| Library / Tipiṭaka / තිපිටක • Tipiṭaka / නෙත්‌තිවිභාවිනී • Nettivibhāvinī |
නිගමනකථා
Nigamanakathā
සබ්‌බසත්‌තුත්‌තමො නාථො, ලොකෙ උප්‌පජ්‌ජි නායකො;
Sabbasattuttamo nātho, loke uppajji nāyako;
සම්‌බුද්‌ධො ගොතමො ජිනො, අනෙකගුණලඞ්‌කතො.
Sambuddho gotamo jino, anekaguṇalaṅkato.
සාසනං තස්‌ස සෙට්‌ඨස්‌ස, අට්‌ඨවස්‌සසතාධිකං;
Sāsanaṃ tassa seṭṭhassa, aṭṭhavassasatādhikaṃ;
ද්‌විසහස්‌සං යදා පත්‌තං, නිම්‌මලං වඩ්‌ඪනං සුභං.
Dvisahassaṃ yadā pattaṃ, nimmalaṃ vaḍḍhanaṃ subhaṃ.
තදා භූමිස්‌සරො මහාධම්‌මරාජා මහිද්‌ධිකො;
Tadā bhūmissaro mahādhammarājā mahiddhiko;
ආණාචක්‌කෙන සාරෙති, රාජා නොඅනුවත්‌තකෙ.
Āṇācakkena sāreti, rājā noanuvattake.
ලද්‌ධා සෙතගජෙ වරෙ, ලොකෙ විම්‌හයජානකෙ;
Laddhā setagaje vare, loke vimhayajānake;
අප්‌පමත්‌තො මහාවීරො, පුඤ්‌ඤං කත්‌වාභිමොදති.
Appamatto mahāvīro, puññaṃ katvābhimodati.
තස්‌මිං වස්‌සෙව සාවණෙ, මාසෙ නවමදිවසෙ;
Tasmiṃ vasseva sāvaṇe, māse navamadivase;
සූරියුග්‌ගමනෙ කාලෙ, නිබ්‌බත්‌තායං විභාවනා.
Sūriyuggamane kāle, nibbattāyaṃ vibhāvanā.
යත්‌තකං සාසනං ඨිතං, තත්‌තකං රචිතං මයා;
Yattakaṃ sāsanaṃ ṭhitaṃ, tattakaṃ racitaṃ mayā;
ඨාතු නෙත්‌තිවිභාවනා, ජිනපුත්‌තහිතාවහා.
Ṭhātu nettivibhāvanā, jinaputtahitāvahā.
ඉති තං රචයන්‌තෙන, පුඤ්‌ඤං අධිගතං මයා;
Iti taṃ racayantena, puññaṃ adhigataṃ mayā;
හොන්‌තු තස්‌සානුභාවෙන, සබ්‌බෙ විමුත්‌තිභාගිනො.
Hontu tassānubhāvena, sabbe vimuttibhāgino.
රාජදෙවී පුත්‌තනත්‌තා, පනත්‌තා ච සජාතිකා;
Rājadevī puttanattā, panattā ca sajātikā;
සබ්‌බෙ රජ්‌ජසුඛෙ ඨත්‌වා, චරන්‌තු චරිතං සුඛී.
Sabbe rajjasukhe ṭhatvā, carantu caritaṃ sukhī.
දෙවො කාලෙ සුවස්‌සතු, සබ්‌බො රට්‌ඨජනො සුඛී;
Devo kāle suvassatu, sabbo raṭṭhajano sukhī;
අඤ්‌ඤමඤ්‌ඤං අහිංසන්‌තො, පියො හොතු හිතාවහොති.
Aññamaññaṃ ahiṃsanto, piyo hotu hitāvahoti.
නෙත්‌තිවිභාවිනී නිට්‌ඨිතා.
Nettivibhāvinī niṭṭhitā.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / නෙත්‌තිප්‌පකරණ-අට්‌ඨකථා • Nettippakaraṇa-aṭṭhakathā / නිගමනකථා • Nigamanakathā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / ඛුද්‌දකනිකාය (ටීකා) • Khuddakanikāya (ṭīkā) / නෙත්‌තිප්‌පකරණ-ටීකා • Nettippakaraṇa-ṭīkā / නිගමනකථාවණ්‌ණනා • Nigamanakathāvaṇṇanā
