| Library / Tipiṭaka / තිපිටක • Tipiṭaka / පඤ්‌චපකරණ-අට්‌ඨකථා • Pañcapakaraṇa-aṭṭhakathā |
නිගමනකථා
Nigamanakathā
එත්‌තාවතා ච –
Ettāvatā ca –
යං වෙ පුග්‌ගලපඤ්‌ඤත්‌තිං, ලොකෙ අප්‌පටිපුග්‌ගලො;
Yaṃ ve puggalapaññattiṃ, loke appaṭipuggalo;
නාතිසඞ්‌ඛෙපතො සත්‌ථා, දෙසෙසි තිදසාලයෙ.
Nātisaṅkhepato satthā, desesi tidasālaye.
තස්‌සා අට්‌ඨකථඤ්‌චෙව, දීපභාසාය සඞ්‌ඛතං;
Tassā aṭṭhakathañceva, dīpabhāsāya saṅkhataṃ;
ආගමට්‌ඨකථායො ච, ඔගාහෙත්‌වා අසෙසතො.
Āgamaṭṭhakathāyo ca, ogāhetvā asesato.
සුවිභත්‌තො අසංකිණ්‌ණො, යො යො අත්‌ථො යහිං යහිං;
Suvibhatto asaṃkiṇṇo, yo yo attho yahiṃ yahiṃ;
තතො තතො තං ගහෙත්‌වා, පහාය අතිවිත්‌ථාරං.
Tato tato taṃ gahetvā, pahāya ativitthāraṃ.
විසුද්‌ධිමග්‌ගෙ යං වුත්‌තං, තං අනාදාය සඞ්‌ඛතා;
Visuddhimagge yaṃ vuttaṃ, taṃ anādāya saṅkhatā;
නාතිසඞ්‌ඛෙපවිත්‌ථාර-නයෙනට්‌ඨකථා අයං.
Nātisaṅkhepavitthāra-nayenaṭṭhakathā ayaṃ.
තං එතං සත්‌තමත්‌තෙහි, භාණවාරෙහි තන්‌තියා;
Taṃ etaṃ sattamattehi, bhāṇavārehi tantiyā;
චිරට්‌ඨිතත්‌ථං ධම්‌මස්‌ස, සඞ්‌ඛරොන්‌තෙන යං මයා.
Ciraṭṭhitatthaṃ dhammassa, saṅkharontena yaṃ mayā.
සම්‌පත්‌තං කුසලං තෙන, සද්‌ධම්‌මං සුඛුමං සිවං;
Sampattaṃ kusalaṃ tena, saddhammaṃ sukhumaṃ sivaṃ;
ඔලොකෙන්‌තු විසුද්‌ධෙන, පාණයො ධම්‌මචක්‌ඛුනාති.
Olokentu visuddhena, pāṇayo dhammacakkhunāti.
පුග්‌ගලපඤ්‌ඤත්‌ති-අට්‌ඨකථා නිට්‌ඨිතා.
Puggalapaññatti-aṭṭhakathā niṭṭhitā.
