| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
ниг̇аманагат̇аа
Nigamanakathā
зд̇д̇аавад̇аа хи –
Ettāvatā hi –
‘‘б̣ахугаарасса яад̇ийнам̣ вибассанаажааранибун̣аб̣уд̣̇д̇хийнам̣,
‘‘Bahukārassa yatīnaṃ vipassanācāranipuṇabuddhīnaṃ,
сам̣яуд̇д̇аваранигааяасса ад̇т̇асам̣ван̣н̣анам̣ гаад̇ум̣.
Saṃyuttavaranikāyassa atthasaṃvaṇṇanaṃ kātuṃ.
‘‘сад̣̇д̇хаммасса жирадтид̇имаасисамаанзна яаа маяаа;
‘‘Saddhammassa ciraṭṭhitimāsisamānena yā mayā;
нибун̣аа адтагат̇аа аарад̣̇д̇хаа саарад̇т̇абагаасиний наама.
Nipuṇā aṭṭhakathā āraddhā sāratthapakāsinī nāma.
‘‘саа хи махааадтагат̇ааяа саарамаад̣̇ааяа нидтид̇аа зсаа;
‘‘Sā hi mahāaṭṭhakathāya sāramādāya niṭṭhitā esā;
адтасад̇д̇ад̇имад̇д̇ааяа баал̣ияаа бхаан̣аваарзхи.
Aṭṭhasattatimattāya pāḷiyā bhāṇavārehi.
‘‘згуунасадтимад̇д̇о висуд̣̇д̇химаг̇г̇оби бхаан̣аваарзхи;
‘‘Ekūnasaṭṭhimatto visuddhimaggopi bhāṇavārehi;
ад̇т̇аббагаасанад̇т̇ааяа ааг̇амаанам̣ гад̇о яасмаа.
Atthappakāsanatthāya āgamānaṃ kato yasmā.
‘‘д̇асмаа д̇зна сахааяам̣ адтагат̇аа бхаан̣аваараг̇ан̣анааяа;
‘‘Tasmā tena sahāyaṃ aṭṭhakathā bhāṇavāragaṇanāya;
т̇огзна абарибуурам̣ сад̇д̇ад̇им̣сасад̇ам̣ ход̇и.
Thokena aparipūraṃ sattatiṃsasataṃ hoti.
‘‘сад̇д̇ад̇им̣саад̇хигасад̇а-баримаан̣ам̣ бхаан̣аваарад̇о звам̣;
‘‘Sattatiṃsādhikasata-parimāṇaṃ bhāṇavārato evaṃ;
самаяам̣ багаасаяанд̇им̣ махаавихаараад̇хиваасийнам̣.
Samayaṃ pakāsayantiṃ mahāvihārādhivāsīnaṃ.
‘‘мууладтагат̇ааяа саарамаад̣̇ааяа маяаа имам̣ гаронд̇зна;
‘‘Mūlaṭṭhakathāya sāramādāya mayā imaṃ karontena;
яам̣ бун̃н̃амубажид̇ам̣ д̇зна ход̇у саб̣б̣о сукий лого.
Yaṃ puññamupacitaṃ tena hotu sabbo sukhī loko.
‘‘зд̇иссаа гаран̣ад̇т̇ам̣ т̇зрзна бхад̣̇анд̇аж̇од̇ибаалзна;
‘‘Etissā karaṇatthaṃ therena bhadantajotipālena;
сужисийлзна субхаасид̇асса багаасаяанд̇ан̃аан̣зна.
Sucisīlena subhāsitassa pakāsayantañāṇena.
‘‘саасанавибхууд̇игаамзна яаажамаанзна мам̣ субхаг̇ун̣зна;
‘‘Sāsanavibhūtikāmena yācamānena maṃ subhaguṇena;
яам̣ самад̇хиг̇ад̇ам̣ бун̃н̃ам̣ д̇знааби ж̇ано сукий бхавад̇уу’’д̇и.
Yaṃ samadhigataṃ puññaṃ tenāpi jano sukhī bhavatū’’ti.
барамависуд̣̇д̇хасад̣̇д̇хааб̣уд̣̇д̇хивийрияаббадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇усаасанз аббадихад̇ан̃аан̣аббабхаавзна махаавзяяаагаран̣зна гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇ийварзна махаагавинаа бабхиннабадисамбхид̣̇аабариваарз чал̣абхин̃н̃аад̣̇иббабхзд̣̇аг̇ун̣аббадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ саарад̇т̇аббагаасиний наама сам̣яуд̇д̇анигааяадтагат̇аа.
Paramavisuddhasaddhābuddhivīriyappaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattippabhede sāṭṭhakathe satthusāsane appaṭihatañāṇappabhāvena mahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādīvarena mahākavinā pabhinnapaṭisambhidāparivāre chaḷabhiññādippabhedaguṇappaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ sāratthappakāsinī nāma saṃyuttanikāyaṭṭhakathā.
‘‘д̇аава д̇идтад̇у логасмим̣, логанид̇т̇аран̣зсинам̣;
‘‘Tāva tiṭṭhatu lokasmiṃ, lokanittharaṇesinaṃ;
д̣̇ассзнд̇ий гулабуд̇д̇аанам̣, наяам̣ сийлависуд̣̇д̇хияаа.
Dassentī kulaputtānaṃ, nayaṃ sīlavisuddhiyā.
‘‘яаава б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;
‘‘Yāva buddhoti nāmampi, suddhacittassa tādino;
логамхи логаж̇здтасса, бавад̇д̇ад̇и махзсино’’д̇и.
Lokamhi lokajeṭṭhassa, pavattati mahesino’’ti.
саарад̇т̇аббагаасиний наама
Sāratthappakāsinī nāma
сам̣яуд̇д̇анигааяа-адтагат̇аа саб̣б̣аагаарзна нидтид̇аа.
Saṃyuttanikāya-aṭṭhakathā sabbākārena niṭṭhitā.
