desanaṃ niṭṭhapesi.
д̇ассааяам̣ бад̣̇аван̣н̣анаа – званд̇и ад̇ийд̇ад̇т̇анид̣̇ассанам̣. маханд̇о ад̇т̇о ассаад̇и махад̇т̇игаа, махад̇о ад̇т̇ааяа сам̣вад̇д̇ад̇ийд̇и вуд̇д̇ам̣ ход̇и, махид̣̇д̇хигаад̇иби баато. зсаад̇и уд̣̇д̣̇зсаважанам̣, д̇зна ‘‘яасса д̣̇аанзна сийлзнаа’’д̇и ид̇о бабхуд̇и яаава ‘‘гаяираат̇а д̇хийро бун̃н̃ааний’’д̇и вуд̇д̇ам̣ бун̃н̃асамбад̣̇ам̣ уд̣̇д̣̇исад̇и. яад̣̇ид̣̇анд̇и абхимукагаран̣ад̇т̇з нибаад̇о, д̇зна зсаад̇и уд̣̇д̣̇идтам̣ нид̣̇д̣̇исид̇ум̣ яаа зсаад̇и абхимукам̣ гарод̇и. бун̃н̃аанам̣ самбад̣̇аа бун̃н̃асамбад̣̇аа . д̇асмаад̇и гааран̣аважанам̣. д̇хийраад̇и д̇хид̇иманд̇о. басам̣санд̇ийд̇и ван̣н̣аяанд̇и. бан̣д̣ид̇аад̇и бан̃н̃аасамбаннаа. гад̇абун̃н̃ад̇анд̇и гад̇абун̃н̃абхаавам̣.
Tassāyaṃ padavaṇṇanā – evanti atītatthanidassanaṃ. Mahanto attho assāti mahatthikā, mahato atthāya saṃvattatīti vuttaṃ hoti, mahiddhikātipi pāṭho. Esāti uddesavacanaṃ, tena ‘‘yassa dānena sīlenā’’ti ito pabhuti yāva ‘‘kayirātha dhīro puññānī’’ti vuttaṃ puññasampadaṃ uddisati. Yadidanti abhimukhakaraṇatthe nipāto, tena esāti uddiṭṭhaṃ niddisituṃ yā esāti abhimukhaṃ karoti. Puññānaṃ sampadā puññasampadā. Tasmāti kāraṇavacanaṃ. Dhīrāti dhitimanto. Pasaṃsantīti vaṇṇayanti. Paṇḍitāti paññāsampannā. Katapuññatanti katapuññabhāvaṃ.
аяам̣ бана ад̇т̇аван̣н̣анаа – ид̇и бхаг̇аваа суван̣н̣ад̇аад̣̇им̣ б̣уд̣̇д̇хабхуумибарияосаанам̣ бун̃н̃асамбад̣̇аанубхаавзна ад̇хиг̇анд̇аб̣б̣амад̇т̇ам̣ ван̣н̣аяид̇ваа ид̣̇аани д̇амзвад̇т̇ам̣ самбин̣д̣зд̇ваа д̣̇ассзнд̇о д̇знзвад̇т̇зна яат̇аавуд̇д̇аббагаарааяа бун̃н̃асамбад̣̇ааяа махад̇т̇игад̇д̇ам̣ т̇унанд̇о ааха – звам̣ махад̇о ад̇т̇асса ааваханзна махад̇т̇игаа зсаа, яад̣̇ид̣̇ам̣ маяаа ‘‘яасса д̣̇аанзна сийлзнаа’’д̇иаад̣̇инаа наязна д̣̇зсид̇аа бун̃н̃асамбад̣̇аа, д̇асмаа маад̣̇исаа сад̇д̇аанам̣ хид̇асукаавахааяа д̇хаммад̣̇зсанааяа агилаасуд̇ааяа яат̇аабхууд̇аг̇ун̣зна жа д̇хийраа бан̣д̣ид̇аа ‘‘асаад̇хааран̣аман̃н̃зсам̣, ажораахаран̣о нид̇хий’’д̇иаад̣̇ийхи ид̇ха вуд̇д̇зхи жа, авуд̇д̇зхи жа ‘‘маа, бхигкавз, бун̃н̃аанам̣ бхааяид̇т̇а, сукассзд̇ам̣, бхигкавз, ад̇хиважанам̣, яад̣̇ид̣̇ам̣ бун̃н̃ааний’’д̇иаад̣̇ийхи (а. ни. 7.62; ид̇иву. 22; нзд̇д̇и. 121) важанзхи анзгаагааравогаарам̣ гад̇абун̃н̃ад̇ам̣ басам̣санд̇и, на багкабаад̇знаад̇и.
Ayaṃ pana atthavaṇṇanā – iti bhagavā suvaṇṇatādiṃ buddhabhūmipariyosānaṃ puññasampadānubhāvena adhigantabbamatthaṃ vaṇṇayitvā idāni tamevatthaṃ sampiṇḍetvā dassento tenevatthena yathāvuttappakārāya puññasampadāya mahatthikattaṃ thunanto āha – evaṃ mahato atthassa āvahanena mahatthikā esā, yadidaṃ mayā ‘‘yassa dānena sīlenā’’tiādinā nayena desitā puññasampadā, tasmā mādisā sattānaṃ hitasukhāvahāya dhammadesanāya akilāsutāya yathābhūtaguṇena ca dhīrā paṇḍitā ‘‘asādhāraṇamaññesaṃ, acorāharaṇo nidhī’’tiādīhi idha vuttehi ca, avuttehi ca ‘‘mā, bhikkhave, puññānaṃ bhāyittha, sukhassetaṃ, bhikkhave, adhivacanaṃ, yadidaṃ puññānī’’tiādīhi (a. ni. 7.62; itivu. 22; netti. 121) vacanehi anekākāravokāraṃ katapuññataṃ pasaṃsanti, na pakkhapātenāti.
д̣̇зсанаабарияосаанз со убаасаго б̣ахуж̇анзна сад̣̇д̇хим̣ сод̇аабад̇д̇ипалз бад̇идтааси, ран̃н̃о жа басзнад̣̇игосаласса санд̇игам̣ г̇анд̇ваа зд̇амад̇т̇ам̣ аарожзси, рааж̇аа ад̇ивияа д̇удто худ̇ваа ‘‘саад̇ху, г̇ахабад̇и, саад̇ху ко д̇вам̣ , г̇ахабад̇и, маад̣̇исзхиби анаахаран̣ийяам̣ нид̇хим̣ нид̇хзсий’’д̇и сам̣раад̇хзд̇ваа махад̇им̣ бууж̇амагаасийд̇и.
Desanāpariyosāne so upāsako bahujanena saddhiṃ sotāpattiphale patiṭṭhāsi, rañño ca pasenadikosalassa santikaṃ gantvā etamatthaṃ ārocesi, rājā ativiya tuṭṭho hutvā ‘‘sādhu, gahapati, sādhu kho tvaṃ , gahapati, mādisehipi anāharaṇīyaṃ nidhiṃ nidhesī’’ti saṃrādhetvā mahatiṃ pūjamakāsīti.
барамад̇т̇аж̇од̇игааяа куд̣̇д̣̇агабаата-адтагат̇ааяа
Paramatthajotikāya khuddakapāṭha-aṭṭhakathāya
нид̇хиган̣д̣асуд̇д̇аван̣н̣анаа нидтид̇аа.
Nidhikaṇḍasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / куд̣̇д̣̇агабаатабаал̣и • Khuddakapāṭhapāḷi / 8. нид̇хиган̣д̣асуд̇д̇ам̣ • 8. Nidhikaṇḍasuttaṃ
