| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
ниг̇аманагат̇аа
Nigamanakathā
зд̇д̇аавад̇аа жа –
Ettāvatā ca –
абхид̇хаммам̣ д̣̇зсзнд̇о, д̇хаммаг̇ару д̇хаммаг̇аараваяуд̇д̇аанам̣;
Abhidhammaṃ desento, dhammagaru dhammagāravayuttānaṃ;
д̣̇зваанам̣ д̣̇звабурз, д̣̇зваг̇ан̣асахассабаривааро.
Devānaṃ devapure, devagaṇasahassaparivāro.
д̣̇уд̇ияам̣ ад̣̇уд̇ияабурисо, яам̣ ааха вибхан̇г̇абагаран̣ам̣ наат̇о;
Dutiyaṃ adutiyapuriso, yaṃ āha vibhaṅgapakaraṇaṃ nātho;
адтаарасахи вибхан̇г̇зхи, ман̣д̣ид̇аман̣д̣абзяяаг̇ун̣о.
Aṭṭhārasahi vibhaṅgehi, maṇḍitamaṇḍapeyyaguṇo.
ад̇т̇аббагаасанад̇т̇ам̣, д̇ассаахам̣ яаажид̇о тид̇аг̇ун̣зна;
Atthappakāsanatthaṃ, tassāhaṃ yācito ṭhitaguṇena;
яад̇инаа ад̣̇анд̇хаг̇ад̇инаа, суб̣уд̣̇д̇хинаа б̣уд̣̇д̇хагхосзна.
Yatinā adandhagatinā, subuddhinā buddhaghosena.
яам̣ аарабхим̣ ражаяид̇ум̣, адтагат̇ам̣ сунибун̣зсу ад̇т̇зсу;
Yaṃ ārabhiṃ racayituṃ, aṭṭhakathaṃ sunipuṇesu atthesu;
саммохавинод̣̇анад̇о, саммохавинод̣̇аним̣ наама.
Sammohavinodanato, sammohavinodaniṃ nāma.
бораан̣адтагат̇аанам̣, саарам̣ аад̣̇ааяа саа аяам̣ нидтам̣;
Porāṇaṭṭhakathānaṃ, sāraṃ ādāya sā ayaṃ niṭṭhaṃ;
бад̇д̇аа ананд̇арааязна, баал̣ияаа бхаан̣аваарзхи.
Pattā anantarāyena, pāḷiyā bhāṇavārehi.
жад̇д̇аалийсааяа яат̇аа, згзна жа звамзва саб̣б̣зби;
Cattālīsāya yathā, ekena ca evameva sabbepi;
нидтам̣ важ̇анд̇у вималаа, манорат̇аа саб̣б̣асад̇д̇аанам̣.
Niṭṭhaṃ vajantu vimalā, manorathā sabbasattānaṃ.
сад̣̇д̇хаммасса тид̇ад̇т̇ам̣, яан̃жа имам̣ ражаяад̇аа маяаа бун̃н̃ам̣;
Saddhammassa ṭhitatthaṃ, yañca imaṃ racayatā mayā puññaṃ;
бад̇д̇ам̣ д̇зна самад̇д̇ам̣, баабун̣ад̇у сад̣̇зваго лого.
Pattaṃ tena samattaṃ, pāpuṇatu sadevako loko.
сужирам̣ д̇идтад̇у д̇хаммо, д̇хаммаабхирад̇о сад̣̇аа бхавад̇у лого;
Suciraṃ tiṭṭhatu dhammo, dhammābhirato sadā bhavatu loko;
нижжам̣ кзмасубхигкаад̣̇и-самбад̣̇аа ж̇анабад̣̇аа хонд̇ууд̇и.
Niccaṃ khemasubhikkhādi-sampadā janapadā hontūti.
барамависуд̣̇д̇хасад̣̇д̇хааб̣уд̣̇д̇хивийрияабадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇усаасанз аббадихад̇ан̃аан̣аббабхаавзна махаавзяяаагаран̣зна гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇ийварзна махаагавинаа бабхиннабадисамбхид̣̇аабариваарз чал̣абхин̃н̃аабадисамбхид̣̇аад̣̇иббабхзд̣̇аг̇ун̣абадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ саммохавинод̣̇аний наама вибхан̇г̇адтагат̇аа.
Paramavisuddhasaddhābuddhivīriyapaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattippabhede sāṭṭhakathe satthusāsane appaṭihatañāṇappabhāvena mahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādīvarena mahākavinā pabhinnapaṭisambhidāparivāre chaḷabhiññāpaṭisambhidādippabhedaguṇapaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ sammohavinodanī nāma vibhaṅgaṭṭhakathā.
д̇аава д̇идтад̇у логасмим̣, логанид̇т̇аран̣зсинам̣;
Tāva tiṭṭhatu lokasmiṃ, lokanittharaṇesinaṃ;
д̣̇ассзнд̇ий гулабуд̇д̇аанам̣, наяам̣ бан̃н̃аависуд̣̇д̇хияаа.
Dassentī kulaputtānaṃ, nayaṃ paññāvisuddhiyā.
яаава б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;
Yāva buddhoti nāmampi, suddhacittassa tādino;
логамхи логаж̇здтасса, бавад̇д̇ад̇и махзсинод̇и.
Lokamhi lokajeṭṭhassa, pavattati mahesinoti.
саммохавинод̣̇аний наама вибхан̇г̇а-адтагат̇аа нидтид̇аа.
Sammohavinodanī nāma vibhaṅga-aṭṭhakathā niṭṭhitā.
